Yowanis 13
13
Aadi Yeese Derak Nomtaanak Gɛɛŋkik
1Arɓa ɔɔtɛ nɛɛkɛ Ba'aale Ɗoyiɗoŋk Ayuuduk ɔɗɔɔkɛ. Ɗegerɓa Yeese kɛ gayɛ sayiti sinɛkɔɔ ŋɔrɗu ɗoo sini nɔ ŋaarɗi son lak Ɛpɛnik. Poruɓa tekaaneer gɛɛŋk sigɛ atu ɗook sineenek ɓɛɛnyɔwɛ gɛɛŋk baŋɛ, ɛkoy poru sɛɛg nɔkoy mɛlɛɛɗa pediyaak.
2Atuɓa ɗamat ajigeyoŋk sɛɛn a nomtaanak gɛɛŋk. Nɛɓa setan gaɓɛ koɓi sinɔ ŋɛɛwɛnŋɔŋk ɓayaaya tɔɔna Simionuk, Yuudaa Keriyootuk, kɛnɔ gaɓɛ Yeesee. 3Ɗegerɓa Yeese kɛ gageeɗɓa Ɛpɛna ɓaŋkawuka baŋɛ ɛ ɗeger kɛ kuskan sooy lak Waakoyok, nɛkoy ŋaar son lak sɛɛnik. 4Nɛɓa ŋaar nyon sinaanɛ ɗamatoŋk, nɛ riiɓe abii nɛɛkiŋ, nɛ boŋku abii poosanoŋk nɛ dɔlɛ ɓeetɔka, 5nɛɓa saadi baŋiya seeɗik maawu anta aadiitoŋk, nɛ tuke aadiita derak nomtaanak gɛɛŋkik, nɛ poosɛ derak gɛŋk abiye poosanoŋ sinaanɛkan dɔlɛk.
6Saaɓa Yeese kusuɗ son lak Simion Petrosuk, nɛɓa sɛŋk tongeeɗ kɛ, "Suumi naakɛ, aadin ɓɔrɛ derak gaaŋkiŋ?"
7Nɛɓa Yeese tongeeɗ kɛ, "Kin seŋk sisɔ ɗegerɔɔn any sinɛ ijaagaak, ma yakanakɔɔ ɗegerin baŋiyaaŋ."
8Nɛ tongeeɗ Petros kɛ, "Kin seŋk aadi derak gaaŋk adaktan."
Nɛɓa Yeese tongeeɗ kɛ, "Ɔkɔnkɔɔ kaa aadi derak gooŋkuŋ, nɛ kɔɔne kɛɛ omaayikeen a eet."
9Nɛɓa Simion Petros tongeeɗ kɛ, "Suumi naakɛ, ɔkɔn ɓɛɛlɛ oko sinɛkiŋ nɛ moko aadin derak gaaŋk dakɛɗa, aadi ɓɔrɛ arin gaaŋk a ɔɗɔ naak!"
10Nɛɓa Yeese tongeeɗ kɛ, "Iɗit sinɔkan aadi ɛɛk nɛɛkik mentanŋ, ɗɛygeeɗ a aadɛɛ derak gɛɛŋk dakɛɗa. Iinak mentaanakariŋ, mayakana moko mentaanakari iinak baŋɛ." 11Nɔɓa Yeese toniiɗ kɛ, "Moko mentaanakari iinak baŋɛk" agut sinɔɓa ɗegerɗi kɛ gaɓɛkɔɔ sɛɛn wooɗuk.
12Saaɓa aadiiɗ derak gɛŋkik baŋiya, nɛɓa gaɓɛ abii nɛɛk ɛɛka nɛ weeri nyona nɛɛka nɛ kɛɛ dokuɗe, nɛ kɔɔniy sɛɛg kɛ, "Ɗegerari any sinɛ kɔkɔna ijaagaakiŋ? 13Iinak riyariti kɛ, 'Rɔɔriytan' ɛ 'Suumi', liki sinɛ toniirik agut sinɔ eet Rɔɔriytan ɛ eet Suumik. 14Sisɔ saa eet Suumi noŋk ɛ eet Rɔɔriytan noŋkuk, ɛ aada derak goŋkuŋ, nɛ ɓɔrɛ kɔna ɗɛyɛ a a'aadar derak goŋk ɛkanɛɛkɛ goŋkuŋ. 15Oko sinɛ kɔkɔna ijaagiiɗaak, gaɓaakɔ kɔna rɔmɛ kɛnɔ ɓɔrɔ ijaagiir oko sinɛk. 16Eekeer tona kɔnaaŋ, ki kaalɛɛt ijaagent suumi nɛɛk, ki kaalɛɛt wosɛytaan iɗit sinɛ wosɛyɗiik. 17Ɔkɔn ɗegerari any sini ɛ ijaagiiriŋ, nɛ iinak geetitaanak.
18"Moko tona sini agut iinak baŋɛ. Ɗegera iinak sigɛkan daama kɔnukuŋ. Mayakana ɗɛyɛ a dusanɛɛ pɛɛni sinɛɓa taapɛɛ Wargatɛɛ Waakoyotoŋk kɛ, 'Iɗit sinɔkan ɗamii kiiwu naak a eet agut omoŋɔŋk, ariita ɛɛk a gumaakenkiŋ.' 19A in ki gayɛ sini kɔna tona sisɔ ɔɗɔɔkɛk, kɛnɔkoy ŋaadiir kɛ eet saakoy dusanɛɛɗɛɛk. 20Eekeer tona kɔnaaŋ, iɗit sinɔ boŋu iɗit sinɛ wosɛyakik boŋu eet. Iɗit sinɔ ɓɔrɛ boŋu eetik, boŋu Waakoyo sinɛkanti wosɛykik.
Tonu Yeese Kɛ Gaɓɛkɔɔ Sɛɛn Wooɗ
(Maa. 26:20-25; Mar. 14:17-21; Luk. 22:21-23)
21Saaɓa Yeese toniiɗ sinik baŋiya, nɛɓa ɓakɛyɗi ɓayɛ nɛɛkɛ nɛ tonu kɛ, "Eekeer tona kɔnaaŋ, gaɓɛkɔɔtu iinakɛ iɗit omaayiŋ."
22Nɛɓa nomtaanak gɛɛnɛ kir ɗegerɔɔn kɛ tonɗi agut wooɗ, nɛ mermemeni ɛkanɛɛkɛ gɛŋk. 23Nomtaanakɛ gɛɛnɛ om sinɛɓa poru Yeesek beeɗɓa sɛɛne kooltunt. 24Nɛɓa Simion Petros ijoopɛ sɛɛn nɛ tongeeɗ kɛ, "Kɔɔniyte kɛ tonɗi agut wooɗ?"
25Nɛɓa sɛŋk dederiir ɛɛk weenta Yeeseek nɛ kɔɔniy kɛ, "Suumi naakɛ, wooɗ?"
26Nɛɓa Yeese tongeeɗ kɛ, "Sɛɛn sinɛkɔɔ gagiɗa ada kiiwu sini dikoykuɗa ant soomaanoŋk." Nɛɓa tonu sini, nɛ boŋu kiiwu nɛ dikoykuɗ any soomaanoŋk, nɛ gaɓɛ ada eta Keriyootuk, tɔɔna Simionuk Yuudaa. 27Saaɓa Yuuda boŋiiɗ kiiwu sinɛɓa gagiɗɛɛ adak baŋiya, nɛɓa sisa guugunygeeɗ setan.
Nɛɓa Yeese tonu Yuudaa kɛ, "Ijaag any sinikɔ ɗɛyin ijaagaak a gorgorŋ." 28Joop sigɛɓa beeɗir nyon ɗamatoŋkuk kɛɛ iɗit sinɔɓa mɛlgeeɗ kɛ tonu any sini agut jikonk. 29Agut sinɔɓa Yuuda lolowuɗu kosɛ sinɛ woriyoŋk, nɛɓa nomtaanak gɛɛnɛ a omoŋ omoŋ koɓur kɛ tongeeɗkɔ Yeese kɛnɔ ɓal any sinɔkɔɔ ijaagiɗii Ba'aalik, maŋk kɛnɔ gije sankaanak." 30Saaɓa Yuudaa boŋiiɗ kiiwu sinɛɓa gagiɗɛɛ adak, nɛɓa ŋaarki walasa sisa. Egeɓa ɔɔtɛ nɛɛkɛ kaay.
Sekiyɛ Sigɔ Tɔɔmɔkuk
31Saaɓa Yuudaa ŋaarkiɗ walasak baŋiya, nɛɓa Yeese tonu kɛ, "Eemɛyɛɛ sisɔ Tɔɔn Etoŋkuŋ, nɛ ɓɔrɛ eemɛyɛɛ Waakoyo goy nɛɛkɛɛk. 32Ɔkɔn eemɛyɛɛ Waakoyo goy nɛɛkɛkiŋ, nɛ ɓɔrɛ Waakoyot eemɛy sɛɛniŋ, eemɛy a kiiɗi gaalɗiit kɛ many. 33Iinak tɔɔmɔk, kiikɔɔ gaalɗiit kɛ many a iinak agut omoŋ. Warɛɛrkɔɔtuŋ. Oko sinɛkan toniiɗa ɔɗɔweera Ayuuduk kɛ, 'Kiirkɔɔ oolɛ a mɛlɛɛtaarɔ saana kegiɗaakiŋ,' nɛ ɓɔrɛ kɔna tona oko sinik. 34Gaɓa kɔna sekiyɛ sigɔ tɔɔmɔkuk, In poporiikɛɛ ɛkanɛɛkɛ goŋk oko sinɛkan kɔnu poriiɗaak. 35Ɔkɔnkɔɔ poporiikari ɛkanɛɛkɛ goŋkuŋ, nɛkɔɔ ɗegerar joop baŋɛ kɛ iinak nomtaanak gaaŋk."
Tonkun Yeese Ɔɗɔɔkɛ Kɛ Kaadɛkɔɔ Sɛɛn Petrosuŋ
(Maa. 26:31-35; Mar. 14:27-31; Luk. 22:31-34)
36Saadi baŋiya kɔɔniyɓa Simion Petros Yeesee kɛ, "Suumi naakɛ, kɛɛɗinkɔɔ etena?"
Nɛɓa Yeese jumurgeeɗ kɛ, "Kinkɔɔ oolɛ ate nomun sisɔ saana kegiɗaakiŋ, mayakana nomunkɔɔte baŋiya."
37Nɛɓa Petros tongeeɗ kɛ, "Suumi naakɛ, kaa oolɛ ane noma sisɔŋ agut jikon? Gaɓaakɔɔ aasi saak wɛɛŋa gaaŋk agut iiniŋ."
38Nɛɓa Yeese jumurgeeɗ kɛ, "Gaɓunkɔɔ wɛɛŋa gooŋk agut eetiŋ? Eekeer tona naaŋ, kaadinkɔɔtu agut jiit ɓenyse, a inkɔɔ ki koogelees ɗooran."
Currently Selected:
Yowanis 13: KSTM
Highlight
Share
Copy
Want to have your highlights saved across all your devices? Sign up or sign in
Yowanis 13
13
Aadi Yeese Derak Nomtaanak Gɛɛŋkik
1Arɓa ɔɔtɛ nɛɛkɛ Ba'aale Ɗoyiɗoŋk Ayuuduk ɔɗɔɔkɛ. Ɗegerɓa Yeese kɛ gayɛ sayiti sinɛkɔɔ ŋɔrɗu ɗoo sini nɔ ŋaarɗi son lak Ɛpɛnik. Poruɓa tekaaneer gɛɛŋk sigɛ atu ɗook sineenek ɓɛɛnyɔwɛ gɛɛŋk baŋɛ, ɛkoy poru sɛɛg nɔkoy mɛlɛɛɗa pediyaak.
2Atuɓa ɗamat ajigeyoŋk sɛɛn a nomtaanak gɛɛŋk. Nɛɓa setan gaɓɛ koɓi sinɔ ŋɛɛwɛnŋɔŋk ɓayaaya tɔɔna Simionuk, Yuudaa Keriyootuk, kɛnɔ gaɓɛ Yeesee. 3Ɗegerɓa Yeese kɛ gageeɗɓa Ɛpɛna ɓaŋkawuka baŋɛ ɛ ɗeger kɛ kuskan sooy lak Waakoyok, nɛkoy ŋaar son lak sɛɛnik. 4Nɛɓa ŋaar nyon sinaanɛ ɗamatoŋk, nɛ riiɓe abii nɛɛkiŋ, nɛ boŋku abii poosanoŋk nɛ dɔlɛ ɓeetɔka, 5nɛɓa saadi baŋiya seeɗik maawu anta aadiitoŋk, nɛ tuke aadiita derak nomtaanak gɛɛŋkik, nɛ poosɛ derak gɛŋk abiye poosanoŋ sinaanɛkan dɔlɛk.
6Saaɓa Yeese kusuɗ son lak Simion Petrosuk, nɛɓa sɛŋk tongeeɗ kɛ, "Suumi naakɛ, aadin ɓɔrɛ derak gaaŋkiŋ?"
7Nɛɓa Yeese tongeeɗ kɛ, "Kin seŋk sisɔ ɗegerɔɔn any sinɛ ijaagaak, ma yakanakɔɔ ɗegerin baŋiyaaŋ."
8Nɛ tongeeɗ Petros kɛ, "Kin seŋk aadi derak gaaŋk adaktan."
Nɛɓa Yeese tongeeɗ kɛ, "Ɔkɔnkɔɔ kaa aadi derak gooŋkuŋ, nɛ kɔɔne kɛɛ omaayikeen a eet."
9Nɛɓa Simion Petros tongeeɗ kɛ, "Suumi naakɛ, ɔkɔn ɓɛɛlɛ oko sinɛkiŋ nɛ moko aadin derak gaaŋk dakɛɗa, aadi ɓɔrɛ arin gaaŋk a ɔɗɔ naak!"
10Nɛɓa Yeese tongeeɗ kɛ, "Iɗit sinɔkan aadi ɛɛk nɛɛkik mentanŋ, ɗɛygeeɗ a aadɛɛ derak gɛɛŋk dakɛɗa. Iinak mentaanakariŋ, mayakana moko mentaanakari iinak baŋɛ." 11Nɔɓa Yeese toniiɗ kɛ, "Moko mentaanakari iinak baŋɛk" agut sinɔɓa ɗegerɗi kɛ gaɓɛkɔɔ sɛɛn wooɗuk.
12Saaɓa aadiiɗ derak gɛŋkik baŋiya, nɛɓa gaɓɛ abii nɛɛk ɛɛka nɛ weeri nyona nɛɛka nɛ kɛɛ dokuɗe, nɛ kɔɔniy sɛɛg kɛ, "Ɗegerari any sinɛ kɔkɔna ijaagaakiŋ? 13Iinak riyariti kɛ, 'Rɔɔriytan' ɛ 'Suumi', liki sinɛ toniirik agut sinɔ eet Rɔɔriytan ɛ eet Suumik. 14Sisɔ saa eet Suumi noŋk ɛ eet Rɔɔriytan noŋkuk, ɛ aada derak goŋkuŋ, nɛ ɓɔrɛ kɔna ɗɛyɛ a a'aadar derak goŋk ɛkanɛɛkɛ goŋkuŋ. 15Oko sinɛ kɔkɔna ijaagiiɗaak, gaɓaakɔ kɔna rɔmɛ kɛnɔ ɓɔrɔ ijaagiir oko sinɛk. 16Eekeer tona kɔnaaŋ, ki kaalɛɛt ijaagent suumi nɛɛk, ki kaalɛɛt wosɛytaan iɗit sinɛ wosɛyɗiik. 17Ɔkɔn ɗegerari any sini ɛ ijaagiiriŋ, nɛ iinak geetitaanak.
18"Moko tona sini agut iinak baŋɛ. Ɗegera iinak sigɛkan daama kɔnukuŋ. Mayakana ɗɛyɛ a dusanɛɛ pɛɛni sinɛɓa taapɛɛ Wargatɛɛ Waakoyotoŋk kɛ, 'Iɗit sinɔkan ɗamii kiiwu naak a eet agut omoŋɔŋk, ariita ɛɛk a gumaakenkiŋ.' 19A in ki gayɛ sini kɔna tona sisɔ ɔɗɔɔkɛk, kɛnɔkoy ŋaadiir kɛ eet saakoy dusanɛɛɗɛɛk. 20Eekeer tona kɔnaaŋ, iɗit sinɔ boŋu iɗit sinɛ wosɛyakik boŋu eet. Iɗit sinɔ ɓɔrɛ boŋu eetik, boŋu Waakoyo sinɛkanti wosɛykik.
Tonu Yeese Kɛ Gaɓɛkɔɔ Sɛɛn Wooɗ
(Maa. 26:20-25; Mar. 14:17-21; Luk. 22:21-23)
21Saaɓa Yeese toniiɗ sinik baŋiya, nɛɓa ɓakɛyɗi ɓayɛ nɛɛkɛ nɛ tonu kɛ, "Eekeer tona kɔnaaŋ, gaɓɛkɔɔtu iinakɛ iɗit omaayiŋ."
22Nɛɓa nomtaanak gɛɛnɛ kir ɗegerɔɔn kɛ tonɗi agut wooɗ, nɛ mermemeni ɛkanɛɛkɛ gɛŋk. 23Nomtaanakɛ gɛɛnɛ om sinɛɓa poru Yeesek beeɗɓa sɛɛne kooltunt. 24Nɛɓa Simion Petros ijoopɛ sɛɛn nɛ tongeeɗ kɛ, "Kɔɔniyte kɛ tonɗi agut wooɗ?"
25Nɛɓa sɛŋk dederiir ɛɛk weenta Yeeseek nɛ kɔɔniy kɛ, "Suumi naakɛ, wooɗ?"
26Nɛɓa Yeese tongeeɗ kɛ, "Sɛɛn sinɛkɔɔ gagiɗa ada kiiwu sini dikoykuɗa ant soomaanoŋk." Nɛɓa tonu sini, nɛ boŋu kiiwu nɛ dikoykuɗ any soomaanoŋk, nɛ gaɓɛ ada eta Keriyootuk, tɔɔna Simionuk Yuudaa. 27Saaɓa Yuuda boŋiiɗ kiiwu sinɛɓa gagiɗɛɛ adak baŋiya, nɛɓa sisa guugunygeeɗ setan.
Nɛɓa Yeese tonu Yuudaa kɛ, "Ijaag any sinikɔ ɗɛyin ijaagaak a gorgorŋ." 28Joop sigɛɓa beeɗir nyon ɗamatoŋkuk kɛɛ iɗit sinɔɓa mɛlgeeɗ kɛ tonu any sini agut jikonk. 29Agut sinɔɓa Yuuda lolowuɗu kosɛ sinɛ woriyoŋk, nɛɓa nomtaanak gɛɛnɛ a omoŋ omoŋ koɓur kɛ tongeeɗkɔ Yeese kɛnɔ ɓal any sinɔkɔɔ ijaagiɗii Ba'aalik, maŋk kɛnɔ gije sankaanak." 30Saaɓa Yuudaa boŋiiɗ kiiwu sinɛɓa gagiɗɛɛ adak, nɛɓa ŋaarki walasa sisa. Egeɓa ɔɔtɛ nɛɛkɛ kaay.
Sekiyɛ Sigɔ Tɔɔmɔkuk
31Saaɓa Yuudaa ŋaarkiɗ walasak baŋiya, nɛɓa Yeese tonu kɛ, "Eemɛyɛɛ sisɔ Tɔɔn Etoŋkuŋ, nɛ ɓɔrɛ eemɛyɛɛ Waakoyo goy nɛɛkɛɛk. 32Ɔkɔn eemɛyɛɛ Waakoyo goy nɛɛkɛkiŋ, nɛ ɓɔrɛ Waakoyot eemɛy sɛɛniŋ, eemɛy a kiiɗi gaalɗiit kɛ many. 33Iinak tɔɔmɔk, kiikɔɔ gaalɗiit kɛ many a iinak agut omoŋ. Warɛɛrkɔɔtuŋ. Oko sinɛkan toniiɗa ɔɗɔweera Ayuuduk kɛ, 'Kiirkɔɔ oolɛ a mɛlɛɛtaarɔ saana kegiɗaakiŋ,' nɛ ɓɔrɛ kɔna tona oko sinik. 34Gaɓa kɔna sekiyɛ sigɔ tɔɔmɔkuk, In poporiikɛɛ ɛkanɛɛkɛ goŋk oko sinɛkan kɔnu poriiɗaak. 35Ɔkɔnkɔɔ poporiikari ɛkanɛɛkɛ goŋkuŋ, nɛkɔɔ ɗegerar joop baŋɛ kɛ iinak nomtaanak gaaŋk."
Tonkun Yeese Ɔɗɔɔkɛ Kɛ Kaadɛkɔɔ Sɛɛn Petrosuŋ
(Maa. 26:31-35; Mar. 14:27-31; Luk. 22:31-34)
36Saadi baŋiya kɔɔniyɓa Simion Petros Yeesee kɛ, "Suumi naakɛ, kɛɛɗinkɔɔ etena?"
Nɛɓa Yeese jumurgeeɗ kɛ, "Kinkɔɔ oolɛ ate nomun sisɔ saana kegiɗaakiŋ, mayakana nomunkɔɔte baŋiya."
37Nɛɓa Petros tongeeɗ kɛ, "Suumi naakɛ, kaa oolɛ ane noma sisɔŋ agut jikon? Gaɓaakɔɔ aasi saak wɛɛŋa gaaŋk agut iiniŋ."
38Nɛɓa Yeese jumurgeeɗ kɛ, "Gaɓunkɔɔ wɛɛŋa gooŋk agut eetiŋ? Eekeer tona naaŋ, kaadinkɔɔtu agut jiit ɓenyse, a inkɔɔ ki koogelees ɗooran."
Currently Selected:
:
Highlight
Share
Copy
Want to have your highlights saved across all your devices? Sign up or sign in