Luqaase 20
20
Yesuusa adetoy ayafa maaqesa
Mat 21:23-27; Mrq 11:27-33
1Bidzi wonte Yesuusay Wonto Hayla Zawa qeyshi giddaa axita erusiya modhe odo ohiya e yecha. Kahinituse afana maagiti, Muse woga eruseesiti, gate cimitaaraydi esuko yoodi 2<<Ha zeerita ne hantesi an adetonana? Ooni neese ha adeto inda? Mee, nuuse ohuwa>> hidi u oycco. 3Esini <<Hinne tanini bidzi oychuko hinumba ta oyce. Mee, hinuni taase mahuwayte. 4Yohanisey Wontokofa dendiya e xhamaqichani axukofani?>> yeydi e oycco. 5Usini wolko sekke hanke zeere u ayto. << <Wontokofako> hidi nu hitta'ayko <Hine ame <<Aadeko>> hidi esa efe hi dheeddo?> hidiko e hine. 6<Axukofako> hidi nu hitta'ayko axi be uddina <Yohanisey kaayaxuko> hidi be hine gisha shuchunawoko numba icci u wodhe>> yeydi u hido. 7Ye e gisha <<E xhinqatey ayafa maaqesa nuni eruwanxhiko>> hidi u mato. 8Yesuusani <<Hinne an adetona haanxho ta hantesa hinuse ohuwasso>> hidi e hido.
Weyne zuusi hantaxiti mamako
Mat 21:33-46; Mrq 12:1-12
9Ye e geedeni Yesuusay axituse bidzi mamako e mamatto. <<Bidzi adey be gatiya weyne zuuse e tottecha. Miijhe efese hanteesituse u hantorosa indi fede wude dhaddi handi laga bera aallo yaha e shaacco. 10Ye weyney kaxxho geede e kaxhaafa u anxorosa bidzi be maala hantaxituko e anso. Usini esa durdi bidzi abakoni keenguwasa kuche mela hanke u anso.
11Sekkeni assiwo fede be maala e anso. Ye esani yeysiwo durdi eersi kuche mela u gooddo. 12Assiwo haysso e anso. Ye esani zaydi are kessi u datto.
13Ye weyniyadeni <Waani ta hiye? Ha ta eehicho ta yelewoko ta anxo, haliyaka ha ta yele jhashoko u jhashe> yeydi e hido. 14Ye hantaxitini ye yele beedi sekke hanke wolko zeerisine <Ha esimay e dhaalaxuko, yoowayte, woddhine e haydho geede ha godoy niisuko e maaqe> hidi wolla u kundo. 15Hinne ye yele ye weyne godome are kessi u woddho.
Hinne ye weyne tottecha adey ususe am e hante? 16E hantesi beesewo yoodiko ye hantaxitani woddhi ye weyneni fede hantaxituse e inge>> yeydi e hido. Yaha yecha axitini ye esa be siido wogga <<Ha e bishay zaruwaye!>> hidi uydo. 17Yesuusani usuko beedi << <Shuchuna keexhichashiti haassi dattecho shuchi hade boorey keexe aykenike zawa ayke shuche e maaddho> hidi diizuttechashi am e beyse? 18Ooneni ha shuchi gara ungesi medhiko e gukke, ye shuchi e gara unge axi fettonawoko naxhutti e baane>> yeydi e hido.
19Muse woga eruseesitaara kahinituse afana maagitaaray Yesuusay zeerdo mamakoy be gara e maaqesa erdi yenniyaka esa aykese wordechine axita jhasshi u dhaddo.
Gaalo gisha
Mat 22:15-22; Mrq 12:13-17
20Yesuusa aykeseni e bishe wogga u kakkicha. Ye wude ahe adey be adetona e gara e yaa'orosa wordi gizo axita bisshi e zeerena esa qaxhese danda'e wocheshita u anso. 21Usini Yesuusako handi <<Laaxo, ne zeeresaara ne erusesaaray aade maaqenike erako nu ere. Axi aafusha beedo badiwoko fetto Wonto ogeni aadenawo ne eruse. 22Nu wogay Rooma kaatuse#20:22 Rooma kaate yeydi birchuttasi Grike nuunana <<Qesaare>> hidi hiyoko. Taafo 24,25 ye esawoko. gaalo nu gaalorosa tuca e tuceni tucuwannikeni e hido?>> hidi u oycco.
23Yesuusani u fayankete erdi 24<<Mee, miijhiyafa bidzo oodi taa beysuwayte>> hidi e hido. U oonne <<Hinne ha miijhe gara yese bishaara diizuttese sunxaaray oonesuna?>> hidi e oycco. Usini <<Rooma kaatuko>> hidi uydo. 25Yesuusani <<Rooma kaatuse maaqesa Rooma kaatuse, Wontose maaqesani Wontose inguwayte!>> hidi e hido. 26Usini axiti buro zeerena esa qaxhese danda'e u dheeddo. Ususe e mato utta gisha micci mikku uydo.
Haybo denxo gisha
Mat 22:23-33; Mrq 12:18-27
27Sodoqaxiti <<Haydhasiti denduwasso>> hidi u hicha. Usaafani bidzi bidziti Yesuusako yoodi 28<<Laaxo, Musey nuuse diizisine <Bidzi axi macho ettechine yello badi baatta'ayko ye baadasindo na'i ye e macho dhaalli esuse yele yelli e dhaalaxe mahuwaye> hidiko e hidecha. 29Hinne bidzi indo na'axhey laappi u yecha. Usaafa angussi macho ettechine yello badi yesine e baado. 30-31Lakkoni hayssoni yeydiwo se esi dhaala baatta, ha esi dhaala baatta hissine be laappuna uddi yello badi u aallo. 32Aallicira isini baado. 33Ye laappi be uddinawo iso ettecho gisha haydhasiti dende wonte aasi machona i maaqe?>> yeydi u oycco.
34Yesuusani ususe mahisine <<Ha sahaaka yese axiti u ekke u geleydiko. 35Yoone kille sahaaka yesese haybo denxoy ususe bishesheeshiti efuttuwasso geluttuwaso. 36Hade Wonto woosaxituke u maaqe gisha hay'uttuwasso, haybowafa be dende gisha usi Wonto nayshitako.
37Axiti haybowafa dendesa Musey tamay essa eexhicho dhushashe be diizzo mamakuwa beysiko e yese. Yahani Musey Laaxeni <Abrahaame Wonto, Yissaaqe Wonto, Yayqoobe Wonto> hissine xheydiko e yese. 38Wontose uddi axi yesona yesine u bente gisha Wontoy en'a yeseesituse Wontoko baaka haydhasituse Wonto maaquwasso>> hidi e hido.
39Muse woga eruseesitaafa bidzi bidzi axiti <<Laaxo, modheko ne zeerdo>> hidi uydo. 40Sekke ye e geede Yesuusa oyceshe naassay bidzini baasso.
Mesihe gisha
Mat 22:41-46; Mrq 12:35-37
41Ye e geede Yesuusay <<Waakidini Mesihey <Dawite yeleko> hidi e hiyutte? 42-43Be diizzo Zingale Fissharowa
<Wontoy ta Laaxuse <<Ne iilaxita iisshi ne toke e gara ne gadesa ta mahoro aallo ta oshishaa uttuwa!>> hidiko Dawitey hido>
yeydiko Dawitey hido. 44Yebo, Dawitey Mesihe <Ta Laaxo> hidi e xheydo geede hine Mesihey waydini Dawitese e yele maaqe?>> yeydi e oycco.
Muse woga eruseesiti garafa biya kafe gisha
Mat 23:1-36; Mrq 12:38-40
45Axiti be uddina siisune Yesuusay be erusichoshita 46<<Muse woga eruseesiti garafa hinumba kakkuwayte! Usini e woomay keddaydese galala maa'o maadhi seyna hayna hanteko u eehe, gadhesaaka kuxa sawo wordi Bhikkilo Zawaani hayyaxhey utticho godowa uttesuko u worge, massalaaka kuxa godowoko u eehe, 47u adey baadese indowaxhiti zawa u bonqe. Ye esa fasheme hissine galalsi u shi'e. Ha e gisha gardese yaa'ako u gara yaa'uttesa>> yeydi e hido.
Currently Selected:
Luqaase 20: KilleC
Highlight
Share
Copy
Want to have your highlights saved across all your devices? Sign up or sign in
Luqaase 20
20
Yesuusa adetoy ayafa maaqesa
Mat 21:23-27; Mrq 11:27-33
1Bidzi wonte Yesuusay Wonto Hayla Zawa qeyshi giddaa axita erusiya modhe odo ohiya e yecha. Kahinituse afana maagiti, Muse woga eruseesiti, gate cimitaaraydi esuko yoodi 2<<Ha zeerita ne hantesi an adetonana? Ooni neese ha adeto inda? Mee, nuuse ohuwa>> hidi u oycco. 3Esini <<Hinne tanini bidzi oychuko hinumba ta oyce. Mee, hinuni taase mahuwayte. 4Yohanisey Wontokofa dendiya e xhamaqichani axukofani?>> yeydi e oycco. 5Usini wolko sekke hanke zeere u ayto. << <Wontokofako> hidi nu hitta'ayko <Hine ame <<Aadeko>> hidi esa efe hi dheeddo?> hidiko e hine. 6<Axukofako> hidi nu hitta'ayko axi be uddina <Yohanisey kaayaxuko> hidi be hine gisha shuchunawoko numba icci u wodhe>> yeydi u hido. 7Ye e gisha <<E xhinqatey ayafa maaqesa nuni eruwanxhiko>> hidi u mato. 8Yesuusani <<Hinne an adetona haanxho ta hantesa hinuse ohuwasso>> hidi e hido.
Weyne zuusi hantaxiti mamako
Mat 21:33-46; Mrq 12:1-12
9Ye e geedeni Yesuusay axituse bidzi mamako e mamatto. <<Bidzi adey be gatiya weyne zuuse e tottecha. Miijhe efese hanteesituse u hantorosa indi fede wude dhaddi handi laga bera aallo yaha e shaacco. 10Ye weyney kaxxho geede e kaxhaafa u anxorosa bidzi be maala hantaxituko e anso. Usini esa durdi bidzi abakoni keenguwasa kuche mela hanke u anso.
11Sekkeni assiwo fede be maala e anso. Ye esani yeysiwo durdi eersi kuche mela u gooddo. 12Assiwo haysso e anso. Ye esani zaydi are kessi u datto.
13Ye weyniyadeni <Waani ta hiye? Ha ta eehicho ta yelewoko ta anxo, haliyaka ha ta yele jhashoko u jhashe> yeydi e hido. 14Ye hantaxitini ye yele beedi sekke hanke wolko zeerisine <Ha esimay e dhaalaxuko, yoowayte, woddhine e haydho geede ha godoy niisuko e maaqe> hidi wolla u kundo. 15Hinne ye yele ye weyne godome are kessi u woddho.
Hinne ye weyne tottecha adey ususe am e hante? 16E hantesi beesewo yoodiko ye hantaxitani woddhi ye weyneni fede hantaxituse e inge>> yeydi e hido. Yaha yecha axitini ye esa be siido wogga <<Ha e bishay zaruwaye!>> hidi uydo. 17Yesuusani usuko beedi << <Shuchuna keexhichashiti haassi dattecho shuchi hade boorey keexe aykenike zawa ayke shuche e maaddho> hidi diizuttechashi am e beyse? 18Ooneni ha shuchi gara ungesi medhiko e gukke, ye shuchi e gara unge axi fettonawoko naxhutti e baane>> yeydi e hido.
19Muse woga eruseesitaara kahinituse afana maagitaaray Yesuusay zeerdo mamakoy be gara e maaqesa erdi yenniyaka esa aykese wordechine axita jhasshi u dhaddo.
Gaalo gisha
Mat 22:15-22; Mrq 12:13-17
20Yesuusa aykeseni e bishe wogga u kakkicha. Ye wude ahe adey be adetona e gara e yaa'orosa wordi gizo axita bisshi e zeerena esa qaxhese danda'e wocheshita u anso. 21Usini Yesuusako handi <<Laaxo, ne zeeresaara ne erusesaaray aade maaqenike erako nu ere. Axi aafusha beedo badiwoko fetto Wonto ogeni aadenawo ne eruse. 22Nu wogay Rooma kaatuse#20:22 Rooma kaate yeydi birchuttasi Grike nuunana <<Qesaare>> hidi hiyoko. Taafo 24,25 ye esawoko. gaalo nu gaalorosa tuca e tuceni tucuwannikeni e hido?>> hidi u oycco.
23Yesuusani u fayankete erdi 24<<Mee, miijhiyafa bidzo oodi taa beysuwayte>> hidi e hido. U oonne <<Hinne ha miijhe gara yese bishaara diizuttese sunxaaray oonesuna?>> hidi e oycco. Usini <<Rooma kaatuko>> hidi uydo. 25Yesuusani <<Rooma kaatuse maaqesa Rooma kaatuse, Wontose maaqesani Wontose inguwayte!>> hidi e hido. 26Usini axiti buro zeerena esa qaxhese danda'e u dheeddo. Ususe e mato utta gisha micci mikku uydo.
Haybo denxo gisha
Mat 22:23-33; Mrq 12:18-27
27Sodoqaxiti <<Haydhasiti denduwasso>> hidi u hicha. Usaafani bidzi bidziti Yesuusako yoodi 28<<Laaxo, Musey nuuse diizisine <Bidzi axi macho ettechine yello badi baatta'ayko ye baadasindo na'i ye e macho dhaalli esuse yele yelli e dhaalaxe mahuwaye> hidiko e hidecha. 29Hinne bidzi indo na'axhey laappi u yecha. Usaafa angussi macho ettechine yello badi yesine e baado. 30-31Lakkoni hayssoni yeydiwo se esi dhaala baatta, ha esi dhaala baatta hissine be laappuna uddi yello badi u aallo. 32Aallicira isini baado. 33Ye laappi be uddinawo iso ettecho gisha haydhasiti dende wonte aasi machona i maaqe?>> yeydi u oycco.
34Yesuusani ususe mahisine <<Ha sahaaka yese axiti u ekke u geleydiko. 35Yoone kille sahaaka yesese haybo denxoy ususe bishesheeshiti efuttuwasso geluttuwaso. 36Hade Wonto woosaxituke u maaqe gisha hay'uttuwasso, haybowafa be dende gisha usi Wonto nayshitako.
37Axiti haybowafa dendesa Musey tamay essa eexhicho dhushashe be diizzo mamakuwa beysiko e yese. Yahani Musey Laaxeni <Abrahaame Wonto, Yissaaqe Wonto, Yayqoobe Wonto> hissine xheydiko e yese. 38Wontose uddi axi yesona yesine u bente gisha Wontoy en'a yeseesituse Wontoko baaka haydhasituse Wonto maaquwasso>> hidi e hido.
39Muse woga eruseesitaafa bidzi bidzi axiti <<Laaxo, modheko ne zeerdo>> hidi uydo. 40Sekke ye e geede Yesuusa oyceshe naassay bidzini baasso.
Mesihe gisha
Mat 22:41-46; Mrq 12:35-37
41Ye e geede Yesuusay <<Waakidini Mesihey <Dawite yeleko> hidi e hiyutte? 42-43Be diizzo Zingale Fissharowa
<Wontoy ta Laaxuse <<Ne iilaxita iisshi ne toke e gara ne gadesa ta mahoro aallo ta oshishaa uttuwa!>> hidiko Dawitey hido>
yeydiko Dawitey hido. 44Yebo, Dawitey Mesihe <Ta Laaxo> hidi e xheydo geede hine Mesihey waydini Dawitese e yele maaqe?>> yeydi e oycco.
Muse woga eruseesiti garafa biya kafe gisha
Mat 23:1-36; Mrq 12:38-40
45Axiti be uddina siisune Yesuusay be erusichoshita 46<<Muse woga eruseesiti garafa hinumba kakkuwayte! Usini e woomay keddaydese galala maa'o maadhi seyna hayna hanteko u eehe, gadhesaaka kuxa sawo wordi Bhikkilo Zawaani hayyaxhey utticho godowa uttesuko u worge, massalaaka kuxa godowoko u eehe, 47u adey baadese indowaxhiti zawa u bonqe. Ye esa fasheme hissine galalsi u shi'e. Ha e gisha gardese yaa'ako u gara yaa'uttesa>> yeydi e hido.
Currently Selected:
:
Highlight
Share
Copy
Want to have your highlights saved across all your devices? Sign up or sign in