അപ്പൊസലല 13
13
ബറ്‌ണവാസ്‌ണാമ് സവുലുണാമ് സൊല്ലിബ്‌ഡ്‌റാര്
1അന്തൊക്ക്യാലി ഇര്‌ക്ക ഏസുക്കാറാര് കൂട്ടാത്തിലി ലേസ സാമിദാസ്‌ഗാമ് ബേദ പഡ്‌സ്‌റവാര്‌മ് ഇര്‌ന്താര്. ബറ്‌ണവാസ്, ണീഗാറ് എന്ത് ഒളേക്ക സിമയോന്, കുറേനെ ണാഡ്‌ക്കാറാ് ലൂക്ക്യൊസ്, അദിഗാരി ആന എരോദാന്‌ദ് ഒപ്പ ബളാന്ത മനെയേല്, സവുല് എങ്കവാര്‌ത്തെ അവാര്. 2ഇവാര് തീനി തിന്നാത്ത പരേസ പരേസി ആണ്ടവാന ഒഗെ ഇക്കി കൊണ്ടിര്‌ന്താര്. അക്കുളെ സാമിണിഗാല്: <<ണാന് ബറ്‌ണവാസ്‌ണാമ് സവുലുണാമ് എന്ന് ബേലേക്ക് ബേ്ണ്ടി ഒളേത്ത് ഇര്‌ക്കെ, അദ്‌ക്ക് അവാര്‌ണ എനാക്ക് ബേ്ണ്ടി പ്‌റ്‌ത്ത് ബെയ്യിരി>> എന്ത് സൊല്ലിറ്റ്.
3അച്ചെ അവാര് തീനി തിന്നാത്ത പരേസ പരേസി ബറ്‌ണവാസ്‌ദ്‌മ് സവുല്‌ദ്‌മ് തലേക്ക് കയ്യി ബെത്ത് പരേസി സൊല്ലിബ്‌ട്ടാര്.
ബറ്‌ണവാസ്‌മ് സവുലുമ് കുപുറോസിലി
4സാമിണിഗാല് സൊല്ലിബ്‌ഡ്‌ഗാട്ടി ബറ്‌ണവാസ്‌മ് സവുലുമ് സെലുക്ക്യ എങ്ക പട്ടണാക്ക് പോനാര്, അദിലിര്‌ന്ത് കപ്പാല് ഏ്റി സുറ്റുമ് തണ്ണിര്‌ക്ക കുപുറോസ് ണാഡ്‌ക്ക് പോനാര്. 5അവാര് സലാമീസ് എങ്ക പട്ടണാക്ക് എത്ത്‌ഗാട്ടി എഗുദാര് പരേസ്‌റ കൂരെക്ക്‌റാഗ പോയി സാമി സൊല്ലുസുലാക്കഗണ സൊന്നാര്. അവാര്‌ദ് ബേലേലി കയ്യിതാങ്ക്യ ഓഗന്നാ് എങ്ക മറ്‌ക്കോസ്‌മ് അവാര്‌ദൊപ്പ ഇര്‌ന്താ്.
6അവാര് കുപുറോസിലി ഇര്‌ക്ക ണാഡ് മുച്ചുഡ സുറ്റ്യറ്റി പാപോസ് പട്ടണമാട്ട് എജ്ജിനാര്. അദിലി അവാര് എഗുദ ജാദിക്ക് പട്ട ബറ് ഏസു എങ്ക മന്ത്‌റവാദിന കണ്ടാര്. അയാള് സാമിദാസ് അല്ല ആന ണാന്‌ത്തെ സാമിദാസ് എന്ത് സൊല്ലി ണഡാന്തിര്‌ന്താ്. 7അയാള് സെറ്‌ഗിയോസ് പവുലോസ്‌ക്ക് എ്ണേവുക്കാറാന്‌മ് ആയിര്‌ന്താ്. അയ്യി കുപുറോസില്യ അദിഗാരി ആന സെറ്‌ഗിയോസ് പവുലോസ് ണല്ല ബുദ്ദിക്കാറാന്‌മ് ആയിര്‌ന്താ്. അയാള് സാമി സൊല്ലുസുലാക്കണ കേ്ക്ക്യ ബേ്ണ്ടി ബറ്‌ണവാസ്‌ണാമ് സവുലുണാമ് തന്ന് പട്ട്‌ക്ക് ഒളേത്ത് ബര്‌സിനാ്. 8ആന മന്ത്‌റക്കാറാ് എലീമാസ് (ഗ്‌റീക്ക് ണായാത്തിലി ബറ് ഏസുണ എലീമാസ് എന്ത്‌ത്തെ ഒളേക്കാദ്) അവാര്‌ണ സാമിദ് ബാക്ക്‌ണ സൊല്ല്യബ്‌ഡാലെ, അയ്യി അദിഗാരി സാമിദ് സൊല്ലുസുലാക്കണ ണമ്പാദെ ഇര്‌ക്ക്യ ബേ്ണ്ടി അയാള് ഓരാഡിനാ്. 9അക്കുളെ പവുലോസ് എന്ത് ഒളേക്ക സവുല് സാമിണിഗാല്‌ദ് സക്‌ദ്യോഡെ, ഏലിമാസ്‌ണ ദുറ്‌ത്ത് ണോഡി 10സൊന്നാ്: <<ഏയ്, സെയിത്ത്യാന്‌ദ് മഗാനെ, ണീ എല്ല ണല്ല കാര്യഗാക്ക്‌മ് തഡെ ണില്ല്‌റേന, ണിന്നോഡെ എല്ല ദിന്‌സ് തക്ക്‌ഡിമ് ബഞ്ചണേമ് ഇര്‌ക്ക്‌ദ്! ണീ എപ്പ്‌മ് ആണ്ടവാന്‌ദ് സത്ത്യണ പൊയ്യി ആക്കി എക്ക്‌റെ. അദ്‌ണ തള്ളി എക്കമാട്ടേഗ? 11ഇദാ ണോഡു ഇപ്പ് ണിനാക്ക് ആണ്ടവാനോഡിര്‌ന്ത് കെ്ഡേക്കു. ലേസ ഗള്യെ ണിന്ന് കണ്ണ് കെ്ട്ടെക്കി ണേരകാല്‌ണ കാണ്യ മുഡ്യാദാവു.>>
അപ്പ്‌താനെ അയാള്‌ദ് കണ്ണ് ഇ്റ്‌ട്ടൂറി എക്കിത്ത്, തന്ന് കയ്യിന ആരാറ്റ് പ്‌ഡിത്ത് ണഡാത്ത്യ അയാള് ആള്‌ഗണ തഡാക്കിനാ്. 12ഇദ്‌ണ കണ്ട അയ്യി അദിഗാരി ആണ്ടവാന ണമ്പിനാ്, ആണ്ടവാന പറ്റി സൊന്നാദ്‌ണ കേ്ട്ട് അദിസ്യ പട്ടെക്കാമ് സെയ്‌ദാ്.
