ലൂക്കോസു 2
2
ഏസ്സ് പ്‌റാവി
1അയി കാലാത്ത്‌ല് ഒഗത്തോസു മഗരാജാവു റോമ നാഡ്‌ന ആണ്ടിന്താന്. അയി ഗളിഗേല് റോമ നാഡ്‌ല് എല്ലാ സാരിമ് ആള് കണാക്ക് എ്ഡ്‌ക്കുഡൊ എന്റ് രാജാവു കല്‌പനെ കൊഡുത്താന്. 2റോമ നാഡ്‌ക്ക് പട്ട സ്‌റിയ നാഡ്‌ന കൊറേനോസ് ആണ്ടിന്ത ഗളിഗേല്‌ത്തെ മുദാല് ഈ ആള് കണാക്ക് എ്ഡ്‌ത്താദ്. 3അത്തെ കണാക്ക് കൊഡുക്ക്യ ബേ്ണ്ടി ആള്‌ഗാളൊട്ടുക്കു അവനവാന് പ്‌റാന്ത നാഡ്‌ക്ക് പോനാര്.
4അദ്‌നാലെ ഓസേപ്‌മ് ഗലീലാലിര്‌ക്കുവ നസറേത്ത് എന്നുവ പട്ടണാത്ത്‌ലിന്ത് എഗുദ്യാലിര്‌ക്കുവ ദാവീദ് രാജാവു പ്‌റാന്ത് ബളാന്ത ബെദ്ദ്‌ലെഗേമ് എന്നുവ പട്ടണാക്ക് പോനാന്. എന്ത്‌ക്കെന്റ് സൊന്ന ഓസേപ് ദാവീദ് കാല്‌കെ്ളേക്ക് പട്ടിന്താദ്‌നാലെത്തെ ആങ്ക് പോനാദ്. 5ആള് കണാക്ക് കൊഡുക്ക്യ ബേ്ണ്ടി തനാക്ക് കല്യണ മുഡിത്തിന്തവാള്‌മ് ഒന്റുലു ഉറാങ്കത്തവാള്‌മായിന്ത മറിയ എന്റവാളോഡത്തെ ഓസേപ് ബെദ്ദ്‌ലെഗേമ് പട്ടണാക്ക് പോനാദ്. അദുക്കുള മറിയ ബേ്റായിന്താള്. 6അത്തെ അവാര് അദ്‌ലിര്‌ക്കാട്ടി മറിയാക്ക് സീവാന് മിഞ്ചുവ ഗളിഗെ ആറ്റ്. 7അദ്‌ല് ബെത്ത് മറിയ കോഡില മഗാന സീവാന് മിഞ്ച്‌നാള്. ബട്ടേക്ക്‌റാഗ പോന്റവാര് ബന്റവാര് തങ്കുവ ബീ്ഡ്‌ല് ഇര്‌ക്ക്യ എ്ഡെ ഇല്ലാദിന്ത്‌ദ്. അദ്‌നാലെ മറിയ മഗാന സീലേക്ക് സുറുട്ടി അദ്‌ല് മാഡ്‌ക്ക് തിന്ന്യ പുല്ലെ്ഡ്‌ത്തന്ത് ബെക്കുവ പട്ടഡേക്ക് ക്‌ഡാത്ത്‌നാള്.
ആഡ്‌മാട്ട്യാര്‌മ് സാമിദൂദാര്‌മ്
8അയി നാള് ജാമാത്ത്‌ല് അയി എ്ഡേക്കര്‌ഗെ ഇര്‌ക്കുവ ഒന്റു ബെ്ട്ടറബെ്ളി പട്ട്‌ല് ആഡ്‌മാട്ട്യനാമ് ആഡ്‌ന കാവ കാത്ത്‌കൊണ്ടിന്താര്. 9അദുക്കുള ഒന്റു ആണ്ടവാന് ദൂദാന് അവാര് കണ്ണ്‌ക്ക് എദ്‌ക്ക കാട്ട്‌നാന്. ആണ്ടവാന്‌ക്ക് ഇര്‌ക്കുവ ബെ്ള്‌സ അവാരിന്ത എ്ഡെക്കൊട്ടുക്ക് അഡിത്ത്‌ദ്. അയി ബെ്ള്‌സാന കണ്ട് ആഡ്‌മാട്ട്യനാമ് അഞ്ചിക്കെപട്ട് സദ്‌റ ബെട്ട്‌നാര്. 10അദുക്കുള ദൂദാന് അവാര്‌ക്ക് ഇത്തെ സൊന്നാന്: <<അഞ്ചദേന്, എല്ലാ ആള്‌ഗാള്‌ക്ക്‌മ് ദൊഡ്ഡ പിര്യ ബരുവ ഒന്റു നല്ല സേദിന നിമാക്ക് സൊല്ലുന്റെ. 11ദാവീദ് പ്‌റാന്ത് ബളാന്ത ബെദ്ദ്‌ലെഗേമ് പട്ടണാത്ത്‌ല് നിമാന കാപാറ്റ്‌ന്റവാന് ഇന്റ് പ്‌റാന്ത്‌റ്‌ന്റാന്. അയാള്‌ത്തെ ആണ്ടവാനാന ക്‌റ്‌സ്‌ത്ത്. 12മാഡ്‌ക്ക് തിന്ന്യ പുല്ലെ്ഡ്‌ത്തന്ത് ബെക്കുവ പട്ട്‌ല് സീലേക്ക് സുറുട്ടി ക്‌ഡാത്തിര്‌ക്കുവ ഒന്റു പച്ചെപ്‌ള്ളേന നിമ്മ കാണുവുറു. ആത്തെ നിമാക്ക് അയാള്‌ന നെപ്പ് കെ്ഡേസുവാദുക്കുള്ള അഡ്യാള.>>
13സട്ടന മേലോഗാത്ത്‌ലിന്ത് ബന്ത ദൊഡ്ഡ ഒന്റു കൂട്ട ദൂദാര്‌ഗാള് ഈ ദൂദനോഡ എ്ണേന്ത് സാമിന ഇത്തെ പാഡി മദ്‌സ്‌നാര്.
14<<മേലോഗാത്ത്‌ലിര്‌ക്കുവ സാമിന മദ്‌സ്‌ന്റേമ്.
സാമിക്ക് മെച്ച്‌പ്‌ഡിത്തവാര് ബൂമില് നിമ്മ്‌ദ്യോഡ ഇര്‌ക്കുവാര്.>>
15ദൂദാര് അവാര് പട്ട്‌ലിന്ത് മേലോഗാക്ക് തിരിഗി പോനാര്. അദ്‌ക്ക് പ്‌റ മാട്ട്യനാമ്: <<ആണ്ടവാന് നമാക്ക് സൊന്ന ഈ കാര്യ നഡാന്ത്‌റ്‌ക്കുവാദ്‌ന കാണ്യ ബേ്ണ്ടി നമ്മ ബെദ്ദ്‌ലെഗേമ് ബരിദി പോഗാന്>> എന്റ് തമാക്ക് തമാക്ക് സൊന്നാര്.
16അത്തെ അവാര് കദമൊദ പോയി മറിയനാമ് ഓസേപ്‌നാമ് മാഡ്‌ക്ക് തിന്ന്യ പുല്ലെ്ഡ്‌ത്തന്ത് ബെക്കുവ പട്ട്‌ല് ക്‌ഡാത്തിന്ത പച്ചെപ്‌ള്ളെനാമ് കണ്ടാര്. 17അത്തെ മാട്ട്യനാമ് പച്ചെപ്‌ള്ളേന കണ്ടപ്‌റ ഈ പച്ചെപ്‌ള്ളേന പറ്റി ദൂദാന് സൊന്ന കാര്യഗാള്‌ന അവാര്‌ക്ക് സൊന്നാര്. 18മാട്ട്യനാമ് സൊന്ന കാര്യഗാള്‌ന പറ്റി കേ്ട്ടവാരെല്ല അദിസ്യപട്ടാര്. 19ആന മറിയ ഈ കാര്യഗാള്‌നെല്ല മനേസ്സ്‌കുളാക്ക് ബെത്ത് അദ്‌ന പറ്റി നെനേത്തുകൊണ്ടേ ഇന്താള്. 20ദൂദാന് സൊന്ന പാസെ താനെ മാട്ട്യനാമ്‌ക്ക് എല്ലാ കാര്യഗാള്‌നാമ് കാണ്യാമ് കേ്ള്‌ക്ക്യാമ് മുഡിന്ത്‌ദ്. അദ്‌നാലെ അവാര് സാമി എത്ത്‌റാഗോ ദൊഡ്ഡവാനെന്റ് സൊല്ലി സാമിന മദിസി കൊണ്ടു തിരിഗി പോനാര്.
മഗാക്ക് പേര് ബെക്ക്‌ന്റാര്
21പ്‌റാന്ത് എ്ട്ട് നാള് തെഗേഗാട്ടി മഗാന പരിസേദനെ സാത്ത്‌റ ഗേവ ഗളിഗെ ബന്ത്‌ദ്. അദുക്കുള മറിയ അയി മഗാന ബേ്റാഗാത്ത മുദാല് താനെ ദൂദാന് അവാള്‌ക്ക് സൊല്ലിന്ത പാസെ അയി മഗാക്ക് <<ഏസ്സ്>> എന്റ് പേര് ബെത്താര്.
22മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ പ്‌ള്ളെപൊലെ സാത്ത്‌റ ഇര്‌ക്കുവ നാള്‌ഗാള് മറിയാക്ക്‌മ് ഓസേപ്‌ക്ക്‌മ് തീന്ത പ്‌റ അവാര് മഗാന ആണ്ടവാന്‌ക്ക് ഒപ്പിസ്യ ബേ്ണ്ടി എര്‌സലേമ്‌ക്ക് പോനാര്. 23<<കോഡില് പ്‌റാക്കുവ എല്ലാ ഗണ്ട്‌മക്കാള്‌നാമ് ആണ്ടവാന്‌ക്ക് ബേ്ണ്ടി പ്‌റ്‌ത്ത് ബെക്കുഡൊ>>#പയണ 13:2,12 എന്റ് ആണ്ടവാന് ബെത്ത സട്ടാത്ത്‌ല് എ്ള്‌ദിര്‌ക്കുവാദ്‌ന ഗേയ ബേ്ണ്ടിത്തെ അവാര് പോനാദ്. 24ആണ്ടവാന് ബെത്ത സട്ടാത്ത്‌ല് സൊല്ലിര്‌ക്കുവ പാസെ <<ഒന്റു ജോഡി സോറെ പക്കിനാഗൊ, ഇല്ലപോന റാഡ് മാഡഞ്ചോറെ കുഞ്ചിഗാള്‌നഗൊ പലി കൊഡുക്ക്യ>>#ലേവ്യാര് 12:8 ബേ്ണ്ടിമ്‌ത്തെ അവാര് പോനാദ്.
25അയി ഗളിഗേല് സിമ്മ്യോനു എന്റ് സൊല്ലുവ ഒന്റൊരുത്താന് എര്‌സലേമ്‌ല് ഇന്തിന്താന്. അയാള് നേര്‌മെഗാറാന്‌മ് സാമിക്ക് അഞ്ചി നഡാന്തിന്തവാന്‌മ് ആയിന്താന്. അയാള് ഇസ്‌റവേല് ആള്‌ഗാള്‌ന കാപാറ്റ്‌ന്റവാന് ബര്യ ബേ്ണ്ടി കാത്തിന്തവാന്‌മായിന്താന്. സാമിനിഗാല്‌ത്തെ അയാള്‌ന നഡാത്തികൊണ്ടിന്താദ്. 26ആണ്ടവാന് സൊല്ലി ബ്‌ട്ട കാപാറ്റ്‌ന്റവാനാന ക്‌റ്‌സ്‌ത്ത്‌ന കാണമാട്ട്‌ക്ക് അയാള് സാഗമാട്ടാനെന്റ് സാമിനിഗാല് അയാള്‌ക്ക് സൊല്ലി കൊഡുത്തിന്ത്‌ദ്. 27സാമിനിഗാല് പോയ സൊല്ലി അയാള് സാമിബീ്ഡ്‌ക്ക് പോനാന്. അദുക്കുള മോസെ ബെത്ത സാമി സട്ടപഡി ഗേവ കാര്യഗാള്‌ന ഏസ്സ് എന്നുവ മഗാക്ക് ഗേയ ബേ്ണ്ടി അവ്വ്യപ്പാന് അയി മഗാന അദ്‌ക്ക് എ്ഡ്‌ത്ത് ബന്തിന്താര്. 28പ്‌റ സീമോനു മഗാന കയിക്ക് എ്ഡ്‌ത്ത് സാമിന പരേസികൊണ്ടു ഇത്തെ സൊന്നാന്:
29<<ആണ്ടവാനെ, നീ എനാക്ക് സൊന്ന പാസെ
നിന്ന് ഗിലാസഗാറാന് ആയിര്‌ക്കുവ എനാക്ക് ഇന്നി നിമ്മ്‌ദ്യോഡ സാല.
30-31എന്ത്‌ക്കെന്റ് സൊന്ന എല്ലാ ആള്‌ഗാള്‌മ് കാണുവ ദിന്‌സ്‌ല്
കാപാറ്റ്യ ബേ്ണ്ടി നീ ഒരിക്കി ബെത്ത്‌റ്‌ക്കുവ ആള്‌ന എന്ന് കണ്ണ് കണ്ട്‌ദ്.
32അയാള് ഇസ്‌റവേല്‌ഗാറാര് ആയിര്‌ക്കുവ നിന്ന് ആള്‌ഗാള്‌ക്ക്
മദ്‌പ്പ്‌മ് സാമി പിര്യാന കാണ്യ ബേ്ണ്ടി ബേ്റെ ജാദിഗാള്‌ക്ക് തന്ന് ബെ്ള്‌സാനാമ് കൊഡുക്കുവാന്.>>
33അത്തെ അയി മഗാന പറ്റി സീമോനു സൊന്ന ഈ നായഗാള്‌ന കേ്ട്ട് അയി മഗ അവ്വ്യപ്പനാമ് അദിസ്യപട്ടാര്. 34അവാര്‌ന: <<നിമ്മ നലമായി ഇര്‌ന്>> എന്റ് സൊന്ന പ്‌റ സിമ്മ്യോനു മറിയാക്ക് ഇത്തെ സൊന്നാന്: <<ഇസ്‌റവേല് ആള്‌ഗാള്‌ല് എഞ്ചോ ആള്‌ഗാള് തനാന നമ്പി തപ്പിസി കഡാക്ക്യാമ് നമ്പാത്തവാര് കെ്ട്ട് പോയാമ് സാമി ഈ മഗാന എ്ഡ്‌ത്ത് ബെത്ത്‌റ്‌ന്റാന്. ഈ മഗ സാമി ബെത്ത്‌റ്‌ക്കുവ ഒന്റു അഡ്യാള ആയിര്‌ക്കുവാന്. എഞ്ചോ ആള്‌ഗാള് അയാള്‌ന ബേ്ഡ എന്റ് തള്ളുവാര്. 35അത്തെ ആള്‌ഗാള് മനേസ്സ് കുളാക്കിര്‌ക്കുവ നെനേവുഗാള് ബെ്ളിഗെ ബര്‌മ്. ഒന്റു ബാള് നെഞ്ച്‌ന കുത്തി തൊളേന്ത് പോവ പാസെ നിന്ന് മനേസ്സ്‌ക്ക് ദുക്ക ബര്‌മ്.>>
36അയി കാലാത്ത്‌ല് സാമിദാസി അന്ന എന്നുവ ഒന്റൊരുത്തി ഇന്താള്. ആസേര് ബങ്കെസാത്ത്‌ല പനുവേല് മഗാളായിന്ത ഈ അന്ന എത്ത്‌റാഗോ ബയിസ്സാനവാള് ആയിന്താള്. അവാള് ആളാന് സേന്ത പ്‌റ തന്ന് ആളാനോഡ ഏ്ള് ബര്‌സ്സ മാട്ട്‌ത്തെ ഒന്റായി പെ്ളേത്താള്. 37പ്‌റസാരി അവാള് മ്‌ണ്ടേസ്യായിന്താള്. ഇന്നാല് അവാള്‌ക്ക് എമ്പത്തിനാല് ബയിസ്സായിര്‌ക്ക്‌ന്റ്. സാമിബീ്ഡ്‌ല് അവാള് ഇ്റ്‌ട്ട്‌പഗാല് സാമിന പരേസികൊണ്ടുമു ഒന്റൊന്റു നാള്‌ക്ക് തീനി തിന്നാത്ത പരേസ പരേസികൊണ്ടുമു സാമിന കുമ്മുഡി ബന്താള്. 38അയി ഗളിഗേല് താനെ അന്നാമ് ഏസ്സ് അവ്വ്യപ്പാന്‌ക്ക് അര്‌ഗെ ബന്ത് സാമിന പെരിമെപഡ്യ പ്‌ഡിത്താള്. അദല്ലാദെ താനെ എര്‌സലേമ്‌ല ആള്‌ഗാള്‌ന ബ്‌ഡ്‌സ്‌ന്റവാന്‌ക്ക് ബേ്ണ്ടി കാത്തിന്ത എല്ലാ ആള്‌ഗാള്‌ക്ക്‌മ് ഈ മഗാന പറ്റി സൊല്ല്യ പ്‌ഡിത്താള്.
മറിയാമ് ഓസേപ്‌മ് തിരിഗി പോന്റാര്
39ആണ്ടവാന് ബെത്ത സട്ടപഡി ഗേയ സൊല്ലിര്‌ക്കുവ കാര്യഗാള്‌ന ഗേന്ത് തീത്ത പ്‌റ ഓസേപ്‌മ് മറിയാമ് മഗാന എ്ഡ്‌ത്ത് കൊണ്ടു ഗലീലാലിര്‌ക്കുവ നസറേത്ത് എന്നുവ തമ്മ് സൊന്ത പട്ടണാക്ക് പോനാര്. 40അത്തെ അയി മഗ ബളാന്ത് ദൊഡ്ഡാദായി ബിലപട്ടാന്. അവാന് അറുവുമ് ബുദ്ദിമ് തുമ്പുനവാന് ആനാന്. സാമി പ്‌ണ്ണ്യാമ് അവാനിക്കിന്ത്‌ദ്.
ഏസ്സ് മഗ സാമിബീ്ഡ്‌ക്ക് പോന്റാന്
41എല്ലാ ബര്‌സ്സാമ് പെസഗെ നോമ്പി നാള് ഏസ്സ് അവ്വ്യപ്പനാമ് എര്‌സലേമ്‌ക്ക് പോയിന്താര്. 42ഏസ്സ്‌ക്ക് പന്നന്റ് ബയിസ്സ് ആഗാട്ടിമ് ഒപ്പ ഗേന്ത് ബന്ത പാസെ അവാര് പെസഗെ നോമ്പിക്ക് പോനാര്. 43പെസഗെ നോമ്പി തീന്ത പ്‌റസാരി ഏസ്സ് അവ്വ്യപ്പനാമ് ബീ്ഡ്‌ക്ക് തിരിഗി പോയി കൊണ്ടിന്താര്. ആന ഏസ്സ് മഗ എര്‌സലേമ്‌ല് തങ്കിന്താന്. അയി കാര്യ അവ്വ്യപ്പാന്‌ക്ക് തെര്യാദിന്ത്‌ദ്. 44ഒപ്പ പോനവാര് കൂട്ടാത്ത്‌ല് ഇര്‌ക്കുവാന് എന്റ് നെനേത്ത് അവാര് ഒന്റു നാള് നഡാക്കുവ ദൂര പോന പ്‌റ കൂട്ടകുഡുമ്മഗാറാര് പട്ട്‌ല്‌മ് തമാന തെരിന്റവാര് പട്ട്‌ല്‌മ് അവാന്‌ന പരാക്ക്യ പ്‌ഡിത്താര്. 45ആന അവാര് പട്ട്‌ല് അവാന്‌ന കാണത്താദ്‌നാലെ അവാന്‌ന പരാന്ത് കൊണ്ടു എര്‌സലേമ്‌ക്ക് താനെ അവാര് തിരിഗി പോനാര്. 46മൂറാവാദ് നാള് അവാര് അവാന്‌ന സാമിബീ്ഡ്‌ല് ബെത്ത് കണ്ടാര്. അദുക്കുള അവാന് ബേദബാത്ത്യനാമ് പഡുസുവാദ്‌ന കേ്ട്ട് കൊണ്ടുമു അവാരോഡ കേ്ള്‌വി കേ്ട്ട് കൊണ്ടുമു അവാര് കൂട്ടാത്ത്‌ലിന്താന്. 47ഏസ്സ്‌ക്ക് ഇര്‌ക്കുവ ബുദ്ദിനാമ് അവാന് സൊന്ന ബദ്‌ല്‌നാമ് കേ്ട്ട്‌കൊണ്ടു അദ്‌ലിന്തവാരൊട്ടുക്കു അന്തബ്‌ട്ട്‌പോനാര്. 48മഗാന്‌ന കാണ്‌ഗാട്ടി അവാന് അവ്വ്യപ്പനാമ് അദിസ്യപട്ടാര്. അവാന് അവ്വേസി മറിയ ഇത്തെ കേ്ട്ടാള്: <<മഗാനെ, നീ എന്ത്‌ക്ക് എമാന ഇത്തെ ഗേന്താദ്? നിന്ന് അപ്പാന്‌മ് നാന്‌മ് അങ്കലാപ്‌പട്ട് നിനാന പരാന്ത് കൊണ്ടു ഇന്തേമ്.>>
49അദുക്കുള ഏസ്സ് ഇത്തെ സൊന്നാന്: <<നിമ്മ എന്ത്‌ക്ക് എനാന പരാന്ത് കൊണ്ടിന്താദ്? നാന് എന്നപ്പാന് ബീ്ഡ്‌ല്‌ത്തെ ഇര്‌ക്കുഡൊ എന്നുവാദ് നിമാക്ക് തെരിവാദില്ലേഗ?>> 50ആന, ഏസ്സ് തമാക്ക് സൊന്ന ഈ കാര്യാത്ത്‌ലിര്‌ക്കുവ അര്‌ത്ത എന്തെന്റ് അവ്വ്യപ്പനാമ്‌ക്ക് തെര്യാലെ.
51പ്‌റസാരി ഏസ്സ് തന്ന് അവ്വ്യപ്പനോഡ നസറേത്ത് പട്ടണാക്ക് പോയി അവ്വ്യപ്പാന് സൊല്ലുപഡിക്കിന്താന്. ഈ നഡാന്ത കാര്യഗാള്‌നെല്ല മറിയ തന്ന് മനേസ്സ്‌കുളാക്ക് താനെ ബെത്താള്. 52ആന ഏസ്സ് ബളാന്ത് അറുവുലുമു ബുദ്ദില്‌മ് ദൊഡ്ഡവാനായി സാമി കണ്ണ്‌ക്ക്‌മ് മന്‌സാന് കണ്ണ്‌ക്ക്‌മ് മെച്ച്‌പ്‌ഡിത്തവാന് ആനാന്.
Currently Selected:
ലൂക്കോസു 2: സാമി സേദി
Highlight
Share
Copy
Want to have your highlights saved across all your devices? Sign up or sign in
New Life Computer Institute
ലൂക്കോസു 2
2
ഏസ്സ് പ്‌റാവി
1അയി കാലാത്ത്‌ല് ഒഗത്തോസു മഗരാജാവു റോമ നാഡ്‌ന ആണ്ടിന്താന്. അയി ഗളിഗേല് റോമ നാഡ്‌ല് എല്ലാ സാരിമ് ആള് കണാക്ക് എ്ഡ്‌ക്കുഡൊ എന്റ് രാജാവു കല്‌പനെ കൊഡുത്താന്. 2റോമ നാഡ്‌ക്ക് പട്ട സ്‌റിയ നാഡ്‌ന കൊറേനോസ് ആണ്ടിന്ത ഗളിഗേല്‌ത്തെ മുദാല് ഈ ആള് കണാക്ക് എ്ഡ്‌ത്താദ്. 3അത്തെ കണാക്ക് കൊഡുക്ക്യ ബേ്ണ്ടി ആള്‌ഗാളൊട്ടുക്കു അവനവാന് പ്‌റാന്ത നാഡ്‌ക്ക് പോനാര്.
4അദ്‌നാലെ ഓസേപ്‌മ് ഗലീലാലിര്‌ക്കുവ നസറേത്ത് എന്നുവ പട്ടണാത്ത്‌ലിന്ത് എഗുദ്യാലിര്‌ക്കുവ ദാവീദ് രാജാവു പ്‌റാന്ത് ബളാന്ത ബെദ്ദ്‌ലെഗേമ് എന്നുവ പട്ടണാക്ക് പോനാന്. എന്ത്‌ക്കെന്റ് സൊന്ന ഓസേപ് ദാവീദ് കാല്‌കെ്ളേക്ക് പട്ടിന്താദ്‌നാലെത്തെ ആങ്ക് പോനാദ്. 5ആള് കണാക്ക് കൊഡുക്ക്യ ബേ്ണ്ടി തനാക്ക് കല്യണ മുഡിത്തിന്തവാള്‌മ് ഒന്റുലു ഉറാങ്കത്തവാള്‌മായിന്ത മറിയ എന്റവാളോഡത്തെ ഓസേപ് ബെദ്ദ്‌ലെഗേമ് പട്ടണാക്ക് പോനാദ്. അദുക്കുള മറിയ ബേ്റായിന്താള്. 6അത്തെ അവാര് അദ്‌ലിര്‌ക്കാട്ടി മറിയാക്ക് സീവാന് മിഞ്ചുവ ഗളിഗെ ആറ്റ്. 7അദ്‌ല് ബെത്ത് മറിയ കോഡില മഗാന സീവാന് മിഞ്ച്‌നാള്. ബട്ടേക്ക്‌റാഗ പോന്റവാര് ബന്റവാര് തങ്കുവ ബീ്ഡ്‌ല് ഇര്‌ക്ക്യ എ്ഡെ ഇല്ലാദിന്ത്‌ദ്. അദ്‌നാലെ മറിയ മഗാന സീലേക്ക് സുറുട്ടി അദ്‌ല് മാഡ്‌ക്ക് തിന്ന്യ പുല്ലെ്ഡ്‌ത്തന്ത് ബെക്കുവ പട്ടഡേക്ക് ക്‌ഡാത്ത്‌നാള്.
ആഡ്‌മാട്ട്യാര്‌മ് സാമിദൂദാര്‌മ്
8അയി നാള് ജാമാത്ത്‌ല് അയി എ്ഡേക്കര്‌ഗെ ഇര്‌ക്കുവ ഒന്റു ബെ്ട്ടറബെ്ളി പട്ട്‌ല് ആഡ്‌മാട്ട്യനാമ് ആഡ്‌ന കാവ കാത്ത്‌കൊണ്ടിന്താര്. 9അദുക്കുള ഒന്റു ആണ്ടവാന് ദൂദാന് അവാര് കണ്ണ്‌ക്ക് എദ്‌ക്ക കാട്ട്‌നാന്. ആണ്ടവാന്‌ക്ക് ഇര്‌ക്കുവ ബെ്ള്‌സ അവാരിന്ത എ്ഡെക്കൊട്ടുക്ക് അഡിത്ത്‌ദ്. അയി ബെ്ള്‌സാന കണ്ട് ആഡ്‌മാട്ട്യനാമ് അഞ്ചിക്കെപട്ട് സദ്‌റ ബെട്ട്‌നാര്. 10അദുക്കുള ദൂദാന് അവാര്‌ക്ക് ഇത്തെ സൊന്നാന്: <<അഞ്ചദേന്, എല്ലാ ആള്‌ഗാള്‌ക്ക്‌മ് ദൊഡ്ഡ പിര്യ ബരുവ ഒന്റു നല്ല സേദിന നിമാക്ക് സൊല്ലുന്റെ. 11ദാവീദ് പ്‌റാന്ത് ബളാന്ത ബെദ്ദ്‌ലെഗേമ് പട്ടണാത്ത്‌ല് നിമാന കാപാറ്റ്‌ന്റവാന് ഇന്റ് പ്‌റാന്ത്‌റ്‌ന്റാന്. അയാള്‌ത്തെ ആണ്ടവാനാന ക്‌റ്‌സ്‌ത്ത്. 12മാഡ്‌ക്ക് തിന്ന്യ പുല്ലെ്ഡ്‌ത്തന്ത് ബെക്കുവ പട്ട്‌ല് സീലേക്ക് സുറുട്ടി ക്‌ഡാത്തിര്‌ക്കുവ ഒന്റു പച്ചെപ്‌ള്ളേന നിമ്മ കാണുവുറു. ആത്തെ നിമാക്ക് അയാള്‌ന നെപ്പ് കെ്ഡേസുവാദുക്കുള്ള അഡ്യാള.>>
13സട്ടന മേലോഗാത്ത്‌ലിന്ത് ബന്ത ദൊഡ്ഡ ഒന്റു കൂട്ട ദൂദാര്‌ഗാള് ഈ ദൂദനോഡ എ്ണേന്ത് സാമിന ഇത്തെ പാഡി മദ്‌സ്‌നാര്.
14<<മേലോഗാത്ത്‌ലിര്‌ക്കുവ സാമിന മദ്‌സ്‌ന്റേമ്.
സാമിക്ക് മെച്ച്‌പ്‌ഡിത്തവാര് ബൂമില് നിമ്മ്‌ദ്യോഡ ഇര്‌ക്കുവാര്.>>
15ദൂദാര് അവാര് പട്ട്‌ലിന്ത് മേലോഗാക്ക് തിരിഗി പോനാര്. അദ്‌ക്ക് പ്‌റ മാട്ട്യനാമ്: <<ആണ്ടവാന് നമാക്ക് സൊന്ന ഈ കാര്യ നഡാന്ത്‌റ്‌ക്കുവാദ്‌ന കാണ്യ ബേ്ണ്ടി നമ്മ ബെദ്ദ്‌ലെഗേമ് ബരിദി പോഗാന്>> എന്റ് തമാക്ക് തമാക്ക് സൊന്നാര്.
16അത്തെ അവാര് കദമൊദ പോയി മറിയനാമ് ഓസേപ്‌നാമ് മാഡ്‌ക്ക് തിന്ന്യ പുല്ലെ്ഡ്‌ത്തന്ത് ബെക്കുവ പട്ട്‌ല് ക്‌ഡാത്തിന്ത പച്ചെപ്‌ള്ളെനാമ് കണ്ടാര്. 17അത്തെ മാട്ട്യനാമ് പച്ചെപ്‌ള്ളേന കണ്ടപ്‌റ ഈ പച്ചെപ്‌ള്ളേന പറ്റി ദൂദാന് സൊന്ന കാര്യഗാള്‌ന അവാര്‌ക്ക് സൊന്നാര്. 18മാട്ട്യനാമ് സൊന്ന കാര്യഗാള്‌ന പറ്റി കേ്ട്ടവാരെല്ല അദിസ്യപട്ടാര്. 19ആന മറിയ ഈ കാര്യഗാള്‌നെല്ല മനേസ്സ്‌കുളാക്ക് ബെത്ത് അദ്‌ന പറ്റി നെനേത്തുകൊണ്ടേ ഇന്താള്. 20ദൂദാന് സൊന്ന പാസെ താനെ മാട്ട്യനാമ്‌ക്ക് എല്ലാ കാര്യഗാള്‌നാമ് കാണ്യാമ് കേ്ള്‌ക്ക്യാമ് മുഡിന്ത്‌ദ്. അദ്‌നാലെ അവാര് സാമി എത്ത്‌റാഗോ ദൊഡ്ഡവാനെന്റ് സൊല്ലി സാമിന മദിസി കൊണ്ടു തിരിഗി പോനാര്.
മഗാക്ക് പേര് ബെക്ക്‌ന്റാര്
21പ്‌റാന്ത് എ്ട്ട് നാള് തെഗേഗാട്ടി മഗാന പരിസേദനെ സാത്ത്‌റ ഗേവ ഗളിഗെ ബന്ത്‌ദ്. അദുക്കുള മറിയ അയി മഗാന ബേ്റാഗാത്ത മുദാല് താനെ ദൂദാന് അവാള്‌ക്ക് സൊല്ലിന്ത പാസെ അയി മഗാക്ക് <<ഏസ്സ്>> എന്റ് പേര് ബെത്താര്.
22മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ പ്‌ള്ളെപൊലെ സാത്ത്‌റ ഇര്‌ക്കുവ നാള്‌ഗാള് മറിയാക്ക്‌മ് ഓസേപ്‌ക്ക്‌മ് തീന്ത പ്‌റ അവാര് മഗാന ആണ്ടവാന്‌ക്ക് ഒപ്പിസ്യ ബേ്ണ്ടി എര്‌സലേമ്‌ക്ക് പോനാര്. 23<<കോഡില് പ്‌റാക്കുവ എല്ലാ ഗണ്ട്‌മക്കാള്‌നാമ് ആണ്ടവാന്‌ക്ക് ബേ്ണ്ടി പ്‌റ്‌ത്ത് ബെക്കുഡൊ>>#പയണ 13:2,12 എന്റ് ആണ്ടവാന് ബെത്ത സട്ടാത്ത്‌ല് എ്ള്‌ദിര്‌ക്കുവാദ്‌ന ഗേയ ബേ്ണ്ടിത്തെ അവാര് പോനാദ്. 24ആണ്ടവാന് ബെത്ത സട്ടാത്ത്‌ല് സൊല്ലിര്‌ക്കുവ പാസെ <<ഒന്റു ജോഡി സോറെ പക്കിനാഗൊ, ഇല്ലപോന റാഡ് മാഡഞ്ചോറെ കുഞ്ചിഗാള്‌നഗൊ പലി കൊഡുക്ക്യ>>#ലേവ്യാര് 12:8 ബേ്ണ്ടിമ്‌ത്തെ അവാര് പോനാദ്.
25അയി ഗളിഗേല് സിമ്മ്യോനു എന്റ് സൊല്ലുവ ഒന്റൊരുത്താന് എര്‌സലേമ്‌ല് ഇന്തിന്താന്. അയാള് നേര്‌മെഗാറാന്‌മ് സാമിക്ക് അഞ്ചി നഡാന്തിന്തവാന്‌മ് ആയിന്താന്. അയാള് ഇസ്‌റവേല് ആള്‌ഗാള്‌ന കാപാറ്റ്‌ന്റവാന് ബര്യ ബേ്ണ്ടി കാത്തിന്തവാന്‌മായിന്താന്. സാമിനിഗാല്‌ത്തെ അയാള്‌ന നഡാത്തികൊണ്ടിന്താദ്. 26ആണ്ടവാന് സൊല്ലി ബ്‌ട്ട കാപാറ്റ്‌ന്റവാനാന ക്‌റ്‌സ്‌ത്ത്‌ന കാണമാട്ട്‌ക്ക് അയാള് സാഗമാട്ടാനെന്റ് സാമിനിഗാല് അയാള്‌ക്ക് സൊല്ലി കൊഡുത്തിന്ത്‌ദ്. 27സാമിനിഗാല് പോയ സൊല്ലി അയാള് സാമിബീ്ഡ്‌ക്ക് പോനാന്. അദുക്കുള മോസെ ബെത്ത സാമി സട്ടപഡി ഗേവ കാര്യഗാള്‌ന ഏസ്സ് എന്നുവ മഗാക്ക് ഗേയ ബേ്ണ്ടി അവ്വ്യപ്പാന് അയി മഗാന അദ്‌ക്ക് എ്ഡ്‌ത്ത് ബന്തിന്താര്. 28പ്‌റ സീമോനു മഗാന കയിക്ക് എ്ഡ്‌ത്ത് സാമിന പരേസികൊണ്ടു ഇത്തെ സൊന്നാന്:
29<<ആണ്ടവാനെ, നീ എനാക്ക് സൊന്ന പാസെ
നിന്ന് ഗിലാസഗാറാന് ആയിര്‌ക്കുവ എനാക്ക് ഇന്നി നിമ്മ്‌ദ്യോഡ സാല.
30-31എന്ത്‌ക്കെന്റ് സൊന്ന എല്ലാ ആള്‌ഗാള്‌മ് കാണുവ ദിന്‌സ്‌ല്
കാപാറ്റ്യ ബേ്ണ്ടി നീ ഒരിക്കി ബെത്ത്‌റ്‌ക്കുവ ആള്‌ന എന്ന് കണ്ണ് കണ്ട്‌ദ്.
32അയാള് ഇസ്‌റവേല്‌ഗാറാര് ആയിര്‌ക്കുവ നിന്ന് ആള്‌ഗാള്‌ക്ക്
മദ്‌പ്പ്‌മ് സാമി പിര്യാന കാണ്യ ബേ്ണ്ടി ബേ്റെ ജാദിഗാള്‌ക്ക് തന്ന് ബെ്ള്‌സാനാമ് കൊഡുക്കുവാന്.>>
33അത്തെ അയി മഗാന പറ്റി സീമോനു സൊന്ന ഈ നായഗാള്‌ന കേ്ട്ട് അയി മഗ അവ്വ്യപ്പനാമ് അദിസ്യപട്ടാര്. 34അവാര്‌ന: <<നിമ്മ നലമായി ഇര്‌ന്>> എന്റ് സൊന്ന പ്‌റ സിമ്മ്യോനു മറിയാക്ക് ഇത്തെ സൊന്നാന്: <<ഇസ്‌റവേല് ആള്‌ഗാള്‌ല് എഞ്ചോ ആള്‌ഗാള് തനാന നമ്പി തപ്പിസി കഡാക്ക്യാമ് നമ്പാത്തവാര് കെ്ട്ട് പോയാമ് സാമി ഈ മഗാന എ്ഡ്‌ത്ത് ബെത്ത്‌റ്‌ന്റാന്. ഈ മഗ സാമി ബെത്ത്‌റ്‌ക്കുവ ഒന്റു അഡ്യാള ആയിര്‌ക്കുവാന്. എഞ്ചോ ആള്‌ഗാള് അയാള്‌ന ബേ്ഡ എന്റ് തള്ളുവാര്. 35അത്തെ ആള്‌ഗാള് മനേസ്സ് കുളാക്കിര്‌ക്കുവ നെനേവുഗാള് ബെ്ളിഗെ ബര്‌മ്. ഒന്റു ബാള് നെഞ്ച്‌ന കുത്തി തൊളേന്ത് പോവ പാസെ നിന്ന് മനേസ്സ്‌ക്ക് ദുക്ക ബര്‌മ്.>>
36അയി കാലാത്ത്‌ല് സാമിദാസി അന്ന എന്നുവ ഒന്റൊരുത്തി ഇന്താള്. ആസേര് ബങ്കെസാത്ത്‌ല പനുവേല് മഗാളായിന്ത ഈ അന്ന എത്ത്‌റാഗോ ബയിസ്സാനവാള് ആയിന്താള്. അവാള് ആളാന് സേന്ത പ്‌റ തന്ന് ആളാനോഡ ഏ്ള് ബര്‌സ്സ മാട്ട്‌ത്തെ ഒന്റായി പെ്ളേത്താള്. 37പ്‌റസാരി അവാള് മ്‌ണ്ടേസ്യായിന്താള്. ഇന്നാല് അവാള്‌ക്ക് എമ്പത്തിനാല് ബയിസ്സായിര്‌ക്ക്‌ന്റ്. സാമിബീ്ഡ്‌ല് അവാള് ഇ്റ്‌ട്ട്‌പഗാല് സാമിന പരേസികൊണ്ടുമു ഒന്റൊന്റു നാള്‌ക്ക് തീനി തിന്നാത്ത പരേസ പരേസികൊണ്ടുമു സാമിന കുമ്മുഡി ബന്താള്. 38അയി ഗളിഗേല് താനെ അന്നാമ് ഏസ്സ് അവ്വ്യപ്പാന്‌ക്ക് അര്‌ഗെ ബന്ത് സാമിന പെരിമെപഡ്യ പ്‌ഡിത്താള്. അദല്ലാദെ താനെ എര്‌സലേമ്‌ല ആള്‌ഗാള്‌ന ബ്‌ഡ്‌സ്‌ന്റവാന്‌ക്ക് ബേ്ണ്ടി കാത്തിന്ത എല്ലാ ആള്‌ഗാള്‌ക്ക്‌മ് ഈ മഗാന പറ്റി സൊല്ല്യ പ്‌ഡിത്താള്.
മറിയാമ് ഓസേപ്‌മ് തിരിഗി പോന്റാര്
39ആണ്ടവാന് ബെത്ത സട്ടപഡി ഗേയ സൊല്ലിര്‌ക്കുവ കാര്യഗാള്‌ന ഗേന്ത് തീത്ത പ്‌റ ഓസേപ്‌മ് മറിയാമ് മഗാന എ്ഡ്‌ത്ത് കൊണ്ടു ഗലീലാലിര്‌ക്കുവ നസറേത്ത് എന്നുവ തമ്മ് സൊന്ത പട്ടണാക്ക് പോനാര്. 40അത്തെ അയി മഗ ബളാന്ത് ദൊഡ്ഡാദായി ബിലപട്ടാന്. അവാന് അറുവുമ് ബുദ്ദിമ് തുമ്പുനവാന് ആനാന്. സാമി പ്‌ണ്ണ്യാമ് അവാനിക്കിന്ത്‌ദ്.
ഏസ്സ് മഗ സാമിബീ്ഡ്‌ക്ക് പോന്റാന്
41എല്ലാ ബര്‌സ്സാമ് പെസഗെ നോമ്പി നാള് ഏസ്സ് അവ്വ്യപ്പനാമ് എര്‌സലേമ്‌ക്ക് പോയിന്താര്. 42ഏസ്സ്‌ക്ക് പന്നന്റ് ബയിസ്സ് ആഗാട്ടിമ് ഒപ്പ ഗേന്ത് ബന്ത പാസെ അവാര് പെസഗെ നോമ്പിക്ക് പോനാര്. 43പെസഗെ നോമ്പി തീന്ത പ്‌റസാരി ഏസ്സ് അവ്വ്യപ്പനാമ് ബീ്ഡ്‌ക്ക് തിരിഗി പോയി കൊണ്ടിന്താര്. ആന ഏസ്സ് മഗ എര്‌സലേമ്‌ല് തങ്കിന്താന്. അയി കാര്യ അവ്വ്യപ്പാന്‌ക്ക് തെര്യാദിന്ത്‌ദ്. 44ഒപ്പ പോനവാര് കൂട്ടാത്ത്‌ല് ഇര്‌ക്കുവാന് എന്റ് നെനേത്ത് അവാര് ഒന്റു നാള് നഡാക്കുവ ദൂര പോന പ്‌റ കൂട്ടകുഡുമ്മഗാറാര് പട്ട്‌ല്‌മ് തമാന തെരിന്റവാര് പട്ട്‌ല്‌മ് അവാന്‌ന പരാക്ക്യ പ്‌ഡിത്താര്. 45ആന അവാര് പട്ട്‌ല് അവാന്‌ന കാണത്താദ്‌നാലെ അവാന്‌ന പരാന്ത് കൊണ്ടു എര്‌സലേമ്‌ക്ക് താനെ അവാര് തിരിഗി പോനാര്. 46മൂറാവാദ് നാള് അവാര് അവാന്‌ന സാമിബീ്ഡ്‌ല് ബെത്ത് കണ്ടാര്. അദുക്കുള അവാന് ബേദബാത്ത്യനാമ് പഡുസുവാദ്‌ന കേ്ട്ട് കൊണ്ടുമു അവാരോഡ കേ്ള്‌വി കേ്ട്ട് കൊണ്ടുമു അവാര് കൂട്ടാത്ത്‌ലിന്താന്. 47ഏസ്സ്‌ക്ക് ഇര്‌ക്കുവ ബുദ്ദിനാമ് അവാന് സൊന്ന ബദ്‌ല്‌നാമ് കേ്ട്ട്‌കൊണ്ടു അദ്‌ലിന്തവാരൊട്ടുക്കു അന്തബ്‌ട്ട്‌പോനാര്. 48മഗാന്‌ന കാണ്‌ഗാട്ടി അവാന് അവ്വ്യപ്പനാമ് അദിസ്യപട്ടാര്. അവാന് അവ്വേസി മറിയ ഇത്തെ കേ്ട്ടാള്: <<മഗാനെ, നീ എന്ത്‌ക്ക് എമാന ഇത്തെ ഗേന്താദ്? നിന്ന് അപ്പാന്‌മ് നാന്‌മ് അങ്കലാപ്‌പട്ട് നിനാന പരാന്ത് കൊണ്ടു ഇന്തേമ്.>>
49അദുക്കുള ഏസ്സ് ഇത്തെ സൊന്നാന്: <<നിമ്മ എന്ത്‌ക്ക് എനാന പരാന്ത് കൊണ്ടിന്താദ്? നാന് എന്നപ്പാന് ബീ്ഡ്‌ല്‌ത്തെ ഇര്‌ക്കുഡൊ എന്നുവാദ് നിമാക്ക് തെരിവാദില്ലേഗ?>> 50ആന, ഏസ്സ് തമാക്ക് സൊന്ന ഈ കാര്യാത്ത്‌ലിര്‌ക്കുവ അര്‌ത്ത എന്തെന്റ് അവ്വ്യപ്പനാമ്‌ക്ക് തെര്യാലെ.
51പ്‌റസാരി ഏസ്സ് തന്ന് അവ്വ്യപ്പനോഡ നസറേത്ത് പട്ടണാക്ക് പോയി അവ്വ്യപ്പാന് സൊല്ലുപഡിക്കിന്താന്. ഈ നഡാന്ത കാര്യഗാള്‌നെല്ല മറിയ തന്ന് മനേസ്സ്‌കുളാക്ക് താനെ ബെത്താള്. 52ആന ഏസ്സ് ബളാന്ത് അറുവുലുമു ബുദ്ദില്‌മ് ദൊഡ്ഡവാനായി സാമി കണ്ണ്‌ക്ക്‌മ് മന്‌സാന് കണ്ണ്‌ക്ക്‌മ് മെച്ച്‌പ്‌ഡിത്തവാന് ആനാന്.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Computer Institute