അപ്പൊസലല 2
2
സാമിണിഗാല് ബര്‌ദ്
1ബെന്ത്‌ക്കോസ് ണാള് #2:1ബെന്ത്‌ക്കോസ് ണാള് പെസഗെ ണോമ്പി കളിന്ത് അമ്പദ് ണാള് ആഗാട്ടി ണഡാക്ക ഒരു ണോമ്പിത്തെ ബെന്ത്‌ക്കോസ് ണോമ്പി. അദ് എഗുദാര്‌ദ് അന്ന അറ്‌ക്ക ണോമ്പി. ആഗാട്ടി ഏസുക്കാറാര് എല്ലാര്‌മ് ഒരു പട്ട്‌ക്കെ ഒന്റായി കൂഡി ഇര്‌ന്താര്. 2അദിലി ഇര്‌ക്കാട്ടി ണെലെമനെ ഒരു ബെല്ല്യ കാറ്റ് അഡിക്ക പാസെ ബാനാത്തിലിര്‌ന്ത് ഒരു ജദ്ദ ബന്ത്‌ദ്; അയ്യി ജദ്ദ അവാര് ഇര്‌ന്ത കൂരെ മുച്ചുഡ തുമ്പിറ്റ്. 3അവാര് ണോഡുഗാട്ടി അദിലി തീണാവ് പാസെ ഇര്‌ക്ക എന്തണാഗൊ കണ്ടാര്. അദ് അദിലിര്‌ന്ത എല്ലാര്‌ക്ക്‌മ് പാസിത്ത്. 4അക്കുളെ അദിലിര്‌ക്കവാര്‌ക്കെ മുച്ചുഡാമ് സാമിണിഗാല് ഏ്റി അവാര്‌ണ മുച്ചിത്ത്. സാമിണിഗാല് അവാര്‌ക്ക് പേസ്യ ബില കൊഡുത്താദ്‌ണാലെ അവാര് ബേ്റെബേ്റെ ണായാത്തിലി പേസ്യ പ്‌ഡിത്താര്.
5അയ്യി ഗള്യേലി സാമിന കുമ്മുഡി ണഡാക്ക എഗുദാര് ഉലഗാത്തില്യ ബേ്റെബേ്റെ റാജ്യാത്തിലി ഇര്‌ന്ത് എര്‌സലേമിലി ബന്ത് പെ്ളേത്തിര്‌ന്താര്. 6ഈ ജദ്ദണ കേ്ട്ടാദ്‌മ് അദ്‌ക്കെ മൊത്തന ആള്‌ഗ ഓഡി ബന്താര്. അക്കുളെ ഏസുക്കാറാര് ഒരൊരു ആള്‌മ് അദ്‌ക്കെ ബന്ത് കൂഡിനവാര്‌ദ് ണായാത്തിലി പേസ്‌റാദ്‌ണ കേ്ട്ട് ബന്ത ആള്‌ഗ ബെഗേത്തെക്കിനാര്. 7അദിസ്യപട്ട് കൊണ്ട് അവാര് ഇച്ചെ സൊന്നാര്: <<ഇച്ചെ പേസ്‌റ ഇവാര്‌ഗെല്ല ഗെലീലെക്കാറാര്‌ത്തേഗൊ? 8പിന്നെ എച്ചെ ഇവാര് ണമ്മ്‌ദ് ഒരൊരു ആള്‌ദ് സൊന്ത ണായാത്തിലി പേസ്‌റാര്? 9ണമ്മ്‌ദിലി ലേസ ആള്‌ഗ പാറ്‌ത്ത്യ, മേദ്യ, ഏലാമ്യ എങ്ക ണാഡ്‌ക്ക്‌റാഗ ഇര്‌ന്ത് ബന്തവാര്‌ത്തെ. ണമ്മ്‌ദിലി മെസെപൊത്ത്യ, എഗുദ, കപ്പദൊക്ക്യ, പൊന്തോസ്, ആസ്യ എങ്ക ണാഡ്‌ക്ക്‌റാഗ ഇര്‌ന്ത് ബന്തവാര്‌മ് ഇര്‌ക്കാര്. 10ലേസ ആള്‌ഗ പ്‌റ്‌ഗ്യ, പമ്പുല്യ, ഈജിത്ത് എങ്ക ണാഡ്‌ക്ക്‌റാഗ ഇര്‌ന്ത്‌മ് പിന്നെ കുറേനെ ണാഡ്‌ക്ക് അര്‌ഗെ ഇര്‌ക്ക ലിബ്യ ണാഡില്യ പല പല എ്ഡേഗളിലിര്‌ന്ത് ബന്തിര്‌ക്കവാര്‌മ്‌ത്തെ. ണമ്മോഡെ ഇര്‌ക്ക പഗ്‌ദി ആള്‌ഗ റോമ ണാഡിലിര്‌ന്ത് ബന്തവാര്‌മ്‌ത്തെ. 11ണമ്മോഡെ ഇര്‌ക്ക പഗ്‌ദി ആള്‌ഗ എഗുദാര്‌മ് എഗുദ മദാക്ക് എജേന്ത എഗുദാര് അല്ലാത്ത ആള്‌ഗാമ്‌ത്തെ. ബേ്റെ പഗ്‌ദി ആള്‌ഗ ക്‌റേത്ത്യാര്‌മ്, അറവിക്കാറാര്‌മ്‌ത്തെ. സാമി സെയ്‌ര ബെല്ല്യ ബെല്ല്യ കാര്യണ പറ്റി ഇവാര് ണമ്മ് ണായാത്തിലി സൊല്ലുറാദ്‌ണ ണമ്മ കേ്ക്കാമ്!>> 12ഇദിലി ണഡാക്കാദ് എന്തായെന്റ് തെര്യാദെ എല്ലാര്‌മ് അദിസ്യപട്ടാര്, <<ഇദ്‌ദ് പൊറുള് എന്താഗൊ?>> എന്ത് തമ്മ തമ്മ ആങ്ക് ഈങ്ക് സൊല്ലി അവാര്‌ക്ക് അങ്കലാപ്പ് പ്‌ഡിത്ത്‌ദ്.
13പഗ്‌ദി ആള്‌ഗ: <<അവാര് കുഡിത്ത് ബോദേറി ഗ്‌ഡ്‌ഗ്‌റാര്>> എന്ത് സൊല്ലി ഏസുക്കാറാര്‌ണ ണാണഗെ്ഡ്‌സിനാര്.
പത്ത്‌റോസ് ണായ സൊല്ലുറാ്
14അക്കുളെ പത്ത്‌റോസ് പദിണൊണ്ണ് അപ്പൊസലല ഒപ്പ എ്ന്ത് ണിന്റ് ആള്‌ഗാക്ക് കേ്ക്ക പാസെ ബെല്ല്യ ബെല്ല്യാദ്‌ക്ക് ഇച്ചെ സൊന്നാ്: <<എഗുദാരെ, എര്‌സലേമ്‌ക്കാറാരെ, ഇദ്‌ണ കേ്ളിരി. ഇദ് എച്ചെ എന്ത് ണാന് ണിമാക്കെ സൊല്ലി തരെ. 15ണിമ്മ ണെനേക്ക പാസെ ഇവാര് കുഡിത്ത് ബോദേ്റി ഇര്‌ക്കവാരല്ല. ഇപ്പ് ബെ്ഡ്യാലെ ഒമ്പാദ് മണിത്തെ ആയിര്‌ക്ക്‌ദ്. 16ആന ഇദ് സാമിദാസ് ജോവേല് സൊല്ലിര്‌ക്കദാക്കു:
17<സാമി സൊല്ലുറാ്: കഡേസി കാലാത്തിലി
എന്ന്‌ദ് ണിഗാല്‌ണ എല്ല ആള്‌ഗാക്ക് ണാന് തുമ്പ കൊഡുക്കുവെ;
ണാന് ണിമ്മ്‌ദ് ആണ്‌മക്കഗണാമ് പെ്ണ്ണ്‌മക്കഗണാമ് എന്ന്‌ദ് സേദിന പറ്റി സൊല്ല്യ ബെക്കുവെ.
ണിമ്മ്‌ദ് ബണ്ടാര് തോറ്റഗ കാണുവാര്;
ണിമ്മ്‌ദ് അച്ചല കനേസിഗ കാണുവാര്.
18എന്ന് ബേലെക്കാറാര്‌ക്ക്‌മ് ബേലെക്കാറിസ്യാര്‌ക്ക്‌മ്
അയ്യി ണാളിലി എന്ന്‌ദ് ണിഗാല്‌ണ തുമ്പ കൊഡുക്കുവെ;
അവാര് മേലെ ണാന് എന്ന് സേദിന പറ്റി സൊല്ല്യ ബെക്കുവെ.
19ണാന് ബൂമിലിമ് ബാനാത്തിലിമ്
അദിസ്യമാന അഡ്യാളഗ സെയ്‌ദ് കാട്ടുവെ;
അദിലി സോരേമ്, തീമ്, കറ്‌ത്ത്‌റ്‌ണ്ട പൊഗേമ് ബരു.
20ആണ്ടവാ് ണല്ല മദ്‌പ്പോഡെ ബര അയ്യി ബെല്ല്യ ണാള്‌ക്ക് മുദ
ണേര ഇ്റ്‌ട്ട്‌ഗഡാല് കെ്ട്ട്യെക്കു;
ണിലാവു സോരെസോരെ ആയെക്കു.
21ആണ്ടവാനെ എമാണ കാപാറ്റുഡോമെ എന്ത്
സാമിന ബേ്ണ്ടികൊള്ളുറവാര്‌നെല്ല അവാ് ദെങ്ക്‌സുവാ്.>#ജോവേല് 2:28–32
22എന്ന് ഇസ്‌റേല്‌ക്കാറാരെ, ഇദ്‌ണ കേ്ളിരി! ണസറത്ത്‌ക്കാറാ് ഏസോഡെ ഇര്‌ന്ത സാമിദ് അദിഗാരണ ണിമാക്ക് ണലമായി സാമി കാട്ടി തന്താ്. അദ് അവാ് സെയ്‌ദ അദിസ്യത്തോഡേമ് അഡ്യാളത്തോഡേമ് സാമി കാട്ടി തന്താ്. ഈ കാര്യഗെല്ല ണിമ്മ്‌ദ് എ്ഡെ കുള്ളുക്ക് ണഡാന്താദ് അല്ലഗ? 23സാമി ഈ ഏസുണ എന്ത സെയ്യുഡൊ എന്ത് മുദതാനെ മുഡിവെ്ഡ്‌ത്ത് ബെത്തിര്‌ന്താ്. അദേപാസെ ണിമ്മ് കയ്യിക്ക് അയാള്‌ണ ഒപ്പഡിക്കാമ് സെയ്‌ദാ്. ണിമ്മ അയാള്‌ണ കേ്ഡ്‌ഗെ്ട്ടവാര്‌ദ് കയ്യാലെ കുരുസ്‌ക്കെ സേത്തി ആണി അഡിത്ത് കൊല്ലാമ് സെയ്‌ദേര്. 24ആന സത്തിര്‌ന്ത ഏസുണ സാമി ഉജുറു ഏ്ത്തിനാ്. സാവുക്ക് ഇര്‌ക്ക അദിഗാരത്തിലിര്‌ന്ത്‌മ് സാമി അയാള്‌ണ ബ്‌ഡ്‌സിനാ്. എന്ത്‌ക്കെന്റ സാവു അയാള്‌ണ അഡിമെ ആക്കി ബെക്ക്യ ണോഡിറ്റ്. ആന അദ്‌ക്ക് മുഡ്യാലെ. 25ഏസുണ പറ്റി ദാവീദ് പാട്ടാ് ഇച്ചെ സൊല്ലിര്‌ക്കാ്:
<ണാന് എപ്പ്‌മ് ആണ്ടവാന എന്ന് കണ്ണ് മുന്തുക്ക് കണ്ടിര്‌ന്തെ,
സാമി എന്ന് ഒപ്പ എപ്പ്‌മ് ഇര്‌ക്കാ്,
ണാന് അഞ്ചമാട്ടെ.
26അദ്‌ണാലെ എന്ന് മനേസ്സ്‌ക്ക് പിര്യ ബന്ത്‌ദ്;
അദ്‌ക്ക് ണാന് മദിമറാന്ത് ആലാത്ത് ക്‌ളാമ്പിനെ.
ണാന് ഒരു മന്‌സാ് ആനാല്‌മ് ണെഞ്ചഡോഡെ കാത്തിര്‌ക്കുവെ.
27എന്ത്‌ക്കെന്റ, ണീ എനാണ സത്തവാര് ലോഗാക്കെ എജേയ ബ്‌ഡമാട്ടെ.
സൊല്ലിബ്‌ട്ട ബേലെന ണമ്പിക്കോഡെ സെയ്‌ര
ണിന്ന് ബേലെക്കാറാന ണീ ണാറി ഊറി എക്ക്യ ബ്‌ഡമാട്ടെ.
28ഉജുറു എച്ചെ കെ്ഡേക്കു എന്ത് ണീ കാട്ടി തന്തെ;
ണീ എന്ന്‌ദൊപ്പ ഇര്‌ന്ത് എനാണ റമ്പ പിര്യാത്തോഡെ ഇര്‌ക്ക്യ ബെക്കുവെ.>#സാമി പാട്ട് ബുക്ക് 16:8–11
29അണ്ണലാഗെ തമ്പിലാഗെ, ണമ്മ് ദാവീദ് പാട്ടാന പറ്റി ണാന് ഒന്റു സൊക്കാന സൊല്ലുറെ. ണമ്മ് ദാവീദ് പാട്ടാ് സാഗാമ് സെയ്‌ദാ് പൊദേക്കാമ് സെയ്‌ദാര്. ഇപ്പ്‌മ് അയാള്‌ദ് പൊദേവ ണമ്മ് സുഡാലേലി ഇര്‌ക്ക്‌ദ്. 30ദാവീദ് ഒരു സാമിദാസ് ആയിര്‌ന്താ്. അദ്‌ണാലെ തന്ന് കാല്‌ക്ക് പട്ട ഒരുത്താന തനാണ പാസെതാനെ റാജാവു ആക്കുവെ എന്ത് സാമി തനാക്ക് ബാക്ക് തന്ത് ഇര്‌ന്താദ്‌ണ ദാവീദ്‌ക്ക് തെരിന്ത്‌ദ്. 31സാമി ഇനി എന്ത സെയ്യ പോരാ് എന്ത് ദാവീദ്‌ക്ക് മുദതാനെ തെരിന്തിര്‌ന്ത്‌ദ്. അദ്‌ക്ക് ദാവീദ് ക്‌റ്‌സ്‌ത്ത് ഉജുറെ്ന്താദ്‌ണ പറ്റി ഇച്ചെ സൊല്ലിര്‌ക്കാ്:
<അവാന സത്തവാര് ലോഗാക്കെ എജേയ ബ്‌ഡമാട്ടെ,
അയാള് സാവുണ ണാറി ഊറി എക്ക്യ ബ്‌ഡമാട്ടെ.>
32ഈ ഏസുണാത്തെ സാമി ഉജുറു ഏ്ത്തിനാദ്. ഏസു ഉജുറെ്ന്താദ്‌ണ കണ്ട എമാക്ക് അദ്‌ണ ണിമാക്ക് സൊല്ലി തര്യ മുഡ്യു. 33തന്ന് അപ്പനാന സാമി ഏസുണ മേലോഗാക്കെ എ്ഡ്‌ത്ത് പോയി തന്ന് ബല സാരി കുക്കാസിനാ്. സാമി തരെ എന്ത് സൊല്ലിര്‌ന്ത സാമിണിഗാല്‌ണ ഏസു തന്ന് അപ്പാനോഡെ ഇര്‌ന്ത് ബാങ്കിനാ്. അയ്യി ണിഗാല്‌ണ ഏസു ഇപ്പ് എമാക്ക് തന്താ്. അദ്‌ണാത്തെ ണിമ്മ ഈ കാണ്‌റാദ്‌മ് കേ്ക്കാദ്‌മ്. 34ദാവീദ് പാട്ടാന മേലോഗാക്കെ എ്ഡ്‌ക്കാലെ. ആന അയാള് ഇച്ചെ സൊന്നാ്:
<ആണ്ടവാ് എന്ന് ആണ്ടവാന്‌ക്കെ സൊന്നാ്:
35ണാന് ണിന്ന് പോട്ടിക്കാറാര്‌ണ
ണിന്ന് കാല്‌ക്കഡി ആക്കമാട്ട്‌ക്ക്,
ണീ എന്ന് ബല സാരി ഇര്‌ന്ത് ആളുഡൊ.>#സാമി പാട്ട് ബുക്ക് 110:1
36ഇസ്‌റേല്‌ക്കാറാരെ, ണിമ്മ ഒട്ടുക്ക് കണ്ടിപ്പായി ഇദ്‌ണ തെരിന്ത് ഇര്‌ക്കുഡൊ; ണിമ്മ കുരുസ്‌ക്കെ സേത്തി ആണി അഡിത്ത് കൊന്റ ഈ ഏസുണ സാമി ആണ്ടവാന്‌മ് ക്‌റ്‌സ്‌ത്ത്‌മ് ആക്കി ബെത്തിര്‌ക്കാ്!>>
37ഇച്ചെ പത്ത്‌റോസ് സൊന്നാദ്‌ണ കേ്ട്ടാദ്‌മ് അവാര് മനേസ്സ്‌ക്കെ അഡിപട്ട്‌ദ്. അക്കുളെ അവാര് പത്ത്‌റോസ്‌ണാമ്, അപ്പൊസലലണാമ് കേ്ട്ടാര്: <<അണ്ണലാഗെ തമ്പിലാഗെ, ഇച്ചെ ആന എമ്മ എന്ത സെയ്യ?>>
38അദ്‌ക്ക് പത്ത്‌റോസ് അവാര്‌ക്ക് ഇച്ചെ സൊന്നാ്: <<ണിമ്മ ഒരൊരു ആള്‌മ് അവാനവാ് സെയ്‌ര പാവഗണെല്ല തള്ള്യെക്കി ണല്ലാദായിരി. പ്‌റ ണിമ്മ ഏസു ക്‌റ്‌സ്‌ത്ത്‌ണ ണമ്പ്‌റവാര് ആനാദ്‌ണാലെ തണ്ണിക്ക് മുളുഗുഡൊ. അപ്പ് ണിമ്മ് പാവഗാക്ക് പൊറിമെ കെ്ഡേക്കു. ഇദ്‌ദൊപ്പ താനെ സാമിണിഗാല് ദറ്‌മ്മ ആയി സാമ്യോഡിര്‌ന്ത് കെ്ഡേക്കു. 39സാമി തരെ എന്ത് സൊന്ന ഈ ദറ്‌മ്മണ ണിമാക്ക്‌മ് ണിമ്മ്‌ദ് മക്കഗാക്ക്‌മ് കെ്ഡേക്കു. ദൂരദൂരാത്തിലി ഇര്‌ക്കവാര്‌ണാമ് ണമ്മ് സാമി ആണ്ടവാ് തന്ന് പട്ട്‌ക്ക് ഒളേത്ത് ബര്‌സുവാ്. അവാര്‌ക്ക്‌മ് ഈ ദറ്‌മ്മ കെ്ഡേക്കു.>>
40പത്ത്‌റോസ് അവാര്‌ക്ക് എത്തിന്യൊ ണായഗണ സൊല്ലി ണലമായി ബോദിസിനാ്. <<കേ്ഡ്‌ഗെ്ട്ട് ണഡാക്ക ഈ കാലാത്തില്യ ആള്‌ഗാക്ക് ബര ദണ്ടണേലിര്‌ന്ത് ണിമ്മ ണിമാണ താനെ കാപാറ്റുഡൊ>> എന്ത്‌മ് പത്ത്‌റോസ് അവാര്‌ക്ക് സൊന്നാ്. 41അയാള് സൊന്നാദ്‌ണ പല ആള്‌ഗാമ് ണമ്പിനാര്, അവാര് തണ്ണിക്ക് മുളുഗാമ് സെയ്‌ദാര്. അയ്യി ണാള് ഒപ്പത്തപ്പ മൂണായിര ആള്‌ഗ ഇവാര്‌ക്ക് എജേന്താര്. 42അച്ചെ അവാര് അപ്പൊസലല പഡ്‌സ്‌റാദ്‌ണ കേ്ക്ക്യാമ്, ഒറ്റെ കെ്ട്ടായി കൂഡ്യാമ്, അഡെ പങ്കി പഗിസി തിന്ന്യാമ്, പരേസ്യാമ്, ണാള്‌ക്ക്‌മ് ബന്ത് കൂഡിനാര്.
ഏസുക്കാറാര്‌ദ് പെ്ളേപ്പ്
43അപ്പൊസലല സെയ്‌ദ എത്തിന്യൊ അദിസ്യഗണാമ് അഡ്യാളഗണാമ് കണ്ട് ആള്‌ഗ അഞ്ചി എക്കിനാര്. 44ഏസുക്കാറാരെല്ല ഒറ്റെ കെ്ട്ടായി പെ്ളേക്കാമ് സെയ്‌ദാര്, തമാക്ക് ഇര്‌ക്കാദ്‌ണെല്ല പങ്കി എ്ഡ്‌ക്കാമ് സെയ്‌ദാര്. 45അവാര്‌ദ് സൊത്തുഗണെല്ല ബിറ്റ് കെ്ഡേത്ത പണണ ഒരൊരു ആള്‌ക്ക് പങ്കി കൊഡുത്താര്. അദ് ഒരൊരു ആള്‌ദ് ബുദ്ദിമുട്ടുക്ക് തഗ്‌ന്ത പാസെത്തെ പങ്കി എ്ഡ്‌ത്താദ്. 46ഇവാര്‌ഗെല്ല സാമികൂരേക്ക് ണാള്‌ക്ക്‌മ് ബന്ത് ഒന്റായി എജേവാര്. അവാര് തമ്മ ഒരൊരു ആള്‌ദ് കൂരെക്ക്‌റാഗ പോയി സാപാഡ് തിന്ത് ഇര്‌ന്താര്. അവാര് ണല്ല പിര്യത്തോഡെത്തെ തിന്ന്യ തീനിഗ കൊഡുത്തിര്‌ന്താദ്. 47അവാര് സാമിത്തെ ബെല്ല്യവാ് എന്ത് സൊല്ലി ഒഗെ ഇക്കികൊണ്ടിര്‌ന്താര്. ഈ ഏസുക്കാറാര്‌ണ ആള്‌ഗ ഒട്ടുക്ക് ണല്ല പിര്യാത്തോഡെ മദ്‌സിര്‌ന്താര്. താന് കാപാറ്റ്‌റവാര്‌ണെല്ല ആണ്ടവാ് ഏസുക്കാറാര് കൂട്ടാക്കെ ണാള്‌ക്ക്‌മ് എജേത്ത്‌കൊണ്ടെ ഇര്‌ന്താ്.
Currently Selected:
അപ്പൊസലല 2: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
അപ്പൊസലല 2
2
സാമിണിഗാല് ബര്‌ദ്
1ബെന്ത്‌ക്കോസ് ണാള് #2:1ബെന്ത്‌ക്കോസ് ണാള് പെസഗെ ണോമ്പി കളിന്ത് അമ്പദ് ണാള് ആഗാട്ടി ണഡാക്ക ഒരു ണോമ്പിത്തെ ബെന്ത്‌ക്കോസ് ണോമ്പി. അദ് എഗുദാര്‌ദ് അന്ന അറ്‌ക്ക ണോമ്പി. ആഗാട്ടി ഏസുക്കാറാര് എല്ലാര്‌മ് ഒരു പട്ട്‌ക്കെ ഒന്റായി കൂഡി ഇര്‌ന്താര്. 2അദിലി ഇര്‌ക്കാട്ടി ണെലെമനെ ഒരു ബെല്ല്യ കാറ്റ് അഡിക്ക പാസെ ബാനാത്തിലിര്‌ന്ത് ഒരു ജദ്ദ ബന്ത്‌ദ്; അയ്യി ജദ്ദ അവാര് ഇര്‌ന്ത കൂരെ മുച്ചുഡ തുമ്പിറ്റ്. 3അവാര് ണോഡുഗാട്ടി അദിലി തീണാവ് പാസെ ഇര്‌ക്ക എന്തണാഗൊ കണ്ടാര്. അദ് അദിലിര്‌ന്ത എല്ലാര്‌ക്ക്‌മ് പാസിത്ത്. 4അക്കുളെ അദിലിര്‌ക്കവാര്‌ക്കെ മുച്ചുഡാമ് സാമിണിഗാല് ഏ്റി അവാര്‌ണ മുച്ചിത്ത്. സാമിണിഗാല് അവാര്‌ക്ക് പേസ്യ ബില കൊഡുത്താദ്‌ണാലെ അവാര് ബേ്റെബേ്റെ ണായാത്തിലി പേസ്യ പ്‌ഡിത്താര്.
5അയ്യി ഗള്യേലി സാമിന കുമ്മുഡി ണഡാക്ക എഗുദാര് ഉലഗാത്തില്യ ബേ്റെബേ്റെ റാജ്യാത്തിലി ഇര്‌ന്ത് എര്‌സലേമിലി ബന്ത് പെ്ളേത്തിര്‌ന്താര്. 6ഈ ജദ്ദണ കേ്ട്ടാദ്‌മ് അദ്‌ക്കെ മൊത്തന ആള്‌ഗ ഓഡി ബന്താര്. അക്കുളെ ഏസുക്കാറാര് ഒരൊരു ആള്‌മ് അദ്‌ക്കെ ബന്ത് കൂഡിനവാര്‌ദ് ണായാത്തിലി പേസ്‌റാദ്‌ണ കേ്ട്ട് ബന്ത ആള്‌ഗ ബെഗേത്തെക്കിനാര്. 7അദിസ്യപട്ട് കൊണ്ട് അവാര് ഇച്ചെ സൊന്നാര്: <<ഇച്ചെ പേസ്‌റ ഇവാര്‌ഗെല്ല ഗെലീലെക്കാറാര്‌ത്തേഗൊ? 8പിന്നെ എച്ചെ ഇവാര് ണമ്മ്‌ദ് ഒരൊരു ആള്‌ദ് സൊന്ത ണായാത്തിലി പേസ്‌റാര്? 9ണമ്മ്‌ദിലി ലേസ ആള്‌ഗ പാറ്‌ത്ത്യ, മേദ്യ, ഏലാമ്യ എങ്ക ണാഡ്‌ക്ക്‌റാഗ ഇര്‌ന്ത് ബന്തവാര്‌ത്തെ. ണമ്മ്‌ദിലി മെസെപൊത്ത്യ, എഗുദ, കപ്പദൊക്ക്യ, പൊന്തോസ്, ആസ്യ എങ്ക ണാഡ്‌ക്ക്‌റാഗ ഇര്‌ന്ത് ബന്തവാര്‌മ് ഇര്‌ക്കാര്. 10ലേസ ആള്‌ഗ പ്‌റ്‌ഗ്യ, പമ്പുല്യ, ഈജിത്ത് എങ്ക ണാഡ്‌ക്ക്‌റാഗ ഇര്‌ന്ത്‌മ് പിന്നെ കുറേനെ ണാഡ്‌ക്ക് അര്‌ഗെ ഇര്‌ക്ക ലിബ്യ ണാഡില്യ പല പല എ്ഡേഗളിലിര്‌ന്ത് ബന്തിര്‌ക്കവാര്‌മ്‌ത്തെ. ണമ്മോഡെ ഇര്‌ക്ക പഗ്‌ദി ആള്‌ഗ റോമ ണാഡിലിര്‌ന്ത് ബന്തവാര്‌മ്‌ത്തെ. 11ണമ്മോഡെ ഇര്‌ക്ക പഗ്‌ദി ആള്‌ഗ എഗുദാര്‌മ് എഗുദ മദാക്ക് എജേന്ത എഗുദാര് അല്ലാത്ത ആള്‌ഗാമ്‌ത്തെ. ബേ്റെ പഗ്‌ദി ആള്‌ഗ ക്‌റേത്ത്യാര്‌മ്, അറവിക്കാറാര്‌മ്‌ത്തെ. സാമി സെയ്‌ര ബെല്ല്യ ബെല്ല്യ കാര്യണ പറ്റി ഇവാര് ണമ്മ് ണായാത്തിലി സൊല്ലുറാദ്‌ണ ണമ്മ കേ്ക്കാമ്!>> 12ഇദിലി ണഡാക്കാദ് എന്തായെന്റ് തെര്യാദെ എല്ലാര്‌മ് അദിസ്യപട്ടാര്, <<ഇദ്‌ദ് പൊറുള് എന്താഗൊ?>> എന്ത് തമ്മ തമ്മ ആങ്ക് ഈങ്ക് സൊല്ലി അവാര്‌ക്ക് അങ്കലാപ്പ് പ്‌ഡിത്ത്‌ദ്.
13പഗ്‌ദി ആള്‌ഗ: <<അവാര് കുഡിത്ത് ബോദേറി ഗ്‌ഡ്‌ഗ്‌റാര്>> എന്ത് സൊല്ലി ഏസുക്കാറാര്‌ണ ണാണഗെ്ഡ്‌സിനാര്.
പത്ത്‌റോസ് ണായ സൊല്ലുറാ്
14അക്കുളെ പത്ത്‌റോസ് പദിണൊണ്ണ് അപ്പൊസലല ഒപ്പ എ്ന്ത് ണിന്റ് ആള്‌ഗാക്ക് കേ്ക്ക പാസെ ബെല്ല്യ ബെല്ല്യാദ്‌ക്ക് ഇച്ചെ സൊന്നാ്: <<എഗുദാരെ, എര്‌സലേമ്‌ക്കാറാരെ, ഇദ്‌ണ കേ്ളിരി. ഇദ് എച്ചെ എന്ത് ണാന് ണിമാക്കെ സൊല്ലി തരെ. 15ണിമ്മ ണെനേക്ക പാസെ ഇവാര് കുഡിത്ത് ബോദേ്റി ഇര്‌ക്കവാരല്ല. ഇപ്പ് ബെ്ഡ്യാലെ ഒമ്പാദ് മണിത്തെ ആയിര്‌ക്ക്‌ദ്. 16ആന ഇദ് സാമിദാസ് ജോവേല് സൊല്ലിര്‌ക്കദാക്കു:
17<സാമി സൊല്ലുറാ്: കഡേസി കാലാത്തിലി
എന്ന്‌ദ് ണിഗാല്‌ണ എല്ല ആള്‌ഗാക്ക് ണാന് തുമ്പ കൊഡുക്കുവെ;
ണാന് ണിമ്മ്‌ദ് ആണ്‌മക്കഗണാമ് പെ്ണ്ണ്‌മക്കഗണാമ് എന്ന്‌ദ് സേദിന പറ്റി സൊല്ല്യ ബെക്കുവെ.
ണിമ്മ്‌ദ് ബണ്ടാര് തോറ്റഗ കാണുവാര്;
ണിമ്മ്‌ദ് അച്ചല കനേസിഗ കാണുവാര്.
18എന്ന് ബേലെക്കാറാര്‌ക്ക്‌മ് ബേലെക്കാറിസ്യാര്‌ക്ക്‌മ്
അയ്യി ണാളിലി എന്ന്‌ദ് ണിഗാല്‌ണ തുമ്പ കൊഡുക്കുവെ;
അവാര് മേലെ ണാന് എന്ന് സേദിന പറ്റി സൊല്ല്യ ബെക്കുവെ.
19ണാന് ബൂമിലിമ് ബാനാത്തിലിമ്
അദിസ്യമാന അഡ്യാളഗ സെയ്‌ദ് കാട്ടുവെ;
അദിലി സോരേമ്, തീമ്, കറ്‌ത്ത്‌റ്‌ണ്ട പൊഗേമ് ബരു.
20ആണ്ടവാ് ണല്ല മദ്‌പ്പോഡെ ബര അയ്യി ബെല്ല്യ ണാള്‌ക്ക് മുദ
ണേര ഇ്റ്‌ട്ട്‌ഗഡാല് കെ്ട്ട്യെക്കു;
ണിലാവു സോരെസോരെ ആയെക്കു.
21ആണ്ടവാനെ എമാണ കാപാറ്റുഡോമെ എന്ത്
സാമിന ബേ്ണ്ടികൊള്ളുറവാര്‌നെല്ല അവാ് ദെങ്ക്‌സുവാ്.>#ജോവേല് 2:28–32
22എന്ന് ഇസ്‌റേല്‌ക്കാറാരെ, ഇദ്‌ണ കേ്ളിരി! ണസറത്ത്‌ക്കാറാ് ഏസോഡെ ഇര്‌ന്ത സാമിദ് അദിഗാരണ ണിമാക്ക് ണലമായി സാമി കാട്ടി തന്താ്. അദ് അവാ് സെയ്‌ദ അദിസ്യത്തോഡേമ് അഡ്യാളത്തോഡേമ് സാമി കാട്ടി തന്താ്. ഈ കാര്യഗെല്ല ണിമ്മ്‌ദ് എ്ഡെ കുള്ളുക്ക് ണഡാന്താദ് അല്ലഗ? 23സാമി ഈ ഏസുണ എന്ത സെയ്യുഡൊ എന്ത് മുദതാനെ മുഡിവെ്ഡ്‌ത്ത് ബെത്തിര്‌ന്താ്. അദേപാസെ ണിമ്മ് കയ്യിക്ക് അയാള്‌ണ ഒപ്പഡിക്കാമ് സെയ്‌ദാ്. ണിമ്മ അയാള്‌ണ കേ്ഡ്‌ഗെ്ട്ടവാര്‌ദ് കയ്യാലെ കുരുസ്‌ക്കെ സേത്തി ആണി അഡിത്ത് കൊല്ലാമ് സെയ്‌ദേര്. 24ആന സത്തിര്‌ന്ത ഏസുണ സാമി ഉജുറു ഏ്ത്തിനാ്. സാവുക്ക് ഇര്‌ക്ക അദിഗാരത്തിലിര്‌ന്ത്‌മ് സാമി അയാള്‌ണ ബ്‌ഡ്‌സിനാ്. എന്ത്‌ക്കെന്റ സാവു അയാള്‌ണ അഡിമെ ആക്കി ബെക്ക്യ ണോഡിറ്റ്. ആന അദ്‌ക്ക് മുഡ്യാലെ. 25ഏസുണ പറ്റി ദാവീദ് പാട്ടാ് ഇച്ചെ സൊല്ലിര്‌ക്കാ്:
<ണാന് എപ്പ്‌മ് ആണ്ടവാന എന്ന് കണ്ണ് മുന്തുക്ക് കണ്ടിര്‌ന്തെ,
സാമി എന്ന് ഒപ്പ എപ്പ്‌മ് ഇര്‌ക്കാ്,
ണാന് അഞ്ചമാട്ടെ.
