मत्ती 27
27
पिलातुस का संमणी यीशु
(मरक 15:1; लूका 23:1-2; यूहन्ना 18:28-32; प्रेरितों 1:18-19)
1अर सुबेर लै के प्रधान याजक ल दाना-सयाणों अर मूसा की व्यवस्था तैं सिखांण वलो ल बल्कि सैरी महासभा का लुखुं ल यीशु तैं मरणै की सलाह कैरी कि 2ऊंल यीशु तैं बन्धवै दींनि अर न्याय कनु कु यहूदिया जिला का रोमी राज्यपाल मा लिजै कै पिलातुस मा सौंपी दींनि।
यहूदा इस्करियोती की आत्महत्या
3जब वेका पकड़ौण वला यहूदा तैं उ पता चलि की उ मरवांणु कु भंगारी ठैरे गै त तब उ भौत पछतै अर ऊं तीस चाँदी का सिक्कों तैं प्रधान याजक मा अर दाना-सयाणों मा वापिस दींणु कु गै। 4अर बोलि निर्दोष आदिम तैं मरणु कु पकड़वै के पाप कैरी पर ऊंल बोलि यां बट्टी हमारो कुई लींण दींण नि च या त तेरी आफत च अर तु जांण। 5तब उ ऊं सिक्कों तैं यरूशलेम शहर का मन्दिर का चौक मा फेंकी के चलि गै अर भैर जै के अफ फांस खै दींनि। 6प्रधान याजक ल ऊं सिक्कों तैं ले के बोलि “मूसा कि व्यवस्था का अनुसार यूं पैसों तैं मन्दिर का भण्डार मा रखण ठिक नि च, किलैकि यु एक मनिख की ल्वे बुगांण कु दिये गै दाम च।” 7अर ऊंल सलाह कैरी कै ऊं सिक्कों से परदेशी लुखुं तैं दफनौंणु कु माटा का भांडा बंणौण वला को पुंगड़ो मोल ले दींनि। 8ये कारण से उ पुंगड़ो आज तक ल्वे को पुंगड़ो मंणै जांदु। 9तब जु वचन यिर्मयाह जु परमेश्वर का तरपां बट्टी बुल्ण वला मा बट्टी बोलि छो उ पूरो हवे ऊंल उ तीस सिक्का वीं ठैरैइं कीमत तैं जै तैं इस्राएल का लुखुं ल वे कु दींणु कु सहमत हवे छा ले लींनि। 10अर जन प्रभु ल मि तैं आज्ञा दे छै उन ही ऊं तैं माटा का भांडा बंणौण वला पुंगड़ा कीमत मा दे दींनि।
पिलातुस कु यीशु बट्टी प्रश्न
(मरक 15:2-5; लूका 23:3-5; यूहन्ना 18:33-38)
11जब यीशु राज्यपाल का संमणी खड़ो छो त पिलातुस ल यीशु तैं पूछि, “क्य तु यहूदियों कु राजा छै?” यीशु ल पिलातुस तैं जवाब दींनि “सचै यु ही च जु तू बुल्णी छै।” 12जब प्रधान याजक अर दाना-सयाणों यीशु पर भौत बातों कु भंगार लगांणा छा। त वेल कुई भि जवाब नि दींनि। 13“ईं बात पर पिलातुस ल वेकु बोलि” क्य तु नि सुंनि कि यु तेरा खिलाफ मा कथग गव्है दींणा छिनी? 14पर यीशु ल फिर कुई जवाब नि दे किलैकि उ शांत छो यु देखि के वेल कुछ नि बोलि इख तक की पिलातुस राज्यपाल भि भैचक मा पोड़ि गै।
यीशु तैं छुड़ौण मा पिलातुस असफल
(मरक 15:6-15; लूका 23:13-25; यूहन्ना 18:39-19:16)
15राज्यपालों की या रीत छै कि फसह का त्योहार मा उ कै एक कैदी तैं जै तैं भि लोग चांदा छा छोड़ी दींदु छो। 16वे बगत यीशु का इख, बरअब्बा नौं कु एक जंणयूं-मंणय्युं बंधि छो। 17अर जब उ कठ्ठा हवेनि त पिलातुस ल ऊंमा बोलि “तुम कै तैं चांणा छा कि मि वे तुम कु छोड़ी द्यो” बरअब्बा तैं या यीशु तैं जु मसीह कैलादों च? 18किलैकि उ जंणदु छो कि प्रधान याजक ल यीशु तैं जलन खोरि मा पकड़वे छो। 19जब उ न्याय आसण पर बैठयूं छो त वेकी घरवलि ल वेकु सवाल भेजि कि “तु वे धर्मी का मामला मा हथ नि डाली किलैकि मिल आज सुपन्या मा वेका कारण भौत दुःख उठै।” 20प्रधान याजक ल अर दाना-सयाणों ल लुखुं की भीड़ तैं उगसै कि उ पिलातुस बट्टी यीशु तैं छुड़णा का बदला बरअब्बा तैं मांगि ल्योनु अर यीशु को नाश करौंनु। 21राज्यपाल ल लुखुं मा पूछि “यूं द्वीयूं मा बट्टी तुम कै तैं चांणा छा कि मि तुम कु वे तैं छोड़ी द्यों” अर ऊंल बोलि बरअब्बा तैं। 22पिलातुस ल ऊंमा फिर पूछि, “जैकु तुम यहूदियों कु राजा यीशु मसीह बुल्णा छा वेको मिल क्य कन?” भीड़ फिर चिल्लै की “वे तैं सूली पर चढ़ै के मारि द्या” 23हाकीमा ल बोलि, “किलै येल क्य बुरै कैरी पर भीड़ और जोर से चिल्लै यु तैं सूली पर चड़ैये जौं।” 24जब पिलातुस ल देखि कि कुछ नि हवे सकदु पर हल्ला और जादा बडणु च त वेल पांणी ले के भीड़ का संमणी अपड़ा हथ ध्वे के बोलि, “मि यु धर्मी की ल्वे से निर्दोष छौं अब तुम ही जांणा।” 25सभि लुखुं ल जवाब दींनि कि “यु कु ल्वे कु इल्जाम हम पर अर हमारी सन्तान पर औ।”
सूली पर चढ़ौणु कु सौंपी
26ईं बात पर पिलातुस ल बरअब्बा तैं ऊंकु छोड़ी दींनि अर यीशु तैं कोड़ा मरवै कै रोमी सैनिको तैं सौंपी दींनि कि उ सूली पर चड़ैये जौं।
सिपाहियों द्वारा यीशु कु अपमान
(मरक 15:16-20; यूहन्ना 19:2-3)
27तब राज्यपाल का सिपैयूं ल यीशु तैं किला मा लीके गैनी अर यीशु का चौतरफी सैरी पलटण तैं बुलै दींनि जु एक सैनिको को भौत बड़ो झुण्ड छो। 28अर ऊंल यीशु का कपड़ा खोलि के वे तैं बैंगनी जु शाही कपड़ा छा पैरेनि जन राजा पैरदो अर वेको ठट्टा कैरी 29अर झिबलांण कु मुगट बूणि कै वेका मुंड मा रखि अर वेका दैंणा हथ मा सरकंडा दे दींनि अर वेका अगनैं घुंडा टेकि के वेको मजाक बंणौण लगि गैनी अर इन बोलि के यीशु तैं प्रणाम कन लगि गैनी “हे यहूदियों का राजा प्रणाम” 30अर वेका मुंड मा सरकंडा ल मरणा छा अर वेको अपमान कन कु वे पर कई बार थुकणा छा। 31जब ऊंल यीशु को मजाक कैरेली छो त तब वे बागा तैं उतारी के फिर वेका कपड़ा वे तैं पैरेनि अर तब वे तैं सूली पर चढ़ाणु कु शहर बट्टी भैर ली गैनी।
