Yowanis 16
16
1Tonuɓa Yeese kɛkar kɛ "Nɔkan kɔna toniiɗa sini baŋɛk kɛnɔ kat ɓeesiɗi ŋaadiyɛ goŋk nɔ ŋɔɗari sɛɛg. 2Boŋurkukoy kɔnu godeyikɛ tolɛɛɗoŋk Ayuuduk walasa nɛ kɔnu ɔɔyɛrŋ. Oko sinɛk mɛlkikoy ɔɔtɛ sinɔ joop sigɛ kɔnu ɓokootark baŋɛ arirɗi ɛɛk a ito joop sigɔ ijaagɗi Waakoyotaak. 3Nɔ ijaagirɗi any sinik agut sinɔ kirɗi ɗegerɔɔn Baabɛɛk kɛygun eetik. 4Nɔ kɔna toniiɗa sinik kɛnɔ koy koɓurkɔɔ kɛ tonakan kɔna jikon, saakoy gayɛɛɗ ɔɔtɛ nɛɛkɛkik. Nɔkan kɔna kiiɗa sini toniiɗ jeemɛk agut sinɔkan eet a iinak agut omoŋɔŋk.
Ijaag Wɛɛŋa Sigɔ Geetitaanakik
5"Yakana sisɔ ŋaara son lak Baabɛɛ sinɛkanti wosɛykik, nɛ iinakɛ kɛɛ iɗit sinɔtu kɔɔniy kɛ, 'Ŋaarin etenak?' 6Agut sinɔkan kɔna toniiɗa sini baŋɛŋɔŋk, nɛ sanɗi ɓayɛtun goŋk jɛt. 7Yakana tona kɔna saak eekeer, kɔnyɛ kɔnu ŋaarin naakɛɛŋ agut sinɔ ɔkɔn kaa ŋaarinŋ, nɛkɔɔ kiiki mɛlɛɛ Gaanantan nɛɛkɛ son lak iinakik. Ma yakana ɔkɔn ŋaaraaŋ, nɛkɔɔ wosɛyka son lak iinakikiŋ. 8Saakɔɔ sɛŋk mɛlkiɗik, nɛkɔɔ yaaŋɛ joopa ɗookoŋk tikiyɛ a mentanka a pirdi kɛ moko liki. 9Nɔkɔɔ yaaŋɛɛɗ ɔɔtɛ tikiyɛɛkoŋkuk kɛ moko likik agut sinɔ kirɗi ŋaadit eetik. 10Nɔkɔɔ yaaŋɛɛɗ ɔɔtɛ mentanka taamɛkɛ Waakoyotoŋkuk agut sinɔ ŋaarɗa son lak Baabɛɛk, ɛ agut sinɔ kɔɔtu kirɗɔ taanta a tukiɗi sisɔɔk. 11Nɔkɔɔ yaaŋɛɛɗ ɔɔtɛ pirdiyoŋkuk agut sinɔɓa pɛrɛɗɛɗɛɛ ete sinaanɛ ɓali ɗoo sinik.
12"Lakɛ any sinɔkɔɔ kɔna tonaŋɔŋk a obiiŋ, yakana ɓaŋkawu kɔna sisɔŋ. 13Saakɔɔ mɛlɛrkiɗ wɛɛŋa eekeeroŋkuk, diilerkɔɔ kɔnu eekeera. Agut sinɔ waasɛr sɛɛk any sinɔkan tiyɛrk, ma moko any nɛŋk, tonurkɔɔ kɔna ola sigɔkoy ɓɛɛlɛr ɔɗɔɔkak. 14Agut sinɔ boŋiiɗ any sinɔ naak nɛ tonu iinakaak, nɛ eemɛy eet. 15Any Baabɛɛkik baŋɛ nɛ naak. Nɔkɔ kɔna toniiɗa kɛ, 'Boŋu any sinɔ naak nɛ tonu iinakaak,' agut sini."
Weerɛkoy Ɛɛk San Noŋk Yaakata
16Tonuɓa Yeese kɛkar kɛ, "Ɔɔtɛ sinɔɔnɛ balaaŋɔŋk baŋiya kiir kɔɔtu taanta, maɓɔrɛ ɔɔtɛ sinɔɔnɛ balaaŋɔŋk baŋiya dɛnɛɛr kɔɔtuŋ."
17Tonurɓa nomtaanak gɛɛŋk a omoŋ omoŋ ɛkanɛɛkɛ gɛŋk kɛ, "Jikon sini tina tonu kɛ, 'Ɔɔtɛ sinɔɔnɛ balaaŋɔŋk baŋiya kiirkɔɔtu taanta, maɓɔrɛ ɔɔtɛ sinɔɔnɛ balaaŋɔŋk baŋiya dɛnɛɛrkɔɔtuŋɔŋk ɛ ɓɔrɛ kɛ ŋaara son lak Baabɛɛk'?" 18Tonurɓa kɛ, "Sisɔ jikon sinɛ tonu kɛ, 'ɔɔtɛ sinɔɔnɛ balaaŋɔŋk'? Kii ɗegerɔɔn any sinɛ tonuk."
19Nɛɓa Yeese ɗeger kɛ ɗɛyɛr sɛɛn kɔɔniyɔɔna agut any sini, nɛ tonu sɛɛga kɛ, "Nɔ kɔniniyiɗɔ ɛkanɛɛkɛ goŋkuk agut sinɔkɔ kɔna toniiɗa kɛ, 'Ɔɔtɛ sinɔɔnɛ balaaŋɔŋk baŋiya, kiir kɔɔtu taanta, maɓɔrɛ ɔɔtɛ sinɔɔnɛ balaaŋɔŋk baŋiya dɛnɛɛrkɔɔtuŋɔŋk'? 20Eekeer tona kɔnaaŋ, kuɗeerkɔɔ sɔɔkuŋ, makɔɔ sɛŋk yaa joopa ɗookoŋkuŋ. Sanɗikarkɔɔ sɔɔkuŋ, mayakana san noŋk weerɛkɔɔ ɛɛk a yaakata. 21Saa jartii ɗɛyɛɛɗ ɓartɛɛtik, nɛ saa gayɛɛɗ ɔɔtɛ sinɛ ɓartɛɛɗik nɛ ɓakɛyɗiiŋ. Ma saakɔɔ ɓartɛɛɗik baŋiya, nɛ yaageeɗ a kiiki koɓiiɗ ɓakɛy sinɛkɔ nɛɛk agut sinɔkɔ ɓartɛɛɗɛɛ tɔɔn ɗook raŋk. 22Maɓɔrɛ iinak sanɗikar sisɔŋ, dɛnaakɔɔ kɔnu kɛkarŋ. Yaakɔɔ ɓayɛ noŋkuŋ. Kɛɛ iɗit sinɔkɔɔ kɔne boŋu yaaka noŋkuk. 23Waawuy sinaanɛkoy kɛɛ any sinɔkoy kalɛyiir eeteek. Eekeer tona kɔnaaŋ, any sinɛ kalɛyiir Baabɛye tiriyaakɛ gaanɛkik baŋɛ gaɓɛkɔɔ kɔnaaŋ. 24In kɛɛ any sinɔkan kalɛyiir tiriyaakɛ gaanɛkik nɔ mɛlɛɛɗa sisɔwa. In kalɛyɛɛ, gaɓɛɛkɔɔ kɔnaaŋ, enyaakɔɔ yaaka noŋkuŋ.
25"Tonɗiikaakan kɔna rɔmɛɛɗ nɔ mɛlɛɛɗa sisɔwa, a tukiɗi sisɔ mɛlkikɔɔ ɔɔtɛ sinɔkɔɔ kiiɗa tonɗiit rɔmɛɛɗikiŋ. Mayakana tona kɔna any baŋɛ a mɛlɛŋ agut Baabɛɛ. 26Saakoyk kalɛyiirkoy tiriyaakɛ gaanɛk. Kaakoy kɔna toniiɗ kɛ kalɛyakɔɔ kɔna Baabɛɛŋ. 27Poru kɔnu Baabɛɛ agut sinɔtu porurɗɔ, ɛ ŋaadiir kɛ kusaakan sooy lak Waakoyok. 28Ŋaarkakan sooy lak Baabɛɛk nɛ mɛlka ɗooka sineena. Nɛkɔɔ ŋɔɗa ɗoo sini kɛkar nɛ ŋaara son lak Baabɛɛk."
29Nɛɓa nomtaanak gɛɛnɛ tonur kɛ, " Tonɗiikinkɔ sisɔ a mɛlɛŋ a moko rɔmɛɛɗ. 30Ɗegerii sisɔ kɛ ɗegerin any baŋɛ a kɛɛ iɗit sinɔ ɗɛygeeɗ ani kɔɔniyŋɔŋk. Agut sini ŋaadii kɛ kusunkan sooy lak Waakoyok."
31Nɛɓa Yeese jumur sɛɛga kɛ, "Ŋaadiɗiikari sisɔŋ! 32Mɛlkikɔɔ ɔɔtɛ sinɔkɔɔ kɛɛtiɗiiɗɔ iinak a omoŋ omoŋ ɛkana goŋk, nɔkɔɔtu ŋɔɗari mowankiŋ. Sisɔ gayɛkɔ ɔɔtɛ nɛɛkɛɛŋ. Yakana moko eet mowan agut sinɔ Baabɛɛ a eet agut omoŋɔŋk. 33Nɔkan kɔna toniiɗa sinik kɛnɔ atukari eete nɔ laŋiir yaaka. Saa atukuɗɔɔ ɗook raŋk nɛ latukari rakatɛ, mayakana kɛɛ any lɔsaakan saak ɗooŋ."
Currently Selected:
Yowanis 16: KSTM
Highlight
Share
Copy
Want to have your highlights saved across all your devices? Sign up or sign in
Yowanis 16
16
1Tonuɓa Yeese kɛkar kɛ "Nɔkan kɔna toniiɗa sini baŋɛk kɛnɔ kat ɓeesiɗi ŋaadiyɛ goŋk nɔ ŋɔɗari sɛɛg. 2Boŋurkukoy kɔnu godeyikɛ tolɛɛɗoŋk Ayuuduk walasa nɛ kɔnu ɔɔyɛrŋ. Oko sinɛk mɛlkikoy ɔɔtɛ sinɔ joop sigɛ kɔnu ɓokootark baŋɛ arirɗi ɛɛk a ito joop sigɔ ijaagɗi Waakoyotaak. 3Nɔ ijaagirɗi any sinik agut sinɔ kirɗi ɗegerɔɔn Baabɛɛk kɛygun eetik. 4Nɔ kɔna toniiɗa sinik kɛnɔ koy koɓurkɔɔ kɛ tonakan kɔna jikon, saakoy gayɛɛɗ ɔɔtɛ nɛɛkɛkik. Nɔkan kɔna kiiɗa sini toniiɗ jeemɛk agut sinɔkan eet a iinak agut omoŋɔŋk.
Ijaag Wɛɛŋa Sigɔ Geetitaanakik
5"Yakana sisɔ ŋaara son lak Baabɛɛ sinɛkanti wosɛykik, nɛ iinakɛ kɛɛ iɗit sinɔtu kɔɔniy kɛ, 'Ŋaarin etenak?' 6Agut sinɔkan kɔna toniiɗa sini baŋɛŋɔŋk, nɛ sanɗi ɓayɛtun goŋk jɛt. 7Yakana tona kɔna saak eekeer, kɔnyɛ kɔnu ŋaarin naakɛɛŋ agut sinɔ ɔkɔn kaa ŋaarinŋ, nɛkɔɔ kiiki mɛlɛɛ Gaanantan nɛɛkɛ son lak iinakik. Ma yakana ɔkɔn ŋaaraaŋ, nɛkɔɔ wosɛyka son lak iinakikiŋ. 8Saakɔɔ sɛŋk mɛlkiɗik, nɛkɔɔ yaaŋɛ joopa ɗookoŋk tikiyɛ a mentanka a pirdi kɛ moko liki. 9Nɔkɔɔ yaaŋɛɛɗ ɔɔtɛ tikiyɛɛkoŋkuk kɛ moko likik agut sinɔ kirɗi ŋaadit eetik. 10Nɔkɔɔ yaaŋɛɛɗ ɔɔtɛ mentanka taamɛkɛ Waakoyotoŋkuk agut sinɔ ŋaarɗa son lak Baabɛɛk, ɛ agut sinɔ kɔɔtu kirɗɔ taanta a tukiɗi sisɔɔk. 11Nɔkɔɔ yaaŋɛɛɗ ɔɔtɛ pirdiyoŋkuk agut sinɔɓa pɛrɛɗɛɗɛɛ ete sinaanɛ ɓali ɗoo sinik.
12"Lakɛ any sinɔkɔɔ kɔna tonaŋɔŋk a obiiŋ, yakana ɓaŋkawu kɔna sisɔŋ. 13Saakɔɔ mɛlɛrkiɗ wɛɛŋa eekeeroŋkuk, diilerkɔɔ kɔnu eekeera. Agut sinɔ waasɛr sɛɛk any sinɔkan tiyɛrk, ma moko any nɛŋk, tonurkɔɔ kɔna ola sigɔkoy ɓɛɛlɛr ɔɗɔɔkak. 14Agut sinɔ boŋiiɗ any sinɔ naak nɛ tonu iinakaak, nɛ eemɛy eet. 15Any Baabɛɛkik baŋɛ nɛ naak. Nɔkɔ kɔna toniiɗa kɛ, 'Boŋu any sinɔ naak nɛ tonu iinakaak,' agut sini."
Weerɛkoy Ɛɛk San Noŋk Yaakata
16Tonuɓa Yeese kɛkar kɛ, "Ɔɔtɛ sinɔɔnɛ balaaŋɔŋk baŋiya kiir kɔɔtu taanta, maɓɔrɛ ɔɔtɛ sinɔɔnɛ balaaŋɔŋk baŋiya dɛnɛɛr kɔɔtuŋ."
17Tonurɓa nomtaanak gɛɛŋk a omoŋ omoŋ ɛkanɛɛkɛ gɛŋk kɛ, "Jikon sini tina tonu kɛ, 'Ɔɔtɛ sinɔɔnɛ balaaŋɔŋk baŋiya kiirkɔɔtu taanta, maɓɔrɛ ɔɔtɛ sinɔɔnɛ balaaŋɔŋk baŋiya dɛnɛɛrkɔɔtuŋɔŋk ɛ ɓɔrɛ kɛ ŋaara son lak Baabɛɛk'?" 18Tonurɓa kɛ, "Sisɔ jikon sinɛ tonu kɛ, 'ɔɔtɛ sinɔɔnɛ balaaŋɔŋk'? Kii ɗegerɔɔn any sinɛ tonuk."
19Nɛɓa Yeese ɗeger kɛ ɗɛyɛr sɛɛn kɔɔniyɔɔna agut any sini, nɛ tonu sɛɛga kɛ, "Nɔ kɔniniyiɗɔ ɛkanɛɛkɛ goŋkuk agut sinɔkɔ kɔna toniiɗa kɛ, 'Ɔɔtɛ sinɔɔnɛ balaaŋɔŋk baŋiya, kiir kɔɔtu taanta, maɓɔrɛ ɔɔtɛ sinɔɔnɛ balaaŋɔŋk baŋiya dɛnɛɛrkɔɔtuŋɔŋk'? 20Eekeer tona kɔnaaŋ, kuɗeerkɔɔ sɔɔkuŋ, makɔɔ sɛŋk yaa joopa ɗookoŋkuŋ. Sanɗikarkɔɔ sɔɔkuŋ, mayakana san noŋk weerɛkɔɔ ɛɛk a yaakata. 21Saa jartii ɗɛyɛɛɗ ɓartɛɛtik, nɛ saa gayɛɛɗ ɔɔtɛ sinɛ ɓartɛɛɗik nɛ ɓakɛyɗiiŋ. Ma saakɔɔ ɓartɛɛɗik baŋiya, nɛ yaageeɗ a kiiki koɓiiɗ ɓakɛy sinɛkɔ nɛɛk agut sinɔkɔ ɓartɛɛɗɛɛ tɔɔn ɗook raŋk. 22Maɓɔrɛ iinak sanɗikar sisɔŋ, dɛnaakɔɔ kɔnu kɛkarŋ. Yaakɔɔ ɓayɛ noŋkuŋ. Kɛɛ iɗit sinɔkɔɔ kɔne boŋu yaaka noŋkuk. 23Waawuy sinaanɛkoy kɛɛ any sinɔkoy kalɛyiir eeteek. Eekeer tona kɔnaaŋ, any sinɛ kalɛyiir Baabɛye tiriyaakɛ gaanɛkik baŋɛ gaɓɛkɔɔ kɔnaaŋ. 24In kɛɛ any sinɔkan kalɛyiir tiriyaakɛ gaanɛkik nɔ mɛlɛɛɗa sisɔwa. In kalɛyɛɛ, gaɓɛɛkɔɔ kɔnaaŋ, enyaakɔɔ yaaka noŋkuŋ.
25"Tonɗiikaakan kɔna rɔmɛɛɗ nɔ mɛlɛɛɗa sisɔwa, a tukiɗi sisɔ mɛlkikɔɔ ɔɔtɛ sinɔkɔɔ kiiɗa tonɗiit rɔmɛɛɗikiŋ. Mayakana tona kɔna any baŋɛ a mɛlɛŋ agut Baabɛɛ. 26Saakoyk kalɛyiirkoy tiriyaakɛ gaanɛk. Kaakoy kɔna toniiɗ kɛ kalɛyakɔɔ kɔna Baabɛɛŋ. 27Poru kɔnu Baabɛɛ agut sinɔtu porurɗɔ, ɛ ŋaadiir kɛ kusaakan sooy lak Waakoyok. 28Ŋaarkakan sooy lak Baabɛɛk nɛ mɛlka ɗooka sineena. Nɛkɔɔ ŋɔɗa ɗoo sini kɛkar nɛ ŋaara son lak Baabɛɛk."
29Nɛɓa nomtaanak gɛɛnɛ tonur kɛ, " Tonɗiikinkɔ sisɔ a mɛlɛŋ a moko rɔmɛɛɗ. 30Ɗegerii sisɔ kɛ ɗegerin any baŋɛ a kɛɛ iɗit sinɔ ɗɛygeeɗ ani kɔɔniyŋɔŋk. Agut sini ŋaadii kɛ kusunkan sooy lak Waakoyok."
31Nɛɓa Yeese jumur sɛɛga kɛ, "Ŋaadiɗiikari sisɔŋ! 32Mɛlkikɔɔ ɔɔtɛ sinɔkɔɔ kɛɛtiɗiiɗɔ iinak a omoŋ omoŋ ɛkana goŋk, nɔkɔɔtu ŋɔɗari mowankiŋ. Sisɔ gayɛkɔ ɔɔtɛ nɛɛkɛɛŋ. Yakana moko eet mowan agut sinɔ Baabɛɛ a eet agut omoŋɔŋk. 33Nɔkan kɔna toniiɗa sinik kɛnɔ atukari eete nɔ laŋiir yaaka. Saa atukuɗɔɔ ɗook raŋk nɛ latukari rakatɛ, mayakana kɛɛ any lɔsaakan saak ɗooŋ."
Currently Selected:
:
Highlight
Share
Copy
Want to have your highlights saved across all your devices? Sign up or sign in