Fakasigadan 47
47
1Use nalao sas Igiptu at fun ay nalong te, “Ku mama ay ku ngay faduksay andasug wan siginans Kanaan gtabanan at ngay fagbaugun ay gbuba fagayu at ramraman, ay katsi si was Gusen.”
2Use nataban at lima at faduksay, ay nafatoglag wa vtv sas Igiptu at fun. 3Ay Igiptu at fun nainto sas duksayan te, “Nataw ay fakamulun?”
Ay kafag lima nabalus te, “Sik ngay tagalaga ami ngay fagbaugun kata em ngay fagtainan. 4Em fagnasteun sik famanyaan way, aroro sis Kanaan maksvn nu malunus, ay wami e fagfafangonan ya em ngay fagbaugun. Nu masine di, get ami sa emu te, namanwan ami sas Gusen.”
5Ay Igiptu at fun nalong sas Use te, “Dakngani am mama ay anggan am ngay faduksay ste wan, 6talun Igiptu mafalganan laman sam talananan. Fabanwani wan anya fagayu sas Gusen. Gusen wan at sadi at masine fag afud talun Igiptu. Nu e nasaful o ngay taw at makatu galaga fagbaugun, faalagai sa anya ku fagbaugun fagayu.”
7Ay Use nataban at mama sas Igiptu at fun laman namatoglag. Ay Akub nafadante Igiptu at fun. 8Ay Igiptu at fun nainto anya te, “Seyu wo kbanwa?”
9Ay Akub nabalus te, “Sadik sandan tuluk safulu. Wa ngaduge way ku leleg ay maidap way ku nadalan kaduge au gleleg ste swa daga, ay kwa kaduge ku ngay mangaguyang nu gleleg.”
10Ay Akub nafadante Igiptu at fun ay nalao wan.
11Kata Igiptu at fun at suguan sas Use, kanya nafae fagmanabayanun at mama ay at ngay faduksay sis talun Igiptu. Ay kanya nafabanwan anya fagayu munakbang sis Rameses at yud e natungud nu masine fag afud talun Igiptu. 12Use nafon yangay fakonun sat mama ay sat ngay faduksay, ay sas fagdaul at mama at talananan, gfakasakan nu seyu sik talanan at sisian.
13Ankaksvn yay nu malunus ay we kalag ya fakonun dewa nday. Ngay taw Igiptu ay anggan ngay taw Kanaan mamomuy wan. 14Use nafaful ngay taw Igiptu ay ngay taw Kanaan at ngay salapi at famayad fakonun, ay nabuba sas Igiptu at fun at bale. 15Andasug sik buknga, ngay taw Igiptu ay ngay taw Kanaan we famayad ya fakonun. Ngay taw Igiptu nalo sas Use ay nalong te, “Wami e salapi ya. Nu masine tua sa emu, foni way lang emi fakonun aroro kabul wami sis lunus.”
16Ay Use nabalus te, “Nu dway am e salapi ya, tabanani stie ay ngay fagbaugun laman ay famayad ay fakonun.” 17Nu katanya, ngay taw Igiptu nataban at ngay kabayu, ay at ngay tupa, ay at ngay kambing, ay at ngay baka, ay at ngay asnu sas Use laman at famayad fakonun. Ay kanya fagayu nafakamulun takatanya kaduge sadik banwa.
18Nu nlangfe wan sadik banwa, kafag ngay taw nadog yay nalao sas Use ay nalong te, “Nasaful wo te, wami e salapi ya, ay anggan fagayu em fagbaugun siwa emu. We sawad em ramraman, at sawad, em leleg way lang ay em daga. 19Nu katanya, gubuki emi laman wami kabul ay laman em ngay fagtanuman di kafabayan. Kaylat wami nangafagsuguanan sas Igiptu at fun, ay namagbilug sa anya em ngay daga, balikam ban nu e fakonun ami. Ay foni wa vtv emi bvtang laman em fananum, laman wami kabul ay di kafabayan fagdaul em talun.”
20Nu katanya, fagayu taw Igiptu nafalao wan at daga sas Use at kaksvnan nu malunus. Use nabayad kafag ngay daga laman Igiptu at fun at fagagbilugun, ay kafag fun nagbilug kafag ngay daga. 21Ay Use nafafagsuguan ngay taw Igiptu sas Igiptu at fun. 22Tagfon fanggalangun way lang at daga Use at nayud nabayad aroro Igiptu wan at fun tagfon fakonun ay anggan at ngay fagayudanun sa anya fagayu.
23Use nalong sa sangay taw te, “Katsi nabayad kwan ayu anggan ay ngay daga laman sas Igiptu at fun. Na, ay bvtang, nananum wam. 24Ay nu nagutlu ban am, foni sas Igiptu at fun kayu falimak afud. Ay nu seyu at sawad, kanya ayu, laman e fananum tuam ay e fakonun ay mesa talananan.”
25Ay kafag ngay taw glong te, “Em fun, we gtungud ya am fagmasineun sa emi. Nafalangfe tuo em leleg. Ay naylat ami nangafagsuguanan ami sas Igiptu at fun.” 26Nu katanya, Use nafakamulun sis talun Igiptu at faugali te, galay falimak afud ay gutluan foni sas Igiptu at fun. Ngay taw Igiptu gfaning yay gugat kafag faugali dasug katsi. Ngay tagfon fanggalangun way lang at daga Igiptu at fun at nayud nagbilug.
27Ngay taw Israel gbanwan sis Gusen, sis talun Igiptu. Ay kanya fagayu nagbilug daga ay ankayu at ngay kasugfunanan. 28Akub nu gbanwan sis talun Igiptu labi fituk banwa ay nu gleleg sadik sandan ufatk safulu e fituk banwa. 29Ay kanya nu gamatang wa te, gakabulun wan, kanya nauro yay Use ay nalong te, “Fasai ku daga balangbang am daluap ay fatuyanani te, malukme tua ban o gugat ay matuyan sa angku, ay lag ban o gfoli angku ste sis talun Igiptu. 30Nu nbul kban, bubai angku ste ginans talun Igiptu ay namoli yap am angku sa ku mangaguyang at fagfolian.”
Ay Use gbalus te, “Gfakamulun kban kata am nalong.”
31Ay Israel nalong te, “Fatuyanani sa angku.” Ay Use nafatuyanan sa anya. Ay sanya ginan, Israel narungan sit fagtiugan laman gfauseganan Dius.
Currently Selected:
Fakasigadan 47: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Fakasigadan 47
47
1Use nalao sas Igiptu at fun ay nalong te, “Ku mama ay ku ngay faduksay andasug wan siginans Kanaan gtabanan at ngay fagbaugun ay gbuba fagayu at ramraman, ay katsi si was Gusen.”
2Use nataban at lima at faduksay, ay nafatoglag wa vtv sas Igiptu at fun. 3Ay Igiptu at fun nainto sas duksayan te, “Nataw ay fakamulun?”
Ay kafag lima nabalus te, “Sik ngay tagalaga ami ngay fagbaugun kata em ngay fagtainan. 4Em fagnasteun sik famanyaan way, aroro sis Kanaan maksvn nu malunus, ay wami e fagfafangonan ya em ngay fagbaugun. Nu masine di, get ami sa emu te, namanwan ami sas Gusen.”
5Ay Igiptu at fun nalong sas Use te, “Dakngani am mama ay anggan am ngay faduksay ste wan, 6talun Igiptu mafalganan laman sam talananan. Fabanwani wan anya fagayu sas Gusen. Gusen wan at sadi at masine fag afud talun Igiptu. Nu e nasaful o ngay taw at makatu galaga fagbaugun, faalagai sa anya ku fagbaugun fagayu.”
7Ay Use nataban at mama sas Igiptu at fun laman namatoglag. Ay Akub nafadante Igiptu at fun. 8Ay Igiptu at fun nainto anya te, “Seyu wo kbanwa?”
9Ay Akub nabalus te, “Sadik sandan tuluk safulu. Wa ngaduge way ku leleg ay maidap way ku nadalan kaduge au gleleg ste swa daga, ay kwa kaduge ku ngay mangaguyang nu gleleg.”
10Ay Akub nafadante Igiptu at fun ay nalao wan.
11Kata Igiptu at fun at suguan sas Use, kanya nafae fagmanabayanun at mama ay at ngay faduksay sis talun Igiptu. Ay kanya nafabanwan anya fagayu munakbang sis Rameses at yud e natungud nu masine fag afud talun Igiptu. 12Use nafon yangay fakonun sat mama ay sat ngay faduksay, ay sas fagdaul at mama at talananan, gfakasakan nu seyu sik talanan at sisian.
13Ankaksvn yay nu malunus ay we kalag ya fakonun dewa nday. Ngay taw Igiptu ay anggan ngay taw Kanaan mamomuy wan. 14Use nafaful ngay taw Igiptu ay ngay taw Kanaan at ngay salapi at famayad fakonun, ay nabuba sas Igiptu at fun at bale. 15Andasug sik buknga, ngay taw Igiptu ay ngay taw Kanaan we famayad ya fakonun. Ngay taw Igiptu nalo sas Use ay nalong te, “Wami e salapi ya. Nu masine tua sa emu, foni way lang emi fakonun aroro kabul wami sis lunus.”
16Ay Use nabalus te, “Nu dway am e salapi ya, tabanani stie ay ngay fagbaugun laman ay famayad ay fakonun.” 17Nu katanya, ngay taw Igiptu nataban at ngay kabayu, ay at ngay tupa, ay at ngay kambing, ay at ngay baka, ay at ngay asnu sas Use laman at famayad fakonun. Ay kanya fagayu nafakamulun takatanya kaduge sadik banwa.
18Nu nlangfe wan sadik banwa, kafag ngay taw nadog yay nalao sas Use ay nalong te, “Nasaful wo te, wami e salapi ya, ay anggan fagayu em fagbaugun siwa emu. We sawad em ramraman, at sawad, em leleg way lang ay em daga. 19Nu katanya, gubuki emi laman wami kabul ay laman em ngay fagtanuman di kafabayan. Kaylat wami nangafagsuguanan sas Igiptu at fun, ay namagbilug sa anya em ngay daga, balikam ban nu e fakonun ami. Ay foni wa vtv emi bvtang laman em fananum, laman wami kabul ay di kafabayan fagdaul em talun.”
20Nu katanya, fagayu taw Igiptu nafalao wan at daga sas Use at kaksvnan nu malunus. Use nabayad kafag ngay daga laman Igiptu at fun at fagagbilugun, ay kafag fun nagbilug kafag ngay daga. 21Ay Use nafafagsuguan ngay taw Igiptu sas Igiptu at fun. 22Tagfon fanggalangun way lang at daga Use at nayud nabayad aroro Igiptu wan at fun tagfon fakonun ay anggan at ngay fagayudanun sa anya fagayu.
23Use nalong sa sangay taw te, “Katsi nabayad kwan ayu anggan ay ngay daga laman sas Igiptu at fun. Na, ay bvtang, nananum wam. 24Ay nu nagutlu ban am, foni sas Igiptu at fun kayu falimak afud. Ay nu seyu at sawad, kanya ayu, laman e fananum tuam ay e fakonun ay mesa talananan.”
25Ay kafag ngay taw glong te, “Em fun, we gtungud ya am fagmasineun sa emi. Nafalangfe tuo em leleg. Ay naylat ami nangafagsuguanan ami sas Igiptu at fun.” 26Nu katanya, Use nafakamulun sis talun Igiptu at faugali te, galay falimak afud ay gutluan foni sas Igiptu at fun. Ngay taw Igiptu gfaning yay gugat kafag faugali dasug katsi. Ngay tagfon fanggalangun way lang at daga Igiptu at fun at nayud nagbilug.
27Ngay taw Israel gbanwan sis Gusen, sis talun Igiptu. Ay kanya fagayu nagbilug daga ay ankayu at ngay kasugfunanan. 28Akub nu gbanwan sis talun Igiptu labi fituk banwa ay nu gleleg sadik sandan ufatk safulu e fituk banwa. 29Ay kanya nu gamatang wa te, gakabulun wan, kanya nauro yay Use ay nalong te, “Fasai ku daga balangbang am daluap ay fatuyanani te, malukme tua ban o gugat ay matuyan sa angku, ay lag ban o gfoli angku ste sis talun Igiptu. 30Nu nbul kban, bubai angku ste ginans talun Igiptu ay namoli yap am angku sa ku mangaguyang at fagfolian.”
Ay Use gbalus te, “Gfakamulun kban kata am nalong.”
31Ay Israel nalong te, “Fatuyanani sa angku.” Ay Use nafatuyanan sa anya. Ay sanya ginan, Israel narungan sit fagtiugan laman gfauseganan Dius.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines