ማ̈ቶ̈ሳ 14

ጻማ̇ቂዛ ዋ̈ኒ̇ሳ ዓይቃ

ማ̈ርቆ̈ሳ 6፡14-29፤ ሉቃ̈ሳ 9፡7-9

1ዪና̇ ኢዝ ኬሊ̇ንባራ ጋሊላ ጋዲን ኣቂሲዛ ካ̈ታ ሄሮዶ̈ሲ ዬሱ̈ሳ ኦ̈ሲን ሲስኪ̇ዴ። 2ኢናፖ̇ ኢ ፌ ኣሽካራንኮ “ዓ ጻማ̇ቂዛ ዋ̈ኒ̇ሲ ኢ ዓይቃ ጋርታ̇ፖ ዲንዲኔ፤ ዪዚ ዓንፌ̈ኖ ታ̈ሚ̇ራ̈ታን ኢ ጎይባር ኦ̈ንቲ̇ዛ̈ዲ ዪ̈ኮታ̇ቦ” ጌይዴ። 3ዓኒ̇ፖ ቲ̈ን ሄሮዶ̈ሲ ፌ ኢሻ ፊሊጶ̈ሳ ማጪ̇ን ሄሮዳ̈ዳኮታ̇ቦ ዋ̈ኒ̇ሳ ኤ̈ሳሪ ቃሺ ኣ̈ል ሚሻር ቃቺ̇ሺኔ። 4ዪ̈ዳሬ ዋ̈ኒ̇ሲ ኢ̈ኮ “ሂጎ̇ ኔ̈ና ኢዞ ማሂ ኤኮ̇ ጋ̈ባሴ” ጌይኖኮታ̇ቦ። 5ሄሮዶ̈ሳር ዋ̈ኒ̇ሳ ዎንዳብ ኮዪ̈ርዶኒ ዎርዣ̈ዲ ዋ̈ኒ̇ሳ ና̈ቢፌ̈ን ማሃር ቤቂ̇ዛኮታ̇ቦ ዎርዣ̈ቦ ኢ̈ጪ̇ዴ።

6ሄሮዶ̈ሲ ፌ ዬሊንቲ̇ኖ ቃሚ̇ን ቦንቻ̇ዚምባራ ሄሮዳ̈ዳ ናኢንዳ̇ ዬባራ ኢያ ኡፋይሲ̇ኖኮታ̇ቦ፥ 7ኢ ኢዝኮ “ኔ ኮዪኖ ባዝ ዎይ ታ̈ና ኦይጫ̇ቤ ቴ ኔ̈ብ ኢማ̇ንዳ” ጋ̈ሪ ጫ̈ቂ̇ዴ። 8ናኢንዳ̇ር ኢዝ ኢንዲ̇ን ኢዞ ዞሪን “ጻማ̇ቂዛ ዋ̈ኒ̇ሳ ሲሊ̇ን ቃጻ̇ር ኢ ቆሚ̇ን ጋባታባር ታ̈ብ ዓት ዪዚ ኢማ̇ቤ!” ጋ̈ዴ። 9ካ̈ታ̈ዲ ባዝ ዪኒ̇ኮታ̇ቦ ኣዛ̇ኒዴ። ዎቲናካሬ ፌ ጫ̈ቂንኮታ̇ብኬ ፌባር ኢራ̈ታ ሞ̈ንዳብ ዶኢኖ ኣሳንቦ ዬ̈ልቃር ዋ̈ኒ̇ሳ ቆ̈ን ቃጻ̇ር ኢዝቦ ኢማ̇ምፔ̈ን ኪ̈ቲ̇ዴ። 10ኢናፖ̇ ቃሺ ኣ̈ል ኣስ ኪ̈ቲ̇ ሚሻሪ ዋ̈ኒ̇ሳ ቆን ቃጺሲዴ። 11ቃጺንቲ̇ኖ ቆሚ̇ን ጋባታ ጋርታ̇ ኤኪ̇ ዬ̈ሪ ናኢምቦ ኢሚ̇ዴ፤ ኢዛር ኤ̈ጛር ፌ ኢንዲምቦ ኢማ̇ዴ። 12ዋ̈ኒ̇ሳ ታማ̈ራንር ዬ̈ሪ ኢ ኣሂን ኤካ̇ር ኤ̈ጚ ዱ̈ኪዴ። ኢናፖ̇ ሉካ̇ሪ ዪኖ̇ ዬሱ̈ሳብ ሶ̈ሊዴ።

ዬሱ̈ሲ ኢሺ̇ን ሙኩላ ኣስ ፊ̈ሺ ሙሲዴ

ማ̈ርቆ̈ሳ 6፡30-44፤ ሉቃ̈ሳ 9፡10-17፤ ዋ̈ኒ̇ሳ 6፡1-14

13ዋ̈ኒ̇ሲ ዓይቂ̇ኖን ዬሱ̈ሲ ሲስካ̇ሪ ባሃሪን ጋልዳ ጎጛ ጋርታ̇ ጌላሪ ጌ̈ማ ቤስ̇ ፌ̈ብ ዶኣንዳ̇ብ ሉኪ̇ዴ። 14ዬሱ̈ሲ ጎጚን ጋርታ̇ፖ ሶ̈ባሪ ዎይሊን ዎርዣ ቤ̈ቃር ኢንታ̇ብ ሚጪንቲ̇ዴ ኢንታ̇ባር ዎ ማዝ ኣሳንር ፋዴ።

15ሳ̈ዚን ቃሚ̇ን ኢ ታማ̈ራን ኢ̈ክ ዬ̈ሪ “ዓና̇ ቤሲ̇ን ባራሃ፤ ሳ̈ዚንዳር ቃማ̇ዴ፥ ዎርዣ ጌዳ ኡክ ዎ ቤሳ̇ን ጋርታ̇ ሉካ̇ር ፌ̈ብ ፊ̈ሺ ዎጛምፔ̈ን ኢንታ ሚሻቤ” ጌይዴ።

16ዬሱ̈ሲ ኢንታ̇ኮ “ዪንቲ̇ ኢንታ̇ብ ሙይዝ ባዝ ኢሚ̇ብትዶኬ ኢንቲ̇ ኣባክ ሞ̈ካ̇ይ ሜላ ሉካ̇ንዳብ ኮሺባ̈ሴ” ጌይዴ። 17ኢ ታማራንሬ “ኢሺ̇ን ሶ̈ላ̇ኬ ናምኢ ሞላክ ሙታ̇ ኑ̈ክ ዎ” ጌይዴ። 18ዬሱ̈ሳር ኢንታ̇ኮ “ዪን ኢንታ̇ ዓይ ኤኪ̇ ዬ̈ብቴ!” ጌይዴ። 19ዪኒ̇ፖ ዎሃ ዎርዣ̈ዳ ቡጫ ጋልዳ ዶኣምፔ̈ን ኪ̈ቲ̇ዴ። ኢናፖ̇ ኢሺ̇ን ሶ̈ሊ̇ንዲኬ ናምኢ ሞላን ዲን ኤካ̇ሪ ፉዳ ሾክ ጋር ኣፋ ቤቃ̇ሪ ጋላታ ዎ̈ሳ ዎ̈ሲ̇ዴ፤ ሶ̈ሊ̇ን ዳርሳ̇ሪ ፌ ታማ̈ራንቦ ኢሚ̇ዴ፤ ኢንታ̇ሬ ዎርዣ ቃጊ̇ዴ። 20ዎይን ሙዪ ሚሽኪ̇ዴ፥ ሺኖ ዶካ̇ ኢ ታማ̈ራን ታጶ ናምኢ ሌ̈ማታባር ኩም ዲንዴ። 21ሙይኖ ኣሳንሬ ማጫኬ ኣቂሊ ናኣንኬ ፋይዳካ̇ይዶ̈ን ኣቲና ሙታ̇ ኢሺ̇ን ሙኩላ ኣስ ማ̈ቃ̇ምፔ̈ኔ።

ዬሱ̈ሲ ባሃ̈ራ ጋልዳ ፌ ቶህባር ዬ̇ ሉኪ̇ዴ

ማ̈ርቆ̈ሳ 6፡45-52፤ ዋ̈ኒ̇ሳ 6፡15-21

22ኢናፖ̇ ዬሱ̈ሲ ፌ ታማ̈ራንኮ “ታ̈ኒ ዎርዣ ኢንታ̇ ኣ̈ል ሚሺዝ ዲራ̈ስ ጎጚን ጋርታ̇ ጌላሪ ታ̈ፖ̇ ቲ̈ኒታር ጌዳ ፊ̈ን ፊ̈ጚብቴ” ጋ̈ር ኢንታ̇ ኪቲ̇ዴ። 23ዬሱ̈ሲ ዎርዣ ሚሺኖፖ ዓኒ ዎ̈ስ ዎ̈ሳ̇ንዳቦ ፌ ፌ̈ብዶሪ ኢንዳ̇ ጋልዳ ኬስኪ̇ዴ። ሳ̈ዚን ቃ̈ሚ̇ንዶ̈ን ኢ ፌ̈ብዶ̈ር ኢና ዎ። 24ዪና̇ ኢዝባራ ጎጚንዳ ባሃ̈ሪን ጊዳ̇ ዎዶን ባሃ̈ሪን ጋልዳ ኣይጊ ቲ̈ና ጎይ ዲንዳ̇ር ዓኒ ባቂ̇ን ጎጚንዳ ዉርጊንባር ጌዳክ ዓኒክ ዡጪንቲ̇ ኤ̈̇ዴ። 25ቃም ጊዲ̇ቢላ ሳ̈ካሊ ሳኣ̈ታፖ̇ ዎሃ ዬሱ̈ሲ ባሃ̈ራ ጋልዳ ዬ̇ሙታ̇ ፌ ታማ̈ራንኮ ዬይዴ። 26ኢ ታማ̈ራንሬ ኢ ባሃ̈ሪን ጋልዳ ዬ̇ ሉካ̇ዚን ቤቃ̇ር ዎይሊን ኢ̈ጫ̇ሪ “ዓ ኣዉላቤ ኣብዛ!” ጋ̈ር ኢ̈ችባር ዉይሲዴ።

27ዬሱ̈ሳር ኤሊ̇ር ኢንታ̇ኮ “ዓይዞ! ታ̈ኒሽዋ ኢ̈ጫፒቴ!” ጌይዴ።

28ዪና̇ ኢዝባራ ጴ̈ጥሮ̈ሲ ኢ̈ኮ “ጎዳ̈ዶ! ኔ̈ናኮ ቴ ባሃ̈ሪን ጋልዳ ዬ̈̇ር ኔ̈ክ ዬ̈ምፔ̈ን ኔ ታ̈ና ኪ̈ቲ̇ሼ” ጌይዴ። 29ዬሱ̈ሳር ኢ̈ኮ “ዓይ ዬ̈ቤ!” ጌይዴ። ኢናፖ̇ ጴ̈ጥሮ̈ሲ ጎጚን ጋልዳፖ̇ ሶ̈ባሪ ዬሱ̈ሳክ ሉካ̇ንዳ̇ቦ ባሃ̈ሪን ጋልዳ ዬ ኤ̈̇ዴ። 30ዎቲናካሬ ኣይጊን ዎልቂን ቤቃ̇ሪ ኢ̈ጪ̇ዴ። ኢናፖ̇ ባሃ̈ሪን ኢያ ቶ̈ራ ቆ̈̇ንዳብ ዎታምባ̇ራ “ጎዳ̈ዶ! ታ̈ና ፋቤ!” ጋ̈ሪ ዉይሲዴ።

31ዬሱ̈ሲ ኤሊ̇ር ፌ ኩሺን ሚሻር ኢያ ኤ̈̇ሪ “ኣን ኔ ኣማ̇ና ሊ̈ቃ̈ዲ! ኣባብ ሲ?” ጌይዴ።

32ዬሱ̈ሳኬ ጴ̈ጥሮ̈ሳክ ዎልኣ ጎጚን ጋርታ̇ ጌሊን ኣይጊንዳ ዚክ ጋ̈ዴ። 33ጎጚን ጋርታ̇ ዎ ኣሳን ኢ̈ኮ “ኪን ኔ ጾ̈ሳ̇̇ ናኤ!” ጋ̈ሪ ዬሱ̈ሳብ ሞ̈ኪንቲ̇ዴ።

ዬሱ̈ሲ ጌንሳሬ̈ጣ ዎ ማዛን ፋዴ

ማ̈ርቆ̈ሳ 6፡53-56

34ዬሱ̈ሳኬ ኢ ታማ̈ራንኬ ዎልኣ ማ̈ቃ̇ር ባሃ̈ሪን ፊ̈ጛሪ ጌንሳሬ̈ጣ ጋዝ ቤሲ̇ን ዬሊ̇ዴ። 35ኢና ጋዲን ጋርታ̇ ዎ ኣሳን ኢንታ̇ ጋዳ̇ ዬይኖ ዬሱ̈ሳ ማ̈ቂ̇ኖን ኤሪኖፖ̇ ዓኒ ኢና ላፍባር ዎ ቤሳ̇ን ዎይ ኪ̈ታ̇ር ማኖ ኣስ ጌይዛን ዎይ ኢ̈ክ ኤሄይሲዴ። 36ማዝ ኣሳንሬ ኢ ኣፊሊን ሲንን ሙታ̇ ኤ̈̇ንዳብ ጌሺዴ፤ ኤ̈̇ኖንሬ ዎይ ፌ ዓርጊን ጋርታፖ ፋጺዴ።

Currently Selected:

ማ̈ቶ̈ሳ 14: ኦጫ̈ቃማ

Highlight

Copy