Fakasigadan 14
14
Abram Nafalangfe Lut
1Ginanya fag buknga, Amrafel, Sinar at fun, ay Ariuk, Elasar at fun, ay Kedurlaumer, Elam at fun, ay Tidal, Guyim at fun, 2namawayan Bera, Suduma at fun, ay Birsa, Gumura at fun, ay Sinab, Adma at fun, ay Semeber, Sebuyim at fun, ay Bela fag furuan at fun. (Bela at ngayan yangay te, Suar.) 3Ay kanya fag limak fun an-gamut gfadgaloan at ngay mesa tagfawayan sas Sidim fag tagubungan. Ay nafangayan katsi te, Dagat at Mabulan. 4Ay Kedurlaumer nagbilug kanya fag ngay fun kaduge labi duak banwa, dewa katanya, nu ndasug at falabi tuluk banwa, kafag ngay fun nafawayan wa anya. 5Nu siwas falabi ufatk banwa, Kedurlaumer ay at ngay ufud fag ngay fun nababo ngay taw Refa tagsis Asterut-Karnaim, ay ngay taw Sus tagsis Am, ay ngay taw Em tagsis datag Kiryataim, 6ay anggan ngay taw Ur tagsis Buksul Seir, ay anggan El-Paran at munakbang sis talun at yud e taw. 7Siginan ginanya, kanya fagayu anfoli wan sas En-Mispat at nafangayan katsi te, Kades, ay nababo ngay taw Amalek ay ngay taw Amur tagbanwan sis Kasasun-Tamar.
8Ay Suduma ay Gumura ay Adma ay Sebuyim ay Bela (at ngayan yangay te, Suar) at ngay fun nafafalganan at ngay mesa tagfawayan sis Sidim fag tagubungan, 9ay nanamawayan Kedurlaumer, Elam at fun, ay Tidal, Guyim at fun, ay Amrafel, Sinar at fun, ay Ariuk, Elasar at fun, limak fun nanamawayan sas ufatk fun. 10Ay sis Sidim fag tagubungan ngayu fag bubun ke madai fag langis malayung.#14:10 madai fag langis malayung: sas Faniganun, aspalto. Ay gina Suduma ay Gumura at fun nalagyu gadgaloan at ngay tagfawayan, tiba at fadgaloan antong sasad bubun, ay tiba nalagyu sas talun buid. 11-12Kafag ufatk fun nabul Suduma ay Gumura at ramraman fagayu ay anggan tagsanya fag fakonun. Ay anggan Lut, Abram at mangwai, nagamatan yangay ay nabulan at ngay ramraman, aroro kanya gbanwan yangay sis Suduma. Ay kanya fag ngay fawayan nalo wan nu nabul fagayu nusnge wain.
13Ay e sik taw at nalagyu ay nanamoyung at ngay nalag sas Abram. Ginanya Abram gbanwan sis Mamre at fagagbilugun fag ngay fun kayu ayu daul, (Mamre sik taw Amur.) Ay Eskul ay Aner fag duksay Mamre at fagadgalangan, ay Abram at ngay ufud. 14Ay Abram nu nasaful te, at mangwai nagamatan, nafaful wa vtv tuluk sandan labi waluk tagfawayan at mafananadan. Ay nanamafalo kanya fag ngay fun sitsigons furuan Dan. 15Ay nu nyabi wan, Abram nafaduak afud at ngay tagfawayan, ay nanamawayan at ngay fawayan ay nababo. Ay tiba at fawayan at nalagyu, Abram at ngay tagfawayan nanamafalo sitsigons Kuba ay nalangfe yay Damasku. 16Ay Abram at ngay tagfawayan naago yay at ngay fawayan at nabul fag ngay ramraman, ay nafauli Lut ay anggan at ngay ramraman ay fagayu at fadgaloan fag ngay mangena ay tiba yak taw.
Melkisedek Nafadante Abram
17Abram ay at ngay ufud nu noli wan gina nababo Kedurlaumer ay at ngay ufud fag ngay fun, Suduma at fun nafablang anya sis Sabe fag tagubungan (at ngayan yangay te, Fun at Fagagbilugun fag Tagubungan.) 18Ay Melkisedek, Salem at fun ay tagfon fanggalangun sa Tiba Tungud fag Dius, nanamablang yangay Abram ay e buba tinapay ay fanlangu laman at fon sas Abram. 19Ay Melkisedek nafadante Abram ay nalong te,
“Tiba Tungud fag Dius at nawat banwa ay daga gfadante nangus emu.
20Segi Tiba Tungud fag Dius,
at nafababo emu sa am ngay fawayan.”
Ay Abram nafon sas Melkisedek at fasafuluk afud at nabul siginan at ngay fawayan.
21Ay Suduma at fun nalong sas Abram te, “Fafolii yap sa angku ku ngay fagsuguan. Ay emu wa fagayu ku ramraman, kanya fagayu at nabul siginan angku.”
22Ay Abram nabalus Suduma at fun te, “Gfatuyanan au si Tiba Tungud fag Dius at daga salubangan, at nawat banwa ay daga te, 23kwa gbul nusnge wain fag ramraman tagsiginan emu, nusdi sik faniklis ay nusdi famutus lapak, laman wo malong te, o at nafaramraman angku. 24Kwa gbul nusnge wain nu sa way ku sadili. Ku fagnamulun sa way ku ngay fagsuguan at naon. Ay masine ku ngay ufud Aner, Eskul ay Mamre nu e kwa yangay.”
