ወንጌል ዘማቴዎስ 16
16
ምዕራፍ 16
ዘከመ ኀሠሡ ሰብእ ትእምርተ እምሰማይ
1 #
12፥38፤ ማር. 8፥11-21። ወመጽኡ ፈሪሳውያን ወሰዱቃውያን እንዘ ያሜክርዎ ወሰአልዎ ትእምርተ እምሰማይ ያርእዮሙ። 2#ሉቃ. 12፥54-57። ወአውሥአ እግዚእ ኢየሱስ ወይቤሎሙ እምከመ መስየ ወኮነ ሕዋየ ትብሉ ጽሕወ ብሔር እስመ ያቅየሐይሕ ሰማይ። 3ወእምከመ ጸብሐ ትብሉ ዮምሰኬ ይዘንም እስመ ያቅሐይሕ ሰማይ ድሙነ ኦ! መደልዋን ለገጸ ሰማይኑ ተአምሩ ፈክሮቶ ወተአምረ መዋዕልሰ እፎ ኢተአምሩ። 4#12፥39-40። ወይቤሎሙ ትውልድ ዕሉት ወዘማ ትእምርተ ተኀሥሥ ወትእምርትሰ ኢይትወሀባ ዘእንበለ ትእምርተ ዮናስ ነቢይ ወእምዝ ኀደጎሙ ወሖረ።
በእንተ ተዐቅቦ እምትምህርቶሙ ለፈሪሳውያን
5ወበጺሖሙ አርዳኢሁ ማዕዶተ ረስዑ ነሢአ ኅብስት። 6#ሉቃ. 12፥1። ወይቤሎሙ እግዚእ ኢየሱስ ዑቁ ወተዐቀቡ እምብኁኦሙ ለፈሪሳውያን ወሰዱቃውያን። 7ወኀለዩ በበይናቲሆሙ እንዘ ይብሉ እስመሁ እንጋ ኅብስተ ኢነሣእነ ይብለነ። 8#6፥30። ወአእመሮሙ እግዚእ ኢየሱስ ወይቤሎሙ ምንተ ትኄልዩ በበይናቲክሙ ኦ ሕጹጻነ ሃይማኖት እስመሁ ኅብስት አልብክሙ። 9#14፥17-23። ዓዲሁ ኢትሌብዉኑ ወኢትዜከሩ ዘአመ ኀምስ ኅብስት እለ ለኀምሳ ምእት ብእሲ ሚመጠነ መዛርዐ አግኀሥክሙ ወይቤልዎ ዐሠርተ ወክልኤተ።#ቦ ዘኢይጽሕፍ «... ወይቤልዎ ዐሠርተ ወክልኤተ» 10#15፥32-39። ወአመ ሰብዑ ኅብስት እለ ለአርብዓ ምእት ብእሲ ሚመጠነ አስፈሬዳተ አግኀሥክሙ ወይቤልዎ ሰብዑ።#ቦ ዘኢይጽሕፍ «... ወይቤልዎ ሰብዑ» 11እፎ ዘኢትሌብዉ ከመ አኮ በእንተ ኅብስት ዘእቤለክሙ ዑቁ ወተዐቀቡ እምነ ብኁኦሙ ለፈሪሳውያን ወሰዱቃውያን። 12ወእምዝ ለበዉ አርዳኢሁ ከመ አኮ ዘይቤሎሙ በእንተ ብኅአተ ኅብስት ይትዐቀቡ አላ እምነ ትምህርቶሙ ለፈሪሳውያን ወሰዱቃውያን።
ዘከመ ተስእሎሙ እግዚእ ኢየሱስ በቂሳርያ
13 #
ማር. 8፥27-30፤ ሉቃ. 9፥18-21። ወበጺሖ እግዚእ ኢየሱስ ብሔረ ቂሳርያ ዘፊልጶስ ተስእሎሙ ለአርዳኢሁ እንዘ ይብል መነ ይብልዎ ሰብእ ለወልደ ዕጓለ እመሕያው። 14#14፥2፤ 17፥10። ወይቤልዎ ቦ እለ ይብሉከ ዮሐንስሃ መጥምቀ ወካልኣን ይብሉከ ኤልያስሃ ወመንፈቆሙ ኤርምያስሃ ወእመአኮ አሐዱ እምነቢያት ቀደምት። 15ወይቤሎሙ አንትሙሰኬ መነ ትብሉኒ። 16#ዮሐ. 6፥29። ወአውሥአ ስምዖን ጴጥሮስ ወይቤ አንተ ውእቱ ክርስቶስ ወልደ እግዚአብሔር ሕያው። 17#ገላ. 1፥15-16። ወአውሥአ እግዚእ ኢየሱስ ወይቤሎ ብፁዕ አንተ ስምዖን ወልደ ዮና እስመ ኢከሠተ ለከ ዘሥጋ ወደም አላ አቡየ ዘበሰማያት። 18#ሉቃ. 22፥31-32፤ ኤፌ. 2፥20። ወአንሰ እብለከ ከመ አንተ ኰኵሕ ወዲበ ዛቲ ኰኵሕ አሐንጻ ለቤተ ክርስቲያንየ ወአናቅጸ ሲኦል ኢይኄይልዋ። 19#18፥18፤ ኢሳ. 22፥22፤ ዮሐ. 20፥23። ወእሁበከ መራኁተ መንግሥተ ሰማያት ወዘአሰርከ በምድር ይከውን እሱረ በሰማያት ወዘፈታሕከ በምድር ይከውን ፍቱሐ በሰማያት። 20#17፥9። ወእምዝ ገሠጾሙ ለአርዳኢሁ ከመ ኢይንግሩ ወኢለመኑሂ ከመ ውእቱ ኢየሱስ ክርስቶስ።
በእንተ ሕማሙ ወሞቱ
21 #
ማር. 8፥31፤ ሉቃ. 9፥22-27፤ ዮሐ. 2፥19። ወእምአሜሃ እግዚእ ኢየሱስ አኀዘ ይንግሮሙ ለአርዳኢሁ ከመ ሀለዎ ይሑር ኢየሩሳሌም ወብዙኀ ያሐምምዎ ረበናት ወሊቃነ ካህናት ወጸሐፍት ወይትቀተል ወበሣልስት ዕለት ይትነሣእ። 22ወተሰጥዎ ጴጥሮስ ወአኀዘ ይክልኦ እንዘ ይብል ሐሰ ለከ እግዚኦ ይኩን#ቦ ዘይቤ «ኢይኩን» ላዕሌከ ዝንቱ። 23ወተመዪጦ ይቤሎ ለጴጥሮስ ሑር እምድኅሬየ ሰይጣን እስመ ኮንከ ማዕቅፍየ ሊተ እስመ ኢትኄሊ ዘእግዚአብሔር ዘእንበለ ዘሰብእ። 24#ሉቃ. 9፥23። ወእምዝ ይቤሎሙ እግዚእ ኢየሱስ ለአርዳኢሁ ዘይፈቅድ ይትልወኒ ይጽልኣ ለነፍሱ ወያጥብዕ ወይንሣእ መስቀለ ሞቱ ወይትልወኒ። 25#10፥38። ወዘይፈቅድ ያድኅና ለነፍሱ ለይግድፋ ወዘሰ ገደፋ ለነፍሱ በእንቲኣየ ይረክባ። 26ወምንት ይበቍዖ ለሰብእ ለእመ ኵሎ ዓለመ ረብኀ ወነፍሶ ኀጕለ ወምንተ እምወሀበ ሰብእ ቤዛሃ ለነፍሱ። 27#ሮሜ 2፥6። እስመ ሀለዎ ለወልደ ዕጓለ እመሕያው ይምጻእ በስብሐተ አቡሁ ምስለ መላእክቲሁ ወአሜሃ የዐስዮ ለኵሉ በከመ ምግባሩ። 28#10፥23። አማን እብለክሙ ቦ እምእለ ሀለዉ ይቀውሙ ዝየ እለ ኢይጥዕምዎ ለሞት እስከ አመ ይሬእይዎ ለወልደ ዕጓለ እመሕያው እንዘ ይመጽእ በስብሐተ አቡሁ።
Currently Selected:
ወንጌል ዘማቴዎስ 16: ሐኪግ
Highlight
Share
Copy
Want to have your highlights saved across all your devices? Sign up or sign in
ወንጌል ዘማቴዎስ 16
16
ምዕራፍ 16
ዘከመ ኀሠሡ ሰብእ ትእምርተ እምሰማይ
1 #
12፥38፤ ማር. 8፥11-21። ወመጽኡ ፈሪሳውያን ወሰዱቃውያን እንዘ ያሜክርዎ ወሰአልዎ ትእምርተ እምሰማይ ያርእዮሙ። 2#ሉቃ. 12፥54-57። ወአውሥአ እግዚእ ኢየሱስ ወይቤሎሙ እምከመ መስየ ወኮነ ሕዋየ ትብሉ ጽሕወ ብሔር እስመ ያቅየሐይሕ ሰማይ። 3ወእምከመ ጸብሐ ትብሉ ዮምሰኬ ይዘንም እስመ ያቅሐይሕ ሰማይ ድሙነ ኦ! መደልዋን ለገጸ ሰማይኑ ተአምሩ ፈክሮቶ ወተአምረ መዋዕልሰ እፎ ኢተአምሩ። 4#12፥39-40። ወይቤሎሙ ትውልድ ዕሉት ወዘማ ትእምርተ ተኀሥሥ ወትእምርትሰ ኢይትወሀባ ዘእንበለ ትእምርተ ዮናስ ነቢይ ወእምዝ ኀደጎሙ ወሖረ።
በእንተ ተዐቅቦ እምትምህርቶሙ ለፈሪሳውያን
5ወበጺሖሙ አርዳኢሁ ማዕዶተ ረስዑ ነሢአ ኅብስት። 6#ሉቃ. 12፥1። ወይቤሎሙ እግዚእ ኢየሱስ ዑቁ ወተዐቀቡ እምብኁኦሙ ለፈሪሳውያን ወሰዱቃውያን። 7ወኀለዩ በበይናቲሆሙ እንዘ ይብሉ እስመሁ እንጋ ኅብስተ ኢነሣእነ ይብለነ። 8#6፥30። ወአእመሮሙ እግዚእ ኢየሱስ ወይቤሎሙ ምንተ ትኄልዩ በበይናቲክሙ ኦ ሕጹጻነ ሃይማኖት እስመሁ ኅብስት አልብክሙ። 9#14፥17-23። ዓዲሁ ኢትሌብዉኑ ወኢትዜከሩ ዘአመ ኀምስ ኅብስት እለ ለኀምሳ ምእት ብእሲ ሚመጠነ መዛርዐ አግኀሥክሙ ወይቤልዎ ዐሠርተ ወክልኤተ።#ቦ ዘኢይጽሕፍ «... ወይቤልዎ ዐሠርተ ወክልኤተ» 10#15፥32-39። ወአመ ሰብዑ ኅብስት እለ ለአርብዓ ምእት ብእሲ ሚመጠነ አስፈሬዳተ አግኀሥክሙ ወይቤልዎ ሰብዑ።#ቦ ዘኢይጽሕፍ «... ወይቤልዎ ሰብዑ» 11እፎ ዘኢትሌብዉ ከመ አኮ በእንተ ኅብስት ዘእቤለክሙ ዑቁ ወተዐቀቡ እምነ ብኁኦሙ ለፈሪሳውያን ወሰዱቃውያን። 12ወእምዝ ለበዉ አርዳኢሁ ከመ አኮ ዘይቤሎሙ በእንተ ብኅአተ ኅብስት ይትዐቀቡ አላ እምነ ትምህርቶሙ ለፈሪሳውያን ወሰዱቃውያን።
ዘከመ ተስእሎሙ እግዚእ ኢየሱስ በቂሳርያ
13 #
ማር. 8፥27-30፤ ሉቃ. 9፥18-21። ወበጺሖ እግዚእ ኢየሱስ ብሔረ ቂሳርያ ዘፊልጶስ ተስእሎሙ ለአርዳኢሁ እንዘ ይብል መነ ይብልዎ ሰብእ ለወልደ ዕጓለ እመሕያው። 14#14፥2፤ 17፥10። ወይቤልዎ ቦ እለ ይብሉከ ዮሐንስሃ መጥምቀ ወካልኣን ይብሉከ ኤልያስሃ ወመንፈቆሙ ኤርምያስሃ ወእመአኮ አሐዱ እምነቢያት ቀደምት። 15ወይቤሎሙ አንትሙሰኬ መነ ትብሉኒ። 16#ዮሐ. 6፥29። ወአውሥአ ስምዖን ጴጥሮስ ወይቤ አንተ ውእቱ ክርስቶስ ወልደ እግዚአብሔር ሕያው። 17#ገላ. 1፥15-16። ወአውሥአ እግዚእ ኢየሱስ ወይቤሎ ብፁዕ አንተ ስምዖን ወልደ ዮና እስመ ኢከሠተ ለከ ዘሥጋ ወደም አላ አቡየ ዘበሰማያት። 18#ሉቃ. 22፥31-32፤ ኤፌ. 2፥20። ወአንሰ እብለከ ከመ አንተ ኰኵሕ ወዲበ ዛቲ ኰኵሕ አሐንጻ ለቤተ ክርስቲያንየ ወአናቅጸ ሲኦል ኢይኄይልዋ። 19#18፥18፤ ኢሳ. 22፥22፤ ዮሐ. 20፥23። ወእሁበከ መራኁተ መንግሥተ ሰማያት ወዘአሰርከ በምድር ይከውን እሱረ በሰማያት ወዘፈታሕከ በምድር ይከውን ፍቱሐ በሰማያት። 20#17፥9። ወእምዝ ገሠጾሙ ለአርዳኢሁ ከመ ኢይንግሩ ወኢለመኑሂ ከመ ውእቱ ኢየሱስ ክርስቶስ።
በእንተ ሕማሙ ወሞቱ
21 #
ማር. 8፥31፤ ሉቃ. 9፥22-27፤ ዮሐ. 2፥19። ወእምአሜሃ እግዚእ ኢየሱስ አኀዘ ይንግሮሙ ለአርዳኢሁ ከመ ሀለዎ ይሑር ኢየሩሳሌም ወብዙኀ ያሐምምዎ ረበናት ወሊቃነ ካህናት ወጸሐፍት ወይትቀተል ወበሣልስት ዕለት ይትነሣእ። 22ወተሰጥዎ ጴጥሮስ ወአኀዘ ይክልኦ እንዘ ይብል ሐሰ ለከ እግዚኦ ይኩን#ቦ ዘይቤ «ኢይኩን» ላዕሌከ ዝንቱ። 23ወተመዪጦ ይቤሎ ለጴጥሮስ ሑር እምድኅሬየ ሰይጣን እስመ ኮንከ ማዕቅፍየ ሊተ እስመ ኢትኄሊ ዘእግዚአብሔር ዘእንበለ ዘሰብእ። 24#ሉቃ. 9፥23። ወእምዝ ይቤሎሙ እግዚእ ኢየሱስ ለአርዳኢሁ ዘይፈቅድ ይትልወኒ ይጽልኣ ለነፍሱ ወያጥብዕ ወይንሣእ መስቀለ ሞቱ ወይትልወኒ። 25#10፥38። ወዘይፈቅድ ያድኅና ለነፍሱ ለይግድፋ ወዘሰ ገደፋ ለነፍሱ በእንቲኣየ ይረክባ። 26ወምንት ይበቍዖ ለሰብእ ለእመ ኵሎ ዓለመ ረብኀ ወነፍሶ ኀጕለ ወምንተ እምወሀበ ሰብእ ቤዛሃ ለነፍሱ። 27#ሮሜ 2፥6። እስመ ሀለዎ ለወልደ ዕጓለ እመሕያው ይምጻእ በስብሐተ አቡሁ ምስለ መላእክቲሁ ወአሜሃ የዐስዮ ለኵሉ በከመ ምግባሩ። 28#10፥23። አማን እብለክሙ ቦ እምእለ ሀለዉ ይቀውሙ ዝየ እለ ኢይጥዕምዎ ለሞት እስከ አመ ይሬእይዎ ለወልደ ዕጓለ እመሕያው እንዘ ይመጽእ በስብሐተ አቡሁ።
Currently Selected:
:
Highlight
Share
Copy
Want to have your highlights saved across all your devices? Sign up or sign in