Wongeela Maatewos 10

Waayee Ergamittoota Kudha Lamaanii

(Mar 3:13-19; Luq 6:12-16)

1Yesus barattoota kudha lamaan gara isaa waamee hafuurota battiiwwan akka baasaniif, dhukkubaa fi dhibee mara akka fayyisaniif aangoo isaanii ni kenne. 2Tarreen maqaa barattoota kudha lamaanii'llee akka itti aanee jiru, jalqaba Phexiros ka jedhame Simoonii fi obboleessi isaa Indriyaas, ijoolleen Zabdiyoosii Yaaqoobii fi Yohaannis, 3Filiiphoos, Bartolomewos, Toomaas, Maatewosii qaraxichi, ilma lilfiyoosii Yaaqoobii fi Taadeewos, 4Simoonii hinaaftticha#10:4 Hinaaftticha:- Nama waan mishaa nama bira'aatii ta'eef garaan dhukkubu, yookiin nama kaayyoo qabuuf quuqamu Yesusiin dabarssee kennee fi, Yihudaa nama biyya Keriyoot.

Ergamittoonni Kudha Lamaan Akka Barsiisaniif Ergamuu Isaanii

(Mar 6:7-13; Luq 9:1-6)

5Yesus ergamittoota kudha lamaan kanniin ni erge, akkana'llee jedhee isaan ni ajaje, «Gara ummata Waaqa dhuga'aa titti hin amannee hin dhaqinaa, gara magaalaa worra Saamraawotaa'llee hin aseeninaa, 6kana irraa gara worra akka hoolotaa badanii,, gara ummatoota Israa'eelii dhaqaa. 7Dhaqa'aatii'llee ‹Mootummaan Sami'ii dhiyaatee jirtti!› jedha'aa lallabaa. 8Dhukkubisattoota fayyisaa, worra du'an ni kaasa, waashayoota qulqulleessaa, jinniiwwan baasaa, waan bilisaan fudhattan bilisaan kennaa. 9Worqqii yookiin meeta yookiin sibiila diimaa, kiisii keessantti hin qabatinaa. 10#1Qor 9:14; 1Xim 5:18.Hojjatoota'aaf nyaanni ka isaa malu waan ta'eef, karaa keessaniif qaraciitii kitta'aa fi kophee, ulee'llee, hin qabatinaa. 11Magaalaa keessa aseenittan yookiin gandoota aseenttantti nama barbaachisaa ta'e eennuun akka ta'e qoradhaa, bakka san'llee gad dhiiftanii haga deemittanitti isaanumaan woliin turaa. 12Gara mana namaa yoo aseenttan nagaya gaafadhaa, 13manni nagaya keessaniif ka male yoo ta'e, nageenni keessan isa haa gayuun, ka hin male yoo ta'e garuu, nageenni keessan isiniif haa deebi'u. 14#HuE 13:51.Naminni kumi'llee yoo ufitti isin fudhachuu dhabe yookiin dubbii keessan ka hin dhageenne yoo ta'e, mana san yookiin magaalaa san dhiifittanii yoo baatan, awwaara miila keessan dhadhawadhaa. 15#Mat 11:24.#Luq 10:4-12.Dhugamaan isiniin jedha, Guyyaa Murti'ii Waaqaa titti magaalaa san irra namoota Sadoomii fi Gamora'aatiif, adabbiin isaaniif ni diqqaataaf.»

Dhufaatii Goofta'aatiin Duranatti Ari'amu'uu fi Rakkinni Akka Ta'u

(Mar 13:9-13; Luq 21:12-17)

16 # Luq 10:3. «Kunoo! Akka hoolotaa yayyiiwwan jidduu isin ni erga, kanaaf akka bofaa qaruuteewwan, akka handari'ii gara-laafeyyii ta'aa. 17#Mar 13:9-11; Luq 12:11, 12; 21:12-15.Namoonni gara yaa'ii murtii dabarsanii isin ni kennan, bakka woligayii isaanii maratti'llee isin ni dhaanan, kanaaf namoota irraa ufi eeggadhaa. 18Waayee kiyyaan gara bulchitootaatii fi gara nugusotaa murti'iif waan fudhatamittaniif, isaanii fi ummata Waaqa dhuga'aa titti hin amanne duranatti'llee, ragoota kiyya ni taatan, 19namoonni gara yaa'ii murtii titti yoo isin dhiyeessan, waan isin dubbattan yeroo sanitti isinii waan kennamuuf, ‹attamitti yookiin maal dubbanna?› jettanii, yaadu'uun hin sarddaminaa. 20Isin keessaa bulee ka dubbatu Hafuura Abbaa keessan ka sami'iiti malee, isinii miti. 21#Mar 13:12; Luq 21:16.Naminni obboleessa mataa isaa du'aaf dabarssee ni kenna, akkuma kana abbaan ilma mataa isaa du'aaf dabarssee ni kenna, ijoolleen'llee maatii isaanii irratti diinumma'aan ni ka'an, du'aaf'llee dabarsanii isaan ni kennan.» 22#Mat 24:9; Mar 13:13; Luq 21:17.Sababaa kiyyaan nama mara biratti ka jibbamttan ni taatan, garuu haga muumme'ee titti jabaatee ka dhaabatu ni fayya. 23Magaalaa tokkotti rakkinna isinitti yoo baay'isan gara bira'aa dheessaa, dhugamaan isiniin jedha Ilmi Namaa deebi'ee haga dhufutti, magaalota Israa'eelii mara woliin hin geettan. 24#Luq 6:40; Yoh 13:16; 15:20.Barataan barsiisaa isaa hin caalu, tajaajilaan'llee Gooftaa isaa hin caalu. 25#Mat 9:34; 12:24; Mar 3:22; Luq 11:15.Kanaaf barataan akka barsiisaa isaa, tajaajilaan'llee akka Gooftaa isaa yoo ta'e ni gayaan. Abbaa manaa Bi'el Zebul #10:25 Bi'el Zebul:- Itti gaafatamaa jinnootaa, yookiin mootii sheexanootaa. jedhanii yoo waaman maatii isaa garuu maqaa hammaa ta'een attam hin waaninneen!

Eennuun Sodaachuun Akka Malu

(Luq 12:2-7)

26 # Mar 4:22; Luq 8:17. «Eegaa namoota hin sodaatinaa, wonitti haguuggame ifa bayuun isaa hin hafu, ka bade'llee beekkamuun isaa hin hafu. 27Kanaaf waan ani dukkanaan isinitti himu isin ifatti dubbadhaa, hasaassi'iin waan dhageettan'llee bakka ol fagaatu irra baya'aatii ifatti barsiisaa. 28Foon ajjeesuu irra dabrranii lubbuu ajeesu'uuf ka hin dandeenne namoota hin sodaatinaa, kana irra lubbu'uu fi foon'llee ibidda asaabaa titti balleessu'uuf ka danda'u, Waaqa sodaadhaa. 29Sinbirroonni shishiikoon lamaan saantibii shaniin ni gurguramanii mitii ree? Haa ta'u malee, Abbaan keessan ka sami'ii uduu hin eeyyamin, sinbirroota shiikkoonuu, arddii irratti kufttee hin hafittu. 30Keessan garuu, rifeenissi mataa keessaniituu ka laakkayame. 31Eegaa isin garuu sinbirroota shiikkota irra haalaan waan caalttaniif, gonkumaa hin sodaatinaa.»

Waayee Kirstosii Ragaa Bayuun Ka Malu Ta'uu Isaa

(Luq 12:8-9)

32«Nama duranatti ka ragaa naa bayu maraaf, ani'llee Abbaa kiyya ka samii jiru duranatti, ragaa ni bayaaf. 33#2Xim 2:12.Nama duranatti ka naa waakkatu mara garuu, ani'llee Abbaa kiyya ka sami'ii duranatti ni isa waakkadha.» 34Ani ka dhufeef nagaya arddii irratti fidu'uuf isinitti hin fakkaatin, ani woraana malee nagaya fidu'uuf hin dhufinne. 35Ani ka dhufe ilma dhiiraa abbaa isaa irratti, mucattii intalaa haadha isi'ii irratti, intala ilmaa soddaatii isi'ii irratti, diinumma'aan kaasu'uuf. 36Kanaafuu namaaf diinonni isaa, maatima mataa isaa ni ta'an.

37Ana irra abbaa isaa yookiin haadha isaa ka jaalatu, kiyya ta'uuf hin maluun, ana irra ilma isaa ka dhiiraa yookiin mucattii isaa ta intala ka jaalatu, kiyya ta'u'uun hin maluun. 38#Mat 16:24; Mar 8:34; Luq 9:23.Fannoo mataa isaa baadhatee naminni ana hin horddofinne, kiyyaa ta'uun hin maluun. 39#Mat 16:25; Mar 8:35; Luq 9:24; 17:33; Yoh 12:25.Lubbuu isaa fayyisu'uuf ka barbaadu marrinuu ni balleessaan, lubbuu isaa waayee kiyyaaf ka balleessuun marrinuu garuu, ni fayyisaan.

40 # Yoh 13:20; Mar 9:37; Luq 9:48; 10:16. Ka isin ufitti fudhatu ana ufitti fudhata, ana'llee ka ufitti fudhatu Waaqa Abbaa ana erge ufitti fudhata. 41«Nabiyyii maqaa nabiyyi'iitiin ka ufitti fudhatu, gatii nabiyyumma'aa ni argata, nama qulqullaayomaan maqaa qulqullaayoma'aatiin ka ufitti fudhatu, gatii qulqullaayomaat ni argata.» 42«Dhugamaan isiniin jedha, barataa kiyya ta'uu isaatiin, worra maandhotaa kanniin keessaa tokkoo, bishaanuma qabbanaayaa kubbaayaa tokkootuu naminni kennu, gatii isaa hin dhabu.»

Currently Selected:

Wongeela Maatewos 10: ArsiDNT

Highlight

Copy