അപ്പൊസലല 17
17
പവുലോസ്‌മ് സീലാസ്‌മ് തെസ്‌ലോനിക്ക്യ പട്ടണാത്തിലി
1പവുലോസ്‌മ്, സീലാസ്‌മ്, അമ്പിപ്പൊലിസ്, അപ്പലോന്യ ഈ റണ്ട് പട്ടണമേലെ കഡാന്ത് തെസ്‌ലോനിക്ക്യ പട്ടണാക്കെ ബന്താര്. അദിലി എഗുദാര് പരേസ്‌റ ഒരു കൂരെ ഇര്‌ന്ത്‌ദ്. 2പവുലോസ്‌ക്ക് എപ്പ്‌മ് എഗുദാര് പരേസ്‌റ കൂരേക്ക് പോര പളാക്ക ഇര്‌ക്കാദ്‌ണാലെ അയാള് അദില്യ എഗുദാര് പരേസ്‌റ കൂരേക്ക് പോനാ്. പവുലോസ് മൂണ് ബാരാത്തില്യ ഒയിവു ണാള്‌മ് സാമി ബുക്കിലി ഇര്‌ന്ത് ആള്‌ഗോഡെ ബാദിത്താ്. 3ക്‌റ്‌സ്‌ത്ത് കജട്ടപഡുഡൊ എന്ത്‌മ് സത്ത പ്‌റ ഉജുറു ഏ്ഡൊ എന്ത്‌മ് സാമി ബുക്കിലി ഇര്‌ന്ത് അയാള് സൊക്കാന ആള്‌ഗാക്കെ സൊല്ലികൊഡുത്താ്. <<ണാന് ആര്‌ണ പറ്റി ണിമാക്ക് സൊല്ലുറേഗൊ അദേ ഏസു താനെത്തെ ക്‌റ്‌സ്‌ത്ത്>> എന്ത് അയാള് കാട്ടിമ് കൊഡുത്താ്. 4അദിലിര്‌ന്ത ലേസ എഗുദാര് പവുലോസ് സൊന്നാദ് ണേര് എന്ത് ണമ്പിനാര്. അവാര് പവുലോസ്‌ക്കേമ് സീലാസ്‌ക്കേമ് എജേന്താര്. അദേപാസെ താനെ ഇസ്‌റേല് സാമിന കുമ്മുഡി ണഡാക്ക എത്തിന്യൊ ഗ്‌റീക്ക്‌ക്കാറാര്‌മ് ആള്‌ഗെല്ല മദിക്ക മൊത്തന പെ്ണ്ണ്‌മക്കഗാമ് പവുലോസ്‌ക്കേമ് സീലാസ്‌ക്കേമ് എജേന്താര്.
5ആന എഗുദാര്‌ക്ക് കണ്ണ്‌കഡി ബന്ത്‌ദ്. അവാര് സന്തേക്ക്‌റാഗ ഇര്‌ക്ക കേ്ഡിഗണ ഒളേത്ത് ബര്‌സി ഒരു കൂട്ട ആള്‌ഗണ കൂട്ടിനാര്. അവാര് ആള്‌ഗാദ്‌ക്കുള്ളുക്ക് കലമ്പാല് ഉണ്ടാക്കിനാര്. പവുലോസ്‌ണാമ് സീലാസ്‌ണാമ് പരാന്ത് പ്‌ഡിത്ത് ആള്‌കൂട്ടാക്ക് മുന്തുക്ക് ണില്ലിസ്യ അവാര് ആസോന്‌ദ് കൂരെ ബാസണ പിദാരിന്ത് ഉള്ളുക്ക് പുക്കിനാര്. 6ആന അയ്യി കൂരേലി പവുലോസ്‌ണാമ് സീലാസ്‌ണാമ് കാണാലെ. അദ്‌ണാലെ ആസോന്‌ണാമ് ബേ്റെ ലേസ ഏസുക്കാറാര്‌ണാമ് പ്‌ഡിത്ത് ബലിത്ത് എ്ഡ്‌ത്ത്‌കൊണ്ട് പട്ടണാത്തില്യ അദിഗാരിഗാക്ക് മുന്തുക്ക് ണില്ലിസിനാര്. <<ഏദ് എ്ഡേക്ക് പോനാല്‌മ് കലമ്പാല് ഉണ്ടാക്ക്‌റ ഈ ആള്‌ഗ ഇദ്‌ക്കേമ് ബന്തിര്‌ക്കാര്. 7ഇദാ ഈ ആസോന് അവാര്‌ണ ഒളിസി ബെത്തിര്‌ക്കാ്. അവാര് ഏസു എങ്ക ബേ്റൊരു റാജാവു ഇര്‌ക്കാ് എന്ത് സൊല്ലി റോമ ണാഡ് റാജാവുദ് സട്ടഗണെല്ല തള്ളി എക്കികൊണ്ടിര്‌ക്കാര്>> എന്ത് സൊല്ലി ആലാത്ത് സൊന്നാര്. 8ഈ ണായ കേ്ട്ട് പട്ടണാത്തില്യ അദിഗാരിഗാമ് ആള്‌ഗാമ് സെര്യാന രെച്ചെ ഉണ്ടാക്കിനാര്. 9പ്‌റ അദിഗാരിഗ ആസോന്‌ണാമ് അയാള്‌ദൊപ്പ ഇര്‌ന്ത ആള്‌ഗണാമ് ബ്‌ഡ്‌റാദ്‌ക്കുള്ള പണ കെ്ട്ടിസി ബ്‌ട്ടാര്.
