KARARIADI 19
19
Dosa ngu Sodom
1Suapang bou nukisake si Abraham, malaikati darua e'e natamai sarang Sodom dang nurating pai se'e seng huwi. I Lot kakangiang su tukari u soa, dang suapang nakawua si sire, i sie nuwua dang nanginsomahi si sire. Bou e'e i sie nusuba su saruang i sire, 2dang nangul᷊i, “I Tuang sire ipundokang otongko su wal᷊eku. I Tuang sire botonge manguhasi l᷊aeri dang mangindul᷊e su wal᷊eku. Dol᷊ou boko mo, I Tuang sire botonge muwangung mal᷊uka-l᷊ukari dang manurusi l᷊al᷊al᷊engang.”
Kateho i sire nusumimbahi, “Tarima kase, walate i kami matiki su si'i, su peleng u soa.”
3I Lot nukahioro singapang botonge, dang panginsuenge i sire nusumu singkahindo dingange sarang l᷊al᷊ung u wal᷊enge. I Lot nanadia kang ko matemang dang nanongka boroti su kitae, mbuhue i sire nukumang.
4Kateho su horo u manga sake e'e nusumu matiki, manga tau Sodom nul᷊iku wal᷊e e'e. Kaul᷊i u taumata kol᷊aese su soa e'e, maneng ko maghurang arako l᷊ai makuda, ene su se'e. 5#Mam. 19:22-24I sire nunggo si Lot, dang nakina, “su apa manga taumata ko nusumongo natiki su wal᷊e ngu? Onggoko mai i sire, tadeau i kami botonge mupake si sire!”
6I Lot nusumuwang bou wal᷊e, dang bou e'e nangunsi tukari, 7i sie nangul᷊i su manga taumata ngu Sodom e'e, “Manga ana u simbau, ia mundo singapang botonge, kumbahang mukoa hal᷊i ko tumaniu dal᷊ai e'e! 8Kenangko raringihi, ia pia ana mahua darua. Walate daku isarakang i sire rua si kumu dang i kumu botonge mukoa wala kao i kumu si sire rua. Kateho kumbahang mukoa manga apa su manga sakeku i'i, watu'u ia mambeng mundiaga si sire.”
9Kateho angkung u manga taumata ngu Sodom e'e si Lot, “Tamai! I kau tau raghi mangatori si kami? Dakoe tamai! Boko ta, i kau sarung pahangeng i kami nangilembo buhae bou i sire rua e'e.” Bou e'e i sire nanuhuri si Lot dang manumbou mundusa tukari. 10Arawe sake darua e'e nangonggo u l᷊ima ngi sire rua dang namol᷊eng si Lot pasu sarang l᷊al᷊ung u wal᷊e, mbuhue nangunsi tukari. 11#2Mar. 6:18 I sire rua nupakawuta ngu kaul᷊i u taumata ko ene su l᷊ikuru wal᷊e e'e, hakiu manga taumata e'e ta makarea tukari e'e l᷊ai.
I Lot nanintang u Sodom
12Sake darua e'e nangul᷊i si Lot, “Boko i kau pia ana ko ese, ana kowawine, manuhang arako manga ana u singkatau ngu ko wal᷊inge, ko natana su l᷊al᷊ung u soa i'i, wawate i sire pasuwang bou soa i'i, 13watu'u soa i'i sarung ipakawinasa ngi kami. Mawu seng nundaringihi manga l᷊aantang ko tumaniu dal᷊ai su kawanua su si'i, dang i kami seng niroi-E guna ngu mupakawinasa soa ngu Sodom.”
14Bou e'e i Lot natamai nusombang tunangang u ana darua, dang nangul᷊i, “Kaehongte suwang bou tampa i'i, watu'u Mawu sarung mupakawinasa ngu tampa i'i.” Kateho su naung ngi sire i Lot kapul᷊abiasi.
15Mborong kalonge, malaikati darua e'e nangosa si Lot tadeau pakaehong muwua, “Kaehongte”, angkung i sire. “Tamaite dingang kawingu l᷊au anau ko mahua darua e'e bou i'i, tadeau i kumu ta mate boko soa i'i ipakawinasa.” 16#2Ptr. 2:7I Lot nubingo. Kateho Mawu nukumindaghi si sie, watu'u e'e sake'e darua e'e nangaha si Lot l᷊au kawinge dang anae mahua darua sarang l᷊ikuru soa. 17Bou e'e singkatau bou malaikati e'e nangul᷊i, “Tal᷊angte, pangambang watangeng i kumu! Kumbahang muwihu sarang l᷊ikuri, dang kumbahang mangiro su wal᷊ange. Tal᷊angte sarang wul᷊uri, tadeau i kumu ta mate!”
18Kateho i Lot nusumimbahi, “Ina, i Tuang ari pangoro si kami patal᷊ang sarang wul᷊uri. 19Tingari i Tuang seng nutul᷊ung kahingang si sia dang nanal᷊amati watangengku. Kateho wul᷊uri e'e tumaniu marau, ntihang ia kasahapungang u silaka e'e dang nate su horo u murating u pai e'e 20Tuhunge ko su saruang pai e'e pia soa ko dio ko ta tumaniu marau. Pakawalako ia tumal᷊ang sarang pai e'e tadeau masal᷊amati.”
21Malaikati e'e nusumimbahi, “Kere'ete, soa ko dio e'e ta ipakawinasa. 22Pakaehong, tal᷊angte! Watu'u ia ta makakoa manga apa su horo u i kau murating u pai e'e.”
Ual᷊ing i Lot nusigho soa e'e ko dio, kuteu soa e'e nisigho Zoar.#19:22: Zoar: Areng i'i tingihie kere su wahasa ngi Ibrani mangal᷊enge: “Ko dio”.
Kaghaghoghahi u Sodom l᷊au Gomora
23Matangutiti seng kasuwange su tempo ngi Lot nurating u Zoar. 24Singkahuwi u Mawu nupal᷊intu u tahiti malelang putung su Sodom l᷊au Gomora. 25#Mat. 10:15, 11:23-24; Luk. 10:12, 17:29; 2Ptr. 2:6; Yud. 7Soa darua e'e nipakaghoghahi, kaul᷊i u wal᷊ange l᷊ai dang apang ko katuwonge l᷊au kaul᷊i u kawanua su se'e. 26#Luk. 17:32Arawe kawing i Lot nuwihu sarang l᷊ikuri, bou e'e i sie nuwal᷊u nakoa tiang garang.
27Ndai nal᷊ou, mal᷊uka-l᷊ukari, i Abraham maehong-ehong nakoa sarang tampa l᷊inau i sie nurumarisi su saruang u Mawu silou su horo u e'e. 28I sie nutuhung sarang Sodom l᷊au Gomora dang sarang apang wal᷊ange, dang nakawua tipu tutipu bou tana e'e, nusul᷊ung u tipu bou sunggili u ansuang. 29Kere'e su tempo ngu Mawu Ruata nupakawinasa ngu manga soa e'e su wal᷊ange su apa i Lot natana, Mawu Ruata nutinaung si Abraham dang nutul᷊ung si Lot nutumal᷊ang u watangenge.
Asal᷊i tau Moab l᷊au tau Amon
30Watu'u i Lot mataku matana turusi su Zoar, kuteu i sie nusumaka sarang wul᷊uri singkahindo dingang u anae kowawine darua, bou e'e natana su l᷊al᷊ung u l᷊iang simbau. 31Anae kowawine ko iyakang nangul᷊i su tuaringe, “I Papa seng maghurang, dang su kaul᷊i u soa #19:31: kaul᷊i u soa arako kaul᷊i u dunia. i'i takoae ko ese ko hinonge mukawing dingang i karua tadeau i kite botonge makarea ana. 32Maite, i papa bukaneng i karua, bou e'e i kite matiki dingange tadeau i kite makarea ana.” 33Su huwi e'e i sire nangonggo anggori paki'inung si papange, bou e'e ana ko iyakang natiki dingang i papange; arawe i papange bukang maturu hakiu wugha apa ko nariadi.
34Ndai mal᷊ou, ana ko iyakang nangul᷊i su tuaringe, “Mungkilaeng ia seng natiki dingang i papa! Ntihang huwi i karua sau mupakabukang si sie. Bou e'e katikie i kau dingange. I karua sarung makarea ana.” 35Kere'e su huwi e'e i sire nupakabukang i Lot, dang anae ko karuange natiki dingange. Dang i Lot sau nabukang maturu hakiu wugha apa ko nariadi. 36Bou e'e ana i Lot darua e'e pia kal᷊uwaenge bo i papa ngi sire rua. 37Ana ko iyakang nahinding ana ko ese dang nisighonge si Moab.#19:37: Moab: Arenge i'i tingihie kere su wahasa ngu Ibrani mangal᷊enge “Bo i papaku”. I sie nakoa i upung u tau Moab orasi i'i 38ana ko karuange nahinding ana ko ese l᷊ai ko nisighonge si Ben-Ami.#19:38: Ben-Ami: Areng i'i su wahasa ngu Ibrani mangal᷊enge: “Ana bou ana u simbauku”, dang tingihie kere su wahasa ngu Ibrani guna ngu “tau Amon”. I sie nakoa i upung u bangsa Amon orasi i'i.
Currently Selected:
KARARIADI 19: PLT
Highlight
Share
Copy
Want to have your highlights saved across all your devices? Sign up or sign in
KARARIADI 19
19
Dosa ngu Sodom
1Suapang bou nukisake si Abraham, malaikati darua e'e natamai sarang Sodom dang nurating pai se'e seng huwi. I Lot kakangiang su tukari u soa, dang suapang nakawua si sire, i sie nuwua dang nanginsomahi si sire. Bou e'e i sie nusuba su saruang i sire, 2dang nangul᷊i, “I Tuang sire ipundokang otongko su wal᷊eku. I Tuang sire botonge manguhasi l᷊aeri dang mangindul᷊e su wal᷊eku. Dol᷊ou boko mo, I Tuang sire botonge muwangung mal᷊uka-l᷊ukari dang manurusi l᷊al᷊al᷊engang.”
Kateho i sire nusumimbahi, “Tarima kase, walate i kami matiki su si'i, su peleng u soa.”
3I Lot nukahioro singapang botonge, dang panginsuenge i sire nusumu singkahindo dingange sarang l᷊al᷊ung u wal᷊enge. I Lot nanadia kang ko matemang dang nanongka boroti su kitae, mbuhue i sire nukumang.
4Kateho su horo u manga sake e'e nusumu matiki, manga tau Sodom nul᷊iku wal᷊e e'e. Kaul᷊i u taumata kol᷊aese su soa e'e, maneng ko maghurang arako l᷊ai makuda, ene su se'e. 5#Mam. 19:22-24I sire nunggo si Lot, dang nakina, “su apa manga taumata ko nusumongo natiki su wal᷊e ngu? Onggoko mai i sire, tadeau i kami botonge mupake si sire!”
6I Lot nusumuwang bou wal᷊e, dang bou e'e nangunsi tukari, 7i sie nangul᷊i su manga taumata ngu Sodom e'e, “Manga ana u simbau, ia mundo singapang botonge, kumbahang mukoa hal᷊i ko tumaniu dal᷊ai e'e! 8Kenangko raringihi, ia pia ana mahua darua. Walate daku isarakang i sire rua si kumu dang i kumu botonge mukoa wala kao i kumu si sire rua. Kateho kumbahang mukoa manga apa su manga sakeku i'i, watu'u ia mambeng mundiaga si sire.”
9Kateho angkung u manga taumata ngu Sodom e'e si Lot, “Tamai! I kau tau raghi mangatori si kami? Dakoe tamai! Boko ta, i kau sarung pahangeng i kami nangilembo buhae bou i sire rua e'e.” Bou e'e i sire nanuhuri si Lot dang manumbou mundusa tukari. 10Arawe sake darua e'e nangonggo u l᷊ima ngi sire rua dang namol᷊eng si Lot pasu sarang l᷊al᷊ung u wal᷊e, mbuhue nangunsi tukari. 11#2Mar. 6:18 I sire rua nupakawuta ngu kaul᷊i u taumata ko ene su l᷊ikuru wal᷊e e'e, hakiu manga taumata e'e ta makarea tukari e'e l᷊ai.
I Lot nanintang u Sodom
12Sake darua e'e nangul᷊i si Lot, “Boko i kau pia ana ko ese, ana kowawine, manuhang arako manga ana u singkatau ngu ko wal᷊inge, ko natana su l᷊al᷊ung u soa i'i, wawate i sire pasuwang bou soa i'i, 13watu'u soa i'i sarung ipakawinasa ngi kami. Mawu seng nundaringihi manga l᷊aantang ko tumaniu dal᷊ai su kawanua su si'i, dang i kami seng niroi-E guna ngu mupakawinasa soa ngu Sodom.”
14Bou e'e i Lot natamai nusombang tunangang u ana darua, dang nangul᷊i, “Kaehongte suwang bou tampa i'i, watu'u Mawu sarung mupakawinasa ngu tampa i'i.” Kateho su naung ngi sire i Lot kapul᷊abiasi.
15Mborong kalonge, malaikati darua e'e nangosa si Lot tadeau pakaehong muwua, “Kaehongte”, angkung i sire. “Tamaite dingang kawingu l᷊au anau ko mahua darua e'e bou i'i, tadeau i kumu ta mate boko soa i'i ipakawinasa.” 16#2Ptr. 2:7I Lot nubingo. Kateho Mawu nukumindaghi si sie, watu'u e'e sake'e darua e'e nangaha si Lot l᷊au kawinge dang anae mahua darua sarang l᷊ikuru soa. 17Bou e'e singkatau bou malaikati e'e nangul᷊i, “Tal᷊angte, pangambang watangeng i kumu! Kumbahang muwihu sarang l᷊ikuri, dang kumbahang mangiro su wal᷊ange. Tal᷊angte sarang wul᷊uri, tadeau i kumu ta mate!”
18Kateho i Lot nusumimbahi, “Ina, i Tuang ari pangoro si kami patal᷊ang sarang wul᷊uri. 19Tingari i Tuang seng nutul᷊ung kahingang si sia dang nanal᷊amati watangengku. Kateho wul᷊uri e'e tumaniu marau, ntihang ia kasahapungang u silaka e'e dang nate su horo u murating u pai e'e 20Tuhunge ko su saruang pai e'e pia soa ko dio ko ta tumaniu marau. Pakawalako ia tumal᷊ang sarang pai e'e tadeau masal᷊amati.”
21Malaikati e'e nusumimbahi, “Kere'ete, soa ko dio e'e ta ipakawinasa. 22Pakaehong, tal᷊angte! Watu'u ia ta makakoa manga apa su horo u i kau murating u pai e'e.”
Ual᷊ing i Lot nusigho soa e'e ko dio, kuteu soa e'e nisigho Zoar.#19:22: Zoar: Areng i'i tingihie kere su wahasa ngi Ibrani mangal᷊enge: “Ko dio”.
Kaghaghoghahi u Sodom l᷊au Gomora
23Matangutiti seng kasuwange su tempo ngi Lot nurating u Zoar. 24Singkahuwi u Mawu nupal᷊intu u tahiti malelang putung su Sodom l᷊au Gomora. 25#Mat. 10:15, 11:23-24; Luk. 10:12, 17:29; 2Ptr. 2:6; Yud. 7Soa darua e'e nipakaghoghahi, kaul᷊i u wal᷊ange l᷊ai dang apang ko katuwonge l᷊au kaul᷊i u kawanua su se'e. 26#Luk. 17:32Arawe kawing i Lot nuwihu sarang l᷊ikuri, bou e'e i sie nuwal᷊u nakoa tiang garang.
27Ndai nal᷊ou, mal᷊uka-l᷊ukari, i Abraham maehong-ehong nakoa sarang tampa l᷊inau i sie nurumarisi su saruang u Mawu silou su horo u e'e. 28I sie nutuhung sarang Sodom l᷊au Gomora dang sarang apang wal᷊ange, dang nakawua tipu tutipu bou tana e'e, nusul᷊ung u tipu bou sunggili u ansuang. 29Kere'e su tempo ngu Mawu Ruata nupakawinasa ngu manga soa e'e su wal᷊ange su apa i Lot natana, Mawu Ruata nutinaung si Abraham dang nutul᷊ung si Lot nutumal᷊ang u watangenge.
Asal᷊i tau Moab l᷊au tau Amon
30Watu'u i Lot mataku matana turusi su Zoar, kuteu i sie nusumaka sarang wul᷊uri singkahindo dingang u anae kowawine darua, bou e'e natana su l᷊al᷊ung u l᷊iang simbau. 31Anae kowawine ko iyakang nangul᷊i su tuaringe, “I Papa seng maghurang, dang su kaul᷊i u soa #19:31: kaul᷊i u soa arako kaul᷊i u dunia. i'i takoae ko ese ko hinonge mukawing dingang i karua tadeau i kite botonge makarea ana. 32Maite, i papa bukaneng i karua, bou e'e i kite matiki dingange tadeau i kite makarea ana.” 33Su huwi e'e i sire nangonggo anggori paki'inung si papange, bou e'e ana ko iyakang natiki dingang i papange; arawe i papange bukang maturu hakiu wugha apa ko nariadi.
34Ndai mal᷊ou, ana ko iyakang nangul᷊i su tuaringe, “Mungkilaeng ia seng natiki dingang i papa! Ntihang huwi i karua sau mupakabukang si sie. Bou e'e katikie i kau dingange. I karua sarung makarea ana.” 35Kere'e su huwi e'e i sire nupakabukang i Lot, dang anae ko karuange natiki dingange. Dang i Lot sau nabukang maturu hakiu wugha apa ko nariadi. 36Bou e'e ana i Lot darua e'e pia kal᷊uwaenge bo i papa ngi sire rua. 37Ana ko iyakang nahinding ana ko ese dang nisighonge si Moab.#19:37: Moab: Arenge i'i tingihie kere su wahasa ngu Ibrani mangal᷊enge “Bo i papaku”. I sie nakoa i upung u tau Moab orasi i'i 38ana ko karuange nahinding ana ko ese l᷊ai ko nisighonge si Ben-Ami.#19:38: Ben-Ami: Areng i'i su wahasa ngu Ibrani mangal᷊enge: “Ana bou ana u simbauku”, dang tingihie kere su wahasa ngu Ibrani guna ngu “tau Amon”. I sie nakoa i upung u bangsa Amon orasi i'i.
Currently Selected:
:
Highlight
Share
Copy
Want to have your highlights saved across all your devices? Sign up or sign in