മര്‌ക്കോസു 13
13
സാമിബീ്ഡ് ഇര്‌ക്കമാട്ട എന്റ് സൊന്റാന്
1ഏസ്സ് സാമിബീ്ഡ്‌ലിന്ത് ഇ്റാഗി പോയിക്കൊണ്ടിന്താന്. അദുക്കുള സൊല്ലുപഡി നഡാക്ക്‌ന്റവാര്‌ല് ഒന്റൊരുത്താന് ഏസ്സ്‌ക്ക്: <<ഗുരുവെ, നോഡു! എത്തെത്ത്‌റ കല്ല്‌ഗാള്! സാമിബീ്ഡ്‌ന എത്ത്‌റ അളഗളാഗ കെ്ട്ടിര്‌ക്ക്‌ന്റാര്!>> എന്റ് സൊന്നാന്.
2അദുക്കുള ഏസ്സ് അയി സൊല്ലുപഡി നഡാക്ക്‌ന്റവാന്‌ക്ക്: <<നീ ഈ മ്‌ഗ്‌ന്ത ദിന്‌സ്‌ല് കെ്ട്ടിര്‌ക്കുവ സാമിബീ്ഡ്‌ന കാണുവാലെഗ? ഇദ്‌ല് കെ്ട്ടിര്‌ക്കുവ കല്ല്‌ഗാള് കല്ല് കുദ്ദാക്ക് ഒന്റു കല്ല് ബീസാക്ക് നില്ലാദെ ഇ്ഡിന്ത് തള്ള്‌മ്>> എന്റ് സൊന്നാന്.
കജട്ടാമ് കൊഡിമേമ്
3ഏസ്സ് പ്‌റ ഒലിവു മലേല് സാമിബീ്ഡ്‌ക്ക് നേരെ കുക്കാന്തിന്താന്. അയി സമ്യ പത്ത്‌റോസു, ആക്കോവു, ഓഗന്നാന്, അന്ത്‌റാസ്, ഇവാര് നാക്കാള് സൂഗാന ബന്ത്: 4<<നീ സൊന്ന ഈ കാര്യഗാളെല്ല എന്നാല്‌ക്ക് നഡാക്കുവു എന്റ് എമാക്ക് സൊല്ലു? ഈ കാര്യഗാളെല്ല നഡാന്ത് മുഡ്യ പോന്റു എന്റ് കാട്ടുവാദ്‌ക്കുള്ള അഡ്യാളഗാള് എന്തെല്ല എന്റ് എമാക്ക് സൊല്ലു>> എന്റ് ഏസ്സ്‌ന കേ്ട്ടാര്.
5ഏസ്സ് അവാര്‌ക്ക് ഇത്തെ സൊന്നാന്: <<ആര്‌മ് നിമാന ഏമാത്താദിര്‌ക്ക്യ സൂസാരിത്തിര്‌ന്. 6എഞ്ചോ ആള്‌ഗാള് <നാന്‌ത്തെ ക്‌റ്‌സ്‌ത്ത്> എന്റ് സൊല്ലി എന്ന് പേരെ്ഡ്‌ത്ത് ബരുവാര്. അത്തെ അവാര് എഞ്ചോ ആള്‌ഗാള്‌ന ഏമാത്തുവാര്. 7നിമ്മ ജുദ്ദഗാള്‌നാമ് ജുദ്ദ ഗേവ സേദിഗാള്‌നാമ് കേ്ള്‌ക്കുവുറു. ആന അദ്‌ക്കെല്ല നിമ്മ അഞ്ചബേ്ഡ. അത്തെല്ല നഡാക്കുഡൊ. എന്റാല്‌മ് അദ് എല്ലാദ്‌ക്ക്‌മ് മുഡിവുത്തെ എന്റ്‌മ് നെനേക്ക ബേ്ഡ. 8ഒന്റൊന്റു ജാദിഗാള് ആങ്കീങ്ക് ജുദ്ദ ഗേവാര്. ഒന്റൊന്റു നാഡ്‌ഗാള് ആങ്കീങ്ക് ജുദ്ദ ഗേവാര്. ഒന്റൊന്റു എ്ഡേക്ക്‌റാഗ ബൂമികുലുക്കാമ്, പഞ്ചാമ്, ദൊഡ്ഡുദൊഡ്ഡ നോയിനൊറിഗാള്‌മ് ഉണ്ടാമ്. എന്റാല്‌മ് ഇദെല്ല പ്‌ള്ളെ ഉറുസ്സു ഇ്ളാഗുവാദ്‌ക്ക് സമാത്തെ.
9ആന നിമ്മ നിമാന താനെ സൂസാരിക്കുഡൊ. അവാര് നിമാന പ്‌ഡിത്ത് എഗുദാര് കോഡിദിക്ക് എ്ഡ്‌ത്ത് പോവാര്. അവാര് എഗുദാര് പരേസുവ ബീ്ഡ്‌ക്ക്‌റാഗ ബെത്ത് നിമാന സാട്ടെവാര്‌ല് അഡിക്കുവാര്. എന്ന് പേര്‌ന സൊല്ലി അവാര് നിമാന നാഡ് തലെവാര്‌ഗാള് പട്ട്‌ക്ക്‌മ് രാജാവുഗാള് പട്ട്‌ക്ക്‌മ് എ്ഡ്‌ത്ത് പോയി നില്ല്‌സുവാര്. അദുക്കുള നിമ്മ എനാന പറ്റി അവാര്‌ക്ക് സൊല്ലുവുറു. 10ആന സാമി എല്ലാദ്‌നാമ് ഇല്ലാദെ മാഡുവാദ്‌ക്ക് മുദാല് ഉലഗ പൂര ഈ നല്ല സേദിന സൊല്ലുവാര്. 11അവാര് നിമാന പ്‌ഡിത്ത് എ്ഡ്‌ത്ത് പോയി എഗുദാര് കോഡിദിക്ക് നില്ല്‌സ്‌ഗാട്ടി അവാര്‌ക്ക് എന്ത്‌ന സൊല്ലുഡൊ എന്റ് നെനേത്ത് അര്‌ക്കപഡാദിര്‌ക്കുഡൊ. അയി സമ്യ നിമ്മ് ബായിക്ക് ബരുവാദ്‌ന സൊല്ലുനു. എന്ത്‌ക്കെന്റ് സൊന്ന നിമ്മല്ല സൊല്ലുവാദ് സാമിനിഗാല്‌ത്തെ സൊല്ലുവു.
12പ്‌റാന്തപ്‌റാപ്പ് തന്ന് പ്‌റാന്തപ്‌റാപ്പ്‌നാമ് അപ്പാന് തന്ന് പ്‌ള്ളെനാമ് സദിത്ത് കൊല്ല്യ കൊഡുക്കുവാന്. മക്കാള് അവ്വ്യപ്പാനോഡ പോട്ടിക്ക് നിന്റ് അവാര്‌ന കൊല്ല്യ കൊഡുക്കുവാര്. 13നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്. ആന കഡേഗല മാട്ട്‌ക്ക് നമ്പിക്കേല് ഒറേത്ത് നില്ല്‌ന്റവാന് തപ്പിസി കഡാക്കുവാന്.>>
അപ്പാര കെ്ട്ട കാര്യ
14<< <എല്ലാദ്‌നാമ് അളിത്ത് തള്ളുവ അപ്പാര കെ്ട്ട കാര്യ>#ദാന്യേല് 9:27; 11:31; 12:11 കാണ്യ മുഡ്യാത്ത നെലെ പട്ട്‌ല് ഇര്‌ക്കുവാദ്‌ന നിമ്മ കാണുവുറു. (അദ് എന്ത് എന്റ് അദ്‌ന പറ്റി പഡിക്ക്‌ന്റവാന് നെപ്പ്‌കെ്ഡേസുഡൊ.) അദുക്കുള എഗുദ നാഡ്‌ലിര്‌ക്ക്‌ന്റവാര് മലെഗാള് സാരി ഓഡി പോഡൊ. 15ബീ്ഡ് മ്‌ഗാള് കുദ്ദാക്ക് ഇര്‌ക്ക്‌ന്റവാന് സാമനസട്ടെഗാള്‌ന എ്ഡ്‌ക്ക്യ അഡി ഇ്റാഗ്യാഗൊ തന്ന് ബീ്ഡ്‌കുളാക്ക് നൊഗേയാഗൊ പാങ്കില്ലെ. 16ഗദ്ദേല് ഗിലാസ ഗേന്റവാന് തന്ന് നല്ല സീലെന എ്ഡിക്ക്യ ഗുഡി തിരിഗി പോഗ ബേ്ഡ. 17ബേ്റ്‌ഗാറാര്‌ക്ക്‌മ് പച്ചെപ്‌ള്ളെഗാറാര്‌ക്ക്‌മ് അയി കാല അപ്പാര കജട്ടാത്തെ. 18സളിഗളിഗേല് ഇദെല്ല നഡാക്കാദിരിക്ക്യ പരേസ്‌ന്. 19അയി കാലാക്ക് സാമി ഉലഗാന ദ്‌ട്ട്‌സ്‌നാദ്‌ലിന്ത് ഇന്നാമാട്ട്‌ക്ക് ബരാത്ത ഒന്റു ദൊഡ്ഡ കജട്ട ബര്‌മ്. ഇദേപാസെ ഒന്റു കജട്ട ഇന്നി ബരാമ്‌മാട്ട. 20ആന ആണ്ടവാന് അയി നാള്‌ഗാള്‌ന കമ്മി മാഡാദിന്ത ആര്‌ക്ക്‌മ് താങ്ക്യ മുഡ്യാമാട്ട. ആന താന് തെരിന്തെ്ഡ്‌ത്തവാര്‌ന നെനേത്ത് സാമി അയി നാള്‌ഗാള്‌ന കമ്മി മാഡിര്‌ന്റാന്. 21അയി ഗളിഗേക്ക് ആരാറ്റ നിമാക്ക്: <ക്‌റ്‌സ്‌ത്ത് ഇദാ, ഇദ്‌ലിര്‌ന്റാന്> എന്റ്‌മ് ഇല്ലപോന <ക്‌റ്‌സ്‌ത്ത് അദാ, അദ്‌ലിര്‌ന്റാന്> എന്റ്‌മ് സൊന്നദാന നിമ്മ നമ്പാദേന്. 22പഗ്‌ദ്യാള്‌ഗാള് തമ്മാത്തെ ക്‌റ്‌സ്‌ത്ത് എന്റ്‌മ് ബേ്റെ പഗ്‌ദ്യാള്‌ഗാള് തമ്മാത്തെ സാമിദാസ്‌ഗാള് എന്റ്‌മ് ഉറുട്ടു സൊല്ലി ബരുവാര്. അവാര് സാമി പട്ട്‌ലിന്ത് ബന്തവാര് എന്റ് കാട്ട്യ ദൊഡ്ഡുദൊഡ്ഡ അദിസ്യഗാള് ഗേവാര്. മുഡിന്തളാവുക്കു സാമി തെരിന്തെ്ഡ്‌ത്തവാര്‌ന ഗുഡി ഏമാത്ത്യ ബേ്ണ്ടി അവാര് ഇദെല്ല ഗേവാര്. 23അദ്‌നാലെ നിമ്മ സൂസാരിത്ത് ഇര്‌ക്കുഡൊ. മുദാല് താനെ നാന് നിമാക്ക് ഇദ്‌ന പറ്റി എല്ലാ സൊല്ലി തന്ത്‌റ്‌ന്റെ.>>
മന്‌സാനായി പ്‌റാന്തവാന് പിന്നേമ് ബരുവാന്
24<<ഈ കജട്ടഗാള് തീന്ത പ്‌റ അയി കാലാത്ത്‌ല്
<നേര ഇ്റ്‌ണ്ട് പോമു.
നിലാവു ബെ്ള്‌സ അദിഗ നാള് അഡിക്കമാട്ട,
25ബാന്‌ലിന്ത് ബെ്ള്ളിഗാള് അലേന്ത് കൊണ്ടു ഇര്‌ക്കുവു.
ബാന്‌ല് ഇര്‌ക്കുവാദ് ഒട്ടുക്കു അദ്‌റ്‌സിതള്ളുവു.>#ഏസ്സയ്യാവു 13:10; 34:4
26അദ്‌ക്ക് പ്‌റ മന്‌സാനായി പ്‌റാന്തവാന് മ്‌ഗ്‌ന്ത സക്‌ത്യോഡാമ് മദ്‌പ്പോഡാമ് മഞ്ച്‌ല് ബരുവാദ്‌ന അവാര് കാണുവാര്. 27പ്‌റസാരി അയാള് തന്ന് ദൂദാര്‌ഗാള്‌ന ബൂമിക്ക് സുറ്റുമു സൊല്ലി ബ്‌ട്ട് നാക്ക സാരിന്ത്‌മ് സാമി തെരിന്തെ്ഡ്‌ത്തവാര്‌ന ഒന്റുക്കു സേത്തുവാന്.>>
അത്തി മര പഡുസുവ ഒന്റു കാര്യ
28<<അത്തി മര നിമാക്ക് ഒന്റു കാര്യ പഡിസി തന്റ്. അത്തി മര താറ്‌ഗാള് സില്ല് പൊഡിന്ത് തള്‌ത്തദാന ബേസഗെ പ്‌റാക്ക്യ ആറ്റ് എന്റ് നിമാക്ക് തെരിവു. 29ഇദേപാസെ നാന് സൊന്ന കാര്യഗാള് നഡാക്കുവാദ്‌ന നിമ്മ കാണ്‌ഗാട്ടി അയാള് ബരുവാദ്‌ക്ക് നേര ആറ്റ് എന്റ് നിമാക്ക് തെരിവു. 30ഈ കാര്യഗാളെല്ല നഡാന്ത് തീര മാട്ട്‌ക്ക് ഈ കാലാത്ത്‌ലവാര് ഇല്ലാദാഗമാട്ടാര് എന്റ് നാന് സത്ത്യമായി നിമാക്ക് സൊന്റെ. 31ബാന്‌മ് ബൂമിമ് അളിന്ത് പോമു, ആന നാന് സൊന്ന സൊല്ലുസുലാക്കഗാളൊ അളിന്ത് പോഗമാട്ട.>>
അയി നാളൊ ഗളിഗേഗൊ ആര്‌ക്ക്‌മ് തെര്യ
32<<അയി ബര്യ പോവ നാള്‌മ് ഗളിഗേമ് എന്നാല്‌ക്കെന്റ് ആര്‌ക്ക്‌മ് തെര്യാമാട്ട. മേലോഗാത്ത്‌ല് ഇര്‌ക്കുവ ദൂദാര്‌ഗാള്‌ക്കൊ സാമി മഗാന്‌ക്കൊ അദ് തെര്യാമാട്ട. അദെല്ല അപ്പാനാന സാമി ഒരുത്താന്‌ക്ക്‌ത്തെ തെരിമ്. 33അയി സമ്യ എന്നാല്‌ക്ക് എന്റ് നിമാക്ക് തെര്യാത്താദ്‌നാലെ നിമ്മ സൊക്കാന സൂസാരിത്ത് ഇര്‌ക്കുഡൊ. 34ഇദ്‌ന നാന് നിമാക്ക് ഒന്റു കദേക്ക് എ്ണേത്ത് സൊല്ലി തന്റെ. ഒന്റൊരുത്താന് തന്ന് ബീ്ഡ്‌ന നോഡിര്‌ക്ക്യ ഗിലാസഗാറാര്‌ക്ക് സൊല്ലി തള്ളി ഒന്റു ബട്ടെ പോനാന്. അയാള് ഗിലാസഗാറാര്‌ക്ക് ആള്‌ക്കൊന്റൊന്റു ഗിലാസ ഗേയ സൊല്ലി ബാസ കാവഗാറാന്‌ന സൊക്കാന നോഡിര്‌ക്ക്യാമ് സൊന്നാന്. 35ബീ്ഡ്‌ഗാറാന് മൂവാന്തിക്കൊ, നഡ്‌ജാമാക്കോ, കോയി ജാമാക്കോ, ബെ്ഡ്യാകാലാക്കോ ബരുവാദ് എന്റ് നിമാക്ക് തെര്യാത്താദ്‌നാലെ നിമ്മ ഒപ്പ ഒരിങ്കിര്‌ക്ക്‌ന്റവാരായി ഇര്‌ന്. 36അയാള് സട്ടന ബന്ത് കഡാന്തദാന നിമാന ഉറാങ്ക്‌ന്റവരായി കാണ്യ പാങ്കില്ലെ. 37നിമാക്ക് സൊല്ലുവാദ്‌നത്തെ നാന് ആള്‌ഗാള്‌ക്കൊട്ടുക്കുമു സൊല്ലുന്റെ: <ഉറാങ്കാദെ സൂസാരിത്ത് ഇര്‌ന്!> >>
Currently Selected:
മര്‌ക്കോസു 13: സാമി സേദി
Highlight
Share
Copy
Want to have your highlights saved across all your devices? Sign up or sign in
New Life Computer Institute
മര്‌ക്കോസു 13
13
സാമിബീ്ഡ് ഇര്‌ക്കമാട്ട എന്റ് സൊന്റാന്
1ഏസ്സ് സാമിബീ്ഡ്‌ലിന്ത് ഇ്റാഗി പോയിക്കൊണ്ടിന്താന്. അദുക്കുള സൊല്ലുപഡി നഡാക്ക്‌ന്റവാര്‌ല് ഒന്റൊരുത്താന് ഏസ്സ്‌ക്ക്: <<ഗുരുവെ, നോഡു! എത്തെത്ത്‌റ കല്ല്‌ഗാള്! സാമിബീ്ഡ്‌ന എത്ത്‌റ അളഗളാഗ കെ്ട്ടിര്‌ക്ക്‌ന്റാര്!>> എന്റ് സൊന്നാന്.
2അദുക്കുള ഏസ്സ് അയി സൊല്ലുപഡി നഡാക്ക്‌ന്റവാന്‌ക്ക്: <<നീ ഈ മ്‌ഗ്‌ന്ത ദിന്‌സ്‌ല് കെ്ട്ടിര്‌ക്കുവ സാമിബീ്ഡ്‌ന കാണുവാലെഗ? ഇദ്‌ല് കെ്ട്ടിര്‌ക്കുവ കല്ല്‌ഗാള് കല്ല് കുദ്ദാക്ക് ഒന്റു കല്ല് ബീസാക്ക് നില്ലാദെ ഇ്ഡിന്ത് തള്ള്‌മ്>> എന്റ് സൊന്നാന്.
കജട്ടാമ് കൊഡിമേമ്
3ഏസ്സ് പ്‌റ ഒലിവു മലേല് സാമിബീ്ഡ്‌ക്ക് നേരെ കുക്കാന്തിന്താന്. അയി സമ്യ പത്ത്‌റോസു, ആക്കോവു, ഓഗന്നാന്, അന്ത്‌റാസ്, ഇവാര് നാക്കാള് സൂഗാന ബന്ത്: 4<<നീ സൊന്ന ഈ കാര്യഗാളെല്ല എന്നാല്‌ക്ക് നഡാക്കുവു എന്റ് എമാക്ക് സൊല്ലു? ഈ കാര്യഗാളെല്ല നഡാന്ത് മുഡ്യ പോന്റു എന്റ് കാട്ടുവാദ്‌ക്കുള്ള അഡ്യാളഗാള് എന്തെല്ല എന്റ് എമാക്ക് സൊല്ലു>> എന്റ് ഏസ്സ്‌ന കേ്ട്ടാര്.
5ഏസ്സ് അവാര്‌ക്ക് ഇത്തെ സൊന്നാന്: <<ആര്‌മ് നിമാന ഏമാത്താദിര്‌ക്ക്യ സൂസാരിത്തിര്‌ന്. 6എഞ്ചോ ആള്‌ഗാള് <നാന്‌ത്തെ ക്‌റ്‌സ്‌ത്ത്> എന്റ് സൊല്ലി എന്ന് പേരെ്ഡ്‌ത്ത് ബരുവാര്. അത്തെ അവാര് എഞ്ചോ ആള്‌ഗാള്‌ന ഏമാത്തുവാര്. 7നിമ്മ ജുദ്ദഗാള്‌നാമ് ജുദ്ദ ഗേവ സേദിഗാള്‌നാമ് കേ്ള്‌ക്കുവുറു. ആന അദ്‌ക്കെല്ല നിമ്മ അഞ്ചബേ്ഡ. അത്തെല്ല നഡാക്കുഡൊ. എന്റാല്‌മ് അദ് എല്ലാദ്‌ക്ക്‌മ് മുഡിവുത്തെ എന്റ്‌മ് നെനേക്ക ബേ്ഡ. 8ഒന്റൊന്റു ജാദിഗാള് ആങ്കീങ്ക് ജുദ്ദ ഗേവാര്. ഒന്റൊന്റു നാഡ്‌ഗാള് ആങ്കീങ്ക് ജുദ്ദ ഗേവാര്. ഒന്റൊന്റു എ്ഡേക്ക്‌റാഗ ബൂമികുലുക്കാമ്, പഞ്ചാമ്, ദൊഡ്ഡുദൊഡ്ഡ നോയിനൊറിഗാള്‌മ് ഉണ്ടാമ്. എന്റാല്‌മ് ഇദെല്ല പ്‌ള്ളെ ഉറുസ്സു ഇ്ളാഗുവാദ്‌ക്ക് സമാത്തെ.
9ആന നിമ്മ നിമാന താനെ സൂസാരിക്കുഡൊ. അവാര് നിമാന പ്‌ഡിത്ത് എഗുദാര് കോഡിദിക്ക് എ്ഡ്‌ത്ത് പോവാര്. അവാര് എഗുദാര് പരേസുവ ബീ്ഡ്‌ക്ക്‌റാഗ ബെത്ത് നിമാന സാട്ടെവാര്‌ല് അഡിക്കുവാര്. എന്ന് പേര്‌ന സൊല്ലി അവാര് നിമാന നാഡ് തലെവാര്‌ഗാള് പട്ട്‌ക്ക്‌മ് രാജാവുഗാള് പട്ട്‌ക്ക്‌മ് എ്ഡ്‌ത്ത് പോയി നില്ല്‌സുവാര്. അദുക്കുള നിമ്മ എനാന പറ്റി അവാര്‌ക്ക് സൊല്ലുവുറു. 10ആന സാമി എല്ലാദ്‌നാമ് ഇല്ലാദെ മാഡുവാദ്‌ക്ക് മുദാല് ഉലഗ പൂര ഈ നല്ല സേദിന സൊല്ലുവാര്. 11അവാര് നിമാന പ്‌ഡിത്ത് എ്ഡ്‌ത്ത് പോയി എഗുദാര് കോഡിദിക്ക് നില്ല്‌സ്‌ഗാട്ടി അവാര്‌ക്ക് എന്ത്‌ന സൊല്ലുഡൊ എന്റ് നെനേത്ത് അര്‌ക്കപഡാദിര്‌ക്കുഡൊ. അയി സമ്യ നിമ്മ് ബായിക്ക് ബരുവാദ്‌ന സൊല്ലുനു. എന്ത്‌ക്കെന്റ് സൊന്ന നിമ്മല്ല സൊല്ലുവാദ് സാമിനിഗാല്‌ത്തെ സൊല്ലുവു.
12പ്‌റാന്തപ്‌റാപ്പ് തന്ന് പ്‌റാന്തപ്‌റാപ്പ്‌നാമ് അപ്പാന് തന്ന് പ്‌ള്ളെനാമ് സദിത്ത് കൊല്ല്യ കൊഡുക്കുവാന്. മക്കാള് അവ്വ്യപ്പാനോഡ പോട്ടിക്ക് നിന്റ് അവാര്‌ന കൊല്ല്യ കൊഡുക്കുവാര്. 13നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്. ആന കഡേഗല മാട്ട്‌ക്ക് നമ്പിക്കേല് ഒറേത്ത് നില്ല്‌ന്റവാന് തപ്പിസി കഡാക്കുവാന്.>>
അപ്പാര കെ്ട്ട കാര്യ
14<< <എല്ലാദ്‌നാമ് അളിത്ത് തള്ളുവ അപ്പാര കെ്ട്ട കാര്യ>#ദാന്യേല് 9:27; 11:31; 12:11 കാണ്യ മുഡ്യാത്ത നെലെ പട്ട്‌ല് ഇര്‌ക്കുവാദ്‌ന നിമ്മ കാണുവുറു. (അദ് എന്ത് എന്റ് അദ്‌ന പറ്റി പഡിക്ക്‌ന്റവാന് നെപ്പ്‌കെ്ഡേസുഡൊ.) അദുക്കുള എഗുദ നാഡ്‌ലിര്‌ക്ക്‌ന്റവാര് മലെഗാള് സാരി ഓഡി പോഡൊ. 15ബീ്ഡ് മ്‌ഗാള് കുദ്ദാക്ക് ഇര്‌ക്ക്‌ന്റവാന് സാമനസട്ടെഗാള്‌ന എ്ഡ്‌ക്ക്യ അഡി ഇ്റാഗ്യാഗൊ തന്ന് ബീ്ഡ്‌കുളാക്ക് നൊഗേയാഗൊ പാങ്കില്ലെ. 16ഗദ്ദേല് ഗിലാസ ഗേന്റവാന് തന്ന് നല്ല സീലെന എ്ഡിക്ക്യ ഗുഡി തിരിഗി പോഗ ബേ്ഡ. 17ബേ്റ്‌ഗാറാര്‌ക്ക്‌മ് പച്ചെപ്‌ള്ളെഗാറാര്‌ക്ക്‌മ് അയി കാല അപ്പാര കജട്ടാത്തെ. 18സളിഗളിഗേല് ഇദെല്ല നഡാക്കാദിരിക്ക്യ പരേസ്‌ന്. 19അയി കാലാക്ക് സാമി ഉലഗാന ദ്‌ട്ട്‌സ്‌നാദ്‌ലിന്ത് ഇന്നാമാട്ട്‌ക്ക് ബരാത്ത ഒന്റു ദൊഡ്ഡ കജട്ട ബര്‌മ്. ഇദേപാസെ ഒന്റു കജട്ട ഇന്നി ബരാമ്‌മാട്ട. 20ആന ആണ്ടവാന് അയി നാള്‌ഗാള്‌ന കമ്മി മാഡാദിന്ത ആര്‌ക്ക്‌മ് താങ്ക്യ മുഡ്യാമാട്ട. ആന താന് തെരിന്തെ്ഡ്‌ത്തവാര്‌ന നെനേത്ത് സാമി അയി നാള്‌ഗാള്‌ന കമ്മി മാഡിര്‌ന്റാന്. 21അയി ഗളിഗേക്ക് ആരാറ്റ നിമാക്ക്: <ക്‌റ്‌സ്‌ത്ത് ഇദാ, ഇദ്‌ലിര്‌ന്റാന്> എന്റ്‌മ് ഇല്ലപോന <ക്‌റ്‌സ്‌ത്ത് അദാ, അദ്‌ലിര്‌ന്റാന്> എന്റ്‌മ് സൊന്നദാന നിമ്മ നമ്പാദേന്. 22പഗ്‌ദ്യാള്‌ഗാള് തമ്മാത്തെ ക്‌റ്‌സ്‌ത്ത് എന്റ്‌മ് ബേ്റെ പഗ്‌ദ്യാള്‌ഗാള് തമ്മാത്തെ സാമിദാസ്‌ഗാള് എന്റ്‌മ് ഉറുട്ടു സൊല്ലി ബരുവാര്. അവാര് സാമി പട്ട്‌ലിന്ത് ബന്തവാര് എന്റ് കാട്ട്യ ദൊഡ്ഡുദൊഡ്ഡ അദിസ്യഗാള് ഗേവാര്. മുഡിന്തളാവുക്കു സാമി തെരിന്തെ്ഡ്‌ത്തവാര്‌ന ഗുഡി ഏമാത്ത്യ ബേ്ണ്ടി അവാര് ഇദെല്ല ഗേവാര്. 23അദ്‌നാലെ നിമ്മ സൂസാരിത്ത് ഇര്‌ക്കുഡൊ. മുദാല് താനെ നാന് നിമാക്ക് ഇദ്‌ന പറ്റി എല്ലാ സൊല്ലി തന്ത്‌റ്‌ന്റെ.>>
മന്‌സാനായി പ്‌റാന്തവാന് പിന്നേമ് ബരുവാന്
24<<ഈ കജട്ടഗാള് തീന്ത പ്‌റ അയി കാലാത്ത്‌ല്
<നേര ഇ്റ്‌ണ്ട് പോമു.
നിലാവു ബെ്ള്‌സ അദിഗ നാള് അഡിക്കമാട്ട,
25ബാന്‌ലിന്ത് ബെ്ള്ളിഗാള് അലേന്ത് കൊണ്ടു ഇര്‌ക്കുവു.
ബാന്‌ല് ഇര്‌ക്കുവാദ് ഒട്ടുക്കു അദ്‌റ്‌സിതള്ളുവു.>#ഏസ്സയ്യാവു 13:10; 34:4
26അദ്‌ക്ക് പ്‌റ മന്‌സാനായി പ്‌റാന്തവാന് മ്‌ഗ്‌ന്ത സക്‌ത്യോഡാമ് മദ്‌പ്പോഡാമ് മഞ്ച്‌ല് ബരുവാദ്‌ന അവാര് കാണുവാര്. 27പ്‌റസാരി അയാള് തന്ന് ദൂദാര്‌ഗാള്‌ന ബൂമിക്ക് സുറ്റുമു സൊല്ലി ബ്‌ട്ട് നാക്ക സാരിന്ത്‌മ് സാമി തെരിന്തെ്ഡ്‌ത്തവാര്‌ന ഒന്റുക്കു സേത്തുവാന്.>>
അത്തി മര പഡുസുവ ഒന്റു കാര്യ
28<<അത്തി മര നിമാക്ക് ഒന്റു കാര്യ പഡിസി തന്റ്. അത്തി മര താറ്‌ഗാള് സില്ല് പൊഡിന്ത് തള്‌ത്തദാന ബേസഗെ പ്‌റാക്ക്യ ആറ്റ് എന്റ് നിമാക്ക് തെരിവു. 29ഇദേപാസെ നാന് സൊന്ന കാര്യഗാള് നഡാക്കുവാദ്‌ന നിമ്മ കാണ്‌ഗാട്ടി അയാള് ബരുവാദ്‌ക്ക് നേര ആറ്റ് എന്റ് നിമാക്ക് തെരിവു. 30ഈ കാര്യഗാളെല്ല നഡാന്ത് തീര മാട്ട്‌ക്ക് ഈ കാലാത്ത്‌ലവാര് ഇല്ലാദാഗമാട്ടാര് എന്റ് നാന് സത്ത്യമായി നിമാക്ക് സൊന്റെ. 31ബാന്‌മ് ബൂമിമ് അളിന്ത് പോമു, ആന നാന് സൊന്ന സൊല്ലുസുലാക്കഗാളൊ അളിന്ത് പോഗമാട്ട.>>
അയി നാളൊ ഗളിഗേഗൊ ആര്‌ക്ക്‌മ് തെര്യ
32<<അയി ബര്യ പോവ നാള്‌മ് ഗളിഗേമ് എന്നാല്‌ക്കെന്റ് ആര്‌ക്ക്‌മ് തെര്യാമാട്ട. മേലോഗാത്ത്‌ല് ഇര്‌ക്കുവ ദൂദാര്‌ഗാള്‌ക്കൊ സാമി മഗാന്‌ക്കൊ അദ് തെര്യാമാട്ട. അദെല്ല അപ്പാനാന സാമി ഒരുത്താന്‌ക്ക്‌ത്തെ തെരിമ്. 33അയി സമ്യ എന്നാല്‌ക്ക് എന്റ് നിമാക്ക് തെര്യാത്താദ്‌നാലെ നിമ്മ സൊക്കാന സൂസാരിത്ത് ഇര്‌ക്കുഡൊ. 34ഇദ്‌ന നാന് നിമാക്ക് ഒന്റു കദേക്ക് എ്ണേത്ത് സൊല്ലി തന്റെ. ഒന്റൊരുത്താന് തന്ന് ബീ്ഡ്‌ന നോഡിര്‌ക്ക്യ ഗിലാസഗാറാര്‌ക്ക് സൊല്ലി തള്ളി ഒന്റു ബട്ടെ പോനാന്. അയാള് ഗിലാസഗാറാര്‌ക്ക് ആള്‌ക്കൊന്റൊന്റു ഗിലാസ ഗേയ സൊല്ലി ബാസ കാവഗാറാന്‌ന സൊക്കാന നോഡിര്‌ക്ക്യാമ് സൊന്നാന്. 35ബീ്ഡ്‌ഗാറാന് മൂവാന്തിക്കൊ, നഡ്‌ജാമാക്കോ, കോയി ജാമാക്കോ, ബെ്ഡ്യാകാലാക്കോ ബരുവാദ് എന്റ് നിമാക്ക് തെര്യാത്താദ്‌നാലെ നിമ്മ ഒപ്പ ഒരിങ്കിര്‌ക്ക്‌ന്റവാരായി ഇര്‌ന്. 36അയാള് സട്ടന ബന്ത് കഡാന്തദാന നിമാന ഉറാങ്ക്‌ന്റവരായി കാണ്യ പാങ്കില്ലെ. 37നിമാക്ക് സൊല്ലുവാദ്‌നത്തെ നാന് ആള്‌ഗാള്‌ക്കൊട്ടുക്കുമു സൊല്ലുന്റെ: <ഉറാങ്കാദെ സൂസാരിത്ത് ഇര്‌ന്!> >>
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Computer Institute