LUKAS 11
11
Tamban eku dogorak ake yirige wene
(Mat. 6:9-13, 7:7-11)
1O ambi paga, Ar Yesus tamban o ambimo eri lagage. Tamban obok ekbiluk, Ar aworomi mutok lagwi mende ambi nen, kinok yoga dogolir, “Tuhan, tamban eku dogorak mende, ar Yohanes aworomi emeriraga lagage ndak-ndak, nir emekniran o.”
2Yorigemo, ar Yesus nen wene onggo yoga dogolir, “Kir tamban eruwok nen yiluk kalok, yegerogon eku dogono o,
‘Ninombae o,
Kar eti Ar Allah kadik kadak ar o.
Kar kadigar kalon palogo, wogok bagagu dogowak o.
Kar kebe eti, Raja nir mende arar o.
Nen o agar paga yoma, kar kane etiar inaruk kolek dogowak o.
3Nir ninagarom kup keyam nau mende, ndak-ndak erogo wokneraga dogon o.
4Ir akuni nir maduk erogo binanengga mende, maga balok inomaduk dek erinako eti ndak-ndak,
Nir ye maduk nde maduk eko mende, dek erogo binaniluk, maga binanin o;
Nir ninabur mbalka paga, nir niniliti Kar koba ebebar andarugu eti, mi agunem togok binanugup o. ’ ”
5Tuguluk Ar Yesus nen aworomi mutok lagwi mende yoraga dogolir, “Ar ambi kir ya agotik mende nen kwak, ar ogar oba, o kukbaga odo kirogon lalok yoga dogolir, ‘Aee Nogar, roti mbere ambi kalok woknirin o, nen onggo kubenen wokiri warigin o. 6Nenaluk, an nogar tuan obarte, o ki agama, noba eta arar bitnea wagarik mo, an numa nonggwa mende magaru ogwe, obok dek agama o!’ 7Nen kar kogar eti ar uma apmanggwe nen yegero yumo te, ‘An noba maduk dibi erogo banugup o! Narukande kunci obok laki, nen an nakburiak ninom obok nogo yogoma o. Ma, an niluk atuk nen, kar nena-nena etoma yamakeyau na'ir o.’”
8Tuguluk Ar Yesus nen ambi inom yoraga dogolir, “Nen, etegerogon yumo, kir nen nenggerogon erurak? An nen kwak yumo eti, ebebar o, yiluk yurak. Kar eti, ar ogar ar ogwe, ar iluk atuk naungge mende wokiru a'ir o. Ogwe, wene ebe kwak eti, kar kenggadi dek erogo biluk, kane onggolagik mumurek yega mondok dogomo, ar eti iluk arigin ar o, nen kar wadok mende enogo wokirigin ar o. 9Ma, An wene yi yokerak o: Nggino yugwi kalok, kir nggino yu mende eti wokeragin o; kwakwi kalok, kir kwakwi mende eti kwaktagun ar o; Nen, tu mbu-mbu kugwi kinalok, kir tu kurkinagin o. 10Nenaluk, ir akuni nggino yugun mende eti wogoragin ar o, ir akuni kwarir nugwi mende ernogo, kodagun ar o, nen ir akuni tu puk-puk erugun mende eti, ir tu kukdagin ar o. 11Kir ya agotik mende obogar, kir kinakburi ikan nggino yugwi kalok, kir nen wado wogorau ndak a? 12Nen tewe enggen nggino yugwi kalok, nggin eti wogorau ndak a? 13Kir akuni maduk ekwa mende arar ogwe, kir kinakburiak pano mende kwak wogorau eti, kir kinilu ar o. Nen Ninombae mbogor paga mende eti mondok ibiluk arar o! Ar Aguringge, ir Ar oba nggino yorugun mende eti, wogoragin ar o!”
Ar Yesus o Beelzebul o wene
(Mat. 12:22-30; Mrk. 3:20-27)
14O ambi paga, Ar Yesus nen, akuni ane unggukdek ambi, irimbo akla nen nggigilogo wulakige. Nen irimbo enogo wulkigemo, ar akuni enogo wene pakalok mbalka kalok, ir akuni yemenogo nen, wee au yiluk, bi warkugwa. 15#Mat. 9:34, 10:25Ogwe, ir amberak nen yugu dogolir, “Ar Yesus nen Beelzebul#11:15: Ir irimbo inom, koridige inom, monggar inom, ye kugi nde kugi obogar dambuk togon inewe endaga eti Beelzebul. Nen ar Beelzebul eti, ar Iblis endaga ar. obatne paga, irimbo mugogo wulake o,” yiluk yirugwa.
16Nen ir akuni ambetak nen, Ar Yesus eti, ebebar Ar Allah nen lakbi wagage a, dek a, yiluk auk mbaluok nen yugu lagugwarik, Kar erukbuk mende elalin amberak erin nda, yiluk yorugwa. 17Ogwe Ar Yesus ir inakla andagwi obok ilu aga lagagerek, yoraga dogolir, “Ir akuni negara ambimo nen agortatuk, awor dombok dogal-dogal ekbiluk, inom wim mbalek welagwi kalok, negara eti mondok idu paga dogogin dek o. Nen ir keluarga ambi ar mende nen, inadiktik inadiktak, ir-ir agor tatuk agorek welagwi kalok, nen ir obogar tidik mbidik mbugulugun o. 18Eti ndak-ndak, ar Iblis werekma etoma etegerogon ar o. Ir ambi nen, ir ambi inom agortatuk welagwi kalok, ir eti tidik mbidik arar mbugulugun o. Nen kir nen yugu dogolir, ar irimbo eti, An nen Beelzebul obatne paga mugogo wulaki yogop o. 19Etegerogon kalok, ir kir mukinarek lagwi mende nen, irimbo mugogo wulbi tagwi eti, ta kwak obatne paga? Ir kir mukinarek lagwi mende ekwi eti paga, kir ebebar mende dek arar yiluk, kenam ari taga o! 20Ogwe, An Ar Allah obatne paga arar, irimbo eti mugogo wulabir wari taga o. Eti paga nen, Ar Allah nir ninakla odo wura wagarik, Ar apma binanurak mende muk erir waritaga arar o.
21Nen ar ap ambi obatne werek mende nen, atige atega pik puk erogo batalok, ai aruam welaga kalok, ar amindik amende etoma idi erek arar dogogin o. 22Ogwe, ar ap ambi obatne nggok negen werek mende watuk, ar enogo warogo apma biluk, ar ap obatne ambik kwak enogo nen, ar ai werek atige atega oba panggolek amende yemenogo ndilogo wokbiluk, tumbur-tumbur erigin o.
23 #
Mrk. 9:40
Ir akuni An ninom dogalugun dek mende eti, ir eti, An nane tagalkwi mende inebe eti arar o. Nen ir akuni An yamak neyagwi dek mende eti, An neyabu elamakwi mende inebe eti arar o.”
Irimbo iyok paga unggirige wene
(Mat. 12:43-45)
24“Ar irimbo enogo akuni inakla nen wulka lagatek, ar ebe dogomo wodalekma nggwe kau, kwarir ligin mende, ar dogomo eti kwaktagin dek arar o. Eti paga nen, ar nen yega dogolir, ‘An numa dambe kalok wundi wagagimo etoma, nadikmo unggi ligin o, yiluk yigin o!’ 25Nen ar uma yemenogo lagatek mende, mondok i tobalek, nen wodalek panoma arar kigin o. 26Nen, ar enogo panoma yemetnogo il kalok, ir irimbo inanini ambik mende, inebe tujuh paga wogorek unggigin o. Nen ar ap ernogo, oba alep welagage kwak amor negen ar ogwe, yabongga kwak eti, ebiluk nggok maduk mende arar etarigin o.”
Inadeknggen dogorak wene
27Ar Yesus wene etegerogon yigi nanggige, ar kwe ambi akuni inakla yemenogo nen, Ar Yesus yoga dogolir, “Kwe Kar endakbagaluk idak kunggakige eti, adiknggin adeknggen arar o,” yiluk yorige.
28Ogwe Ar Yesus nen wene onggo yoga dogolir, “Ir akuni Ar Allah ane inaruk kolal biluk, dik togon arar ekwi eti perak, inadeknggen nggok mende arar o!”
Akuni nen Ar Yesus elalin eruwak nen yiluk yorugwa wene
(Mat. 12:38-42)
29 #
Mat. 16:4; Mrk. 8:12 Ir akuni Ar Yesus eragalu yikur yakur dagik, wene ugu birige enogo ugu kunogo yega dogolir, “Ir akuni o yogondak ya paga endago mende yi, mondok maduk mende arar o. Ir iniliti An noba ebebar andaurak ake nen, An elalin erin yoknega, ogwe ir inake elalin ambi egiragin mondok dek o. Ma, ar Nabi Yunus nen elalin ekige etiar dogogin o. 30#Yun. 3:4Ar Nabi Yunus eti, ir akuni o Niniwe mende inake, elalin etagage eti ndak-ndak, Ar Akuni Inakbur endago eti, ir akuni o yogondak ya paga endago mende inake dikbuak nen yiluk elalaga o. 31O Irep Kudi paga, ar kwe Ratu o negeri Selatan mende eti, ir akuni o yogondak yi paga endago mende inom kenam atuk, ar nen maduk eku dogogun mende enam erogo inuwak doligin o. Nenaluk ar ratu eti, o mbogor irep kudi paga nen, ar Salomo wene akla kolek emerira taga eti, aruk kolalu paga kwarir wagage o. Ogwe, yogondak ya, ar Salomo eti we apma teberek kigik, yogondak yoma, ar ambi nggok lektek mende agarik o. 32#Yun. 3:5O Irep kudi paga, ir akuni o Niniwe mende inom, nen ir akuni o yogondak ya paga endago yi inom, dambuk togo iniluk atuk, ir o yogondak ya paga endago eti inuwak dolugun o. Nenaluk ir akuni o Niniwe mende eti, Ar Nabi Yunus wene yega paga, iniliti dikbatalok inomaduk mbo birugwa o. Ogwe, yogondak ya, ar Yunus eti we apma teberek kigik, yogondak yoma, ar ambi nggok lektek mende agarik o!”
O akbinak amum wene
(Mat. 5:15, 6:22-23)
33 #
Mat. 5:15; Mrk. 4:21; Luk. 8:16 “Ir akuni ambi nen, indu lampu yibalogo nen, walu abura a, nen walu akla a, tebelogo, mondok biktagodek o#11:33: Walu paga tebelogo biktagwi eti: Diru alep kwak mbalkugwa mende paga etoma dek.. Nen ir akuni unggugu dogolir, akbinak eti inil kowak nen yiluk, indu lampu yibadek eti, tugunogo telekma biktaga mende o. 34Ninil eti, ninebe mende lampu arar o. Kar kil akbinak pano kalok, kar kebe paga etoma akbinak yibadek arar o. Ogwe kar kil mbuk kalok, kar kebe obogar o amumo arar agandik o. 35Etiar ma, akbinak kir kinoba agarik eti nagu laga kau, kinoba kinagaker paga arar o. 36Nen kar kabel penak amum dek ar, nen kar Kebe obogar akbinak mban ar kalok, kar kebe akbinak eti, akbinak nggok mende arar dogogin o.”
Ar Yesus nen ir Farisi inom guru-guru agama inom mberiragage wene
(Mat. 23:1-36; Mrk. 12:38-40)
37Ar Yesus wene obogar yoraga lagagerek, ap Farisi mende ambi nen erom ar uma naurak paga ayonggo birigerek mo, Ar Yesus erom etoma naurak paga arar lagage. 38Ar ap Farisi mende ernogo, Ar Yesus agama wene mbalek ndak-ndak, erom inggi i korek dek arar ninggi nanggige, eku, yogo ela make, yiluk akla andarige. 39Eti paga, Ar Tuhan nen wene yoga dogolir, “Kir ap Farisi mende yi, mangkok inom, piring inom, abel tekman nggwe mende mban i tobalkwi o. Nen kir kinakla etoma, kinomaduk ekop mende inom, nen kinomaduk akuni maduk erogo bagop mende inom, mondok nggedek arar agarik o. 40Kir nok mende arar o. Ar Allah abel tekman nggwe ekige werek eti, Ar nen ar, abel akman nggwe mende ekige dogua? 41Nena-nena mangkok inom nen piring inom, akla agarik etoma, etiar ir akuni ininggi dek mende etoma wogoraurak o. Eti ekwi kinalok perak, kir kinoba pano mondok arar etarigin o.
42 #
Im. 27:30
Kir ap Farisi mende yi, kir kinarigin arar o! Kir kineyabumo nen, tikun wanggol inom, dibongga inom, nen aigalengge amberak inom, Ar Allah ake perpuluhan biktagwi o. Ogwe kir kiniliti, Ar Allah oba kunik ekwi, nen wene mor-mor ar mbalkwi, eku dogorak mende dambe ketagwi o. Ebe eti ar eku dogolir, oba lamborek mende amberak etoma eku dogorak o.
43Kir ap Farisi mende yi, kir kinarigin arar o! Kir nen Allah Ai Palekma nggwe etoma, woguk binanuwak nen yiluk, kinalep kotari unggugwi, nen pasar nggwe etoma, wogokbinanuwak nen yiluk, erir nugwi agotik o. 44Kir kinarigin arar o! Kir kinebe eti, kuburan ai palek dek kalok, akuni inunggukdek lalu, iniyok mburak mbarak ekwi ndak-ndak agotik o.”
45Nen ar ap guru agama mende ambi nen, Ar Yesus yoga dogolir, “Guru wae! Kar wene yitagan yoma, nir tibik tebek erogo binani tagan o!”
46Ar Yesus nen onggo yega dogolir, “Kir guru-guru agama yi, kir kinom ar kinarigin o! Kir nen wene akbi wu warek mende, erurak mondok yugwi; nen wene erurak anggin ambik mende, eku dogorak yiluk, diru mbalogo bugwi o. Ogwe kir nen, wene mbalek mende eruak nen yiluk, akuni yamak daurak mende kina'ir o. 47Kir yi kinarigin arar o! Kir kinumbui nen, ap nabi-nabi inakugwa enogo ar, kir nen kuburan palogo bagwi agotik o. 48Etiar ma, kir nen nir ninumbui ekugwa eti, nir ekugu ar o, yiluk andugwi. Nenaluk, ir kinumbui eti nen, ir nabi-nabi eti inakugwa ebebar o. Ma kir nen ir mende kuburan inai palogo bartagwi o. 49Wene eti paga, Ar Allah akla nggagalek paga, yegerogo yitaga o, ‘An nen, ir nabi-nabi inom, nen ir yonggolan mende inom, ir akuni inoba lakbagin mende, amberak inakwi, amberak ndugi anggon panggon erogo bagwi, erugun o!’ 50Ar Allah o mbogor agar kenamer dirige kudi nen, ir nabi-nabi lakba wagage mende inarir wagugwa yemetnogo, ir akuni yogondak ya endago yi mende inoba onggo wurabigin o. 51#Kej. 4:8; 2Taw. 24:20-21Ar Habel wakugwama nen, ap Zakharia wakugwa kudi eta, o mezbah mbedagago erir wagwi kigik, Ruhah Tuhan pali wagugwa kudi eku lagugwa etoma: ir akuni o yogondak endago yi, ir inoba onggo anggin mende bagin o.
52Kir guru-guru agama yi, kir kinarigin arar o! Wene akuni inilu erinaku dogu mende, tugurin kir kinoba birige agarik ogwe, kir kinadik wene inilu erir taga mende eti, akman nggwe kwari unggu kina'ir o. Ogwe kir ir akuni akman nggwe etoma unggugwi kau, kir nen nggodo mbalinakwi agoktip o!”
53Tuguluk, Ar Yesus o etanogo nen arar lagagemo, ir guru-guru agama o, nen ir Farisi mende o, nir miyuk meyak erogo binanengge, yiluk abok mbalkugwa. Nen ir enogo nen, wene amberak yuwak nen yiluk, yiduk engge pakalok kwagago, Ar yorugwa. 54Nen Ar wene yega kigik, wene amberak maduk mende negen yega kau, ir inil birogo mondok welagugwa.
Currently Selected:
LUKAS 11: WLW
Highlight
Share
Copy
Want to have your highlights saved across all your devices? Sign up or sign in
LUKAS 11
11
Tamban eku dogorak ake yirige wene
(Mat. 6:9-13, 7:7-11)
1O ambi paga, Ar Yesus tamban o ambimo eri lagage. Tamban obok ekbiluk, Ar aworomi mutok lagwi mende ambi nen, kinok yoga dogolir, “Tuhan, tamban eku dogorak mende, ar Yohanes aworomi emeriraga lagage ndak-ndak, nir emekniran o.”
2Yorigemo, ar Yesus nen wene onggo yoga dogolir, “Kir tamban eruwok nen yiluk kalok, yegerogon eku dogono o,
‘Ninombae o,
Kar eti Ar Allah kadik kadak ar o.
Kar kadigar kalon palogo, wogok bagagu dogowak o.
Kar kebe eti, Raja nir mende arar o.
Nen o agar paga yoma, kar kane etiar inaruk kolek dogowak o.
3Nir ninagarom kup keyam nau mende, ndak-ndak erogo wokneraga dogon o.
4Ir akuni nir maduk erogo binanengga mende, maga balok inomaduk dek erinako eti ndak-ndak,
Nir ye maduk nde maduk eko mende, dek erogo binaniluk, maga binanin o;
Nir ninabur mbalka paga, nir niniliti Kar koba ebebar andarugu eti, mi agunem togok binanugup o. ’ ”
5Tuguluk Ar Yesus nen aworomi mutok lagwi mende yoraga dogolir, “Ar ambi kir ya agotik mende nen kwak, ar ogar oba, o kukbaga odo kirogon lalok yoga dogolir, ‘Aee Nogar, roti mbere ambi kalok woknirin o, nen onggo kubenen wokiri warigin o. 6Nenaluk, an nogar tuan obarte, o ki agama, noba eta arar bitnea wagarik mo, an numa nonggwa mende magaru ogwe, obok dek agama o!’ 7Nen kar kogar eti ar uma apmanggwe nen yegero yumo te, ‘An noba maduk dibi erogo banugup o! Narukande kunci obok laki, nen an nakburiak ninom obok nogo yogoma o. Ma, an niluk atuk nen, kar nena-nena etoma yamakeyau na'ir o.’”
8Tuguluk Ar Yesus nen ambi inom yoraga dogolir, “Nen, etegerogon yumo, kir nen nenggerogon erurak? An nen kwak yumo eti, ebebar o, yiluk yurak. Kar eti, ar ogar ar ogwe, ar iluk atuk naungge mende wokiru a'ir o. Ogwe, wene ebe kwak eti, kar kenggadi dek erogo biluk, kane onggolagik mumurek yega mondok dogomo, ar eti iluk arigin ar o, nen kar wadok mende enogo wokirigin ar o. 9Ma, An wene yi yokerak o: Nggino yugwi kalok, kir nggino yu mende eti wokeragin o; kwakwi kalok, kir kwakwi mende eti kwaktagun ar o; Nen, tu mbu-mbu kugwi kinalok, kir tu kurkinagin o. 10Nenaluk, ir akuni nggino yugun mende eti wogoragin ar o, ir akuni kwarir nugwi mende ernogo, kodagun ar o, nen ir akuni tu puk-puk erugun mende eti, ir tu kukdagin ar o. 11Kir ya agotik mende obogar, kir kinakburi ikan nggino yugwi kalok, kir nen wado wogorau ndak a? 12Nen tewe enggen nggino yugwi kalok, nggin eti wogorau ndak a? 13Kir akuni maduk ekwa mende arar ogwe, kir kinakburiak pano mende kwak wogorau eti, kir kinilu ar o. Nen Ninombae mbogor paga mende eti mondok ibiluk arar o! Ar Aguringge, ir Ar oba nggino yorugun mende eti, wogoragin ar o!”
Ar Yesus o Beelzebul o wene
(Mat. 12:22-30; Mrk. 3:20-27)
14O ambi paga, Ar Yesus nen, akuni ane unggukdek ambi, irimbo akla nen nggigilogo wulakige. Nen irimbo enogo wulkigemo, ar akuni enogo wene pakalok mbalka kalok, ir akuni yemenogo nen, wee au yiluk, bi warkugwa. 15#Mat. 9:34, 10:25Ogwe, ir amberak nen yugu dogolir, “Ar Yesus nen Beelzebul#11:15: Ir irimbo inom, koridige inom, monggar inom, ye kugi nde kugi obogar dambuk togon inewe endaga eti Beelzebul. Nen ar Beelzebul eti, ar Iblis endaga ar. obatne paga, irimbo mugogo wulake o,” yiluk yirugwa.
16Nen ir akuni ambetak nen, Ar Yesus eti, ebebar Ar Allah nen lakbi wagage a, dek a, yiluk auk mbaluok nen yugu lagugwarik, Kar erukbuk mende elalin amberak erin nda, yiluk yorugwa. 17Ogwe Ar Yesus ir inakla andagwi obok ilu aga lagagerek, yoraga dogolir, “Ir akuni negara ambimo nen agortatuk, awor dombok dogal-dogal ekbiluk, inom wim mbalek welagwi kalok, negara eti mondok idu paga dogogin dek o. Nen ir keluarga ambi ar mende nen, inadiktik inadiktak, ir-ir agor tatuk agorek welagwi kalok, nen ir obogar tidik mbidik mbugulugun o. 18Eti ndak-ndak, ar Iblis werekma etoma etegerogon ar o. Ir ambi nen, ir ambi inom agortatuk welagwi kalok, ir eti tidik mbidik arar mbugulugun o. Nen kir nen yugu dogolir, ar irimbo eti, An nen Beelzebul obatne paga mugogo wulaki yogop o. 19Etegerogon kalok, ir kir mukinarek lagwi mende nen, irimbo mugogo wulbi tagwi eti, ta kwak obatne paga? Ir kir mukinarek lagwi mende ekwi eti paga, kir ebebar mende dek arar yiluk, kenam ari taga o! 20Ogwe, An Ar Allah obatne paga arar, irimbo eti mugogo wulabir wari taga o. Eti paga nen, Ar Allah nir ninakla odo wura wagarik, Ar apma binanurak mende muk erir waritaga arar o.
21Nen ar ap ambi obatne werek mende nen, atige atega pik puk erogo batalok, ai aruam welaga kalok, ar amindik amende etoma idi erek arar dogogin o. 22Ogwe, ar ap ambi obatne nggok negen werek mende watuk, ar enogo warogo apma biluk, ar ap obatne ambik kwak enogo nen, ar ai werek atige atega oba panggolek amende yemenogo ndilogo wokbiluk, tumbur-tumbur erigin o.
23 #
Mrk. 9:40
Ir akuni An ninom dogalugun dek mende eti, ir eti, An nane tagalkwi mende inebe eti arar o. Nen ir akuni An yamak neyagwi dek mende eti, An neyabu elamakwi mende inebe eti arar o.”
Irimbo iyok paga unggirige wene
(Mat. 12:43-45)
24“Ar irimbo enogo akuni inakla nen wulka lagatek, ar ebe dogomo wodalekma nggwe kau, kwarir ligin mende, ar dogomo eti kwaktagin dek arar o. Eti paga nen, ar nen yega dogolir, ‘An numa dambe kalok wundi wagagimo etoma, nadikmo unggi ligin o, yiluk yigin o!’ 25Nen ar uma yemenogo lagatek mende, mondok i tobalek, nen wodalek panoma arar kigin o. 26Nen, ar enogo panoma yemetnogo il kalok, ir irimbo inanini ambik mende, inebe tujuh paga wogorek unggigin o. Nen ar ap ernogo, oba alep welagage kwak amor negen ar ogwe, yabongga kwak eti, ebiluk nggok maduk mende arar etarigin o.”
Inadeknggen dogorak wene
27Ar Yesus wene etegerogon yigi nanggige, ar kwe ambi akuni inakla yemenogo nen, Ar Yesus yoga dogolir, “Kwe Kar endakbagaluk idak kunggakige eti, adiknggin adeknggen arar o,” yiluk yorige.
28Ogwe Ar Yesus nen wene onggo yoga dogolir, “Ir akuni Ar Allah ane inaruk kolal biluk, dik togon arar ekwi eti perak, inadeknggen nggok mende arar o!”
Akuni nen Ar Yesus elalin eruwak nen yiluk yorugwa wene
(Mat. 12:38-42)
29 #
Mat. 16:4; Mrk. 8:12 Ir akuni Ar Yesus eragalu yikur yakur dagik, wene ugu birige enogo ugu kunogo yega dogolir, “Ir akuni o yogondak ya paga endago mende yi, mondok maduk mende arar o. Ir iniliti An noba ebebar andaurak ake nen, An elalin erin yoknega, ogwe ir inake elalin ambi egiragin mondok dek o. Ma, ar Nabi Yunus nen elalin ekige etiar dogogin o. 30#Yun. 3:4Ar Nabi Yunus eti, ir akuni o Niniwe mende inake, elalin etagage eti ndak-ndak, Ar Akuni Inakbur endago eti, ir akuni o yogondak ya paga endago mende inake dikbuak nen yiluk elalaga o. 31O Irep Kudi paga, ar kwe Ratu o negeri Selatan mende eti, ir akuni o yogondak yi paga endago mende inom kenam atuk, ar nen maduk eku dogogun mende enam erogo inuwak doligin o. Nenaluk ar ratu eti, o mbogor irep kudi paga nen, ar Salomo wene akla kolek emerira taga eti, aruk kolalu paga kwarir wagage o. Ogwe, yogondak ya, ar Salomo eti we apma teberek kigik, yogondak yoma, ar ambi nggok lektek mende agarik o. 32#Yun. 3:5O Irep kudi paga, ir akuni o Niniwe mende inom, nen ir akuni o yogondak ya paga endago yi inom, dambuk togo iniluk atuk, ir o yogondak ya paga endago eti inuwak dolugun o. Nenaluk ir akuni o Niniwe mende eti, Ar Nabi Yunus wene yega paga, iniliti dikbatalok inomaduk mbo birugwa o. Ogwe, yogondak ya, ar Yunus eti we apma teberek kigik, yogondak yoma, ar ambi nggok lektek mende agarik o!”
O akbinak amum wene
(Mat. 5:15, 6:22-23)
33 #
Mat. 5:15; Mrk. 4:21; Luk. 8:16 “Ir akuni ambi nen, indu lampu yibalogo nen, walu abura a, nen walu akla a, tebelogo, mondok biktagodek o#11:33: Walu paga tebelogo biktagwi eti: Diru alep kwak mbalkugwa mende paga etoma dek.. Nen ir akuni unggugu dogolir, akbinak eti inil kowak nen yiluk, indu lampu yibadek eti, tugunogo telekma biktaga mende o. 34Ninil eti, ninebe mende lampu arar o. Kar kil akbinak pano kalok, kar kebe paga etoma akbinak yibadek arar o. Ogwe kar kil mbuk kalok, kar kebe obogar o amumo arar agandik o. 35Etiar ma, akbinak kir kinoba agarik eti nagu laga kau, kinoba kinagaker paga arar o. 36Nen kar kabel penak amum dek ar, nen kar Kebe obogar akbinak mban ar kalok, kar kebe akbinak eti, akbinak nggok mende arar dogogin o.”
Ar Yesus nen ir Farisi inom guru-guru agama inom mberiragage wene
(Mat. 23:1-36; Mrk. 12:38-40)
37Ar Yesus wene obogar yoraga lagagerek, ap Farisi mende ambi nen erom ar uma naurak paga ayonggo birigerek mo, Ar Yesus erom etoma naurak paga arar lagage. 38Ar ap Farisi mende ernogo, Ar Yesus agama wene mbalek ndak-ndak, erom inggi i korek dek arar ninggi nanggige, eku, yogo ela make, yiluk akla andarige. 39Eti paga, Ar Tuhan nen wene yoga dogolir, “Kir ap Farisi mende yi, mangkok inom, piring inom, abel tekman nggwe mende mban i tobalkwi o. Nen kir kinakla etoma, kinomaduk ekop mende inom, nen kinomaduk akuni maduk erogo bagop mende inom, mondok nggedek arar agarik o. 40Kir nok mende arar o. Ar Allah abel tekman nggwe ekige werek eti, Ar nen ar, abel akman nggwe mende ekige dogua? 41Nena-nena mangkok inom nen piring inom, akla agarik etoma, etiar ir akuni ininggi dek mende etoma wogoraurak o. Eti ekwi kinalok perak, kir kinoba pano mondok arar etarigin o.
42 #
Im. 27:30
Kir ap Farisi mende yi, kir kinarigin arar o! Kir kineyabumo nen, tikun wanggol inom, dibongga inom, nen aigalengge amberak inom, Ar Allah ake perpuluhan biktagwi o. Ogwe kir kiniliti, Ar Allah oba kunik ekwi, nen wene mor-mor ar mbalkwi, eku dogorak mende dambe ketagwi o. Ebe eti ar eku dogolir, oba lamborek mende amberak etoma eku dogorak o.
43Kir ap Farisi mende yi, kir kinarigin arar o! Kir nen Allah Ai Palekma nggwe etoma, woguk binanuwak nen yiluk, kinalep kotari unggugwi, nen pasar nggwe etoma, wogokbinanuwak nen yiluk, erir nugwi agotik o. 44Kir kinarigin arar o! Kir kinebe eti, kuburan ai palek dek kalok, akuni inunggukdek lalu, iniyok mburak mbarak ekwi ndak-ndak agotik o.”
45Nen ar ap guru agama mende ambi nen, Ar Yesus yoga dogolir, “Guru wae! Kar wene yitagan yoma, nir tibik tebek erogo binani tagan o!”
46Ar Yesus nen onggo yega dogolir, “Kir guru-guru agama yi, kir kinom ar kinarigin o! Kir nen wene akbi wu warek mende, erurak mondok yugwi; nen wene erurak anggin ambik mende, eku dogorak yiluk, diru mbalogo bugwi o. Ogwe kir nen, wene mbalek mende eruak nen yiluk, akuni yamak daurak mende kina'ir o. 47Kir yi kinarigin arar o! Kir kinumbui nen, ap nabi-nabi inakugwa enogo ar, kir nen kuburan palogo bagwi agotik o. 48Etiar ma, kir nen nir ninumbui ekugwa eti, nir ekugu ar o, yiluk andugwi. Nenaluk, ir kinumbui eti nen, ir nabi-nabi eti inakugwa ebebar o. Ma kir nen ir mende kuburan inai palogo bartagwi o. 49Wene eti paga, Ar Allah akla nggagalek paga, yegerogo yitaga o, ‘An nen, ir nabi-nabi inom, nen ir yonggolan mende inom, ir akuni inoba lakbagin mende, amberak inakwi, amberak ndugi anggon panggon erogo bagwi, erugun o!’ 50Ar Allah o mbogor agar kenamer dirige kudi nen, ir nabi-nabi lakba wagage mende inarir wagugwa yemetnogo, ir akuni yogondak ya endago yi mende inoba onggo wurabigin o. 51#Kej. 4:8; 2Taw. 24:20-21Ar Habel wakugwama nen, ap Zakharia wakugwa kudi eta, o mezbah mbedagago erir wagwi kigik, Ruhah Tuhan pali wagugwa kudi eku lagugwa etoma: ir akuni o yogondak endago yi, ir inoba onggo anggin mende bagin o.
52Kir guru-guru agama yi, kir kinarigin arar o! Wene akuni inilu erinaku dogu mende, tugurin kir kinoba birige agarik ogwe, kir kinadik wene inilu erir taga mende eti, akman nggwe kwari unggu kina'ir o. Ogwe kir ir akuni akman nggwe etoma unggugwi kau, kir nen nggodo mbalinakwi agoktip o!”
53Tuguluk, Ar Yesus o etanogo nen arar lagagemo, ir guru-guru agama o, nen ir Farisi mende o, nir miyuk meyak erogo binanengge, yiluk abok mbalkugwa. Nen ir enogo nen, wene amberak yuwak nen yiluk, yiduk engge pakalok kwagago, Ar yorugwa. 54Nen Ar wene yega kigik, wene amberak maduk mende negen yega kau, ir inil birogo mondok welagugwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in