ഓഗന്നാ് 21
21
ഏസു പിന്നേമ് തന്ന് സൊല്ലുപഡി ണഡാക്കവാര്‌ദ് കണ്ണ്‌ക്ക് കാട്ട്‌റാ്
1അദ്‌ക്ക് പ്‌റ ഏസു തിവര്യൊസ് കഡാലോരാത്തിലി ബെത്ത് തന്ന് സൊല്ലുപഡി ണഡാക്കവാര്‌ക്ക് പിന്നേമ് കാട്ടിനാ്. ഈ ദിന്‌സിലിത്തെ അയാള് അവാര്‌ക്ക് കാട്ടിനാദ്, 2സീമോന് പത്ത്‌റോസ്‌മ്, ദിദിമോസ് എങ്ക തോമാസ്‌മ്, ഗെലീലേലി ഇര്‌ക്ക കാനാവു ഊര്‌ക്കാറാ് ണദനയേല്‌മ്, സെവെദിദ് മഗനാര്‌മ്, ഏസുദ് സൊല്ലുപഡി ണഡാക്ക ബേ്റെ റണ്ട് ആള്‌മ് ഒന്റായി കൂഡി ഇര്‌ന്താര്. 3അക്കുളെ സീമോന് പത്ത്‌റോസ്: <<ണാന് മീന് പ്‌ഡിക്ക്യ പോരെ>> എന്ത് അവാര്‌ക്കെ സൊന്നാ്. അവാര്: <<എമ്മാമ് ബരേര്>> എന്ത് സൊന്നാര്. അച്ചെ അവാര് പോയി ഒരു തോണിക്കെ ഏ്റിനാര്. ആന അയ്യി ജാമാത്തിലി അവാര്‌ക്ക് ഒരു കുഞ്ചി ബീസാക്ക് കെ്ഡേക്കാലെ.
4ബെ്ഡ്യാകാലാത്തിലി ഏസു കഡാല്‌ദ് ഏ്ട്ടിലി ണിന്റിര്‌ന്താ്. ആന തന്ന് സൊല്ലുപഡി ണഡാക്കവാര്‌ക്ക് അദ് ഏസുത്തെ എന്ത് തെര്യാലെ.
5ഏസു അവാര്‌ണ: <<എ്ണേവുക്കാറാരെ, ണിമ്മോഡെ മീന്‌ഗ എന്താറ്റ് ഇര്‌ക്ക്‌ദ?>> എന്ത് കേ്ട്ടാ്.
അക്കുളെ അവാര്: <<ഒന്റുമ് കെ്ഡേക്കാലെ>> എന്ത് സൊന്നാര്.
6<<ണിമ്മ തോണിദ് ബല സാരി ബലെ ബീസി അപ്പ് ണിമാക്ക് കെ്ഡേക്കു>> എന്ത് ഏസു അവാര്‌ക്കെ സൊന്നാ്. അക്കുളെ അവാര് ബലേന അദ്‌ക്കെ ബീസിനാര്. ബലേക്കെ മൊത്തന മീന് തുമ്പിനാദ്‌ണാലെ അദ്‌ണ അവാര്‌ക്ക് ബലിത്തെ്ഡ്‌ക്ക്യ മുഡ്യാലെ.
7ഏസുദ് സൊല്ലുപഡി ണഡാക്കവാരിലി ഏസു സീവാ് ബ്‌ട്ടിര്‌ന്തവാ് പത്ത്‌റോസ്‌ക്കെ: <<അദ് ആണ്ടവാ്ത്തെ>> എന്ത് സൊന്നാ്. അദ് ആണ്ടവാ്ത്തെ എന്ത് സീമോന് പത്ത്‌റോസ് കേ്ട്ടാദ്‌മ് താന് ഉരിന്ത് ബെത്തിര്‌ന്ത തന്ന് സീലെന ഇ്ഡ്‌പ്പ്‌ക്ക് കെ്ട്ടി തണ്ണിക്കെ താനെ ഗുദിത്താ്. 8പ്‌റ തന്ന് സൊല്ലുപഡി ണഡാക്ക ബാക്ക്യുള്ളവാര് ഏ്ട്ടിലിര്‌ന്ത് ഒപ്പത്തപ്പ ണൂറ് മീറ്റാറ് അദിഗ ദൂര ഇല്ലാത്താദ്‌ണാലെ അവാര് മീന് തുമ്പിന ബലേന ബലിത്തെ്ഡ്‌ത്ത് കൊണ്ട് തോണിലി ബന്താര്. 9അവാര് ഏ്ട്ടിക്കെ ഏ്റിനാദ്‌മ് തീകെ്ണ്ടാണാമ് അദ്‌ക്ക് മേല് മീന് ബെത്തിര്‌ക്കാദ്‌ണാമ് അഡേനാമ് കണ്ടാര്.
