മര്‌ക്കോസു 9
9
1ഏസ്സ് അവാര്‌ക്ക്: <<ഇദ്‌ല് നിന്റ്‌റ്‌ന്റവാര്‌ല് ലേസ ആള്‌ഗാള് സാമി ആളുവാദ് സക്‌ത്യോഡ ബരുവാദ്‌ന കാണമാട്ട്‌ക്ക് സാഗമാട്ടാര് എന്റ് നാന് സത്ത്യമായി നിമാക്ക് സൊന്റെ>> എന്റ് സൊന്നാന്.
ഏസ്സ് മോസ്യോഡാമ് ഏല്യാവോഡാമ് നായനൊഡിന്റാന്
2ആറ് നാള് കളിന്ത പ്‌റ ഏസ്സ് പത്ത്‌റോസുനാമ് ആക്കോവുനാമ് ഓഗന്നാന്‌നാമ് കൂട്ട്യെ്ഡ്‌ത്ത് ഒന്റു ഉജാന്ത ഗുഡ്ഡേക്ക് പോനാന്. അദ്‌ല് അവാര് തനിഗെ ഇന്താര്. ഏസ്സ് അവാര്‌ക്ക് മുന്നുക്കു ഉരുവ മാറ്‌നാന്. 3അയാള് ഉഡുപ്പു ബെ്ള്ളെബെ്ള്ള്യ മിന്നുവ ഉഡുപ്പാറ്റ്. ബൂമില് ആര്‌ക്ക്‌മ് ഇദേപാസെ കുമ്മി ബെ്ളിക്ക്യ മുഡ്യാമാട്ട. 4ഏല്യാവുമു മോസേമ് ബെ്ളിപട്ട് ഏസ്സോഡ നായനൊഡിവാദ്‌ന അവാര് കണ്ടാര്.
5<<ഗുരുവെ, നമ്മ ഇദ്‌ല് ഇര്‌ക്കുവാദ് എത്ത്‌റാഗോ നല്ലാദ്‌ത്തെ. എമ്മ മൂറു സാളെ ബെക്ക്‌ന്റേമ്? നിനാക്ക് ഒന്റുമു, മോസേക്ക് ഒന്റുമു, ഏല്യാവുക്കു ഒന്റുമു>> എന്റ് പത്ത്‌റോസു ഏസ്സ്‌ക്ക് സൊന്നാന്. 6പത്ത്‌റോസുക്കു എന്ത്‌ന സൊല്ലുവാദ് എന്റ് തെര്യാദിന്ത്‌ദ്. എന്ത്‌ക്കെന്റ് സൊന്ന അയാള്‌ക്ക്‌മ് ഒപ്പ ഇന്ത സൊല്ലുപഡി നഡാക്ക്‌ന്റവാര്‌ക്ക്‌മ് സെരിക്ക്‌മ് അഞ്ചിക്കെ പ്‌ഡിത്തിന്ത്‌ദ്.
7പ്‌റസാരി ഒന്റു മഞ്ച് ബന്ത് അവാര്‌ന മൂഡുറ്റു. അയി മഞ്ച്‌ലിന്ത്: <<ഇവാന് എനാക്ക് മെച്ച്‌പ്‌ഡിത്ത മഗാന്: ഇവാന് സൊല്ലുവാദ്‌ന കേ്ള്‌ന്>> എന്റ് ഒന്റു ജദ്ദാമ് ബന്ത്‌ദ്.
8അവാര് സട്ടന സുറ്റീല്‌മ് നോഡുനാര്. അയി സമ്യ തമ്മോഡൊപ്പ ഏസ്സ്‌നാത്തെ കണ്ടാര്. ബേ്റെ ആര്‌നാമ് അവാര് കാണാലെ.
9അവാര് മലേലിന്ത് ഇ്റാഗി ബര്‌ഗാട്ടി ഏസ്സ് അവാര്‌ക്ക്: <<മന്‌സാനായി പ്‌റാന്തവാന് സത്തവാര് പട്ട്‌ലിന്ത് ഉജുര്‌ളാഗമാട്ട്‌ക്ക് ഈ കണ്ടാദ്‌ന പറ്റി ആര്‌ക്ക്‌മ് സൊല്ല ബേ്ഡ>> എന്റ് കണ്ടിപ്പായി സൊന്നാന്. 10അദ്‌നാലെ അവാര് കണ്ടാദ് ഒന്റുനാമ് ആര്‌ക്ക്‌മ് സൊല്ലാലെ. ആന സത്തവാര് പട്ട്‌ലിന്ത് ഉജുര്‌ളാഗുവെ എന്റ് അയാള് സൊന്ന അര്‌ത്ത എന്തെന്റ് അവാര് തമ്മ തമ്മ നായനൊഡിന്ത് കൊണ്ടു ഇന്താര്.
11<<മുദാല് ഏല്യാവുത്തെ ബരുഡൊ എന്റ് ബേദബാത്ത്യനാമ് സൊല്ലുവാദ് എന്ത്‌ക്ക്?>> എന്റ് അവാര് ഏസ്സ്‌ന കേ്ട്ടാര്.
12ഏസ്സ് അവാര്‌ക്ക്: <<മുദാല് ഏല്യാവു ബന്ത് എല്ലാ കാര്യഗാള്‌നാമ് മറിസിമ് നലമായി ഗേന്ത് മുഡിക്കുവാന്. ആന മന്‌സാനായി പ്‌റാന്ത നാന് എഞ്ചോ കജട്ട പഡുഡൊ എന്റ്‌മ്, ആള്‌ഗാള് എനാന മാനാമ് ഗെ്ഡുസുവാര് എന്റ്‌മ് എന്ത്‌ക്ക് എ്ള്‌ദിര്‌ക്കുവാദ്? 13നാന് നിമാക്ക് സൊന്റെ, ഏല്യാവു ബന്താന്; അയാള്‌ന പറ്റി എ്ള്‌ദിര്‌ക്കുവ പാസെ അവാര് തമാക്ക് ഗേയ നെനേത്ത പാസെല്ല അയാള്‌ന ഗേന്ത് തള്ള്‌നാര്>> എന്റ് സൊന്നാന്.
