Luqaase 24
24
Yesuusay haybowafa dendosa
Mat 28:1-10; Mrq 16:1-8; Yoh 20:1-10
1Indowaxhiti Hude wonte ketiya sho'e be naddhechosha sawwesa etti aha tisheshe u hando. 2Boossa tuccecha shuchi bidzi bade andardesune u beedo. 3Hinne ye boossaani gelli Yesuusa aha u dheeddo. 4Usini ahay dheeddinne <<Am etta?>> hidi sekke hanke maxiya u yesune lam'i axiti dedhawo laci laci hine maa'o maadhi u da'aa eedho. 5Indowaxhiti jhasshi sahaa caddi u beesune ye axiti ususe <<En'a yesesa ame haydheseesiti giddaa yoodi hi worge? 6-7Haya baasso, dhaddi dendiko e yese. Galila be yechoniya zeerisine <Tani axi yeley cubbachiti kuchiya gardi ingutti suxhutti haydhi haysso wonte dende worgusoko e worguse> hidi e zeerdechosha gaxhuwayte>> hidi u hido. 8Indowaxhitini Yesuusay Galila yesine zeerdechosha u gaxxho. 9Ye boossaafani hanke maaddhi yoodi ye esa uddi tamma bidzusaara feditusaara uddi u oto. 10Ye otaasitini Magdoolaxhi Maarame, Yohaana, Yayqoobe yella indo Maaramiyara usaara yecha fede indowaxhitaraydiko u maaqicha. 11Hinne ye u zeerdosini anxuttaasituse hade goojhulti u zeerdosa e bisshine ye ohuttase <<Aadeko>> hidi hissine efe u dheeddo.
12Phexhroseni dendi boossaaka woxxhi handi ye boossaakani zuddi beechne acecha maa'owo e beedo. Maaddha abakona micishine zawa dhaddi e maaddho.
Emahuse ogaxiti gisha
Mrq 16:12-13
13Ye wontewo e erusichoshitaafa lam'i Emahuse hidi hisso katama u hangicha. Emahusey Yerusaleemese zaresi tamma bidzi kiilo meetirenako. 14Hangicha lam'ini ha maaddha zeere uddi wolko densi sekke hankeysi u zeericha. 15Wolla u zeerusuniyara bidzi bidzi zeere sekke hanke u arxusuniyara Yesuusay beese hanke uddhi usaara e hangicha. 16Maaqe baa esa e maaqenike u eroroome u aafey fashutti e yecha.
17Esini <<Ha oge hangisine sekke hanke arsi ha hi zeere zeerey abaw?>> hidi e oycco. Usini higilisine be baliya u eedho. 18Usaafani bidzi Qeleyophe sungesi <<Yerusaleeme borsa maaddhi yoodi yesine garda wontiti giddaa maaddha abako waani ere ne dheeddo?>> hidi e hido. 19Esini <<Am maaddha?>> hidi e oycco. Usini <<Nazrataxi Yesuusa gara maaddha zeereko nu zeericha. Esini Wonto buroni maaqqe uddi axiti buro be hantanani maaqqe be zeerena osaxi kaayaxuko e maaqicha. 20Hinneko kahinituse afana maagitaara gatese afana maagitaaray <Hay'uwaye> hidi e yaa'uttoronike garsi indi u suxxho. 21Nunimay nu badena <Isra'eele loolusarasi esako> hidi gobbo e gara nu gaddecha. Maaqe baaka haanxhi zeerey uddi e gara elloynay hanzoy haysso wontako. 22Assi nuura yecha bidzi bidzi indowaxhiti numba micushe odoko odusiya u yese. Kete boossa handechine 23Yesuusa aha boossa dheeddiko hanke nuuko u yoodo. Usini <Wonto woosaxitani nu beedo. Ye woosaxitini <<Yesuusay en'ako yese>> hidi u hido> hissine nuuko u oto. 24Nuukaafani bidzi bidziti ye boossaaka handi u otonike aade e maaddhesesa u beedo. Yesuusama beyutto baasso>> hidi u hido.
25Yesuusani <<Hinuni gaxhuwasitaara kaayaxiti zeerdechosha uddina <Aadeko> hidi efese muxhuro keenguwasitaarako. 26Mesihe gara haanxhi maddhay yoonenikiyara ye maddha geede orje kuxa fuulana kedda kedda e hinesaara maaqe worgusuwaye?>> hidi e hido. 27Ye e geede Musesafaara kaayaxiti fissharowafaara uddina densi Hayla Fissharowafa uddi be gisha ohichashe ususe modhussi birshi e oto. 28Essa u hangicho ganda wolko be uddho wogga Yesuusay dhaddi gardi hangusonike hido. 29Usini <<Hay, sahay qandiko yese, qoossini gelesuko hine, nuura aquwa>> hidi iitana esa u shidho. Ye e gisha usaara aqese e gello.
30Hinne usaara wolko qamete miyese utti boora etti Wonto galatti meyssi ususe e indo. 31Hagawo u aafey do'uttine Yesuusa e maaqesa u erdo. Esini u aafe burofa yenniyawo dheeddo. 32Usini wolko zeerisine <<Ogiya niira yoosine be zeerichoniya Hayla Fissharowafa densi e ohusune ni muxhurowa laci hidi eexhiya badiya e yecha?>> hidi uydo.
33Usini yenniyawo ye qama dendi dhaddi Yerusaleeme maaddhi u yoodo. Yahani tamma bidziyara usaara wolko yechashitaaray bhikkilutti u yesune u degesso. 34Tamma bidzitini <<Aadewo Laaxi dendiko yese, Simooneseni bentiko e yese>> hidi u hicha. 35Lam'i e erusichoshitini be badena ogiya beera muta zeeriyara Laaxi Yesuusay boora ususe meyssi indoniya esa waysi be erdonikiyara e bidzi bidzina ususe u oto.
Yesuusay be erusichoshituse addeydo
Mat 28:16-20; Mrq 16:14-18; Yoh 20:19-23; Anx 1:6-8
36Usini haanxhi zeere wolko zeeriya yesune Yesuusay beese u feeqa eedhi <<Modhetey hinuse maaquwaye>> hidi e hido. 37Usini <<Gomaxuko nu beene>> hidi du'eydi iitana u jhassho. 38Yesuusani <<Ame hi du'eyne? Ame hi muxhurowanna hi eeze? 39Ta kucheni maaqqe ta tokeni beedi taa e maaqenike eruwayte, fetto yoodi ayti taa beewayte. Gomaxi achoni meqeteni keenguwasso. Achowara meqetiyara ta keengesa hay hi beenenikeko tani>> hidi e hido. 40Yeydi beydo geede be kucheni be tokeni e beyso.
41Usini maggaafa dendasuna micci esa e maaqenike aadekoydi hido badi u yesune Yesuusay <<Muusso abakoy yesa yese?>> hidi e oycco. 42Usini michuttese gulxhiyafa esuse u indine 43etti u buro e muudo.
44Yesuusani <<Tani hinunaara wolko ta yechoniyaka <Muse wogaafani maaqqe kaayaxitusaafani zingalesaafani haanxhi fissharowafa uddi ta gisha diizuttechashi uddina e aaloronikeko e worguse> hidi ta zeerdechoshi ha esako e maaqicha>> hidi e hido. 45Yenniyaka Hayla Fissharowaka diizuttechashe u gaxhoronike maxo ususe e indo. 46Usukoni <<Mesihe gara maddhay yoonenikiyara haysso wonte haybowafa e dendenikiyara zagewoko e diizuttecha. 47Yeydiwo e sunxuna <Hi cubbo dhaddi maaquwayte, Wontoy hi cubbo <<Attuwaye>> hidiko e hine> yeydi Yerusaleemefa densi be wude wude yese axuse uddi e ohuttenike diizuttiko e yese. 48Hinunini haanxhi zeerese taase ato maaddhi oheesitako. 49Siwwayte, nuwadey <Hinuse ta inge> hidi gobbusechoshako ta anxe. Osay afaafa yookete hi eforo makko Yerusaleeme katamaa decuwayte>> hidi e hido.
Yesuusay dhaddi afaa kesso
Mrq 16:19-20; Anx 1:9-11
50Ye e geede Yesuusay uso etti Biitaniya ganda e aando. Yahani be kuche densi uso e suuzzo. 51Uso suuzzisine u garafa shahutti afaa e kesso. 52Usini esuse dissi keddaydese maggana dhaddi Yerusaleeme u maaddho. 53Wonto galatisine uddi wogga aallo Wonto Hayla Zawaawo u yecha.
Currently Selected:
Luqaase 24: KilleC
Highlight
Share
Copy
Want to have your highlights saved across all your devices? Sign up or sign in
Luqaase 24
24
Yesuusay haybowafa dendosa
Mat 28:1-10; Mrq 16:1-8; Yoh 20:1-10
1Indowaxhiti Hude wonte ketiya sho'e be naddhechosha sawwesa etti aha tisheshe u hando. 2Boossa tuccecha shuchi bidzi bade andardesune u beedo. 3Hinne ye boossaani gelli Yesuusa aha u dheeddo. 4Usini ahay dheeddinne <<Am etta?>> hidi sekke hanke maxiya u yesune lam'i axiti dedhawo laci laci hine maa'o maadhi u da'aa eedho. 5Indowaxhiti jhasshi sahaa caddi u beesune ye axiti ususe <<En'a yesesa ame haydheseesiti giddaa yoodi hi worge? 6-7Haya baasso, dhaddi dendiko e yese. Galila be yechoniya zeerisine <Tani axi yeley cubbachiti kuchiya gardi ingutti suxhutti haydhi haysso wonte dende worgusoko e worguse> hidi e zeerdechosha gaxhuwayte>> hidi u hido. 8Indowaxhitini Yesuusay Galila yesine zeerdechosha u gaxxho. 9Ye boossaafani hanke maaddhi yoodi ye esa uddi tamma bidzusaara feditusaara uddi u oto. 10Ye otaasitini Magdoolaxhi Maarame, Yohaana, Yayqoobe yella indo Maaramiyara usaara yecha fede indowaxhitaraydiko u maaqicha. 11Hinne ye u zeerdosini anxuttaasituse hade goojhulti u zeerdosa e bisshine ye ohuttase <<Aadeko>> hidi hissine efe u dheeddo.
12Phexhroseni dendi boossaaka woxxhi handi ye boossaakani zuddi beechne acecha maa'owo e beedo. Maaddha abakona micishine zawa dhaddi e maaddho.
Emahuse ogaxiti gisha
Mrq 16:12-13
13Ye wontewo e erusichoshitaafa lam'i Emahuse hidi hisso katama u hangicha. Emahusey Yerusaleemese zaresi tamma bidzi kiilo meetirenako. 14Hangicha lam'ini ha maaddha zeere uddi wolko densi sekke hankeysi u zeericha. 15Wolla u zeerusuniyara bidzi bidzi zeere sekke hanke u arxusuniyara Yesuusay beese hanke uddhi usaara e hangicha. 16Maaqe baa esa e maaqenike u eroroome u aafey fashutti e yecha.
17Esini <<Ha oge hangisine sekke hanke arsi ha hi zeere zeerey abaw?>> hidi e oycco. Usini higilisine be baliya u eedho. 18Usaafani bidzi Qeleyophe sungesi <<Yerusaleeme borsa maaddhi yoodi yesine garda wontiti giddaa maaddha abako waani ere ne dheeddo?>> hidi e hido. 19Esini <<Am maaddha?>> hidi e oycco. Usini <<Nazrataxi Yesuusa gara maaddha zeereko nu zeericha. Esini Wonto buroni maaqqe uddi axiti buro be hantanani maaqqe be zeerena osaxi kaayaxuko e maaqicha. 20Hinneko kahinituse afana maagitaara gatese afana maagitaaray <Hay'uwaye> hidi e yaa'uttoronike garsi indi u suxxho. 21Nunimay nu badena <Isra'eele loolusarasi esako> hidi gobbo e gara nu gaddecha. Maaqe baaka haanxhi zeerey uddi e gara elloynay hanzoy haysso wontako. 22Assi nuura yecha bidzi bidzi indowaxhiti numba micushe odoko odusiya u yese. Kete boossa handechine 23Yesuusa aha boossa dheeddiko hanke nuuko u yoodo. Usini <Wonto woosaxitani nu beedo. Ye woosaxitini <<Yesuusay en'ako yese>> hidi u hido> hissine nuuko u oto. 24Nuukaafani bidzi bidziti ye boossaaka handi u otonike aade e maaddhesesa u beedo. Yesuusama beyutto baasso>> hidi u hido.
25Yesuusani <<Hinuni gaxhuwasitaara kaayaxiti zeerdechosha uddina <Aadeko> hidi efese muxhuro keenguwasitaarako. 26Mesihe gara haanxhi maddhay yoonenikiyara ye maddha geede orje kuxa fuulana kedda kedda e hinesaara maaqe worgusuwaye?>> hidi e hido. 27Ye e geede Musesafaara kaayaxiti fissharowafaara uddina densi Hayla Fissharowafa uddi be gisha ohichashe ususe modhussi birshi e oto. 28Essa u hangicho ganda wolko be uddho wogga Yesuusay dhaddi gardi hangusonike hido. 29Usini <<Hay, sahay qandiko yese, qoossini gelesuko hine, nuura aquwa>> hidi iitana esa u shidho. Ye e gisha usaara aqese e gello.
30Hinne usaara wolko qamete miyese utti boora etti Wonto galatti meyssi ususe e indo. 31Hagawo u aafey do'uttine Yesuusa e maaqesa u erdo. Esini u aafe burofa yenniyawo dheeddo. 32Usini wolko zeerisine <<Ogiya niira yoosine be zeerichoniya Hayla Fissharowafa densi e ohusune ni muxhurowa laci hidi eexhiya badiya e yecha?>> hidi uydo.
33Usini yenniyawo ye qama dendi dhaddi Yerusaleeme maaddhi u yoodo. Yahani tamma bidziyara usaara wolko yechashitaaray bhikkilutti u yesune u degesso. 34Tamma bidzitini <<Aadewo Laaxi dendiko yese, Simooneseni bentiko e yese>> hidi u hicha. 35Lam'i e erusichoshitini be badena ogiya beera muta zeeriyara Laaxi Yesuusay boora ususe meyssi indoniya esa waysi be erdonikiyara e bidzi bidzina ususe u oto.
Yesuusay be erusichoshituse addeydo
Mat 28:16-20; Mrq 16:14-18; Yoh 20:19-23; Anx 1:6-8
36Usini haanxhi zeere wolko zeeriya yesune Yesuusay beese u feeqa eedhi <<Modhetey hinuse maaquwaye>> hidi e hido. 37Usini <<Gomaxuko nu beene>> hidi du'eydi iitana u jhassho. 38Yesuusani <<Ame hi du'eyne? Ame hi muxhurowanna hi eeze? 39Ta kucheni maaqqe ta tokeni beedi taa e maaqenike eruwayte, fetto yoodi ayti taa beewayte. Gomaxi achoni meqeteni keenguwasso. Achowara meqetiyara ta keengesa hay hi beenenikeko tani>> hidi e hido. 40Yeydi beydo geede be kucheni be tokeni e beyso.
41Usini maggaafa dendasuna micci esa e maaqenike aadekoydi hido badi u yesune Yesuusay <<Muusso abakoy yesa yese?>> hidi e oycco. 42Usini michuttese gulxhiyafa esuse u indine 43etti u buro e muudo.
44Yesuusani <<Tani hinunaara wolko ta yechoniyaka <Muse wogaafani maaqqe kaayaxitusaafani zingalesaafani haanxhi fissharowafa uddi ta gisha diizuttechashi uddina e aaloronikeko e worguse> hidi ta zeerdechoshi ha esako e maaqicha>> hidi e hido. 45Yenniyaka Hayla Fissharowaka diizuttechashe u gaxhoronike maxo ususe e indo. 46Usukoni <<Mesihe gara maddhay yoonenikiyara haysso wonte haybowafa e dendenikiyara zagewoko e diizuttecha. 47Yeydiwo e sunxuna <Hi cubbo dhaddi maaquwayte, Wontoy hi cubbo <<Attuwaye>> hidiko e hine> yeydi Yerusaleemefa densi be wude wude yese axuse uddi e ohuttenike diizuttiko e yese. 48Hinunini haanxhi zeerese taase ato maaddhi oheesitako. 49Siwwayte, nuwadey <Hinuse ta inge> hidi gobbusechoshako ta anxe. Osay afaafa yookete hi eforo makko Yerusaleeme katamaa decuwayte>> hidi e hido.
Yesuusay dhaddi afaa kesso
Mrq 16:19-20; Anx 1:9-11
50Ye e geede Yesuusay uso etti Biitaniya ganda e aando. Yahani be kuche densi uso e suuzzo. 51Uso suuzzisine u garafa shahutti afaa e kesso. 52Usini esuse dissi keddaydese maggana dhaddi Yerusaleeme u maaddho. 53Wonto galatisine uddi wogga aallo Wonto Hayla Zawaawo u yecha.
Currently Selected:
:
Highlight
Share
Copy
Want to have your highlights saved across all your devices? Sign up or sign in