പവുലോസ്‌മ് ബറ്‌ണവാസ്‌മ് പിസിദ്യേലി ഇര്‌ക്ക അന്തൊക്ക്യ പട്ടണാത്തിലി
13പവുലോസ്‌മ് തന്ന്‌ദൊപ്പ പോരവാര്‌മ് പാപോസ് എങ്ക പട്ടണാത്തിലിര്‌ന്ത് കപ്പാല്‌ക്ക് ഏ്റി പമ്പുല്യ എങ്ക ണാഡിലിര്‌ക്ക പെ്റ്‌ഗെ എങ്ക പട്ടണാക്ക് എത്തിനാര്. അദിലി ബെത്ത് ഓഗന്നാ് എങ്ക മറ്‌ക്കോസ് അവാര്‌ണ തള്ളി എര്‌സലേമ്‌ക്ക് താനെ പോനാ്. 14അവാര് പെ്റ്‌ഗേലിര്‌ന്ത് പിസിദ്യെ ണാഡിലിര്‌ക്ക അന്തൊക്ക്യ എങ്ക പട്ടണാക്ക് എജ്ജിനാര്. ഒയിവു ണാള് അദിലിര്‌ക്ക എഗുദാര് പരേസ്‌റ കൂരെക്കുള്ളുക്ക് പോയി അവാര് കുക്കാന്താര്. 15പ്‌റ അവാര് മോസെ ബെത്ത സാമി സട്ടാത്തിലിര്‌ന്ത്‌മ് സാമിദാസ്‌ഗാദ് ബുക്കിലിര്‌ന്ത്‌മ് പഡിത്ത് കാട്ടിനാര്. അദ്‌ക്ക് പ്‌റ, എഗുദാര് പരേസ്‌റ കൂരേല്യ അദിഗാരിഗ അവാര്‌ക്ക് ആള് ബ്‌ട്ട്: <<അണ്ണലാഗെ തമ്പിലാഗെ, ണിമാക്ക് ഇദിലി ഇര്‌ക്ക ആള്‌ഗാക്കെ ദയ്യിര കെ്ഡേക്കാദ്‌ക്കുള്ള എന്താറ്റ്‌ഗ സൊല്ല്യ ഇര്‌ക്കദാനാക്കി സൊല്ലിരി>> എന്ത് സൊല്ലിസിനാര്.
16പവുലോസ് എ്ന്ത് ണിന്റ് കയ്യിലി ജാഡെ മാഡി കൊണ്ട് ഇച്ചെ സൊന്നാ്: <<ഇസ്‌റേല്‌ക്കാറാരെ, സാമിന കുമ്മുഡ്‌റ എഗുദാര് അല്ലാത്ത ജാദിഗളെ, ഇദ്‌ണ കേ്ളിരി! 17ഇസ്‌റേല്‌ക്കാറാര്‌ദ് സാമി ണമ്മ്‌ദ് പാട്ടലണ തെരിന്തെ്ഡ്‌ത്താ്. അവാര് ഈജിത്ത് ണാഡിലി അന്ന്യ ണാഡ്‌ക്കാറാരായി പെ്ളേത്തിര്‌ന്ത കാലാത്തിലി സാമി അവാര്‌ണ പെര്‌ഗ്‌സിനാ്. അവാര് ബെല്ല്യൊരു കൂട്ടായി എക്കിനാര്. പ്‌റ സാമി തന്ന് സക്‌ദിണാലെ അവാര്‌ണ അദിലി ഇര്‌ന്ത് കൂട്ടി ബന്താ്. 18അവാര്‌ക്ക് സാമിന ബേ്ഡ എന്ത് ഇര്‌ന്ത്‌മ് ണാപ്പദ് ബര്‌സ മാട്ട് ബെ്ട്ടെകാഡിലി സാമി അവാര്‌ണ പൊറിമോഡെ ണഡാത്തിനാ്. 19കാനാന് ണാഡില്യ ഏ്ള് ജാദിഗണ സാമി ഇല്ലാദെ ആക്കി അയ്യി ണാഡ്‌ക്ക് തന്ന് ആള്‌ഗണ ഉരിമെക്കാറാരാക്കിനാ്. 20ഇദെല്ല ണഡാക്ക്യ ണാനൂറ്റമ്പദ് ബര്‌സ പ്‌ഡിത്ത്‌ദ്.
അദ്‌ക്ക് പ്‌റ സാമൂവേല് സാമിദാസ് മാട്ട് ണായക്കാറാര്‌ണ സാമി അവാര്‌ക്ക് കൊഡുത്താ്. 21ആന അവാര്‌ക്ക് ഒരു റാജാവുണ ബേ്ഡു എന്ത് കേ്ട്ടാര്. അക്കുളെ സാമി അവാര്‌ക്ക് ബെന്ന്യാമീന് കുലാത്തിലി പട്ട കീസ് എങ്കവാന്‌ദ് മഗാ് സവുലുണ റാജാവാക്കിനാ്. അച്ചെ അയാള്‌ണ സാമി ണാപ്പദ് ബര്‌സ ആള്യ ബ്‌ട്ടാ്. 22പ്‌റ സാമി സവുലുണ റാജപട്ടാത്തിലിര്‌ന്ത് തള്ളി ദാവീദ്‌ണ റാജാവു ആക്കിനാ്. ഇദ്‌ത്തെ സാമി ദാവീദ്‌ണ പറ്റി സൊന്നാദ്: <ഇസ്സായിദ് മഗനാന ദാവീദ്‌ണ എന്ന് മനേസ്സ്‌ക്ക് പ്‌ഡിത്തവാനായി ണാന് കണ്ടിര്‌ക്കെ, അവാ് എന്തെല്ല സെയ്യുഡൊ എന്ത് ണാന് ആസെപഡ്‌റേനൊ, അദ് ഒട്ടുക്ക്‌മ് അയാള് സെയ്‌വാ്.>
23സാമി ബാക്ക് തന്ത പഡി ദാവീദ് കാലിലി ഇര്‌ന്ത് താനെ ഇസ്‌റേല്‌ക്കാറാര്‌ണ കാപാറ്റ്യ ഏസുണ കൊഡുത്താ്. 24ഏസു തന്ന് ബേലെ പ്‌ഡിക്കാത്ത മുദ തമ്മ സെയ്‌ദിര്‌ന്ത പാവഗണെല്ല തള്ളി എക്കി സാമി സാരി തിലിമ്പി ബരുഡൊ എന്ത്‌മ് തണ്ണിക്ക് മുളുഗുഡൊ എന്ത്‌മ് ഓഗന്നാ് എല്ല ഇസ്‌റേല് ആള്‌ഗാക്കേമ് സൊല്ലി ഇര്‌ന്താ്. 25ഓഗന്നാ് തന്ന് ബേലെ തീര്യ ആഗാട്ടി ആള്‌ഗാക്കെ ഇച്ചെ സൊന്നാ്: <എനാണ ണിമ്മ ആര് എന്ത് ണെനേക്കേര്? ണിമ്മ കാത്തിര്‌ക്ക ആള് ണാന് അല്ല. ആന ഒരുത്താ് എന്ന് പിന്ന്‌ക്ക് ബരാ്. അയാള് ഇക്കിര്‌ക്ക സെര്‌പ്പ്‌ണ ഉക്ക്യ ഗൂഡി എനാക്ക് തഗ്‌ദില്ലെ.>
26എന്ന് കൂട്ടാരാന ഇസ്‌റേല്‌ക്കാറാരെ, അവുറഗാമ്‌ദ് കാല്‌ക്ക് പട്ടവാരെ, ഇസ്‌റേല് സാമിന കുമ്മുഡ്‌റ എഗുദാര് അല്ലാത്ത ജാദിഗളെ, ഗെലിസി കഡാക്ക്യ ഇര്‌ക്ക ഈ സേദിന ണമാക്ക്‌ത്തെ സാമി അന്‌പ്പിര്‌ക്കാദ്. 27എര്‌സലേമ്‌ക്കാറാര്‌ക്ക്‌മ് അവാര്‌ദ് തലെവലാക്ക്‌മ് ഏസു കാപാറ്റ്‌റവാ് എന്ത് തെര്യാലെ. എല്ല ഒയിവു ണാള്‌മ് സാമിദാസ്‌ഗാദ് ബുക്കിലി ഇദ്‌ണ പറ്റി എ്ള്‌ദി ബെത്തിര്‌ക്കാദ്‌ണ പഡിത്ത് കാട്ടിട്ട്‌മ് അവാര്‌ക്ക് അദ്‌ണ ണമ്പ്യമുഡ്യാലെ. ആനാല്‌മ് ഏസുണ അവാര് കൊല്ല്യ ബിദിത്ത് അയ്യി സാമിദാസ്‌ഗ സൊല്ലിര്‌ന്ത സൊല്ലുസുലാക്ക ണേര് ആക്കി തീത്താര്. 28ഏസുണ കൊല്ല്യ കൊഡുക്കാദ്‌ക്കുള്ള ഒരു തെ്ളുവുമ് അവാര്‌ക്ക് കെ്ഡേക്കാലെ അപ്പ്‌മ് പീലത്തോസ്‌ക്ക് അയാള്‌ണ സെറ്റെ കൊല്ലുഡോമെ എന്ത് സൊന്നാര്. 29അച്ചെ അവാന പറ്റി സാമി ബുക്കിലി എ്ള്‌ദി ബെത്തിര്‌ക്കാദെല്ല അവാര് സെയ്‌ദ് തീത്താര്. പ്‌റ ഏസുദ് സാവുണ കുരുസിലിര്‌ന്ത് ഇ്റാക്കി കല്ലളേക്ക് ഇക്കിനാര്. 30ആന സാമി ഏസുണ സത്തവാരിലി ഇര്‌ന്ത് ഉജുറേ്ത്തിനാ്. 31ഏസു സാഗാത്ത മുദ തന്ന് ഒപ്പ ഗെലീലേലി ഇര്‌ന്ത് എര്‌സലേമ്‌ക്ക് പോനവാര്‌ക്ക് താന് സത്ത് ഉജുറെ്ന്ത പ്‌റ എത്തിന്യൊ ണാള് അവാര്‌ക്ക് ബെ്ളിപട്ടാ്. അവാര് ഇപ്പ് ഇസ്‌റേല് ആള്‌ഗാക്കെ തമ്മ അയാള്‌ണ പറ്റി കണ്ടാദ്‌ണ മുച്ചുഡ സൊല്ലുറാര്.
32-33ണമ്മ്‌ദ് പാട്ടലാമ് സാമിമ് ആങ്കീങ്ക് ബാക്ക് കൊഡുത്തിര്‌ന്താര്. ഏസുണ ഉജുറു ഏ്ത്തിനാദ്‌ണാലെ അയ്യി ബാക്ക്‌ണ അവാര്‌ദ് മക്കഗാന ണമാക്ക് സാമി സെയ്‌ദ് തന്താ്. ഈ ണല്ല സേദിനാത്തെ എമ്മ ണിമാക്ക് സൊല്ലുറാദ്. അദ്‌ണാലെ സാമി പാട്ട് ബുക്കിലി റണ്ടാവദ് പാട്ടിലി ഇച്ചെ എ്ള്‌ദി ഇര്‌ക്ക്‌ദ്,
<ണീ എന്ന് മഗാ്,
ഇന്റ് ണാന് ണിനാണ പ്‌റാത്തിര്‌ക്കെ.>#സാമി പാട്ട് ബുക്ക് 2:7
34ഇനി ഒരു ണാള്‌മ് ഏസു സാവുണ ണാറി ഊറി എക്ക്യ ബ്‌ഡാത്ത പഡിതാനെ സാമി ഏസുണ സത്തവാരിലിര്‌ന്ത് ഉജുറു ഏ്ത്തിനാ്. അദ്‌ണ പറ്റി ഇച്ചെ സൊല്ലി ഇര്‌ക്ക്‌ദ്,
<സാമി ദാവീദ്‌ക്ക് ണേര്‌മായി കൊഡുക്കെ എന്ത് സൊന്ന
ഒറേപ്പാന ബാക്ക്‌ണ ണാന് ണിമാക്ക് കണ്ടിപ്പായി തരുവെ.>#എസയ്യാ് 55:3
35അദേപാസെ സാമി പാട്ട് ബുക്കിലി ബേ്റൊരു പാട്ടിലി ഇച്ചെ സൊല്ലിര്‌ക്ക്‌ദ്,
<സൊല്ലിബ്‌ട്ട ബേലെന ണമ്പിക്കോഡെ സെയ്‌ര
ണിന്ന് ബേലെക്കാറാന ണീ ണാറി ഊറി എക്ക്യ ബ്‌ഡമാട്ടെ.>#സാമി പാട്ട് ബുക്ക് 16:10
36ദാവീദ് താന് പെ്ളേത്തിര്‌ന്ത കാലാത്തിലി താന് എന്തെല്ല സെയ്യുഡൊ എന്ത് സാമി ണെനേത്താനൊ അദേപാസെ താനെ സെയ്‌ദ് സാഗാമ് സെയ്‌ദാ്. അദ്‌ക്ക് പ്‌റ തന്ന് പാട്ടല പൊദേവര്‌ഗെ പൊദേത്താര്, അയാള്‌ദ് സാവു ണാറി ഊറി എക്കാമ് സെയ്‌ദ്‌ദ്. 37ആന സാമി ഉജുറു ഏ്ത്തിനവാനൊ ണാറി ഊറി എക്കാലെ.
38-39അദ്‌ണാലെ എന്ന് കൂട്ടാരാന ഇസ്‌റേല്‌ക്കാറാരെ, ണാന് സൊല്ലുറാദ്‌ണ കേ്ളിരി. ഈ ഏസുണാലെ ണിമ്മ് പാവഗാക്ക് പൊറിമെ കെ്ഡേക്കു. ണിമ്മ് പാവഗാക്ക് മോസെ സട്ടാത്തിലിര്‌ന്ത് പൊറിമെ കെ്ഡേക്കമാട്ട. ആന ഏസുണ ണമ്പ്‌റ മുച്ചുഡ ആള്‌ഗാദ് പാവഗാക്ക്‌മ് പൊറിമെ കെ്ഡേക്കു. അച്ചെ ണിമാക്ക് സാമ്യോഡെ എപ്പ്‌മ് ഉറാവു ഇര്‌ക്കു.
40-41<സാമി സൊന്ന ണായഗണ ണാണഗെ്ഡ്‌സ്‌റവാരെ,
ഇദ്‌ണ കേ്ളിരി!
ണിമ്മ പെ്ളേത്തിര്‌ക്ക കാലാത്തിലി ണാന് ഒരു ബേലെ സെയ്‌രെ
അദ്‌ണ ണിമ്മ ഒരു ണാള്‌മ് ണമ്പമാട്ടേര്.
ഇദ്‌ണ പറ്റി ആരാറ്റ് ണിമാക്ക് സൊക്കാന സൊല്ലി തന്താല്‌മ്
ണിമ്മ അദ്‌ണ ണമ്പമാട്ടേര്.
അദ്‌ണാലെ ണിമ്മ അദിസ്യപട്ട്‌മ് സത്ത് പോഗാമ് സെയ്യുവേര്!>#അബുക്കൂക്കു 1:5
അദ്‌ണാലെ സാമിദാസ്‌ഗ സൊല്ലി ഇര്‌ക്ക കാര്യഗെല്ല ണിമാക്ക് തട്ടാദെ ഇര്‌ക്ക്യ സൂസാരിത്ത്‌കൊള്ളിരി.>>
42പവുലോസ്‌മ്, ബറ്‌ണവാസ്‌മ് എഗുദാര് പരേസ്‌റ കൂരേലി ഇര്‌ന്ത് പോഗാട്ടി, <<ഇനി ബര ഒയിവു ണാള്‌ക്ക് ഇന്നിമ് ബന്ത് ഇദ്‌ണ പറ്റി മൊത്തന കാര്യഗ എമാക്ക് സൊല്ലി തരുഡോമെ>> എന്ത് ആള്‌ഗ സൊന്നാര്. 43എഗുദാര് പരേസ്‌റ കൂരേലിര്‌ന്ത് ആള്‌ഗ പോഗാട്ടി എത്തിന്യൊ എഗുദാര്‌മ്, എഗുദ മദാക്ക് എജേന്ത എത്തിന്യൊ എഗുദാര് അല്ലാത്ത ജാദിക്കാറാര്‌മ് പവുലോസ്‌ദ്‌മ്, ബറ്‌ണവാസ്‌ദ്‌മ് പിന്ന്‌ക്ക് പോനാര്. പവുലോസ്‌മ്, ബറ്‌ണവാസ്‌മ് അവാര്‌ക്ക്: സാമിന മറാന്ത് പെ്ളേക്കാക്കില്ലെ എന്ത് സൊല്ലി അവാര്‌ണ ദയ്യിരപഡ്‌സിനാര്.
44പിന്നേമ് ഒയിവു ണാള് ബര്‌ഗാട്ടി അയ്യി പട്ടണാത്തില്യ മുക്കബാസി ആള്‌ഗാമ് ആണ്ടവാന്‌ദ് സൊല്ലുസുലാക്ക കേ്ക്ക്യ ബന്ത് തുമ്പിനാര്. 45അത്തിനി ആള്‌ഗണ കാണ്‌ഗാട്ടി എഗുദാര്‌ക്ക് കണ്ണ്‌കഡി ബന്ത്‌ദ്. അദ്‌ണാലെ അവാര് പവുലോസ് സൊല്ലുറാദ്‌ണ തറ്‌ക്കി കൊണ്ട് അയാള്‌ണ ണാണഗെ്ഡ്‌സിനാര്.
46ആന പവുലോസ്‌മ്, ബറ്‌ണവാസ്‌മ് ഒന്റുഗൂഡി ണല്ല ദയ്യിരത്തോഡെ എഗുദാര്‌ക്ക് ഇച്ചെ സൊന്നാര്: <<മുദ സാമി സൊല്ലുസുലാക്കണ ണിമാക്ക് സൊല്ലി തന്തിര്‌ന്തിര്‌ക്കുഡൊ. അദ്‌ണ എമ്മ ണിമാക്ക് സൊന്നേര്. ആന അദ്‌ഗണെല്ല ബേ്ഡ എന്ത് തള്ള്യെക്കിന ണിമ്മ എപ്പേക്ക്‌മ് ഇര്‌ക്ക ഉജുറു കെ്ഡേക്കാദ്‌ക്കുള്ള തഗ്‌ദി ണിമാക്ക് ഇല്ലെന്ത് ണിമ്മ താനെത്തെ ആക്കിര്‌ക്കാദ്. അദ്‌ണാലെ എമ്മ ഇദാ ണിമാണ തള്ളി എഗുദാര് അല്ലാത്ത ജാദിഗ പട്ട്‌ക്ക് പോരേര്.
47<ണാന് ണിനാണ എഗുദാര് അല്ലാത്ത ജാദിഗാക്ക് ഒരു ബെ്ള്‌സാമ് ആക്കുവെ,
അച്ചെ ഉലഗാത്തിലിര്‌ക്ക മുച്ചുഡ ആള്‌ഗാക്ക് ദെങ്ക്‌സി കഡാക്കാദ്‌ക്കുള്ള ബയ്യി ണീ കാട്ടി കൊഡുക്കുവെ>#എസയ്യാ് 49:6
എന്ത് ആണ്ടവാ് എമാക്ക് കണ്ടിപ്പായി സൊല്ലിര്‌ക്കാ്.>>
48എഗുദാര് അല്ലാത്ത ജാദിഗ ഇദ്‌ണ കേ്ട്ട് പിര്യ ബന്ത് ആണ്ടവാന്‌ദ് ഈ സേദി എത്തറ ണല്ലാദ് എന്ത് സൊല്ലി സാമിന ഒഗെ ഇക്കിനാര്. എപ്പേക്ക്‌മ് ഇര്‌ക്ക ഉജുറു കെ്ഡേക്ക്യ സാമി തെരിന്ത് എ്ഡ്‌ത്ത ആള്‌ഗ ഏസുണ ണമ്പിനാര്.
49അച്ചെ ആണ്ടവാന്‌ദ് സൊല്ലുസുലാക്കഗണ അയ്യി ണാഡില്യ എത്തിന്യൊ ആള്‌ഗ കേ്ട്ടാര്. 50ആന സാമിന കുമ്മുഡ്‌റ എഗുദാര് അല്ലാത്ത ജാദിലിപട്ട മദ്‌പ്പ് ഇര്‌ക്ക പെ്ണ്ണ്‌മക്കണാമ് പട്ടണാത്തിലി ഇര്‌ക്ക ബെല്ല്യ ബെല്ല്യ ആള്‌ഗണാമ് എഗുദാര് പവുലോസ്‌ക്ക്‌മ് ബറ്‌ണവാസ്‌ക്ക്‌മ് ണേരെ മൂട്ടിനാര്. അവാര് പവുലോസ്‌ണാമ് ബറ്‌ണവാസ്‌ണാമ് കൊഡിമെപഡ്‌സ്യ പ്‌ഡിത്താര്. അച്ചെ അയ്യി ണാഡിലിര്‌ന്ത് അവാര്‌ണ തുറാത്താമ് സെയ്‌ദാര്. 51ആന പവുലോസ്‌മ് ബറ്‌ണവാസ്‌മ് അവാര്‌ക്ക് ബര ദണ്ടണേക്ക് എമ്മ കുറ്റക്കാറാര് അല്ല എന്ത് കാട്ട്യ തമ്മ് കാലില്യ ദൂളിന തട്ടി എക്കിന പ്‌റ ഇക്കോനി എങ്ക എ്ഡേക്ക് പോനാര്. 52അച്ചെ അന്തൊക്ക്യാത്തില്യ ഏസുക്കാറാര് സാമിണിഗാല് ബന്ത് തുമ്പിനവാര് ആയി പിര്യപിര്യാത്ത് ഇര്‌ന്താര്.
Currently Selected:
അപ്പൊസലല 13: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
അപ്പൊസലല 13
13
ബറ്‌ണവാസ്‌ണാമ് സവുലുണാമ് സൊല്ലിബ്‌ഡ്‌റാര്
1അന്തൊക്ക്യാലി ഇര്‌ക്ക ഏസുക്കാറാര് കൂട്ടാത്തിലി ലേസ സാമിദാസ്‌ഗാമ് ബേദ പഡ്‌സ്‌റവാര്‌മ് ഇര്‌ന്താര്. ബറ്‌ണവാസ്, ണീഗാറ് എന്ത് ഒളേക്ക സിമയോന്, കുറേനെ ണാഡ്‌ക്കാറാ് ലൂക്ക്യൊസ്, അദിഗാരി ആന എരോദാന്‌ദ് ഒപ്പ ബളാന്ത മനെയേല്, സവുല് എങ്കവാര്‌ത്തെ അവാര്. 2ഇവാര് തീനി തിന്നാത്ത പരേസ പരേസി ആണ്ടവാന ഒഗെ ഇക്കി കൊണ്ടിര്‌ന്താര്. അക്കുളെ സാമിണിഗാല്: <<ണാന് ബറ്‌ണവാസ്‌ണാമ് സവുലുണാമ് എന്ന് ബേലേക്ക് ബേ്ണ്ടി ഒളേത്ത് ഇര്‌ക്കെ, അദ്‌ക്ക് അവാര്‌ണ എനാക്ക് ബേ്ണ്ടി പ്‌റ്‌ത്ത് ബെയ്യിരി>> എന്ത് സൊല്ലിറ്റ്.
3അച്ചെ അവാര് തീനി തിന്നാത്ത പരേസ പരേസി ബറ്‌ണവാസ്‌ദ്‌മ് സവുല്‌ദ്‌മ് തലേക്ക് കയ്യി ബെത്ത് പരേസി സൊല്ലിബ്‌ട്ടാര്.
ബറ്‌ണവാസ്‌മ് സവുലുമ് കുപുറോസിലി
4സാമിണിഗാല് സൊല്ലിബ്‌ഡ്‌ഗാട്ടി ബറ്‌ണവാസ്‌മ് സവുലുമ് സെലുക്ക്യ എങ്ക പട്ടണാക്ക് പോനാര്, അദിലിര്‌ന്ത് കപ്പാല് ഏ്റി സുറ്റുമ് തണ്ണിര്‌ക്ക കുപുറോസ് ണാഡ്‌ക്ക് പോനാര്. 5അവാര് സലാമീസ് എങ്ക പട്ടണാക്ക് എത്ത്‌ഗാട്ടി എഗുദാര് പരേസ്‌റ കൂരെക്ക്‌റാഗ പോയി സാമി സൊല്ലുസുലാക്കഗണ സൊന്നാര്. അവാര്‌ദ് ബേലേലി കയ്യിതാങ്ക്യ ഓഗന്നാ് എങ്ക മറ്‌ക്കോസ്‌മ് അവാര്‌ദൊപ്പ ഇര്‌ന്താ്.
6അവാര് കുപുറോസിലി ഇര്‌ക്ക ണാഡ് മുച്ചുഡ സുറ്റ്യറ്റി പാപോസ് പട്ടണമാട്ട് എജ്ജിനാര്. അദിലി അവാര് എഗുദ ജാദിക്ക് പട്ട ബറ് ഏസു എങ്ക മന്ത്‌റവാദിന കണ്ടാര്. അയാള് സാമിദാസ് അല്ല ആന ണാന്‌ത്തെ സാമിദാസ് എന്ത് സൊല്ലി ണഡാന്തിര്‌ന്താ്. 7അയാള് സെറ്‌ഗിയോസ് പവുലോസ്‌ക്ക് എ്ണേവുക്കാറാന്‌മ് ആയിര്‌ന്താ്. അയ്യി കുപുറോസില്യ അദിഗാരി ആന സെറ്‌ഗിയോസ് പവുലോസ് ണല്ല ബുദ്ദിക്കാറാന്‌മ് ആയിര്‌ന്താ്. അയാള് സാമി സൊല്ലുസുലാക്കണ കേ്ക്ക്യ ബേ്ണ്ടി ബറ്‌ണവാസ്‌ണാമ് സവുലുണാമ് തന്ന് പട്ട്‌ക്ക് ഒളേത്ത് ബര്‌സിനാ്. 8ആന മന്ത്‌റക്കാറാ് എലീമാസ് (ഗ്‌റീക്ക് ണായാത്തിലി ബറ് ഏസുണ എലീമാസ് എന്ത്‌ത്തെ ഒളേക്കാദ്) അവാര്‌ണ സാമിദ് ബാക്ക്‌ണ സൊല്ല്യബ്‌ഡാലെ, അയ്യി അദിഗാരി സാമിദ് സൊല്ലുസുലാക്കണ ണമ്പാദെ ഇര്‌ക്ക്യ ബേ്ണ്ടി അയാള് ഓരാഡിനാ്. 9അക്കുളെ പവുലോസ് എന്ത് ഒളേക്ക സവുല് സാമിണിഗാല്‌ദ് സക്‌ദ്യോഡെ, ഏലിമാസ്‌ണ ദുറ്‌ത്ത് ണോഡി 10സൊന്നാ്: <<ഏയ്, സെയിത്ത്യാന്‌ദ് മഗാനെ, ണീ എല്ല ണല്ല കാര്യഗാക്ക്‌മ് തഡെ ണില്ല്‌റേന, ണിന്നോഡെ എല്ല ദിന്‌സ് തക്ക്‌ഡിമ് ബഞ്ചണേമ് ഇര്‌ക്ക്‌ദ്! ണീ എപ്പ്‌മ് ആണ്ടവാന്‌ദ് സത്ത്യണ പൊയ്യി ആക്കി എക്ക്‌റെ. അദ്‌ണ തള്ളി എക്കമാട്ടേഗ? 11ഇദാ ണോഡു ഇപ്പ് ണിനാക്ക് ആണ്ടവാനോഡിര്‌ന്ത് കെ്ഡേക്കു. ലേസ ഗള്യെ ണിന്ന് കണ്ണ് കെ്ട്ടെക്കി ണേരകാല്‌ണ കാണ്യ മുഡ്യാദാവു.>>
അപ്പ്‌താനെ അയാള്‌ദ് കണ്ണ് ഇ്റ്‌ട്ടൂറി എക്കിത്ത്, തന്ന് കയ്യിന ആരാറ്റ് പ്‌ഡിത്ത് ണഡാത്ത്യ അയാള് ആള്‌ഗണ തഡാക്കിനാ്. 12ഇദ്‌ണ കണ്ട അയ്യി അദിഗാരി ആണ്ടവാന ണമ്പിനാ്, ആണ്ടവാന പറ്റി സൊന്നാദ്‌ണ കേ്ട്ട് അദിസ്യ പട്ടെക്കാമ് സെയ്‌ദാ്.
പവുലോസ്‌മ് ബറ്‌ണവാസ്‌മ് പിസിദ്യേലി ഇര്‌ക്ക അന്തൊക്ക്യ പട്ടണാത്തിലി
13പവുലോസ്‌മ് തന്ന്‌ദൊപ്പ പോരവാര്‌മ് പാപോസ് എങ്ക പട്ടണാത്തിലിര്‌ന്ത് കപ്പാല്‌ക്ക് ഏ്റി പമ്പുല്യ എങ്ക ണാഡിലിര്‌ക്ക പെ്റ്‌ഗെ എങ്ക പട്ടണാക്ക് എത്തിനാര്. അദിലി ബെത്ത് ഓഗന്നാ് എങ്ക മറ്‌ക്കോസ് അവാര്‌ണ തള്ളി എര്‌സലേമ്‌ക്ക് താനെ പോനാ്. 14അവാര് പെ്റ്‌ഗേലിര്‌ന്ത് പിസിദ്യെ ണാഡിലിര്‌ക്ക അന്തൊക്ക്യ എങ്ക പട്ടണാക്ക് എജ്ജിനാര്. ഒയിവു ണാള് അദിലിര്‌ക്ക എഗുദാര് പരേസ്‌റ കൂരെക്കുള്ളുക്ക് പോയി അവാര് കുക്കാന്താര്. 15പ്‌റ അവാര് മോസെ ബെത്ത സാമി സട്ടാത്തിലിര്‌ന്ത്‌മ് സാമിദാസ്‌ഗാദ് ബുക്കിലിര്‌ന്ത്‌മ് പഡിത്ത് കാട്ടിനാര്. അദ്‌ക്ക് പ്‌റ, എഗുദാര് പരേസ്‌റ കൂരേല്യ അദിഗാരിഗ അവാര്‌ക്ക് ആള് ബ്‌ട്ട്: <<അണ്ണലാഗെ തമ്പിലാഗെ, ണിമാക്ക് ഇദിലി ഇര്‌ക്ക ആള്‌ഗാക്കെ ദയ്യിര കെ്ഡേക്കാദ്‌ക്കുള്ള എന്താറ്റ്‌ഗ സൊല്ല്യ ഇര്‌ക്കദാനാക്കി സൊല്ലിരി>> എന്ത് സൊല്ലിസിനാര്.
16പവുലോസ് എ്ന്ത് ണിന്റ് കയ്യിലി ജാഡെ മാഡി കൊണ്ട് ഇച്ചെ സൊന്നാ്: <<ഇസ്‌റേല്‌ക്കാറാരെ, സാമിന കുമ്മുഡ്‌റ എഗുദാര് അല്ലാത്ത ജാദിഗളെ, ഇദ്‌ണ കേ്ളിരി! 17ഇസ്‌റേല്‌ക്കാറാര്‌ദ് സാമി ണമ്മ്‌ദ് പാട്ടലണ തെരിന്തെ്ഡ്‌ത്താ്. അവാര് ഈജിത്ത് ണാഡിലി അന്ന്യ ണാഡ്‌ക്കാറാരായി പെ്ളേത്തിര്‌ന്ത കാലാത്തിലി സാമി അവാര്‌ണ പെര്‌ഗ്‌സിനാ്. അവാര് ബെല്ല്യൊരു കൂട്ടായി എക്കിനാര്. പ്‌റ സാമി തന്ന് സക്‌ദിണാലെ അവാര്‌ണ അദിലി ഇര്‌ന്ത് കൂട്ടി ബന്താ്. 18അവാര്‌ക്ക് സാമിന ബേ്ഡ എന്ത് ഇര്‌ന്ത്‌മ് ണാപ്പദ് ബര്‌സ മാട്ട് ബെ്ട്ടെകാഡിലി സാമി അവാര്‌ണ പൊറിമോഡെ ണഡാത്തിനാ്. 19കാനാന് ണാഡില്യ ഏ്ള് ജാദിഗണ സാമി ഇല്ലാദെ ആക്കി അയ്യി ണാഡ്‌ക്ക് തന്ന് ആള്‌ഗണ ഉരിമെക്കാറാരാക്കിനാ്. 20ഇദെല്ല ണഡാക്ക്യ ണാനൂറ്റമ്പദ് ബര്‌സ പ്‌ഡിത്ത്‌ദ്.
അദ്‌ക്ക് പ്‌റ സാമൂവേല് സാമിദാസ് മാട്ട് ണായക്കാറാര്‌ണ സാമി അവാര്‌ക്ക് കൊഡുത്താ്. 21ആന അവാര്‌ക്ക് ഒരു റാജാവുണ ബേ്ഡു എന്ത് കേ്ട്ടാര്. അക്കുളെ സാമി അവാര്‌ക്ക് ബെന്ന്യാമീന് കുലാത്തിലി പട്ട കീസ് എങ്കവാന്‌ദ് മഗാ് സവുലുണ റാജാവാക്കിനാ്. അച്ചെ അയാള്‌ണ സാമി ണാപ്പദ് ബര്‌സ ആള്യ ബ്‌ട്ടാ്. 22പ്‌റ സാമി സവുലുണ റാജപട്ടാത്തിലിര്‌ന്ത് തള്ളി ദാവീദ്‌ണ റാജാവു ആക്കിനാ്. ഇദ്‌ത്തെ സാമി ദാവീദ്‌ണ പറ്റി സൊന്നാദ്: <ഇസ്സായിദ് മഗനാന ദാവീദ്‌ണ എന്ന് മനേസ്സ്‌ക്ക് പ്‌ഡിത്തവാനായി ണാന് കണ്ടിര്‌ക്കെ, അവാ് എന്തെല്ല സെയ്യുഡൊ എന്ത് ണാന് ആസെപഡ്‌റേനൊ, അദ് ഒട്ടുക്ക്‌മ് അയാള് സെയ്‌വാ്.>
23സാമി ബാക്ക് തന്ത പഡി ദാവീദ് കാലിലി ഇര്‌ന്ത് താനെ ഇസ്‌റേല്‌ക്കാറാര്‌ണ കാപാറ്റ്യ ഏസുണ കൊഡുത്താ്. 24ഏസു തന്ന് ബേലെ പ്‌ഡിക്കാത്ത മുദ തമ്മ സെയ്‌ദിര്‌ന്ത പാവഗണെല്ല തള്ളി എക്കി സാമി സാരി തിലിമ്പി ബരുഡൊ എന്ത്‌മ് തണ്ണിക്ക് മുളുഗുഡൊ എന്ത്‌മ് ഓഗന്നാ് എല്ല ഇസ്‌റേല് ആള്‌ഗാക്കേമ് സൊല്ലി ഇര്‌ന്താ്. 25ഓഗന്നാ് തന്ന് ബേലെ തീര്യ ആഗാട്ടി ആള്‌ഗാക്കെ ഇച്ചെ സൊന്നാ്: <എനാണ ണിമ്മ ആര് എന്ത് ണെനേക്കേര്? ണിമ്മ കാത്തിര്‌ക്ക ആള് ണാന് അല്ല. ആന ഒരുത്താ് എന്ന് പിന്ന്‌ക്ക് ബരാ്. അയാള് ഇക്കിര്‌ക്ക സെര്‌പ്പ്‌ണ ഉക്ക്യ ഗൂഡി എനാക്ക് തഗ്‌ദില്ലെ.>
26എന്ന് കൂട്ടാരാന ഇസ്‌റേല്‌ക്കാറാരെ, അവുറഗാമ്‌ദ് കാല്‌ക്ക് പട്ടവാരെ, ഇസ്‌റേല് സാമിന കുമ്മുഡ്‌റ എഗുദാര് അല്ലാത്ത ജാദിഗളെ, ഗെലിസി കഡാക്ക്യ ഇര്‌ക്ക ഈ സേദിന ണമാക്ക്‌ത്തെ സാമി അന്‌പ്പിര്‌ക്കാദ്. 27എര്‌സലേമ്‌ക്കാറാര്‌ക്ക്‌മ് അവാര്‌ദ് തലെവലാക്ക്‌മ് ഏസു കാപാറ്റ്‌റവാ് എന്ത് തെര്യാലെ. എല്ല ഒയിവു ണാള്‌മ് സാമിദാസ്‌ഗാദ് ബുക്കിലി ഇദ്‌ണ പറ്റി എ്ള്‌ദി ബെത്തിര്‌ക്കാദ്‌ണ പഡിത്ത് കാട്ടിട്ട്‌മ് അവാര്‌ക്ക് അദ്‌ണ ണമ്പ്യമുഡ്യാലെ. ആനാല്‌മ് ഏസുണ അവാര് കൊല്ല്യ ബിദിത്ത് അയ്യി സാമിദാസ്‌ഗ സൊല്ലിര്‌ന്ത സൊല്ലുസുലാക്ക ണേര് ആക്കി തീത്താര്. 28ഏസുണ കൊല്ല്യ കൊഡുക്കാദ്‌ക്കുള്ള ഒരു തെ്ളുവുമ് അവാര്‌ക്ക് കെ്ഡേക്കാലെ അപ്പ്‌മ് പീലത്തോസ്‌ക്ക് അയാള്‌ണ സെറ്റെ കൊല്ലുഡോമെ എന്ത് സൊന്നാര്. 29അച്ചെ അവാന പറ്റി സാമി ബുക്കിലി എ്ള്‌ദി ബെത്തിര്‌ക്കാദെല്ല അവാര് സെയ്‌ദ് തീത്താര്. പ്‌റ ഏസുദ് സാവുണ കുരുസിലിര്‌ന്ത് ഇ്റാക്കി കല്ലളേക്ക് ഇക്കിനാര്. 30ആന സാമി ഏസുണ സത്തവാരിലി ഇര്‌ന്ത് ഉജുറേ്ത്തിനാ്. 31ഏസു സാഗാത്ത മുദ തന്ന് ഒപ്പ ഗെലീലേലി ഇര്‌ന്ത് എര്‌സലേമ്‌ക്ക് പോനവാര്‌ക്ക് താന് സത്ത് ഉജുറെ്ന്ത പ്‌റ എത്തിന്യൊ ണാള് അവാര്‌ക്ക് ബെ്ളിപട്ടാ്. അവാര് ഇപ്പ് ഇസ്‌റേല് ആള്‌ഗാക്കെ തമ്മ അയാള്‌ണ പറ്റി കണ്ടാദ്‌ണ മുച്ചുഡ സൊല്ലുറാര്.
32-33ണമ്മ്‌ദ് പാട്ടലാമ് സാമിമ് ആങ്കീങ്ക് ബാക്ക് കൊഡുത്തിര്‌ന്താര്. ഏസുണ ഉജുറു ഏ്ത്തിനാദ്‌ണാലെ അയ്യി ബാക്ക്‌ണ അവാര്‌ദ് മക്കഗാന ണമാക്ക് സാമി സെയ്‌ദ് തന്താ്. ഈ ണല്ല സേദിനാത്തെ എമ്മ ണിമാക്ക് സൊല്ലുറാദ്. അദ്‌ണാലെ സാമി പാട്ട് ബുക്കിലി റണ്ടാവദ് പാട്ടിലി ഇച്ചെ എ്ള്‌ദി ഇര്‌ക്ക്‌ദ്,
<ണീ എന്ന് മഗാ്,
ഇന്റ് ണാന് ണിനാണ പ്‌റാത്തിര്‌ക്കെ.>#സാമി പാട്ട് ബുക്ക് 2:7
34ഇനി ഒരു ണാള്‌മ് ഏസു സാവുണ ണാറി ഊറി എക്ക്യ ബ്‌ഡാത്ത പഡിതാനെ സാമി ഏസുണ സത്തവാരിലിര്‌ന്ത് ഉജുറു ഏ്ത്തിനാ്. അദ്‌ണ പറ്റി ഇച്ചെ സൊല്ലി ഇര്‌ക്ക്‌ദ്,
<സാമി ദാവീദ്‌ക്ക് ണേര്‌മായി കൊഡുക്കെ എന്ത് സൊന്ന
ഒറേപ്പാന ബാക്ക്‌ണ ണാന് ണിമാക്ക് കണ്ടിപ്പായി തരുവെ.>#എസയ്യാ് 55:3
35അദേപാസെ സാമി പാട്ട് ബുക്കിലി ബേ്റൊരു പാട്ടിലി ഇച്ചെ സൊല്ലിര്‌ക്ക്‌ദ്,
<സൊല്ലിബ്‌ട്ട ബേലെന ണമ്പിക്കോഡെ സെയ്‌ര
ണിന്ന് ബേലെക്കാറാന ണീ ണാറി ഊറി എക്ക്യ ബ്‌ഡമാട്ടെ.>#സാമി പാട്ട് ബുക്ക് 16:10
36ദാവീദ് താന് പെ്ളേത്തിര്‌ന്ത കാലാത്തിലി താന് എന്തെല്ല സെയ്യുഡൊ എന്ത് സാമി ണെനേത്താനൊ അദേപാസെ താനെ സെയ്‌ദ് സാഗാമ് സെയ്‌ദാ്. അദ്‌ക്ക് പ്‌റ തന്ന് പാട്ടല പൊദേവര്‌ഗെ പൊദേത്താര്, അയാള്‌ദ് സാവു ണാറി ഊറി എക്കാമ് സെയ്‌ദ്‌ദ്. 37ആന സാമി ഉജുറു ഏ്ത്തിനവാനൊ ണാറി ഊറി എക്കാലെ.
38-39അദ്‌ണാലെ എന്ന് കൂട്ടാരാന ഇസ്‌റേല്‌ക്കാറാരെ, ണാന് സൊല്ലുറാദ്‌ണ കേ്ളിരി. ഈ ഏസുണാലെ ണിമ്മ് പാവഗാക്ക് പൊറിമെ കെ്ഡേക്കു. ണിമ്മ് പാവഗാക്ക് മോസെ സട്ടാത്തിലിര്‌ന്ത് പൊറിമെ കെ്ഡേക്കമാട്ട. ആന ഏസുണ ണമ്പ്‌റ മുച്ചുഡ ആള്‌ഗാദ് പാവഗാക്ക്‌മ് പൊറിമെ കെ്ഡേക്കു. അച്ചെ ണിമാക്ക് സാമ്യോഡെ എപ്പ്‌മ് ഉറാവു ഇര്‌ക്കു.
40-41<സാമി സൊന്ന ണായഗണ ണാണഗെ്ഡ്‌സ്‌റവാരെ,
ഇദ്‌ണ കേ്ളിരി!
ണിമ്മ പെ്ളേത്തിര്‌ക്ക കാലാത്തിലി ണാന് ഒരു ബേലെ സെയ്‌രെ
അദ്‌ണ ണിമ്മ ഒരു ണാള്‌മ് ണമ്പമാട്ടേര്.
ഇദ്‌ണ പറ്റി ആരാറ്റ് ണിമാക്ക് സൊക്കാന സൊല്ലി തന്താല്‌മ്
ണിമ്മ അദ്‌ണ ണമ്പമാട്ടേര്.
അദ്‌ണാലെ ണിമ്മ അദിസ്യപട്ട്‌മ് സത്ത് പോഗാമ് സെയ്യുവേര്!>#അബുക്കൂക്കു 1:5
അദ്‌ണാലെ സാമിദാസ്‌ഗ സൊല്ലി ഇര്‌ക്ക കാര്യഗെല്ല ണിമാക്ക് തട്ടാദെ ഇര്‌ക്ക്യ സൂസാരിത്ത്‌കൊള്ളിരി.>>
42പവുലോസ്‌മ്, ബറ്‌ണവാസ്‌മ് എഗുദാര് പരേസ്‌റ കൂരേലി ഇര്‌ന്ത് പോഗാട്ടി, <<ഇനി ബര ഒയിവു ണാള്‌ക്ക് ഇന്നിമ് ബന്ത് ഇദ്‌ണ പറ്റി മൊത്തന കാര്യഗ എമാക്ക് സൊല്ലി തരുഡോമെ>> എന്ത് ആള്‌ഗ സൊന്നാര്. 43എഗുദാര് പരേസ്‌റ കൂരേലിര്‌ന്ത് ആള്‌ഗ പോഗാട്ടി എത്തിന്യൊ എഗുദാര്‌മ്, എഗുദ മദാക്ക് എജേന്ത എത്തിന്യൊ എഗുദാര് അല്ലാത്ത ജാദിക്കാറാര്‌മ് പവുലോസ്‌ദ്‌മ്, ബറ്‌ണവാസ്‌ദ്‌മ് പിന്ന്‌ക്ക് പോനാര്. പവുലോസ്‌മ്, ബറ്‌ണവാസ്‌മ് അവാര്‌ക്ക്: സാമിന മറാന്ത് പെ്ളേക്കാക്കില്ലെ എന്ത് സൊല്ലി അവാര്‌ണ ദയ്യിരപഡ്‌സിനാര്.
44പിന്നേമ് ഒയിവു ണാള് ബര്‌ഗാട്ടി അയ്യി പട്ടണാത്തില്യ മുക്കബാസി ആള്‌ഗാമ് ആണ്ടവാന്‌ദ് സൊല്ലുസുലാക്ക കേ്ക്ക്യ ബന്ത് തുമ്പിനാര്. 45അത്തിനി ആള്‌ഗണ കാണ്‌ഗാട്ടി എഗുദാര്‌ക്ക് കണ്ണ്‌കഡി ബന്ത്‌ദ്. അദ്‌ണാലെ അവാര് പവുലോസ് സൊല്ലുറാദ്‌ണ തറ്‌ക്കി കൊണ്ട് അയാള്‌ണ ണാണഗെ്ഡ്‌സിനാര്.
46ആന പവുലോസ്‌മ്, ബറ്‌ണവാസ്‌മ് ഒന്റുഗൂഡി ണല്ല ദയ്യിരത്തോഡെ എഗുദാര്‌ക്ക് ഇച്ചെ സൊന്നാര്: <<മുദ സാമി സൊല്ലുസുലാക്കണ ണിമാക്ക് സൊല്ലി തന്തിര്‌ന്തിര്‌ക്കുഡൊ. അദ്‌ണ എമ്മ ണിമാക്ക് സൊന്നേര്. ആന അദ്‌ഗണെല്ല ബേ്ഡ എന്ത് തള്ള്യെക്കിന ണിമ്മ എപ്പേക്ക്‌മ് ഇര്‌ക്ക ഉജുറു കെ്ഡേക്കാദ്‌ക്കുള്ള തഗ്‌ദി ണിമാക്ക് ഇല്ലെന്ത് ണിമ്മ താനെത്തെ ആക്കിര്‌ക്കാദ്. അദ്‌ണാലെ എമ്മ ഇദാ ണിമാണ തള്ളി എഗുദാര് അല്ലാത്ത ജാദിഗ പട്ട്‌ക്ക് പോരേര്.
47<ണാന് ണിനാണ എഗുദാര് അല്ലാത്ത ജാദിഗാക്ക് ഒരു ബെ്ള്‌സാമ് ആക്കുവെ,
അച്ചെ ഉലഗാത്തിലിര്‌ക്ക മുച്ചുഡ ആള്‌ഗാക്ക് ദെങ്ക്‌സി കഡാക്കാദ്‌ക്കുള്ള ബയ്യി ണീ കാട്ടി കൊഡുക്കുവെ>#എസയ്യാ് 49:6
എന്ത് ആണ്ടവാ് എമാക്ക് കണ്ടിപ്പായി സൊല്ലിര്‌ക്കാ്.>>
48എഗുദാര് അല്ലാത്ത ജാദിഗ ഇദ്‌ണ കേ്ട്ട് പിര്യ ബന്ത് ആണ്ടവാന്‌ദ് ഈ സേദി എത്തറ ണല്ലാദ് എന്ത് സൊല്ലി സാമിന ഒഗെ ഇക്കിനാര്. എപ്പേക്ക്‌മ് ഇര്‌ക്ക ഉജുറു കെ്ഡേക്ക്യ സാമി തെരിന്ത് എ്ഡ്‌ത്ത ആള്‌ഗ ഏസുണ ണമ്പിനാര്.
49അച്ചെ ആണ്ടവാന്‌ദ് സൊല്ലുസുലാക്കഗണ അയ്യി ണാഡില്യ എത്തിന്യൊ ആള്‌ഗ കേ്ട്ടാര്. 50ആന സാമിന കുമ്മുഡ്‌റ എഗുദാര് അല്ലാത്ത ജാദിലിപട്ട മദ്‌പ്പ് ഇര്‌ക്ക പെ്ണ്ണ്‌മക്കണാമ് പട്ടണാത്തിലി ഇര്‌ക്ക ബെല്ല്യ ബെല്ല്യ ആള്‌ഗണാമ് എഗുദാര് പവുലോസ്‌ക്ക്‌മ് ബറ്‌ണവാസ്‌ക്ക്‌മ് ണേരെ മൂട്ടിനാര്. അവാര് പവുലോസ്‌ണാമ് ബറ്‌ണവാസ്‌ണാമ് കൊഡിമെപഡ്‌സ്യ പ്‌ഡിത്താര്. അച്ചെ അയ്യി ണാഡിലിര്‌ന്ത് അവാര്‌ണ തുറാത്താമ് സെയ്‌ദാര്. 51ആന പവുലോസ്‌മ് ബറ്‌ണവാസ്‌മ് അവാര്‌ക്ക് ബര ദണ്ടണേക്ക് എമ്മ കുറ്റക്കാറാര് അല്ല എന്ത് കാട്ട്യ തമ്മ് കാലില്യ ദൂളിന തട്ടി എക്കിന പ്‌റ ഇക്കോനി എങ്ക എ്ഡേക്ക് പോനാര്. 52അച്ചെ അന്തൊക്ക്യാത്തില്യ ഏസുക്കാറാര് സാമിണിഗാല് ബന്ത് തുമ്പിനവാര് ആയി പിര്യപിര്യാത്ത് ഇര്‌ന്താര്.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature