ወንጌል ዘሉቃስ 15
15
ምዕራፍ 15
በእንተ ምሳሌ ዘምእት አባግዕ
1 #
5፥29፤ ማቴ. 9፥11፤ ማር. 7፥1-13። ወቀርቡ ኀቤሁ መጸብሓን ወኃጥኣን ይስምዕዎ። 2ወአንጐርጐሩ ጸሐፍት ወፈሪሳውያን እንዘ ይብሉ ዝንቱሰ ኃጥኣነ ይትዌከፍ ወይበልዕ ምስሌሆሙ። 3#ማቴ. 18፥12-14። ወመሰለ ሎሙ ከመዝ ወይቤሎሙ። 4#ዘፀ. 20፥12፤ ሕዝ. 34፥11-16። እመቦ ብእሲ እምኔክሙ ዘቦ ምእት አባግዕ ወለእመ ተገድፈቶ አሐቲ እምኔሆን አኮኑ የኀድግ ተስዓ ወተስዐተ ውስተ ገዳም ወየሐውር ኀበ እንተ ተገድፈቶ እስከ ይረክባ። 5#ኢሳ. 40፥11። ወእምከመ ረከባ ይጸውራ ዲበ መትከፍቱ እንዘ ይትፌሣሕ። 6#1ጴጥ. 2፥25። ወአቲዎ ቤቶ ይጼውዕ አዕርክቲሁ ወጎሮ ወይብሎሙ ተፈሥሑ ሊተ እስመ ረከብኩ በግዕትየ እንተ ተገድፈተኒ። 7እብለክሙ ከመ ከመዝ ይከውን ትፍሥሕት በሰማያት በበይነ አሐዱ ኃጥእ ዘይኔስሕ ፈድፋደ እምነ ተስዓ ወተስዐቱ ጻድቃን እለ ኢይፈቅዱ ይነስሑ።
በእንተ ምሳሌ ገመስ
8ወእመኒ ብእሲት ዘባቲ ዐሥሩ ጠፋልሐ አግሙስ ወለእመ ተገድፈታ አሐቲ እምኔሆን አኮኑ ታኀቱ ማኅቶተ ወትፈነቅል ኵሎ ዘውስተ ቤታ ወተኀሥሥ አስተሐሚማ እስከ ትረክብ። 9ወእምከመ ረከበት ትጼውዕ አዕርክቲሃ ወጎራ ወትብሎን ተፈሥሓ ሊተ እስመ ረከብኩ ገመስየ እንተ ተገድፈተኒ። 10#ኤፌ. 3፥10። እብለክሙ ከመ ከማሁ ይከውን ፍሥሓ በሰማያት በቅድመ መላእክተ እግዚአብሔር በእንተ አሐዱ ኃጥእ ዘይኔስሕ።
በእንተ ብእሲ ዘቦ ክልኤቱ ደቂቅ
11ወካዕበ ይቤ አሐዱ ብእሲ ቦቱ ክልኤቱ ደቂቅ። 12#5፥29-30። ወይቤሎ ዘይንእስ ለአቡሁ አባ ሀበኒ መክፈልተ ርስትየ ዘይረክበኒ እምንዋይከ ወከፈሎ ንዋዮ። 13#ምሳ. 23፥20-21፤ 30። ወእምድኅረ ኅዳጥ መዋዕል አስተጋብአ ኵሎ ንዋዮ ዝኩ ወልዱ ዘይንእስ ወሖረ ወነገደ ርኁቀ ብሔረ ወበህየ ዘረወ ወአማሰነ ኵሎ ንዋዮ እንዘ የሐዩ በምርዓት። 14ወአኅሊቆ ኵሎ ንዋዮ መጽአ ረኃብ ዐቢይ ውስተ ውእቱ ብሔር ወተጸነሰ። 15ወሖረ ወተፀምደ ኀበ አሐዱ እምሰብአ ውእቱ ብሔር ወፈነዎ ውስተ አዕጻደ ወፍሩ ይርዐይ አሕርወ። 16ወፈተወ ይጽገብ እምሖመረ ጽራእ ዘይሴሰዩ አሕርው ወአልቦ ዘይሁቦ። 17ወኀለየ በልቡ#ቦ ዘይቤ «ወገብአ ኀበ ልቡ» ወይቤ ሚመጠን አግብርቲሁ ወገባእቱ ለአቡየ እለ ያተርፍዎ ለእክል ወአንሰ እመውት በረኃብ በዝየ። 18#መዝ. 50፥4፤ ኤር. 3፥12። እትነሣእ ወአሐውር ኀበ አቡየ ወእብሎ አባ አበስኩ በሰማይኒ ወበቅድሜከኒ። 19ወኢይደልወኒ እንከ እሰመይ ወልደከ አላ ረስየኒ ከመ አሐዱ እምአግብርቲከ። 20#መዝ. 102፥13፤ ያዕ. 4፥8። ወተንሥአ ወሖረ ኀበ አቡሁ ወርእዮ አቡሁ እምርኁቅ ምህሮ ወሮጸ ወሐቀፎ ክሣዶ ወሰዓሞ። 21ወይቤሎ ወልዱ አባ አበስኩ በሰማይኒ ወበቅድሜከኒ ወኢይደልወኒ እንከ እሰመይ ወልደከ አላ ረስየኒ ከመ አሐዱ እምአግብርቲከ። 22#ኢሳ. 61፥10። ወይቤሎሙ አቡሁ ለአግብርቲሁ አምጽኡ ፍጡነ አልባሰ ቅድዋተ ወአልብስዎ ወደዩ ኅልቀተ ውስተ አጻብዒሁ ወአሣእነ ውስተ እገሪሁ። 23ወአምጽኡ ላሕመ መግዝአ ወጥብሑ ንብላዕ ወንትፈሣሕ። 24#ኤፌ. 2፥1-11። እስመ ዝንቱ ወልድየ ሞተሂ ወሐይወ ተኀጕለሂ ወተረክበ ወአኀዙ ይትፈሥሑ። 25ወወልዱሰ ዘይልኅቅ ሀለወ ውስተ ሐቅል ወአቲዎ ሶበ በጽሐ ኀበ ጽንፈ ሀገር ሰምዐ እንዚራ ወማኅሌተ። 26ወጸውዐ አሐደ እምአግብርተ አቡሁ ወይቤሎ ምንትኑ ዝንቱ ዘእሰምዕ። 27ወይቤሎ እስመ አተወ እኁከ ወጠብሐ አቡከ ላሕመ መግዝአ እስመ ረከቦ ሕያዎ። 28ወተምዐ ወአበየ በዊአ ወወፅአ አቡሁ ወአስተብቍዖ። 29ወአውሥአ ወይቤሎ ለአቡሁ ናሁ መጠነዝ ዓመተ ተቀነይኩ ለከ ወግሙራ ኢኀለፍኩ እምትእዛዝከ ወሊተሰ ኢወሀብከኒ ማሕስአ ጠሊ ጥቀ በዘእትፌሣሕ ምስለ አዕርክትየ ወቢጽየ። 30ወአቲዎሰ ዝንቱ ወልድከ ዘአኅለቀ ወበልዐ ኵሎ ንብረተከ ምስለ ዘማት ጠባሕከ ሎቱ ላሕመ መግዝአ። 31ወይቤሎ አቡሁ ወልድየ አንተሰ ዘልፈ ሀለውከ ምስሌየ ወኵሉ ዘዚኣየ ዚኣከ ውእቱ። 32ወባሕቱ ርቱዕሰ ንትፈሣሕ ወንትሐሠይ እስመ ዝንቱ እኁከ ሞተሂ ወሐይወ ተኀጕለሂ ወተረክበ።
Currently Selected:
ወንጌል ዘሉቃስ 15: ሐኪግ
Highlight
Share
Copy
Want to have your highlights saved across all your devices? Sign up or sign in
ወንጌል ዘሉቃስ 15
15
ምዕራፍ 15
በእንተ ምሳሌ ዘምእት አባግዕ
1 #
5፥29፤ ማቴ. 9፥11፤ ማር. 7፥1-13። ወቀርቡ ኀቤሁ መጸብሓን ወኃጥኣን ይስምዕዎ። 2ወአንጐርጐሩ ጸሐፍት ወፈሪሳውያን እንዘ ይብሉ ዝንቱሰ ኃጥኣነ ይትዌከፍ ወይበልዕ ምስሌሆሙ። 3#ማቴ. 18፥12-14። ወመሰለ ሎሙ ከመዝ ወይቤሎሙ። 4#ዘፀ. 20፥12፤ ሕዝ. 34፥11-16። እመቦ ብእሲ እምኔክሙ ዘቦ ምእት አባግዕ ወለእመ ተገድፈቶ አሐቲ እምኔሆን አኮኑ የኀድግ ተስዓ ወተስዐተ ውስተ ገዳም ወየሐውር ኀበ እንተ ተገድፈቶ እስከ ይረክባ። 5#ኢሳ. 40፥11። ወእምከመ ረከባ ይጸውራ ዲበ መትከፍቱ እንዘ ይትፌሣሕ። 6#1ጴጥ. 2፥25። ወአቲዎ ቤቶ ይጼውዕ አዕርክቲሁ ወጎሮ ወይብሎሙ ተፈሥሑ ሊተ እስመ ረከብኩ በግዕትየ እንተ ተገድፈተኒ። 7እብለክሙ ከመ ከመዝ ይከውን ትፍሥሕት በሰማያት በበይነ አሐዱ ኃጥእ ዘይኔስሕ ፈድፋደ እምነ ተስዓ ወተስዐቱ ጻድቃን እለ ኢይፈቅዱ ይነስሑ።
በእንተ ምሳሌ ገመስ
8ወእመኒ ብእሲት ዘባቲ ዐሥሩ ጠፋልሐ አግሙስ ወለእመ ተገድፈታ አሐቲ እምኔሆን አኮኑ ታኀቱ ማኅቶተ ወትፈነቅል ኵሎ ዘውስተ ቤታ ወተኀሥሥ አስተሐሚማ እስከ ትረክብ። 9ወእምከመ ረከበት ትጼውዕ አዕርክቲሃ ወጎራ ወትብሎን ተፈሥሓ ሊተ እስመ ረከብኩ ገመስየ እንተ ተገድፈተኒ። 10#ኤፌ. 3፥10። እብለክሙ ከመ ከማሁ ይከውን ፍሥሓ በሰማያት በቅድመ መላእክተ እግዚአብሔር በእንተ አሐዱ ኃጥእ ዘይኔስሕ።
በእንተ ብእሲ ዘቦ ክልኤቱ ደቂቅ
11ወካዕበ ይቤ አሐዱ ብእሲ ቦቱ ክልኤቱ ደቂቅ። 12#5፥29-30። ወይቤሎ ዘይንእስ ለአቡሁ አባ ሀበኒ መክፈልተ ርስትየ ዘይረክበኒ እምንዋይከ ወከፈሎ ንዋዮ። 13#ምሳ. 23፥20-21፤ 30። ወእምድኅረ ኅዳጥ መዋዕል አስተጋብአ ኵሎ ንዋዮ ዝኩ ወልዱ ዘይንእስ ወሖረ ወነገደ ርኁቀ ብሔረ ወበህየ ዘረወ ወአማሰነ ኵሎ ንዋዮ እንዘ የሐዩ በምርዓት። 14ወአኅሊቆ ኵሎ ንዋዮ መጽአ ረኃብ ዐቢይ ውስተ ውእቱ ብሔር ወተጸነሰ። 15ወሖረ ወተፀምደ ኀበ አሐዱ እምሰብአ ውእቱ ብሔር ወፈነዎ ውስተ አዕጻደ ወፍሩ ይርዐይ አሕርወ። 16ወፈተወ ይጽገብ እምሖመረ ጽራእ ዘይሴሰዩ አሕርው ወአልቦ ዘይሁቦ። 17ወኀለየ በልቡ#ቦ ዘይቤ «ወገብአ ኀበ ልቡ» ወይቤ ሚመጠን አግብርቲሁ ወገባእቱ ለአቡየ እለ ያተርፍዎ ለእክል ወአንሰ እመውት በረኃብ በዝየ። 18#መዝ. 50፥4፤ ኤር. 3፥12። እትነሣእ ወአሐውር ኀበ አቡየ ወእብሎ አባ አበስኩ በሰማይኒ ወበቅድሜከኒ። 19ወኢይደልወኒ እንከ እሰመይ ወልደከ አላ ረስየኒ ከመ አሐዱ እምአግብርቲከ። 20#መዝ. 102፥13፤ ያዕ. 4፥8። ወተንሥአ ወሖረ ኀበ አቡሁ ወርእዮ አቡሁ እምርኁቅ ምህሮ ወሮጸ ወሐቀፎ ክሣዶ ወሰዓሞ። 21ወይቤሎ ወልዱ አባ አበስኩ በሰማይኒ ወበቅድሜከኒ ወኢይደልወኒ እንከ እሰመይ ወልደከ አላ ረስየኒ ከመ አሐዱ እምአግብርቲከ። 22#ኢሳ. 61፥10። ወይቤሎሙ አቡሁ ለአግብርቲሁ አምጽኡ ፍጡነ አልባሰ ቅድዋተ ወአልብስዎ ወደዩ ኅልቀተ ውስተ አጻብዒሁ ወአሣእነ ውስተ እገሪሁ። 23ወአምጽኡ ላሕመ መግዝአ ወጥብሑ ንብላዕ ወንትፈሣሕ። 24#ኤፌ. 2፥1-11። እስመ ዝንቱ ወልድየ ሞተሂ ወሐይወ ተኀጕለሂ ወተረክበ ወአኀዙ ይትፈሥሑ። 25ወወልዱሰ ዘይልኅቅ ሀለወ ውስተ ሐቅል ወአቲዎ ሶበ በጽሐ ኀበ ጽንፈ ሀገር ሰምዐ እንዚራ ወማኅሌተ። 26ወጸውዐ አሐደ እምአግብርተ አቡሁ ወይቤሎ ምንትኑ ዝንቱ ዘእሰምዕ። 27ወይቤሎ እስመ አተወ እኁከ ወጠብሐ አቡከ ላሕመ መግዝአ እስመ ረከቦ ሕያዎ። 28ወተምዐ ወአበየ በዊአ ወወፅአ አቡሁ ወአስተብቍዖ። 29ወአውሥአ ወይቤሎ ለአቡሁ ናሁ መጠነዝ ዓመተ ተቀነይኩ ለከ ወግሙራ ኢኀለፍኩ እምትእዛዝከ ወሊተሰ ኢወሀብከኒ ማሕስአ ጠሊ ጥቀ በዘእትፌሣሕ ምስለ አዕርክትየ ወቢጽየ። 30ወአቲዎሰ ዝንቱ ወልድከ ዘአኅለቀ ወበልዐ ኵሎ ንብረተከ ምስለ ዘማት ጠባሕከ ሎቱ ላሕመ መግዝአ። 31ወይቤሎ አቡሁ ወልድየ አንተሰ ዘልፈ ሀለውከ ምስሌየ ወኵሉ ዘዚኣየ ዚኣከ ውእቱ። 32ወባሕቱ ርቱዕሰ ንትፈሣሕ ወንትሐሠይ እስመ ዝንቱ እኁከ ሞተሂ ወሐይወ ተኀጕለሂ ወተረክበ።
Currently Selected:
:
Highlight
Share
Copy
Want to have your highlights saved across all your devices? Sign up or sign in