പവുലോസ്‌മ് സീലാസ്‌മ് ബെ്റോവെ പട്ടണാത്തിലി
10ജാമ ആനാദ്‌മ് അപ്പ്‌താനെ ഏസുക്കാറാര് അദിലിര്‌ന്ത് പവുലോസ്‌ണാമ് സീലാസ്‌ണാമ് ബെ്റോവേക്കെ സൊല്ലിബ്‌ട്ടാര്. അവാര് ബെ്റോവേക്കെ എജ്ജി അദില്യ എഗുദാര് പരേസ്‌റ കൂരേക്ക് പോനാര്. 11ബെ്റോവെ പട്ടണാത്തില്യവാര് തെസ്‌ലോനിക്ക്യക്കാറാര്‌ണ പാസെ അല്ല, എന്ത സൊന്നാല്‌മ് അവാര് സൊക്കാന കേ്ക്ക്യ മനേസ്സ് ഇര്‌ക്കവാരായി ഇര്‌ന്താര്. പവുലോസ് സൊല്ലുറ ണായഗണ കേ്ക്ക്യാമ് റമ്പ ആസെ അവാര്‌ക്ക് ഇര്‌ന്ത്‌ദ്. അദല്ലാദെ പവുലോസ് സൊന്നാദ് ണേര്‌ത്തേഗ എന്ത് തെര്യ സാമി ബുക്കിലി എ്ള്‌ദി ഇര്‌ക്കാദ്‌ണ ണാള്‌മ് അവാര് സൊക്കാന പഡിത്ത് ണോഡിര്‌ന്താര്. 12അച്ചെ എത്തിന്യൊ എഗുദാര്‌ഗ ഏസുണ ണമ്പിനവാര് ആനാര്. അദേപാസെ താനെ എത്തിന്യൊ ഗ്‌റീക്ക്‌ക്കാറാര് ആന ആണ്‌മക്കഗാമ് മുഗേനിഗ ആന ഗ്‌റീക്ക് പെ്ണ്ണ്‌മക്കഗാമ് ഏസുണ ണമ്പിനവാര് ആനാര്.
13ബെ്റോവേലിമ് പവുലോസ് സാമി സൊല്ലുസുലാക്കണ സൊല്ലുറാ് എന്ത് തെസ്‌ലോനിക്ക്യാല്യ എഗുദാര്‌ക്ക് സേദി കെ്ഡേത്ത്‌ദ്. അവാര് അദ്‌ക്കേമ് പോയി ആള്‌ഗണ മൂട്ടി കലമ്പാല് ഉണ്ടാക്ക്യ ണോഡിനാര്. 14അക്കുളെ ഏസുക്കാറാരാന ബെ്റോവെക്കാറാര് പൊത്തന പവുലോസ്‌ണ കഡാലോരാക്കെ സൊല്ലിബ്‌ട്ടാര്. ആന സീലാസ്‌മ് തിമത്തോസ്‌മ് ബെ്റോവേലി താനെ തങ്കിനാര്. 15പവുലോസ്‌ണ ബ്‌ട്ട് ബര്യ പോനവാര് ആദന്‌സ് മാട്ട് അയാള്‌ദ് ഒപ്പ പോനാര്. ബ്‌ഡ്യ പോനവാര് ബെ്റോവേക്ക് താനെ തിലിമ്പിനാര്, സീലാസ്‌ണാമ് തിമത്തോസ്‌ണാമ് പൊത്തന തന്ന് പട്ട്‌ക്ക് എജ്ജുഡൊ എന്ത് പവുലോസ് അവാര്‌ക്ക് സൊല്ലിബ്‌ട്ടാ്.
പവുലോസ് ആദന്‌സിലി
16സീലാസ്‌മ് തിമത്തോസ്‌മ് ബരാദ്‌ണ കാത്ത് പവുലോസ് ആദന്‌സ് എങ്ക പട്ടണാത്തിലി താനെ ഇര്‌ന്താ്. അയ്യി ഗള്യേലി പട്ടണാത്തിലി സെലെഗ തുമ്പിര്‌ക്കാദ്‌ണ പവുലോസ് കണ്ടാ്. അദ്‌ണ കണ്ട് പവുലോസ്‌ദ് മനേസ്സ് ബെന്ത്‌ഡിന്തെക്കിറ്റ്. 17അദ്‌ണാലെ അവാ് എഗുദാര് പരേസ്‌റ കൂരേലി ബെത്ത് എഗുദാരോഡേമ് സാമിന കുമ്മുഡ്‌റ എഗുദാര് അല്ലാത്ത ജാദിഗോഡാമ് ആങ്കീങ്ക് ണായ പേസിനാര്, അദേപാസെ താനെ സന്തേക്ക്‌റാഗ ബന്ത് പോരവാരിലി പവുലോസ് ണായണ കേ്ക്കവാരോഡേമ് ണാള്‌ക്ക്‌മ് ണായ പേസിനാ്. 18എപ്പിക്കൂര്യാര് എന്ത്‌മ് സ്‌ദോയിക്കാറാര് എന്ത്‌മ് സൊല്ലുറ ബാത്ത്യല ആയിര്‌ന്ത ലേസ ആള്‌ഗ അയാളോഡെ ബാദിത്താര്. അവാര്‌ദിലി ലേസ ആള്‌ഗ അയാള്‌ണ ഇച്ചെ കേ്ട്ടാര്: <<താന് സൊല്ലുറാദ് തനാക്ക് തെര്യ, താന് ഇനി എന്തണ സൊല്ല്യ പോരാനൊ?>> ഏസുണ പറ്റിമ് ഏസു സത്തിര്‌ന്ത് ഉജുറേ്റാദ്‌ണ പറ്റിമ് പവുലോസ് സൊല്ലികൊണ്ട് ഇര്‌ന്താദ്‌ണാലെ അവാര്‌ദിലി ബേ്റെ ലേസ ആള്‌ഗ: <<ഇയാള് ബേ്റെ സാമിഗണ പറ്റി സൊല്ലുറ പാസെ തെരിദ്>> എന്ത് ബദ്‌ള് സൊന്നാര്. 19പ്‌റ അയാള്‌ണ അവാര് കൂട്ടിയെ്ഡ്‌ത്ത് അയ്യി പട്ടണാത്തില്യ ആള്‌ഗ കൂട്ട കൂഡ്‌റ അര്യോവെ ഗുഡ്ഡേക്ക്#17:19 അര്യോവെ ഗുഡ്ഡേക്ക്മന്‌സാര് ഏദ് സാമിന ണമ്പുഡൊ, എന്തെല്ല സെയ്യുഡൊ എന്തെല്ല സെയ്യാദെ ഇര്‌ക്കുഡൊ, എച്ചെല്ല പെ്ളേക്കുഡൊ ഇച്ചെല്ല ഇര്‌ക്ക കാര്യഗണ പറ്റി സൊല്ലികൊഡുക്ക്യ ബേ്ണ്ടി ആള്‌ഗ കൂട്ട കൂഡ്‌റ എ്ഡേത്തെ അര്യോവെ ഗുഡ്ഡെ. പോനാര്. അവാര് സൊന്നാര്: <<ണീ പഡ്‌സ്‌റ ഈ പുദ്യ കാര്യഗണ പറ്റി എമാക്ക് തെരിഡൊ. 20ണീ സൊല്ലുറ കാര്യഗ ഒന്റുമെ ഇദ്‌ക്ക് മുദ കേ്ക്കാഗെ ഇല്ലെ. അദ്‌ദ് പൊറുള് എന്തായെന്റ് എമാക്ക് തെര്യ അദ്‌ണ സെറ്റെ സൊല്ലി തന്ത ണല്ലാദ്‌ത്തെ.>> 21(ആദന്‌സ്‌ക്കാറാര്‌ക്ക്‌മ് ബേ്റെ ണാഡിലി ഇര്‌ന്ത് അയ്യി പട്ടണാക്ക് കുഡിബന്ത് പെ്ളേത്ത് ഇര്‌ന്തവാര്‌ക്ക്‌മ് ഏദ് ണേരാമ് പുദുമെ ഇര്‌ക്ക എന്താറ്റ് ഒരു കാര്യഗ സൊല്ല്യാമ്, കേ്ക്ക്യാമ് റമ്പ ആസെ.)
22ആള്‌ഗ കൂട്ട കൂഡ്‌റ അര്യോവെ ഗുഡ്ഡേദ് മുന്തുക്ക് ണിന്റ് അവാര്‌ക്ക് പവുലോസ് ഇച്ചെ സൊന്നാ്: <<ആദന്‌സ്‌ക്കാറാരെ, ണിമ്മ എത്തിന്യൊ സാമിഗണ ഏദ് ദിന്‌സിലിമ് ണലമായി കുമ്മുഡി ണഡാക്കവാരെന്ത് എനാക്ക് തെരിദ്. 23ണിമ്മ്‌ദ് പട്ടണമേലെ സുറ്റി ണഡാക്കാട്ടി ണിമ്മ കുമ്മുഡ്‌റ എ്ഡെഗണ ണാന് കണ്ടെ. അദിലി <ആര്‌ക്ക്‌മ് തെര്യാത്ത സാമിക്ക്> എന്ത് എ്ള്‌ദി ബെത്തിര്‌ക്കാദ്‌ണാമ്, ണിമ്മ പലി കൊഡുക്ക മദ്‌ള്‌ണാമ് ണാന് കണ്ടെ. ണിമ്മ ആരെന്ത് തെര്യാദെ താനെ കുമ്മുഡി ണഡാക്ക അദേ സാമിന പറ്റിത്തെ ണാന് ഈ സൊല്ലുറാദ്.
24ഉലഗാമ് അദിലി ഇര്‌ക്ക എല്ലാദ്‌ണാമ് ദ്‌ട്ടിസിന സാമി, ബാന്‌ണാമ് ബൂമിനാമ് ആള്‌റവാ്ത്തെ. ഈ സാമി മന്‌സാ് ഉണ്ടാക്കിന കോയാലിലി ഇര്‌ക്കാദില്ലെ. 25മന്‌സാന്‌ക്ക് ഉജുറുമ് മൂസ്‌മ് തന്താദ് പറ്റാദെ, എല്ലാദ്‌മ് തരാദ് ഈ സാമിത്തെ. അയാള്‌ക്ക് മന്‌സാരിലിര്‌ന്ത് ഒരു ഉദാവിമ് ബേ്ഡ, ആന അവാന്‌ക്ക് ബേ്ഡുമാനാദ് മുച്ചുഡാമെ ഇര്‌ക്ക്‌ദ്. 26ബൂമി മുച്ചുഡ മന്‌സാര് പെ്ളേക്ക്യ ഒരേ മന്‌സാനിലിര്‌ന്ത് മുച്ചുഡ മന്‌സാര്‌ഗണാമ് സാമി ദ്‌ട്ടിസിനാ്. താന് അവാര്‌ണ ദ്‌ട്ട്‌സ്‌റാദ്‌ക്ക് മുദ അവാര് എപ്പ് ഏദ് എ്ഡേലി പെ്ളേക്കുഡൊ എന്ത് സാമി സെരിക്ക്‌മ് മുഡിവെ്ഡ്‌ത്ത് ബെത്തിര്‌ക്കാ്. 27സാമി അച്ചെ സെയ്‌ദാദ് മന്‌സാര് തനാണ പരാന്ത് കണ്ട്‌പ്‌ഡിക്കുഡൊ എന്ത്‌ത്തെ സാമി മുഡിവെ്ഡ്‌ത്താദ്. ആനാല്‌മ് സാമി ണമ്മോഡെ ഇര്‌ന്ത് ദൂര അല്ല.
28<ആന ണമ്മ പെ്ളേക്കാദ്‌മ്, ണമ്മ ആങ്കീങ്ക് പോരാദ് ബരാദ്,
ണമ്മ ഉണ്ടാനാദ്‌മ് സാമി സക്‌ദിനാലെത്തെ.>
ണിമ്മ്‌ദ് പാട്ട്‌ക്കാറാര്
<ണമ്മ സാമിദ് മക്കഗാത്തെ> എന്ത് സൊല്ലിര്‌ക്കാര്.
29അച്ചെ ണമ്മ സാമിദ് മക്കഗ ആയിര്‌ക്കാദ്‌ണാലെ സെലെഗണ സാമി എന്ത് ണമ്മ ണെനേക്കാക്കില്ലെ. ഈ സെലെഗ മന്‌സാര് തമ്മ്‌ദ് ബുദ്ദ്യാലേമ് കയ്യിലിമ് പൊന്നിലിമ് ബെ്ള്ളിലിമ് കല്ലിലിമ് ഉണ്ടാക്കിനാദ്‌ത്തെ. 30മുന്തുക്കേത്ത കാലാത്തിലിഗെല്ല ആള്‌ഗാക്ക് സാമിന തെര്യാദെ ഇര്‌ന്ത്‌ദ്. അദ്‌ഗണെല്ല സാമി കണക്കാക്ക്‌റാദില്ലെ. ആന ഇപ്പ് ഉലഗാത്തിലിര്‌ക്ക ആള്‌ഗ ഒട്ടുക്ക്‌മ് തമ്മ സെയ്‌രാദ് തെറ്റ് എന്ത് തെരിന്ത് അദ്‌ണ തള്ളി സാമി സാരി ബരുഡൊ എന്ത് സാമി സൊല്ലുറാ്. 31സാമി ഉലഗാത്തിലിര്‌ക്ക ആള്‌ഗണ മുച്ചുഡ ബിദിക്ക്യ ഒരു ണാള് മുഡിവെ്ഡ്‌ത്ത് ബെത്തിര്‌ക്കാ്. ആര്‌ക്ക്‌മ് ഒരു കുറ്റ സൊല്ല്യ ഇല്ലാത്ത പഡി ആയിര്‌ക്കു അയ്യി ബിദി. അദ് ണഡാത്ത്‌റാദ് താന് തെരിന്തെ്ഡ്‌ത്ത ഒരു മന്‌സാനായിര്‌ക്കു. അയ്യി മന്‌സാന സാവിലിര്‌ന്ത് ഉജുറേ്ത്തിനാദ്‌ണാലെ സാമി അദ്‌ക്കുള്ള ഒറേപ്പ് എല്ലാര്‌ക്ക്‌മ് കൊഡുത്തിര്‌ക്കാ്!>>
32സത്തവാര് ഉജുറേ്റാദ്‌ണ പറ്റി അദില്യവാര്‌ക്ക് പവുലോസ് സൊന്നാ്. അക്കുളെ പഗ്‌ദി ആള്‌ഗ അയാള്‌ണ ണാണഗെ്ഡ്‌സിനാര്, ആന ബേ്റെ ലേസ ആള്‌ഗ <<ഈ കാര്യഗണ പറ്റി ഇന്നിമ് ണിന്ന് ണായണ കേ്ക്കേര്>> എന്ത് അയാള്‌ക്ക് സൊന്നാര്. 33അച്ചെ പവുലോസ് അവാര്‌ദ് പട്ടിലിര്‌ന്ത് പോനാ്. 34ഒരു ലേസ ആള്‌ഗ പവുലോസ്‌ക്ക് എജേന്ത് ഏസുണ ണമ്പിനവാര് ആയി തീന്താര്. ഈ ഏസുണ ണമ്പിനവാര് കൂട്ടാത്തിലി ഡയോന്‌സ് എങ്കവാന്‌മ് ദമാരിസ് എങ്ക ഒരുത്തിമ് ബേ്റെ ആള്‌ഗാമ് ഇര്‌ന്താര്.
Currently Selected:
അപ്പൊസലല 17: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
