YOHANES 3
3
Ar Yesus Nikodemus imbirak Wene mbalkugwa wene
1Ap Farisi mende ambi endaga Nikodemus, ar ebe agama wene paga eti, ar anggup lektek mende arar welagage. 2O kukbaga ambi paga, ar enogo Yesus oba waga lagagerek, men yorige, “Aii, Guru Nombae o, nir ninilu eti, Kar Ar Allah nen lakbagi waga o. Nenaluk, Nombae Kar nen elalin erir tagan yoma ndak-ndak, akuni ta nen Ar Allah imbirak kunik dek kigik ekige o.”
3Ar Yesus nen onggo yoga dogolir, “Wene yi kakla ebebar andan o. Ar akuni ambi nen iyok paga auwan endak lagikdek kigik, Ar Allah akburi mende etarigin mondok dek o.”
4Yorigi nanggige ar Nikodemus nen, “Eelak, yogo akuni inanggok kigik ngger tuguluk endarinabu ndak ma a? Eta dogomo, agwiya elaburla iyok paga unggi lalok, nen ar iyok paga endarurak a?”
5Ar Yesus nen onggo yoga dogolir, “An Nane yi ebebar yokiri taga o: ir akuni ebe i paga inom, Roh Allah paga inom, auwan endar inakikdek kigik, akuni eti Ar Allah akburi mende etarugun mondok dek arar o. 6Ir akuni inebe akuni paga eti, inagwiya inombae nen endarinabir tagwi o. Ogwe inaguringge paga eti perak, Roh Allah nen mban endarinabir taga mende o. 7Kir obogar tuguluk kiniok paga endar kinaburak yega neyalok, kir nen wau yiluk andagup o. 8Ar wiya eti putuk nggoma nggwe lau eti ar andegetek paga mban lektaga mende o; nen we ane abodok mban ninaruk kolalkwi, ogwe nggoma nen waga, nen nggoma nggwe lektaga eti nir ninungguk dek o. Ir akuni Roh Allah nen endar inaketek enogo eti etegerogon arar o.”
9Yorigemo ar Nikodemus nen, “Yogo etoma etari taga mende nenggerogon kegen?” yiluk yorige.
10Yorigemo Ar Yesus nen, “Kar yi ap Israel mende inangguru ar ogwe, wene yi kunggukdek a? 11Wene yi kakla ebebar andan o, Nir wene yirtagwi etoma, wene ebe nir ninilu mende mban yirtagwi, nen nir wene bagalir tagwi etoma, wene ebe nir nen ninil kegetek mende mban bagalir tagwi o. Ogwe, kir nen nir wene bagalketek mende etoma, kolalbiluk waganu kina'ir o. 12An ye wene nde wene agar paga yoma agarik mende mbililogo yokeraganem, kir nen ebebar yege yiluk waganu ndak dek o; nen tuguluk An ye wene nde wene mbogor paga mende etoma emekiramo, kir nen kiniliti ebebar andaurak eti nenggerogon? 13Akuni ambi mbogor paga dagarige mondok dek o. Ar Ir Akuni Inakbur eti mban, mbogor paga nen wura wagage o.
14 #
Bil. 21:9
Ar Musa nen, ye dekma nde dekma telekma etoma, wado o paga tugun biluk, yadek bega lagage ndak-ndak, kir nen Akuni Inakbur eti, etegerogon ar wogok durak o. 15Eti ekwi paga, ir akuni Ar oba iniliti ebebar andagun mende ernogo, iniluk mondok dogolir, inebe nabedal kabedal eti arar onde arugun.”
16Ar Allah nen, ir akuni o agar paga yoma inakba andaga lagagerek, Ar Akbur idak ambi endago eti inake lakbi wagage o. Ma ir akuni inadik ndak dombok, Ar oba ebebar andagwi kalok, maduk mo bagin dek o, ogwe ir nen iniluk nabedal kabedal dogu mende arar kodagun. 17Nenaluk? Ar Allah Akbur lakbi wagage eti, o agar paga yoma, inendokma waganogo inuwak dolka dogowak nen yiluk dek o, arte akuni ndilinabuak nen yiluk lakbi wagage o. 18Akuni Ar oba iniliti ebebar andagun mende enogo, wene anggin maduk inoba bigin dek o. Ogwe akuni iniliti ebebar andagikdek ernogo, Ar Allah nen hukuman muk inoba begemo arar werek o. Nenaluk ir akuni eti nen, Ar Allah Akbur idak ambi eti oba, iliti ebebar o yiluk andagikdek eti paga o. 19Ma akuni eti, wene andugi edo oba bigin eti yi paga: wene akbinak mende eti agar paga yoma arar wagarik ogwe, ir akuni nen amum akla dogu wadok kugwi o. Nenaluk eti, ir nen ye maduk nde maduk erir lagwi eti paga arar o. 20Ir akuni maduk mban ekwi mende eti, akbinak werek mende eti ina'ir mondok arar o. Nen ye maduk nde maduk ekwi mende kenam aga kau, akbinak eti oba warurak eti ina'ir ar o. 21Ogwe ir akuni Allah akla andar taga ndak-ndak ekwi mende ernogo, ir ye wene nde wene ekwi mende eti, Ar Allah akla andar taga ndak-ndak etaruwak nen yiluk, akbinak mende eti oba wagwi o.
Ar Yesus Yohanes imbirak ekugwa wene
22Tuguluk Ar Yesus nogo Ar mutok lagwi mende inom, ir o Yudea arar lagugwa. Ir o etoma ininggi mbere ambi nenggen ar inom dogolir, ima wukbagwi lagugwa. 23#Mat. 14:3; Mrk. 6:17; Luk. 3:19-20Nen ar Yohanes ernogo, o Ainon korok o Salim eragalu etoma, i pakalok enggelek ma, akuni ar oba wagwi kalok, Ar nen ima etoma wukbaga lagage o. 24Nen o eta paga, Ar Yohanes ebe kede warogo, penjara auwan bi unggigikdek ekalagage o.
25Ir ar Yohanes aworomi mutok lagwi mende, ir inebe mbere ambi negen inom, nen ir akuni Yahudi mende inom, wene akuni inomaduk dek o, yiluk erogo bagwi mende kolek ake paga aredo wakugwa. 26Ir enogo ar Yohanes oba lagu lagugwarik, nen ar yogu dogolir, “Guru wae, kar akuni ambi i Yordan alibagan nggwe eloma kimbirak dogolir, nir ninilu erogo binaninggigen enogo, kakla eberek agandik a? Yogondak Ar nen akuni ima wukbar taga ar o, ma akuni yogondak Ar oba dombok lektagwi o,” yiluk yorugwa.
27Ar Yohanes nen wene onggo yoraga dogolir, “Ir akuni Ar Allah nen inagarik inagarek wogoragin dek kalok, ir inagarik inagarek onde arugun dek ar o. 28#Yoh. 1:20An nen wene yokeragagi mende eti kir kinilu o, ‘An yi Raja Ndilinakwa eti dek o. An eti Ar raja auwan wagikdek kigik, nalep lakbani wagage o.’ 29Kwe ngger yugu enogo eti, ar kwe kodau endaga mbalek enogo amende arar o. Ar kwe kodau werek enogo ogar imbirak mende eti, we imbirak yonggo mbalek, nen we nena yigin aruk kolek etegerogon o. Nen ar kwe kodau werek eti nen, nena yorigin eti, ar akla adeknggen mondok arar o. An yogondak eti ndak-ndak arar o. Ma, an yogondak nakla adeknggen nggok arar o. 30Ar kwak eti nggok arir dagaga kigik, nen an kwak eti bugudak arir wuragin o,” yiluk yoragage.
Ar Mbogor paga nen wagage mende wene
31Ar ogona paga nggwe nen wagage mende eti perak, anggup lektek mende arar o. Nen ar agar paga yoma nen wagage mende eti, agar paga mende arar o. Nen ar nen wene agar paga yoma mende mban ar yigin o. Nen Ar ogona paga nggwe nen wagage mende eti, Ar anggup lektek mende arar o. 32Ar nen wene yirtaga eti, wene Ar Il karige mende inom, Ar Aruk kolkige mende inom, obogar yega ogwe, wene bagalka mende etoma, akuni ambi ar nen ebebar andega mondok dek o. 33Akuni ta nen wene Ar bugali taga mende eti, ebebar andagin kalok, ar eti Ar Allah eti ebebar o yiluk, andagin mende arar o. 34Nenaluk ar akuni Allah nen lakbi wagage mende eti, Ar Allah Ane arar yoknera warigin o. Nenaluk Roh Allah eti, Ar Adigar oba dulogo begemo werek o. 35#Mat. 11:27; Luk. 10:22Ombae nen Akbur iliti kunik mondok dogolir, Ar obarne alon palek mende eti, obogar Ar oba begemo o. 36Akuni ta nen Elege eti oba ebebar andagin kalok, iluk nabedal kabedal eti arar kodagin o. Ogwe ir akuni Ar Elege eti oba ebebar andagun dek kalok, iniluk mende edo eti kodagun mondok dek arar o. Nen ar akuni eti, Ar Allah nen hukuman kudi warek dek mende eti arar inoba bigin o.
Currently Selected:
YOHANES 3: WLW
Highlight
Share
Copy
Want to have your highlights saved across all your devices? Sign up or sign in
YOHANES 3
3
Ar Yesus Nikodemus imbirak Wene mbalkugwa wene
1Ap Farisi mende ambi endaga Nikodemus, ar ebe agama wene paga eti, ar anggup lektek mende arar welagage. 2O kukbaga ambi paga, ar enogo Yesus oba waga lagagerek, men yorige, “Aii, Guru Nombae o, nir ninilu eti, Kar Ar Allah nen lakbagi waga o. Nenaluk, Nombae Kar nen elalin erir tagan yoma ndak-ndak, akuni ta nen Ar Allah imbirak kunik dek kigik ekige o.”
3Ar Yesus nen onggo yoga dogolir, “Wene yi kakla ebebar andan o. Ar akuni ambi nen iyok paga auwan endak lagikdek kigik, Ar Allah akburi mende etarigin mondok dek o.”
4Yorigi nanggige ar Nikodemus nen, “Eelak, yogo akuni inanggok kigik ngger tuguluk endarinabu ndak ma a? Eta dogomo, agwiya elaburla iyok paga unggi lalok, nen ar iyok paga endarurak a?”
5Ar Yesus nen onggo yoga dogolir, “An Nane yi ebebar yokiri taga o: ir akuni ebe i paga inom, Roh Allah paga inom, auwan endar inakikdek kigik, akuni eti Ar Allah akburi mende etarugun mondok dek arar o. 6Ir akuni inebe akuni paga eti, inagwiya inombae nen endarinabir tagwi o. Ogwe inaguringge paga eti perak, Roh Allah nen mban endarinabir taga mende o. 7Kir obogar tuguluk kiniok paga endar kinaburak yega neyalok, kir nen wau yiluk andagup o. 8Ar wiya eti putuk nggoma nggwe lau eti ar andegetek paga mban lektaga mende o; nen we ane abodok mban ninaruk kolalkwi, ogwe nggoma nen waga, nen nggoma nggwe lektaga eti nir ninungguk dek o. Ir akuni Roh Allah nen endar inaketek enogo eti etegerogon arar o.”
9Yorigemo ar Nikodemus nen, “Yogo etoma etari taga mende nenggerogon kegen?” yiluk yorige.
10Yorigemo Ar Yesus nen, “Kar yi ap Israel mende inangguru ar ogwe, wene yi kunggukdek a? 11Wene yi kakla ebebar andan o, Nir wene yirtagwi etoma, wene ebe nir ninilu mende mban yirtagwi, nen nir wene bagalir tagwi etoma, wene ebe nir nen ninil kegetek mende mban bagalir tagwi o. Ogwe, kir nen nir wene bagalketek mende etoma, kolalbiluk waganu kina'ir o. 12An ye wene nde wene agar paga yoma agarik mende mbililogo yokeraganem, kir nen ebebar yege yiluk waganu ndak dek o; nen tuguluk An ye wene nde wene mbogor paga mende etoma emekiramo, kir nen kiniliti ebebar andaurak eti nenggerogon? 13Akuni ambi mbogor paga dagarige mondok dek o. Ar Ir Akuni Inakbur eti mban, mbogor paga nen wura wagage o.
14 #
Bil. 21:9
Ar Musa nen, ye dekma nde dekma telekma etoma, wado o paga tugun biluk, yadek bega lagage ndak-ndak, kir nen Akuni Inakbur eti, etegerogon ar wogok durak o. 15Eti ekwi paga, ir akuni Ar oba iniliti ebebar andagun mende ernogo, iniluk mondok dogolir, inebe nabedal kabedal eti arar onde arugun.”
16Ar Allah nen, ir akuni o agar paga yoma inakba andaga lagagerek, Ar Akbur idak ambi endago eti inake lakbi wagage o. Ma ir akuni inadik ndak dombok, Ar oba ebebar andagwi kalok, maduk mo bagin dek o, ogwe ir nen iniluk nabedal kabedal dogu mende arar kodagun. 17Nenaluk? Ar Allah Akbur lakbi wagage eti, o agar paga yoma, inendokma waganogo inuwak dolka dogowak nen yiluk dek o, arte akuni ndilinabuak nen yiluk lakbi wagage o. 18Akuni Ar oba iniliti ebebar andagun mende enogo, wene anggin maduk inoba bigin dek o. Ogwe akuni iniliti ebebar andagikdek ernogo, Ar Allah nen hukuman muk inoba begemo arar werek o. Nenaluk ir akuni eti nen, Ar Allah Akbur idak ambi eti oba, iliti ebebar o yiluk andagikdek eti paga o. 19Ma akuni eti, wene andugi edo oba bigin eti yi paga: wene akbinak mende eti agar paga yoma arar wagarik ogwe, ir akuni nen amum akla dogu wadok kugwi o. Nenaluk eti, ir nen ye maduk nde maduk erir lagwi eti paga arar o. 20Ir akuni maduk mban ekwi mende eti, akbinak werek mende eti ina'ir mondok arar o. Nen ye maduk nde maduk ekwi mende kenam aga kau, akbinak eti oba warurak eti ina'ir ar o. 21Ogwe ir akuni Allah akla andar taga ndak-ndak ekwi mende ernogo, ir ye wene nde wene ekwi mende eti, Ar Allah akla andar taga ndak-ndak etaruwak nen yiluk, akbinak mende eti oba wagwi o.
Ar Yesus Yohanes imbirak ekugwa wene
22Tuguluk Ar Yesus nogo Ar mutok lagwi mende inom, ir o Yudea arar lagugwa. Ir o etoma ininggi mbere ambi nenggen ar inom dogolir, ima wukbagwi lagugwa. 23#Mat. 14:3; Mrk. 6:17; Luk. 3:19-20Nen ar Yohanes ernogo, o Ainon korok o Salim eragalu etoma, i pakalok enggelek ma, akuni ar oba wagwi kalok, Ar nen ima etoma wukbaga lagage o. 24Nen o eta paga, Ar Yohanes ebe kede warogo, penjara auwan bi unggigikdek ekalagage o.
25Ir ar Yohanes aworomi mutok lagwi mende, ir inebe mbere ambi negen inom, nen ir akuni Yahudi mende inom, wene akuni inomaduk dek o, yiluk erogo bagwi mende kolek ake paga aredo wakugwa. 26Ir enogo ar Yohanes oba lagu lagugwarik, nen ar yogu dogolir, “Guru wae, kar akuni ambi i Yordan alibagan nggwe eloma kimbirak dogolir, nir ninilu erogo binaninggigen enogo, kakla eberek agandik a? Yogondak Ar nen akuni ima wukbar taga ar o, ma akuni yogondak Ar oba dombok lektagwi o,” yiluk yorugwa.
27Ar Yohanes nen wene onggo yoraga dogolir, “Ir akuni Ar Allah nen inagarik inagarek wogoragin dek kalok, ir inagarik inagarek onde arugun dek ar o. 28#Yoh. 1:20An nen wene yokeragagi mende eti kir kinilu o, ‘An yi Raja Ndilinakwa eti dek o. An eti Ar raja auwan wagikdek kigik, nalep lakbani wagage o.’ 29Kwe ngger yugu enogo eti, ar kwe kodau endaga mbalek enogo amende arar o. Ar kwe kodau werek enogo ogar imbirak mende eti, we imbirak yonggo mbalek, nen we nena yigin aruk kolek etegerogon o. Nen ar kwe kodau werek eti nen, nena yorigin eti, ar akla adeknggen mondok arar o. An yogondak eti ndak-ndak arar o. Ma, an yogondak nakla adeknggen nggok arar o. 30Ar kwak eti nggok arir dagaga kigik, nen an kwak eti bugudak arir wuragin o,” yiluk yoragage.
Ar Mbogor paga nen wagage mende wene
31Ar ogona paga nggwe nen wagage mende eti perak, anggup lektek mende arar o. Nen ar agar paga yoma nen wagage mende eti, agar paga mende arar o. Nen ar nen wene agar paga yoma mende mban ar yigin o. Nen Ar ogona paga nggwe nen wagage mende eti, Ar anggup lektek mende arar o. 32Ar nen wene yirtaga eti, wene Ar Il karige mende inom, Ar Aruk kolkige mende inom, obogar yega ogwe, wene bagalka mende etoma, akuni ambi ar nen ebebar andega mondok dek o. 33Akuni ta nen wene Ar bugali taga mende eti, ebebar andagin kalok, ar eti Ar Allah eti ebebar o yiluk, andagin mende arar o. 34Nenaluk ar akuni Allah nen lakbi wagage mende eti, Ar Allah Ane arar yoknera warigin o. Nenaluk Roh Allah eti, Ar Adigar oba dulogo begemo werek o. 35#Mat. 11:27; Luk. 10:22Ombae nen Akbur iliti kunik mondok dogolir, Ar obarne alon palek mende eti, obogar Ar oba begemo o. 36Akuni ta nen Elege eti oba ebebar andagin kalok, iluk nabedal kabedal eti arar kodagin o. Ogwe ir akuni Ar Elege eti oba ebebar andagun dek kalok, iniluk mende edo eti kodagun mondok dek arar o. Nen ar akuni eti, Ar Allah nen hukuman kudi warek dek mende eti arar inoba bigin o.
Currently Selected:
:
Highlight
Share
Copy
Want to have your highlights saved across all your devices? Sign up or sign in