यीशु को सूली पर चढै जांण
(मरक 15:21-32; लूका 23:26-39; यूहन्ना 19:17-19)
32भैर जांण दफा ऊं तैं शमौन नौं कु एक कुरेनि जु कै गौं को छो मिली। अर सैनिको ल वे तैं सूली उठै के वीं जगह पर लिजांणु कु जख यीशु तैं सूली पर चड़ौण छो लिजांण की आज्ञा दींनि। 33वीं जगह पर ज्वा गुलगुता नौं जै कु खोपड़ी कि जगह बुल्दींनि उख पौंछि के 34तब सैनिको ल यीशु तैं मुर मिल्युं दाखमधु दींनि जु दर्द तैं मैसूस नि हूंण मा मदद करद पर यीशु ल नि लींनि। 35तब ऊंल यीशु तैं सूली पर कीलों ल ठोकी के चढ़ै दींनि अर वेका कपड़ोंं तैं बंटणु कु पर्ची बणैंनि कि जै तैं जु भि मिललो वे तैं आपस मा बांटि द्याला। 36अर उख बैठी के वेको पैहरा दींण लगि गैनी। 37अर यीशु की भंगार की एक तख्ती लिखीं के वेकी सूली का मथि ठोकी दींनि कि “यु यहूदियों कु राजा यीशु च” 38तब वेका दगड़ा मा अलग अलग सूली पर द्वी डाकूओं तैं एक दैंणि तरपां अर एक बैंं तरपां सूली पर चढ़ै दींनि। 39आंण-जांणवला मुंड हिलै-हिलै के वेकी बुरै कना छा 40अर बुल्दिन उ मन्दिर तैं ढुलण वला अर तीन दिनों मा बनांण वला अफ तैं त बचौ तु परमेश्वर कु नौंनो छै त सूली पर बट्टी उतरी के अफ तैं बचौ। 41अर इन ही प्रधान याजक मूसा की व्यवस्था तैं सिखांण वला अर ऊं लुखुं का दाना-सयाणों समेत मजाक उड़ाणा छा। 42“येल औरों तैं बचै पर अफ तैं नि बचै सकदु हे इस्राएल का लुखुं का राजा मसीह सूली बट्टी उतरी के औ हम भि त्वे तैं देखि कै विश्वास करुला।” 43येल परमेश्वर पर भरोसो रखि जु उ यु तैं चांदु च त अब यु तैं छुड़ैल्यो किलैकि येल बोलि छो कि मि परमेश्वर कु नौंनो छौं। 44इन ही उ डाकु भि जु यीशु का दगड़ा सूली पर चढैयां छा उ भि यीशु कि बुरै कना छा।
यीशु को प्राण छुड़ण
(मरक 15:33-41; लूका 23:44-49; यूहन्ना 19:28-30)
45बारा बजि का लगभग बट्टी तीन बजि का लगभग तक सैरा मुल्क मा अंधेरो छयुं रै। 46तीन बजि का लगभग यीशु ल पुकारी के बोलि “एली-एली लमा शबक्तनी” ज्यांको यु मतलब च हे मेरा परमेश्वर हे मेरा परमेश्वर तिल मि तैं किलै छोड़ेलि? 47जु उख खड़ा छा ऊंमा बट्टी कुछों ल सूंणि पर नि समझणी अर एक दुसरा मा बोलि, “सूंणा यु एलिय्याह तैं अपड़ी मदद कु पुकारणू च।” 48ऊंमा बट्टी एक सिपै भागि के एक स्पंज तैं सिरका मा डुबै के एक सरकंडा पर रखि के यीशु तैं चुसै। 49पर औरों ल बोलि “ठैरी जा देखदां कि एलिय्याह वेको ल्वे का कारण बचौंणु कु औंदु च कि नि औंदु।” 50तब यीशु ल बड़ा शब्द मा चिल्लै कै प्राण छोड़ी दींनि। 51अर देखा यरूशलेम शहर का मन्दिर मा लटकयूँ मोटू परदा जु परमेश्वर की उपस्थित मा जांण से रुकदो छो मथि बट्टी मूड़ि तक फटी के द्वी टुकड़ा हवे गै अर धरती हिलि गै अर चट्टान तड़कि गैनी। 52अर कब्र खुलि गैनी अर सियां पवित्र लोग का भौत मुरयां देह ज्यूंदा हवे गै छा। 53अर ज्यून्दो हूंण का बाद उ कब्रों मा बट्टी निकली के पवित्र शहर मा गैनी अर उ भौत लुखुं तैं दिखै गैनी। 54तब सुबदार अर जु वे दगड़ी यीशु को पहरा दींणा छा भ्युंडोल अर जु कुछ हवे छो वे देखि के भौत डैरी गैनी त बोलि, “सचमुच यु मनिख परमेश्वर कु नौंनो छो” 55उख भौत जनन जु गलील जिला बट्टी यीशु की सेवा करदी ऐ छै उ भि दूर बट्टी यु सब दिखणा छा। 56ऊंमा मरियम जु मगदल गौं की छै अर याकूब अर योसेस कि ब्वे मरियम अर जब्दी का नौंनो कि ब्वे छै।
यीशु तैं दफनये जांण
(मरक 15:42-47; लूका 23:50-56; यूहन्ना 19:38-42)
57जब रुमुक हवे त यूसुफ नौं को अरिमतियाह को एक सेठ मनिख जु अफ भि यीशु को चेला छो। 58तब वेल पिलातुस मा जै के यीशु को मुर्युं देह मांगि वेका मंगण पर पिलातुस ल दींणै की आज्ञा दे दींनि। 59-60तब यूसुफ ल यीशु कि लांश तैं सूली बट्टी उतारी अर एक चदरा लै के वेमा लपेटी के एक पोड़ पर खुदीं कब्र मा छै रखि दींनि अर कब्र का द्वार पर एक गोल ढुंगों लगै दींनि। 61मरियम जु मगदल गौं की छै अर याकूब अर योसेस कि ब्वे मरियम उख कब्र का संमणी बैठी छै।
यीशु की कब्र पर पैहरा
62दुसरा दिन जु कि यहूदियों को विश्राम को दिन जु परमेश्वर कु पवित्र दिन च, कु दिन छो प्रधान याजक अर कुछ फरीसियों ल पिलातुस का संमणी कठ्ठा हवे के बोलि। 63“हे झूठा स्वामी हम तैं याद च कि वे झूठा बुल्ण वला ल जब उ ज्यूँदो छो त वेल बोलि छो कि मेरा मुरणा का तीन दिन का बाद ज्यूँदो हवे जौलु। 64त आज्ञा दे कि तिसरा दिन तक कब्र की ध्यान से रखवलि करे जौ इन नि हो कि वेका चेला ऐ के वेका देह तैं चुरैके लिजौंणु अर लुखुं मा बुल्ण लगि जौनु कि उ मुर्दों मा बट्टी ज्यूँदो हवे गै तब पिछला धोका पैली बट्टी भि बुरो होलो।” 65पिलातुस ल ऊंमा बोलि, “तुम कुछ पैहरदार या सैनिक ले जावा अर जथगा त्वे बट्टी संभव हो उथग कब्र की रखवलि कैरा।” 66इलै उ जै कै कब्र पर अपड़ा निशान का दगड़ी प्रवेश द्वार तैं बंद कैरी के सुरक्षित बणै द्या कि कुई भि वे तैं अपड़ा जगह बट्टी हाटै नि सको।
Currently Selected:
मत्ती 27: GHMNT
Highlight
Share
Copy
