ሉቃ̈ሳ 3
3
ጻማ̇ቂዛ ዋ̈ኒ̇ሳ ሲብካታ
ማ̈ቶ̈ሳ 3፡1-12፤ ማ̈ርቆ̈ሳ 1፡1-8፤ ዋ̈ኒ̇ሳ 1፡19-28
1ጢባ̈ሮ̈ስ ቄ̈ሳ̈ሪ ካ̈ታ ኣ̈̇ን ታጶ ኢሺ̇ቻ ላይን ጋርታ̇ ጳንጦ̇̈ስ ጲላ̈ጦ̈ሲ ዪሁዳ ጋዲን ኣቂሲዝ ኬል̇ባራ፥ ሄሮዶ̈ሲ ጋሊላ ጋዲን ኣቂሲዝ ኬሊ̇ንባራ፥ ኢ ኢሻ ፊልጶ̈ሲ ኢጡራ̈ሳኬ ጡራኮንዶ̈ሳ ጋዳን ኣቂሲዝ ኬል̇ባራ፥ ሊሳ̈ኖ̈ሲ ሳ̈ቢላንሳ̇ ጋዲን ኣቂሲዝ ኬል̇ባራ፥ 2ሃና̈ናኬ ቃያ̈ፋኬ ቄ̈ስ ኣላቃንቦ ኣላቃ ማ̈ቃ̇ር ዎ ኬል̇ባራ፥ ዛካራ̈ሳ ናኣ ዋ̈ኒ̇ሲ ባራሃ ጋርታ ዎዶን ጾ̈ሳ̇̇ ቃ̈ላ ኢ̈ክ ዬይዴ። 3ዪዚ ዋ̈ኒ̇ሲ ዮርዳ̈ኖ̈ስ ዋ̈ን ቡጊድባር ዎ ጋዳን ጋርታ̇ ዎይ ቢሪንቲ̇ “ዪንታ̇ ናጋራ ዪንታ̇ብ ኣቶ̇ ጌዪንታ̇ምፔ̈ኒ ቡ̈ጺ ሙታ̇ ጻማ̇ቂንቲ̇ብቴ̇” ጌዪ ታማ̈ርሲዴ። 4-6ዪ̈ዳሬ ናባ ኢሳ̈ሳ ማጻ̈ፋ ጋልዳ̇፥
“ባራሃ ጋርታ̇፥
‘ጎዳ ጎይን ኮሺንቺ̇ብቴ፥
ኢ ዬ̇ዝ ኮኪ̇ን ጺ̇ት ዎቲብቴ፥
ዎዳ̇ ዎይ ኩሚ̈ሬ።
ኢንዳ̇ዲክ ̈ዛዲክ ሻንኪቲ̈ሬ።
ዎብ̇ ጎይ ጺት̇ ማ̈ቂ̇̈ሬ
ኮርትኮርታ̇ ጎይ ማቂልቂ̈ሬ።
ኣሳ ዜር ዎይ ጾ̈ሳ̇̇ ኣስ ፋዚን ቤቂ̈ሬ’ ዪዝ ጌዪ ጬ̈ቂ̇ዝ ኣሳ ቆ̈ ሲስኪ̇ንቲ̈ሬ” ጋ̈ር ጻ̈ፊንቲ̇ኖ ቃ̈ላዲፌ̈ኒዬ።
7ዋ̈ኒ̇ሳሬ ኢ̈ክ ጻማ̇ቂንታ̇ንዳ̇ብ ዬይኖ ኣሳንኮ “ዪንቲ̇ ሾ̈ሽ̇ ናኣን! ጾ̈ሳ̇̇ ጎይላ ዬይዛ ጋልዳ̇ፖ̇ ዎጺ̇ ቡ̈ታ̇ምፔ̈ን ኦ ዪንታ̇ ዞሬ? 8ዪዚ ዪንቲ̇ ጾ̈ሳ̇̇ ቲ̈ን ማ̈ሪቲ ጌሊኖን ቤይሲዝ ኦ̈ሳ ኦ̈ብቴ̇። ማ ዪንታ̇ ቡ̈ዳባር ‘ባ̈ቦ ኑ̈ብ ኣብራሃ̈ሚ ዎ’ ጋ̈ሪ ኬርፋፒ̇ቴ። ቴ ዪንታ̇ብ ሶ̈ሎ? ጾ̈ሲ̇ ዓን ሹቻ̇ን ጋርታ̇ፖ̇ ኣብራሃ̈ማብ ናኢ ኬሳ̇ንዳ̇ብ ዳንዳኢ̈ሬ። 