Lukas 19
19
Nuarin-tas alupas 19.
1IS yetpan Jeriko a Iesu, um atga ehni iran.
2Is amen eahki natimi is ethi, nidan Sakius, natimi alupas o ilpu atimi akwanaham; is atimi ikni itai aien.
3Is eriss ehele Iesu aien mika yi alum yin um ato yin; ja is ehka vai yin va atimi is ahinag, is upoupo aien.
4Is athut aien um uhup ira ra, um ahei nauyerop alupas is ethi, mika yi alum yin: eris ika inyi apan aien an nefalaig iyehki.
5Is wat yetpan an nuarin iyehki a Iesu, is easji pan aien, um ecet yin, um ika ehelen, Ak Sakius, auroauro aiek,um asuol; ekpu idim amen ainyak an neom unyum an nadiat ineigki.
6Is auroauro aien, um asuol, um leh yin, um imyiacitak.
7Eris wat almoi ara, eris tas upoupo ara asega, um ika, Et apan aien alaig ehele natimi auatatimi.
8Is aiji a Sakius, um ika ehele Natimarid, Ak Natimarid, ekpu alupai ilpu ihki atimi nahaiji padiaig unyak ainyak; el kis atoraliak tah nitai ainyak ehele tah natimi va nedo efaifa, ekpu ehcemanohwan aru ainyak.
9Is ika ehelen a Iesu, Et mun yetpam nitai imyiatamaig caua an nimnim ineigki an nadiat ineig, et idim mapoi Ebraham aien:
10et ham a Inhal o natimi mika yi ahilek ilpu atimi ahnag, um imyiatamaig ra.
11ERIS wat atahaijeg intas iji eigki ara, is lep ecsipece aien, va nitai ineig is ubutpotet Jerusalem aien, eris lep aktaktai ara mika yi auroauro um ehcohos pan nelcau o Atua.
12Is ika aien, Is apan an pece itac acen natimi alupas is ethi mika eri ati yin yi atimarid an pece o un, ja par lep adumoij.
13Is asjapicnaig ilpu aheca o un is ten aien, um alupai ra nuari-mune is ten, um ika ehele ra, Aminjinaig sji eigki aijaua um yetpan u nadumoij pam unyak.
14Eris edemda vai yin a nup uran pece o un, um abrai atimi mika eri apitac yin, um ika, Ecra esjum aijama, nikavaig, yi atimarid an pece unyima natimi ineigki.
15Is wat adumoij aien, um atimarid an pece o un, is ika aien eri asjapicnaig pan ehelen ilpu aheca iji ehki, is alupai ra mune iji ehki aien, mika yi ato is ehed mune iji eig eris leucse ara va nauarimtai itai ura.
16Is apan ehelen natimi is ethi, um ika, Ak natimi alupas, ek mun leh nuari-mune et ten ainyak an nuari-mune et ethi unyum.
17Is ika ehelen aien, Et upene, ak naheca upene, na mun aminjinaig upene nitai eti elpat aiek, napu atimi alupas aiek irai iji uari-pece inyi ten.
18Is lep apan is ethi, um ika, Ak natimi alupas, ek mun leh nuari-mune et faiv ainyak an nuari-mune et ethi unyum.
19Is lep ika ehelen aien, Napu lep atimi alupas aiek irai iji uari-pece inyi faiv.
20Is lep apan is ethi, um ika, Ak natimi alupas, nuari-mune unyum ap eigki, kis mun adei ainyak an napelumai um aminjinaig:
21kis imtitai euc ainyak, na atimi ipjin aiek; na asjapicnaig itai aiek an nuarin ineig as eti terimterim irai itai iran aiek, um leucse itai an nuarin ineig as eti ahoaig itai iran aiek.
22Is ika ehelen aien. Ak naheca auatatimi, ekpu aru nedo has unyum ainyak et idivaig intas unyum: as ato aiek mika kis atimi ipjin ainyak, um asjapicnaig itai an nuarin ineig kis eti terimterim irai itai iran ainyak, um leucse itai an nuarin ineig kis eti ahoaig itai iran ainyak:
23as auri aiek par eti alupai ilpu atimi ahtai mune nuari-mune unvak, mika ki leh mune unyak ainyak an napam unyak, im lep ineig yi eled?
24Is ika aien ehele atimi eris aiji ubutpotet ara, Atipagki nuari-mune et ethi o un aijaua, um alupai natimi ineig et ten nuari-mune o un.
25(Ja eris ika ehelen ara, Ak natimi alupas, et mun ten nuari-mune o un aien.)
26Ek asaig ehelemia ainyak mika, Ara asega et ura niji itai, uhpu alupai ra; ja aien et eti o un niji itai, uhpu atipagki niji itai iran.
27Im lep ineig, akumu imyiapam igcaki ilpu atimi tak atimi irak iji eigki aijaua, eris esjum ara, um ika, ki jim atimarid an pece ura ainyak, um atgei ra an nuhup unyak.
28Is wat asan tas iji eigki aien, is atga o un aien, um apan alaig Jerusalem.
29IS wat apan aien ubutpotet Bedfaje im Bedane, u nedoon nidan Olivet, is abrai ohwat atimi atahaijeg yin is ero aien,
30um ika, Apan aijaurau an nuarin-pece ineig et eteuc an nuhup unyimirau; arau wit yetpan aijaurau, arupu ecetai inhakli nifo aijaurau er athai, is eti fi ateuc iran tah: ahiyi aijaurau um imyiapam igcaki:
31el et ika ehelemirau tah natimi, Erau auri aijaurau par ahiyi inhakli nifo? arumu ika ehelen aijaurau, Et merit vaig a Natimarid.
32Erus apan ahwat rahki is abrai rau aien, um ecetai et idivaig nasuptecnaig o un ehele rau.
33Erus wat ahiyi inhakli nifo arau, eris ika ehele rau atimi ohuun, Erau auri aijaurau par ahiyi inhakli nifo?
34Erus ika arau, Et merit vaig a Natimarid.
35Erus imyiapan ehele Iesu arau: eris algeijai napelumai ura ara an hakli nifo, um atijai Iesu iran.
36Is wat apan aien, eris ahled napelumai ura ara an nefalaig.
37Is wat apan aien ubutpotet an nefalaig asuol an nedoon Olivet, eris imyiacitak a ilpu atimi atahaijeg yin asega, eris ahinag ara, um ahlaig ijinies, um imyiahpas Atua, va nauritai emda asega eris ecetai ara;
38um ika. Naaurineig vai Natimarid ineig et ham aien an nidai Ihova: et eteuc neigpa an nohatag, im nimyiahpas an nuarin ijinies acen.
39Eris ika ehelen nahaiji ilpu Farisi ira atimi is ahinag, Ak natimi esege, acaiji ilpu atimi atahaijeg euc aiek.
40Is tas aien, um ika ehele ra, Ek asaig ehelemia ainyak mika, el era eti tas ara sji eigki, etpu auroauro um ahlaig ijinies niji hat.
41¶ Is wat apan ubutpotet aien, is almoi nuarin-pece itaup aien, um imyitaig,
42um ika, El is eti ato aiek, itu acen ka an naopan ineig, niji itai imyiatamaig euc! ja eh mun idim adenaig vai euc.
43Etpu yetpam iram nadiat iji ehki, eru wit ucji nehpanitai ehtag a ilpu atimi tak atimi iram, um arahed iram, um atapanes iram marahed mihtag,
44erupu alcapdicraig euc ara, im lep natimi iram; inyi eti amen inhat inyi ethi irai taka hat; va nitai ineig, nikavaig, as eti ato naopan ateghe euc unyak aiek.
45Is apan aien anliin neom ahlap, um ahlo pok ijo ra eris ahtai itai ara eahki, um auarimtai itai;
46um ika ehele ra, Eris aged, um ika, “Et eom alaigaheni neom unyak;” ja akis ika aijaua yi “uarin imi ilpu atimi ehneg itai” neom unyak.
47Is esege imi ra aien irai iji adiat an neom ahlap. Eris ahilek yin a ilpu atimi ahlap esjilid, im ilpu atimi esege, im ilpu atimi alupas an pece, mika eri atgei yin;
48ja is elika vai ra nagovaig tah nitai vai yin: eris idim merit alupas atimi asega natahaijeg yin vaig.
Currently Selected:
Lukas 19: VAO63
Highlight
Share
Copy
Want to have your highlights saved across all your devices? Sign up or sign in
Vanuatu Bible (Intas Etipup) © United Bible Societies, 1863, 2019.
Lukas 19
19
Nuarin-tas alupas 19.
1IS yetpan Jeriko a Iesu, um atga ehni iran.
2Is amen eahki natimi is ethi, nidan Sakius, natimi alupas o ilpu atimi akwanaham; is atimi ikni itai aien.
3Is eriss ehele Iesu aien mika yi alum yin um ato yin; ja is ehka vai yin va atimi is ahinag, is upoupo aien.
4Is athut aien um uhup ira ra, um ahei nauyerop alupas is ethi, mika yi alum yin: eris ika inyi apan aien an nefalaig iyehki.
5Is wat yetpan an nuarin iyehki a Iesu, is easji pan aien, um ecet yin, um ika ehelen, Ak Sakius, auroauro aiek,um asuol; ekpu idim amen ainyak an neom unyum an nadiat ineigki.
6Is auroauro aien, um asuol, um leh yin, um imyiacitak.
7Eris wat almoi ara, eris tas upoupo ara asega, um ika, Et apan aien alaig ehele natimi auatatimi.
8Is aiji a Sakius, um ika ehele Natimarid, Ak Natimarid, ekpu alupai ilpu ihki atimi nahaiji padiaig unyak ainyak; el kis atoraliak tah nitai ainyak ehele tah natimi va nedo efaifa, ekpu ehcemanohwan aru ainyak.
9Is ika ehelen a Iesu, Et mun yetpam nitai imyiatamaig caua an nimnim ineigki an nadiat ineig, et idim mapoi Ebraham aien:
10et ham a Inhal o natimi mika yi ahilek ilpu atimi ahnag, um imyiatamaig ra.
11ERIS wat atahaijeg intas iji eigki ara, is lep ecsipece aien, va nitai ineig is ubutpotet Jerusalem aien, eris lep aktaktai ara mika yi auroauro um ehcohos pan nelcau o Atua.
12Is ika aien, Is apan an pece itac acen natimi alupas is ethi mika eri ati yin yi atimarid an pece o un, ja par lep adumoij.
13Is asjapicnaig ilpu aheca o un is ten aien, um alupai ra nuari-mune is ten, um ika ehele ra, Aminjinaig sji eigki aijaua um yetpan u nadumoij pam unyak.
14Eris edemda vai yin a nup uran pece o un, um abrai atimi mika eri apitac yin, um ika, Ecra esjum aijama, nikavaig, yi atimarid an pece unyima natimi ineigki.
15Is wat adumoij aien, um atimarid an pece o un, is ika aien eri asjapicnaig pan ehelen ilpu aheca iji ehki, is alupai ra mune iji ehki aien, mika yi ato is ehed mune iji eig eris leucse ara va nauarimtai itai ura.
16Is apan ehelen natimi is ethi, um ika, Ak natimi alupas, ek mun leh nuari-mune et ten ainyak an nuari-mune et ethi unyum.
17Is ika ehelen aien, Et upene, ak naheca upene, na mun aminjinaig upene nitai eti elpat aiek, napu atimi alupas aiek irai iji uari-pece inyi ten.
18Is lep apan is ethi, um ika, Ak natimi alupas, ek mun leh nuari-mune et faiv ainyak an nuari-mune et ethi unyum.
19Is lep ika ehelen aien, Napu lep atimi alupas aiek irai iji uari-pece inyi faiv.
20Is lep apan is ethi, um ika, Ak natimi alupas, nuari-mune unyum ap eigki, kis mun adei ainyak an napelumai um aminjinaig:
21kis imtitai euc ainyak, na atimi ipjin aiek; na asjapicnaig itai aiek an nuarin ineig as eti terimterim irai itai iran aiek, um leucse itai an nuarin ineig as eti ahoaig itai iran aiek.
22Is ika ehelen aien. Ak naheca auatatimi, ekpu aru nedo has unyum ainyak et idivaig intas unyum: as ato aiek mika kis atimi ipjin ainyak, um asjapicnaig itai an nuarin ineig kis eti terimterim irai itai iran ainyak, um leucse itai an nuarin ineig kis eti ahoaig itai iran ainyak:
23as auri aiek par eti alupai ilpu atimi ahtai mune nuari-mune unvak, mika ki leh mune unyak ainyak an napam unyak, im lep ineig yi eled?
24Is ika aien ehele atimi eris aiji ubutpotet ara, Atipagki nuari-mune et ethi o un aijaua, um alupai natimi ineig et ten nuari-mune o un.
25(Ja eris ika ehelen ara, Ak natimi alupas, et mun ten nuari-mune o un aien.)
26Ek asaig ehelemia ainyak mika, Ara asega et ura niji itai, uhpu alupai ra; ja aien et eti o un niji itai, uhpu atipagki niji itai iran.
27Im lep ineig, akumu imyiapam igcaki ilpu atimi tak atimi irak iji eigki aijaua, eris esjum ara, um ika, ki jim atimarid an pece ura ainyak, um atgei ra an nuhup unyak.
28Is wat asan tas iji eigki aien, is atga o un aien, um apan alaig Jerusalem.
29IS wat apan aien ubutpotet Bedfaje im Bedane, u nedoon nidan Olivet, is abrai ohwat atimi atahaijeg yin is ero aien,
30um ika, Apan aijaurau an nuarin-pece ineig et eteuc an nuhup unyimirau; arau wit yetpan aijaurau, arupu ecetai inhakli nifo aijaurau er athai, is eti fi ateuc iran tah: ahiyi aijaurau um imyiapam igcaki:
31el et ika ehelemirau tah natimi, Erau auri aijaurau par ahiyi inhakli nifo? arumu ika ehelen aijaurau, Et merit vaig a Natimarid.
32Erus apan ahwat rahki is abrai rau aien, um ecetai et idivaig nasuptecnaig o un ehele rau.
33Erus wat ahiyi inhakli nifo arau, eris ika ehele rau atimi ohuun, Erau auri aijaurau par ahiyi inhakli nifo?
34Erus ika arau, Et merit vaig a Natimarid.
35Erus imyiapan ehele Iesu arau: eris algeijai napelumai ura ara an hakli nifo, um atijai Iesu iran.
36Is wat apan aien, eris ahled napelumai ura ara an nefalaig.
37Is wat apan aien ubutpotet an nefalaig asuol an nedoon Olivet, eris imyiacitak a ilpu atimi atahaijeg yin asega, eris ahinag ara, um ahlaig ijinies, um imyiahpas Atua, va nauritai emda asega eris ecetai ara;
38um ika. Naaurineig vai Natimarid ineig et ham aien an nidai Ihova: et eteuc neigpa an nohatag, im nimyiahpas an nuarin ijinies acen.
39Eris ika ehelen nahaiji ilpu Farisi ira atimi is ahinag, Ak natimi esege, acaiji ilpu atimi atahaijeg euc aiek.
40Is tas aien, um ika ehele ra, Ek asaig ehelemia ainyak mika, el era eti tas ara sji eigki, etpu auroauro um ahlaig ijinies niji hat.
41¶ Is wat apan ubutpotet aien, is almoi nuarin-pece itaup aien, um imyitaig,
42um ika, El is eti ato aiek, itu acen ka an naopan ineig, niji itai imyiatamaig euc! ja eh mun idim adenaig vai euc.
43Etpu yetpam iram nadiat iji ehki, eru wit ucji nehpanitai ehtag a ilpu atimi tak atimi iram, um arahed iram, um atapanes iram marahed mihtag,
44erupu alcapdicraig euc ara, im lep natimi iram; inyi eti amen inhat inyi ethi irai taka hat; va nitai ineig, nikavaig, as eti ato naopan ateghe euc unyak aiek.
45Is apan aien anliin neom ahlap, um ahlo pok ijo ra eris ahtai itai ara eahki, um auarimtai itai;
46um ika ehele ra, Eris aged, um ika, “Et eom alaigaheni neom unyak;” ja akis ika aijaua yi “uarin imi ilpu atimi ehneg itai” neom unyak.
47Is esege imi ra aien irai iji adiat an neom ahlap. Eris ahilek yin a ilpu atimi ahlap esjilid, im ilpu atimi esege, im ilpu atimi alupas an pece, mika eri atgei yin;
48ja is elika vai ra nagovaig tah nitai vai yin: eris idim merit alupas atimi asega natahaijeg yin vaig.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Vanuatu Bible (Intas Etipup) © United Bible Societies, 1863, 2019.