Currently Selected:
Fakasigadan 14: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Fakasigadan 14
14
Abram Nafalangfe Lut
1Ginanya fag buknga, Amrafel, Sinar at fun, ay Ariuk, Elasar at fun, ay Kedurlaumer, Elam at fun, ay Tidal, Guyim at fun, 2namawayan Bera, Suduma at fun, ay Birsa, Gumura at fun, ay Sinab, Adma at fun, ay Semeber, Sebuyim at fun, ay Bela fag furuan at fun. (Bela at ngayan yangay te, Suar.) 3Ay kanya fag limak fun an-gamut gfadgaloan at ngay mesa tagfawayan sas Sidim fag tagubungan. Ay nafangayan katsi te, Dagat at Mabulan. 4Ay Kedurlaumer nagbilug kanya fag ngay fun kaduge labi duak banwa, dewa katanya, nu ndasug at falabi tuluk banwa, kafag ngay fun nafawayan wa anya. 5Nu siwas falabi ufatk banwa, Kedurlaumer ay at ngay ufud fag ngay fun nababo ngay taw Refa tagsis Asterut-Karnaim, ay ngay taw Sus tagsis Am, ay ngay taw Em tagsis datag Kiryataim, 6ay anggan ngay taw Ur tagsis Buksul Seir, ay anggan El-Paran at munakbang sis talun at yud e taw. 7Siginan ginanya, kanya fagayu anfoli wan sas En-Mispat at nafangayan katsi te, Kades, ay nababo ngay taw Amalek ay ngay taw Amur tagbanwan sis Kasasun-Tamar.
8Ay Suduma ay Gumura ay Adma ay Sebuyim ay Bela (at ngayan yangay te, Suar) at ngay fun nafafalganan at ngay mesa tagfawayan sis Sidim fag tagubungan, 9ay nanamawayan Kedurlaumer, Elam at fun, ay Tidal, Guyim at fun, ay Amrafel, Sinar at fun, ay Ariuk, Elasar at fun, limak fun nanamawayan sas ufatk fun. 10Ay sis Sidim fag tagubungan ngayu fag bubun ke madai fag langis malayung.#14:10 madai fag langis malayung: sas Faniganun, aspalto. Ay gina Suduma ay Gumura at fun nalagyu gadgaloan at ngay tagfawayan, tiba at fadgaloan antong sasad bubun, ay tiba nalagyu sas talun buid. 11-12Kafag ufatk fun nabul Suduma ay Gumura at ramraman fagayu ay anggan tagsanya fag fakonun. Ay anggan Lut, Abram at mangwai, nagamatan yangay ay nabulan at ngay ramraman, aroro kanya gbanwan yangay sis Suduma. Ay kanya fag ngay fawayan nalo wan nu nabul fagayu nusnge wain.
13Ay e sik taw at nalagyu ay nanamoyung at ngay nalag sas Abram. Ginanya Abram gbanwan sis Mamre at fagagbilugun fag ngay fun kayu ayu daul, (Mamre sik taw Amur.) Ay Eskul ay Aner fag duksay Mamre at fagadgalangan, ay Abram at ngay ufud. 14Ay Abram nu nasaful te, at mangwai nagamatan, nafaful wa vtv tuluk sandan labi waluk tagfawayan at mafananadan. Ay nanamafalo kanya fag ngay fun sitsigons furuan Dan. 15Ay nu nyabi wan, Abram nafaduak afud at ngay tagfawayan, ay nanamawayan at ngay fawayan ay nababo. Ay tiba at fawayan at nalagyu, Abram at ngay tagfawayan nanamafalo sitsigons Kuba ay nalangfe yay Damasku. 16Ay Abram at ngay tagfawayan naago yay at ngay fawayan at nabul fag ngay ramraman, ay nafauli Lut ay anggan at ngay ramraman ay fagayu at fadgaloan fag ngay mangena ay tiba yak taw.
Melkisedek Nafadante Abram
17Abram ay at ngay ufud nu noli wan gina nababo Kedurlaumer ay at ngay ufud fag ngay fun, Suduma at fun nafablang anya sis Sabe fag tagubungan (at ngayan yangay te, Fun at Fagagbilugun fag Tagubungan.) 18Ay Melkisedek, Salem at fun ay tagfon fanggalangun sa Tiba Tungud fag Dius, nanamablang yangay Abram ay e buba tinapay ay fanlangu laman at fon sas Abram. 19Ay Melkisedek nafadante Abram ay nalong te,
“Tiba Tungud fag Dius at nawat banwa ay daga gfadante nangus emu.
20Segi Tiba Tungud fag Dius,
at nafababo emu sa am ngay fawayan.”
Ay Abram nafon sas Melkisedek at fasafuluk afud at nabul siginan at ngay fawayan.
21Ay Suduma at fun nalong sas Abram te, “Fafolii yap sa angku ku ngay fagsuguan. Ay emu wa fagayu ku ramraman, kanya fagayu at nabul siginan angku.”
22Ay Abram nabalus Suduma at fun te, “Gfatuyanan au si Tiba Tungud fag Dius at daga salubangan, at nawat banwa ay daga te, 23kwa gbul nusnge wain fag ramraman tagsiginan emu, nusdi sik faniklis ay nusdi famutus lapak, laman wo malong te, o at nafaramraman angku. 24Kwa gbul nusnge wain nu sa way ku sadili. Ku fagnamulun sa way ku ngay fagsuguan at naon. Ay masine ku ngay ufud Aner, Eskul ay Mamre nu e kwa yangay.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines