Maatiyoos 24
24
Yaaŋtan Eme Sinɛkoy Pediyaak
(Mar. 13:1-37; Luk. 21:5-37)
1Saaɓa Yeese guugunykuɗ walasa Godeey sinaanɛ Geetitank nɔ ŋaark, nɛɓa nomtaanak gɛɛnɛ wideetar ɛɛk son lak sɛɛnik kɛnɔ yaaŋɛrgeeɗ Gode sinɛ Geetitank a godeyik sigɛ atu sɛɛne tookɛɛtak. 2Yakanaɓa sɛŋk tonu sɛɛga kɛ, "Dɛnɛɛri any sini baŋɛŋ? Eekeer tona kɔnaaŋ, kikoy dakɛ giɗe giɗet raŋk a kir dumamanit nɔ kir aalɗiit, aalɗikoy godeyi baŋɛŋ."
3Saaɓa Yeese arkiɗ beeɗit kurkum Dɛbirɛ Jɛytik raŋk, nɛɓa nomtaanak gɛɛnɛ wideetar ɛɛk mowan son lak sɛɛnik, nɛ tonurgeeɗ kɛ, "Tonute tina, any sini ɓɛɛlɛkoy okoɗ? Mɛlɛɛ nook a pedi ɗookoŋk yaaŋtan nɛɛk jikon?"
4Nɛɓa Yeese jumur sɛɛga kɛ, "In koorɛɛ ɛɛk kɛnɔ mokoy kɔnu iɗit omaay ari a badɛɛriŋ. 5Mɛlɛrkikoy joop a ɓɔɔkaaŋ tiriyaakɛ gaanɛk kɛ, 'Eet Keresee,' nɛkoy arir joop a ɓɔɔkaaŋ a babadarŋ. 6Tiyɛɛrkoy koŋgoy kaarinoŋk a waasiyɛ kaarinoŋk, agut sinɔ dɛyɛɛɗ a gayɛr ola sigiŋɔŋk, nɛ kat ŋaatɛɛ. In ki gayɛ pedi nɛɛkɛk. 7Ŋaararkoy joop joope raŋk a suumi suumii raŋk, nɛ kaarariŋ, lakɛkoy ŋaawu a yike ɗookoŋk nyonitaakɛ sigɔɔgɛ ɓɛɛlɛr kundiyaakɛk. 8Ege sini baŋɛ, rakatɛ tuktan nɛɛk sinɔ ito suusuwi amɗ ɓartɛɛtoŋk.
9"Saakoyk gaɓɛrkoy kɔnu joop rakatɛya, ɓokootarkoy kɔnuŋ ɓooyurkoy kɔnu joop baŋɛ agut tiriya gaaŋk. 10Joop a ɓɔɔkaaŋ kaadɛrkoy ŋaadiyɛ gɛŋk gagaɓikoy ɛkanɛɛkɛ gɛŋk, kaararkoyŋ. 11Ŋaararkikoy joop pɛrkaakoŋk sigɔ nyonkaanakik a ɓɔɔkaaŋ, joop a ɓɔɔkaaŋ arɗikoy a tikiɗiikɛɛŋ. 12Saloorkoy mɛyin joop sigɔ ɓɔɔkaaŋɔŋkuk agut ɓɔɔkaaka tikiyɛɛkoŋk. 13Ma iɗit sinɔkoy ɓaŋkaawur mɛlɛɛɗa pediyaak bɔdɛkoyŋ. 14Waasɛɛkoy Pɛɛni sini Ɓɛlkɛɛstank burɛ Waakoyotoŋkuk ɗoo baŋɛ, kɛnɔkoy dakɛ a misikiri joopa ɗookoŋk baŋɛ, nɛkoy ɓaane saadi mɛlki pedtan nɛɛk.
15"Oko sinɛɓa toniiɗ iɗit pɛrkaakoŋk Danielk, saakoyk dɛnɛɛrkoy any sinɔ ŋɛɛwɛnŋɔŋk sinɔ ɓooyu Waakoyotuk a ɛtɛ nyon sinɔɔnɛɓa geetɛŋɔŋk." In koɓuku iɗit sinɛ ambabɗik sini. 16Saakoyk joop sigɛ atu ɗook Yuudaak, inkoy gonar kurkumɛɛka. 17Iɗit sinɔkoy ar godeey nɛɛkɛ ajeerantik katkoy worworiiki kɛnɔ boŋku ɓolaaturu gɛɛŋk godeey tak. 18Iɗit sinɔkoy ar taawoyk, katkoy weeriik baŋiya kɛnɔ boŋu abii nɛɛk. 19Durikoy ɗoŋikɛ sigaagɛ joopa sigaaga laki amtunɛk a joopa sigaaga ŋeŋeetunuk. 20In ɗanɗamaakɛɛ kɛnɔ mokoy ar togon noŋk baŋgii maŋk waawuy Sambatɛyoŋk.#24:20 Taapɛɛɓa sini agut sinɔ latuɓa joop Ayuuduk higi sinɔ kɛɛ ŋawiit waawuy Sambatɛyoŋk a ɗunɗumtaanak sigɛ jeeɗuwatuk a 1:2 21Saakoyk lakɛkoy rakatɛ sinɔ obiiŋɔŋk sinɔ inɓa kɛɛ a tukiɗi saaɓa riiɓeeɗ Waakoyot ɗook nɔ mɛlɛɛɗa ɓɛɛnyɔwasek, ɛkoy ɓɔrɛ ɔɗɔɔka kɛɛ sinɔ ito sɛɛnik. 22Ɔkɔnkoy ɗoŋ sigɛ kir dinykaŋ, gunkoy kɛɛ iɗit sinɔ bɔdɛk. Yakanakoy dinyatuŋ ɗoŋi sigɛŋ agut joop sigɛɓa daam Waakoyotuk. 23Saakoyk ɔkɔnkoy kɔna tonu iɗit omaay kɛ, 'Isi Keresee seedik!' Maŋk 'Ɔsɔ sooy!' kat ŋaadɛɛ. 24Agut sinɔ ŋaararkikoy Kereseyak sigɔ nyonkaanakik a joop pɛrkaakoŋk sigɔ nyonkaanakik. Ɔkɔn gayɛ sɛɛgaŋ, arir a tikiɗi joop sigɛɓa daamɛɛkiŋ, ijaagir sɔɔriyɛ a ola sigɔ reemɗigeeɗ ɓayaayk sigɔ boobɛrŋɔŋk. 25In dɛnɛɛko, tonaɓa kɔna jeemɛ any baŋɛŋ.
26"Ɔkɔnkoy kɔna tonɛɛ kɛ, 'Ɔsɔ Keresee ar paatonk,' nɛ kat kɛɛɗɛɛ, ɔkɔnkoy kɔna tonɛɛ kɛ, 'Ɔsɔ Keresee ar nyon sinɔɔnɛ dugaaŋɔŋk,' nɛ kat ŋaadɛɛ. 27Oko sini dɛnɛɛɗɛɛ nyaalan dari a nyaalɛ goyse mɛlkiɗ waawuyk mɛlɛɛɗa gɔɔtaase ɗiirirgeeɗ waawuyk ɓɛɛlɛkoy ɓɔrɛ mɛlɛ Tɔɔn Etoŋkuk oko sinɛk. 28Tolɗi sɔɔliilaŋɛk soodi lakiɗɛ any sinɔkɔ rɛrŋɔŋkuk.
29"Sisa ɗoŋikɛ sigaagɛkoy rakatɛyoŋk baŋiya, kɔjurkukoy waawuy kikoy gaamit ɛyɛn pɛɗɛrka, ɗiirarkikoy maryɔ dari, yikiɗiikoy ɓaŋkawukaata sigɛ atu darikiŋ.
30"Saakoyk dɛnɛɛkoy sɔɔriyɛ Tɔɔn Etoŋkuk dari, kuɗerkoy joop ɗookoŋk baŋɛ, dɛnɛrkoy Tɔɔn Etoŋk saakoy mɛlkiɗi dari gumoy ɓaŋkawukaat a eemɛyɔɔn sinɔɔnɛ obiiŋɔŋkuŋ. 31Sɛɛn wosɛykikoy wosɛytanaak gɛɛŋk a ɗooran luuri sinɔ obiiŋɔŋkuk, tolɛrkoy joop sigɛɓa daamɛɛ sɛɛgik gɔɔteerɛɛ sigaagɛ aŋank dari kɛntɛɛ goy omalte nɔ mɛlɛɛɗa kɛntɛya gɔɔta omalta.
32"In kɔna dakɛ kɛɛt bɛlɛɛsik a rɔmɛ a rɔɔriyɔn. Saa beetiyerɗi rɛkɛnak gɛɛnɛkik, ɛ ligimerɗi peeŋɔk gɛɛnɛkik nɛ sisa ɗegerari kɛ wɔɔŋku baŋgi. 33Nɛ ɓɔrɛ saakoy dɛnɛrɗɔ ola sigi baŋɛk, in ɗegerɛɛ kɛ wɔɔŋku, ɔɔtɛ sinɛkoy mɛlkiɗ Tɔn Etoŋkuk jɛt a ar tugaat. 34Eekeer tona kɔnaaŋ, nɔkoy dusanɛɛɗɛ sini baŋɛ joop sigi ɓɛɛlɛr sisɔk kirkoy badɛ baŋɛ. 35Ɗeyirkoy ɗook a dariŋ, mayakana Pɛɛni naak kikoy ɗeyi adaktan.
36"Kɛɛ iɗit sinɔkoy ɗeger ɓɛɛnyɔ sinɛkoyk a sayiti sinɛkoyk, kɛygun wosɛytaanak dariyoŋk kɛygun Tɔɔn nɛɛk ɗegeerakoy Ɛpɛn dakɛɗa. 37Oko sinɛɓa ɓɛɛlɛɛɗ eme Noohk, ɓɛɛlɛkoy ɓɔrɛ eme Tɔɔn Etoŋkuk oko sinɛk. 38Eme sinaanɛɓa yeeyeyoŋk ɔɗɔɔkɛ mɛlɛɛɗa ɗoŋika sigaagaɓa Nooh guugunyɗu emɗa sinɔɔna obiiŋɔŋkuk, joop ɗamiiɓa ɛ utiɗi, boboŋiɓa ɛ wawawar. 39Kirɓa ɗegerɔɔn kɛ ɓɛɛlɛkɔɔ ɛk nɔ mɛlɛɛɗa nɔɓa sɛɛg gaalirɗi nɔɓa sɛɛg diilerɗik baŋɛk, ɓɛɛlɛkoy ɓɔrɛ mɛlɛ Tɔɔn Etoŋkuk oko sinɛk. 40Saakoyk joop a pɛɛy atukoy taawoy, nɛkoy boŋɛɛ om ma omaay dakɛŋ. 41A jartiyatɔk a pɛɛy atukoy giyɛ, nɛkoy boŋɛɛ om ma omaay dakɛŋ.
42Agut sini "In koorɛɛ, agut sinɔ kirɗɔ ɗegerɔɔn ɓɛɛnyɔ sinɛkoy mɛlkiɗ Suumi noŋkuk. 43In koɓɛɛ sini. Ɔkɔn ɗeger ɗuma godeya kɛ mɛlkikɔɔ agalt kaalt sayitii sineeneŋ, gun ɓeɗi nɛ koorɛ gode nɛɛk kɛnɔ kat ŋuulɛɛ. 44Agut sini in ɓɛlkuunɛɛ ragad ɛɛkoŋk. Mɛlkikoy Tɔn Etoŋk sayitii sinɔɔnɛkɔ kiir koɓiiɗik.
45"Ijaagen kɛ wooɗ sinɔ ŋaadɛɛŋɔŋk ɛ ɗeger ɛɛkik, sinɛkoy daam suumi nɛɛkɛ ijaageerɛ gɛɛnɛk kɛnɔ sɛɛga gaɓɛ ɗama nɛŋk ɔɔtɛ nɛɛkɛkik? 46Ijaagen sinɔkoy mɛlki suumi nɛɛkɛ, nɛ dɛnɛ a kɔ ijaag oko sinɛkik geetitan. 47Eekeer tona kɔnaaŋ, daamkoy suumi nɛɛkɛ ijaagen sinɛ worii nɛɛkɛ baŋɛ raŋk. 48Mayakana ijaagen sinɛ ɔkɔn ŋɛɛwɛnŋ ɛ tonu ɓayaay nɛɛkɛ kɛ, 'Beeɗiirkɔɔ suumi naakɛŋ,' 49ɛ tuke tiɗiŋa saakomak gɛɛŋk ɔgɔ sigɔ ijaageerk ɛ ɗami ɛ utiɗi a tɔpɔytaanakiŋ, 50sɛɛn mɛlkikoy suumi nɛɛkɛ ɓɛɛnyɔ sinɔɔnɛkɔ ki koɓiiɗik a sayitii sinɔɔnɛkɔ ki koɓiiɗik. 51Goopkoy ijaagen sinɛ a ɓaŋkawuŋ, milkikoy nɛɛk a joop sigɔ gayar joop sigɔ mentaanaŋɔŋkuk, lakɛkoy saadi duri a ɗama ŋedakoŋk.
Currently Selected:
Maatiyoos 24: KSTM
Highlight
Share
Copy
Want to have your highlights saved across all your devices? Sign up or sign in
Maatiyoos 24
24
Yaaŋtan Eme Sinɛkoy Pediyaak
(Mar. 13:1-37; Luk. 21:5-37)
1Saaɓa Yeese guugunykuɗ walasa Godeey sinaanɛ Geetitank nɔ ŋaark, nɛɓa nomtaanak gɛɛnɛ wideetar ɛɛk son lak sɛɛnik kɛnɔ yaaŋɛrgeeɗ Gode sinɛ Geetitank a godeyik sigɛ atu sɛɛne tookɛɛtak. 2Yakanaɓa sɛŋk tonu sɛɛga kɛ, "Dɛnɛɛri any sini baŋɛŋ? Eekeer tona kɔnaaŋ, kikoy dakɛ giɗe giɗet raŋk a kir dumamanit nɔ kir aalɗiit, aalɗikoy godeyi baŋɛŋ."
3Saaɓa Yeese arkiɗ beeɗit kurkum Dɛbirɛ Jɛytik raŋk, nɛɓa nomtaanak gɛɛnɛ wideetar ɛɛk mowan son lak sɛɛnik, nɛ tonurgeeɗ kɛ, "Tonute tina, any sini ɓɛɛlɛkoy okoɗ? Mɛlɛɛ nook a pedi ɗookoŋk yaaŋtan nɛɛk jikon?"
4Nɛɓa Yeese jumur sɛɛga kɛ, "In koorɛɛ ɛɛk kɛnɔ mokoy kɔnu iɗit omaay ari a badɛɛriŋ. 5Mɛlɛrkikoy joop a ɓɔɔkaaŋ tiriyaakɛ gaanɛk kɛ, 'Eet Keresee,' nɛkoy arir joop a ɓɔɔkaaŋ a babadarŋ. 6Tiyɛɛrkoy koŋgoy kaarinoŋk a waasiyɛ kaarinoŋk, agut sinɔ dɛyɛɛɗ a gayɛr ola sigiŋɔŋk, nɛ kat ŋaatɛɛ. In ki gayɛ pedi nɛɛkɛk. 7Ŋaararkoy joop joope raŋk a suumi suumii raŋk, nɛ kaarariŋ, lakɛkoy ŋaawu a yike ɗookoŋk nyonitaakɛ sigɔɔgɛ ɓɛɛlɛr kundiyaakɛk. 8Ege sini baŋɛ, rakatɛ tuktan nɛɛk sinɔ ito suusuwi amɗ ɓartɛɛtoŋk.
9"Saakoyk gaɓɛrkoy kɔnu joop rakatɛya, ɓokootarkoy kɔnuŋ ɓooyurkoy kɔnu joop baŋɛ agut tiriya gaaŋk. 10Joop a ɓɔɔkaaŋ kaadɛrkoy ŋaadiyɛ gɛŋk gagaɓikoy ɛkanɛɛkɛ gɛŋk, kaararkoyŋ. 11Ŋaararkikoy joop pɛrkaakoŋk sigɔ nyonkaanakik a ɓɔɔkaaŋ, joop a ɓɔɔkaaŋ arɗikoy a tikiɗiikɛɛŋ. 12Saloorkoy mɛyin joop sigɔ ɓɔɔkaaŋɔŋkuk agut ɓɔɔkaaka tikiyɛɛkoŋk. 13Ma iɗit sinɔkoy ɓaŋkaawur mɛlɛɛɗa pediyaak bɔdɛkoyŋ. 14Waasɛɛkoy Pɛɛni sini Ɓɛlkɛɛstank burɛ Waakoyotoŋkuk ɗoo baŋɛ, kɛnɔkoy dakɛ a misikiri joopa ɗookoŋk baŋɛ, nɛkoy ɓaane saadi mɛlki pedtan nɛɛk.
15"Oko sinɛɓa toniiɗ iɗit pɛrkaakoŋk Danielk, saakoyk dɛnɛɛrkoy any sinɔ ŋɛɛwɛnŋɔŋk sinɔ ɓooyu Waakoyotuk a ɛtɛ nyon sinɔɔnɛɓa geetɛŋɔŋk." In koɓuku iɗit sinɛ ambabɗik sini. 16Saakoyk joop sigɛ atu ɗook Yuudaak, inkoy gonar kurkumɛɛka. 17Iɗit sinɔkoy ar godeey nɛɛkɛ ajeerantik katkoy worworiiki kɛnɔ boŋku ɓolaaturu gɛɛŋk godeey tak. 18Iɗit sinɔkoy ar taawoyk, katkoy weeriik baŋiya kɛnɔ boŋu abii nɛɛk. 19Durikoy ɗoŋikɛ sigaagɛ joopa sigaaga laki amtunɛk a joopa sigaaga ŋeŋeetunuk. 20In ɗanɗamaakɛɛ kɛnɔ mokoy ar togon noŋk baŋgii maŋk waawuy Sambatɛyoŋk.#24:20 Taapɛɛɓa sini agut sinɔ latuɓa joop Ayuuduk higi sinɔ kɛɛ ŋawiit waawuy Sambatɛyoŋk a ɗunɗumtaanak sigɛ jeeɗuwatuk a 1:2 21Saakoyk lakɛkoy rakatɛ sinɔ obiiŋɔŋk sinɔ inɓa kɛɛ a tukiɗi saaɓa riiɓeeɗ Waakoyot ɗook nɔ mɛlɛɛɗa ɓɛɛnyɔwasek, ɛkoy ɓɔrɛ ɔɗɔɔka kɛɛ sinɔ ito sɛɛnik. 22Ɔkɔnkoy ɗoŋ sigɛ kir dinykaŋ, gunkoy kɛɛ iɗit sinɔ bɔdɛk. Yakanakoy dinyatuŋ ɗoŋi sigɛŋ agut joop sigɛɓa daam Waakoyotuk. 23Saakoyk ɔkɔnkoy kɔna tonu iɗit omaay kɛ, 'Isi Keresee seedik!' Maŋk 'Ɔsɔ sooy!' kat ŋaadɛɛ. 24Agut sinɔ ŋaararkikoy Kereseyak sigɔ nyonkaanakik a joop pɛrkaakoŋk sigɔ nyonkaanakik. Ɔkɔn gayɛ sɛɛgaŋ, arir a tikiɗi joop sigɛɓa daamɛɛkiŋ, ijaagir sɔɔriyɛ a ola sigɔ reemɗigeeɗ ɓayaayk sigɔ boobɛrŋɔŋk. 25In dɛnɛɛko, tonaɓa kɔna jeemɛ any baŋɛŋ.
26"Ɔkɔnkoy kɔna tonɛɛ kɛ, 'Ɔsɔ Keresee ar paatonk,' nɛ kat kɛɛɗɛɛ, ɔkɔnkoy kɔna tonɛɛ kɛ, 'Ɔsɔ Keresee ar nyon sinɔɔnɛ dugaaŋɔŋk,' nɛ kat ŋaadɛɛ. 27Oko sini dɛnɛɛɗɛɛ nyaalan dari a nyaalɛ goyse mɛlkiɗ waawuyk mɛlɛɛɗa gɔɔtaase ɗiirirgeeɗ waawuyk ɓɛɛlɛkoy ɓɔrɛ mɛlɛ Tɔɔn Etoŋkuk oko sinɛk. 28Tolɗi sɔɔliilaŋɛk soodi lakiɗɛ any sinɔkɔ rɛrŋɔŋkuk.
29"Sisa ɗoŋikɛ sigaagɛkoy rakatɛyoŋk baŋiya, kɔjurkukoy waawuy kikoy gaamit ɛyɛn pɛɗɛrka, ɗiirarkikoy maryɔ dari, yikiɗiikoy ɓaŋkawukaata sigɛ atu darikiŋ.
30"Saakoyk dɛnɛɛkoy sɔɔriyɛ Tɔɔn Etoŋkuk dari, kuɗerkoy joop ɗookoŋk baŋɛ, dɛnɛrkoy Tɔɔn Etoŋk saakoy mɛlkiɗi dari gumoy ɓaŋkawukaat a eemɛyɔɔn sinɔɔnɛ obiiŋɔŋkuŋ. 31Sɛɛn wosɛykikoy wosɛytanaak gɛɛŋk a ɗooran luuri sinɔ obiiŋɔŋkuk, tolɛrkoy joop sigɛɓa daamɛɛ sɛɛgik gɔɔteerɛɛ sigaagɛ aŋank dari kɛntɛɛ goy omalte nɔ mɛlɛɛɗa kɛntɛya gɔɔta omalta.
32"In kɔna dakɛ kɛɛt bɛlɛɛsik a rɔmɛ a rɔɔriyɔn. Saa beetiyerɗi rɛkɛnak gɛɛnɛkik, ɛ ligimerɗi peeŋɔk gɛɛnɛkik nɛ sisa ɗegerari kɛ wɔɔŋku baŋgi. 33Nɛ ɓɔrɛ saakoy dɛnɛrɗɔ ola sigi baŋɛk, in ɗegerɛɛ kɛ wɔɔŋku, ɔɔtɛ sinɛkoy mɛlkiɗ Tɔn Etoŋkuk jɛt a ar tugaat. 34Eekeer tona kɔnaaŋ, nɔkoy dusanɛɛɗɛ sini baŋɛ joop sigi ɓɛɛlɛr sisɔk kirkoy badɛ baŋɛ. 35Ɗeyirkoy ɗook a dariŋ, mayakana Pɛɛni naak kikoy ɗeyi adaktan.
36"Kɛɛ iɗit sinɔkoy ɗeger ɓɛɛnyɔ sinɛkoyk a sayiti sinɛkoyk, kɛygun wosɛytaanak dariyoŋk kɛygun Tɔɔn nɛɛk ɗegeerakoy Ɛpɛn dakɛɗa. 37Oko sinɛɓa ɓɛɛlɛɛɗ eme Noohk, ɓɛɛlɛkoy ɓɔrɛ eme Tɔɔn Etoŋkuk oko sinɛk. 38Eme sinaanɛɓa yeeyeyoŋk ɔɗɔɔkɛ mɛlɛɛɗa ɗoŋika sigaagaɓa Nooh guugunyɗu emɗa sinɔɔna obiiŋɔŋkuk, joop ɗamiiɓa ɛ utiɗi, boboŋiɓa ɛ wawawar. 39Kirɓa ɗegerɔɔn kɛ ɓɛɛlɛkɔɔ ɛk nɔ mɛlɛɛɗa nɔɓa sɛɛg gaalirɗi nɔɓa sɛɛg diilerɗik baŋɛk, ɓɛɛlɛkoy ɓɔrɛ mɛlɛ Tɔɔn Etoŋkuk oko sinɛk. 40Saakoyk joop a pɛɛy atukoy taawoy, nɛkoy boŋɛɛ om ma omaay dakɛŋ. 41A jartiyatɔk a pɛɛy atukoy giyɛ, nɛkoy boŋɛɛ om ma omaay dakɛŋ.
42Agut sini "In koorɛɛ, agut sinɔ kirɗɔ ɗegerɔɔn ɓɛɛnyɔ sinɛkoy mɛlkiɗ Suumi noŋkuk. 43In koɓɛɛ sini. Ɔkɔn ɗeger ɗuma godeya kɛ mɛlkikɔɔ agalt kaalt sayitii sineeneŋ, gun ɓeɗi nɛ koorɛ gode nɛɛk kɛnɔ kat ŋuulɛɛ. 44Agut sini in ɓɛlkuunɛɛ ragad ɛɛkoŋk. Mɛlkikoy Tɔn Etoŋk sayitii sinɔɔnɛkɔ kiir koɓiiɗik.
45"Ijaagen kɛ wooɗ sinɔ ŋaadɛɛŋɔŋk ɛ ɗeger ɛɛkik, sinɛkoy daam suumi nɛɛkɛ ijaageerɛ gɛɛnɛk kɛnɔ sɛɛga gaɓɛ ɗama nɛŋk ɔɔtɛ nɛɛkɛkik? 46Ijaagen sinɔkoy mɛlki suumi nɛɛkɛ, nɛ dɛnɛ a kɔ ijaag oko sinɛkik geetitan. 47Eekeer tona kɔnaaŋ, daamkoy suumi nɛɛkɛ ijaagen sinɛ worii nɛɛkɛ baŋɛ raŋk. 48Mayakana ijaagen sinɛ ɔkɔn ŋɛɛwɛnŋ ɛ tonu ɓayaay nɛɛkɛ kɛ, 'Beeɗiirkɔɔ suumi naakɛŋ,' 49ɛ tuke tiɗiŋa saakomak gɛɛŋk ɔgɔ sigɔ ijaageerk ɛ ɗami ɛ utiɗi a tɔpɔytaanakiŋ, 50sɛɛn mɛlkikoy suumi nɛɛkɛ ɓɛɛnyɔ sinɔɔnɛkɔ ki koɓiiɗik a sayitii sinɔɔnɛkɔ ki koɓiiɗik. 51Goopkoy ijaagen sinɛ a ɓaŋkawuŋ, milkikoy nɛɛk a joop sigɔ gayar joop sigɔ mentaanaŋɔŋkuk, lakɛkoy saadi duri a ɗama ŋedakoŋk.
Currently Selected:
:
Highlight
Share
Copy
Want to have your highlights saved across all your devices? Sign up or sign in