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
मत्ती 27
27
पिलातुस का संमणी यीशु
(मरक 15:1; लूका 23:1-2; यूहन्ना 18:28-32; प्रेरितों 1:18-19)
1अर सुबेर लै के प्रधान याजक ल दाना-सयाणों अर मूसा की व्यवस्था तैं सिखांण वलो ल बल्कि सैरी महासभा का लुखुं ल यीशु तैं मरणै की सलाह कैरी कि 2ऊंल यीशु तैं बन्धवै दींनि अर न्याय कनु कु यहूदिया जिला का रोमी राज्यपाल मा लिजै कै पिलातुस मा सौंपी दींनि।
यहूदा इस्करियोती की आत्महत्या
3जब वेका पकड़ौण वला यहूदा तैं उ पता चलि की उ मरवांणु कु भंगारी ठैरे गै त तब उ भौत पछतै अर ऊं तीस चाँदी का सिक्कों तैं प्रधान याजक मा अर दाना-सयाणों मा वापिस दींणु कु गै। 4अर बोलि निर्दोष आदिम तैं मरणु कु पकड़वै के पाप कैरी पर ऊंल बोलि यां बट्टी हमारो कुई लींण दींण नि च या त तेरी आफत च अर तु जांण। 5तब उ ऊं सिक्कों तैं यरूशलेम शहर का मन्दिर का चौक मा फेंकी के चलि गै अर भैर जै के अफ फांस खै दींनि। 6प्रधान याजक ल ऊं सिक्कों तैं ले के बोलि “मूसा कि व्यवस्था का अनुसार यूं पैसों तैं मन्दिर का भण्डार मा रखण ठिक नि च, किलैकि यु एक मनिख की ल्वे बुगांण कु दिये गै दाम च।” 7अर ऊंल सलाह कैरी कै ऊं सिक्कों से परदेशी लुखुं तैं दफनौंणु कु माटा का भांडा बंणौण वला को पुंगड़ो मोल ले दींनि। 8ये कारण से उ पुंगड़ो आज तक ल्वे को पुंगड़ो मंणै जांदु। 9तब जु वचन यिर्मयाह जु परमेश्वर का तरपां बट्टी बुल्ण वला मा बट्टी बोलि छो उ पूरो हवे ऊंल उ तीस सिक्का वीं ठैरैइं कीमत तैं जै तैं इस्राएल का लुखुं ल वे कु दींणु कु सहमत हवे छा ले लींनि। 10अर जन प्रभु ल मि तैं आज्ञा दे छै उन ही ऊं तैं माटा का भांडा बंणौण वला पुंगड़ा कीमत मा दे दींनि।
पिलातुस कु यीशु बट्टी प्रश्न
(मरक 15:2-5; लूका 23:3-5; यूहन्ना 18:33-38)
11जब यीशु राज्यपाल का संमणी खड़ो छो त पिलातुस ल यीशु तैं पूछि, “क्य तु यहूदियों कु राजा छै?” यीशु ल पिलातुस तैं जवाब दींनि “सचै यु ही च जु तू बुल्णी छै।” 12जब प्रधान याजक अर दाना-सयाणों यीशु पर भौत बातों कु भंगार लगांणा छा। त वेल कुई भि जवाब नि दींनि। 13“ईं बात पर पिलातुस ल वेकु बोलि” क्य तु नि सुंनि कि यु तेरा खिलाफ मा कथग गव्है दींणा छिनी? 14पर यीशु ल फिर कुई जवाब नि दे किलैकि उ शांत छो यु देखि के वेल कुछ नि बोलि इख तक की पिलातुस राज्यपाल भि भैचक मा पोड़ि गै।
यीशु तैं छुड़ौण मा पिलातुस असफल
(मरक 15:6-15; लूका 23:13-25; यूहन्ना 18:39-19:16)
15राज्यपालों की या रीत छै कि फसह का त्योहार मा उ कै एक कैदी तैं जै तैं भि लोग चांदा छा छोड़ी दींदु छो। 16वे बगत यीशु का इख, बरअब्बा नौं कु एक जंणयूं-मंणय्युं बंधि छो। 17अर जब उ कठ्ठा हवेनि त पिलातुस ल ऊंमा बोलि “तुम कै तैं चांणा छा कि मि वे तुम कु छोड़ी द्यो” बरअब्बा तैं या यीशु तैं जु मसीह कैलादों च? 18किलैकि उ जंणदु छो कि प्रधान याजक ल यीशु तैं जलन खोरि मा पकड़वे छो। 19जब उ न्याय आसण पर बैठयूं छो त वेकी घरवलि ल वेकु सवाल भेजि कि “तु वे धर्मी का मामला मा हथ नि डाली किलैकि मिल आज सुपन्या मा वेका कारण भौत दुःख उठै।” 20प्रधान याजक ल अर दाना-सयाणों ल लुखुं की भीड़ तैं उगसै कि उ पिलातुस बट्टी यीशु तैं छुड़णा का बदला बरअब्बा तैं मांगि ल्योनु अर यीशु को नाश करौंनु। 21राज्यपाल ल लुखुं मा पूछि “यूं द्वीयूं मा बट्टी तुम कै तैं चांणा छा कि मि तुम कु वे तैं छोड़ी द्यों” अर ऊंल बोलि बरअब्बा तैं। 22पिलातुस ल ऊंमा फिर पूछि, “जैकु तुम यहूदियों कु राजा यीशु मसीह बुल्णा छा वेको मिल क्य कन?” भीड़ फिर चिल्लै की “वे तैं सूली पर चढ़ै के मारि द्या” 23हाकीमा ल बोलि, “किलै येल क्य बुरै कैरी पर भीड़ और जोर से चिल्लै यु तैं सूली पर चड़ैये जौं।” 24जब पिलातुस ल देखि कि कुछ नि हवे सकदु पर हल्ला और जादा बडणु च त वेल पांणी ले के भीड़ का संमणी अपड़ा हथ ध्वे के बोलि, “मि यु धर्मी की ल्वे से निर्दोष छौं अब तुम ही जांणा।” 25सभि लुखुं ल जवाब दींनि कि “यु कु ल्वे कु इल्जाम हम पर अर हमारी सन्तान पर औ।”
सूली पर चढ़ौणु कु सौंपी
26ईं बात पर पिलातुस ल बरअब्बा तैं ऊंकु छोड़ी दींनि अर यीशु तैं कोड़ा मरवै कै रोमी सैनिको तैं सौंपी दींनि कि उ सूली पर चड़ैये जौं।
सिपाहियों द्वारा यीशु कु अपमान
(मरक 15:16-20; यूहन्ना 19:2-3)
27तब राज्यपाल का सिपैयूं ल यीशु तैं किला मा लीके गैनी अर यीशु का चौतरफी सैरी पलटण तैं बुलै दींनि जु एक सैनिको को भौत बड़ो झुण्ड छो। 28अर ऊंल यीशु का कपड़ा खोलि के वे तैं बैंगनी जु शाही कपड़ा छा पैरेनि जन राजा पैरदो अर वेको ठट्टा कैरी 29अर झिबलांण कु मुगट बूणि कै वेका मुंड मा रखि अर वेका दैंणा हथ मा सरकंडा दे दींनि अर वेका अगनैं घुंडा टेकि के वेको मजाक बंणौण लगि गैनी अर इन बोलि के यीशु तैं प्रणाम कन लगि गैनी “हे यहूदियों का राजा प्रणाम” 30अर वेका मुंड मा सरकंडा ल मरणा छा अर वेको अपमान कन कु वे पर कई बार थुकणा छा। 31जब ऊंल यीशु को मजाक कैरेली छो त तब वे बागा तैं उतारी के फिर वेका कपड़ा वे तैं पैरेनि अर तब वे तैं सूली पर चढ़ाणु कु शहर बट्टी भैर ली गैनी।
यीशु को सूली पर चढै जांण
(मरक 15:21-32; लूका 23:26-39; यूहन्ना 19:17-19)
32भैर जांण दफा ऊं तैं शमौन नौं कु एक कुरेनि जु कै गौं को छो मिली। अर सैनिको ल वे तैं सूली उठै के वीं जगह पर लिजांणु कु जख यीशु तैं सूली पर चड़ौण छो लिजांण की आज्ञा दींनि। 33वीं जगह पर ज्वा गुलगुता नौं जै कु खोपड़ी कि जगह बुल्दींनि उख पौंछि के 34तब सैनिको ल यीशु तैं मुर मिल्युं दाखमधु दींनि जु दर्द तैं मैसूस नि हूंण मा मदद करद पर यीशु ल नि लींनि। 35तब ऊंल यीशु तैं सूली पर कीलों ल ठोकी के चढ़ै दींनि अर वेका कपड़ोंं तैं बंटणु कु पर्ची बणैंनि कि जै तैं जु भि मिललो वे तैं आपस मा बांटि द्याला। 36अर उख बैठी के वेको पैहरा दींण लगि गैनी। 37अर यीशु की भंगार की एक तख्ती लिखीं के वेकी सूली का मथि ठोकी दींनि कि “यु यहूदियों कु राजा यीशु च” 38तब वेका दगड़ा मा अलग अलग सूली पर द्वी डाकूओं तैं एक दैंणि तरपां अर एक बैंं तरपां सूली पर चढ़ै दींनि। 39आंण-जांणवला मुंड हिलै-हिलै के वेकी बुरै कना छा 40अर बुल्दिन उ मन्दिर तैं ढुलण वला अर तीन दिनों मा बनांण वला अफ तैं त बचौ तु परमेश्वर कु नौंनो छै त सूली पर बट्टी उतरी के अफ तैं बचौ। 41अर इन ही प्रधान याजक मूसा की व्यवस्था तैं सिखांण वला अर ऊं लुखुं का दाना-सयाणों समेत मजाक उड़ाणा छा। 42“येल औरों तैं बचै पर अफ तैं नि बचै सकदु हे इस्राएल का लुखुं का राजा मसीह सूली बट्टी उतरी के औ हम भि त्वे तैं देखि कै विश्वास करुला।” 43येल परमेश्वर पर भरोसो रखि जु उ यु तैं चांदु च त अब यु तैं छुड़ैल्यो किलैकि येल बोलि छो कि मि परमेश्वर कु नौंनो छौं। 44इन ही उ डाकु भि जु यीशु का दगड़ा सूली पर चढैयां छा उ भि यीशु कि बुरै कना छा।
यीशु को प्राण छुड़ण
(मरक 15:33-41; लूका 23:44-49; यूहन्ना 19:28-30)
45बारा बजि का लगभग बट्टी तीन बजि का लगभग तक सैरा मुल्क मा अंधेरो छयुं रै। 46तीन बजि का लगभग यीशु ल पुकारी के बोलि “एली-एली लमा शबक्तनी” ज्यांको यु मतलब च हे मेरा परमेश्वर हे मेरा परमेश्वर तिल मि तैं किलै छोड़ेलि? 47जु उख खड़ा छा ऊंमा बट्टी कुछों ल सूंणि पर नि समझणी अर एक दुसरा मा बोलि, “सूंणा यु एलिय्याह तैं अपड़ी मदद कु पुकारणू च।” 48ऊंमा बट्टी एक सिपै भागि के एक स्पंज तैं सिरका मा डुबै के एक सरकंडा पर रखि के यीशु तैं चुसै। 49पर औरों ल बोलि “ठैरी जा देखदां कि एलिय्याह वेको ल्वे का कारण बचौंणु कु औंदु च कि नि औंदु।” 50तब यीशु ल बड़ा शब्द मा चिल्लै कै प्राण छोड़ी दींनि। 51अर देखा यरूशलेम शहर का मन्दिर मा लटकयूँ मोटू परदा जु परमेश्वर की उपस्थित मा जांण से रुकदो छो मथि बट्टी मूड़ि तक फटी के द्वी टुकड़ा हवे गै अर धरती हिलि गै अर चट्टान तड़कि गैनी। 52अर कब्र खुलि गैनी अर सियां पवित्र लोग का भौत मुरयां देह ज्यूंदा हवे गै छा। 53अर ज्यून्दो हूंण का बाद उ कब्रों मा बट्टी निकली के पवित्र शहर मा गैनी अर उ भौत लुखुं तैं दिखै गैनी। 54तब सुबदार अर जु वे दगड़ी यीशु को पहरा दींणा छा भ्युंडोल अर जु कुछ हवे छो वे देखि के भौत डैरी गैनी त बोलि, “सचमुच यु मनिख परमेश्वर कु नौंनो छो” 55उख भौत जनन जु गलील जिला बट्टी यीशु की सेवा करदी ऐ छै उ भि दूर बट्टी यु सब दिखणा छा। 56ऊंमा मरियम जु मगदल गौं की छै अर याकूब अर योसेस कि ब्वे मरियम अर जब्दी का नौंनो कि ब्वे छै।
यीशु तैं दफनये जांण
(मरक 15:42-47; लूका 23:50-56; यूहन्ना 19:38-42)
57जब रुमुक हवे त यूसुफ नौं को अरिमतियाह को एक सेठ मनिख जु अफ भि यीशु को चेला छो। 58तब वेल पिलातुस मा जै के यीशु को मुर्युं देह मांगि वेका मंगण पर पिलातुस ल दींणै की आज्ञा दे दींनि। 59-60तब यूसुफ ल यीशु कि लांश तैं सूली बट्टी उतारी अर एक चदरा लै के वेमा लपेटी के एक पोड़ पर खुदीं कब्र मा छै रखि दींनि अर कब्र का द्वार पर एक गोल ढुंगों लगै दींनि। 61मरियम जु मगदल गौं की छै अर याकूब अर योसेस कि ब्वे मरियम उख कब्र का संमणी बैठी छै।
यीशु की कब्र पर पैहरा
62दुसरा दिन जु कि यहूदियों को विश्राम को दिन जु परमेश्वर कु पवित्र दिन च, कु दिन छो प्रधान याजक अर कुछ फरीसियों ल पिलातुस का संमणी कठ्ठा हवे के बोलि। 63“हे झूठा स्वामी हम तैं याद च कि वे झूठा बुल्ण वला ल जब उ ज्यूँदो छो त वेल बोलि छो कि मेरा मुरणा का तीन दिन का बाद ज्यूँदो हवे जौलु। 64त आज्ञा दे कि तिसरा दिन तक कब्र की ध्यान से रखवलि करे जौ इन नि हो कि वेका चेला ऐ के वेका देह तैं चुरैके लिजौंणु अर लुखुं मा बुल्ण लगि जौनु कि उ मुर्दों मा बट्टी ज्यूँदो हवे गै तब पिछला धोका पैली बट्टी भि बुरो होलो।” 65पिलातुस ल ऊंमा बोलि, “तुम कुछ पैहरदार या सैनिक ले जावा अर जथगा त्वे बट्टी संभव हो उथग कब्र की रखवलि कैरा।” 66इलै उ जै कै कब्र पर अपड़ा निशान का दगड़ी प्रवेश द्वार तैं बंद कैरी के सुरक्षित बणै द्या कि कुई भि वे तैं अपड़ा जगह बट्टी हाटै नि सको।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.