26അദ്‌ണാലെ എന്ന് മനേസ്സ്‌ക്ക് പിര്യ ബന്ത്‌ദ്;
അദ്‌ക്ക് ണാന് മദിമറാന്ത് ആലാത്ത് ക്‌ളാമ്പിനെ.
ണാന് ഒരു മന്‌സാ് ആനാല്‌മ് ണെഞ്ചഡോഡെ കാത്തിര്‌ക്കുവെ.
27എന്ത്‌ക്കെന്റ, ണീ എനാണ സത്തവാര് ലോഗാക്കെ എജേയ ബ്‌ഡമാട്ടെ.
സൊല്ലിബ്‌ട്ട ബേലെന ണമ്പിക്കോഡെ സെയ്‌ര
ണിന്ന് ബേലെക്കാറാന ണീ ണാറി ഊറി എക്ക്യ ബ്‌ഡമാട്ടെ.
28ഉജുറു എച്ചെ കെ്ഡേക്കു എന്ത് ണീ കാട്ടി തന്തെ;
ണീ എന്ന്‌ദൊപ്പ ഇര്‌ന്ത് എനാണ റമ്പ പിര്യാത്തോഡെ ഇര്‌ക്ക്യ ബെക്കുവെ.>#സാമി പാട്ട് ബുക്ക് 16:8–11
29അണ്ണലാഗെ തമ്പിലാഗെ, ണമ്മ് ദാവീദ് പാട്ടാന പറ്റി ണാന് ഒന്റു സൊക്കാന സൊല്ലുറെ. ണമ്മ് ദാവീദ് പാട്ടാ് സാഗാമ് സെയ്‌ദാ് പൊദേക്കാമ് സെയ്‌ദാര്. ഇപ്പ്‌മ് അയാള്‌ദ് പൊദേവ ണമ്മ് സുഡാലേലി ഇര്‌ക്ക്‌ദ്. 30ദാവീദ് ഒരു സാമിദാസ് ആയിര്‌ന്താ്. അദ്‌ണാലെ തന്ന് കാല്‌ക്ക് പട്ട ഒരുത്താന തനാണ പാസെതാനെ റാജാവു ആക്കുവെ എന്ത് സാമി തനാക്ക് ബാക്ക് തന്ത് ഇര്‌ന്താദ്‌ണ ദാവീദ്‌ക്ക് തെരിന്ത്‌ദ്. 31സാമി ഇനി എന്ത സെയ്യ പോരാ് എന്ത് ദാവീദ്‌ക്ക് മുദതാനെ തെരിന്തിര്‌ന്ത്‌ദ്. അദ്‌ക്ക് ദാവീദ് ക്‌റ്‌സ്‌ത്ത് ഉജുറെ്ന്താദ്‌ണ പറ്റി ഇച്ചെ സൊല്ലിര്‌ക്കാ്:
<അവാന സത്തവാര് ലോഗാക്കെ എജേയ ബ്‌ഡമാട്ടെ,
അയാള് സാവുണ ണാറി ഊറി എക്ക്യ ബ്‌ഡമാട്ടെ.>
32ഈ ഏസുണാത്തെ സാമി ഉജുറു ഏ്ത്തിനാദ്. ഏസു ഉജുറെ്ന്താദ്‌ണ കണ്ട എമാക്ക് അദ്‌ണ ണിമാക്ക് സൊല്ലി തര്യ മുഡ്യു. 33തന്ന് അപ്പനാന സാമി ഏസുണ മേലോഗാക്കെ എ്ഡ്‌ത്ത് പോയി തന്ന് ബല സാരി കുക്കാസിനാ്. സാമി തരെ എന്ത് സൊല്ലിര്‌ന്ത സാമിണിഗാല്‌ണ ഏസു തന്ന് അപ്പാനോഡെ ഇര്‌ന്ത് ബാങ്കിനാ്. അയ്യി ണിഗാല്‌ണ ഏസു ഇപ്പ് എമാക്ക് തന്താ്. അദ്‌ണാത്തെ ണിമ്മ ഈ കാണ്‌റാദ്‌മ് കേ്ക്കാദ്‌മ്. 34ദാവീദ് പാട്ടാന മേലോഗാക്കെ എ്ഡ്‌ക്കാലെ. ആന അയാള് ഇച്ചെ സൊന്നാ്:
<ആണ്ടവാ് എന്ന് ആണ്ടവാന്‌ക്കെ സൊന്നാ്:
35ണാന് ണിന്ന് പോട്ടിക്കാറാര്‌ണ
ണിന്ന് കാല്‌ക്കഡി ആക്കമാട്ട്‌ക്ക്,
ണീ എന്ന് ബല സാരി ഇര്‌ന്ത് ആളുഡൊ.>#സാമി പാട്ട് ബുക്ക് 110:1
36ഇസ്‌റേല്‌ക്കാറാരെ, ണിമ്മ ഒട്ടുക്ക് കണ്ടിപ്പായി ഇദ്‌ണ തെരിന്ത് ഇര്‌ക്കുഡൊ; ണിമ്മ കുരുസ്‌ക്കെ സേത്തി ആണി അഡിത്ത് കൊന്റ ഈ ഏസുണ സാമി ആണ്ടവാന്‌മ് ക്‌റ്‌സ്‌ത്ത്‌മ് ആക്കി ബെത്തിര്‌ക്കാ്!>>
37ഇച്ചെ പത്ത്‌റോസ് സൊന്നാദ്‌ണ കേ്ട്ടാദ്‌മ് അവാര് മനേസ്സ്‌ക്കെ അഡിപട്ട്‌ദ്. അക്കുളെ അവാര് പത്ത്‌റോസ്‌ണാമ്, അപ്പൊസലലണാമ് കേ്ട്ടാര്: <<അണ്ണലാഗെ തമ്പിലാഗെ, ഇച്ചെ ആന എമ്മ എന്ത സെയ്യ?>>
38അദ്‌ക്ക് പത്ത്‌റോസ് അവാര്‌ക്ക് ഇച്ചെ സൊന്നാ്: <<ണിമ്മ ഒരൊരു ആള്‌മ് അവാനവാ് സെയ്‌ര പാവഗണെല്ല തള്ള്യെക്കി ണല്ലാദായിരി. പ്‌റ ണിമ്മ ഏസു ക്‌റ്‌സ്‌ത്ത്‌ണ ണമ്പ്‌റവാര് ആനാദ്‌ണാലെ തണ്ണിക്ക് മുളുഗുഡൊ. അപ്പ് ണിമ്മ് പാവഗാക്ക് പൊറിമെ കെ്ഡേക്കു. ഇദ്‌ദൊപ്പ താനെ സാമിണിഗാല് ദറ്‌മ്മ ആയി സാമ്യോഡിര്‌ന്ത് കെ്ഡേക്കു. 39സാമി തരെ എന്ത് സൊന്ന ഈ ദറ്‌മ്മണ ണിമാക്ക്‌മ് ണിമ്മ്‌ദ് മക്കഗാക്ക്‌മ് കെ്ഡേക്കു. ദൂരദൂരാത്തിലി ഇര്‌ക്കവാര്‌ണാമ് ണമ്മ് സാമി ആണ്ടവാ് തന്ന് പട്ട്‌ക്ക് ഒളേത്ത് ബര്‌സുവാ്. അവാര്‌ക്ക്‌മ് ഈ ദറ്‌മ്മ കെ്ഡേക്കു.>>
40പത്ത്‌റോസ് അവാര്‌ക്ക് എത്തിന്യൊ ണായഗണ സൊല്ലി ണലമായി ബോദിസിനാ്. <<കേ്ഡ്‌ഗെ്ട്ട് ണഡാക്ക ഈ കാലാത്തില്യ ആള്‌ഗാക്ക് ബര ദണ്ടണേലിര്‌ന്ത് ണിമ്മ ണിമാണ താനെ കാപാറ്റുഡൊ>> എന്ത്‌മ് പത്ത്‌റോസ് അവാര്‌ക്ക് സൊന്നാ്. 41അയാള് സൊന്നാദ്‌ണ പല ആള്‌ഗാമ് ണമ്പിനാര്, അവാര് തണ്ണിക്ക് മുളുഗാമ് സെയ്‌ദാര്. അയ്യി ണാള് ഒപ്പത്തപ്പ മൂണായിര ആള്‌ഗ ഇവാര്‌ക്ക് എജേന്താര്. 42അച്ചെ അവാര് അപ്പൊസലല പഡ്‌സ്‌റാദ്‌ണ കേ്ക്ക്യാമ്, ഒറ്റെ കെ്ട്ടായി കൂഡ്യാമ്, അഡെ പങ്കി പഗിസി തിന്ന്യാമ്, പരേസ്യാമ്, ണാള്‌ക്ക്‌മ് ബന്ത് കൂഡിനാര്.
ഏസുക്കാറാര്‌ദ് പെ്ളേപ്പ്
43അപ്പൊസലല സെയ്‌ദ എത്തിന്യൊ അദിസ്യഗണാമ് അഡ്യാളഗണാമ് കണ്ട് ആള്‌ഗ അഞ്ചി എക്കിനാര്. 44ഏസുക്കാറാരെല്ല ഒറ്റെ കെ്ട്ടായി പെ്ളേക്കാമ് സെയ്‌ദാര്, തമാക്ക് ഇര്‌ക്കാദ്‌ണെല്ല പങ്കി എ്ഡ്‌ക്കാമ് സെയ്‌ദാര്. 45അവാര്‌ദ് സൊത്തുഗണെല്ല ബിറ്റ് കെ്ഡേത്ത പണണ ഒരൊരു ആള്‌ക്ക് പങ്കി കൊഡുത്താര്. അദ് ഒരൊരു ആള്‌ദ് ബുദ്ദിമുട്ടുക്ക് തഗ്‌ന്ത പാസെത്തെ പങ്കി എ്ഡ്‌ത്താദ്. 46ഇവാര്‌ഗെല്ല സാമികൂരേക്ക് ണാള്‌ക്ക്‌മ് ബന്ത് ഒന്റായി എജേവാര്. അവാര് തമ്മ ഒരൊരു ആള്‌ദ് കൂരെക്ക്‌റാഗ പോയി സാപാഡ് തിന്ത് ഇര്‌ന്താര്. അവാര് ണല്ല പിര്യത്തോഡെത്തെ തിന്ന്യ തീനിഗ കൊഡുത്തിര്‌ന്താദ്. 47അവാര് സാമിത്തെ ബെല്ല്യവാ് എന്ത് സൊല്ലി ഒഗെ ഇക്കികൊണ്ടിര്‌ന്താര്. ഈ ഏസുക്കാറാര്‌ണ ആള്‌ഗ ഒട്ടുക്ക് ണല്ല പിര്യാത്തോഡെ മദ്‌സിര്‌ന്താര്. താന് കാപാറ്റ്‌റവാര്‌ണെല്ല ആണ്ടവാ് ഏസുക്കാറാര് കൂട്ടാക്കെ ണാള്‌ക്ക്‌മ് എജേത്ത്‌കൊണ്ടെ ഇര്‌ന്താ്.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature