Lukaas 6
6
Kɔɔniyɔn Sinɔ Widikɛ Agut Waawuy Sambatɛyoŋk Ayuuduk
(Maa. 12:1-8; Mar. 2:23-28)
1Ɓeny omalte ɗoyuɓa Yeese sinɔɔnɛ taawa takank waawuy Sambatɛyoŋk Ayuuduk, nɛɓa nomtaanak gɛɛnɛ kɛtɛrki taawakeer, nɛ porootɛr sɛɛg arnɛ gɛŋk, nɛ ɗamiŋ. 2Nɛɓa joope Paarisik a omoŋ omoŋ tonur kɛ, "Ijaagiir any sinɔɓa kɛɛ pɛgɛdɛɛt nɔ ijaagɛ waawuy Sambatɛyoŋkuk agut jikon?"
3Nɛɓa Yeese jumur sɛɛga kɛ, "Kiirɓa ambabɛɛt any sinɛɓa ijaag Daawit sɛɛn a joop sigɛɓa sɛɛg a sɛɛnik saaɓa latukuɗ ŋaawuk? 4Guugunyɓa godeya Waakoyotoŋk, nɛɓa boŋku nasi sinɔ geetitank sinɔɓa pɛgɛdɛɛ kɛnɔ ɗamar tapaak ŋaadiyɛɛkoŋk dakɛɗak nɛ ɗamŋ, nɛɓa ɓɔrɛ gaɓɛ joopa sigaagaɓa sɛɛg a sɛɛnikiŋ." 5Tonuɓa sɛɛga Yeese kɛ, "Ege Tɔn Etoŋk, Suumi waawuy Sambatɛyoŋk."
Ebɔdɛ Yeese Iɗit Sinɔɓa Sɛɛgiya Ari Nɛɛkɛŋɔŋk
(Maa. 12:9-14; Mar. 3:1-6)
6Guugunyɓa waawuy Sambatɛyoŋk Ayuuduk omalte godeya tolɛɛɗoŋk Ayuuduk nɛ rɔɔriyaaŋ. Nɛɓa saadi lakɛ iɗit sinɔɓa sɛɛgiya ari nɛɛkɛ gɔɔ sinɛ ɗiɗikŋɔŋk. 7Nɛɓa ɗɛyɛr rɔɔriytaanak higi Muuseek a joop Paarisik kɛnɔgun laŋirkiɗ tikiyɛ sigɔ dariyɗiigeeɗŋɔŋk nɛɓa koorɛr kɛnɔ dɛnɛr kɛ ebɔdɛkɔɔŋ yoo waawuy Sambatɛyoŋkuŋ. 8Nɛɓa Yeese ɗeger koɓiɗak gɛŋk, nɛ tonu eta sinaanaɓa sɛɛgiya ari nɛɛkɛkik kɛ, "Ŋaari raŋana nɔ ɛtin joope gɛɛnɛ kɔɔr." Nɛ ŋaar raŋana nɛ ɛtɛŋ.
9Nɛɓa Yeese tonu sɛɛga kɛ, "In kɔnu kɔɔniya ant omalte, Pɛgɛdɛɛɓa a ijaagɛɛ waawuy Sambatɛyoŋk any sinɔ mentanŋɔŋk, maŋk any sinɔ ŋɛɛwɛnŋɔŋk? Ebɔdɛɛt wɛɛŋakoŋk, maŋk sɔɔkɛɛt wɛɛŋakoŋk?"
10Saaɓa Yeese mermenɗi sɛɛg baŋɛ tookɛɛtak baŋiya, nɛɓa tonu eta sinaana kɛ, "Ker ari nook." Nɛ ijaag oko sinɛkɔ tonguɗɛɛk, nɛɓa bɔdɛ ari nɛɛkɛŋ. 11Nɛɓa joop gɛɛnɛ ŋadir nɛ waasiɗigeeɗ ɛkanɛɛkɛ gɛŋk sinɔ kɛ arir Yeesee ɛkik.
Daam Yeese Wosɛytaanak Sigɛ Aarin A pɛɛyk
(Maa. 10:1-4; Mar. 3:13-19)
12Saadi baŋiya ɓeny omalte kɔtɔɔŋɛɓa Yeese kurkuma ɗanɗamɔɔna, nɛɓa aayirki kaay nɛɛk baŋɛ saadi a ɗanɗaɗami Waakoyota. 13Saaɓa aayirkiɗik, nɛɓa riyiri wosɛytaanak gɛɛŋk nɛ daam sɛɛge sigɛ aarin a pɛɛyk. Nɛɓa riy sɛɛg kɛ wosɛytaanak.
14Sɛɛg Simion sinɛɓa riy kɛ Petrosuk, Indiriyaas, manya Petrosa, Yaykoob, Yowanis, Pilipoos, Bɛrtɛloomiyos,
15Maatiyoos, Toomaas, Yaykoob tɔɔn Ilpiyoosuk, Simion sinɛɓa riyɛ kɛ palamɗi agut ɗoo nɛɛkik,
16Yuudaa tɔɔn Yaykoobuk, Yuudaa Keriyootuk sinɛkɔɔ gaɓɛ Yeeseek.
Rɔɔriy Yeese Joop A ɓɔɔkaaŋ Ɛ Ebɔdɛ Sɛɛg
17Ɓurɓuɗiikɓa Yeese a sɛɛg kurkum raŋk, nɛ ɛtɛ ɗook soodi ɓɛɛlɛ kɛ ɗɛrɛkik. Ɓɛɛlɛrɓa nomtaanak gɛɛnɛk a ɓɔɔkaaŋ saadi, ɛɓa ɓɔrɛ lakɛ joop a ɓɔɔkaaŋ sigɔɓa kurak Yuudaake baŋɛ, a Yorsaleeme, a Tiiroosek a Sidoonaakek sigɛ atu goroo sinɔɔnɛ obiiŋɔŋk kɛntɛɛk. 18Kurakɓa joop sigi baŋɛ kɛnɔ geleewɛrgeeɗ ɛ kɛnɔ bɔdɛrki goriɗakɛ gɛŋk, nɛɓa bɔdɛrki joop sigɛɓa rakatɛr wɛɛŋakɛ sigɔɔgɛ somkaanakik. 19Ɗɛyɛrɓa joop baŋɛ a kumer Yeesee, agut sinɔɓa ŋaarkiɗ sɛɛne ɓaŋkawuka ebɔdɛɛtoŋk, nɛ ebɔdɛ sɛɛg baŋɛk.
Yaaka Sinɔ Eekerkank
(Maa. 5:1-12)
20Mermenaɓa Yeese son lak nomtaanak gɛɛŋkik nɛ tonu sɛɛga kɛ,
"Ege Burɛ Waakoyotoŋk noŋk,
iinak joop sigɛ sankaanakik, iinak geetitaanak.
21Iinak geetitaanak, iinak joop sigɛ latukari ŋaawu sisɔk,
agut sinɔ ɓooɗorarkoyŋ.
Iinak geetitaanak, iinak joop sigɛ kuɗer sisɔk,
agut sinɔ rɔgɛɛrkoyŋ.
22Iinak geetitaanak saa kɔnu ɓooyurɗu joop,
a saa kɔne pakatirɗi ɛɛkik a saa kɔnu laaganyarɗik,
a saa sɔɔkɛrɗi tiriya goŋkuk agut Tɔɔn Etoŋkuk.
23"In kɔna yaa a in teemɛɛ raŋana ɓeny sinaanɛ,
agut sinɔ obi gati sinɛkoy laŋiir darikiŋ.
Ijaagirɓa ɔrɛyak gɛŋk joopa pɛrkaakoŋk any sinɔ ŋɛɛwɛnŋɔŋk oko sinɛk.
24"Mayakana duri koy kɔna, iinak joop sigɛ latu worik,
agut sinɔ laŋiirkɔ any sinɛ kɔna yaak baŋɛ ɗook sineene raŋk.
25Duri koy kɔna iinak joop sigɛ ɓooɗorar sisɔk,
agut sinɔ latukarkoy ŋaawu baŋiya.
Duri koy kɔna, iinak joop sigɛ rɔgɛɛr sisɔk,
agut sinɔ sanɗikarkɔɔ baŋiyaaŋ, kuɗeer kɔɔŋ.
26Duri koy kɔna, saa kɔnu tonurɗu joop baŋɛ a mentanŋɔŋk.
Ijaagirɓa ɔrɛyak gɛŋk joopa pɛrkaakoŋk sigɔɔga nyonkaanakik oko sinɛk.
Pori Gumaakentoŋk
(Maa. 5:38-48; 7:12)
27"Yakana tona kɔnaaŋ iinak joop sigɛta geleewɛrk, in porɛɛ gumaakeer goŋk. In ijaagɛɛ any sinɔ mentanŋɔŋk joopa sigaaga kɔnu ɓooyurk. 28In geetɛɛ joop sigɛ kɔnu koonyɛrk. In ɗanɗamaakɛɛ joopa sigaaga kɔna ijaagir any sinɔ ŋɛɛwɛnŋɔŋkuk. 29Iɗit sinɔ paaŋi pariiwan nookuk, weergeeɗ gɔɔ om nɔ paaŋiɗ. Iɗit sinɔne boŋu abii nook sinɛ raŋanenk, gageeɗ abii nook sinɛ takanenk. 30Tigi joop sigɛni kalɛyirk baŋɛ. Iɗit sinɔne boŋu wori nookuk, kat kɔɔniyin nɔna jumur. 31Any sinɛ ɗɛyɛɛr a kɔna ijaagir joopk, in ɓɔrɔ ijaagɛ sɛɛga oko sinɛk.
32"Ɔkɔn poriir joop sigɛ kɔnu porurk, kiirkoy laŋiiɗ pɔɔsiyɛ. Porur aasi tikitaanak joop sigɛ porur sɛɛgik. 33Ɔkɔn ijaagiir any sinɔ mentanŋɔŋk joopa sigaaga kɔna ijaagir any sinɔ mentanŋɔŋk, kiirkoy laŋiiɗ pɔɔsiyɛ. Ijaagir aasi tikitaana oko sinik. 34Ɔkɔn gaɓɛɛr masɛ joopa sigaaga koɓiir kɛ, 'Jumurarkɔɔ tinaŋɔŋk', nɛkɔ latukar pɔɔsiyɛ kɛ jikonak? Gaɓɛr tikitaana masɛ tikitaanaka kɛnɔ sɛɛga jumurɛ sinɛkɔ gaɓɛrk. 35Mayakana in sɔɔk porɛɛ gumaakeer goŋk! In ijaagɛ sɛɛga any sinɔ mentanŋɔŋk! In gaɓɛɛ masɛ ma kat lakɛ koɓi sinɔ kɛ jumurɛ kɔɔ tinaŋɔŋk! Ɔkɔnkɔɔ ijaagiir oko sinikiŋ obiikoy gati noŋkuŋ, iinak koy tɔɔmɔk Waakoyo sinɛ ar darik, agut sinɔ sɛŋk mentankiɗ joopa sigaaga kɛɛ sɛɛg pɔɔsɛɛtik a joopa sigaaga ŋɛɛwɛkiŋ. 36In iinak maariytaanak oko sinɛ ege Ɓaaɓa noŋk maariytank.
Rɔɔriyaaɗ Yeese Ɔɔtɛ Pirdiyoŋk
(Maa. 7:1-5)
37"Kat pɛrɛdɛɛ joope ɔgɔɔkɛ kɛnɔ mokoy kɔne pɛrɛdɛɛ. In ŋɔɗiirɛ kɛnɔkoy kɔne ŋɔɗiirɛ. 38In gijiɗiikɛɛ kɛnɔkoy kɔnu gijɛ. Saparɛɛkoy ɓɔrɛ kɔna ant sinaanɛ saparɛrɗɔk, saparɛɛkoy nɛ kɔna gaɓɛɛ ant sinɔɔnɛ mentanŋɔŋk a siikɛ a ŋayɗiikiŋ."
39Tonuɓa ɓɔrɛ sɛɛga Yeese rɔmɛ kɛ, "Mot oolɛ a diile motuŋ? Moko gaagami a getu pɛɛy nɛ ɗiirtar utula? 40Ki kaalɛɛt bartaan rɔɔriytan nɛɛk. Mayakana ɔkɔn rɔɔriyɛ bartan jɛtiŋ, nɛkɔɔ ito rɔɔriytan nɛɛk.
41"Dɛnin aalaakan sinɛ lak masookooy taamtuk, ma kin taanta doori sinɛ lakin taamt nookɛkik agut jikon? 42Oolun ɛk a tonun masookoya kɛ, 'Manya eeta, in reene boŋka aalaakan sinɛ lakin taamtuk.' A kin taanta doori sinɛ lakin taamt nookɛkik? Iin iɗit sinɛ gaayin iɗit sinɔ mentanŋɔŋkuk, boŋa tɛɛnan jeemɛ doori sinɛ lakin taamt nookɛkik, nɔkɔɔ ɓaane boŋkun aalaakan sinɛ lak masookooy taamtuk ma dɛnin kɛ ɗɔm.
Ɗegerɛɛ Kɛɛt Taamɛkɛ Gɛɛnɛk
(Maa. 7:16; 12:33-35)
43"Kɛɛt sinɔ mentanŋɔŋk ki gaamit taamɛ sigɔ ŋɛɛwɛnŋɔŋk, maɓɔrɛ kɛɛt sinɔ ŋɛɛwɛnŋɔŋk ki gaamit taamɛ sigɔ mentaanaŋɔŋk. 44Ɗegerɛ kɛɛt baŋɛ taamɛkɛ gɛɛnɛk. Ki riiɓɛ ɓɛyint taamɛ bɛlɛɛsik, maɓɔrɛ ki riiɓɛ ɓɛyint taamɛ wɛynik. 45Iɗit sinɔ mentanŋɔŋk ŋaarkiɗi ɓayaay nɛɛkɛ sinaanɛ mentanŋɔŋk any sinɔ mentanŋɔŋk, ma iɗit sinɔ ŋɛɛwɛnŋɔŋk ŋaarkiɗi ɓayaay nɛɛkɛ sinaanɛ ŋɛɛwɛnŋɔŋk any sinɔ ŋɛɛwɛnŋɔŋk. Agut sinɔ tonu iɗit ad nɛɛkɛ any sinɛkɔ enyɛɛri ɓayaay nɛɛkɛkik.
Rɔɔriyaaɗ Yeese Godeyik Sigɔ Komoyɛ Pɛɛyk
(Maa. 7:24-27)
46"Riyarti kɛ, 'Suumi naakɛ, suumi naakɛ,' agut jikon, ma kiir ijaagɛ any sinɛ kɔna tonaak? 47Iɗit sinɔ kus son lak eetik, nɔ tiyɛ pɛɛni naak, nɔ ijaagik baŋɛ, in kɔna tona kɛ gayi a wooɗ. 48Gayi a iɗit sinɔkan kɛny gode talaaɗɛ raŋk a kɔwu a ɓukuurŋɔŋk. gonarki maaw teeteyoŋk nɛ direr maawu gɛɛnɛ gode sinɛ, nɛkan ki oolɛ a ɓeesiɗiiŋ agut sinɔkan kɛnyɗɛ soodi ɓaŋkawuŋɔŋkuk. 49Mayakana iɗit sinɔ tiyɛ pɛɛni naak nɛ ki ijaagɛɛk, gayi a iɗit sinɔkan kɛny gode nɛɛk ɗook soodi kiiɗɛ nyon sinɔ ɓaŋkawuŋɔŋkuk. Mɛlɛrki maawu gɛɛnɛ nɛ direr gode sinɛ, nɛ ɗiiri sisa nɛ ɗiirin nɛɛkɛ ɓaŋkawu jɛt."
Currently Selected:
Lukaas 6: KSTM
Highlight
Share
Copy
Want to have your highlights saved across all your devices? Sign up or sign in
Lukaas 6
6
Kɔɔniyɔn Sinɔ Widikɛ Agut Waawuy Sambatɛyoŋk Ayuuduk
(Maa. 12:1-8; Mar. 2:23-28)
1Ɓeny omalte ɗoyuɓa Yeese sinɔɔnɛ taawa takank waawuy Sambatɛyoŋk Ayuuduk, nɛɓa nomtaanak gɛɛnɛ kɛtɛrki taawakeer, nɛ porootɛr sɛɛg arnɛ gɛŋk, nɛ ɗamiŋ. 2Nɛɓa joope Paarisik a omoŋ omoŋ tonur kɛ, "Ijaagiir any sinɔɓa kɛɛ pɛgɛdɛɛt nɔ ijaagɛ waawuy Sambatɛyoŋkuk agut jikon?"
3Nɛɓa Yeese jumur sɛɛga kɛ, "Kiirɓa ambabɛɛt any sinɛɓa ijaag Daawit sɛɛn a joop sigɛɓa sɛɛg a sɛɛnik saaɓa latukuɗ ŋaawuk? 4Guugunyɓa godeya Waakoyotoŋk, nɛɓa boŋku nasi sinɔ geetitank sinɔɓa pɛgɛdɛɛ kɛnɔ ɗamar tapaak ŋaadiyɛɛkoŋk dakɛɗak nɛ ɗamŋ, nɛɓa ɓɔrɛ gaɓɛ joopa sigaagaɓa sɛɛg a sɛɛnikiŋ." 5Tonuɓa sɛɛga Yeese kɛ, "Ege Tɔn Etoŋk, Suumi waawuy Sambatɛyoŋk."
Ebɔdɛ Yeese Iɗit Sinɔɓa Sɛɛgiya Ari Nɛɛkɛŋɔŋk
(Maa. 12:9-14; Mar. 3:1-6)
6Guugunyɓa waawuy Sambatɛyoŋk Ayuuduk omalte godeya tolɛɛɗoŋk Ayuuduk nɛ rɔɔriyaaŋ. Nɛɓa saadi lakɛ iɗit sinɔɓa sɛɛgiya ari nɛɛkɛ gɔɔ sinɛ ɗiɗikŋɔŋk. 7Nɛɓa ɗɛyɛr rɔɔriytaanak higi Muuseek a joop Paarisik kɛnɔgun laŋirkiɗ tikiyɛ sigɔ dariyɗiigeeɗŋɔŋk nɛɓa koorɛr kɛnɔ dɛnɛr kɛ ebɔdɛkɔɔŋ yoo waawuy Sambatɛyoŋkuŋ. 8Nɛɓa Yeese ɗeger koɓiɗak gɛŋk, nɛ tonu eta sinaanaɓa sɛɛgiya ari nɛɛkɛkik kɛ, "Ŋaari raŋana nɔ ɛtin joope gɛɛnɛ kɔɔr." Nɛ ŋaar raŋana nɛ ɛtɛŋ.
9Nɛɓa Yeese tonu sɛɛga kɛ, "In kɔnu kɔɔniya ant omalte, Pɛgɛdɛɛɓa a ijaagɛɛ waawuy Sambatɛyoŋk any sinɔ mentanŋɔŋk, maŋk any sinɔ ŋɛɛwɛnŋɔŋk? Ebɔdɛɛt wɛɛŋakoŋk, maŋk sɔɔkɛɛt wɛɛŋakoŋk?"
10Saaɓa Yeese mermenɗi sɛɛg baŋɛ tookɛɛtak baŋiya, nɛɓa tonu eta sinaana kɛ, "Ker ari nook." Nɛ ijaag oko sinɛkɔ tonguɗɛɛk, nɛɓa bɔdɛ ari nɛɛkɛŋ. 11Nɛɓa joop gɛɛnɛ ŋadir nɛ waasiɗigeeɗ ɛkanɛɛkɛ gɛŋk sinɔ kɛ arir Yeesee ɛkik.
Daam Yeese Wosɛytaanak Sigɛ Aarin A pɛɛyk
(Maa. 10:1-4; Mar. 3:13-19)
12Saadi baŋiya ɓeny omalte kɔtɔɔŋɛɓa Yeese kurkuma ɗanɗamɔɔna, nɛɓa aayirki kaay nɛɛk baŋɛ saadi a ɗanɗaɗami Waakoyota. 13Saaɓa aayirkiɗik, nɛɓa riyiri wosɛytaanak gɛɛŋk nɛ daam sɛɛge sigɛ aarin a pɛɛyk. Nɛɓa riy sɛɛg kɛ wosɛytaanak.
14Sɛɛg Simion sinɛɓa riy kɛ Petrosuk, Indiriyaas, manya Petrosa, Yaykoob, Yowanis, Pilipoos, Bɛrtɛloomiyos,
15Maatiyoos, Toomaas, Yaykoob tɔɔn Ilpiyoosuk, Simion sinɛɓa riyɛ kɛ palamɗi agut ɗoo nɛɛkik,
16Yuudaa tɔɔn Yaykoobuk, Yuudaa Keriyootuk sinɛkɔɔ gaɓɛ Yeeseek.
Rɔɔriy Yeese Joop A ɓɔɔkaaŋ Ɛ Ebɔdɛ Sɛɛg
17Ɓurɓuɗiikɓa Yeese a sɛɛg kurkum raŋk, nɛ ɛtɛ ɗook soodi ɓɛɛlɛ kɛ ɗɛrɛkik. Ɓɛɛlɛrɓa nomtaanak gɛɛnɛk a ɓɔɔkaaŋ saadi, ɛɓa ɓɔrɛ lakɛ joop a ɓɔɔkaaŋ sigɔɓa kurak Yuudaake baŋɛ, a Yorsaleeme, a Tiiroosek a Sidoonaakek sigɛ atu goroo sinɔɔnɛ obiiŋɔŋk kɛntɛɛk. 18Kurakɓa joop sigi baŋɛ kɛnɔ geleewɛrgeeɗ ɛ kɛnɔ bɔdɛrki goriɗakɛ gɛŋk, nɛɓa bɔdɛrki joop sigɛɓa rakatɛr wɛɛŋakɛ sigɔɔgɛ somkaanakik. 19Ɗɛyɛrɓa joop baŋɛ a kumer Yeesee, agut sinɔɓa ŋaarkiɗ sɛɛne ɓaŋkawuka ebɔdɛɛtoŋk, nɛ ebɔdɛ sɛɛg baŋɛk.
Yaaka Sinɔ Eekerkank
(Maa. 5:1-12)
20Mermenaɓa Yeese son lak nomtaanak gɛɛŋkik nɛ tonu sɛɛga kɛ,
"Ege Burɛ Waakoyotoŋk noŋk,
iinak joop sigɛ sankaanakik, iinak geetitaanak.
21Iinak geetitaanak, iinak joop sigɛ latukari ŋaawu sisɔk,
agut sinɔ ɓooɗorarkoyŋ.
Iinak geetitaanak, iinak joop sigɛ kuɗer sisɔk,
agut sinɔ rɔgɛɛrkoyŋ.
22Iinak geetitaanak saa kɔnu ɓooyurɗu joop,
a saa kɔne pakatirɗi ɛɛkik a saa kɔnu laaganyarɗik,
a saa sɔɔkɛrɗi tiriya goŋkuk agut Tɔɔn Etoŋkuk.
23"In kɔna yaa a in teemɛɛ raŋana ɓeny sinaanɛ,
agut sinɔ obi gati sinɛkoy laŋiir darikiŋ.
Ijaagirɓa ɔrɛyak gɛŋk joopa pɛrkaakoŋk any sinɔ ŋɛɛwɛnŋɔŋk oko sinɛk.
24"Mayakana duri koy kɔna, iinak joop sigɛ latu worik,
agut sinɔ laŋiirkɔ any sinɛ kɔna yaak baŋɛ ɗook sineene raŋk.
25Duri koy kɔna iinak joop sigɛ ɓooɗorar sisɔk,
agut sinɔ latukarkoy ŋaawu baŋiya.
Duri koy kɔna, iinak joop sigɛ rɔgɛɛr sisɔk,
agut sinɔ sanɗikarkɔɔ baŋiyaaŋ, kuɗeer kɔɔŋ.
26Duri koy kɔna, saa kɔnu tonurɗu joop baŋɛ a mentanŋɔŋk.
Ijaagirɓa ɔrɛyak gɛŋk joopa pɛrkaakoŋk sigɔɔga nyonkaanakik oko sinɛk.
Pori Gumaakentoŋk
(Maa. 5:38-48; 7:12)
27"Yakana tona kɔnaaŋ iinak joop sigɛta geleewɛrk, in porɛɛ gumaakeer goŋk. In ijaagɛɛ any sinɔ mentanŋɔŋk joopa sigaaga kɔnu ɓooyurk. 28In geetɛɛ joop sigɛ kɔnu koonyɛrk. In ɗanɗamaakɛɛ joopa sigaaga kɔna ijaagir any sinɔ ŋɛɛwɛnŋɔŋkuk. 29Iɗit sinɔ paaŋi pariiwan nookuk, weergeeɗ gɔɔ om nɔ paaŋiɗ. Iɗit sinɔne boŋu abii nook sinɛ raŋanenk, gageeɗ abii nook sinɛ takanenk. 30Tigi joop sigɛni kalɛyirk baŋɛ. Iɗit sinɔne boŋu wori nookuk, kat kɔɔniyin nɔna jumur. 31Any sinɛ ɗɛyɛɛr a kɔna ijaagir joopk, in ɓɔrɔ ijaagɛ sɛɛga oko sinɛk.
32"Ɔkɔn poriir joop sigɛ kɔnu porurk, kiirkoy laŋiiɗ pɔɔsiyɛ. Porur aasi tikitaanak joop sigɛ porur sɛɛgik. 33Ɔkɔn ijaagiir any sinɔ mentanŋɔŋk joopa sigaaga kɔna ijaagir any sinɔ mentanŋɔŋk, kiirkoy laŋiiɗ pɔɔsiyɛ. Ijaagir aasi tikitaana oko sinik. 34Ɔkɔn gaɓɛɛr masɛ joopa sigaaga koɓiir kɛ, 'Jumurarkɔɔ tinaŋɔŋk', nɛkɔ latukar pɔɔsiyɛ kɛ jikonak? Gaɓɛr tikitaana masɛ tikitaanaka kɛnɔ sɛɛga jumurɛ sinɛkɔ gaɓɛrk. 35Mayakana in sɔɔk porɛɛ gumaakeer goŋk! In ijaagɛ sɛɛga any sinɔ mentanŋɔŋk! In gaɓɛɛ masɛ ma kat lakɛ koɓi sinɔ kɛ jumurɛ kɔɔ tinaŋɔŋk! Ɔkɔnkɔɔ ijaagiir oko sinikiŋ obiikoy gati noŋkuŋ, iinak koy tɔɔmɔk Waakoyo sinɛ ar darik, agut sinɔ sɛŋk mentankiɗ joopa sigaaga kɛɛ sɛɛg pɔɔsɛɛtik a joopa sigaaga ŋɛɛwɛkiŋ. 36In iinak maariytaanak oko sinɛ ege Ɓaaɓa noŋk maariytank.
Rɔɔriyaaɗ Yeese Ɔɔtɛ Pirdiyoŋk
(Maa. 7:1-5)
37"Kat pɛrɛdɛɛ joope ɔgɔɔkɛ kɛnɔ mokoy kɔne pɛrɛdɛɛ. In ŋɔɗiirɛ kɛnɔkoy kɔne ŋɔɗiirɛ. 38In gijiɗiikɛɛ kɛnɔkoy kɔnu gijɛ. Saparɛɛkoy ɓɔrɛ kɔna ant sinaanɛ saparɛrɗɔk, saparɛɛkoy nɛ kɔna gaɓɛɛ ant sinɔɔnɛ mentanŋɔŋk a siikɛ a ŋayɗiikiŋ."
39Tonuɓa ɓɔrɛ sɛɛga Yeese rɔmɛ kɛ, "Mot oolɛ a diile motuŋ? Moko gaagami a getu pɛɛy nɛ ɗiirtar utula? 40Ki kaalɛɛt bartaan rɔɔriytan nɛɛk. Mayakana ɔkɔn rɔɔriyɛ bartan jɛtiŋ, nɛkɔɔ ito rɔɔriytan nɛɛk.
41"Dɛnin aalaakan sinɛ lak masookooy taamtuk, ma kin taanta doori sinɛ lakin taamt nookɛkik agut jikon? 42Oolun ɛk a tonun masookoya kɛ, 'Manya eeta, in reene boŋka aalaakan sinɛ lakin taamtuk.' A kin taanta doori sinɛ lakin taamt nookɛkik? Iin iɗit sinɛ gaayin iɗit sinɔ mentanŋɔŋkuk, boŋa tɛɛnan jeemɛ doori sinɛ lakin taamt nookɛkik, nɔkɔɔ ɓaane boŋkun aalaakan sinɛ lak masookooy taamtuk ma dɛnin kɛ ɗɔm.
Ɗegerɛɛ Kɛɛt Taamɛkɛ Gɛɛnɛk
(Maa. 7:16; 12:33-35)
43"Kɛɛt sinɔ mentanŋɔŋk ki gaamit taamɛ sigɔ ŋɛɛwɛnŋɔŋk, maɓɔrɛ kɛɛt sinɔ ŋɛɛwɛnŋɔŋk ki gaamit taamɛ sigɔ mentaanaŋɔŋk. 44Ɗegerɛ kɛɛt baŋɛ taamɛkɛ gɛɛnɛk. Ki riiɓɛ ɓɛyint taamɛ bɛlɛɛsik, maɓɔrɛ ki riiɓɛ ɓɛyint taamɛ wɛynik. 45Iɗit sinɔ mentanŋɔŋk ŋaarkiɗi ɓayaay nɛɛkɛ sinaanɛ mentanŋɔŋk any sinɔ mentanŋɔŋk, ma iɗit sinɔ ŋɛɛwɛnŋɔŋk ŋaarkiɗi ɓayaay nɛɛkɛ sinaanɛ ŋɛɛwɛnŋɔŋk any sinɔ ŋɛɛwɛnŋɔŋk. Agut sinɔ tonu iɗit ad nɛɛkɛ any sinɛkɔ enyɛɛri ɓayaay nɛɛkɛkik.
Rɔɔriyaaɗ Yeese Godeyik Sigɔ Komoyɛ Pɛɛyk
(Maa. 7:24-27)
46"Riyarti kɛ, 'Suumi naakɛ, suumi naakɛ,' agut jikon, ma kiir ijaagɛ any sinɛ kɔna tonaak? 47Iɗit sinɔ kus son lak eetik, nɔ tiyɛ pɛɛni naak, nɔ ijaagik baŋɛ, in kɔna tona kɛ gayi a wooɗ. 48Gayi a iɗit sinɔkan kɛny gode talaaɗɛ raŋk a kɔwu a ɓukuurŋɔŋk. gonarki maaw teeteyoŋk nɛ direr maawu gɛɛnɛ gode sinɛ, nɛkan ki oolɛ a ɓeesiɗiiŋ agut sinɔkan kɛnyɗɛ soodi ɓaŋkawuŋɔŋkuk. 49Mayakana iɗit sinɔ tiyɛ pɛɛni naak nɛ ki ijaagɛɛk, gayi a iɗit sinɔkan kɛny gode nɛɛk ɗook soodi kiiɗɛ nyon sinɔ ɓaŋkawuŋɔŋkuk. Mɛlɛrki maawu gɛɛnɛ nɛ direr gode sinɛ, nɛ ɗiiri sisa nɛ ɗiirin nɛɛkɛ ɓaŋkawu jɛt."
Currently Selected:
:
Highlight
Share
Copy
Want to have your highlights saved across all your devices? Sign up or sign in