Fakamulun 3
3
Nu Gfafia sik Taw at Yud Malao
1Sik menit, gina sis fatulu sfafun, Pedru ay Uan nalao sas Dius at bale laman nandarangin, aroro ginanya fandaranginan. 2Ay sanya e sik mangama yud malao siginan ngay nu kasalug. Kayu menit e namuba anya sas Dius at day sakbawan bale at nafangayan te, Masine fag Sakbawan, laman nanget sa sangay taw tagsakbo. 3Ay kanya nu nalag Pedru ay Uan nu gsakbo, get salapi. 4Ay Pedru ay Uan nadama anya. Ay Pedru nalong te, “Damai sa emi.” 5Ay kafag mangama gtangda, at fagsegun te, duama ro gfon sa anya salapi.
6Ay Pedru nalong te, “Kwe salapi, dewa katanya, e fon kro sa emu. Sa tam Fun Isus at ngayan, tagsiginans Nasaret, glong au emu te, malindugi ay loi.” 7Ay Pedru nated kafag mangama at siun fag take ay nafalindug anya. Ay kafag mangama at ngay darafa ay at ngay lufuan anbitsug. 8Ay kanya anlindug masakit ay malo wan ay nangalo Pedru ay Uan sas Dius at bale ay glao gtudtulbuan gseg Dius. 9Ay fagayu taw nu nalag kafag taw nu glao ay nu gseg Dius, 10natoglag te, kanya wan at malunggung gugat laman nanget kayu menit sis day sakbawan Dius at bale at nafangayan te, Masine fag Sakbawan. Ay fagayu taw maksvn nu kadulo.
Pedru Gfoyung sis Dius at Bale
11Ay kaduge kafag mangama gfagtean sis duama, ngay taw nanangakbang masakit sa anya fag tulu sis Sulumun at Tangbi Aba, ay kanya fagayu andulo maksvn aroro sat nalag. 12Ay Pedru nu nalag kafag ngay taw, glong sa anya fagayu te, “Em kaiban fag ngay taw Israel, wain ay fakaduloun ay nalag? Ay wain ay fagdamaun fia emi? O gamatangan am te, nafafia ami anya siginan em sadili fagmabalyananun ay em fagmatuyanun? 13Duan! Bundi ami! Nu bunway tam mangaguyang tua Abrayam, Isak ay Akub at Dius at nafakamulun takatanya laman gfon famauseganan sat fagsuguan Isus. Ay nafon am anya sat mabalyanan fag ngay taw laman namabul, ay nafauri am anya sis Pilatu at daga salubangan, dewa kanya kaylat gfalfas anya. 14Ay kanya dewa sik matuyan ay yud e malong, ankuri am anya, ay naet am te, falfasi sik takamabul fag taw. 15Ay nafabul am tagagbilug tam leleg. Dewa katanya, Dius nafadog yay nafaleleg anya, ay mafatuyan ami sabaliwa anya. 16Tuy fag mangama tagsi ay salubangan ay fagtoglagun, at faginbitsugun aroro siginan tua at fagafanudun sas Isus, ay kata ay nalag, kanya anfia aroro gafanud tua.
17“Ku ngay faduksay, nasaful au te, wam nasaful ay nafakamulun sas Isus, ay katanya yangay ay ngay tagfangguna. 18Ay baliwan ay nafakamulun takatanya, anfasludan Dius at nafoyung ebi siginan at ngay taglong at foyungan te, Dius ban at nafili fag Fun#3:18 Dius at nafili fag Fun: sas Griegu, Kristu. Anggan t.20. nanginkidapan. 19Nu katanya, ubuni ay ngay asalanan ay afolii sas Dius, laman kanya gfalyam ay ngay asalanan, ay gfon ayu buknga laman manabayan tuam, 20ay gsugu ban sa ayu Isus, Dius at nafili fag Fun, ay umke fagmabitsugun ban am siginan anya. 21Dius ban yakmay nafabagu fagayu nusnge wain, kata at foyungan sat ngay taglong ebi taguna, kanya ban gbanwan yay gugat sis banwa. 22Kata Muisis at longan te,
‘Tam Fun Dius nanfili ban sik taglong kata angku siginan ay ngay kasugfunanan, ay faningi ban nusnge wain at longan sa ayu. 23Ay at yud ban gfaning kafag taglong at foyungan, gfasaman siginans Dius at furuan ay gfamin fia.’#3:23 Deuterunumyu 18:15,18,19.
24Ay katanya yay Dius at ngay taglong at foyungan sabaliwa katsi fag ngay menit, siginans Samwel ay anggan at naguyan anya fag ngay taglong. 25Dius at nafatuyanan sat ngay taglong, ay at nawat fag nasadian sa tam ngay mangaguyang, sa yangay antam. Ay kanya nalong sas Abrayam te,
‘Aroro sam kasugfunanan, gfon kban fagmasineun sas fagdaul daga at ngay taw.’#3:25 Fakasigadan 22:18; 26:4.
26Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”
Currently Selected:
Fakamulun 3: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Fakamulun 3
3
Nu Gfafia sik Taw at Yud Malao
1Sik menit, gina sis fatulu sfafun, Pedru ay Uan nalao sas Dius at bale laman nandarangin, aroro ginanya fandaranginan. 2Ay sanya e sik mangama yud malao siginan ngay nu kasalug. Kayu menit e namuba anya sas Dius at day sakbawan bale at nafangayan te, Masine fag Sakbawan, laman nanget sa sangay taw tagsakbo. 3Ay kanya nu nalag Pedru ay Uan nu gsakbo, get salapi. 4Ay Pedru ay Uan nadama anya. Ay Pedru nalong te, “Damai sa emi.” 5Ay kafag mangama gtangda, at fagsegun te, duama ro gfon sa anya salapi.
6Ay Pedru nalong te, “Kwe salapi, dewa katanya, e fon kro sa emu. Sa tam Fun Isus at ngayan, tagsiginans Nasaret, glong au emu te, malindugi ay loi.” 7Ay Pedru nated kafag mangama at siun fag take ay nafalindug anya. Ay kafag mangama at ngay darafa ay at ngay lufuan anbitsug. 8Ay kanya anlindug masakit ay malo wan ay nangalo Pedru ay Uan sas Dius at bale ay glao gtudtulbuan gseg Dius. 9Ay fagayu taw nu nalag kafag taw nu glao ay nu gseg Dius, 10natoglag te, kanya wan at malunggung gugat laman nanget kayu menit sis day sakbawan Dius at bale at nafangayan te, Masine fag Sakbawan. Ay fagayu taw maksvn nu kadulo.
Pedru Gfoyung sis Dius at Bale
11Ay kaduge kafag mangama gfagtean sis duama, ngay taw nanangakbang masakit sa anya fag tulu sis Sulumun at Tangbi Aba, ay kanya fagayu andulo maksvn aroro sat nalag. 12Ay Pedru nu nalag kafag ngay taw, glong sa anya fagayu te, “Em kaiban fag ngay taw Israel, wain ay fakaduloun ay nalag? Ay wain ay fagdamaun fia emi? O gamatangan am te, nafafia ami anya siginan em sadili fagmabalyananun ay em fagmatuyanun? 13Duan! Bundi ami! Nu bunway tam mangaguyang tua Abrayam, Isak ay Akub at Dius at nafakamulun takatanya laman gfon famauseganan sat fagsuguan Isus. Ay nafon am anya sat mabalyanan fag ngay taw laman namabul, ay nafauri am anya sis Pilatu at daga salubangan, dewa kanya kaylat gfalfas anya. 14Ay kanya dewa sik matuyan ay yud e malong, ankuri am anya, ay naet am te, falfasi sik takamabul fag taw. 15Ay nafabul am tagagbilug tam leleg. Dewa katanya, Dius nafadog yay nafaleleg anya, ay mafatuyan ami sabaliwa anya. 16Tuy fag mangama tagsi ay salubangan ay fagtoglagun, at faginbitsugun aroro siginan tua at fagafanudun sas Isus, ay kata ay nalag, kanya anfia aroro gafanud tua.
17“Ku ngay faduksay, nasaful au te, wam nasaful ay nafakamulun sas Isus, ay katanya yangay ay ngay tagfangguna. 18Ay baliwan ay nafakamulun takatanya, anfasludan Dius at nafoyung ebi siginan at ngay taglong at foyungan te, Dius ban at nafili fag Fun#3:18 Dius at nafili fag Fun: sas Griegu, Kristu. Anggan t.20. nanginkidapan. 19Nu katanya, ubuni ay ngay asalanan ay afolii sas Dius, laman kanya gfalyam ay ngay asalanan, ay gfon ayu buknga laman manabayan tuam, 20ay gsugu ban sa ayu Isus, Dius at nafili fag Fun, ay umke fagmabitsugun ban am siginan anya. 21Dius ban yakmay nafabagu fagayu nusnge wain, kata at foyungan sat ngay taglong ebi taguna, kanya ban gbanwan yay gugat sis banwa. 22Kata Muisis at longan te,
‘Tam Fun Dius nanfili ban sik taglong kata angku siginan ay ngay kasugfunanan, ay faningi ban nusnge wain at longan sa ayu. 23Ay at yud ban gfaning kafag taglong at foyungan, gfasaman siginans Dius at furuan ay gfamin fia.’#3:23 Deuterunumyu 18:15,18,19.
24Ay katanya yay Dius at ngay taglong at foyungan sabaliwa katsi fag ngay menit, siginans Samwel ay anggan at naguyan anya fag ngay taglong. 25Dius at nafatuyanan sat ngay taglong, ay at nawat fag nasadian sa tam ngay mangaguyang, sa yangay antam. Ay kanya nalong sas Abrayam te,
‘Aroro sam kasugfunanan, gfon kban fagmasineun sas fagdaul daga at ngay taw.’#3:25 Fakasigadan 22:18; 26:4.
26Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines