Markus 9
9
Nuarin-tas alupas 9.
1IS um ika ehele ra aien, Et inivaijec ineig ek asaig ehelemia ainyak mika, Era aiji igcaki nahaiji atimi, eri upyi hup ara um ecetai nehcohos pam emda u nelcau o Atua, ja par emesmas.
2IS wat ti pan itac nadiat is siks, is leh Pitrus a Iesu, im Jakobus, im Joanes, um imyiaridjai ehtaij an nedoon ijinies is ethi, eris echim amen ara ache: is um lep eche nohun aien an nuhup o ehtaij.
3Is ememina napelumai iran, is idim ahi, um idivaig sno; et elika vaig tah natimi yiri apelumai an nohohtan nagovaig yi ahi, um idivaig.
4Erus ehcohos pan ehele ra a Elaija im Moses: erus tas ehele Iesu arau.
5Is tas a Pitrus, um ika ehele Iesu, Ak Natimi esege, et upene vai caija namenvaig igcaki: ektijmu ago neom yi eseij aijumtaij; yi ethi imi euc, um ethi imi Moses, um ethi imi Elaija.
6Is eti ato intas o un aien par asaig; ehtijis um imtitaig ahtaij.
7Is um etaluopni pam ehtaij nepeig: is ahes an nepeig nohran tah, um ika, Inhalav cop unyak ineigki: ahtijmu atahaijeg yin aijautaij.
8Ehtijis um auroauro ahtaij um hedidai ehtaij, um yasyas, jam eti lep ecet tah natimi, is amen ache ehele ehtaij a Iesu.
9Eris ahes an nedoon ara um asuol; is um acaiji ehtaij aien mika ehtiji jim asuptecnaig ahtaij nitai iji eigki ehtijis ecetai ahtaij, um uhum pan naopan ineig inyi nusjai a Inhal o natimi vai inmas o un.
10Ehtijis eti asuptecnaig intas iyehki ahtaij, um tas jipe, um ika, Inhe ineigki, nusjai vai inmas?
11¶ Ehtijis ahodai yin ahtaij, um ika, Era auri a ilpu atimi esege par ika, inyi uhup a Elaija um ham?
12Is um tas ehele ehtaij aien, um ika, Et idim uhup a Elaija um ham, um ehteduo niji itai asega; im lep ineig, eris aged vai Inhal o natimi, mika etpu ahinag nohocred o un, uhpu amcel vai yin.
13Ek idim asaig ehelemitaij ainyak mika, Is mun ham a Elaija itu acen, eris ago vai yin niji itai asega eris merit ara, is idivaig eris upyi hup um aged vai yin.
14¶ Is apan aien ehele ilpu atimi atahaijeg yin, um alum atimi is ahinag ehele ra, im lep ilpu atimi esege nimyiisjis itai vaig ira ra.
15Eris wat ecet yin atimi asjapicnaig asega, eris imyiali ara, um auroauro um athut pan ehelen, um aiheuc vai yin.
16Is ahodai ilpu atimi esege aien, um ika, Inhe ineigki eka imyiisjis ira ra aijaua?
17Is um tas natimi is ethi ira ra, um ika, Ak natimi esege, ek mun imyiapam inhalav atamaig unyak ainyak ehelum, et amen iran nagelo has pop;
18et wat ham iran aien, um auhainse yin; et ahuya nipjineucsen aien, um ataktit neijin, et um auatialidi aien: ek mun asaig ainyak ehele ilpu atimi atahaijeg euc mika eri ahlo yin; ja era auatialidi ara.
19Is um tas ehelen aien, um ika, Ak ilpu atimi imyiisjis nahcil, kis amen ehelemia ainyak is itu irak, um eropse inliinmopok ainyak vai caua um itu irak; imyiapam yin ehelek aijaua.
20Eris imyiapan yin ehelen ara: is wat alum yin aien, is auroauro a nagelo has um auohuoh yin; is eropse an nobohtan aien, um atcelcal, um ahuya nipjineucsen.
21Is ahodai etman aien, um ika, Is leh nitai ineigki aien an nahopan? Is ika aien, An halav o un:
22is ehcahinag ethaigjai yin aien an cop, um ethaigse yin an wai, mika yi auahas yin: el et emda aiek nagovaig tah nitai, aiheuc vai cumrau, um atau iramrau.
23Is ika ehelen a Iesu, El et emda aiek nimyiisjis ninivaijec vaig, el ek aiheue vai caurau ainyak: et tup upene niji itai asega vai yin et imyiisjis ninivaijec aien.
24Is auroauro a etmai inhalav iyehki um ahlaig ijinies, um taig, um ika, Ak Natimarid, ek imyiisjis ninivaijec ainyak; ago emda inliinmopok auatialidi aiek.
25Is alum atimi is ahinag a Iesu eris athut pan ara, is acaiji nagelo has iyehki aien, um ika ehelen, Ak nagelo has pop um ti intikgam, ek ika ehelum ainyak, namu atceijai yin aiek, um jim lep ham iran.
26Is um ahlaig a nagelo has, um auohuoh emda yin, um atceijai yin, um atga o un: is idivaig natimi mas aien; eris ika atimi is ahinag, Et mun mas aien.
27Ja is arapse va nikman a Iesu, um alcacse yin; is um atidai aien.
28Is wat apan aien anliin neom, eris echim ahodai yin a ilpu atimi atahaijeg yin, um ika, Ecra auatialidi aijama nahlo yin vaig vanhe?
29Is ika ehele ra aien, Er ahlo ilpu agelo has idivaig neigki, va nalaigaheni im natwakam ache.
30ERIS ahes eahki ara, um atga an pece Calili; is merit aien mika yi jim ato yin tah natimi.
31Is asuptecnaig ehele ilpu atimi atahaijeg yin aien, um ika ehele ra, Eh mun ati Inhal o natimi irai ikma atimi, erupu atgei yin ara; ja uhu wit atgei yin, et wit ti pan itac nadiat inyi eseij, etpu lep nusjai aien.
32Eris eti ato intas ineigki ara, jam imtitaig nahodai yin vaig.
33¶ Is yetpan Kaperneum aien: is wat amen aien anliin neom, is ahodai ra aien, um ika, Inhe ineigki eka atga imyiisjis itai vaig aijaua an nefalaig?
34Eris eti tas ara: va nitai ineig, nikavaig, eris atga imyiisjis itai ara an nefalaig, um ika, inyi esjilid tah ra a di?
35Is um ateucse aien, um ahlaig va atimi is twelv, um ika ehele ra, El et merit tah natimi mika yi esjilid ira ra, etpu apitac ira ra asega aien, um aheca ura asega.
36Is leh inhalav is ethi aien, um ati yin an nuhup ura: is ablim pam yin aien, um ika ehele ra,
37Aien et leh inhalav et idivaig ineig aien an nidak, et leh nyak aien; aien et leh nyak aien, et eti leh nyak ache aien, ja et leh yin aien is abrai nyak aien.
38¶ Is tas ehelen a Joanes, um ika, Ak Natimi esege, ecris ecet tah aijama is ahlo ilpu agelo has aien an nidam, jam eti ahced caija; ecris acaiji yin aijama va nedo o un, nikavaig, is eti ahced caija aien.
39Is um ika a Iesu, Jim acaiji yin aijaua: et elika vaig tah, et ago nauritai esjilid aien an nidak, par tup asan tas has vai nyak.
40Aien et eti tak atimi iraija aien, et apa uja aien.
41Aien et alumamia tah inwai an nipjinitai aien an nidak, mika aki umnyi aijaua, va nitai ineig, nikavaig, eka u Kristo aijaua, et inivaijec ineig ek asaig ehelemia ainyak mika, etpu leh nimtan imi yin aien.
42Aien et ago nedo oop vaig tah ilpu halav iji eigki aien era asgeig irak ara, et upene vai yin el eh athai inhat irara flaur an nauinwan, um ethaigse yin an jop.
43El et itai epihtau imi euc nikmam, anum acaldei aiek: etpu upene vai euc napanvaig an nuarin umoh, um ighin; jam has napanvaig an pece has, el et eteuc ero nikmam, an cop ineig inyi ti opos:
44inyi ti mas iran nimyiv ura, um eti lep opos incop.
45El et itai epihtau imi euc neduom, anum acaldei aiek: etpu upene vai euc napanvaig an nuarin umoh, um alkalka; jam has nethaig pan euc vaig an pece has, el et eteuc ero neduom, an cop ineig inyi ti lep opos:
46inyi ti mas iran nimyiv ura, um eti lep opos incop.
47El et itai epihtau imi euc nesganimtam, anum atipagki aiek: etpu upene vai euc napanvaig an nelcau o Atua, um ethi ache nesganimtam; jam has nethaig pan euc vaig an pece has an cop, um ero nesganimtam:
48inyi ti mas iran nimyiv ura, um eti lep opos incop.
49Uhpu ati incop ira atimi asega; uhpu ati inmohoanjop irai iji itai ahlap asega.
50Et upene inmohoanjop: ja el et aiyu inmohoanjop, uhpu lep leh nesgan um uauo? Etmu unyimia inmohoanjop; akumu eklim amen eigpa aijaua,
Currently Selected:
Markus 9: VAO63
Highlight
Share
Copy
Want to have your highlights saved across all your devices? Sign up or sign in
Vanuatu Bible (Intas Etipup) © United Bible Societies, 1863, 2019.
Markus 9
9
Nuarin-tas alupas 9.
1IS um ika ehele ra aien, Et inivaijec ineig ek asaig ehelemia ainyak mika, Era aiji igcaki nahaiji atimi, eri upyi hup ara um ecetai nehcohos pam emda u nelcau o Atua, ja par emesmas.
2IS wat ti pan itac nadiat is siks, is leh Pitrus a Iesu, im Jakobus, im Joanes, um imyiaridjai ehtaij an nedoon ijinies is ethi, eris echim amen ara ache: is um lep eche nohun aien an nuhup o ehtaij.
3Is ememina napelumai iran, is idim ahi, um idivaig sno; et elika vaig tah natimi yiri apelumai an nohohtan nagovaig yi ahi, um idivaig.
4Erus ehcohos pan ehele ra a Elaija im Moses: erus tas ehele Iesu arau.
5Is tas a Pitrus, um ika ehele Iesu, Ak Natimi esege, et upene vai caija namenvaig igcaki: ektijmu ago neom yi eseij aijumtaij; yi ethi imi euc, um ethi imi Moses, um ethi imi Elaija.
6Is eti ato intas o un aien par asaig; ehtijis um imtitaig ahtaij.
7Is um etaluopni pam ehtaij nepeig: is ahes an nepeig nohran tah, um ika, Inhalav cop unyak ineigki: ahtijmu atahaijeg yin aijautaij.
8Ehtijis um auroauro ahtaij um hedidai ehtaij, um yasyas, jam eti lep ecet tah natimi, is amen ache ehele ehtaij a Iesu.
9Eris ahes an nedoon ara um asuol; is um acaiji ehtaij aien mika ehtiji jim asuptecnaig ahtaij nitai iji eigki ehtijis ecetai ahtaij, um uhum pan naopan ineig inyi nusjai a Inhal o natimi vai inmas o un.
10Ehtijis eti asuptecnaig intas iyehki ahtaij, um tas jipe, um ika, Inhe ineigki, nusjai vai inmas?
11¶ Ehtijis ahodai yin ahtaij, um ika, Era auri a ilpu atimi esege par ika, inyi uhup a Elaija um ham?
12Is um tas ehele ehtaij aien, um ika, Et idim uhup a Elaija um ham, um ehteduo niji itai asega; im lep ineig, eris aged vai Inhal o natimi, mika etpu ahinag nohocred o un, uhpu amcel vai yin.
13Ek idim asaig ehelemitaij ainyak mika, Is mun ham a Elaija itu acen, eris ago vai yin niji itai asega eris merit ara, is idivaig eris upyi hup um aged vai yin.
14¶ Is apan aien ehele ilpu atimi atahaijeg yin, um alum atimi is ahinag ehele ra, im lep ilpu atimi esege nimyiisjis itai vaig ira ra.
15Eris wat ecet yin atimi asjapicnaig asega, eris imyiali ara, um auroauro um athut pan ehelen, um aiheuc vai yin.
16Is ahodai ilpu atimi esege aien, um ika, Inhe ineigki eka imyiisjis ira ra aijaua?
17Is um tas natimi is ethi ira ra, um ika, Ak natimi esege, ek mun imyiapam inhalav atamaig unyak ainyak ehelum, et amen iran nagelo has pop;
18et wat ham iran aien, um auhainse yin; et ahuya nipjineucsen aien, um ataktit neijin, et um auatialidi aien: ek mun asaig ainyak ehele ilpu atimi atahaijeg euc mika eri ahlo yin; ja era auatialidi ara.
19Is um tas ehelen aien, um ika, Ak ilpu atimi imyiisjis nahcil, kis amen ehelemia ainyak is itu irak, um eropse inliinmopok ainyak vai caua um itu irak; imyiapam yin ehelek aijaua.
20Eris imyiapan yin ehelen ara: is wat alum yin aien, is auroauro a nagelo has um auohuoh yin; is eropse an nobohtan aien, um atcelcal, um ahuya nipjineucsen.
21Is ahodai etman aien, um ika, Is leh nitai ineigki aien an nahopan? Is ika aien, An halav o un:
22is ehcahinag ethaigjai yin aien an cop, um ethaigse yin an wai, mika yi auahas yin: el et emda aiek nagovaig tah nitai, aiheuc vai cumrau, um atau iramrau.
23Is ika ehelen a Iesu, El et emda aiek nimyiisjis ninivaijec vaig, el ek aiheue vai caurau ainyak: et tup upene niji itai asega vai yin et imyiisjis ninivaijec aien.
24Is auroauro a etmai inhalav iyehki um ahlaig ijinies, um taig, um ika, Ak Natimarid, ek imyiisjis ninivaijec ainyak; ago emda inliinmopok auatialidi aiek.
25Is alum atimi is ahinag a Iesu eris athut pan ara, is acaiji nagelo has iyehki aien, um ika ehelen, Ak nagelo has pop um ti intikgam, ek ika ehelum ainyak, namu atceijai yin aiek, um jim lep ham iran.
26Is um ahlaig a nagelo has, um auohuoh emda yin, um atceijai yin, um atga o un: is idivaig natimi mas aien; eris ika atimi is ahinag, Et mun mas aien.
27Ja is arapse va nikman a Iesu, um alcacse yin; is um atidai aien.
28Is wat apan aien anliin neom, eris echim ahodai yin a ilpu atimi atahaijeg yin, um ika, Ecra auatialidi aijama nahlo yin vaig vanhe?
29Is ika ehele ra aien, Er ahlo ilpu agelo has idivaig neigki, va nalaigaheni im natwakam ache.
30ERIS ahes eahki ara, um atga an pece Calili; is merit aien mika yi jim ato yin tah natimi.
31Is asuptecnaig ehele ilpu atimi atahaijeg yin aien, um ika ehele ra, Eh mun ati Inhal o natimi irai ikma atimi, erupu atgei yin ara; ja uhu wit atgei yin, et wit ti pan itac nadiat inyi eseij, etpu lep nusjai aien.
32Eris eti ato intas ineigki ara, jam imtitaig nahodai yin vaig.
33¶ Is yetpan Kaperneum aien: is wat amen aien anliin neom, is ahodai ra aien, um ika, Inhe ineigki eka atga imyiisjis itai vaig aijaua an nefalaig?
34Eris eti tas ara: va nitai ineig, nikavaig, eris atga imyiisjis itai ara an nefalaig, um ika, inyi esjilid tah ra a di?
35Is um ateucse aien, um ahlaig va atimi is twelv, um ika ehele ra, El et merit tah natimi mika yi esjilid ira ra, etpu apitac ira ra asega aien, um aheca ura asega.
36Is leh inhalav is ethi aien, um ati yin an nuhup ura: is ablim pam yin aien, um ika ehele ra,
37Aien et leh inhalav et idivaig ineig aien an nidak, et leh nyak aien; aien et leh nyak aien, et eti leh nyak ache aien, ja et leh yin aien is abrai nyak aien.
38¶ Is tas ehelen a Joanes, um ika, Ak Natimi esege, ecris ecet tah aijama is ahlo ilpu agelo has aien an nidam, jam eti ahced caija; ecris acaiji yin aijama va nedo o un, nikavaig, is eti ahced caija aien.
39Is um ika a Iesu, Jim acaiji yin aijaua: et elika vaig tah, et ago nauritai esjilid aien an nidak, par tup asan tas has vai nyak.
40Aien et eti tak atimi iraija aien, et apa uja aien.
41Aien et alumamia tah inwai an nipjinitai aien an nidak, mika aki umnyi aijaua, va nitai ineig, nikavaig, eka u Kristo aijaua, et inivaijec ineig ek asaig ehelemia ainyak mika, etpu leh nimtan imi yin aien.
42Aien et ago nedo oop vaig tah ilpu halav iji eigki aien era asgeig irak ara, et upene vai yin el eh athai inhat irara flaur an nauinwan, um ethaigse yin an jop.
43El et itai epihtau imi euc nikmam, anum acaldei aiek: etpu upene vai euc napanvaig an nuarin umoh, um ighin; jam has napanvaig an pece has, el et eteuc ero nikmam, an cop ineig inyi ti opos:
44inyi ti mas iran nimyiv ura, um eti lep opos incop.
45El et itai epihtau imi euc neduom, anum acaldei aiek: etpu upene vai euc napanvaig an nuarin umoh, um alkalka; jam has nethaig pan euc vaig an pece has, el et eteuc ero neduom, an cop ineig inyi ti lep opos:
46inyi ti mas iran nimyiv ura, um eti lep opos incop.
47El et itai epihtau imi euc nesganimtam, anum atipagki aiek: etpu upene vai euc napanvaig an nelcau o Atua, um ethi ache nesganimtam; jam has nethaig pan euc vaig an pece has an cop, um ero nesganimtam:
48inyi ti mas iran nimyiv ura, um eti lep opos incop.
49Uhpu ati incop ira atimi asega; uhpu ati inmohoanjop irai iji itai ahlap asega.
50Et upene inmohoanjop: ja el et aiyu inmohoanjop, uhpu lep leh nesgan um uauo? Etmu unyimia inmohoanjop; akumu eklim amen eigpa aijaua,
Currently Selected:
:
Highlight
Share
Copy
Want to have your highlights saved across all your devices? Sign up or sign in
Vanuatu Bible (Intas Etipup) © United Bible Societies, 1863, 2019.