ഏസ്സ് കെ്ട്ടജാദി തട്ടിര്‌ക്കുവ ഒന്റു മഗാന തെ്ള്‌സ്‌ന്റാന്
14അദ്‌ക്ക് പ്‌റ ഏസ്സ്‌മ് മൂറു സൊല്ലുപഡി നഡാക്ക്‌ന്റവാര്‌മ് ബെത്ത്‌തള്ളി പോന സൊല്ലുപഡി നഡാക്ക്‌ന്റവാര് പട്ട്‌ക്ക് ബര്‌ഗാട്ടി ദൊഡ്ഡ ഒന്റു ജനകൂട്ട ബെത്ത്‌തള്ളി പോന സൊല്ലുപഡി നഡാക്ക്‌ന്റവാര്‌ക്ക് സുറ്റീല്‌മ് ഗുമ്പു കൂഡിന്താര്. അദ്‌ല് എഗുദ ബേദബാത്ത്യനാമ് അയി സൊല്ലുപഡി നഡാക്ക്‌ന്റവാരോഡ തറ്‌ക്കുവാദ്‌നാമ് ഏസ്സാമ് കണ്ടാര്. 15ഏസ്സ്‌ന സട്ടന കാണ്‌ഗാട്ടി ആള്‌ഗാള് അദിസ്യപട്ട് ഓഡി ബന്ത് ബിനാത്ത്‌നാര്.
16അയാള് അവാര്‌ന: <<നിമ്മ എന്ത്‌ന പറ്റി അവാരോഡ തറ്‌ക്ക്‌ന്റ്‌റ്?>> എന്റ് കേ്ട്ടാന്. 17ആള് കൂട്ടാത്ത്‌ലിന്ത് ഒരുത്താന് ഇത്തെ സൊന്നാന്: <<ഗുരുവെ, നാന് എന്ന് മഗാന്‌ന നിന്ന് പട്ട്‌ക്ക് എ്ഡ്‌ത്ത് ബന്തെ; ഒന്റു കെ്ട്ടജാദി അവാന്‌ക്ക് തട്ടിരിക്ക്‌ന്റ്, അദ് അവാന്‌ന ഊമെ ബീ്ക്കി ബെത്ത്‌റ്‌ക്ക്‌ന്റ്. 18അദ് ഏദ് ഗളിഗേക്കെല്ല ഇ്ളാഗ്‌ന്റൊ അയി ഗളിഗേക്കെല്ല അയാള്‌ന മണ്ണ്‌ക്ക് ഉന്തി ബീ്ക്ക്‌ന്റ്. അവാന് ബായിലിന്ത് നൊരേമ് ജൊല്ലുമു ബന്റ്; അയാള് പല്ല്‌നാമ് കഡിക്ക്‌ന്റാന്; അത്തെ ആവാദോഡ അയാള് ഉരുവെല്ല ബെ്റേത്ത് മരതട്ടി തള്ള്‌ന്റ്. ഈ ജാദിന തട്ടിസിതള്ള്യ നിന്ന് സൊല്ലുപഡി നഡാക്ക്‌ന്റവാര്‌ക്ക് സൊന്നെ. ആന അവാര്‌ക്ക് മുഡ്യാലെ>> എന്റ് സൊന്നാന്.
19അദുക്കുള ഏസ്സ് അവാര്‌ക്ക്: <<നമ്പിക്കെ ഇല്ലാത്ത ഈ കാലാത്ത്‌ല ആള്‌ഗാളെ, നാന് ഇന്നി എഞ്ച് ഗളിഗെ നിമ്മോഡ ഇര്‌ക്കുവെ? നിമാക്ക് നമ്പിക്കെ ഇല്ലാദിര്‌ക്കുവാദ്‌ന നാന് എഞ്ച്‌കെ്ട്ട താങ്കുവെ? അവാന്‌ന എന്ന് പട്ട്‌ക്ക് എ്ഡ്‌ത്ത് ബാന്>> എന്റ് സൊന്നാന്.
20അവാര് അയി മഗാന ഏസ്സ് പട്ട്‌ക്ക് എ്ഡ്‌ത്ത് ബന്താര്. ഏസ്സ്‌ന കണ്ടാദ്‌മ് അയി ജാദി അവാന്‌ന ഗ്‌ഡ്‌ഗ്‌ഡ ആഡ്‌സ്‌റ്റ്. അയി മഗ മണ്ണ്‌ക്ക് ബ്‌ന്ത് ഉറുണ്ടുദു. ബായിലിന്ത് ജൊല്ലുമു, നൊരേമ് ബന്ത്‌ദ്.
21ഏസ്സ് അയി മഗ അപ്പനച്ചാന്‌ന: <<ഇവാന്‌ക്ക് എന്നാലിന്ത് ഇത്തെ ആറ്റ്?>> എന്റ് കേ്ട്ടാന്.
<<സ്‌റ്‌പ്പാത്ത്‌ലിന്തേ ഇത്തേത്തെ. 22അയി ജാദി അവാന്‌ന കൊല്ല്യ ബേ്ണ്ടി എഞ്ചോ ജമ്പ് തീക്ക്‌മ്, നീര്‌ക്ക്‌മ് ഉന്ത്യെ്ഡ്‌ത്ത് ബീ്ക്കിര്‌ന്റ്. ആന നിനാക്ക് എന്തൊന്റു ഗേയ മുഡിന്തദാന ബേ്റ്‌വായിവെന്ത് എമാന കാപാറ്റുഡൊ>> എന്റ് അയാള് സൊന്നാന്.
23<<എനാക്ക് മുഡിമ് എന്റ് നീ സൊന്റായ!>> <<നമ്പിക്കെ ഇര്‌ക്ക്‌ന്റവാന്‌ക്ക് എല്ലാമ് മുഡിവു>> എന്റ് ഏസ്സ് സൊന്നാന്.
24അന്നാല് താനെ അയി മഗ അപ്പനച്ചാന് <<ഗുരുവെ! നാന് നമ്പ്‌ന്റെ; എന്റാല്‌മ് എനാക്ക് അത്ത്‌റ നമ്പിക്കില്ലെ. അദ്‌ന ഇല്ലാദെമാഡി തര്‌ഡൊ>> എന്റ് ദൊഡ്ഡാദ്‌ക്ക് ബ്‌ളിത്ത് സൊന്നാന്.
25ജനഗാള് ബന്ത് തുമ്പുവാദ്‌ന കണ്ടാദ്‌മ് ഏസ്സ് അയി കെ്ട്ടജാദിന മെ്റ്‌ട്ടി കൊണ്ടു: <<സെ്ഗ്‌ഡ്‌മ് ഊമേമ് ബ്‌ന്ത്‌റ്‌ക്കുവ കെ്ട്ടജാദ്യേ, ഇവാന്‌ന ബ്‌ട്ട് ഇ്റാഗി പൊ! ഇന്നി എന്നാല്‌ക്ക്‌മ് അവാന് കുളാക്ക് ബര ബേ്ഡ എന്റ് നാന് നിനാക്ക് കല്‌പനെ തന്റെ!>> എന്റ് സൊന്നാന്.
26അയി സമ്യ അയി ജാദി ദൊഡ്ഡാദ്‌ക്ക് അഗാറി കൊണ്ടു അവാന്‌ന ലേസ അത്തഗ തൂക്കി എ്ഡ്‌ത്ത് എ്റിന്ത് ബ്‌ട്ട് ബെ്ളിഗെ പോറ്റു. അയി മഗ സത്ത പാസെ ആനാന്. <<അയാള് സത്ത് തള്ള്‌നാന്>> എന്റ് പല ആള്‌ഗാള് സൊന്നാര്. 27ആന ഏസ്സ് അവാന് കയിന പ്‌ഡിത്ത് ഇ്ളാക്ക്‌നാന്. അയാള് ഇ്ളാഗി നിന്റാന്.
28അദ് കളിന്ത് ഏസ്സ് ബീ്ഡ്‌ക്ക് ബന്ത പ്‌റ സൊല്ലുപഡി നഡാക്ക്‌ന്റവാര് തമ്മ താനെ അയാള്‌ന: <<എമാക്ക് അയി കെ്ട്ടജാദിന മുഡിക്കി ബ്‌ഡ്യ മുഡ്യാത്താദ് എന്ത്‌ക്ക്?>> എന്റ് കേ്ട്ടാര്.
29<<പരേസനാലെത്തെ ഈ ജാദിഗാള്‌ന മുഡിക്കി ബ്‌ഡ്യ മുഡിവു. ഇല്ലാദെ പോന മുഡ്യാമാട്ട>> എന്റ് ഏസ്സ് ബദ്‌ല് സൊന്നാന്.
ഏസ്സ് താന് സാവാദ്‌ന പറ്റി പിന്നേമ് സൊന്റാന്
30അവാര് അദ്‌ലിന്ത് പ്‌റപട്ട് ഗലീല ഊരുമേലെ പോനാര്. താന് ഏദ്‌ല് ഇര്‌ക്ക്‌ന്റാന് എന്റ് ആര്‌ക്ക്‌മ് തെര്യാദെ ഇര്‌ക്കുഡൊ എന്റ് ഏസ്സ് ആസെപട്ടാന്. 31അദ് എന്ത്‌ക്കെന്റ് സൊന്ന <<മന്‌സാനായി പ്‌റാന്തവാന്‌ന മന്‌സാര് കയിക്ക് കൊഡുക്ക്യ പക്കായിര്‌ക്ക്‌ന്റ്. അവാര് അയാള്‌ന കൊല്ലുവാര്. മൂറാവാദ് നാള് അയാള് ഉജുര്‌ളാഗുവാന്.>> ഈ കാര്യഗാള്‌ന സൊല്ലുപഡി നഡാക്ക്‌ന്റവാര്‌ക്ക് പഡുസുഡൊ. 32ആന അയാള് ഇത്തെ സൊന്ന കാര്യ എന്തെന്റ് സൊല്ലുപഡി നഡാക്ക്‌ന്റവാര്‌ക്ക് തെര്യാലെ. അദ്‌ന അയാള്‌ന കേ്ള്‌ക്ക്യാമ് അവാര് അഞ്ച്‌നാര്.
എല്ലാര്‌ക്ക് ബ്‌ഡ ദൊഡ്ഡവാന് ആര്?
33അത്തെ അവാര് കവറ്‌ണഗൂമുക്കു എജ്ജ്‌നാര്. ബീ്ഡ്‌ക്ക് ബന്ത പ്‌റസാരി ഏസ്സ് അവാര്‌ന: <<ബട്ടേല് നിമ്മ എന്ത്‌ന പറ്റി തറ്‌ക്കിന്ത്‌റ്?>> എന്റ് കേ്ട്ടാന്. 34ആന തമ്മ് കൂട്ടാത്ത്‌ല് ആര് ദൊഡ്ഡവാന് എന്നുവാദ്‌ന പറ്റിത്തെ അവാര് ബട്ടേല് ബെത്ത് തറ്‌ക്കിന്താദ്. അദ്‌നാലെ അവാര് സപ്പെന്റിന്താര്.
35ഏസ്സ് കുക്കാന്ത പ്‌റ പന്നന്റ് സൊല്ലുപഡി നഡാക്ക്‌ന്റവാര്‌നാമ് ബ്‌ളിത്ത്: <<ഒന്റൊരുത്താന് മുമ്പാനായിര്‌ക്ക്യ ആസെപട്ട, എല്ലാ ആള്‌ഗാള്‌നാമ് തനാക്ക് ബ്‌ഡ ദൊഡ്ഡുദൊഡ്ഡവാരായി നെനേക്കുഡൊ. അദ്‌താനെ അല്ല അയാള് എല്ലാ ആള്‌ഗാള്‌ക്ക്‌മ് ഗിലാസഗാറാന് ആയിര്‌ക്കുഡൊ>> എന്റ് സൊന്നാന്.
36പ്‌റസാരി ഏസ്സ് ഒന്റു സ്‌ന്ന മഗാന എ്ഡ്‌ത്ത് അവാര്‌ക്ക് നഡ്‌ക്കെ നില്ലിസി അയി മഗാന അയാള് തന്ന് നെഞ്ച്‌ക്ക് അണേത്ത് കൊണ്ടു അവാര്‌ക്ക്: 37<<ഇദേപാസെ ഇര്‌ക്കുവ മക്കാള്‌ഗാള്‌ല് ഒന്റു മഗാന എന്ന് പേര്‌ല് തങ്കാരിക്ക്‌ന്റവാന് എനാന തങ്കാരിക്ക്‌ന്റാന്. എനാന തങ്കാരിക്ക്‌ന്റവാന് എനാന താനെ അല്ല എനാന സൊല്ലി ബ്‌ട്ടവാന്‌ന തങ്കാരിക്ക്‌ന്റാന്>> എന്റ് സൊന്നാന്.
നമാക്ക് പോട്ടി അല്ലാത്തവാന് നമ്മാള്‌ത്തെ
38ഓഗന്നാന് ഏസ്സ്‌ക്ക്: <<ഗുരുവെ, നിന്ന് പേര്‌ക്ക് ഇര്‌ക്കുവ അദിഗരാത്ത്‌ല് ഒന്റാള് കെ്ട്ടജാദിന തട്ടിസി തള്ളുവാദ്‌ന എമ്മ കണ്ടേമ്. അയാള് നമ്മ് കൂട്ടാക്ക് പഡാത്തവാന് ആനാദ്‌നാലെ എമ്മ അയാള്‌ന തഡ്‌ക്ക്യ നോഡുനേമ്>> എന്റ് സൊന്നാന്.
39ഏസ്സ് ഓഗന്നാന്‌ക്ക് ഇത്തെ സൊന്നാന്: <<എന്ന് പേര്‌ന സൊല്ലി ഒന്റു കാര്യബീര്യ ഗേന്റവാന്‌ക്ക് എനാന പറ്റി സട്ടന കുറ്റ സൊല്ല്യ മുഡ്യാമാട്ട. അദ്‌നാലെ നിമ്മ അയാള്‌ന തഡ്‌ക്കാദേന്. 40നമ്മോഡ പോട്ടിപ്‌ഡിക്കത്തവാന് നമാക്കുള്ളവാന്‌ത്തെ. 41നാന് നിമാക്ക് സത്ത്യമായി സൊന്റെ, നിമ്മ ക്‌റ്‌സ്‌ത്ത്‌ക്ക് പട്ടവാര് ആയിര്‌ക്കുവാദ്‌നാലെ നിമാക്ക് ആരാറ്റ ഒന്റു തൊട്ടി നീര് കുഡിക്ക്യ തന്തദാന അയാള്‌ക്ക് അദുക്കുള്ള കൂലി കെ്ഡേക്കാദെ പോഗമാട്ട.>>
പാവ ഗേവാദ്‌ക്കുള്ള ദെ്ണ്ടണെ
42<<എനാന നമ്പി നഡാക്കുവ ഈ സ്‌ന്നവാര്‌ല് ഒരുത്താന്‌ന ആരാറ്റ പാവ ഗേയ ബെത്തദാന അയാള്‌ക്ക് മ്‌ഗ്‌ന്ത ദെ്ണ്ടെണെ കെ്ഡേക്ക്‌മ്. അദ്‌ന ബ്‌ഡ അയാള് കവുത്തുക്കു ദൊഡ്ഡ ഒന്റു ബീസ്‌ങ്കല്ല്‌ന കെ്ട്ടി കഡാല്‌ക്ക് എ്റിവാദ്‌ത്തെ നല്ലാദ്. 43നിന്ന് കയി നിനാന പാവ ഗേയ ബെത്തദാന അദ്‌ന ബെ്ട്ടി തള്ള്. നീ റാഡ് കയ്യോഡ നരഗാത്ത്‌ല് കെ്ഡാദെ ഇര്‌ക്കുവ തീക്ക് പോവാദ്‌ന ബ്‌ഡ ഒന്റു കയി ഇല്ലത്തവാനായി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് പോവാദ് നിനാക്ക് നല്ലാദ്.#9:43 മുദാല് എ്ള്‌ദി ബെത്തിന്താദ്‌ന നോഡി എ്ള്‌ദ്‌ന പഗ്‌ദി കായിദാല് <<നരഗാത്ത്‌ല് അവാര്‌ന തിന്നുവ പൂവു സാവാദില്ലെ; അദ്‌ല് കത്തുവ തീ കെ്ഡുവാദ്‌മില്ലെ>> എന്നുവ സുലാക്ക സേത്തി എ്ള്‌ദിര്‌ക്ക്‌ന്റ്. 45നിന്ന് കാല് നിനാന പാവ ഗേയ ബെത്തദാന അദ്‌ന ബെ്ട്ടി തള്ള്. റാഡ് കാല് ഇര്‌ക്ക്‌ന്റവനായി നരഗാക്ക് പോവാദ്‌ന ബ്‌ഡ ഒന്റേ കാലോഡ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് പോവാദ് നിനാക്ക് നല്ലാദ്#9:45 മുദാല് എ്ള്‌ദി ബെത്തിന്താദ്‌ന നോഡി എ്ള്‌ദ്‌ന പഗ്‌ദി കായിദാല് <<നരഗാത്ത്‌ല് അവാര്‌ന തിന്നുവ പൂവു സാവാദില്ലെ; അദ്‌ല് കത്തുവ തീ കെ്ഡുവാദ്‌മില്ലെ>> എന്നുവ സുലാക്ക സേത്തി എ്ള്‌ദിര്‌ക്ക്‌ന്റ്. . 47നിന്ന് കണ്ണ് നിനാന പാവ ഗേയ ബെത്തദാന അദ്‌ന സൊളോണ്ടി തള്ള്. റാഡ് കണ്ണുള്ളവാനായി നരഗാക്ക് പോവാദ്‌ന ബ്‌ഡ ഒറ്റെ കണ്ണാനായി സാമി ആളുവ നാഡ്‌ക്ക് പോവാദ് നിനാക്ക് നല്ലാദ്.
48<നരഗാത്ത്‌ല് അവാര്‌ന തിന്നുവ പൂവു സാവാദില്ലെ;
അദ്‌ല് കത്തുവ തീ കെ്ഡുവാദ്‌മില്ലെ.>#ഏസ്സയ്യാവു 66:24
49പലി കൊഡുത്താദ്‌ന ഉപ്പിക്കി സുത്താപ്പ് മാഡുവ#9:49ഉപ്പിക്കി സുത്താപ്പ് മാഡുവപലി കൊഡുത്ത ബേ്ണ്ട്‌ഗാള് കറിന സുത്താപ്പ് മാഡ്യ അദ്‌ക്ക് ഉപ്പിക്കി ബെക്ക്‌ന്റാര്. പാസെ തീയില് എല്ലാര്‌നാമ് സുത്താപ്പ് മാഡുവാന്. 50ഉപ്പു നല്ലാദ്‌ത്തെ. ആന ഉപ്പുക്കിര്‌ക്കുവ ഗുണ ഇല്ലാദ്യാന പിന്നെ എത്തെ അദ്‌ക്കിര്‌ക്കുവ ഗുണ മാഡ്യ മുഡിമ്? അദ്‌നാലെ നിമ്മ ഉപ്പുന പാസെ ആങ്കീങ്ക് പിര്യപിര്യാത്ത്‌റ്‌ന്.>>
Currently Selected:
മര്‌ക്കോസു 9: സാമി സേദി
Highlight
Share
Copy
Want to have your highlights saved across all your devices? Sign up or sign in
New Life Computer Institute
മര്‌ക്കോസു 9
9
1ഏസ്സ് അവാര്‌ക്ക്: <<ഇദ്‌ല് നിന്റ്‌റ്‌ന്റവാര്‌ല് ലേസ ആള്‌ഗാള് സാമി ആളുവാദ് സക്‌ത്യോഡ ബരുവാദ്‌ന കാണമാട്ട്‌ക്ക് സാഗമാട്ടാര് എന്റ് നാന് സത്ത്യമായി നിമാക്ക് സൊന്റെ>> എന്റ് സൊന്നാന്.
ഏസ്സ് മോസ്യോഡാമ് ഏല്യാവോഡാമ് നായനൊഡിന്റാന്
2ആറ് നാള് കളിന്ത പ്‌റ ഏസ്സ് പത്ത്‌റോസുനാമ് ആക്കോവുനാമ് ഓഗന്നാന്‌നാമ് കൂട്ട്യെ്ഡ്‌ത്ത് ഒന്റു ഉജാന്ത ഗുഡ്ഡേക്ക് പോനാന്. അദ്‌ല് അവാര് തനിഗെ ഇന്താര്. ഏസ്സ് അവാര്‌ക്ക് മുന്നുക്കു ഉരുവ മാറ്‌നാന്. 3അയാള് ഉഡുപ്പു ബെ്ള്ളെബെ്ള്ള്യ മിന്നുവ ഉഡുപ്പാറ്റ്. ബൂമില് ആര്‌ക്ക്‌മ് ഇദേപാസെ കുമ്മി ബെ്ളിക്ക്യ മുഡ്യാമാട്ട. 4ഏല്യാവുമു മോസേമ് ബെ്ളിപട്ട് ഏസ്സോഡ നായനൊഡിവാദ്‌ന അവാര് കണ്ടാര്.
5<<ഗുരുവെ, നമ്മ ഇദ്‌ല് ഇര്‌ക്കുവാദ് എത്ത്‌റാഗോ നല്ലാദ്‌ത്തെ. എമ്മ മൂറു സാളെ ബെക്ക്‌ന്റേമ്? നിനാക്ക് ഒന്റുമു, മോസേക്ക് ഒന്റുമു, ഏല്യാവുക്കു ഒന്റുമു>> എന്റ് പത്ത്‌റോസു ഏസ്സ്‌ക്ക് സൊന്നാന്. 6പത്ത്‌റോസുക്കു എന്ത്‌ന സൊല്ലുവാദ് എന്റ് തെര്യാദിന്ത്‌ദ്. എന്ത്‌ക്കെന്റ് സൊന്ന അയാള്‌ക്ക്‌മ് ഒപ്പ ഇന്ത സൊല്ലുപഡി നഡാക്ക്‌ന്റവാര്‌ക്ക്‌മ് സെരിക്ക്‌മ് അഞ്ചിക്കെ പ്‌ഡിത്തിന്ത്‌ദ്.
7പ്‌റസാരി ഒന്റു മഞ്ച് ബന്ത് അവാര്‌ന മൂഡുറ്റു. അയി മഞ്ച്‌ലിന്ത്: <<ഇവാന് എനാക്ക് മെച്ച്‌പ്‌ഡിത്ത മഗാന്: ഇവാന് സൊല്ലുവാദ്‌ന കേ്ള്‌ന്>> എന്റ് ഒന്റു ജദ്ദാമ് ബന്ത്‌ദ്.
8അവാര് സട്ടന സുറ്റീല്‌മ് നോഡുനാര്. അയി സമ്യ തമ്മോഡൊപ്പ ഏസ്സ്‌നാത്തെ കണ്ടാര്. ബേ്റെ ആര്‌നാമ് അവാര് കാണാലെ.
9അവാര് മലേലിന്ത് ഇ്റാഗി ബര്‌ഗാട്ടി ഏസ്സ് അവാര്‌ക്ക്: <<മന്‌സാനായി പ്‌റാന്തവാന് സത്തവാര് പട്ട്‌ലിന്ത് ഉജുര്‌ളാഗമാട്ട്‌ക്ക് ഈ കണ്ടാദ്‌ന പറ്റി ആര്‌ക്ക്‌മ് സൊല്ല ബേ്ഡ>> എന്റ് കണ്ടിപ്പായി സൊന്നാന്. 10അദ്‌നാലെ അവാര് കണ്ടാദ് ഒന്റുനാമ് ആര്‌ക്ക്‌മ് സൊല്ലാലെ. ആന സത്തവാര് പട്ട്‌ലിന്ത് ഉജുര്‌ളാഗുവെ എന്റ് അയാള് സൊന്ന അര്‌ത്ത എന്തെന്റ് അവാര് തമ്മ തമ്മ നായനൊഡിന്ത് കൊണ്ടു ഇന്താര്.
11<<മുദാല് ഏല്യാവുത്തെ ബരുഡൊ എന്റ് ബേദബാത്ത്യനാമ് സൊല്ലുവാദ് എന്ത്‌ക്ക്?>> എന്റ് അവാര് ഏസ്സ്‌ന കേ്ട്ടാര്.
12ഏസ്സ് അവാര്‌ക്ക്: <<മുദാല് ഏല്യാവു ബന്ത് എല്ലാ കാര്യഗാള്‌നാമ് മറിസിമ് നലമായി ഗേന്ത് മുഡിക്കുവാന്. ആന മന്‌സാനായി പ്‌റാന്ത നാന് എഞ്ചോ കജട്ട പഡുഡൊ എന്റ്‌മ്, ആള്‌ഗാള് എനാന മാനാമ് ഗെ്ഡുസുവാര് എന്റ്‌മ് എന്ത്‌ക്ക് എ്ള്‌ദിര്‌ക്കുവാദ്? 13നാന് നിമാക്ക് സൊന്റെ, ഏല്യാവു ബന്താന്; അയാള്‌ന പറ്റി എ്ള്‌ദിര്‌ക്കുവ പാസെ അവാര് തമാക്ക് ഗേയ നെനേത്ത പാസെല്ല അയാള്‌ന ഗേന്ത് തള്ള്‌നാര്>> എന്റ് സൊന്നാന്.
ഏസ്സ് കെ്ട്ടജാദി തട്ടിര്‌ക്കുവ ഒന്റു മഗാന തെ്ള്‌സ്‌ന്റാന്
14അദ്‌ക്ക് പ്‌റ ഏസ്സ്‌മ് മൂറു സൊല്ലുപഡി നഡാക്ക്‌ന്റവാര്‌മ് ബെത്ത്‌തള്ളി പോന സൊല്ലുപഡി നഡാക്ക്‌ന്റവാര് പട്ട്‌ക്ക് ബര്‌ഗാട്ടി ദൊഡ്ഡ ഒന്റു ജനകൂട്ട ബെത്ത്‌തള്ളി പോന സൊല്ലുപഡി നഡാക്ക്‌ന്റവാര്‌ക്ക് സുറ്റീല്‌മ് ഗുമ്പു കൂഡിന്താര്. അദ്‌ല് എഗുദ ബേദബാത്ത്യനാമ് അയി സൊല്ലുപഡി നഡാക്ക്‌ന്റവാരോഡ തറ്‌ക്കുവാദ്‌നാമ് ഏസ്സാമ് കണ്ടാര്. 15ഏസ്സ്‌ന സട്ടന കാണ്‌ഗാട്ടി ആള്‌ഗാള് അദിസ്യപട്ട് ഓഡി ബന്ത് ബിനാത്ത്‌നാര്.
16അയാള് അവാര്‌ന: <<നിമ്മ എന്ത്‌ന പറ്റി അവാരോഡ തറ്‌ക്ക്‌ന്റ്‌റ്?>> എന്റ് കേ്ട്ടാന്. 17ആള് കൂട്ടാത്ത്‌ലിന്ത് ഒരുത്താന് ഇത്തെ സൊന്നാന്: <<ഗുരുവെ, നാന് എന്ന് മഗാന്‌ന നിന്ന് പട്ട്‌ക്ക് എ്ഡ്‌ത്ത് ബന്തെ; ഒന്റു കെ്ട്ടജാദി അവാന്‌ക്ക് തട്ടിരിക്ക്‌ന്റ്, അദ് അവാന്‌ന ഊമെ ബീ്ക്കി ബെത്ത്‌റ്‌ക്ക്‌ന്റ്. 18അദ് ഏദ് ഗളിഗേക്കെല്ല ഇ്ളാഗ്‌ന്റൊ അയി ഗളിഗേക്കെല്ല അയാള്‌ന മണ്ണ്‌ക്ക് ഉന്തി ബീ്ക്ക്‌ന്റ്. അവാന് ബായിലിന്ത് നൊരേമ് ജൊല്ലുമു ബന്റ്; അയാള് പല്ല്‌നാമ് കഡിക്ക്‌ന്റാന്; അത്തെ ആവാദോഡ അയാള് ഉരുവെല്ല ബെ്റേത്ത് മരതട്ടി തള്ള്‌ന്റ്. ഈ ജാദിന തട്ടിസിതള്ള്യ നിന്ന് സൊല്ലുപഡി നഡാക്ക്‌ന്റവാര്‌ക്ക് സൊന്നെ. ആന അവാര്‌ക്ക് മുഡ്യാലെ>> എന്റ് സൊന്നാന്.
19അദുക്കുള ഏസ്സ് അവാര്‌ക്ക്: <<നമ്പിക്കെ ഇല്ലാത്ത ഈ കാലാത്ത്‌ല ആള്‌ഗാളെ, നാന് ഇന്നി എഞ്ച് ഗളിഗെ നിമ്മോഡ ഇര്‌ക്കുവെ? നിമാക്ക് നമ്പിക്കെ ഇല്ലാദിര്‌ക്കുവാദ്‌ന നാന് എഞ്ച്‌കെ്ട്ട താങ്കുവെ? അവാന്‌ന എന്ന് പട്ട്‌ക്ക് എ്ഡ്‌ത്ത് ബാന്>> എന്റ് സൊന്നാന്.
20അവാര് അയി മഗാന ഏസ്സ് പട്ട്‌ക്ക് എ്ഡ്‌ത്ത് ബന്താര്. ഏസ്സ്‌ന കണ്ടാദ്‌മ് അയി ജാദി അവാന്‌ന ഗ്‌ഡ്‌ഗ്‌ഡ ആഡ്‌സ്‌റ്റ്. അയി മഗ മണ്ണ്‌ക്ക് ബ്‌ന്ത് ഉറുണ്ടുദു. ബായിലിന്ത് ജൊല്ലുമു, നൊരേമ് ബന്ത്‌ദ്.
21ഏസ്സ് അയി മഗ അപ്പനച്ചാന്‌ന: <<ഇവാന്‌ക്ക് എന്നാലിന്ത് ഇത്തെ ആറ്റ്?>> എന്റ് കേ്ട്ടാന്.
<<സ്‌റ്‌പ്പാത്ത്‌ലിന്തേ ഇത്തേത്തെ. 22അയി ജാദി അവാന്‌ന കൊല്ല്യ ബേ്ണ്ടി എഞ്ചോ ജമ്പ് തീക്ക്‌മ്, നീര്‌ക്ക്‌മ് ഉന്ത്യെ്ഡ്‌ത്ത് ബീ്ക്കിര്‌ന്റ്. ആന നിനാക്ക് എന്തൊന്റു ഗേയ മുഡിന്തദാന ബേ്റ്‌വായിവെന്ത് എമാന കാപാറ്റുഡൊ>> എന്റ് അയാള് സൊന്നാന്.
23<<എനാക്ക് മുഡിമ് എന്റ് നീ സൊന്റായ!>> <<നമ്പിക്കെ ഇര്‌ക്ക്‌ന്റവാന്‌ക്ക് എല്ലാമ് മുഡിവു>> എന്റ് ഏസ്സ് സൊന്നാന്.
24അന്നാല് താനെ അയി മഗ അപ്പനച്ചാന് <<ഗുരുവെ! നാന് നമ്പ്‌ന്റെ; എന്റാല്‌മ് എനാക്ക് അത്ത്‌റ നമ്പിക്കില്ലെ. അദ്‌ന ഇല്ലാദെമാഡി തര്‌ഡൊ>> എന്റ് ദൊഡ്ഡാദ്‌ക്ക് ബ്‌ളിത്ത് സൊന്നാന്.
25ജനഗാള് ബന്ത് തുമ്പുവാദ്‌ന കണ്ടാദ്‌മ് ഏസ്സ് അയി കെ്ട്ടജാദിന മെ്റ്‌ട്ടി കൊണ്ടു: <<സെ്ഗ്‌ഡ്‌മ് ഊമേമ് ബ്‌ന്ത്‌റ്‌ക്കുവ കെ്ട്ടജാദ്യേ, ഇവാന്‌ന ബ്‌ട്ട് ഇ്റാഗി പൊ! ഇന്നി എന്നാല്‌ക്ക്‌മ് അവാന് കുളാക്ക് ബര ബേ്ഡ എന്റ് നാന് നിനാക്ക് കല്‌പനെ തന്റെ!>> എന്റ് സൊന്നാന്.
26അയി സമ്യ അയി ജാദി ദൊഡ്ഡാദ്‌ക്ക് അഗാറി കൊണ്ടു അവാന്‌ന ലേസ അത്തഗ തൂക്കി എ്ഡ്‌ത്ത് എ്റിന്ത് ബ്‌ട്ട് ബെ്ളിഗെ പോറ്റു. അയി മഗ സത്ത പാസെ ആനാന്. <<അയാള് സത്ത് തള്ള്‌നാന്>> എന്റ് പല ആള്‌ഗാള് സൊന്നാര്. 27ആന ഏസ്സ് അവാന് കയിന പ്‌ഡിത്ത് ഇ്ളാക്ക്‌നാന്. അയാള് ഇ്ളാഗി നിന്റാന്.
28അദ് കളിന്ത് ഏസ്സ് ബീ്ഡ്‌ക്ക് ബന്ത പ്‌റ സൊല്ലുപഡി നഡാക്ക്‌ന്റവാര് തമ്മ താനെ അയാള്‌ന: <<എമാക്ക് അയി കെ്ട്ടജാദിന മുഡിക്കി ബ്‌ഡ്യ മുഡ്യാത്താദ് എന്ത്‌ക്ക്?>> എന്റ് കേ്ട്ടാര്.
29<<പരേസനാലെത്തെ ഈ ജാദിഗാള്‌ന മുഡിക്കി ബ്‌ഡ്യ മുഡിവു. ഇല്ലാദെ പോന മുഡ്യാമാട്ട>> എന്റ് ഏസ്സ് ബദ്‌ല് സൊന്നാന്.
ഏസ്സ് താന് സാവാദ്‌ന പറ്റി പിന്നേമ് സൊന്റാന്
30അവാര് അദ്‌ലിന്ത് പ്‌റപട്ട് ഗലീല ഊരുമേലെ പോനാര്. താന് ഏദ്‌ല് ഇര്‌ക്ക്‌ന്റാന് എന്റ് ആര്‌ക്ക്‌മ് തെര്യാദെ ഇര്‌ക്കുഡൊ എന്റ് ഏസ്സ് ആസെപട്ടാന്. 31അദ് എന്ത്‌ക്കെന്റ് സൊന്ന <<മന്‌സാനായി പ്‌റാന്തവാന്‌ന മന്‌സാര് കയിക്ക് കൊഡുക്ക്യ പക്കായിര്‌ക്ക്‌ന്റ്. അവാര് അയാള്‌ന കൊല്ലുവാര്. മൂറാവാദ് നാള് അയാള് ഉജുര്‌ളാഗുവാന്.>> ഈ കാര്യഗാള്‌ന സൊല്ലുപഡി നഡാക്ക്‌ന്റവാര്‌ക്ക് പഡുസുഡൊ. 32ആന അയാള് ഇത്തെ സൊന്ന കാര്യ എന്തെന്റ് സൊല്ലുപഡി നഡാക്ക്‌ന്റവാര്‌ക്ക് തെര്യാലെ. അദ്‌ന അയാള്‌ന കേ്ള്‌ക്ക്യാമ് അവാര് അഞ്ച്‌നാര്.
എല്ലാര്‌ക്ക് ബ്‌ഡ ദൊഡ്ഡവാന് ആര്?
33അത്തെ അവാര് കവറ്‌ണഗൂമുക്കു എജ്ജ്‌നാര്. ബീ്ഡ്‌ക്ക് ബന്ത പ്‌റസാരി ഏസ്സ് അവാര്‌ന: <<ബട്ടേല് നിമ്മ എന്ത്‌ന പറ്റി തറ്‌ക്കിന്ത്‌റ്?>> എന്റ് കേ്ട്ടാന്. 34ആന തമ്മ് കൂട്ടാത്ത്‌ല് ആര് ദൊഡ്ഡവാന് എന്നുവാദ്‌ന പറ്റിത്തെ അവാര് ബട്ടേല് ബെത്ത് തറ്‌ക്കിന്താദ്. അദ്‌നാലെ അവാര് സപ്പെന്റിന്താര്.
35ഏസ്സ് കുക്കാന്ത പ്‌റ പന്നന്റ് സൊല്ലുപഡി നഡാക്ക്‌ന്റവാര്‌നാമ് ബ്‌ളിത്ത്: <<ഒന്റൊരുത്താന് മുമ്പാനായിര്‌ക്ക്യ ആസെപട്ട, എല്ലാ ആള്‌ഗാള്‌നാമ് തനാക്ക് ബ്‌ഡ ദൊഡ്ഡുദൊഡ്ഡവാരായി നെനേക്കുഡൊ. അദ്‌താനെ അല്ല അയാള് എല്ലാ ആള്‌ഗാള്‌ക്ക്‌മ് ഗിലാസഗാറാന് ആയിര്‌ക്കുഡൊ>> എന്റ് സൊന്നാന്.
36പ്‌റസാരി ഏസ്സ് ഒന്റു സ്‌ന്ന മഗാന എ്ഡ്‌ത്ത് അവാര്‌ക്ക് നഡ്‌ക്കെ നില്ലിസി അയി മഗാന അയാള് തന്ന് നെഞ്ച്‌ക്ക് അണേത്ത് കൊണ്ടു അവാര്‌ക്ക്: 37<<ഇദേപാസെ ഇര്‌ക്കുവ മക്കാള്‌ഗാള്‌ല് ഒന്റു മഗാന എന്ന് പേര്‌ല് തങ്കാരിക്ക്‌ന്റവാന് എനാന തങ്കാരിക്ക്‌ന്റാന്. എനാന തങ്കാരിക്ക്‌ന്റവാന് എനാന താനെ അല്ല എനാന സൊല്ലി ബ്‌ട്ടവാന്‌ന തങ്കാരിക്ക്‌ന്റാന്>> എന്റ് സൊന്നാന്.
നമാക്ക് പോട്ടി അല്ലാത്തവാന് നമ്മാള്‌ത്തെ
38ഓഗന്നാന് ഏസ്സ്‌ക്ക്: <<ഗുരുവെ, നിന്ന് പേര്‌ക്ക് ഇര്‌ക്കുവ അദിഗരാത്ത്‌ല് ഒന്റാള് കെ്ട്ടജാദിന തട്ടിസി തള്ളുവാദ്‌ന എമ്മ കണ്ടേമ്. അയാള് നമ്മ് കൂട്ടാക്ക് പഡാത്തവാന് ആനാദ്‌നാലെ എമ്മ അയാള്‌ന തഡ്‌ക്ക്യ നോഡുനേമ്>> എന്റ് സൊന്നാന്.
39ഏസ്സ് ഓഗന്നാന്‌ക്ക് ഇത്തെ സൊന്നാന്: <<എന്ന് പേര്‌ന സൊല്ലി ഒന്റു കാര്യബീര്യ ഗേന്റവാന്‌ക്ക് എനാന പറ്റി സട്ടന കുറ്റ സൊല്ല്യ മുഡ്യാമാട്ട. അദ്‌നാലെ നിമ്മ അയാള്‌ന തഡ്‌ക്കാദേന്. 40നമ്മോഡ പോട്ടിപ്‌ഡിക്കത്തവാന് നമാക്കുള്ളവാന്‌ത്തെ. 41നാന് നിമാക്ക് സത്ത്യമായി സൊന്റെ, നിമ്മ ക്‌റ്‌സ്‌ത്ത്‌ക്ക് പട്ടവാര് ആയിര്‌ക്കുവാദ്‌നാലെ നിമാക്ക് ആരാറ്റ ഒന്റു തൊട്ടി നീര് കുഡിക്ക്യ തന്തദാന അയാള്‌ക്ക് അദുക്കുള്ള കൂലി കെ്ഡേക്കാദെ പോഗമാട്ട.>>
പാവ ഗേവാദ്‌ക്കുള്ള ദെ്ണ്ടണെ
42<<എനാന നമ്പി നഡാക്കുവ ഈ സ്‌ന്നവാര്‌ല് ഒരുത്താന്‌ന ആരാറ്റ പാവ ഗേയ ബെത്തദാന അയാള്‌ക്ക് മ്‌ഗ്‌ന്ത ദെ്ണ്ടെണെ കെ്ഡേക്ക്‌മ്. അദ്‌ന ബ്‌ഡ അയാള് കവുത്തുക്കു ദൊഡ്ഡ ഒന്റു ബീസ്‌ങ്കല്ല്‌ന കെ്ട്ടി കഡാല്‌ക്ക് എ്റിവാദ്‌ത്തെ നല്ലാദ്. 43നിന്ന് കയി നിനാന പാവ ഗേയ ബെത്തദാന അദ്‌ന ബെ്ട്ടി തള്ള്. നീ റാഡ് കയ്യോഡ നരഗാത്ത്‌ല് കെ്ഡാദെ ഇര്‌ക്കുവ തീക്ക് പോവാദ്‌ന ബ്‌ഡ ഒന്റു കയി ഇല്ലത്തവാനായി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് പോവാദ് നിനാക്ക് നല്ലാദ്.#9:43 മുദാല് എ്ള്‌ദി ബെത്തിന്താദ്‌ന നോഡി എ്ള്‌ദ്‌ന പഗ്‌ദി കായിദാല് <<നരഗാത്ത്‌ല് അവാര്‌ന തിന്നുവ പൂവു സാവാദില്ലെ; അദ്‌ല് കത്തുവ തീ കെ്ഡുവാദ്‌മില്ലെ>> എന്നുവ സുലാക്ക സേത്തി എ്ള്‌ദിര്‌ക്ക്‌ന്റ്. 45നിന്ന് കാല് നിനാന പാവ ഗേയ ബെത്തദാന അദ്‌ന ബെ്ട്ടി തള്ള്. റാഡ് കാല് ഇര്‌ക്ക്‌ന്റവനായി നരഗാക്ക് പോവാദ്‌ന ബ്‌ഡ ഒന്റേ കാലോഡ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് പോവാദ് നിനാക്ക് നല്ലാദ്#9:45 മുദാല് എ്ള്‌ദി ബെത്തിന്താദ്‌ന നോഡി എ്ള്‌ദ്‌ന പഗ്‌ദി കായിദാല് <<നരഗാത്ത്‌ല് അവാര്‌ന തിന്നുവ പൂവു സാവാദില്ലെ; അദ്‌ല് കത്തുവ തീ കെ്ഡുവാദ്‌മില്ലെ>> എന്നുവ സുലാക്ക സേത്തി എ്ള്‌ദിര്‌ക്ക്‌ന്റ്. . 47നിന്ന് കണ്ണ് നിനാന പാവ ഗേയ ബെത്തദാന അദ്‌ന സൊളോണ്ടി തള്ള്. റാഡ് കണ്ണുള്ളവാനായി നരഗാക്ക് പോവാദ്‌ന ബ്‌ഡ ഒറ്റെ കണ്ണാനായി സാമി ആളുവ നാഡ്‌ക്ക് പോവാദ് നിനാക്ക് നല്ലാദ്.
48<നരഗാത്ത്‌ല് അവാര്‌ന തിന്നുവ പൂവു സാവാദില്ലെ;
അദ്‌ല് കത്തുവ തീ കെ്ഡുവാദ്‌മില്ലെ.>#ഏസ്സയ്യാവു 66:24
49പലി കൊഡുത്താദ്‌ന ഉപ്പിക്കി സുത്താപ്പ് മാഡുവ#9:49ഉപ്പിക്കി സുത്താപ്പ് മാഡുവപലി കൊഡുത്ത ബേ്ണ്ട്‌ഗാള് കറിന സുത്താപ്പ് മാഡ്യ അദ്‌ക്ക് ഉപ്പിക്കി ബെക്ക്‌ന്റാര്. പാസെ തീയില് എല്ലാര്‌നാമ് സുത്താപ്പ് മാഡുവാന്. 50ഉപ്പു നല്ലാദ്‌ത്തെ. ആന ഉപ്പുക്കിര്‌ക്കുവ ഗുണ ഇല്ലാദ്യാന പിന്നെ എത്തെ അദ്‌ക്കിര്‌ക്കുവ ഗുണ മാഡ്യ മുഡിമ്? അദ്‌നാലെ നിമ്മ ഉപ്പുന പാസെ ആങ്കീങ്ക് പിര്യപിര്യാത്ത്‌റ്‌ന്.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Computer Institute