9ዓት ዪዚ ኣ̈ፍ ኤ̈̇ባ̈ሶ ሚ ዎይ ቃጻ̇ር ታማ ጋርታ̇ ሚሻንዳ̇ቦ ቤይ ጊ̈ጊንታ̇ር ሚን ጻና ዎ” ጌይዴ። 10ዎርዣ̈ዳር “ዓት ኑ ዎዛ̈ርቲ̇ን ኮሻ̇?” ጌዪ ኦይጪ̇ዴ። 11ዋ̈ኒ̇ሳሬ “ናምኢ ኣፊላ ዎን ኣባክ ባዮ̇ንቦ ፋጋር ኢማ̇ጋ̈ቤ፤ ፊ̈ሺ ዎንሬ ባዮ̇ን ሙሶጋ̈ቤ” ጋ̈ር ማሂዴ። 12ቃራጻ ቃጺ̇ዛንሬ ጻማ̇ቂንታ̇ንዳ̇ብ ኢ̈ክ ዬ̈ሪ “ኣስታማ̈ራ̈ዶ! ኑ̈ኒሽ ኣብዝ ዎታኔ?” ጌይዴ።
13ኢያሬ “ዪንታ̇ ኪ̈ቲ̇ኖምፖ̇ ኣ̈ሪ ቃራጻ ቃጻፒ̇ቴ” ጌይዴ። 14ማ ዎታ̇ዳራንሬ “ኑ̈ኒሼ ዎዛ̈ርታ̇ኔ?” ጋ̈ር ኢያ ኦይጪ̇ዴ። ኢያሬ “ኣሳ ሚ̈ሺ ሜላ̇ ጋቺ̇ ኤካፒ̇ቴ፤ ማቃባር ኣስ ሞ̈ታፒ̇ቴ፤ ዪንታ̇ ዳሞ̈ዚን ዪንታ̇ብ ጊዳ ጋ̈ቤ” ጌይዴ።
15ዪና̇ ኢዝ ኬሊ̇ንባራ ዎርዣ ዎይ ክርስቶ̈ሲ ዬይሬ ጋ̈ሪ ኢና̇ባር ና̈ጊ ዎዶን፤ ኢንቲ̇ ዋ̈ኒ̇ሳ ቤቃ̇ሪ “ክርስቶ̈ሲ ና̈ሳ ዓ̈ ኢያ ዶ̈ኔ?” ጋ̈ሪ ፌ ቡ̈ዳ ጋርታ̇ ቆፒ̇ዴ። 16ዋ̈ኒ̇ሲ ዎይንኮ “ታ̈ኒ ዪንታ̇ ዋ̈ባር ጻማ̇ቃ̈ሬ፤ ዎቲናካር ቴ ኢ ጫ̈ሚ̇ን ቢላ̇ንዳ̇ብ ዳንዳኣባሶ ታ̈ፖ̇ ሺዛ ቢርት ጋስ ዬይሬ፤ ኢ ዪንታ̇ ጌ̈ሻ̇ ኣያ̇ናባርኬ̇ ታማባር ጻማ̇ቂ̈ሬ። 17ኡዱማ ጋልዳ̇ ዎ ካ ፊርሲ ጌ̈ሻ̇ንዳ̇ቦ ፊ ኢ ኩሽታ̇ ዎ። ፊርሲ ጌ̈ሺ̇ኖፖ̇ ዓኒ ካን ኣ̈ፊን ዲኢታ̇ ሚሺ፥ ቡድሊን ቴይቂ̇ባ̈ሶ ታማባር ሚቺ̇̈ሬ” ጋ̈ር ማሂዴ። 18ዋ̈ኒ̇ሲ ዎርዣ ዎይሊን ዞሪሙታ̇ ዎጛላ ኢንታ̇ ሳባ̇ኪዴ።
19ጋሊላ ጋዲን ኣቂሲዛ ካ̈ታ ሄሮዶ̈ሲ ፌ ኢሻ ማጪ̇ን ሄሮዳ̈ዳ ማሂ ኤኪ̇ኖምቤኬ ሜላር ዎይሊን ኢ̈ታ ባዝ ኦ̈ኖኮታ̇ቦ ዋ̈ኒ̇ሲ ኢያ ጎይሊዴ። 20ሄሮዶ̈ሲ ዪኖ̇ ኢ ጌይኖምቢ̇ኬ ሜላ ኢ̈ታ ባዛር ኢ ጋልዳ ጉጃ̇ሪ ኢያ ቃሺ ኣ̈ል ሚሺዴ።
ዬሱ̈ሲ ጻማ̇ቂንቲ̇ዴ
ማ̈ቶ̈ሳ 3፡13-17፤ ማ̈ርቆ̈ሳ 1፡9-11
21ዎርዣ ዎይ ጻማ̇ቂንቲ̇ኖፖ̇ ዎሃ ዬሱ̈ሳር ጻማ̇ቂንቲ̇ዴ። ኢናፖ̇ ኢ ጾ̈ሳ̇̇ ዎ̈ሳ̇ምባራ ኣፋ ጪላ ፊርቂ̇ንቲ̇ዴ። 22ማ ጌ̈ሻ̇ ኣያ̇ና̈ዲ ዶላ ማይጻ̈ር ዬ̈ሪ ኢ ጋልዳ̇ ሶ̈ቢዴ። ዪና̇ ኢዝባራ “ቴ ካዝ ናኣ ኔ̈ና፤ ታ̈ኒ ኔባር ኡፋይታ̇̈ሬ” ዪዝ ጌይዝ ጊርሲ̇ ኣፋፖ̇ ሲስኪ̇ንቲ̇ዴ።
23ዬሱ̈ሲ ታማ̈ርሲ ኤ̈̇ምባራ ኢ̈ቦ ዓይዚ̇ ታጳ̇ ላይ ማ̈ቂ̇ኔ። ዎርዣ̈ዲ ኢያ ዮ̈ሴ̈ፋ ናኤ ጌዪ ቆፒ̇̈ሬ።
ዮ̈ሴ̈ፊ ኤ̈ሊ ናኤ፤
24ኤ̈ሊ ማ̈ቲ ናኢ፤ ማ̈ቲ ሌ̈ዊ ናኢ፤
ሌ̈ዊ ሚልኪ ናኢ፤ ሚልኪ ዮ̈ና ናኢ፤
ዮ̈ኖ ዮ̈ሴ̈ፋ ናኤ። 25ዮ̈ሴ̈ፊ ማ̈ታ̈ታ ናኢ፤
ማ̈ታ̈ቶ ኣሞ̈ጻ ናኤ፤ ኣሞ̈ጾ ናሆ̈ማ ናኢ፤
ናሆ̈ሞ ኤስሊ̈ማ ናኢ፤ ኤስሊ̈ሞ ና̈ጋ ናኤ፤
26ና̈ጎ ማ̈ታ ናኢ፤ ማ̈ቶ ማታታ̈ያ ናኢ፤
ማታታ̈ዮ ሳማ̈ያ ናኢ፤ ሳማ̈ዮ ዮ̈ሴ̈ፋ ናኢ፤
ዮ̈ሴ̈ፊ ዮ̈ዳ ናኤ። 27ዮ̈ዶ ዮ̈ና̈ና ናኢ፤
ዮ̈ና̈ኖ ራ̈ሳ ናኢ፤ ራ̈ሶ ዜሩባ̈ቤ̈ላ ናኢ፤
ዜሩባ̈ቤ̈ሎ ሳላ̇̈ታ̇ ናኢ፤ ሳ̈ላ̇̈ቶ̇ ኔ̈ሪ ናኤ።
28ኔ̈ሮ ሚልኪ ናኢ፤ ሚልኪ ሃዳ ናኢ፤
ሃዶ ቆሳ̈ማ ናኢ፤ ቆሳ̈ሞ ኤልሞዳ̈ማ ናኢ፤
ኤልሞዳ̈ሞ ኤ̈ራ ናኤ። 29ኤ̈ሮ ዮ̈ሴ̈ኣ ናኢ፤ ዮ̈ሴ̈ኦ ኤልዜ̈ራ ናኢ፤
ኤልዜ̈ሮ ዮ̈ራ̈ማ ናኢ፤ ዮ̈ራ̈ሞ ማ̈ጣ̈ታ ናኢ፤
ማ̈ጣ̈ቶ ሌ̈ዊ ናኤ። 30ሌ̈ዊ ሲሞ̈ና ናኢ፤
ሲሞ̈ኖ ዪሁዳ ናኢ፤ ዪሁዶ ዮ̈ሴ̈ፋ ናኢ፤
ዮ̈ሴ̈ፎ ዮ̈ና̈ና ናኢ፤ ዮ̈ና̈ኖ ኤ̈ላቄ̈ማ ናኤ።
31ኤ̈ላቄ̈ሞ ሜ̈ላ ናኢ፤ ሜ̈ሎ ማይና̈ና ናኢ፤
ማይና̈ኖ ማ̈ጣ̈ታ ናኢ፤ ማ̈ጣ̈ቶ ና̈ታ̈ና ናኢ፤
ና̈ታ̈ኖ ዳ̈ዊ̈ታ ናኤ። 32ዳ̈ዊቲ ኢሴ̇ያ ናኢ፤
ኢሴ̇ዮ ኢዮቤ̈ዳ ናኢ፤ ኢዮቤ̈ዶ ቦኤ̈ዛ ናኤ፤
ቦኤ̈ዞ ሳልሞ̈ና ናኢ፤ ሳልሞ̈ኖ ና̈ሶ̈ና ናኤ።
33ና̈ሶ̈ኖ ኣሚና̈ዳ̈ባ ናኢ፤ ኣሚና̈ዳ̈ቦ ኣ̈ራ̈ማ ናኢ፤
ኣ̈ራ̈ሞ ኣ̈ሪኒ ናኢ፤ ኣ̈ሪኒ ኢስሮ̈ማ ናኢ፤
ኢስሮ̈ሞ ፋ̈ሬ̈ሳ ናኢ፤ ፋ̈ሬ̈ሶ ዪሁዳ ናኢ፤
ዪሁዶ ዓይቆ̈ባ ናኤ። 34ዓይቆ̈ቦ ዪሳ̈ቃ ናኢ፤
ዪሳ̈ቆ ኣብራሃ̈ማ ናኢ፤ ኣብራሃ̈ሞ ታ̈ራ ናኢ፤
ታ̈ሮ ና̈ኮ̈ራ ናኤ።
35ና̈ኮ̈ሮ ሳ̈ሮ̈ሃ ናኢ ሳ̈ሮ̈ሆ ራ̈ጋ ናኢ፤
ራ̈ጎ ፋ̈ሌ̈ቃ ናኢ፤ ፋ̈ሌ̈ቆ ኤቤ̈ራ ናኢ፤
ኤቤ̈ሮ ሳ̈ላ ናኤ። 36ሳ̈ሎ ቃይና̈ማ ናኢ፤
ቃይና̈ሞ ኣርፋ̈ክሲ̈ዳ ናኢ፤ ኣርፋ̈ክሲ̈ዶ ሴ̈ማ ናኢ፤
ሴ̈ሞ ኖ̈ሃ ናኢ፤ ኖ̈ሆ ላ̈ሜ̈ሃ ናኤ።
37ላ̈ሜ̈ሆ ማቱሳ̈ላ ናኢ፤ ማቱሳ̈ሎ ሄ̈ኖ̈ካ ናኢ፤
ሄ̈ኖ̈ኮ ያ̈ሬ̈ዳ ናኢ፤ ያ̈ሬ̈ዶ ሜላሌ̈ላ ናኢ፤
ሜላሌ̈ሎ ቃይና̈ና ናኤ። 38ቃይና̈ኖ ሄ̈ኖ̈ሳ ናኢ፤
ሄ̈ኖ̈ሶ ሴ̈ታ ናኢ፤ ሴ̈ቶ ኣዳ̇̈ማ ናኢ፤
ኣዳ̇̈ሞ ጾ̈ሳ̇̇ ናኤ።
Currently Selected:
ሉቃ̈ሳ 3: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
