ഓഗന്നാ് 11
11
ലാസാറ് സാരാ്
1ബെദനി ഊരിലി ലാസാറ് എങ്ക ഒരുത്താ് ണോയി ക്‌ഡാന്തിര്‌ന്താ്. മറിയാമ് അവാള്‌ദ് അക്കനച്ചി മാറ്‌ത്തേമ് ഇര്‌ന്ത ഊര്‌ത്തെ ബെദനി. 2ഇദേ മറിയാത്തെ ഏസുദ് കാല്‌ക്കെ ബാഡെ എ്ണ്ണെ പൂസി തന്ന് തലെമൂര്‌ക്കെ തെനേത്താദ്. ഇവാള്‌ദ് തമ്പി ലാസാറ്‌ത്തെ ണോയി ക്‌ഡക്കാദ്. 3അദ്‌ണാലെ അയ്യി അക്കതങ്കെല: <<ആണ്ടവാനെ, ണീ സീവാ് ബ്‌ട്ട് ണഡാക്കവാ്ത്തെ ണോയി ക്‌ഡാക്കാ്>> എന്ത് ഏസുക്കെ സേദി ബ്‌ട്ടാര്.
4ഏസു ഇദ്‌ണ കേ്ട്ട്: <<ഈ ണോയി സാവുക്കല്ല, ഇദ് സാമിദ് പേര്‌ക്ക് മദ്‌പ്പ് കെ്ഡേക്ക്യ ബേ്ണ്ടിത്തെ. ഇച്ചെ സാമിദ് മഗാന്‌ദ് പേര്‌ക്ക്‌മ് മദ്‌പ്പ് കെ്ഡേക്കു>> എന്ത് സൊന്നാ്. 5ഏസു മാറ്‌ത്തെനാമ് അവാള്‌ദ് തങ്കെ മറിയണാമ് തമ്പി ലാസാറ്‌ണാമ് സീവാ് ബ്‌ഡ്‌റാ്. 6എന്ത്‌ട്ട്‌മ് ലാസാറ് ണോയി ക്‌ഡാക്കാ് എന്ത് തെരിഗാട്ടി ഏസു താന് ഇര്‌ന്ത എ്ഡേലി റണ്ട് ണാള് ഗൂഡി തങ്കിനാ്.
7പ്‌റ ഏസു തന്ന് സൊല്ലുപഡി ണഡാക്കവാര്‌ക്കെ: <<ണമ്മ പിന്നേമ് എഗുദ ണാഡ്‌ക്കെ പോഗായി>> എന്ത് സൊന്നാ്.
8അക്കുളെ തന്ന് സൊല്ലുപഡി ണഡാക്കവാര്: <<ഗുരുവെ, സെറ്റെ മുദാത്തെ എഗുദാര് ണിനാണ കല്ല് എ്റ്യപട്ടാര്. എന്ത്‌ട്ട്‌മ് ണീ അദ്‌ക്കെ താനെ ഇന്നിമ് പോയ ണോഡുറേഗ?>> എന്ത് സൊന്നാര്.
9അദ്‌ക്ക് ഏസു: <<പഗാല് പന്നന്റ് മണികൂറ് ണേര മാട്ട്‌മ് ബെ്ള്‌സ ഇര്‌ക്കാദില്ലെഗ? അദ്‌ണാലെ പഗാല് ണഡാക്കവാര് ഈ ഉലഗാദ് ബെ്ള്‌സണ കാണ്‌റാദ്‌ണാലെ കാല് തട്ടി ബീ്റാദില്ലെ. 10ആന ജാമാക്ക് ണഡാക്കവാനിലി ബെ്ള്‌സ ഇല്ലാത്താദ്‌ണാലെ അവാ് കാല് തട്ടി ബീ്റാ്>> എന്ത് സൊന്നാ്.
11ഇച്ചെ സൊന്ന പ്‌റ ഏസു: <<ണമ്മ്‌ദ് എ്ണേവുക്കാറാ് ലാസാറ് ഉറാങ്ക്‌റാ്, ആന ണാന് അവാന ഏ്ത്ത്യ പോരെ>> എന്ത് അവാര്‌ക്കെ സൊന്നാ്.
12അക്കുളെ ഏസുദ് സൊല്ലുപഡി ണഡാക്കവാര്: <<ലാസാറ് ഉറാങ്ക്‌റാദാനാക്കി അവാന്‌ക്ക് സട്ടന സുഗ കെ്ഡേക്കു>> എന്ത് സൊന്നാര്. 13ലാസാറ് സത്താദ്‌ണ പറ്റിത്തെ ഏസു സൊന്നാദ്. ആന ലാസാറ് ഉറാങ്ക്‌റാദ്‌ണ പറ്റിത്തെ അവാ് സൊന്നാദ് എന്ത് അവാര് ണെനേത്താര്.
14അദ്‌ണാലെ ഏസു: <<ലാസാറ് സത്താ്>> എന്ത് അവാര്‌ക്കെ ണേരെ സൊന്നാ്. 15<<ണാന് അദിലി ഇല്ലാത്താദ്‌ണാലെ ണിമാണ ണെനേത്ത് ണാന് പിര്യപഡ്‌റെ. എന്ത്‌ക്കെന്റ ണിമാക്ക് ണമ്പിക്കെ ബരുമല്ല. എന്താല്‌മ് ണമ്മ അവാ് പട്ട്‌ക്ക് പോഗായി>> എന്ത് ഏസു സൊന്നാ്.
16അക്കുളെ ദിദിമോസ് എന്ത് ഒളേക്ക തോമാസ്, തന്ന്‌ദൊപ്പ ഇര്‌ക്ക ഏസുദ് സൊല്ലുപഡി ണഡാക്കവാര്‌ക്കെ: <<ഏസുദൊപ്പ ണമ്മാമ് സായ പോഗായി>> എന്ത് സൊന്നാ്.
ഏസു മാറ്‌ത്തെനാമ് മറിയണാമ് പിരാക്ക്‌റാ്
17അദ്‌ക്കെ എജ്ജ്‌ഗാട്ടി ലാസാറ് സാവുണ കല്ലളേക്കെ ഇക്കി ണാല് ണാളാറ്റ് എന്ത് ഏസുക്ക് തെരിന്ത്‌ദ്. 18എര്‌സലേമിലിര്‌ന്ത് ഒപ്പത്തപ്പ മൂണ് കിലാമീറ്ററ് ദൂരാത്തിലിത്തെ ബെദനി ഊര് ഇര്‌ന്താദ്. 19തമ്മ് തമ്പി സത്താക്ക് സങ്കഡപഡ്‌റ മാറ്‌ത്തെനാമ് മറിയണാമ് പിരാക്ക്യ ബേ്ണ്ടി എത്തിന്യൊ എഗുദാര് അദ്‌ക്കെ ബന്തിര്‌ന്താര്. 20ഏസു ബര സേദിന കേ്ട്ട് മാറ്‌ത്തെ അയാള്‌ണ കാണ്യ ബേ്ണ്ടി പോന. ആന മറിയ കൂരേലിതാനെ ഇര്‌ന്ത.
21മാറ്‌ത്തെ ഏസുണ: <<ആണ്ടവാനെ, ണീ ഇദിലിര്‌ന്തിര്‌ന്ത എന്ന് തമ്പി സത്തിര്‌ക്കമാട്ടാ്. 22ആന ണീ എന്ത കാര്യ കേ്ട്ടാല്‌മ് സാമി അദ്‌ണ ണിനാക്ക് തരുവാ് എന്ത് എനാക്ക് ഇപ്പ്‌മ് തെര്യു>> എന്ത് സൊന്ന.
23ഏസു അവാള്‌ക്കെ: <<ണിന്ന് തമ്പി ഉജുറെ്ന്തുവാ്>> എന്ത് സൊന്നാ്.
24മാറ്‌ത്തെ അവാന്‌ക്കെ: <<ഉലഗ കഡേസി ണാള് എല്ല ആള്‌ഗണാമ് സാമി ഉജുറേ്ത്ത്‌ഗാട്ടി എന്ന് തമ്പിമ് ഉജുറേ്വാനെന്ത് എനാക്ക് തെര്യു>> എന്ത് സൊന്ന.
25ഏസു അവാള്‌ക്കെ: <<ണാന്‌ത്തെ സത്തവാര്‌ണ ഉജുറേ്ത്ത്‌റവാന്‌മ്#11:25 ഉജുറേ്ത്ത്‌റവാന്‌മ് ഗ്‌റീക്ക് ണായാത്തിലി ഇദ്‌ക്ക് റണ്ട് ദിന്‌സ് അര്‌ത്ത ഇര്‌ക്ക്‌ദ്. അഡ്‌ത്തവാര്‌ണ ഉജുറേ്ത്ത്‌റവാന്‌മ് താന്‌താനെ ഉജുറേ്റവാന്‌മ് എന്ത്‌മ്‌ത്തെ. ഉജുറു കൊഡുക്കവാന്‌മ്. എനാണ ണമ്പ്‌റവാ് സത്താല്‌മ് പിന്നേമ് പെ്ളേക്കുവാ്. 26ഉജുറോഡെ ഇര്‌ന്ത് എനാണ ണമ്പ്‌റ ഏവാന്‌മ് എപ്പേക്ക്‌മ് സാഗമാട്ടാ്. ഇദ്‌ണ ണീ ണമ്പ്‌റേഗ?>> എന്ത് കേ്ട്ടാ്.
27അക്കുളെ മാറ്‌ത്തെ: <<ഈ്, ണാന് ണമ്പ്‌റേല ആണ്ടവാനെ. ഉലഗാക്കെ ബര്യ ഇര്‌ക്ക സാമിമഗാ് ക്‌റ്‌സ്‌ത്ത് ണീത്തെ എന്ത് ണാന് ണമ്പ്‌റെ>> എന്ത് സൊന്ന.
ഏസു അഗ്‌റാ്
28ഇച്ചെ സൊന്ന പ്‌റ മാറ്‌ത്തെ തിലിമ്പി പോയി മറിയണ സൂഗാന ഒളേത്ത് ബര്‌സി: <<ഗുരു ബന്തിര്‌ക്കാ്. ണിനാണ ഒളേക്കാ്>> എന്ത് സൊന്ന. 29മറിയ ഇദ്‌ണ കേ്ട്ടാദ്‌മ് അപ്പ്‌താനെ എ്ന്ത് ഏസു പട്ട്‌ക്ക് പോന. 30ഏസു ഊര്‌ക്കുള്ളുക്ക് കഡാക്കാദെ മാറ്‌ത്തെ കണ്ട് പേസിന പട്ടിലി താനെ അന്നാരമാട്ട്‌മ് ഇര്‌ന്താ്. 31കൂരേലി മറിയാദ് ഒപ്പ ഇര്‌ന്ത് പിരാക്കി കൊണ്ടിര്‌ന്ത എഗുദല, മറിയ പൊത്തന എ്ന്ത് പോരാദ്‌ണ കണ്ട് അവ കല്ലളേക്കെ അഗ്യ പോര എന്ത് ണെനേത്ത് അവാര് അവ പിന്ന്‌ക്ക് പോനാര്.
32ഏസു ഇര്‌ന്ത പട്ട്‌ക്ക് മറിയ എജ്ജി ഏസുണ കണ്ടാദ്‌മ് കാല്‌ക്കെ സഡാങ്ക ബ്‌ന്ത്: <<ആണ്ടവാനെ, ണീ ഈങ്ക് ഇര്‌ന്തിര്‌ന്ത എന്ന് തമ്പി സത്തിര്‌ക്കമാട്ടാ്>> എന്ത് സൊന്ന.
33അവ അഗ്‌റാദ്‌ണാമ് അവാളോഡെ ബന്ത എഗുദാര് അഗ്‌റാദ്‌ണാമ് ഏസു കണ്ട് അവാന്‌ദ് മനേസ്സ്‌ക്ക് മൊനേമ് സങ്കഡാമ് ബന്ത് സുഗിത്താ്. 34ഏസു അവാര്‌ണ: <<അയ്യി സാവുണ ഏദ്‌ക്കെ പൊദേത്തേര്?>> എന്ത് കേ്ട്ടാ്.
അക്കുളെ അവാര്: <<ആണ്ടവാനെ ബന്ത് ണോഡ്>> എന്ത് സൊന്നാര്.
35ഏസു അഗ്‌ദാ്.
36അക്കുളെ എഗുദാര് സൊന്നാര്: <<കണ്ടേര അവാന്‌ക്ക് ലാസാറോഡെ എത്തറ സീവാ്.>>
37ആന ബേ്റെ ലേസ ആള്‌ഗ: <<കുറുഡാര്‌ക്ക് പാര്‌വെ കൊഡുത്ത ഇവാന്‌ക്ക് അവാന സായ ബ്‌ഡാദെ ബെക്ക്യ മുഡ്യാലേഗ?>> എന്ത് സൊന്നാര്.
ലാസാറ്‌ണ ഉജുറേ്ത്ത്‌റാ്
38ഏസുക്ക് പിന്നേമ് മനേസ്സിലി മൊനേമ് സങ്കഡാമ് ബന്ത് ലാസാറ് സാവുണ പൊദേത്ത പട്ട്‌ക്ക് ബന്ത് എജ്ജിനാ്. അദ് ഒരു അളെ ആയിര്‌ന്ത്‌ദ്. അയ്യി അളെ ബായിക്കെ ഒരു കല്ല്‌ണ അഡേത്ത് ബെത്തിര്‌ന്താര്. 39ഏസു അവാര്‌ക്കെ: <<അയ്യി കല്ല്‌ണ ജറേത്ത് ബെയ്യിരി>> എന്ത് സൊന്നാ്.
അക്കുളെ അയ്യി സത്ത ലാസാറ്‌ദ് അക്കനച്ചി മാറ്‌ത്തെ: <<ആണ്ടവാനെ, സത്ത് പണ്ടെ ണാല് ണാള് ആദല്ല. ഇപ്പ് സൂര് അഡിക്ക്യ പ്‌ഡിത്തിര്‌ക്കു>> എന്ത് സൊന്ന.
40അക്കുളെ ഏസു അവാള്‌ക്കെ: <<ണീ ണമ്പ്‌റദാനാക്കി സാമിക്ക് ഇര്‌ക്ക മദ്‌പ്പ്‌ണ ണീ കാണുവെ എന്ത് ണാന് ണിനാക്കെ സൊല്ലാലേഗ?>> എന്ത് സൊന്നാ്.
41പ്‌റ അവാര് കല്ല്‌ണ ജറേത്താര്. അക്കുളെ ഏസു മേലോഗണ ണോഡി: <<അപ്പ, എന്ന് പരേസണ കേ്ട്ടാദ്‌ണാലെ ണിനാക്ക് ണണ്ണി സൊല്ലുറെ. 42ണീ എന്ന് പരേസണ ഒപ്പ കേ്ക്കെ എന്ത് എനാക്ക് തെരിദ്. ആന എന്ന് സുറ്റുമിര്‌ക്ക ആള്‌ഗാക്ക് ഉവഗാരപഡ്യ ബേ്ണ്ടി ണാന് ഇദ് സൊല്ലുറെ. അച്ചെ ണീത്തെ എനാണ സൊല്ലിബ്‌ട്ടിര്‌ക്കാദെന്ത് അവാര്‌ക്ക് ണമ്പ്യമുഡ്യു>> എന്ത് സൊന്നാ്.
43ഇച്ചെ സൊന്ന പ്‌റ ഏസു: <<ലാസാറെ, ബെ്ള്യെ ബാ>> എന്ത് ബെല്ല്യാദ്‌ക്ക് ഒളേത്താ്. 44അപ്പ്‌താനെ സത്തവാ് ബെ്ള്യെ ബന്താ്. അവാന്‌ദ് കയ്യികാല്‌ഗണ ബെ്ഡിപ്പുള്ള സീലേലി താനെ സുറ്റി കെ്ട്ടി ബെത്ത് ഇര്‌ന്താര്. മൂഞ്ചിന തോറ്‌ത്ത മ്‌ണ്ടിലി മുച്ചിമ് ബെത്തിര്‌ന്താര്.
<<അവാന്‌ദ് കെ്ട്ട്‌ണ ഉക്കി ബ്‌ഡി, അവാ് പോഡൊ>> എന്ത് ഏസു അവാര്‌ക്കെ സൊന്നാ്.
ഏസുണ കൊല്ല്യ സട്ടകെ്ട്ട്‌റാര്
45മറിയണ ണോഡ്യ ബന്ത എഗുദാരിലി പല ആള്‌ഗാമ് ഏസു സെയ്‌ദ ഈ കാര്യണ കണ്ട് അവാന ണമ്പിനാര്. 46ആന അവാര്‌ദിലി ലേസ ആള്‌ഗ പരിസലാക്കെ പോയി ഏസു സെയ്‌ദ കാര്യണ സൊന്നാര്. 47അക്കുളെ പരിസലാമ് എഗുദ പൂസാരി തലെവലാമ് എഗുദ ഗോഡ്‌ദില്യവാര്‌ണ ഒന്റായി കൂട്ടി ബര്‌സിനാര്.
പ്‌റ അവാര്: <<ണമ്മ എന്ത സെയ്യ? അയ്യി മന്‌സാ് എത്തിന്യൊ അദിസ്യമാന അഡ്യാളഗ സെയ്‌രാനെ. 48അവാന ഇച്ചെഗെ ബ്‌ട്ടാക്കി ആള്‌ഗൊട്ടുക്ക് അവാ് സൊല്ലുറാദിലി ണമ്പിക്കെ ബെക്കുവാര്. പ്‌റ റോമക്കാറാര് ബന്ത് ണമ്മ് എ്ഡേനാമ്#11:48 ണമ്മ് എ്ഡേനാമ് ഇദ്‌ണ എര്‌സലേമ് പട്ടണ എന്ത്‌മ് എര്‌സലേമില്യ സാമികൂരെ എന്ത്‌മ് സൊല്ലില. ആള്‌ഗണാമ് അളിത്തെക്കുവാര്>> എന്ത് സൊന്നാര്.
49അവാര് കൂട്ടാത്തില്യ കയ്യപ്പാവു എങ്കവാ് അയ്യി ബര്‌സാത്തില്യ എഗുദ ബെല്ല്യ പൂസാരി ആയിര്‌ന്താ്. അവാ് അവാര്‌ക്ക്: <<ണിമാക്ക് ഒന്റുമ് തെര്യ. 50ഒരു ണാഡില്യവാര് ഒട്ടുക്ക് അളിന്ത് പോഗാദെ ഇര്‌ക്ക്യ അവാര്‌ദ് കണാക്ക് ഒരുത്താ് സാരാദ് ണല്ലാദ്‌ത്തെ എന്ത് ണിമ്മ ണെനേക്കാദില്ലേഗ?>> എന്ത് സൊന്നാ്.
51ഇദ് അവാ് തന്ന് സൊന്ത ണെനേപ്പിലി സൊന്നാദല്ല, താന് അയ്യി ബര്‌സാത്തില്യ എഗുദ ബെല്ല്യ പൂസാരി ആയിര്‌ക്കാദ്‌ണാലെ എഗുദാര്‌ക്ക് ബേ്ണ്ടി ഏസു സായ ഇര്‌ക്കാ് എന്ത് സാമി അവാന ബെത്ത് സൊന്നാദ്‌ത്തെമ്പ. 52എഗുദാര് ജാദിഗാക്ക് താനേമല്ല ഉലഗ മുച്ചുഡ സിന്തസിദാറ ആയിര്‌ക്ക സാമിദ് പ്‌ള്ളെഗണ ഒന്റുക്കെ എജേക്ക്യ ബേ്ണ്ടിത്തെ. 53അദ്‌ണാലെ അന്റ് തൊട്ട് അവാര് ഏസുണ കൊല്ല്യ ഓസണെ കെ്ട്ടിനാര്.
54അദ്‌ണാലെ ഏസു എഗുദാര് പട്ടിലി ആള്‌ഗാക്ക് എദ്‌ക്ക ണഡാക്കാദെ അദിലിര്‌ന്ത് ബെ്ട്ടെകാഡ് അര്‌ഗെ ഇര്‌ക്ക എപ്പ്‌റയീമ് എങ്ക ഊര്‌ക്കെ പോയി തന്ന് സൊല്ലുപഡി ണഡാക്കവാര്‌ദ് ഒപ്പ അദിലിര്‌ന്താ്.
55എഗുദാര്‌ദ് പെസഗെ ണോമ്പി ബര്യ അഡ്‌ത്തിര്‌ന്ത്‌ദ്. തമ്മ സുത്താപ്പായ ബേ്ണ്ടി സെയ്‌ര കാര്യഗണ സെയ്യ ബേ്ണ്ടി എത്തിന്യൊ ആള്‌ഗ പെസഗെ ണോമ്പിക്ക് മുദതാനെ ഊര്‌ക്ക്‌റാഗ ഇര്‌ന്ത് എര്‌സലേമ്‌ക്കെ പോനാര്. 56അവാര് ഏസുണ പരാന്ത് സാമികൂരേലി ണിന്റിര്‌ന്ത്: <<ണിമ്മ എച്ചെ ണെനേക്കേര്? അവാ് ണോമ്പിക്ക് ബരമാട്ടാന?>> എന്ത് തമ്മ തമ്മ പേസിനാര്. 57ആന എഗുദ പൂസാരി തലെവലാമ് പരിസലാമ് ഏസുണ പ്‌ഡിക്ക്യ ബേ്ണ്ടി അവാ് ഇര്‌ക്ക എ്ഡേന ആരാറ്റ്‌ക്ക് തെരിരദാനാക്കി സൊല്ലി തരുഡൊ എന്ത് കല്‌പനെ കൊഡുത്തിര്‌ന്താര്.
Currently Selected:
ഓഗന്നാ് 11: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
ഓഗന്നാ് 11
11
ലാസാറ് സാരാ്
1ബെദനി ഊരിലി ലാസാറ് എങ്ക ഒരുത്താ് ണോയി ക്‌ഡാന്തിര്‌ന്താ്. മറിയാമ് അവാള്‌ദ് അക്കനച്ചി മാറ്‌ത്തേമ് ഇര്‌ന്ത ഊര്‌ത്തെ ബെദനി. 2ഇദേ മറിയാത്തെ ഏസുദ് കാല്‌ക്കെ ബാഡെ എ്ണ്ണെ പൂസി തന്ന് തലെമൂര്‌ക്കെ തെനേത്താദ്. ഇവാള്‌ദ് തമ്പി ലാസാറ്‌ത്തെ ണോയി ക്‌ഡക്കാദ്. 3അദ്‌ണാലെ അയ്യി അക്കതങ്കെല: <<ആണ്ടവാനെ, ണീ സീവാ് ബ്‌ട്ട് ണഡാക്കവാ്ത്തെ ണോയി ക്‌ഡാക്കാ്>> എന്ത് ഏസുക്കെ സേദി ബ്‌ട്ടാര്.
4ഏസു ഇദ്‌ണ കേ്ട്ട്: <<ഈ ണോയി സാവുക്കല്ല, ഇദ് സാമിദ് പേര്‌ക്ക് മദ്‌പ്പ് കെ്ഡേക്ക്യ ബേ്ണ്ടിത്തെ. ഇച്ചെ സാമിദ് മഗാന്‌ദ് പേര്‌ക്ക്‌മ് മദ്‌പ്പ് കെ്ഡേക്കു>> എന്ത് സൊന്നാ്. 5ഏസു മാറ്‌ത്തെനാമ് അവാള്‌ദ് തങ്കെ മറിയണാമ് തമ്പി ലാസാറ്‌ണാമ് സീവാ് ബ്‌ഡ്‌റാ്. 6എന്ത്‌ട്ട്‌മ് ലാസാറ് ണോയി ക്‌ഡാക്കാ് എന്ത് തെരിഗാട്ടി ഏസു താന് ഇര്‌ന്ത എ്ഡേലി റണ്ട് ണാള് ഗൂഡി തങ്കിനാ്.
7പ്‌റ ഏസു തന്ന് സൊല്ലുപഡി ണഡാക്കവാര്‌ക്കെ: <<ണമ്മ പിന്നേമ് എഗുദ ണാഡ്‌ക്കെ പോഗായി>> എന്ത് സൊന്നാ്.
8അക്കുളെ തന്ന് സൊല്ലുപഡി ണഡാക്കവാര്: <<ഗുരുവെ, സെറ്റെ മുദാത്തെ എഗുദാര് ണിനാണ കല്ല് എ്റ്യപട്ടാര്. എന്ത്‌ട്ട്‌മ് ണീ അദ്‌ക്കെ താനെ ഇന്നിമ് പോയ ണോഡുറേഗ?>> എന്ത് സൊന്നാര്.
9അദ്‌ക്ക് ഏസു: <<പഗാല് പന്നന്റ് മണികൂറ് ണേര മാട്ട്‌മ് ബെ്ള്‌സ ഇര്‌ക്കാദില്ലെഗ? അദ്‌ണാലെ പഗാല് ണഡാക്കവാര് ഈ ഉലഗാദ് ബെ്ള്‌സണ കാണ്‌റാദ്‌ണാലെ കാല് തട്ടി ബീ്റാദില്ലെ. 10ആന ജാമാക്ക് ണഡാക്കവാനിലി ബെ്ള്‌സ ഇല്ലാത്താദ്‌ണാലെ അവാ് കാല് തട്ടി ബീ്റാ്>> എന്ത് സൊന്നാ്.
11ഇച്ചെ സൊന്ന പ്‌റ ഏസു: <<ണമ്മ്‌ദ് എ്ണേവുക്കാറാ് ലാസാറ് ഉറാങ്ക്‌റാ്, ആന ണാന് അവാന ഏ്ത്ത്യ പോരെ>> എന്ത് അവാര്‌ക്കെ സൊന്നാ്.
12അക്കുളെ ഏസുദ് സൊല്ലുപഡി ണഡാക്കവാര്: <<ലാസാറ് ഉറാങ്ക്‌റാദാനാക്കി അവാന്‌ക്ക് സട്ടന സുഗ കെ്ഡേക്കു>> എന്ത് സൊന്നാര്. 13ലാസാറ് സത്താദ്‌ണ പറ്റിത്തെ ഏസു സൊന്നാദ്. ആന ലാസാറ് ഉറാങ്ക്‌റാദ്‌ണ പറ്റിത്തെ അവാ് സൊന്നാദ് എന്ത് അവാര് ണെനേത്താര്.
14അദ്‌ണാലെ ഏസു: <<ലാസാറ് സത്താ്>> എന്ത് അവാര്‌ക്കെ ണേരെ സൊന്നാ്. 15<<ണാന് അദിലി ഇല്ലാത്താദ്‌ണാലെ ണിമാണ ണെനേത്ത് ണാന് പിര്യപഡ്‌റെ. എന്ത്‌ക്കെന്റ ണിമാക്ക് ണമ്പിക്കെ ബരുമല്ല. എന്താല്‌മ് ണമ്മ അവാ് പട്ട്‌ക്ക് പോഗായി>> എന്ത് ഏസു സൊന്നാ്.
16അക്കുളെ ദിദിമോസ് എന്ത് ഒളേക്ക തോമാസ്, തന്ന്‌ദൊപ്പ ഇര്‌ക്ക ഏസുദ് സൊല്ലുപഡി ണഡാക്കവാര്‌ക്കെ: <<ഏസുദൊപ്പ ണമ്മാമ് സായ പോഗായി>> എന്ത് സൊന്നാ്.
ഏസു മാറ്‌ത്തെനാമ് മറിയണാമ് പിരാക്ക്‌റാ്
17അദ്‌ക്കെ എജ്ജ്‌ഗാട്ടി ലാസാറ് സാവുണ കല്ലളേക്കെ ഇക്കി ണാല് ണാളാറ്റ് എന്ത് ഏസുക്ക് തെരിന്ത്‌ദ്. 18എര്‌സലേമിലിര്‌ന്ത് ഒപ്പത്തപ്പ മൂണ് കിലാമീറ്ററ് ദൂരാത്തിലിത്തെ ബെദനി ഊര് ഇര്‌ന്താദ്. 19തമ്മ് തമ്പി സത്താക്ക് സങ്കഡപഡ്‌റ മാറ്‌ത്തെനാമ് മറിയണാമ് പിരാക്ക്യ ബേ്ണ്ടി എത്തിന്യൊ എഗുദാര് അദ്‌ക്കെ ബന്തിര്‌ന്താര്. 20ഏസു ബര സേദിന കേ്ട്ട് മാറ്‌ത്തെ അയാള്‌ണ കാണ്യ ബേ്ണ്ടി പോന. ആന മറിയ കൂരേലിതാനെ ഇര്‌ന്ത.
21മാറ്‌ത്തെ ഏസുണ: <<ആണ്ടവാനെ, ണീ ഇദിലിര്‌ന്തിര്‌ന്ത എന്ന് തമ്പി സത്തിര്‌ക്കമാട്ടാ്. 22ആന ണീ എന്ത കാര്യ കേ്ട്ടാല്‌മ് സാമി അദ്‌ണ ണിനാക്ക് തരുവാ് എന്ത് എനാക്ക് ഇപ്പ്‌മ് തെര്യു>> എന്ത് സൊന്ന.
23ഏസു അവാള്‌ക്കെ: <<ണിന്ന് തമ്പി ഉജുറെ്ന്തുവാ്>> എന്ത് സൊന്നാ്.
24മാറ്‌ത്തെ അവാന്‌ക്കെ: <<ഉലഗ കഡേസി ണാള് എല്ല ആള്‌ഗണാമ് സാമി ഉജുറേ്ത്ത്‌ഗാട്ടി എന്ന് തമ്പിമ് ഉജുറേ്വാനെന്ത് എനാക്ക് തെര്യു>> എന്ത് സൊന്ന.
25ഏസു അവാള്‌ക്കെ: <<ണാന്‌ത്തെ സത്തവാര്‌ണ ഉജുറേ്ത്ത്‌റവാന്‌മ്#11:25 ഉജുറേ്ത്ത്‌റവാന്‌മ് ഗ്‌റീക്ക് ണായാത്തിലി ഇദ്‌ക്ക് റണ്ട് ദിന്‌സ് അര്‌ത്ത ഇര്‌ക്ക്‌ദ്. അഡ്‌ത്തവാര്‌ണ ഉജുറേ്ത്ത്‌റവാന്‌മ് താന്‌താനെ ഉജുറേ്റവാന്‌മ് എന്ത്‌മ്‌ത്തെ. ഉജുറു കൊഡുക്കവാന്‌മ്. എനാണ ണമ്പ്‌റവാ് സത്താല്‌മ് പിന്നേമ് പെ്ളേക്കുവാ്. 26ഉജുറോഡെ ഇര്‌ന്ത് എനാണ ണമ്പ്‌റ ഏവാന്‌മ് എപ്പേക്ക്‌മ് സാഗമാട്ടാ്. ഇദ്‌ണ ണീ ണമ്പ്‌റേഗ?>> എന്ത് കേ്ട്ടാ്.
27അക്കുളെ മാറ്‌ത്തെ: <<ഈ്, ണാന് ണമ്പ്‌റേല ആണ്ടവാനെ. ഉലഗാക്കെ ബര്യ ഇര്‌ക്ക സാമിമഗാ് ക്‌റ്‌സ്‌ത്ത് ണീത്തെ എന്ത് ണാന് ണമ്പ്‌റെ>> എന്ത് സൊന്ന.
ഏസു അഗ്‌റാ്
28ഇച്ചെ സൊന്ന പ്‌റ മാറ്‌ത്തെ തിലിമ്പി പോയി മറിയണ സൂഗാന ഒളേത്ത് ബര്‌സി: <<ഗുരു ബന്തിര്‌ക്കാ്. ണിനാണ ഒളേക്കാ്>> എന്ത് സൊന്ന. 29മറിയ ഇദ്‌ണ കേ്ട്ടാദ്‌മ് അപ്പ്‌താനെ എ്ന്ത് ഏസു പട്ട്‌ക്ക് പോന. 30ഏസു ഊര്‌ക്കുള്ളുക്ക് കഡാക്കാദെ മാറ്‌ത്തെ കണ്ട് പേസിന പട്ടിലി താനെ അന്നാരമാട്ട്‌മ് ഇര്‌ന്താ്. 31കൂരേലി മറിയാദ് ഒപ്പ ഇര്‌ന്ത് പിരാക്കി കൊണ്ടിര്‌ന്ത എഗുദല, മറിയ പൊത്തന എ്ന്ത് പോരാദ്‌ണ കണ്ട് അവ കല്ലളേക്കെ അഗ്യ പോര എന്ത് ണെനേത്ത് അവാര് അവ പിന്ന്‌ക്ക് പോനാര്.
32ഏസു ഇര്‌ന്ത പട്ട്‌ക്ക് മറിയ എജ്ജി ഏസുണ കണ്ടാദ്‌മ് കാല്‌ക്കെ സഡാങ്ക ബ്‌ന്ത്: <<ആണ്ടവാനെ, ണീ ഈങ്ക് ഇര്‌ന്തിര്‌ന്ത എന്ന് തമ്പി സത്തിര്‌ക്കമാട്ടാ്>> എന്ത് സൊന്ന.
33അവ അഗ്‌റാദ്‌ണാമ് അവാളോഡെ ബന്ത എഗുദാര് അഗ്‌റാദ്‌ണാമ് ഏസു കണ്ട് അവാന്‌ദ് മനേസ്സ്‌ക്ക് മൊനേമ് സങ്കഡാമ് ബന്ത് സുഗിത്താ്. 34ഏസു അവാര്‌ണ: <<അയ്യി സാവുണ ഏദ്‌ക്കെ പൊദേത്തേര്?>> എന്ത് കേ്ട്ടാ്.
അക്കുളെ അവാര്: <<ആണ്ടവാനെ ബന്ത് ണോഡ്>> എന്ത് സൊന്നാര്.
35ഏസു അഗ്‌ദാ്.
36അക്കുളെ എഗുദാര് സൊന്നാര്: <<കണ്ടേര അവാന്‌ക്ക് ലാസാറോഡെ എത്തറ സീവാ്.>>
37ആന ബേ്റെ ലേസ ആള്‌ഗ: <<കുറുഡാര്‌ക്ക് പാര്‌വെ കൊഡുത്ത ഇവാന്‌ക്ക് അവാന സായ ബ്‌ഡാദെ ബെക്ക്യ മുഡ്യാലേഗ?>> എന്ത് സൊന്നാര്.
ലാസാറ്‌ണ ഉജുറേ്ത്ത്‌റാ്
38ഏസുക്ക് പിന്നേമ് മനേസ്സിലി മൊനേമ് സങ്കഡാമ് ബന്ത് ലാസാറ് സാവുണ പൊദേത്ത പട്ട്‌ക്ക് ബന്ത് എജ്ജിനാ്. അദ് ഒരു അളെ ആയിര്‌ന്ത്‌ദ്. അയ്യി അളെ ബായിക്കെ ഒരു കല്ല്‌ണ അഡേത്ത് ബെത്തിര്‌ന്താര്. 39ഏസു അവാര്‌ക്കെ: <<അയ്യി കല്ല്‌ണ ജറേത്ത് ബെയ്യിരി>> എന്ത് സൊന്നാ്.
അക്കുളെ അയ്യി സത്ത ലാസാറ്‌ദ് അക്കനച്ചി മാറ്‌ത്തെ: <<ആണ്ടവാനെ, സത്ത് പണ്ടെ ണാല് ണാള് ആദല്ല. ഇപ്പ് സൂര് അഡിക്ക്യ പ്‌ഡിത്തിര്‌ക്കു>> എന്ത് സൊന്ന.
40അക്കുളെ ഏസു അവാള്‌ക്കെ: <<ണീ ണമ്പ്‌റദാനാക്കി സാമിക്ക് ഇര്‌ക്ക മദ്‌പ്പ്‌ണ ണീ കാണുവെ എന്ത് ണാന് ണിനാക്കെ സൊല്ലാലേഗ?>> എന്ത് സൊന്നാ്.
41പ്‌റ അവാര് കല്ല്‌ണ ജറേത്താര്. അക്കുളെ ഏസു മേലോഗണ ണോഡി: <<അപ്പ, എന്ന് പരേസണ കേ്ട്ടാദ്‌ണാലെ ണിനാക്ക് ണണ്ണി സൊല്ലുറെ. 42ണീ എന്ന് പരേസണ ഒപ്പ കേ്ക്കെ എന്ത് എനാക്ക് തെരിദ്. ആന എന്ന് സുറ്റുമിര്‌ക്ക ആള്‌ഗാക്ക് ഉവഗാരപഡ്യ ബേ്ണ്ടി ണാന് ഇദ് സൊല്ലുറെ. അച്ചെ ണീത്തെ എനാണ സൊല്ലിബ്‌ട്ടിര്‌ക്കാദെന്ത് അവാര്‌ക്ക് ണമ്പ്യമുഡ്യു>> എന്ത് സൊന്നാ്.
43ഇച്ചെ സൊന്ന പ്‌റ ഏസു: <<ലാസാറെ, ബെ്ള്യെ ബാ>> എന്ത് ബെല്ല്യാദ്‌ക്ക് ഒളേത്താ്. 44അപ്പ്‌താനെ സത്തവാ് ബെ്ള്യെ ബന്താ്. അവാന്‌ദ് കയ്യികാല്‌ഗണ ബെ്ഡിപ്പുള്ള സീലേലി താനെ സുറ്റി കെ്ട്ടി ബെത്ത് ഇര്‌ന്താര്. മൂഞ്ചിന തോറ്‌ത്ത മ്‌ണ്ടിലി മുച്ചിമ് ബെത്തിര്‌ന്താര്.
<<അവാന്‌ദ് കെ്ട്ട്‌ണ ഉക്കി ബ്‌ഡി, അവാ് പോഡൊ>> എന്ത് ഏസു അവാര്‌ക്കെ സൊന്നാ്.
ഏസുണ കൊല്ല്യ സട്ടകെ്ട്ട്‌റാര്
45മറിയണ ണോഡ്യ ബന്ത എഗുദാരിലി പല ആള്‌ഗാമ് ഏസു സെയ്‌ദ ഈ കാര്യണ കണ്ട് അവാന ണമ്പിനാര്. 46ആന അവാര്‌ദിലി ലേസ ആള്‌ഗ പരിസലാക്കെ പോയി ഏസു സെയ്‌ദ കാര്യണ സൊന്നാര്. 47അക്കുളെ പരിസലാമ് എഗുദ പൂസാരി തലെവലാമ് എഗുദ ഗോഡ്‌ദില്യവാര്‌ണ ഒന്റായി കൂട്ടി ബര്‌സിനാര്.
പ്‌റ അവാര്: <<ണമ്മ എന്ത സെയ്യ? അയ്യി മന്‌സാ് എത്തിന്യൊ അദിസ്യമാന അഡ്യാളഗ സെയ്‌രാനെ. 48അവാന ഇച്ചെഗെ ബ്‌ട്ടാക്കി ആള്‌ഗൊട്ടുക്ക് അവാ് സൊല്ലുറാദിലി ണമ്പിക്കെ ബെക്കുവാര്. പ്‌റ റോമക്കാറാര് ബന്ത് ണമ്മ് എ്ഡേനാമ്#11:48 ണമ്മ് എ്ഡേനാമ് ഇദ്‌ണ എര്‌സലേമ് പട്ടണ എന്ത്‌മ് എര്‌സലേമില്യ സാമികൂരെ എന്ത്‌മ് സൊല്ലില. ആള്‌ഗണാമ് അളിത്തെക്കുവാര്>> എന്ത് സൊന്നാര്.
49അവാര് കൂട്ടാത്തില്യ കയ്യപ്പാവു എങ്കവാ് അയ്യി ബര്‌സാത്തില്യ എഗുദ ബെല്ല്യ പൂസാരി ആയിര്‌ന്താ്. അവാ് അവാര്‌ക്ക്: <<ണിമാക്ക് ഒന്റുമ് തെര്യ. 50ഒരു ണാഡില്യവാര് ഒട്ടുക്ക് അളിന്ത് പോഗാദെ ഇര്‌ക്ക്യ അവാര്‌ദ് കണാക്ക് ഒരുത്താ് സാരാദ് ണല്ലാദ്‌ത്തെ എന്ത് ണിമ്മ ണെനേക്കാദില്ലേഗ?>> എന്ത് സൊന്നാ്.
51ഇദ് അവാ് തന്ന് സൊന്ത ണെനേപ്പിലി സൊന്നാദല്ല, താന് അയ്യി ബര്‌സാത്തില്യ എഗുദ ബെല്ല്യ പൂസാരി ആയിര്‌ക്കാദ്‌ണാലെ എഗുദാര്‌ക്ക് ബേ്ണ്ടി ഏസു സായ ഇര്‌ക്കാ് എന്ത് സാമി അവാന ബെത്ത് സൊന്നാദ്‌ത്തെമ്പ. 52എഗുദാര് ജാദിഗാക്ക് താനേമല്ല ഉലഗ മുച്ചുഡ സിന്തസിദാറ ആയിര്‌ക്ക സാമിദ് പ്‌ള്ളെഗണ ഒന്റുക്കെ എജേക്ക്യ ബേ്ണ്ടിത്തെ. 53അദ്‌ണാലെ അന്റ് തൊട്ട് അവാര് ഏസുണ കൊല്ല്യ ഓസണെ കെ്ട്ടിനാര്.
54അദ്‌ണാലെ ഏസു എഗുദാര് പട്ടിലി ആള്‌ഗാക്ക് എദ്‌ക്ക ണഡാക്കാദെ അദിലിര്‌ന്ത് ബെ്ട്ടെകാഡ് അര്‌ഗെ ഇര്‌ക്ക എപ്പ്‌റയീമ് എങ്ക ഊര്‌ക്കെ പോയി തന്ന് സൊല്ലുപഡി ണഡാക്കവാര്‌ദ് ഒപ്പ അദിലിര്‌ന്താ്.
55എഗുദാര്‌ദ് പെസഗെ ണോമ്പി ബര്യ അഡ്‌ത്തിര്‌ന്ത്‌ദ്. തമ്മ സുത്താപ്പായ ബേ്ണ്ടി സെയ്‌ര കാര്യഗണ സെയ്യ ബേ്ണ്ടി എത്തിന്യൊ ആള്‌ഗ പെസഗെ ണോമ്പിക്ക് മുദതാനെ ഊര്‌ക്ക്‌റാഗ ഇര്‌ന്ത് എര്‌സലേമ്‌ക്കെ പോനാര്. 56അവാര് ഏസുണ പരാന്ത് സാമികൂരേലി ണിന്റിര്‌ന്ത്: <<ണിമ്മ എച്ചെ ണെനേക്കേര്? അവാ് ണോമ്പിക്ക് ബരമാട്ടാന?>> എന്ത് തമ്മ തമ്മ പേസിനാര്. 57ആന എഗുദ പൂസാരി തലെവലാമ് പരിസലാമ് ഏസുണ പ്‌ഡിക്ക്യ ബേ്ണ്ടി അവാ് ഇര്‌ക്ക എ്ഡേന ആരാറ്റ്‌ക്ക് തെരിരദാനാക്കി സൊല്ലി തരുഡൊ എന്ത് കല്‌പനെ കൊഡുത്തിര്‌ന്താര്.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature