ഓഗന്നാ് 19
19
ഏസുണ കുരുസ്‌ക്കെ സേത്തി ആണി അഡിത്ത് കൊല്ല്യ ബിദിക്കാ്
1അദ്‌ക്ക് പ്‌റ പീലത്തോസ് ഏസുണ എ്ഡ്‌ത്ത് പോയി പഡെഗണ ബെത്ത് സാട്ടെബാറ്‌ക്കെ അഡിസിനാ്. 2പഡെയാളിഗ മുള്ളു കൊഡിലി ഒരു ഗിര്യാഡ പെ്ണേന്ത് ഏസുദ് തലേക്കെ സൂഡ്‌സിനാര്. പ്‌റ സോരെ ണ്‌റാമ് ണീല ണ്‌റാമ് കലാന്തിര്‌ക്ക ജൊഗേന ഏസുക്കെ ഇക്കിസിനാര്. 3അവാന്‌ദ് പട്ട്‌ക്ക് ബന്ത്: <<എഗുദാര്‌ദ് റാജാവെ, ണീ സോക്ക്യൂരി പെ്ളെ!>> എന്ത് സൊല്ലികൊണ്ട് ഏസുദ് പഗ്‌ഡ്‌ണ അഡിത്താര്.
4പീലത്തോസ് പിന്നേമ് ബെ്ള്യെ ബന്ത്: <<ണാന് ഇവാനോഡെ ഒരു കുറ്റാമ് കാണാലെ എന്ത് ണിമാക്ക് തെര്യ ബേ്ണ്ടി ഇദായി ണാന് ഇവാന ബെ്ള്യെ ണിമ്മ് പട്ട്‌ക്കെ എ്ഡ്‌ത്ത് ബരെ>> എന്ത് സൊന്നാ്. 5അച്ചെ മുള്ളു കൊഡിലി പെ്ണേന്ത ഗിര്യാഡണ തലേക്ക് സൂഡി സോരെ ണ്‌റാമ് ണീല ണ്‌റാമ് കലാന്തിര്‌ക്ക ജൊഗേനാമ് ഇക്കി ഏസു ബെ്ള്യെ ബന്താ്. പീലത്തോസ് അവാര്‌ക്കെ: <<ഇദാ അയ്യി മന്‌സാ്>> എന്ത് സൊന്നാ്.
6ഏസുണ കണ്ടാദ്‌മ് എഗുദ പൂസാരി തലെവലാമ് സാമികൂരെ കാവക്കാറാര്‌മ്: <<കുരുസ്‌ക്കെ സേത്തി ആണി അഡിത്ത് കൊല്ലുഡൊ, കുരുസ്‌ക്കെ സേത്തി ആണി അഡിത്ത് കൊല്ലുഡൊ>> എന്ത് സൊല്ലി ആലാത്താര്.
അക്കുളെ പീലത്തോസ് അവാര്‌ക്കെ: <<ണിമ്മ അവാന എ്ഡ്‌ത്ത് പോയി കുരുസ്‌ക്കെ സേത്തി ആണി അഡിത്ത് കൊല്ലിരി. ആന ണാന് ഇവാനോഡെ ഒരു കുറ്റാമ് കാണാലെ>> എന്ത് സൊന്നാ്.
7അദ്‌ക്ക് എഗുദാര്: <<എമാക്കൊറു സട്ട ഇര്‌ക്ക്‌ദ്, ഇയാള് ണാന്‌ത്തെ സാമിദ് മഗാ് എന്ത് തനാണതാനെ സൊന്നാദ്‌ണാലെ അയ്യി സട്ടപഡി അവാ് സാഡൊത്തെ>> എന്ത് സൊന്നാര്.
8അവാര് ഇച്ചെ സൊന്ന ണായണ കേ്ട്ട് പീലത്തോസ്‌ക്ക് റമ്പ കോവെ പ്‌ഡിത്ത്‌ദ്. 9പീലത്തോസ് പിന്നേമ് കോട്ടെക്കുള്ളുക്കെ പോയി, <<ണീ ഏദിലിര്‌ന്ത് ബരെ?>> എന്ത് ഏസുണ കേ്ട്ടാ്. അദ്‌ക്ക് ഏസു അയാള്‌ക്കെ ഒന്റുമ് സൊല്ലാലെ. 10പീലത്തോസ് ഏസുക്കെ: <<ണീ എന്നോഡെ പേസ്‌റാദില്ലേഗ? എനാക്ക് ണിനാണ കുരുസ്‌ക്കെ സേത്തി ആണി അഡിത്ത് കൊല്ല്യാമ് ണിനാണ ബെ്റ്‌ദെ ബ്‌ഡ്യാമ് അദിഗാര ഇര്‌ക്ക്‌ദ് എന്ത് ണിനാക്ക് തെര്യാഗ?>> എന്ത് കേ്ട്ടാ്.
11അദ്‌ക്ക് ഏസു: <<സാമിലിര്‌ന്ത് ണിനാക്ക് അദിഗാര കെ്ഡേക്കാദെ ഇര്‌ന്തിര്‌ന്താക്കി ണിനാക്ക് എനാണ ഒന്റുമ് സെയ്യ മുഡ്യമാട്ടായിര്‌ന്ത്‌ദ്. അദ്‌ണാലെ എനാണ ണിന്ന് കയ്യിക്ക് തന്തവാ് റമ്പ പാവ സെയ്‌ദവാ്ത്തെ>> എന്ത് സൊന്നാ്.
12ഏസു സൊന്നാദ്‌ണ കേ്ക്കാട്ടി പീലത്തോസ് ഏസുണ ബെ്റ്‌ദെ ബ്‌ഡ്യപട്ടാ്. അക്കുളെ എഗുദാര്: <<ഇവാന ണീ ബ്‌ട്ട റോമ ണാഡ് റാജാവുക്ക് ണീ എ്ണേവുക്കാറാനല്ല, താന്‌താനെ റാജാവു എന്ത് സൊല്ലുറവാനെല്ല റോമ ണാഡ് റാജാവുക്ക് പോട്ടിക്ക് ണില്ല്‌റവാ്ത്തെ>> എന്ത് ആലാത്താര്.
13അവാര് ഇച്ചെ സൊല്ലി ആലാക്കാദ്‌ണ കേ്ട്ട് പീലത്തോസ് ഏസുണ ബെ്ള്യെ കൂട്ടി ബന്ത് കല്ല്‌മദ്‌ള് എന്ത് സൊല്ലുറ എ്ഡേലി ണായ പേസ്‌റ എ്ഡേക്ക് പോയി കുക്കാന്താ്. ഈ എ്ഡേന എവുറാര് ണായാത്തിലി ഗവത്ത എന്ത്‌ത്തെ സൊല്ലുറാദ്. 14അയ്യി ഗള്യെ പെസഗെ ണോമ്പിദ് ബാങ്ക്‌ണാള് ഉച്ചി ആയിര്‌ന്ത്‌ദ്.
പീലത്തോസ് എഗുദാര്‌ക്കെ: <<ഇദായി ണിമ്മ് റാജാവു>> എന്ത് സൊന്നാ്.
15അക്കുളെ അവാര്: <<അവാന കൊല്ലു, കൊല്ലു, കുരുസ്‌ക്കെ സേത്തി ആണി അഡിത്ത് കൊല്ലു>> എന്ത് ആലാത്താര്.
<<ണിമ്മ് റാജാവുണ ണാന് കുരുസ്‌ക്കെ സേത്തി ആണി അഡിത്ത് കൊല്ല്യാഗ?>> എന്ത് പീലത്തോസ് കേ്ട്ടാ്.
അക്കുളെ എഗുദ പൂസാരി തലെവല: <<എമാക്ക് റോമ ണാഡ് റാജാവല്ലാദെ ബേ്റൊരു റാജാവില്ലെ>> എന്ത് ബദ്‌ള് സൊന്നാര്.
16അക്കുളെ പീലത്തോസ് ഏസുണ കുരുസ്‌ക്കെ സേത്തി ആണി അഡിത്ത് കൊല്ല്യ അവാര്‌ക്ക് ബ്‌ട്ട് കൊഡുത്താ്.
ഏസുണ കുരുസ്‌ക്കെ സേത്തി ആണി അഡിത്ത് കൊല്ലുറാര്
അച്ചെ അവാര് ഏസുണ കൂട്ടി പോനാര്. 17ഏസു താന്‌താനെ കുരുസ്‌ണ സുമാന്ത്‌കൊണ്ട് തലെ ഓഡ്‌ദ് എ്ഡെ എങ്ക പട്ട്‌ക്ക് പോനാ്. ഈ എ്ഡേന എവുറാര് ണായാത്തിലി ഗൊല്‌ഗോത്ത എന്ത്‌ത്തെ സൊല്ലുറാദ്. 18അവാര് അദിലി ഏസുണ കുരുസ്‌ക്കെ സേത്തി ആണി അഡിത്താര്. ഏസുദ് ഒപ്പ ബേ്റെ റണ്ട് ആള്‌ണ അച്ചാരി ഇച്ചാരി ബെത്ത് കുരുസ്‌ക്കെ സേത്തി ആണി അഡിത്താര്.
19പീലത്തോസ് ഒരു എ്ള്‌ത്ത് എ്ള്‌ദി കുരുസ്‌ക്ക് മേല് ബെത്താ്. അയ്യി എ്ള്‌ത്തിലി <<ണസറത്ത്‌ക്കാറാ് ഏസു എഗുദാര്‌ദ് റാജാവു>> എന്ത് എ്ള്‌ദിര്‌ന്ത്‌ദ്. 20ഏസുണ കുരുസ്‌ക്കെ സേത്തി ആണി അഡിത്ത പട്ട് പട്ടണാദ് അര്‌ഗെ ആനാദ്‌ണാലെ എത്തിന്യൊ എഗുദാര്‌ഗ അയ്യി എ്ള്‌ത്ത്‌ണ പഡിത്താര്. അദ് എവുറാര് ണായാത്തിലിമ് റോമ ണായാത്തിലിമ് ഗ്‌റീക്ക് ണായാത്തിലിമ് എ്ള്‌ദിര്‌ന്ത്‌ദ്. 21ആന എഗുദ പൂസാരി തലെവല പീലത്തോസ്‌ക്കെ: <<എഗുദാര്‌ദ് റാജാവു എന്ത് അല്ല, ണാന് എഗുദാര്‌ദ് റാജാവു എന്ത് ഇയാള് സൊന്നാ് എന്ത്‌ത്തെ എ്ള്‌ദുഡൊ>> എന്ത് സൊന്നാര്.
22അക്കുളെ പീലത്തോസ്: <<ണാന് എ്ള്‌ദിനാദ്‌ണ മാറ്റമാട്ടെ>> എന്ത് സൊന്നാ്.
23പഡെയാളിഗ ഏസുണ കുരുസ്‌ക്കെ സേത്തി ആണി അഡിത്ത പ്‌റ ഏസുദ് ഉഡുപ്പുണ ണാല് പങ്ക പങ്കി ഒരൊരു ആള്‌മ് ഒരൊരു പങ്ക്‌ണ എ്ഡ്‌ത്താര്. അവാര് ജൊഗേനാമ് എ്ഡ്‌ത്താര്. ആന അയ്യി ജൊഗെ തുന്നാദെ അഡിത്തൊട്ട് മുഡിമാട്ട് പെ്ണേന്താദ് ആയിര്‌ന്ത്‌ദ്.
24<<ഇദ്‌ണ കീ്റ ബേ്ഡ. ഇദ് ആര്‌ക്ക് കെ്ഡേക്കു എന്ത് ണോഡ്യ ണറ്‌ക്ക് ബീ്ത്ത്‌ഗായി>> എന്ത് തമ്മ തമ്മ പേസിനാര്.
<<അവാര് എന്ന് ഉഡുപ്പുണ പങ്കി എ്ഡ്‌ത്ത്
എന്ന് ജൊഗേക്ക് ബേ്ണ്ടി ണറ്‌ക്ക് ബീ്ത്തിനാര്>>#സാമി പാട്ട് ബുക്ക് 22:18
എന്ത് സാമി ബുക്കിലി സൊല്ലിര്‌ക്കാദ് അദേപാസെ ണഡാക്ക്യ ബേ്ണ്ടി ഇച്ചെല്ല ണഡാന്ത്‌ദ്. ഇച്ചെല്ലാത്തെ പഡെയാളിഗ സെയ്‌ദാദ്. 25ഏസുണ ആണി അഡിത്ത കുരുസ്‌ദ് പട്ടിലി തന്ന് അവ്വാസിമ്, അവ്വാസിദ് പ്‌റാന്തവാമ്, ക്‌ളേയപ്പാവുദ് പെ്ണ്ട് മറിയാമ് മദ്ദള പട്ടണക്കാറിസി മറിയാമ് ണിന്റിര്‌ന്താര്. 26ഏസു തന്ന് അവ്വാസി മറിയണാമ് താന് സീവാ് ബ്‌ട്ട തന്ന് സൊല്ലുപഡി ണഡാക്കവാനാമ് അദിലി കണ്ടാ്. അക്കുളെ: <<ഇദാ പൊമ്പുളെ, ണിന്ന് മഗാ്>> എന്ത് അവ്വാസിക്കെ സൊന്നാ്. 27പ്‌റ തന്ന് സൊല്ലുപഡി ണഡാക്കവാന്‌ക്കെ: <<ഇദാ, ണിന്ന് അവ്വെ>> എന്ത് സൊന്നാ്. അപ്പിര്‌ന്ത് അയ്യി സൊല്ലുപഡി ണഡാക്കവാ് ഏസുദ് അവ്വാസിന തന്ന് കൂരേലി ബെത്ത് ണോഡിനാ്.
ഏസു സാരാ്
28അദ്‌ക്ക് പ്‌റ എല്ല കാര്യഗാമ് ണഡാന്ത് മുഡിന്ത്‌ദ് എന്ത് ഏസുക്ക് തെരിന്ത്‌ദ്. അദ്‌ണാലെ സാമി ബുക്കിലി എ്ള്‌ദിര്‌ക്കാദ് അദേപാസെ ണഡാക്ക്യ ബേ്ണ്ടി <<എനാക്ക് തണ്ണിബേ്ക്ക്‌ദ്>> എന്ത് സൊന്നാ്. 29അദിലി ഒരു പാത്ത്‌റ തുമ്പ പുളിര്‌ക്ക മുന്തിരി സാര ബെത്തിര്‌ന്താര്. അവാര് ഒരു പഞ്ചിന മുക്കി ഈസോപ്പ് എങ്ക സെ്ഡിദ് ജല്ലേക്കെ കെ്ട്ടി ഏസുദ് മത്ത്‌ക്കെ ബെത്ത് കൊഡുത്താര്. 30ഏസു പുളിര്‌ക്ക മുന്തിരി സാര കുഡിത്ത പ്‌റ <<എല്ലാമെ ണഡാന്ത് മുഡിന്ത്‌ദ്>> എന്ത് സൊല്ലി തലേന കപ്പാസി ഉജുറുണ ബ്‌ട്ടാ്.
31അയ്യി ണാള് ഒയിവു ണാള്‌ക്ക് ബേ്ണ്ടി ഒരുങ്ക്‌റ ണാള്‌മ് മറ് ണാള് മുക്ക്യമാന ഒയിവു ണാള്‌മ് ആയിര്‌ന്ത്‌ദ്. ഒയിവു ണാള് സാവു കുരുസിലി താനെ ബെക്ക്യ പാങ്കില്ലെ എന്ത് ണെനേത്ത് സട്ടന സായ ബേ്ണ്ടി അവാര്‌ദ് കാല്‌ഗണ മുറുക്കുഡൊ എന്ത്‌മ് സാവുഗണ കുരുസിലിര്‌ന്ത് ഇ്റാക്കുഡൊ എന്ത്‌മ് എഗുദാര് പീലത്തോസ്‌ക്കെ സൊന്നാര്. 32അദ്‌ണാലെ പഡെയാളിഗ ബന്ത് ഏസുദ് ഒപ്പ കുരുസ്‌ക്കെ സേത്തി ആണി അഡിത്തവാരിലി ഒരുത്താന്‌ദ് കാല്‌ഗണ മുറുത്താര്. അദ്‌ക്ക് പ്‌റ പിന്നെ ഒരുത്താന്‌ദ് കാല്‌ഗണാമ് മുറുത്താര്. 33ആന അവാര് ഏസു പട്ട്‌ക്ക് ബന്ത് ണോഡുഗാട്ടി അവാ് സത്തിര്‌ന്താ് എന്ത് തെരിന്താദ്‌ണാലെ ഏസുദ് കാല്‌ഗണ മുറുക്കാലെ. 34എന്താല്‌മ് പഡെഗാളിലി ഒരുത്താ് ഏസുദ് അള്ളെന ഇ്ട്ടിക്കെ കുത്തിനാ്. അപ്പ്‌താനെ സോരേമ് തണ്ണിമ് കഡാന്ത്‌ദ്. 35ഇച്ചെ ണഡാന്താദ്‌ണ കണ്ട് അവാ് ഇദ്‌ണ പറ്റി സൊല്ലിര്‌ക്കാ്. അവാ് സൊല്ലുറാദ് ണേര്‌ത്തെ, ണിമ്മാമ് ണമ്പ്യ ബേ്ണ്ടി അയാള് സൊല്ലുറാദ് സത്ത്യാത്തെ എന്ത് അവാന്‌ക്ക് തെരിദ്. 36<<അവാന്‌ദ് ഒരു എല്‌മ്പ് ബീസാക്ക് മുറുന്തെക്ക മാട്ട>>#പയണ 12:46; എ്ണ്ണ്‌സ ബുക്ക് 9:12; സാമി പാട്ട് ബുക്ക് 34:20 എന്ത് സാമി സൊല്ലുസുലാക്കാത്തിലി എ്ള്‌ദിര്‌ക്കാദ് അദേപാസെ ണഡാക്ക്യ ബേ്ണ്ടിത്തെ ഇച്ചെല്ല ണഡാന്ത്‌ദ്. 37<<തമ്മ കുത്തിനവാന അവാര് ണോഡുവാര്>>#സെക്കര്യാവു 12:10 എന്ത് സാമി സൊല്ലുസുലാക്കാദ് ബേ്റൊരു പട്ടിലി എ്ള്‌ദിര്‌ക്ക്‌ദ്.
ഏസുണ പൊദേക്കാര്
38അദ്‌ക്ക് പ്‌റ അരിമദ്ദ്യെക്കാറാ് ഓസേപ് ഏസുദ് സാവുണ എ്ഡ്‌ത്ത് പോയ ബ്‌ഡുഡൊ എന്ത് പീലത്തോസ്‌ണ കേ്ട്ടാ്. ഈ ഓസേപ് എഗുദാര്‌ണ അഞ്ചി സൂഗാന ഏസുദ് സൊല്ലുപഡി ണഡാന്തിര്‌ന്തവാ് ആയിര്‌ന്താ്. എ്ഡ്‌ത്ത് പോ എന്ത് പീലത്തോസ് സൊല്ലുഗാട്ടി അയാള് സാവുണ എ്ഡ്‌ത്ത് പോനാ്. 39മുന്തുക്ക് ഒരു ണാള് ജാമാത്തിലി ഏസുണ കാണ്യ ബന്തിര്‌ന്ത ണിക്കോദിമോസ്‌മ് ഓസേപോഡെ പോനാ്. ഇയാള് ഒപ്പത്തപ്പ മുപ്പദ് കില ബാഡെ അഡിക്ക ജാദിഗ ആന മൂര്‌ണാമ് അഗില്‌ണാമ് സേത്തി കലപാരിസി എ്ഡ്‌ത്തിര്‌ന്താ്. 40അവാര് റണ്ട് ആള് ഏസു സാവുണ എ്ഡ്‌ത്ത് എഗുദാര് സാവു പൊദേക്ക സട്ട്‌മെ്ട്ട്‌പഡി സാവുക്ക് ഇക്ക്‌റ ബെ്ഡിപ്പുള്ള സീലേക്കെ ബാഡെ അഡിക്ക ജാദിഗാദ് ഒപ്പ സാവുണ സുറ്റി കെ്ട്ടിനാര്. 41ഏസുണ കുരുസ്‌ക്കെ സേത്തി ആണി അഡിത്ത പട്ടിലി ഒരു ദോട്ട ഇര്‌ന്ത്‌ദ്. അയ്യി ദോട്ടാത്തിലി ആര്‌മ് സാവുണ ബെക്കാത്ത പുദ്യ ഒരു കല്ലളെ ഇര്‌ന്ത്‌ദ്. 42അയ്യി ണാള് ഒയിവു ണാള്‌ക്ക് ബേ്ണ്ടി എഗുദാര് ഒരുങ്ക്‌റ ണാള് ആയിര്‌ന്താദ്‌ണാലേമ് അയ്യി കല്ലളെ അര്‌ഗെതാനെ ഇര്‌ന്താദ്‌ണാലേമ് അവാര് സാവുണ അദ്‌ക്കെ ബെത്താര്.
Currently Selected:
ഓഗന്നാ് 19: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
ഓഗന്നാ് 19
19
ഏസുണ കുരുസ്‌ക്കെ സേത്തി ആണി അഡിത്ത് കൊല്ല്യ ബിദിക്കാ്
1അദ്‌ക്ക് പ്‌റ പീലത്തോസ് ഏസുണ എ്ഡ്‌ത്ത് പോയി പഡെഗണ ബെത്ത് സാട്ടെബാറ്‌ക്കെ അഡിസിനാ്. 2പഡെയാളിഗ മുള്ളു കൊഡിലി ഒരു ഗിര്യാഡ പെ്ണേന്ത് ഏസുദ് തലേക്കെ സൂഡ്‌സിനാര്. പ്‌റ സോരെ ണ്‌റാമ് ണീല ണ്‌റാമ് കലാന്തിര്‌ക്ക ജൊഗേന ഏസുക്കെ ഇക്കിസിനാര്. 3അവാന്‌ദ് പട്ട്‌ക്ക് ബന്ത്: <<എഗുദാര്‌ദ് റാജാവെ, ണീ സോക്ക്യൂരി പെ്ളെ!>> എന്ത് സൊല്ലികൊണ്ട് ഏസുദ് പഗ്‌ഡ്‌ണ അഡിത്താര്.
4പീലത്തോസ് പിന്നേമ് ബെ്ള്യെ ബന്ത്: <<ണാന് ഇവാനോഡെ ഒരു കുറ്റാമ് കാണാലെ എന്ത് ണിമാക്ക് തെര്യ ബേ്ണ്ടി ഇദായി ണാന് ഇവാന ബെ്ള്യെ ണിമ്മ് പട്ട്‌ക്കെ എ്ഡ്‌ത്ത് ബരെ>> എന്ത് സൊന്നാ്. 5അച്ചെ മുള്ളു കൊഡിലി പെ്ണേന്ത ഗിര്യാഡണ തലേക്ക് സൂഡി സോരെ ണ്‌റാമ് ണീല ണ്‌റാമ് കലാന്തിര്‌ക്ക ജൊഗേനാമ് ഇക്കി ഏസു ബെ്ള്യെ ബന്താ്. പീലത്തോസ് അവാര്‌ക്കെ: <<ഇദാ അയ്യി മന്‌സാ്>> എന്ത് സൊന്നാ്.
6ഏസുണ കണ്ടാദ്‌മ് എഗുദ പൂസാരി തലെവലാമ് സാമികൂരെ കാവക്കാറാര്‌മ്: <<കുരുസ്‌ക്കെ സേത്തി ആണി അഡിത്ത് കൊല്ലുഡൊ, കുരുസ്‌ക്കെ സേത്തി ആണി അഡിത്ത് കൊല്ലുഡൊ>> എന്ത് സൊല്ലി ആലാത്താര്.
അക്കുളെ പീലത്തോസ് അവാര്‌ക്കെ: <<ണിമ്മ അവാന എ്ഡ്‌ത്ത് പോയി കുരുസ്‌ക്കെ സേത്തി ആണി അഡിത്ത് കൊല്ലിരി. ആന ണാന് ഇവാനോഡെ ഒരു കുറ്റാമ് കാണാലെ>> എന്ത് സൊന്നാ്.
7അദ്‌ക്ക് എഗുദാര്: <<എമാക്കൊറു സട്ട ഇര്‌ക്ക്‌ദ്, ഇയാള് ണാന്‌ത്തെ സാമിദ് മഗാ് എന്ത് തനാണതാനെ സൊന്നാദ്‌ണാലെ അയ്യി സട്ടപഡി അവാ് സാഡൊത്തെ>> എന്ത് സൊന്നാര്.
8അവാര് ഇച്ചെ സൊന്ന ണായണ കേ്ട്ട് പീലത്തോസ്‌ക്ക് റമ്പ കോവെ പ്‌ഡിത്ത്‌ദ്. 9പീലത്തോസ് പിന്നേമ് കോട്ടെക്കുള്ളുക്കെ പോയി, <<ണീ ഏദിലിര്‌ന്ത് ബരെ?>> എന്ത് ഏസുണ കേ്ട്ടാ്. അദ്‌ക്ക് ഏസു അയാള്‌ക്കെ ഒന്റുമ് സൊല്ലാലെ. 10പീലത്തോസ് ഏസുക്കെ: <<ണീ എന്നോഡെ പേസ്‌റാദില്ലേഗ? എനാക്ക് ണിനാണ കുരുസ്‌ക്കെ സേത്തി ആണി അഡിത്ത് കൊല്ല്യാമ് ണിനാണ ബെ്റ്‌ദെ ബ്‌ഡ്യാമ് അദിഗാര ഇര്‌ക്ക്‌ദ് എന്ത് ണിനാക്ക് തെര്യാഗ?>> എന്ത് കേ്ട്ടാ്.
11അദ്‌ക്ക് ഏസു: <<സാമിലിര്‌ന്ത് ണിനാക്ക് അദിഗാര കെ്ഡേക്കാദെ ഇര്‌ന്തിര്‌ന്താക്കി ണിനാക്ക് എനാണ ഒന്റുമ് സെയ്യ മുഡ്യമാട്ടായിര്‌ന്ത്‌ദ്. അദ്‌ണാലെ എനാണ ണിന്ന് കയ്യിക്ക് തന്തവാ് റമ്പ പാവ സെയ്‌ദവാ്ത്തെ>> എന്ത് സൊന്നാ്.
12ഏസു സൊന്നാദ്‌ണ കേ്ക്കാട്ടി പീലത്തോസ് ഏസുണ ബെ്റ്‌ദെ ബ്‌ഡ്യപട്ടാ്. അക്കുളെ എഗുദാര്: <<ഇവാന ണീ ബ്‌ട്ട റോമ ണാഡ് റാജാവുക്ക് ണീ എ്ണേവുക്കാറാനല്ല, താന്‌താനെ റാജാവു എന്ത് സൊല്ലുറവാനെല്ല റോമ ണാഡ് റാജാവുക്ക് പോട്ടിക്ക് ണില്ല്‌റവാ്ത്തെ>> എന്ത് ആലാത്താര്.
13അവാര് ഇച്ചെ സൊല്ലി ആലാക്കാദ്‌ണ കേ്ട്ട് പീലത്തോസ് ഏസുണ ബെ്ള്യെ കൂട്ടി ബന്ത് കല്ല്‌മദ്‌ള് എന്ത് സൊല്ലുറ എ്ഡേലി ണായ പേസ്‌റ എ്ഡേക്ക് പോയി കുക്കാന്താ്. ഈ എ്ഡേന എവുറാര് ണായാത്തിലി ഗവത്ത എന്ത്‌ത്തെ സൊല്ലുറാദ്. 14അയ്യി ഗള്യെ പെസഗെ ണോമ്പിദ് ബാങ്ക്‌ണാള് ഉച്ചി ആയിര്‌ന്ത്‌ദ്.
പീലത്തോസ് എഗുദാര്‌ക്കെ: <<ഇദായി ണിമ്മ് റാജാവു>> എന്ത് സൊന്നാ്.
15അക്കുളെ അവാര്: <<അവാന കൊല്ലു, കൊല്ലു, കുരുസ്‌ക്കെ സേത്തി ആണി അഡിത്ത് കൊല്ലു>> എന്ത് ആലാത്താര്.
<<ണിമ്മ് റാജാവുണ ണാന് കുരുസ്‌ക്കെ സേത്തി ആണി അഡിത്ത് കൊല്ല്യാഗ?>> എന്ത് പീലത്തോസ് കേ്ട്ടാ്.
അക്കുളെ എഗുദ പൂസാരി തലെവല: <<എമാക്ക് റോമ ണാഡ് റാജാവല്ലാദെ ബേ്റൊരു റാജാവില്ലെ>> എന്ത് ബദ്‌ള് സൊന്നാര്.
16അക്കുളെ പീലത്തോസ് ഏസുണ കുരുസ്‌ക്കെ സേത്തി ആണി അഡിത്ത് കൊല്ല്യ അവാര്‌ക്ക് ബ്‌ട്ട് കൊഡുത്താ്.
ഏസുണ കുരുസ്‌ക്കെ സേത്തി ആണി അഡിത്ത് കൊല്ലുറാര്
അച്ചെ അവാര് ഏസുണ കൂട്ടി പോനാര്. 17ഏസു താന്‌താനെ കുരുസ്‌ണ സുമാന്ത്‌കൊണ്ട് തലെ ഓഡ്‌ദ് എ്ഡെ എങ്ക പട്ട്‌ക്ക് പോനാ്. ഈ എ്ഡേന എവുറാര് ണായാത്തിലി ഗൊല്‌ഗോത്ത എന്ത്‌ത്തെ സൊല്ലുറാദ്. 18അവാര് അദിലി ഏസുണ കുരുസ്‌ക്കെ സേത്തി ആണി അഡിത്താര്. ഏസുദ് ഒപ്പ ബേ്റെ റണ്ട് ആള്‌ണ അച്ചാരി ഇച്ചാരി ബെത്ത് കുരുസ്‌ക്കെ സേത്തി ആണി അഡിത്താര്.
19പീലത്തോസ് ഒരു എ്ള്‌ത്ത് എ്ള്‌ദി കുരുസ്‌ക്ക് മേല് ബെത്താ്. അയ്യി എ്ള്‌ത്തിലി <<ണസറത്ത്‌ക്കാറാ് ഏസു എഗുദാര്‌ദ് റാജാവു>> എന്ത് എ്ള്‌ദിര്‌ന്ത്‌ദ്. 20ഏസുണ കുരുസ്‌ക്കെ സേത്തി ആണി അഡിത്ത പട്ട് പട്ടണാദ് അര്‌ഗെ ആനാദ്‌ണാലെ എത്തിന്യൊ എഗുദാര്‌ഗ അയ്യി എ്ള്‌ത്ത്‌ണ പഡിത്താര്. അദ് എവുറാര് ണായാത്തിലിമ് റോമ ണായാത്തിലിമ് ഗ്‌റീക്ക് ണായാത്തിലിമ് എ്ള്‌ദിര്‌ന്ത്‌ദ്. 21ആന എഗുദ പൂസാരി തലെവല പീലത്തോസ്‌ക്കെ: <<എഗുദാര്‌ദ് റാജാവു എന്ത് അല്ല, ണാന് എഗുദാര്‌ദ് റാജാവു എന്ത് ഇയാള് സൊന്നാ് എന്ത്‌ത്തെ എ്ള്‌ദുഡൊ>> എന്ത് സൊന്നാര്.
22അക്കുളെ പീലത്തോസ്: <<ണാന് എ്ള്‌ദിനാദ്‌ണ മാറ്റമാട്ടെ>> എന്ത് സൊന്നാ്.
23പഡെയാളിഗ ഏസുണ കുരുസ്‌ക്കെ സേത്തി ആണി അഡിത്ത പ്‌റ ഏസുദ് ഉഡുപ്പുണ ണാല് പങ്ക പങ്കി ഒരൊരു ആള്‌മ് ഒരൊരു പങ്ക്‌ണ എ്ഡ്‌ത്താര്. അവാര് ജൊഗേനാമ് എ്ഡ്‌ത്താര്. ആന അയ്യി ജൊഗെ തുന്നാദെ അഡിത്തൊട്ട് മുഡിമാട്ട് പെ്ണേന്താദ് ആയിര്‌ന്ത്‌ദ്.
24<<ഇദ്‌ണ കീ്റ ബേ്ഡ. ഇദ് ആര്‌ക്ക് കെ്ഡേക്കു എന്ത് ണോഡ്യ ണറ്‌ക്ക് ബീ്ത്ത്‌ഗായി>> എന്ത് തമ്മ തമ്മ പേസിനാര്.
<<അവാര് എന്ന് ഉഡുപ്പുണ പങ്കി എ്ഡ്‌ത്ത്
എന്ന് ജൊഗേക്ക് ബേ്ണ്ടി ണറ്‌ക്ക് ബീ്ത്തിനാര്>>#സാമി പാട്ട് ബുക്ക് 22:18
എന്ത് സാമി ബുക്കിലി സൊല്ലിര്‌ക്കാദ് അദേപാസെ ണഡാക്ക്യ ബേ്ണ്ടി ഇച്ചെല്ല ണഡാന്ത്‌ദ്. ഇച്ചെല്ലാത്തെ പഡെയാളിഗ സെയ്‌ദാദ്. 25ഏസുണ ആണി അഡിത്ത കുരുസ്‌ദ് പട്ടിലി തന്ന് അവ്വാസിമ്, അവ്വാസിദ് പ്‌റാന്തവാമ്, ക്‌ളേയപ്പാവുദ് പെ്ണ്ട് മറിയാമ് മദ്ദള പട്ടണക്കാറിസി മറിയാമ് ണിന്റിര്‌ന്താര്. 26ഏസു തന്ന് അവ്വാസി മറിയണാമ് താന് സീവാ് ബ്‌ട്ട തന്ന് സൊല്ലുപഡി ണഡാക്കവാനാമ് അദിലി കണ്ടാ്. അക്കുളെ: <<ഇദാ പൊമ്പുളെ, ണിന്ന് മഗാ്>> എന്ത് അവ്വാസിക്കെ സൊന്നാ്. 27പ്‌റ തന്ന് സൊല്ലുപഡി ണഡാക്കവാന്‌ക്കെ: <<ഇദാ, ണിന്ന് അവ്വെ>> എന്ത് സൊന്നാ്. അപ്പിര്‌ന്ത് അയ്യി സൊല്ലുപഡി ണഡാക്കവാ് ഏസുദ് അവ്വാസിന തന്ന് കൂരേലി ബെത്ത് ണോഡിനാ്.
ഏസു സാരാ്
28അദ്‌ക്ക് പ്‌റ എല്ല കാര്യഗാമ് ണഡാന്ത് മുഡിന്ത്‌ദ് എന്ത് ഏസുക്ക് തെരിന്ത്‌ദ്. അദ്‌ണാലെ സാമി ബുക്കിലി എ്ള്‌ദിര്‌ക്കാദ് അദേപാസെ ണഡാക്ക്യ ബേ്ണ്ടി <<എനാക്ക് തണ്ണിബേ്ക്ക്‌ദ്>> എന്ത് സൊന്നാ്. 29അദിലി ഒരു പാത്ത്‌റ തുമ്പ പുളിര്‌ക്ക മുന്തിരി സാര ബെത്തിര്‌ന്താര്. അവാര് ഒരു പഞ്ചിന മുക്കി ഈസോപ്പ് എങ്ക സെ്ഡിദ് ജല്ലേക്കെ കെ്ട്ടി ഏസുദ് മത്ത്‌ക്കെ ബെത്ത് കൊഡുത്താര്. 30ഏസു പുളിര്‌ക്ക മുന്തിരി സാര കുഡിത്ത പ്‌റ <<എല്ലാമെ ണഡാന്ത് മുഡിന്ത്‌ദ്>> എന്ത് സൊല്ലി തലേന കപ്പാസി ഉജുറുണ ബ്‌ട്ടാ്.
31അയ്യി ണാള് ഒയിവു ണാള്‌ക്ക് ബേ്ണ്ടി ഒരുങ്ക്‌റ ണാള്‌മ് മറ് ണാള് മുക്ക്യമാന ഒയിവു ണാള്‌മ് ആയിര്‌ന്ത്‌ദ്. ഒയിവു ണാള് സാവു കുരുസിലി താനെ ബെക്ക്യ പാങ്കില്ലെ എന്ത് ണെനേത്ത് സട്ടന സായ ബേ്ണ്ടി അവാര്‌ദ് കാല്‌ഗണ മുറുക്കുഡൊ എന്ത്‌മ് സാവുഗണ കുരുസിലിര്‌ന്ത് ഇ്റാക്കുഡൊ എന്ത്‌മ് എഗുദാര് പീലത്തോസ്‌ക്കെ സൊന്നാര്. 32അദ്‌ണാലെ പഡെയാളിഗ ബന്ത് ഏസുദ് ഒപ്പ കുരുസ്‌ക്കെ സേത്തി ആണി അഡിത്തവാരിലി ഒരുത്താന്‌ദ് കാല്‌ഗണ മുറുത്താര്. അദ്‌ക്ക് പ്‌റ പിന്നെ ഒരുത്താന്‌ദ് കാല്‌ഗണാമ് മുറുത്താര്. 33ആന അവാര് ഏസു പട്ട്‌ക്ക് ബന്ത് ണോഡുഗാട്ടി അവാ് സത്തിര്‌ന്താ് എന്ത് തെരിന്താദ്‌ണാലെ ഏസുദ് കാല്‌ഗണ മുറുക്കാലെ. 34എന്താല്‌മ് പഡെഗാളിലി ഒരുത്താ് ഏസുദ് അള്ളെന ഇ്ട്ടിക്കെ കുത്തിനാ്. അപ്പ്‌താനെ സോരേമ് തണ്ണിമ് കഡാന്ത്‌ദ്. 35ഇച്ചെ ണഡാന്താദ്‌ണ കണ്ട് അവാ് ഇദ്‌ണ പറ്റി സൊല്ലിര്‌ക്കാ്. അവാ് സൊല്ലുറാദ് ണേര്‌ത്തെ, ണിമ്മാമ് ണമ്പ്യ ബേ്ണ്ടി അയാള് സൊല്ലുറാദ് സത്ത്യാത്തെ എന്ത് അവാന്‌ക്ക് തെരിദ്. 36<<അവാന്‌ദ് ഒരു എല്‌മ്പ് ബീസാക്ക് മുറുന്തെക്ക മാട്ട>>#പയണ 12:46; എ്ണ്ണ്‌സ ബുക്ക് 9:12; സാമി പാട്ട് ബുക്ക് 34:20 എന്ത് സാമി സൊല്ലുസുലാക്കാത്തിലി എ്ള്‌ദിര്‌ക്കാദ് അദേപാസെ ണഡാക്ക്യ ബേ്ണ്ടിത്തെ ഇച്ചെല്ല ണഡാന്ത്‌ദ്. 37<<തമ്മ കുത്തിനവാന അവാര് ണോഡുവാര്>>#സെക്കര്യാവു 12:10 എന്ത് സാമി സൊല്ലുസുലാക്കാദ് ബേ്റൊരു പട്ടിലി എ്ള്‌ദിര്‌ക്ക്‌ദ്.
ഏസുണ പൊദേക്കാര്
38അദ്‌ക്ക് പ്‌റ അരിമദ്ദ്യെക്കാറാ് ഓസേപ് ഏസുദ് സാവുണ എ്ഡ്‌ത്ത് പോയ ബ്‌ഡുഡൊ എന്ത് പീലത്തോസ്‌ണ കേ്ട്ടാ്. ഈ ഓസേപ് എഗുദാര്‌ണ അഞ്ചി സൂഗാന ഏസുദ് സൊല്ലുപഡി ണഡാന്തിര്‌ന്തവാ് ആയിര്‌ന്താ്. എ്ഡ്‌ത്ത് പോ എന്ത് പീലത്തോസ് സൊല്ലുഗാട്ടി അയാള് സാവുണ എ്ഡ്‌ത്ത് പോനാ്. 39മുന്തുക്ക് ഒരു ണാള് ജാമാത്തിലി ഏസുണ കാണ്യ ബന്തിര്‌ന്ത ണിക്കോദിമോസ്‌മ് ഓസേപോഡെ പോനാ്. ഇയാള് ഒപ്പത്തപ്പ മുപ്പദ് കില ബാഡെ അഡിക്ക ജാദിഗ ആന മൂര്‌ണാമ് അഗില്‌ണാമ് സേത്തി കലപാരിസി എ്ഡ്‌ത്തിര്‌ന്താ്. 40അവാര് റണ്ട് ആള് ഏസു സാവുണ എ്ഡ്‌ത്ത് എഗുദാര് സാവു പൊദേക്ക സട്ട്‌മെ്ട്ട്‌പഡി സാവുക്ക് ഇക്ക്‌റ ബെ്ഡിപ്പുള്ള സീലേക്കെ ബാഡെ അഡിക്ക ജാദിഗാദ് ഒപ്പ സാവുണ സുറ്റി കെ്ട്ടിനാര്. 41ഏസുണ കുരുസ്‌ക്കെ സേത്തി ആണി അഡിത്ത പട്ടിലി ഒരു ദോട്ട ഇര്‌ന്ത്‌ദ്. അയ്യി ദോട്ടാത്തിലി ആര്‌മ് സാവുണ ബെക്കാത്ത പുദ്യ ഒരു കല്ലളെ ഇര്‌ന്ത്‌ദ്. 42അയ്യി ണാള് ഒയിവു ണാള്‌ക്ക് ബേ്ണ്ടി എഗുദാര് ഒരുങ്ക്‌റ ണാള് ആയിര്‌ന്താദ്‌ണാലേമ് അയ്യി കല്ലളെ അര്‌ഗെതാനെ ഇര്‌ന്താദ്‌ണാലേമ് അവാര് സാവുണ അദ്‌ക്കെ ബെത്താര്.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature