Lukas 5
5
Isus Nafili Taguna at ngay Tagadal
Mt 4:18-22; Mk 1:16-20; Uan 1:40-42
1Sik menit ngayuk taw gsidsikfitan gdungugan Isus nu gfoyung Dius at Longan. Ay Isus malindug sis tigyangan Lino Galilea. 2Ay kanya nalag duak sakayan lino sanya sis tigyangan lino. Ay ngay tagfangalbon nalo wan sanya ginan ay gfegus at ngay fanggamat albon. 3Ay Isus nasakay sa sik sakayan lino, Simun at fagagbilugun, ay get sas Simun te, “Fayayui sirut sasad lino.” Ay Isus namalunggung ay nafoyung sa sangay taw tagsis tigyangan lino. 4Ay nu ntabu wan Isus nu gfoyung, kanya nalong sas Simun te, “Ayayui sas fagngabasadan, ay fasai sad lino ay ngay fanggamat albon, laman nanggamat am albon.”
5Ay Simun nalong sas Isus te, “Em Fun, anmenit omay lang sik yabi nu gfangalbon ami, ay wami e nagamat. Dewa katanya, aroro o wan at nalong, namasa kyay ro gayvd sad lino ngay fanggamat albon.” 6Ay nu nafasawa sad lino at ngay fanggamat albon, ngayu at nagamat, at kayuan arvs at ngay fanggamat gakagiratun. 7Ay kanya fagayu gyafe laman ggewan at ibama tagsi tibak sakayan lino, laman ggubuk. Ay at ibama ndasug ay at ba albon ankapnu at sakayan fagdua ay arvs gakalubgubun.
8Simun Pedru, nu nalag at kinfasludan, namalub sas Isus at daga salubangan ay nalong te, “Ku Fun, ubuni angku, aroro sik tagasalanan au.” 9Simun nalong takatanya aroro kanya ay at ngay ufud andulo maksvn, nu nalag at nagamat fag ngay albon. 10Ay anggan Sebedeu at baguama fagdua, Santiagu ay Uan, andulo yangay. Kafag duksay, Simun at ibama. Ay Isus nalong sas Simun te, “Lag kadulo, siginan ban katsi bunwa albon ya am fagnanggamatun, ngay taw tua.” 11Ay nu nafasa was tigyangan at ngay sakayan, kafag tulu naubun fagayu ay nangalo wan Isus.
Isus Nafafia sik Tagabangbang
Mt 8:2-4; Mk 1:40-45
12Gina Isus si sik furuan, sik taw tagabangbang#5:12 bangbang: sik fakasaitun sis balat tagfatoglag te, kafag taw wa masine ya magamut sas fagngayuan. andasug. Ay kanya nu nalag Isus, namalub, ay get te, “Ku Fun, nu kaylat o, fafiai angku laman masine kwan.”
13Ay Isus nafalugde at take ay nated kafag taw at ke fakasaitun ay nalong te, “Sabv, kaylat au nu kafia o.” Ay arodi vtv, kafag taw at bangbang anfia wan.
14Ay Isus maksvn nu glong anya te, “Lag kamansulit sas nusdi sadik taw. Loi wan ay namalag o emu sas tagfon fanggalangun, ay foni sik fanggalangun kata ebi Muisis at longan, laman sik famasaful sa sangay taw te, anfia wo ay masine wo.”
15Dewa katanya, kaugat yay nu nrapyag at barita sabaliwas Isus. Ay sik ngay taw ngayu anful, laman nandungugan Isus at ngay foyungan ay nanget te, fafiai at ngay fakasaitun. 16Ay Isus malayun nu sas talun at yud e taw laman nandarangin.
Isus Nafafia sik Taw Yud Malelegan
Mt 9:1-8; Mk 2:1-12
17Sik menit, kaduge Isus gfoyung, e ngay taw Fariseu, ay sik ngay tagfoyung Muisis at Faugali malunggung sanya. Kafag ngay taw siginans fagayu furuan tagsis talun Galilea ay talun Udea, ay siginans furuan Erusalem. Ay Dius at fagmabalyananun antayuk sas Isus laman mafafia at ke ngay fakasaitun. 18Ay sik ngay taw andasug gbuba sik taw at yud malelegan gtukan sisad igyan, ay kafag ngay taw grvbvy at dalan laman at fagfasakboan kafag taw at yud malelegan ay namasas Isus at daga salubangan. 19Ay kanya fagayu nu dway e nalag at fagfasakboan, aroro ngayuk taw, nasas tungud bale, ay naiklas sik afud at ugun sis aturunan Isus, ay nafatagbung kafag mangama yud malelegan tagsisad igyan sas Isus at daga salubangan. 20Ay Isus nu nalag kafag ngay taw at fagafanudun, nalong sanya fag taw at yud malelegan te, “Sama, nalyam wan am ngay asalanan.”
21Ay sanya fag ngay tagfoyung Muisis at Faugali ay taw Fariseu gfasigad gamatangan te, “Sinu tuy fag taw, at nalong at mauri sas Dius? Dius way lang at mafafalyam asalanan.”
22Ay Isus nasaful kafag ngay taw at amatanganan ay glong te, “Wain ay fagamatanganun takatanya? 23Amatangani, inday at masakit fag longan, nu glong ro te, ‘Nalyam wan am ngay asalanan,’ ay mannga, ‘Alindugi ay loi wan’? 24Kaylat au nu nasaful am te, au, Taw at Baguama, e fagmabalyananun au ste swa daga gfalyam taw at asalanan.” Ay Isus glong sat yud malelegan fag taw te, “Alindugi wan, bangkadi am igyan ay ulii wan.”
25Ay arodi vtv kanya nlindug si sangay taw at daga salubangan, ay nabangkad at fagtiugan ay gseg Dius gina guli. 26Ay fagayu taw andulo ay gseg Dius ay glong te, “Katsi, nalag ami at ngay madulo.”
Isus Nataban Lebi
Mt 9:9-13; Mk 2:14-17
27Arodi, Isus nalo wan ay nalag Lebi, sik tagbul famayad laman sas fun. Kanya malunggung sis bale fagfonan famayad sas fun. Ay Isus nalong anya te, “Aloi angku.” 28Ay kanya anlindug ay naubun fagayu nusnge wain ay nanangalo anya.
29Lebi gfalganan ngayuk fakonun sit bale sas Isus. Ay ngayuk tagbul famayad laman sas fun ay tiba yak taw malunggung gfasfuan anya fagayu gfangon. 30Ay sanya fag ngay taw Fariseu ay anggan tagfoyung Muisis at Faugali, kauri Isus at ngay tagadal ay ginto te, “Wain manga nu gfangon am ay nu ginum am, ay fagfasfuanun ngay tagbul famayad laman sas fun ay anggan ngay tagasalanan?”
31Ay Isus nabalus te, “Sik taw at yud e fakasaitun wa gayudan tagfafia. Kayu way at ke fakasaitun. 32Aroro ku fagnastaeun kwa namaful sa angku at matuyan fag ngay taw, kayu way ke asalanan, laman gubun at ngay asalanan.”
Sik Fagintoun sabaliwa nu Yud Gfangon
Mt 9:14,15; Mk 2:18-20
33Taw Fariseu ay tagfoyung Muisis at Faugali nalong sas Isus te, “Uan at ngay tagadal ngayu ginan nu yud gfangon laman gdarangin. Ay katanya yangay taw Fariseu at ngay tagadal. Ay emu, am ngay tagadal gfangon way gugat ay ginum way gugat.”
34Ay Isus nabalus anya te, “O ginanya ro at ngay fagadgalangan e buknga nu yud gfangon? Duan. 35Ay sa ban tibak menit e gtaban wan kafag mangama, ay ginanya ya ban at ngay iba nu e buknga nu yud gfangon laman gdarangin.”
Isus at Faydayuanan sabaliwa at Bagu ay at Dan fag Ugali
Mt 9:16,17; Mk 2:21,22
36Isus nafoyung yangay sik faydayuanan te, “We taw ggirat sik ramit bagu laman gfasine sik ramit dan, aroro nu katanya way at fakamulun, at bagu ro fag ramit kagirat way. Wa masine gfagamut sik bagu fag ramit sa sik ramit dan. 37Ay we taw nantalin at bagu fag fanlangu sat dan fag fagsuadan mawatan fagbaugun at balat, aroro nu natalin ro sanya, kafag fagsuadan kaltu, ay at natalin umbusbus ay at fagsuadan umrasras wan. 38Abat ngate, sik taw nu gtalin at bagu fag fanlangu sa tua at bagu fag fagsuadan mawatan fagbaugun at balat. 39We taw kaylat ginum at bagu fag fanlangu nu nainum wan at dan, aroro at longan te, ‘At dan amataba yap tua.’ ”
Currently Selected:
Lukas 5: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Lukas 5
5
Isus Nafili Taguna at ngay Tagadal
Mt 4:18-22; Mk 1:16-20; Uan 1:40-42
1Sik menit ngayuk taw gsidsikfitan gdungugan Isus nu gfoyung Dius at Longan. Ay Isus malindug sis tigyangan Lino Galilea. 2Ay kanya nalag duak sakayan lino sanya sis tigyangan lino. Ay ngay tagfangalbon nalo wan sanya ginan ay gfegus at ngay fanggamat albon. 3Ay Isus nasakay sa sik sakayan lino, Simun at fagagbilugun, ay get sas Simun te, “Fayayui sirut sasad lino.” Ay Isus namalunggung ay nafoyung sa sangay taw tagsis tigyangan lino. 4Ay nu ntabu wan Isus nu gfoyung, kanya nalong sas Simun te, “Ayayui sas fagngabasadan, ay fasai sad lino ay ngay fanggamat albon, laman nanggamat am albon.”
5Ay Simun nalong sas Isus te, “Em Fun, anmenit omay lang sik yabi nu gfangalbon ami, ay wami e nagamat. Dewa katanya, aroro o wan at nalong, namasa kyay ro gayvd sad lino ngay fanggamat albon.” 6Ay nu nafasawa sad lino at ngay fanggamat albon, ngayu at nagamat, at kayuan arvs at ngay fanggamat gakagiratun. 7Ay kanya fagayu gyafe laman ggewan at ibama tagsi tibak sakayan lino, laman ggubuk. Ay at ibama ndasug ay at ba albon ankapnu at sakayan fagdua ay arvs gakalubgubun.
8Simun Pedru, nu nalag at kinfasludan, namalub sas Isus at daga salubangan ay nalong te, “Ku Fun, ubuni angku, aroro sik tagasalanan au.” 9Simun nalong takatanya aroro kanya ay at ngay ufud andulo maksvn, nu nalag at nagamat fag ngay albon. 10Ay anggan Sebedeu at baguama fagdua, Santiagu ay Uan, andulo yangay. Kafag duksay, Simun at ibama. Ay Isus nalong sas Simun te, “Lag kadulo, siginan ban katsi bunwa albon ya am fagnanggamatun, ngay taw tua.” 11Ay nu nafasa was tigyangan at ngay sakayan, kafag tulu naubun fagayu ay nangalo wan Isus.
Isus Nafafia sik Tagabangbang
Mt 8:2-4; Mk 1:40-45
12Gina Isus si sik furuan, sik taw tagabangbang#5:12 bangbang: sik fakasaitun sis balat tagfatoglag te, kafag taw wa masine ya magamut sas fagngayuan. andasug. Ay kanya nu nalag Isus, namalub, ay get te, “Ku Fun, nu kaylat o, fafiai angku laman masine kwan.”
13Ay Isus nafalugde at take ay nated kafag taw at ke fakasaitun ay nalong te, “Sabv, kaylat au nu kafia o.” Ay arodi vtv, kafag taw at bangbang anfia wan.
14Ay Isus maksvn nu glong anya te, “Lag kamansulit sas nusdi sadik taw. Loi wan ay namalag o emu sas tagfon fanggalangun, ay foni sik fanggalangun kata ebi Muisis at longan, laman sik famasaful sa sangay taw te, anfia wo ay masine wo.”
15Dewa katanya, kaugat yay nu nrapyag at barita sabaliwas Isus. Ay sik ngay taw ngayu anful, laman nandungugan Isus at ngay foyungan ay nanget te, fafiai at ngay fakasaitun. 16Ay Isus malayun nu sas talun at yud e taw laman nandarangin.
Isus Nafafia sik Taw Yud Malelegan
Mt 9:1-8; Mk 2:1-12
17Sik menit, kaduge Isus gfoyung, e ngay taw Fariseu, ay sik ngay tagfoyung Muisis at Faugali malunggung sanya. Kafag ngay taw siginans fagayu furuan tagsis talun Galilea ay talun Udea, ay siginans furuan Erusalem. Ay Dius at fagmabalyananun antayuk sas Isus laman mafafia at ke ngay fakasaitun. 18Ay sik ngay taw andasug gbuba sik taw at yud malelegan gtukan sisad igyan, ay kafag ngay taw grvbvy at dalan laman at fagfasakboan kafag taw at yud malelegan ay namasas Isus at daga salubangan. 19Ay kanya fagayu nu dway e nalag at fagfasakboan, aroro ngayuk taw, nasas tungud bale, ay naiklas sik afud at ugun sis aturunan Isus, ay nafatagbung kafag mangama yud malelegan tagsisad igyan sas Isus at daga salubangan. 20Ay Isus nu nalag kafag ngay taw at fagafanudun, nalong sanya fag taw at yud malelegan te, “Sama, nalyam wan am ngay asalanan.”
21Ay sanya fag ngay tagfoyung Muisis at Faugali ay taw Fariseu gfasigad gamatangan te, “Sinu tuy fag taw, at nalong at mauri sas Dius? Dius way lang at mafafalyam asalanan.”
22Ay Isus nasaful kafag ngay taw at amatanganan ay glong te, “Wain ay fagamatanganun takatanya? 23Amatangani, inday at masakit fag longan, nu glong ro te, ‘Nalyam wan am ngay asalanan,’ ay mannga, ‘Alindugi ay loi wan’? 24Kaylat au nu nasaful am te, au, Taw at Baguama, e fagmabalyananun au ste swa daga gfalyam taw at asalanan.” Ay Isus glong sat yud malelegan fag taw te, “Alindugi wan, bangkadi am igyan ay ulii wan.”
25Ay arodi vtv kanya nlindug si sangay taw at daga salubangan, ay nabangkad at fagtiugan ay gseg Dius gina guli. 26Ay fagayu taw andulo ay gseg Dius ay glong te, “Katsi, nalag ami at ngay madulo.”
Isus Nataban Lebi
Mt 9:9-13; Mk 2:14-17
27Arodi, Isus nalo wan ay nalag Lebi, sik tagbul famayad laman sas fun. Kanya malunggung sis bale fagfonan famayad sas fun. Ay Isus nalong anya te, “Aloi angku.” 28Ay kanya anlindug ay naubun fagayu nusnge wain ay nanangalo anya.
29Lebi gfalganan ngayuk fakonun sit bale sas Isus. Ay ngayuk tagbul famayad laman sas fun ay tiba yak taw malunggung gfasfuan anya fagayu gfangon. 30Ay sanya fag ngay taw Fariseu ay anggan tagfoyung Muisis at Faugali, kauri Isus at ngay tagadal ay ginto te, “Wain manga nu gfangon am ay nu ginum am, ay fagfasfuanun ngay tagbul famayad laman sas fun ay anggan ngay tagasalanan?”
31Ay Isus nabalus te, “Sik taw at yud e fakasaitun wa gayudan tagfafia. Kayu way at ke fakasaitun. 32Aroro ku fagnastaeun kwa namaful sa angku at matuyan fag ngay taw, kayu way ke asalanan, laman gubun at ngay asalanan.”
Sik Fagintoun sabaliwa nu Yud Gfangon
Mt 9:14,15; Mk 2:18-20
33Taw Fariseu ay tagfoyung Muisis at Faugali nalong sas Isus te, “Uan at ngay tagadal ngayu ginan nu yud gfangon laman gdarangin. Ay katanya yangay taw Fariseu at ngay tagadal. Ay emu, am ngay tagadal gfangon way gugat ay ginum way gugat.”
34Ay Isus nabalus anya te, “O ginanya ro at ngay fagadgalangan e buknga nu yud gfangon? Duan. 35Ay sa ban tibak menit e gtaban wan kafag mangama, ay ginanya ya ban at ngay iba nu e buknga nu yud gfangon laman gdarangin.”
Isus at Faydayuanan sabaliwa at Bagu ay at Dan fag Ugali
Mt 9:16,17; Mk 2:21,22
36Isus nafoyung yangay sik faydayuanan te, “We taw ggirat sik ramit bagu laman gfasine sik ramit dan, aroro nu katanya way at fakamulun, at bagu ro fag ramit kagirat way. Wa masine gfagamut sik bagu fag ramit sa sik ramit dan. 37Ay we taw nantalin at bagu fag fanlangu sat dan fag fagsuadan mawatan fagbaugun at balat, aroro nu natalin ro sanya, kafag fagsuadan kaltu, ay at natalin umbusbus ay at fagsuadan umrasras wan. 38Abat ngate, sik taw nu gtalin at bagu fag fanlangu sa tua at bagu fag fagsuadan mawatan fagbaugun at balat. 39We taw kaylat ginum at bagu fag fanlangu nu nainum wan at dan, aroro at longan te, ‘At dan amataba yap tua.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines