മര്‌ക്കോസു 5
5
ഏസ്സ് കെ്ട്ടജാദി തട്ടിര്‌ക്ക്‌ന്റവാന്‌ന നല്ലാദ് മാഡ്‌ന്റാന്
1ഏസ്സ്‌മ് സൊല്ലുപഡി നഡാക്ക്‌ന്റവാര്‌മ് ഗലീല കഡാല്‌ക്ക് അയ്യെ്ട്ടി ഇര്‌ക്കുവ ഗരെസീനാര് ദേസാക്ക് എജ്ജ്‌നാര്. 2ഏസ്സ് തോണിലിന്ത് ഇ്റാഗാട്ട്യെല്ല കെ്ട്ടജാദി തട്ടിര്‌ക്കുവ ഒന്റൊരുത്താന് സുഡലേലിന്ത് ഏസ്സ്‌ക്ക് നേരെ ബന്താന്. 3അയാള് സുഡലേല്‌ത്തെ ഇന്തിന്താദ്. ആര്‌ക്ക്‌മ് അയാള്‌ന സങ്കിലിക്ക് ഗുഡി കെ്ട്ടി ബെക്ക്യ മുഡ്യാലെ. 4എഞ്ചോ ജമ്പ് ആള്‌ഗാള് അയാള്‌ക്ക് കയി കുട്ടെ ഇക്കിമ് അയാള് കാല്‌ന സങ്കിലിക്ക്‌മ് കെ്ട്ടി ബെത്ത് നോഡുനാര്. ആന അയാള് കയി കുട്ടെന ബലിത്ത് പറ്‌ത്ത് തള്ള്‌നാന്. സങ്കിലിന ഒരേത്ത് പറ്‌ത്ത് തള്ള്‌നാന്. ആര്‌ക്ക്‌മ് അയാള്‌ന അഡാക്കി ബെക്ക്യ മുഡ്യാലെ. 5അയാള് ഇ്റ്‌ട്ട്‌പഗാല് സുഡലെഗാള്‌ല്‌മ് മലെമല്യാമ് അഗാറി ക്‌ളാമ്പി കൊണ്ടു നഡാന്തിന്താന്. കല്ലെ്ഡ്‌ത്ത് തനാന താനെ തപ്പി സദേത്ത് കൊണ്ടുമു ഇന്താന്.
6ഏസ്സ്‌ന ദൂരാത്ത്‌ല് കാണ്‌ഗാട്ടി താനെ അയാള് ഓഡി ബന്ത് ഏസ്സ് കാല്‌ക്ക് ബ്‌ന്ത് കുമ്മുഡുനാന്. 7അയാള് ദൊഡ്ഡാദ്‌ക്ക് അഗാറി കൊണ്ടു: <<ഏസ്സേ, എല്ലാദ്‌ക്ക്‌മ് ബ്‌ഡ ദൊഡ്ഡവാന് ആയിര്‌ക്കുവ സാമി മഗാനെ, എനാക്ക്‌മ് നിനാക്ക്‌മ് എന്ത് കാര്യ? സാമിന നെനേത്ത് നീ എനാന കൊഡിമെപഡ്‌സ ബേ്ഡ>> എന്റ് സൊന്നാന്. 8<<തട്ടുവ കെ്ട്ടജാദ്യേ, ഈ മന്‌സാന്‌ന ബ്‌ട്ട് ഇ്റാഗി പൊ>> എന്റ് ഏസ്സ് സൊല്ലിന്താദ്‌നാലെത്തെ അദ് ഇത്തെ സൊന്നാദ്.
9ഏസ്സ് അയാള്‌ന നോഡി: <<നിന്ന് പേര് എത്തെ?>> എന്റ് കേ്ട്ടാന്.
<<എന്ന് പേര് ലെഗ്യോനു, എമ്മ എഞ്ചോ കെ്ട്ടജാദിഗാള് ഇര്‌ക്ക്‌ന്റേമ്>> എന്റ് അയാള് സൊന്നാന്. 10<<എമാന ഈ ഊരുലിന്ത് മുഡിക്കി ബ്‌ഡാഗേ ബേ്ഡ>> എന്റ് അയാള്‌ന ബേ്ണ്ട്‌നാന്.
11അദ്‌ലിര്‌ക്കുവ ഒന്റു മലെ പത്തേല് ദൊഡ്ഡ ഒന്റു കൂട്ട പന്റി മേയിന്തിന്ത്‌ദ്. 12<<എമാന സൊല്ലി ബ്‌ഡുവദാന അയി പന്റിഗാള്‌ക്ക് നൊഗേയ ബേ്ണ്ടി അയി കൂട്ടാക്ക് സൊല്ലി ബ്‌ഡ്‌ഡൊ>> എന്റ് അയി തട്ടിന്ത ജാദിഗാള് കേ്ട്ട്‌ദ്. 13ഏസ്സ് അദ്‌ക്ക് സെരി എന്റാന്. അയാള്‌ക്ക് തട്ടിന്ത കെ്ട്ടജാദിഗാള് അയാള്‌ന ബ്‌ട്ട് ഇ്റാഗി പോയി പന്റി കുളാക്ക് നൊഗേന്ത്‌ദ്. അയി പന്റി കൂട്ട മലെപത്തെ മേലെ താനെ ഓഡി പോയി കഡാല്‌ക്ക് നെഗേന്ത് നീര്‌ക്ക് മുളിഗി സത്ത് തള്ള്‌ട്ട്. ഒപ്പതപ്പ റണ്ടായിര പന്റിഗാള് അദ്‌ല് ഇന്ത്‌ദ്.
14പന്റി മേസിന്തവാര് ഓഡി പോയി പട്ടണാക്ക്‌മ് ഊരുഗാള്‌ക്ക്‌മ് ഈ സേദിന സൊന്നാര്. എന്ത് ആറ്റ് എന്റ് നോഡ്യ ബേ്ണ്ടി ആള്‌ഗാളെല്ല ബന്തെജ്ജ്‌നാര്. 15അവാര് ഏസ്സ് പട്ട്‌ക്ക് ബന്തെജ്ജി നോഡുഗാട്ടി കെ്ട്ടജാദി ബ്‌ട്ട് പോനവാന് ഉഡുപ്പിക്കി ബുദ്ദി തെ്ളിന്തവാനായി കുക്കാന്ത് ഇര്‌ക്കുവാദ്‌ന കണ്ടാര്. ഇദ്‌ന കണ്ട് അവാര് അഞ്ച്‌നാര്. 16കെ്ട്ടജാദി തട്ടിന്തവാന് എത്തെ നലമായാനാദ് എന്റ് കണ്ടിന്തവാര് അയാള്‌ക്ക് അത്തെ ആനാദ്‌ന പറ്റിമ് പന്റിഗാള് സത്താദ്‌ന പറ്റിമ് ബന്തവാര്‌ക്ക് സൊല്ലി കൊഡുത്താര്. 17അയി സമ്യ തമ്മ് എല്ലെന ബ്‌ട്ട് പോഡൊ എന്റ് ഏസ്സ്‌ക്ക് അവാര് സൊല്ല്യ പ്‌ഡിത്താര്.
18ഏസ്സ് തോണിക്ക് ഏ്റ്‌ഗാട്ട്യെല്ല കെ്ട്ടജാദി ബ്‌ട്ട് പോനവാന് <<നാന്‌മ് നിന്നോഡ ബന്റെ>> എന്റ് ഏസ്സ്‌ന കേ്ട്ടാന്. 19ഏസ്സ് അയാള്‌ന ബര ബേ്ഡ എന്റ് സൊന്നാന്. <<നീ ബീ്ഡ്‌ക്ക് പോയി സാമി ബേ്റ്‌വായിവെന്ത് നിനാക്ക് ഗേന്താദ്‌ന ഒട്ടുക്കു കുഡുമകൂട്ടഗാറാര്‌ക്ക് സൊല്ലുഡൊ>> എന്റ് സൊന്നാന്. 20അത്തെ അയാള് പോയി ഏസ്സ് തനാക്ക് ഗേന്താദ്‌ന ഒട്ടുക്കു ദെക്കെപൊലി#5:20ദെക്കെപൊലി എഗുദ രാജ്യാത്ത്‌ല് പത്ത് പട്ടണഗാള് ഇര്‌ക്കുവ നാഡ്‌ത്തെ ദെക്കെപൊലി. നാഡൊട്ടുക്കു സൊല്ലി ക്‌ളാമ്പി നഡാന്താന്. അദ്‌ന കേ്ട്ടവാരെല്ല അദിസ്യപട്ട് തള്ള്‌നാര്.
ഏസ്സ് സത്ത ഒന്റു പ്‌ള്ളെന ഉജുര്‌ളാക്ക്‌ന്റാന്
21പിന്നേമ് ഏസ്സ് തോണിക്ക് ഏ്റി ഇയ്യെ്ട്ടി എജ്ജ്‌നാന്. അയി സമ്യ ദൊഡ്ഡ ഒന്റു ആള്‌ഗാള് കൂട്ട ഏസ്സ് പട്ട്‌ക്ക് ബന്ത് തുമ്പുനാര്. 22ഏസ്സ് കഡാലോരാത്ത്‌ല്‌ ഇര്‌ക്കാട്ടി ആയിരോസു എന്നുവ എഗുദാര് പരേസുവ ബീ്ഡ് തലെവാര്‌ഗാള്‌ല് ഒരുത്താന് ഏസ്സ് പട്ട്‌ക്ക് ബന്ത് ഏസ്സ്‌ന കണ്ട് കാല്‌ക്ക് ബ്‌ന്ത് കുമ്മുഡുനാന്. 23<<എന്ന് മഗാള് ഉജുരു പോയി സായ ആയിര്‌ക്ക്‌ന്റാള്. അവാള് നോയി തീന്ത് പെ്ളേക്ക്യ ബേ്ണ്ടി നീ ബന്ത് അവാള്‌ക്ക് കയി ബെക്കുഡൊ>> എന്റ് എഞ്ചോ ജമ്പ് കേ്ട്ടാന്. 24ഏസ്സ് അന്നാല് താനെ അയാളോഡ പോനാന്.
എഞ്ചോ ജന ഉന്തിതള്ളി ഏസ്സ് പിന്ന്‌മേലെ പോനാര്. 25പന്നന്റ് ബര്‌സ്സ പൊലെ ബെ്ട്ടുവ നോയായിന്ത ഒന്റൊരുത്തി അയി കൂട്ടാത്ത്‌ലിന്താള്. 26എഞ്ചോ ബയിദ്യാര്‌ഗാള് ബന്ത് നോയി നോഡി ഗുഡി നോയി തീരാലെ. അവാള്‌ക്കിന്ത പണാന പൂരാമ് സിലവാക്കി ഗുഡി നോയി ഒന്റുക്കൊന്റു ദാസ്‌ത്തിത്തെ ആയികൊണ്ടിന്ത്‌ദ്. 27-28അവാള് ഏസ്സ്‌ന പറ്റി കേ്ട്ടിന്താള്. <<ഏസ്സ് ഇക്കിര്‌ക്കുവ ഉഡുപ്പുനെന്റാല് അണ്ണ്യ കെ്ഡേത്തദാന എനാക്ക് സുഗ കെ്ഡേക്കുവു>> എന്റ് അവാള് നെനേത്ത് കൊണ്ടു ആള് കൂട്ടോഡ താനെ ഏസ്സ് പിന്ന്‌ക്ക് ബന്ത് അയാള് ഇക്കിന്ത ഉഡുപ്പുന അണ്ണ്‌നാള്. 29അന്നാല് താനെ പൊലെ ബെ്ട്ടുവാദ് നിന്റ്‌ദ്. തന്ന് നോയി ഇല്ലാദാറ്റെന്റ് അവാള്‌ക്ക് തെരിന്ത്‌ദ്.
30തന്നോഡിന്ത് ഒന്റു സക്‌തി ബെ്ളിഗെ പോറ്റു എന്റ് ഏസ്സ്‌ക്ക് തെരിന്ത്‌ദ്. ആള്‌കൂട്ട കുളാക്കിന്ത് ഏസ്സ് സട്ടന പിന്ന് തിരിഗി നിന്റ് <<എന്ന് ഉഡുപ്പുന അണ്ണ്‌നാദ് ആര് എന്റ്>> കേ്ട്ടാന്.
31<<ആള്‌ഗാള് നിനാന നെ്ഗ്ഗ്‌സികൊണ്ട്‌റ്‌ക്ക്‌ന്റാര്; എന്റ്‌മ് നീ എനാന അണ്ണ്‌നാദ് ആര് എന്റ് കേ്ള്‌ക്ക്‌ന്റായ?>> എന്റ് സൊല്ലുപഡി നഡാക്ക്‌ന്റവാര് ഏസ്സ്‌ന കേ്ട്ടാര്.
32ആന തനാന അണ്ണ്‌നാദ് ആരെന്റ് കാണ്യ ബേ്ണ്ടി ഏസ്സ് സുറ്റീല്‌മ് നോഡുനാന്. 33തന്ന് നോയി തീന്ത്‌ദ് എന്റ് അവാള്‌ക്ക് തെരിന്ത്‌ദ്. അദ്‌നാലെ അവാള് അഞ്ചിക്കേക്ക് സദ്‌റബെ്ട്ടികൊണ്ടു ഏസ്സ് മുന്നുക്കു പോയി ഏസ്സ് കാല്‌ക്ക് സഡങ്ക ബ്‌ന്താള്. പ്‌റ നഡാന്ത സത്ത്യന പൂര ഏസ്സ്‌ക്ക് സൊന്നാള്. 34അദുക്കുള <<മഗാളെ, നിന്ന് നമ്പിക്കെ നിനാന കാപാറ്റിര്‌ക്ക്‌ന്റ്. അദ്‌നാലെ നീ നിമ്മ്‌ദ്യോഡ പൊ. നീ ഇന്നി സുഗത്തോഡ പെ്ളേക്കുവായി>> എന്റ് അവാള്‌ക്ക് സൊന്നാന്.
35ഏസ്സ് ഇത്തെ നായനൊഡിന്ത് കൊണ്ടു ഇര്‌ക്കാട്ട്യെല്ല എഗുദാര് പരേസുവ ബീ്ഡ്‌ക്ക് തലെവാനായിന്ത ആയിരോസു ബീ്ഡ്‌ലിന്ത് ആള് ബന്താര്. <<നിന്ന് മഗാള് സത്താള്. ഇന്നി എന്ത്‌ക്ക് ഗുരുവുന തൊന്തറെ മാഡ്‌ന്റായി?>> എന്റ് അവാര് ആയിരോസുക്കു സൊന്നാര്.
36ഏസ്സ് അദ്‌ന ഒന്റുനാമ് കേ്ള്‌ക്കാദെ <<അഞ്ചബേ്ഡ, നമ്പ്‌ന മദി>> എന്റ് അയാള്‌ക്ക് സൊന്നാന്.
37പത്ത്‌റോസു, ആക്കോവു, അയാള് തമ്പി ഓഗന്നാന് ഇവാര്‌ന താനെ തന്നോഡ കൂട്ട്യെ്ഡ്‌ത്ത് പോനാന്. പിന്നെ ഇന്തവാര് ആര്‌നാമ് കൂട്ടി പോഗാലെ. 38അവാര് ആയിരോസു ബീ്ഡ്‌ക്ക് എജ്ജ്‌ഗാട്ടി ആള്‌ഗാള് കേ്യ്‌വ ജദ്ദനാമ്, അഗാറി ബ്‌ന്ത് ഗിജ്‌റ്‌ബെ്ട്ട്‌ന്റവാര്‌നാമ് ഏസ്സ് കണ്ടാന്. 39ഏസ്സ് ബീ്ഡ്‌കുളാക്ക് പോയി <<നിമ്മ എന്ത്‌ക്ക് ഇത്തെ കേ്യിവാദ്? എന്ത്‌ക്ക് ഇത്തെ ഗിജ്‌റ്‌ബെ്ട്ടുവാദ്? പ്‌ള്ളെ സാഗാലെ, ഉറാങ്ക്‌ന്റാള്>> എന്റ് അവാര്‌ക്ക് സൊന്നാന്. 40അയാള് ഇത്തെ സൊന്നാദ്‌ന കേ്ട്ട് അദ്‌ലിന്തവാര് ഏസ്സ്‌ന നാണഗെ്ഡ്‌സ്‌നാര്.
ഏസ്സ് അവാര്‌നെല്ല ബെ്ളിഗെ കഡാത്തി ബ്‌ട്ടാന്. പ്‌റ പ്‌ള്ളെ അവ്വേസിനാമ് അപ്പനച്ചാന്‌നാമ് തന്നൊപ്പ ഇന്ത മൂറു സൊല്ലുപഡി നഡാക്ക്‌ന്റവാര്‌നാമ് കൂട്ട്യെ്ഡ്‌ത്ത് പ്‌ള്ളെന ക്‌ഡാത്തിന്ത പട്ട്‌ക്ക് പോനാന്. 41അദ്‌ല് പോയി ഏസ്സ് അയി പ്‌ള്ളെ കയിന പ്‌ഡിത്ത്‌കൊണ്ടു <<തലീദകൂമി>> എന്റ് പ്‌ള്ളേക്ക് സൊന്നാന്. <<അമ്മെ ഇ്ളാഗ് എന്റ് നാന് നിനാക്ക് സൊല്ലുന്റെ>> എന്റ്‌ത്തെ ഇദ്‌ക്ക് അര്‌ത്ത. 42അന്നാല് താനെ പ്‌ള്ളെ ഇ്ളാഗി നഡാന്ത്‌ദ്. അയി പ്‌ള്ളേക്ക് ബയിസ്സ് പന്നന്റ് ആയിന്ത്‌ദ്. അവാര് സെരിക്ക്‌മ് അദിസ്യപട്ടാര്. 43<<ഈ ഗേന്താദ്‌ന ആര്‌ക്ക്‌മ് സൊല്ല ബേ്ഡ>> എന്റ് ഏസ്സ് അവാര്‌ക്ക് കണ്ടിപ്പായി സൊന്നാന്. അവാള്‌ക്ക് തിന്ന്യ എന്തൊന്റു കൊഡുക്ക്യാമ് സൊന്നാന്.
Currently Selected:
മര്‌ക്കോസു 5: സാമി സേദി
Highlight
Share
Copy
Want to have your highlights saved across all your devices? Sign up or sign in
New Life Computer Institute
മര്‌ക്കോസു 5
5
ഏസ്സ് കെ്ട്ടജാദി തട്ടിര്‌ക്ക്‌ന്റവാന്‌ന നല്ലാദ് മാഡ്‌ന്റാന്
1ഏസ്സ്‌മ് സൊല്ലുപഡി നഡാക്ക്‌ന്റവാര്‌മ് ഗലീല കഡാല്‌ക്ക് അയ്യെ്ട്ടി ഇര്‌ക്കുവ ഗരെസീനാര് ദേസാക്ക് എജ്ജ്‌നാര്. 2ഏസ്സ് തോണിലിന്ത് ഇ്റാഗാട്ട്യെല്ല കെ്ട്ടജാദി തട്ടിര്‌ക്കുവ ഒന്റൊരുത്താന് സുഡലേലിന്ത് ഏസ്സ്‌ക്ക് നേരെ ബന്താന്. 3അയാള് സുഡലേല്‌ത്തെ ഇന്തിന്താദ്. ആര്‌ക്ക്‌മ് അയാള്‌ന സങ്കിലിക്ക് ഗുഡി കെ്ട്ടി ബെക്ക്യ മുഡ്യാലെ. 4എഞ്ചോ ജമ്പ് ആള്‌ഗാള് അയാള്‌ക്ക് കയി കുട്ടെ ഇക്കിമ് അയാള് കാല്‌ന സങ്കിലിക്ക്‌മ് കെ്ട്ടി ബെത്ത് നോഡുനാര്. ആന അയാള് കയി കുട്ടെന ബലിത്ത് പറ്‌ത്ത് തള്ള്‌നാന്. സങ്കിലിന ഒരേത്ത് പറ്‌ത്ത് തള്ള്‌നാന്. ആര്‌ക്ക്‌മ് അയാള്‌ന അഡാക്കി ബെക്ക്യ മുഡ്യാലെ. 5അയാള് ഇ്റ്‌ട്ട്‌പഗാല് സുഡലെഗാള്‌ല്‌മ് മലെമല്യാമ് അഗാറി ക്‌ളാമ്പി കൊണ്ടു നഡാന്തിന്താന്. കല്ലെ്ഡ്‌ത്ത് തനാന താനെ തപ്പി സദേത്ത് കൊണ്ടുമു ഇന്താന്.
6ഏസ്സ്‌ന ദൂരാത്ത്‌ല് കാണ്‌ഗാട്ടി താനെ അയാള് ഓഡി ബന്ത് ഏസ്സ് കാല്‌ക്ക് ബ്‌ന്ത് കുമ്മുഡുനാന്. 7അയാള് ദൊഡ്ഡാദ്‌ക്ക് അഗാറി കൊണ്ടു: <<ഏസ്സേ, എല്ലാദ്‌ക്ക്‌മ് ബ്‌ഡ ദൊഡ്ഡവാന് ആയിര്‌ക്കുവ സാമി മഗാനെ, എനാക്ക്‌മ് നിനാക്ക്‌മ് എന്ത് കാര്യ? സാമിന നെനേത്ത് നീ എനാന കൊഡിമെപഡ്‌സ ബേ്ഡ>> എന്റ് സൊന്നാന്. 8<<തട്ടുവ കെ്ട്ടജാദ്യേ, ഈ മന്‌സാന്‌ന ബ്‌ട്ട് ഇ്റാഗി പൊ>> എന്റ് ഏസ്സ് സൊല്ലിന്താദ്‌നാലെത്തെ അദ് ഇത്തെ സൊന്നാദ്.
9ഏസ്സ് അയാള്‌ന നോഡി: <<നിന്ന് പേര് എത്തെ?>> എന്റ് കേ്ട്ടാന്.
<<എന്ന് പേര് ലെഗ്യോനു, എമ്മ എഞ്ചോ കെ്ട്ടജാദിഗാള് ഇര്‌ക്ക്‌ന്റേമ്>> എന്റ് അയാള് സൊന്നാന്. 10<<എമാന ഈ ഊരുലിന്ത് മുഡിക്കി ബ്‌ഡാഗേ ബേ്ഡ>> എന്റ് അയാള്‌ന ബേ്ണ്ട്‌നാന്.
11അദ്‌ലിര്‌ക്കുവ ഒന്റു മലെ പത്തേല് ദൊഡ്ഡ ഒന്റു കൂട്ട പന്റി മേയിന്തിന്ത്‌ദ്. 12<<എമാന സൊല്ലി ബ്‌ഡുവദാന അയി പന്റിഗാള്‌ക്ക് നൊഗേയ ബേ്ണ്ടി അയി കൂട്ടാക്ക് സൊല്ലി ബ്‌ഡ്‌ഡൊ>> എന്റ് അയി തട്ടിന്ത ജാദിഗാള് കേ്ട്ട്‌ദ്. 13ഏസ്സ് അദ്‌ക്ക് സെരി എന്റാന്. അയാള്‌ക്ക് തട്ടിന്ത കെ്ട്ടജാദിഗാള് അയാള്‌ന ബ്‌ട്ട് ഇ്റാഗി പോയി പന്റി കുളാക്ക് നൊഗേന്ത്‌ദ്. അയി പന്റി കൂട്ട മലെപത്തെ മേലെ താനെ ഓഡി പോയി കഡാല്‌ക്ക് നെഗേന്ത് നീര്‌ക്ക് മുളിഗി സത്ത് തള്ള്‌ട്ട്. ഒപ്പതപ്പ റണ്ടായിര പന്റിഗാള് അദ്‌ല് ഇന്ത്‌ദ്.
14പന്റി മേസിന്തവാര് ഓഡി പോയി പട്ടണാക്ക്‌മ് ഊരുഗാള്‌ക്ക്‌മ് ഈ സേദിന സൊന്നാര്. എന്ത് ആറ്റ് എന്റ് നോഡ്യ ബേ്ണ്ടി ആള്‌ഗാളെല്ല ബന്തെജ്ജ്‌നാര്. 15അവാര് ഏസ്സ് പട്ട്‌ക്ക് ബന്തെജ്ജി നോഡുഗാട്ടി കെ്ട്ടജാദി ബ്‌ട്ട് പോനവാന് ഉഡുപ്പിക്കി ബുദ്ദി തെ്ളിന്തവാനായി കുക്കാന്ത് ഇര്‌ക്കുവാദ്‌ന കണ്ടാര്. ഇദ്‌ന കണ്ട് അവാര് അഞ്ച്‌നാര്. 16കെ്ട്ടജാദി തട്ടിന്തവാന് എത്തെ നലമായാനാദ് എന്റ് കണ്ടിന്തവാര് അയാള്‌ക്ക് അത്തെ ആനാദ്‌ന പറ്റിമ് പന്റിഗാള് സത്താദ്‌ന പറ്റിമ് ബന്തവാര്‌ക്ക് സൊല്ലി കൊഡുത്താര്. 17അയി സമ്യ തമ്മ് എല്ലെന ബ്‌ട്ട് പോഡൊ എന്റ് ഏസ്സ്‌ക്ക് അവാര് സൊല്ല്യ പ്‌ഡിത്താര്.
18ഏസ്സ് തോണിക്ക് ഏ്റ്‌ഗാട്ട്യെല്ല കെ്ട്ടജാദി ബ്‌ട്ട് പോനവാന് <<നാന്‌മ് നിന്നോഡ ബന്റെ>> എന്റ് ഏസ്സ്‌ന കേ്ട്ടാന്. 19ഏസ്സ് അയാള്‌ന ബര ബേ്ഡ എന്റ് സൊന്നാന്. <<നീ ബീ്ഡ്‌ക്ക് പോയി സാമി ബേ്റ്‌വായിവെന്ത് നിനാക്ക് ഗേന്താദ്‌ന ഒട്ടുക്കു കുഡുമകൂട്ടഗാറാര്‌ക്ക് സൊല്ലുഡൊ>> എന്റ് സൊന്നാന്. 20അത്തെ അയാള് പോയി ഏസ്സ് തനാക്ക് ഗേന്താദ്‌ന ഒട്ടുക്കു ദെക്കെപൊലി#5:20ദെക്കെപൊലി എഗുദ രാജ്യാത്ത്‌ല് പത്ത് പട്ടണഗാള് ഇര്‌ക്കുവ നാഡ്‌ത്തെ ദെക്കെപൊലി. നാഡൊട്ടുക്കു സൊല്ലി ക്‌ളാമ്പി നഡാന്താന്. അദ്‌ന കേ്ട്ടവാരെല്ല അദിസ്യപട്ട് തള്ള്‌നാര്.
ഏസ്സ് സത്ത ഒന്റു പ്‌ള്ളെന ഉജുര്‌ളാക്ക്‌ന്റാന്
21പിന്നേമ് ഏസ്സ് തോണിക്ക് ഏ്റി ഇയ്യെ്ട്ടി എജ്ജ്‌നാന്. അയി സമ്യ ദൊഡ്ഡ ഒന്റു ആള്‌ഗാള് കൂട്ട ഏസ്സ് പട്ട്‌ക്ക് ബന്ത് തുമ്പുനാര്. 22ഏസ്സ് കഡാലോരാത്ത്‌ല്‌ ഇര്‌ക്കാട്ടി ആയിരോസു എന്നുവ എഗുദാര് പരേസുവ ബീ്ഡ് തലെവാര്‌ഗാള്‌ല് ഒരുത്താന് ഏസ്സ് പട്ട്‌ക്ക് ബന്ത് ഏസ്സ്‌ന കണ്ട് കാല്‌ക്ക് ബ്‌ന്ത് കുമ്മുഡുനാന്. 23<<എന്ന് മഗാള് ഉജുരു പോയി സായ ആയിര്‌ക്ക്‌ന്റാള്. അവാള് നോയി തീന്ത് പെ്ളേക്ക്യ ബേ്ണ്ടി നീ ബന്ത് അവാള്‌ക്ക് കയി ബെക്കുഡൊ>> എന്റ് എഞ്ചോ ജമ്പ് കേ്ട്ടാന്. 24ഏസ്സ് അന്നാല് താനെ അയാളോഡ പോനാന്.
എഞ്ചോ ജന ഉന്തിതള്ളി ഏസ്സ് പിന്ന്‌മേലെ പോനാര്. 25പന്നന്റ് ബര്‌സ്സ പൊലെ ബെ്ട്ടുവ നോയായിന്ത ഒന്റൊരുത്തി അയി കൂട്ടാത്ത്‌ലിന്താള്. 26എഞ്ചോ ബയിദ്യാര്‌ഗാള് ബന്ത് നോയി നോഡി ഗുഡി നോയി തീരാലെ. അവാള്‌ക്കിന്ത പണാന പൂരാമ് സിലവാക്കി ഗുഡി നോയി ഒന്റുക്കൊന്റു ദാസ്‌ത്തിത്തെ ആയികൊണ്ടിന്ത്‌ദ്. 27-28അവാള് ഏസ്സ്‌ന പറ്റി കേ്ട്ടിന്താള്. <<ഏസ്സ് ഇക്കിര്‌ക്കുവ ഉഡുപ്പുനെന്റാല് അണ്ണ്യ കെ്ഡേത്തദാന എനാക്ക് സുഗ കെ്ഡേക്കുവു>> എന്റ് അവാള് നെനേത്ത് കൊണ്ടു ആള് കൂട്ടോഡ താനെ ഏസ്സ് പിന്ന്‌ക്ക് ബന്ത് അയാള് ഇക്കിന്ത ഉഡുപ്പുന അണ്ണ്‌നാള്. 29അന്നാല് താനെ പൊലെ ബെ്ട്ടുവാദ് നിന്റ്‌ദ്. തന്ന് നോയി ഇല്ലാദാറ്റെന്റ് അവാള്‌ക്ക് തെരിന്ത്‌ദ്.
30തന്നോഡിന്ത് ഒന്റു സക്‌തി ബെ്ളിഗെ പോറ്റു എന്റ് ഏസ്സ്‌ക്ക് തെരിന്ത്‌ദ്. ആള്‌കൂട്ട കുളാക്കിന്ത് ഏസ്സ് സട്ടന പിന്ന് തിരിഗി നിന്റ് <<എന്ന് ഉഡുപ്പുന അണ്ണ്‌നാദ് ആര് എന്റ്>> കേ്ട്ടാന്.
31<<ആള്‌ഗാള് നിനാന നെ്ഗ്ഗ്‌സികൊണ്ട്‌റ്‌ക്ക്‌ന്റാര്; എന്റ്‌മ് നീ എനാന അണ്ണ്‌നാദ് ആര് എന്റ് കേ്ള്‌ക്ക്‌ന്റായ?>> എന്റ് സൊല്ലുപഡി നഡാക്ക്‌ന്റവാര് ഏസ്സ്‌ന കേ്ട്ടാര്.
32ആന തനാന അണ്ണ്‌നാദ് ആരെന്റ് കാണ്യ ബേ്ണ്ടി ഏസ്സ് സുറ്റീല്‌മ് നോഡുനാന്. 33തന്ന് നോയി തീന്ത്‌ദ് എന്റ് അവാള്‌ക്ക് തെരിന്ത്‌ദ്. അദ്‌നാലെ അവാള് അഞ്ചിക്കേക്ക് സദ്‌റബെ്ട്ടികൊണ്ടു ഏസ്സ് മുന്നുക്കു പോയി ഏസ്സ് കാല്‌ക്ക് സഡങ്ക ബ്‌ന്താള്. പ്‌റ നഡാന്ത സത്ത്യന പൂര ഏസ്സ്‌ക്ക് സൊന്നാള്. 34അദുക്കുള <<മഗാളെ, നിന്ന് നമ്പിക്കെ നിനാന കാപാറ്റിര്‌ക്ക്‌ന്റ്. അദ്‌നാലെ നീ നിമ്മ്‌ദ്യോഡ പൊ. നീ ഇന്നി സുഗത്തോഡ പെ്ളേക്കുവായി>> എന്റ് അവാള്‌ക്ക് സൊന്നാന്.
35ഏസ്സ് ഇത്തെ നായനൊഡിന്ത് കൊണ്ടു ഇര്‌ക്കാട്ട്യെല്ല എഗുദാര് പരേസുവ ബീ്ഡ്‌ക്ക് തലെവാനായിന്ത ആയിരോസു ബീ്ഡ്‌ലിന്ത് ആള് ബന്താര്. <<നിന്ന് മഗാള് സത്താള്. ഇന്നി എന്ത്‌ക്ക് ഗുരുവുന തൊന്തറെ മാഡ്‌ന്റായി?>> എന്റ് അവാര് ആയിരോസുക്കു സൊന്നാര്.
36ഏസ്സ് അദ്‌ന ഒന്റുനാമ് കേ്ള്‌ക്കാദെ <<അഞ്ചബേ്ഡ, നമ്പ്‌ന മദി>> എന്റ് അയാള്‌ക്ക് സൊന്നാന്.
37പത്ത്‌റോസു, ആക്കോവു, അയാള് തമ്പി ഓഗന്നാന് ഇവാര്‌ന താനെ തന്നോഡ കൂട്ട്യെ്ഡ്‌ത്ത് പോനാന്. പിന്നെ ഇന്തവാര് ആര്‌നാമ് കൂട്ടി പോഗാലെ. 38അവാര് ആയിരോസു ബീ്ഡ്‌ക്ക് എജ്ജ്‌ഗാട്ടി ആള്‌ഗാള് കേ്യ്‌വ ജദ്ദനാമ്, അഗാറി ബ്‌ന്ത് ഗിജ്‌റ്‌ബെ്ട്ട്‌ന്റവാര്‌നാമ് ഏസ്സ് കണ്ടാന്. 39ഏസ്സ് ബീ്ഡ്‌കുളാക്ക് പോയി <<നിമ്മ എന്ത്‌ക്ക് ഇത്തെ കേ്യിവാദ്? എന്ത്‌ക്ക് ഇത്തെ ഗിജ്‌റ്‌ബെ്ട്ടുവാദ്? പ്‌ള്ളെ സാഗാലെ, ഉറാങ്ക്‌ന്റാള്>> എന്റ് അവാര്‌ക്ക് സൊന്നാന്. 40അയാള് ഇത്തെ സൊന്നാദ്‌ന കേ്ട്ട് അദ്‌ലിന്തവാര് ഏസ്സ്‌ന നാണഗെ്ഡ്‌സ്‌നാര്.
ഏസ്സ് അവാര്‌നെല്ല ബെ്ളിഗെ കഡാത്തി ബ്‌ട്ടാന്. പ്‌റ പ്‌ള്ളെ അവ്വേസിനാമ് അപ്പനച്ചാന്‌നാമ് തന്നൊപ്പ ഇന്ത മൂറു സൊല്ലുപഡി നഡാക്ക്‌ന്റവാര്‌നാമ് കൂട്ട്യെ്ഡ്‌ത്ത് പ്‌ള്ളെന ക്‌ഡാത്തിന്ത പട്ട്‌ക്ക് പോനാന്. 41അദ്‌ല് പോയി ഏസ്സ് അയി പ്‌ള്ളെ കയിന പ്‌ഡിത്ത്‌കൊണ്ടു <<തലീദകൂമി>> എന്റ് പ്‌ള്ളേക്ക് സൊന്നാന്. <<അമ്മെ ഇ്ളാഗ് എന്റ് നാന് നിനാക്ക് സൊല്ലുന്റെ>> എന്റ്‌ത്തെ ഇദ്‌ക്ക് അര്‌ത്ത. 42അന്നാല് താനെ പ്‌ള്ളെ ഇ്ളാഗി നഡാന്ത്‌ദ്. അയി പ്‌ള്ളേക്ക് ബയിസ്സ് പന്നന്റ് ആയിന്ത്‌ദ്. അവാര് സെരിക്ക്‌മ് അദിസ്യപട്ടാര്. 43<<ഈ ഗേന്താദ്‌ന ആര്‌ക്ക്‌മ് സൊല്ല ബേ്ഡ>> എന്റ് ഏസ്സ് അവാര്‌ക്ക് കണ്ടിപ്പായി സൊന്നാന്. അവാള്‌ക്ക് തിന്ന്യ എന്തൊന്റു കൊഡുക്ക്യാമ് സൊന്നാന്.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Computer Institute