Markus 11
11
Nuarin-tas alupas 11.
1ERIS wat ubutpotet pan Jerusalem ara, irai uari-pece Bedfeje im Bedane, u nedoon Olivet, is abrai ohwat atimi atahaijeg yin is ero aien,
2um ika ehele rau, Apan aijaurau an nuarin-pece ineig et eteuc an nuhup unyimirau: aru wit yetpan iran aijaurau, arupu ecetai inhakli nifo aijaurau er athai, is eti fi ateuc iran tah; arumu ahiyi yin aijaurau, um imyiapam igcaki.
3El et ika ehelemirau tah natimi, Aru auri aijaurau par ago nedo naico? arumu ika aijaurau, Et merit vaig a Natimarid; etpu auroauro aien um atceijaig.
4Erus apan arau, um ecetai inhakli nifo eris athai an neucse neom ijo an nihtag u nefalaig is ero; erus ahiyi yin arau.
5Eris ika nahaiji ra eris aiji eahki, Erau auri aijaurau par a-hiyi inhakli nifo?
6Erus asan tas iyehki ehele ra arau is asaig ehele rau a Iesu: eris atceijai rau ara.
7Erus imyiapan inhakli nifo iyehki ehele Iesu arau, um atijai napelumai urau iran; is ateuc iran aien.
8Eris ahled apelumai ura an nefalaig atimi is ahinag; eris wudyal-ed tiklai cai nahaiji ra, um esjaig an nefalaig.
9Ara eris atga ara um uhup iran, im lep ra eris apitac yin ara, eris ahlaig ijinies ara, um ika, Hosana; Naaurineig vai yin et ham aien an nidai Natimarid:
10Naaurineig va nelcau o etpoija Tevit, et yetpam an nidai Natimarid: Hosana an nohatag ijinies acen.
11Is apan Jerusalem a Iesu, um han anliin neom ahlap: is um aijidjid niji itai asega aien, um imyiarahed; is wat jupura is ahes eahki aien im lep natimi is twelv, um apan Bedane.
12¶ Is wat lahlah an tak apnyin, eris ahes Bedane ara um atga ura, is um ehtele yin aien:
13is ecetai nateg aien itac acen is eteuc nerin iran, is apan aien, kit etpu ecetai tah nitai iran aien: ja is wat yetpan o un aien, um eti ecetai tah nohoan, nerin ache; is eti yetpam naopan noho o un.
14Is tas a Iesu, um ika. Etmu jim lep caig nohoam tah natimi irai iji mesese. Eris atahaijeg intas o un a ilpu atimi atahaijeg yin.
15¶ Eris yetpan Jerusalem ara: is apan a Iesu anliin neom ahlap, um ahlo pok ijo ra eris ahtai itai um auarimtai itai an neom ahlap, um ahidaig afata o ilpu atimi ahtai mune, im lep itai ateuc o ilpu atimi ahtai alaupa;
16is acaiji atimi asega aien mika eri jim apos tah nipjinitai anliin neom ahlap.
17Is esege imi ra aien, um ika, Eris aged, um ika, “Uhpu anvi nidan neom unyak par ika neom alaigaheni vai nup urai iji pece asega;” ja akis ika aijaua yi “uarin imi ilpu atimi ehneg itai” neom unyak.
18Eris atahaijeg intas o un a ilpu atimi esege, im ilpu atimi ahlap esjilid, um tas jipe ehele ra mika eri auahas yin: ja eris imtitaig yin ara, va nitai ineigki, nikavaig, eris imyiali nesege o un natimi asega.
19Is wat jupura, is ahes an nuarin-pece itaup aien, um atga o un.
20¶ An nuhialeg eris wat atga ara, eris ecetai nateg ara, is mun mese, um ehlause an necvan.
21Is imi imyiehva a Pitrus, um ika ehelen, Ak Natimi esege, ecetai nateg ineig na mun acaiji aiek, et mun mese.
22Is tas a Iesu, um ika ehele ra, Akumu asgeig irai Atua aijaua.
23Et inivaijec ineig ek asaig ehelemia ainyak mika, Aien inyi tas ehele nedoon ineigki aien, um ika, Eri atipagki, um ethaig pok an jop; um eti imyiisjis nahcil inliinmopon aien, jam imyiisjis ninivaijec mika yi ehneijid intas o un; etpu idim leh nitai ineig aien et asaig aien.
24Va nitai ineigki, ek asaig ehelemia ainyak mika, Nitai iji eigki asega eka merit vaig aijaua an nalaigaheni unyimia, akumu imyiisjis ninivaijec aijaua mika aki leucse, akupu leucse aijaua.
25Aku wit aiji aijaua, um alaigaheni, el eka edemda aijaua va nedo o un tah, akumu jim aru aijaua; va etpu eti aru nedo has unyimia a Etmamia an nohatag.
26Ja el eka aru nedo has vai caua aijaua, etpu aru nedo has unyimia a Etmamia an nohatag.
27ERIS lep apam Jerusalem ara: is wat atga aien anliin neom ahlap, eris apan ehelen a ilpu atimi ahlap esjilid, im ilpu atimi esege, im ilpu atimi tas alep,
28um ika ehelen, Na ago nitai iji eigki aiek vai intas alep u di? is alupai euc nemda ineigki a di mika an ago nitai iji eigki aiek?
29Is tas a Iesu, um ika ehele ra, Ekpu lep ahodai caua ainyak va nitai inyi ethi ache, asuptecnaig ehelek aijaua, ekpu lep asuptecnaig ehelemia ainyak nohu nemda unyak par ago nitai iji eigki:
30Is ahes nabaptiso o Joanes an nohatag, ka ehele atimi? asuptecnaig ehelek aijaua.
31Eris tas jipe ehele ra ara, um ika, El ta ika akaija, Is ahes an nohatag; etpu ika aien, Akis auri aijaua par eti imyiaiji intas o un?
32Ja el ta ika akaija, Is ahes ehele atimi; eris imtita atimi ara: va nitai ineigki eris ika atimi asega, is idim aprofeta a Joanes.
33Eris tas ara, um ika ehele Iesu, Ecra eti ato aijama. Is tas a Iesu; um ika ehele ra, Inki ti asuptecnaig ehelemia ainyak nohu nemda ineig ek ago nitai iji eigki vaig ainyak.
Currently Selected:
Markus 11: VAO63
Highlight
Share
Copy
Want to have your highlights saved across all your devices? Sign up or sign in
Vanuatu Bible (Intas Etipup) © United Bible Societies, 1863, 2019.
Markus 11
11
Nuarin-tas alupas 11.
1ERIS wat ubutpotet pan Jerusalem ara, irai uari-pece Bedfeje im Bedane, u nedoon Olivet, is abrai ohwat atimi atahaijeg yin is ero aien,
2um ika ehele rau, Apan aijaurau an nuarin-pece ineig et eteuc an nuhup unyimirau: aru wit yetpan iran aijaurau, arupu ecetai inhakli nifo aijaurau er athai, is eti fi ateuc iran tah; arumu ahiyi yin aijaurau, um imyiapam igcaki.
3El et ika ehelemirau tah natimi, Aru auri aijaurau par ago nedo naico? arumu ika aijaurau, Et merit vaig a Natimarid; etpu auroauro aien um atceijaig.
4Erus apan arau, um ecetai inhakli nifo eris athai an neucse neom ijo an nihtag u nefalaig is ero; erus ahiyi yin arau.
5Eris ika nahaiji ra eris aiji eahki, Erau auri aijaurau par a-hiyi inhakli nifo?
6Erus asan tas iyehki ehele ra arau is asaig ehele rau a Iesu: eris atceijai rau ara.
7Erus imyiapan inhakli nifo iyehki ehele Iesu arau, um atijai napelumai urau iran; is ateuc iran aien.
8Eris ahled apelumai ura an nefalaig atimi is ahinag; eris wudyal-ed tiklai cai nahaiji ra, um esjaig an nefalaig.
9Ara eris atga ara um uhup iran, im lep ra eris apitac yin ara, eris ahlaig ijinies ara, um ika, Hosana; Naaurineig vai yin et ham aien an nidai Natimarid:
10Naaurineig va nelcau o etpoija Tevit, et yetpam an nidai Natimarid: Hosana an nohatag ijinies acen.
11Is apan Jerusalem a Iesu, um han anliin neom ahlap: is um aijidjid niji itai asega aien, um imyiarahed; is wat jupura is ahes eahki aien im lep natimi is twelv, um apan Bedane.
12¶ Is wat lahlah an tak apnyin, eris ahes Bedane ara um atga ura, is um ehtele yin aien:
13is ecetai nateg aien itac acen is eteuc nerin iran, is apan aien, kit etpu ecetai tah nitai iran aien: ja is wat yetpan o un aien, um eti ecetai tah nohoan, nerin ache; is eti yetpam naopan noho o un.
14Is tas a Iesu, um ika. Etmu jim lep caig nohoam tah natimi irai iji mesese. Eris atahaijeg intas o un a ilpu atimi atahaijeg yin.
15¶ Eris yetpan Jerusalem ara: is apan a Iesu anliin neom ahlap, um ahlo pok ijo ra eris ahtai itai um auarimtai itai an neom ahlap, um ahidaig afata o ilpu atimi ahtai mune, im lep itai ateuc o ilpu atimi ahtai alaupa;
16is acaiji atimi asega aien mika eri jim apos tah nipjinitai anliin neom ahlap.
17Is esege imi ra aien, um ika, Eris aged, um ika, “Uhpu anvi nidan neom unyak par ika neom alaigaheni vai nup urai iji pece asega;” ja akis ika aijaua yi “uarin imi ilpu atimi ehneg itai” neom unyak.
18Eris atahaijeg intas o un a ilpu atimi esege, im ilpu atimi ahlap esjilid, um tas jipe ehele ra mika eri auahas yin: ja eris imtitaig yin ara, va nitai ineigki, nikavaig, eris imyiali nesege o un natimi asega.
19Is wat jupura, is ahes an nuarin-pece itaup aien, um atga o un.
20¶ An nuhialeg eris wat atga ara, eris ecetai nateg ara, is mun mese, um ehlause an necvan.
21Is imi imyiehva a Pitrus, um ika ehelen, Ak Natimi esege, ecetai nateg ineig na mun acaiji aiek, et mun mese.
22Is tas a Iesu, um ika ehele ra, Akumu asgeig irai Atua aijaua.
23Et inivaijec ineig ek asaig ehelemia ainyak mika, Aien inyi tas ehele nedoon ineigki aien, um ika, Eri atipagki, um ethaig pok an jop; um eti imyiisjis nahcil inliinmopon aien, jam imyiisjis ninivaijec mika yi ehneijid intas o un; etpu idim leh nitai ineig aien et asaig aien.
24Va nitai ineigki, ek asaig ehelemia ainyak mika, Nitai iji eigki asega eka merit vaig aijaua an nalaigaheni unyimia, akumu imyiisjis ninivaijec aijaua mika aki leucse, akupu leucse aijaua.
25Aku wit aiji aijaua, um alaigaheni, el eka edemda aijaua va nedo o un tah, akumu jim aru aijaua; va etpu eti aru nedo has unyimia a Etmamia an nohatag.
26Ja el eka aru nedo has vai caua aijaua, etpu aru nedo has unyimia a Etmamia an nohatag.
27ERIS lep apam Jerusalem ara: is wat atga aien anliin neom ahlap, eris apan ehelen a ilpu atimi ahlap esjilid, im ilpu atimi esege, im ilpu atimi tas alep,
28um ika ehelen, Na ago nitai iji eigki aiek vai intas alep u di? is alupai euc nemda ineigki a di mika an ago nitai iji eigki aiek?
29Is tas a Iesu, um ika ehele ra, Ekpu lep ahodai caua ainyak va nitai inyi ethi ache, asuptecnaig ehelek aijaua, ekpu lep asuptecnaig ehelemia ainyak nohu nemda unyak par ago nitai iji eigki:
30Is ahes nabaptiso o Joanes an nohatag, ka ehele atimi? asuptecnaig ehelek aijaua.
31Eris tas jipe ehele ra ara, um ika, El ta ika akaija, Is ahes an nohatag; etpu ika aien, Akis auri aijaua par eti imyiaiji intas o un?
32Ja el ta ika akaija, Is ahes ehele atimi; eris imtita atimi ara: va nitai ineigki eris ika atimi asega, is idim aprofeta a Joanes.
33Eris tas ara, um ika ehele Iesu, Ecra eti ato aijama. Is tas a Iesu; um ika ehele ra, Inki ti asuptecnaig ehelemia ainyak nohu nemda ineig ek ago nitai iji eigki vaig ainyak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Vanuatu Bible (Intas Etipup) © United Bible Societies, 1863, 2019.