LUKAS 5
5
I Yesus namile manga tumatuhu-E ko kahimotongange
(Mat. 4:18-22; Mrk. 1:16-20)
1 #
Mat. 13:1-2; Mrk. 3:9-10, 4:1 Pia singkatempo, I Yesus nurumarisi su apeng u Rano Genesaret. Maul᷊i taumata ko kapusasise'e guna ngu mundaringihi habari bou Mawu Ruata. 2I Yesus nakawua sakaeng darua su apeng e'e; manga mukakisaghe e'e seng nul᷊umintu bou manga sakaeng e'e dang nanguhasi soma i sire. 3I Yesus nusumake su sakaeng singgisa, sakaeng i Simon, bou e'e nuparenta si Simon panuhuri sakaenge pakarau singkodo bou apeng. I Yesus nukumangiang su l᷊al᷊ung u sakaeng e'e dang nanintiro taumata maul᷊i.
4Suapang nasue tintironge, I Sie nangul᷊i si Simon, “Pundal᷊ie sarang tampa ko mal᷊al᷊ung, dang piloe somau panoma kina,”
5 #
Yoh. 21:3
“Tuang Guru”, sasimbahi Simon, “Sihuwi tiwatu i kami seng nutawakal᷊i kahingang, kateho mang ta nakarea sarang simbua! Kateho ual᷊ing I Tuang nangoro, kere'ete; ia sau mamilo soma.” 6#Yoh. 21:6Nasue i sire nukoa e'e, i sire nakaal᷊a kina maul᷊i kahingang hakiu soma i sire manita maghehe. 7Ual᷊ingu e'e i sire nakitul᷊ung su manga ghawe ngi sire su sakaeng ko wal᷊inge. Manga ghawe ngi sire e'e nusumandighi, bou e'e i sire singkahindo nutaho sakaeng dua nggisa e'e natihughi u kina sarang manga sakaeng e'e masandighi mawontol᷊i. 8Su tempo i Simon nakawua e'e, i sie nusuba su saruang I Yesus bou e'e nangul᷊i, “Tintangte ia, Mawu! Watu'u ia taumata ko bardosa!”
9I Simon l᷊au apang taumata ko dingange naherang nakawua kaul᷊i u kina ko nikaal᷊a i sire. 10Kere'e l᷊ai dingang u manga ghawe ngi Simon, i Yakobus l᷊au i Yohanes, manga ana i Zebedeus. I Yesus nangul᷊i si Simon, “Kumbahang mataku! Manita bou tempo i'i i kau sarung makoa mananoma taumata.”
11I Simon l᷊au manga ghawe'e, namol᷊eng manga sakaeng e'e sarang apeng bou e'e nanintang u kaul᷊ie, mbuhue nutumuhu si Yesus.
I Yesus nupakaul᷊e ngu singkatau ko pia sakie pisi ko makatataku
(Mat. 8:1-4; Mrk. 1:40-45)
12Pia su silou, I Yesus ene su soa simbau. Pai se'e pia singkatau ko ese pia saki pisi ko makatataku.#5:12: saki pisi ko makatataku: Tumuhu atorang u agama Yahudi, saki i'i makakoa masasaki e'e ta botonge manumba Mawu Ruata su tampa pukakal᷊iomanengang. Su tempo i sie nakawua si Yesus, i sie nusuba su saruang-E apiru nundo, “Tuang, boko I Tuang mo, I Tuang botonge mupakaul᷊e ngu ia!”
13I Yesus nuhinggo taumata e'e apiru nangul᷊i, “Ia mo, kaul᷊ete!” Singkatempo e'e l᷊ai sakie nailang. 14#Im. 14:1-32Bou e'e I Yesus nularang su tau e'e muwuke ngu hal᷊i e'e si sai-sai, angkung-E, “Dakote tamai sarang koa u Imam, dang pundo tadeau i sie pul᷊ahe i kau seng naul᷊e. Bou e'e dakote pangonggo sasumba ngu kere ko niparenta ngi Musa, kere tatia su manga taumata himoneu i kau seng tinga-tingari naul᷊e.”
15Arawe habari u hal᷊i I Yesus nanamba nakeke suapang tampa, dang maul᷊i taumata nusumongo nundaringihi si Sie dang tadeau ipakaul᷊e bou saki i sire. 16Bou e'e I Yesus natamai nukal᷊iomaneng sarang tampa ko mal᷊umpi.
I Yesus nupakaul᷊e ngu singkatau ko pepa
(Mat. 9:1-8; Mrk. 2:1-12)
17Pia su silou su tempo I Yesus kapanintironge, pia pirangkatau tau Farisi dang manga meteri agama kakangiang su se'e. I sire nusumongo bou Yerusalem, dang bou manga soa su Galilea l᷊au Yudea. Kawasang-U Mawu ene si Yesus guna ngu mupakaul᷊e manga taumata masasaki. 18Su tempo e'e pia taumata pirangkatau numbawa singkatau ko pepa l᷊oka-l᷊oka su tupihi. I sire nutawakal᷊i numbawa tau e'e sarang l᷊al᷊ung u wal᷊e tadeau makapamilo i sie su saruang I Yesus. 19Kateho ual᷊ingu taumata tumaniu maul᷊i su se'e, kuteu i sire ta nakawawa si sie nusumu. Ual᷊ingu e'e i sie nirui su wawo u atu u wal᷊e. Bou e'e i sire nul᷊ekesi atu, dang nangul᷊uhi si sie dingang u tupihi su saruang I Yesus su tal᷊oara u taumata maul᷊i e'e. 20Su tempo I Yesus nakawua pangangimang i sire kere'e kal᷊aboe, “I Sie nangul᷊i su tau e'e,” Anu, dosangu seng niampungang.
21Manga meteri agama dang manga tau Farisi nudidato i sire l᷊awo i sire, “I sai Taumata i'i ko wahani muhinakang Mawu Ruata? I sai botonge makaampung dosa, su l᷊ikuru Mawu Ruata?”
22I Yesus matitong kakina i sire. I Sie nangul᷊i, “Nakurawe i kumu nukina kere'e su l᷊al᷊ung naung i kumu? 23Sude'e lebe maehong, mangul᷊i, ‘Dosangu seng niampungang,’ arako mangul᷊i, ‘Wangungte dang l᷊al᷊engte!’? 24Arawe su tempo i'i Ia mo mupakal᷊ahe si kumu himoneu su wawo u dunia i'i Ahusi Taumata pia kawasa mangampung dosa.” Bou e'e I Yesus nangul᷊i su tau ko pepa e'e, “Wangungte, hengke wawilau, dang kapul᷊e'e!”
25Tau e'e dingang nuwangung su tingo ngi sire kaul᷊ie, bou e'e nuhengke tupihie, dang napul᷊e apiru kapundalonge Mawu Ruata.
26I sire kaul᷊ie naherang, bou e'e nundalo Mawu Ruata. Dang su l᷊al᷊ung u katataku, i sire nangul᷊i, “Makal᷊aherang kahingang hal᷊i ko nikawua ngi kite silou i'i!”
I Yesus nukui si Lewi
(Mat. 9:9-13; Mrk. 2:13-17)
27Bou e'e I Yesus nusumuwang dang nakawua singkatau mananuntu balasteng, arenge i Lewi, kakangiang su kantorie. I Yesus nangul᷊i si sie, “Tuhute si Sia.” 28I Lewi nurumarisi dang nanintang u kaul᷊ie, bou e'e nutumuhu si Yesus.
29Bou e'e i Lewi nukoa sal᷊iwang su wal᷊enge guna ngi Yesus. Maul᷊i manga mananuntu balasteng dang taumata ko wal᷊inge nukumang dingang i sire. 30#Luk. 15:1-2Pira ngkatau taumata ngu Farisi dang manga meteri agama ta masanang, bou e'e nangul᷊i su tumatuhu-E, “Nakurawe i kumu kaul᷊ie nukumang nanginung dingang mananuntu u balasteng l᷊au taumata ko dal᷊ai?”
31I Yesus nusumimbahi, “Taumata ko matoghasi ta makoa sarang dokter, kitang taumata ko masaki. 32Ia nuruminta wal᷊inge guna ngu mukui taumata ko mupundang u watangenge seng mapia, kateho guna ngu taumata ko bardosa tadeau i sire mutobati bou apang dosa ngi sire.”
Hal᷊i u Puasa
(Mat. 9:14-17; Mrk. 2:18-22)
33Manga taumata nangul᷊i si Yesus, “Tumatuhu i Yohanes l᷊au tumatuhu tau Farisi masau mupuasa dang mukal᷊iomaneng. Arawe manga tumatuhu-U kakange dang kainunge.”
34I Yesus nusumimbahi, “Apa i kumu makaoro manga sake mupuasa su sal᷊iwang u kawing, su tempo ngu pardegong mborong dingang i sire? Tantu ta! 35Kateho sarung pia temponge pardegong e'e al᷊akeng bo i sire. Su tempo e'e i sire sarung mupuasa.”
36Bou e'e I Yesus nuwuke si sire papinintu i'i, “Takoae taumata ko manampeli l᷊aku ko tuwei dingang u heka simpoto bou l᷊aku ko wuhu. Watu'u i sie makaghehe l᷊aku ko wuhu e'e. Kere'e l᷊ai heka ko wuhu tatampeli e'e ta muhino dingang u l᷊aku ko tuwei e'e. 37Kere'e l᷊ai takoae taumata ko mutuang anggori ko wuhu su l᷊al᷊ung u tampa ko tuwei, watu'u anggori ko wuhu e'e makakoa tampa e'e mawuka. Kuteu anggori mawoso dang tampae marusa. 38Anggori ko wuhu mambeng taho l᷊ai su tampa ko wuhu. 39Kere'e l᷊ai takoae taumata ko mo manginung anggori ko wuhu bou nanginung anggori ko tuwei. ‘Anggori ko tuwei lebe matemang,’ angkunge.”
Currently Selected:
LUKAS 5: PLT
Highlight
Share
Copy
Want to have your highlights saved across all your devices? Sign up or sign in
LUKAS 5
5
I Yesus namile manga tumatuhu-E ko kahimotongange
(Mat. 4:18-22; Mrk. 1:16-20)
1 #
Mat. 13:1-2; Mrk. 3:9-10, 4:1 Pia singkatempo, I Yesus nurumarisi su apeng u Rano Genesaret. Maul᷊i taumata ko kapusasise'e guna ngu mundaringihi habari bou Mawu Ruata. 2I Yesus nakawua sakaeng darua su apeng e'e; manga mukakisaghe e'e seng nul᷊umintu bou manga sakaeng e'e dang nanguhasi soma i sire. 3I Yesus nusumake su sakaeng singgisa, sakaeng i Simon, bou e'e nuparenta si Simon panuhuri sakaenge pakarau singkodo bou apeng. I Yesus nukumangiang su l᷊al᷊ung u sakaeng e'e dang nanintiro taumata maul᷊i.
4Suapang nasue tintironge, I Sie nangul᷊i si Simon, “Pundal᷊ie sarang tampa ko mal᷊al᷊ung, dang piloe somau panoma kina,”
5 #
Yoh. 21:3
“Tuang Guru”, sasimbahi Simon, “Sihuwi tiwatu i kami seng nutawakal᷊i kahingang, kateho mang ta nakarea sarang simbua! Kateho ual᷊ing I Tuang nangoro, kere'ete; ia sau mamilo soma.” 6#Yoh. 21:6Nasue i sire nukoa e'e, i sire nakaal᷊a kina maul᷊i kahingang hakiu soma i sire manita maghehe. 7Ual᷊ingu e'e i sire nakitul᷊ung su manga ghawe ngi sire su sakaeng ko wal᷊inge. Manga ghawe ngi sire e'e nusumandighi, bou e'e i sire singkahindo nutaho sakaeng dua nggisa e'e natihughi u kina sarang manga sakaeng e'e masandighi mawontol᷊i. 8Su tempo i Simon nakawua e'e, i sie nusuba su saruang I Yesus bou e'e nangul᷊i, “Tintangte ia, Mawu! Watu'u ia taumata ko bardosa!”
9I Simon l᷊au apang taumata ko dingange naherang nakawua kaul᷊i u kina ko nikaal᷊a i sire. 10Kere'e l᷊ai dingang u manga ghawe ngi Simon, i Yakobus l᷊au i Yohanes, manga ana i Zebedeus. I Yesus nangul᷊i si Simon, “Kumbahang mataku! Manita bou tempo i'i i kau sarung makoa mananoma taumata.”
11I Simon l᷊au manga ghawe'e, namol᷊eng manga sakaeng e'e sarang apeng bou e'e nanintang u kaul᷊ie, mbuhue nutumuhu si Yesus.
I Yesus nupakaul᷊e ngu singkatau ko pia sakie pisi ko makatataku
(Mat. 8:1-4; Mrk. 1:40-45)
12Pia su silou, I Yesus ene su soa simbau. Pai se'e pia singkatau ko ese pia saki pisi ko makatataku.#5:12: saki pisi ko makatataku: Tumuhu atorang u agama Yahudi, saki i'i makakoa masasaki e'e ta botonge manumba Mawu Ruata su tampa pukakal᷊iomanengang. Su tempo i sie nakawua si Yesus, i sie nusuba su saruang-E apiru nundo, “Tuang, boko I Tuang mo, I Tuang botonge mupakaul᷊e ngu ia!”
13I Yesus nuhinggo taumata e'e apiru nangul᷊i, “Ia mo, kaul᷊ete!” Singkatempo e'e l᷊ai sakie nailang. 14#Im. 14:1-32Bou e'e I Yesus nularang su tau e'e muwuke ngu hal᷊i e'e si sai-sai, angkung-E, “Dakote tamai sarang koa u Imam, dang pundo tadeau i sie pul᷊ahe i kau seng naul᷊e. Bou e'e dakote pangonggo sasumba ngu kere ko niparenta ngi Musa, kere tatia su manga taumata himoneu i kau seng tinga-tingari naul᷊e.”
15Arawe habari u hal᷊i I Yesus nanamba nakeke suapang tampa, dang maul᷊i taumata nusumongo nundaringihi si Sie dang tadeau ipakaul᷊e bou saki i sire. 16Bou e'e I Yesus natamai nukal᷊iomaneng sarang tampa ko mal᷊umpi.
I Yesus nupakaul᷊e ngu singkatau ko pepa
(Mat. 9:1-8; Mrk. 2:1-12)
17Pia su silou su tempo I Yesus kapanintironge, pia pirangkatau tau Farisi dang manga meteri agama kakangiang su se'e. I sire nusumongo bou Yerusalem, dang bou manga soa su Galilea l᷊au Yudea. Kawasang-U Mawu ene si Yesus guna ngu mupakaul᷊e manga taumata masasaki. 18Su tempo e'e pia taumata pirangkatau numbawa singkatau ko pepa l᷊oka-l᷊oka su tupihi. I sire nutawakal᷊i numbawa tau e'e sarang l᷊al᷊ung u wal᷊e tadeau makapamilo i sie su saruang I Yesus. 19Kateho ual᷊ingu taumata tumaniu maul᷊i su se'e, kuteu i sire ta nakawawa si sie nusumu. Ual᷊ingu e'e i sie nirui su wawo u atu u wal᷊e. Bou e'e i sire nul᷊ekesi atu, dang nangul᷊uhi si sie dingang u tupihi su saruang I Yesus su tal᷊oara u taumata maul᷊i e'e. 20Su tempo I Yesus nakawua pangangimang i sire kere'e kal᷊aboe, “I Sie nangul᷊i su tau e'e,” Anu, dosangu seng niampungang.
21Manga meteri agama dang manga tau Farisi nudidato i sire l᷊awo i sire, “I sai Taumata i'i ko wahani muhinakang Mawu Ruata? I sai botonge makaampung dosa, su l᷊ikuru Mawu Ruata?”
22I Yesus matitong kakina i sire. I Sie nangul᷊i, “Nakurawe i kumu nukina kere'e su l᷊al᷊ung naung i kumu? 23Sude'e lebe maehong, mangul᷊i, ‘Dosangu seng niampungang,’ arako mangul᷊i, ‘Wangungte dang l᷊al᷊engte!’? 24Arawe su tempo i'i Ia mo mupakal᷊ahe si kumu himoneu su wawo u dunia i'i Ahusi Taumata pia kawasa mangampung dosa.” Bou e'e I Yesus nangul᷊i su tau ko pepa e'e, “Wangungte, hengke wawilau, dang kapul᷊e'e!”
25Tau e'e dingang nuwangung su tingo ngi sire kaul᷊ie, bou e'e nuhengke tupihie, dang napul᷊e apiru kapundalonge Mawu Ruata.
26I sire kaul᷊ie naherang, bou e'e nundalo Mawu Ruata. Dang su l᷊al᷊ung u katataku, i sire nangul᷊i, “Makal᷊aherang kahingang hal᷊i ko nikawua ngi kite silou i'i!”
I Yesus nukui si Lewi
(Mat. 9:9-13; Mrk. 2:13-17)
27Bou e'e I Yesus nusumuwang dang nakawua singkatau mananuntu balasteng, arenge i Lewi, kakangiang su kantorie. I Yesus nangul᷊i si sie, “Tuhute si Sia.” 28I Lewi nurumarisi dang nanintang u kaul᷊ie, bou e'e nutumuhu si Yesus.
29Bou e'e i Lewi nukoa sal᷊iwang su wal᷊enge guna ngi Yesus. Maul᷊i manga mananuntu balasteng dang taumata ko wal᷊inge nukumang dingang i sire. 30#Luk. 15:1-2Pira ngkatau taumata ngu Farisi dang manga meteri agama ta masanang, bou e'e nangul᷊i su tumatuhu-E, “Nakurawe i kumu kaul᷊ie nukumang nanginung dingang mananuntu u balasteng l᷊au taumata ko dal᷊ai?”
31I Yesus nusumimbahi, “Taumata ko matoghasi ta makoa sarang dokter, kitang taumata ko masaki. 32Ia nuruminta wal᷊inge guna ngu mukui taumata ko mupundang u watangenge seng mapia, kateho guna ngu taumata ko bardosa tadeau i sire mutobati bou apang dosa ngi sire.”
Hal᷊i u Puasa
(Mat. 9:14-17; Mrk. 2:18-22)
33Manga taumata nangul᷊i si Yesus, “Tumatuhu i Yohanes l᷊au tumatuhu tau Farisi masau mupuasa dang mukal᷊iomaneng. Arawe manga tumatuhu-U kakange dang kainunge.”
34I Yesus nusumimbahi, “Apa i kumu makaoro manga sake mupuasa su sal᷊iwang u kawing, su tempo ngu pardegong mborong dingang i sire? Tantu ta! 35Kateho sarung pia temponge pardegong e'e al᷊akeng bo i sire. Su tempo e'e i sire sarung mupuasa.”
36Bou e'e I Yesus nuwuke si sire papinintu i'i, “Takoae taumata ko manampeli l᷊aku ko tuwei dingang u heka simpoto bou l᷊aku ko wuhu. Watu'u i sie makaghehe l᷊aku ko wuhu e'e. Kere'e l᷊ai heka ko wuhu tatampeli e'e ta muhino dingang u l᷊aku ko tuwei e'e. 37Kere'e l᷊ai takoae taumata ko mutuang anggori ko wuhu su l᷊al᷊ung u tampa ko tuwei, watu'u anggori ko wuhu e'e makakoa tampa e'e mawuka. Kuteu anggori mawoso dang tampae marusa. 38Anggori ko wuhu mambeng taho l᷊ai su tampa ko wuhu. 39Kere'e l᷊ai takoae taumata ko mo manginung anggori ko wuhu bou nanginung anggori ko tuwei. ‘Anggori ko tuwei lebe matemang,’ angkunge.”
Currently Selected:
:
Highlight
Share
Copy
Want to have your highlights saved across all your devices? Sign up or sign in