10ഏസു അവാര്‌ക്കെ: <<ണിമ്മ ഇപ്പ് പ്‌ഡിത്ത മീന്‌ണ ലേസ ഈങ്ക് എ്ഡ്‌ത്ത് ബായി>> എന്ത് സൊന്നാ്.
11അക്കുളെ സീമോന് പത്ത്‌റോസ് തോണിക്കെ ഏ്റി ണൂറ്റി അമ്പാത്തിമൂണ് ബെല്ല്യ ബെല്ല്യ മീന് തുമ്പിന ബലേന ബലിത്ത് ഏ്ട്ടിക്കെ ഏ്റ്‌സിനാ്. അത്തിനി മീന് ഇര്‌ന്ത് ഗൂഡി അയ്യി ബലെ കീ്റാഗെ ഇല്ലെ. 12ഏസു അവാര്‌ക്കെ: <<തിന്ന്യ ബായിരി>> എന്ത് സൊന്നാ്. അദ് ആണ്ടവാ്ത്തെ എന്ത് തെരിന്ത്‌ദ്. അദ്‌ണാലെ സൊല്ലുപഡി ണഡാക്കവാര് ആര്‌മ്: <<ണീ ആര്?>> എന്ത് അയാള്‌ണ കേ്ക്ക്യ അവാര്‌ക്ക് ദയ്യിര ബരാലെ. 13ഏസു ബന്ത് അഡേന എ്ഡ്‌ത്ത് അവാര്‌ക്ക് കൊഡുത്താ്. അദേപാസെ മീന്‌ണാമ് അവാര്‌ക്ക് കൊഡുത്താ്. 14അച്ചെ ഏസു സത്തവാര് പട്ടിലിര്‌ന്ത് ഉജുറെ്ന്ത പ്‌റ തന്ന് സൊല്ലുപഡി ണഡാക്കവാര്‌ദ് കണ്ണ്‌ക്ക് കാട്ടിനാദ് ഇദ് മൂണാവദ് ഗഡി.
ഏസുമ് പത്ത്‌റോസ്‌മ്
15അവാര് തിന്ത് തീന്ത പ്‌റ ഏസു സീമോന് പത്ത്‌റോസ്‌ണ: <<ഓഗന്നാന്‌ദ് മഗാ് സീമോനെ, ണീ ഇവാര്‌ണ ബ്‌ഡ എനാണ സീവാ് ബ്‌ഡ്‌റേന?>> എന്ത് കേ്ട്ടാ്.
അക്കുളെ അവാ്: <<ഹക്കള, ആണ്ടവാനെ ണാന് ണിനാണ സീവാ് ബ്‌ഡ്‌റെ എന്ത് ണിനാക്ക് തെര്യുമല്ല>> എന്ത് സൊന്നാ്.
അദ്‌ക്ക് ഏസു <<എന്ന്‌ദ് കൊറ്യാഡ്‌കുട്ടിഗണ മേസ്>> എന്ത് സൊന്നാ്.
16ഏസു പിന്നേമ്: <<ഓഗന്നാന്‌ദ് മഗാ് സീമോനെ, ണീ എനാണ സീവാ് ബ്‌ഡ്‌റേന?>> എന്ത് കേ്ട്ടാ്.
അദ്‌ക്ക് സീമോന്: <<ഹക്കള ആണ്ടവാനെ, ണാന് ണിനാണ സീവാ് ബ്‌ഡ്‌റെ എന്ത് ണിനാക്ക് തെര്യുമല്ല>> എന്ത് സൊന്നാ്.
അക്കുളെ <<എന്ന് കൊറ്യാഡ്‌ഗണ ണോഡു>> എന്ത് ഏസു അവാന്‌ക്കെ സൊന്നാ്.
17മൂണാവദ്‌മ് ഏസു: <<ഓഗന്നാന്‌ദ് മഗാ് സീമോനെ, ണീ എനാണ സീവാ് ബ്‌ഡ്‌റേന?>> എന്ത് കേ്ട്ടാ്.
<<ണീ എന്നോഡെ സീവാ് ബ്‌ഡ്‌റേന>> എന്ത് മൂണാവദ്‌മ് ഏസു കേ്ക്കാട്ടി പത്ത്‌റോസ്‌ക്ക് സങ്കഡ ബന്ത്: <<ആണ്ടവാനെ, ണിനാക്ക് എല്ലാമെ തെര്യു, ണാന് ണിന്നോഡെ സീവാ് ബ്‌ഡ്‌റെ എന്ത് ണിനാക്ക് തെര്യു>> എന്ത് സൊന്നാ്.
അക്കുളെ ഏസു സീമോന്‌ക്കെ ഇച്ചെ സൊന്നാ്: <<എന്ന് കൊറ്യാഡ്‌ഗണ മേസ്. 18ണേര്‌മായിമ് ണാന് ണിനാക്കെ സൊല്ലുറെ, ണീ ബീ്ണാ് ആയിര്‌ക്കാട്ടി, ണീ താനെ ഒഡെന ഇ്റ്‌ക്കി കെ്ട്ടി ണിനാക്ക് പ്‌ഡിത്ത പട്ട്‌ക്കെല്ല പോനെ. ആന ണീ ബയ്യിസാന പ്‌റ കയ്യിന ണീ്ട്ടുവെ. അക്കുളെ അഡ്‌ത്തവാര് ണിന്ന്‌ദ് ഒഡെന ഇ്റ്‌ക്കി കെ്ട്ടി ണിനാക്ക് പ്‌ഡിക്കാത്ത പട്ട്‌ക്കെ എ്ഡ്‌ത്ത് പോവാര്.>> 19അദ്‌ണാലെ പത്ത്‌റോസ് ഇന്ന ദിന്‌സിലി സത്ത് സാമിക്ക് മദ്‌പ്പ് കൊഡുക്കുവാ് എന്ത് അറുവു കൊഡുക്ക്യ ബേ്ണ്ടിത്തെ ഏസു ഇച്ചെ സൊന്നാദ്. പ്‌റ ഏസു: <<എന്ന് പിന്ന്‌ക്ക് ബാ>> എന്ത് അവാന്‌ക്കെ സൊന്നാ്.
20പത്ത്‌റോസ് പിന്ന് തിലിമ്പി ണോഡുഗാട്ടി, ഏസുദ് സൊല്ലുപഡി ണഡാക്കവാര്‌ദ് കൂട്ടാത്തിലി ബെത്ത് ഏസു സീവാ് ബ്‌ട്ടിര്‌ന്ത ഒരുത്താ് അവാര്‌ദ് പിന്ന്‌ക്ക് ബരാദ്‌ണ കണ്ടാ്. (അവാ്ത്തെ <<ആണ്ടവാനെ, ണിനാണ കാട്ടി കൊഡുക്കവാ് ആര്?>> എന്ത് ജാമ തീനി തിങ്ക ഗള്യേലി ഏസുദ് ണെഞ്ച്‌ക്കെ അണേന്ത്‌കൊണ്ട് കേ്ട്ടവാ്.) 21അക്കുളെ പത്ത്‌റോസ്: <<ആണ്ടവാനെ ഇവാന്‌ക്ക് എന്ത ആവു?>> എന്ത് ഏസുണ കേ്ട്ടാ്.
22അക്കുളെ ഏസു അവാന്‌ക്കെ: <<ണാന് തിലിമ്പി ബരമാട്ട്‌ക്ക് ഇവാ് പെ്ളേത്തിര്‌ക്കുഡൊ എന്ത് എനാക്ക് പിര്യ ഇര്‌ന്താക്കി അദ്‌ണ പറ്റി ണീ എന്ത്‌ക്ക് അര്‌ക്കപഡ്‌റെ? ണീ എന്ന് പിന്ന്‌ക്ക് ബാ>> എന്ത് സൊന്നാ്. 23അദ്‌ണാലെ ഏസുദ് സൊല്ലുപഡി ണഡാക്ക ഇവാ് സാഗമാട്ടാ് എന്തുള്ള ണായ ഏസുക്കാറാര്‌ദ് കൂട്ടാത്തിലി പരാന്ത്‌ദ്. ആന അവാ് സാഗമാട്ടാ് എന്ത് ഏസു സൊല്ലാലെ. <<ണാന് തിലിമ്പി ബരമാട്ട് ഇവാ് പെ്ളേത്തിര്‌ക്കുഡൊ എന്ത് എനാക്ക് പിര്യ ഇര്‌ക്കദാനാക്കി ണീ അദ്‌ണ പറ്റി എന്ത്‌ക്ക് അര്‌ക്കപഡ്‌റെ?>> എന്ത് മാട്ട്‌ത്തെ ഏസു സൊന്നാദ്.
24ഏസുദ് സൊല്ലുപഡി ണഡാക്ക ഇവാ്ത്തെ ഇദ്‌ണ പറ്റി ആള്‌ഗാക്ക് സൊല്ലുറവാന്‌മ് ഇദ്‌ണ പറ്റി എ്ള്‌ദിനവാന്‌മ്. അവാ് ആള്‌ഗാക്ക് സൊല്ലുറ കാര്യ ണേര്‌ത്തെ എന്ത് എമാക്ക് തെരിദ്.
25ഏസു സെയ്‌ദ ബേ്റെ എത്തിന്യൊ കാര്യഗ ഇര്‌ക്ക്‌ദ്, ആന അദ്‌ണെല്ല ഒനോന്റ് ഒനോന്റായി എ്ള്‌ദിനാക്കി അയ്യി ബുക്ക്‌ഗണ ബെക്ക്യ ഈ ഉലഗ തെഗേഗമാട്ട എന്ത് ണാന് ണെനേക്കെ.
Currently Selected:
ഓഗന്നാ് 21: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
ഓഗന്നാ് 21
21
ഏസു പിന്നേമ് തന്ന് സൊല്ലുപഡി ണഡാക്കവാര്‌ദ് കണ്ണ്‌ക്ക് കാട്ട്‌റാ്
1അദ്‌ക്ക് പ്‌റ ഏസു തിവര്യൊസ് കഡാലോരാത്തിലി ബെത്ത് തന്ന് സൊല്ലുപഡി ണഡാക്കവാര്‌ക്ക് പിന്നേമ് കാട്ടിനാ്. ഈ ദിന്‌സിലിത്തെ അയാള് അവാര്‌ക്ക് കാട്ടിനാദ്, 2സീമോന് പത്ത്‌റോസ്‌മ്, ദിദിമോസ് എങ്ക തോമാസ്‌മ്, ഗെലീലേലി ഇര്‌ക്ക കാനാവു ഊര്‌ക്കാറാ് ണദനയേല്‌മ്, സെവെദിദ് മഗനാര്‌മ്, ഏസുദ് സൊല്ലുപഡി ണഡാക്ക ബേ്റെ റണ്ട് ആള്‌മ് ഒന്റായി കൂഡി ഇര്‌ന്താര്. 3അക്കുളെ സീമോന് പത്ത്‌റോസ്: <<ണാന് മീന് പ്‌ഡിക്ക്യ പോരെ>> എന്ത് അവാര്‌ക്കെ സൊന്നാ്. അവാര്: <<എമ്മാമ് ബരേര്>> എന്ത് സൊന്നാര്. അച്ചെ അവാര് പോയി ഒരു തോണിക്കെ ഏ്റിനാര്. ആന അയ്യി ജാമാത്തിലി അവാര്‌ക്ക് ഒരു കുഞ്ചി ബീസാക്ക് കെ്ഡേക്കാലെ.
4ബെ്ഡ്യാകാലാത്തിലി ഏസു കഡാല്‌ദ് ഏ്ട്ടിലി ണിന്റിര്‌ന്താ്. ആന തന്ന് സൊല്ലുപഡി ണഡാക്കവാര്‌ക്ക് അദ് ഏസുത്തെ എന്ത് തെര്യാലെ.
5ഏസു അവാര്‌ണ: <<എ്ണേവുക്കാറാരെ, ണിമ്മോഡെ മീന്‌ഗ എന്താറ്റ് ഇര്‌ക്ക്‌ദ?>> എന്ത് കേ്ട്ടാ്.
അക്കുളെ അവാര്: <<ഒന്റുമ് കെ്ഡേക്കാലെ>> എന്ത് സൊന്നാര്.
6<<ണിമ്മ തോണിദ് ബല സാരി ബലെ ബീസി അപ്പ് ണിമാക്ക് കെ്ഡേക്കു>> എന്ത് ഏസു അവാര്‌ക്കെ സൊന്നാ്. അക്കുളെ അവാര് ബലേന അദ്‌ക്കെ ബീസിനാര്. ബലേക്കെ മൊത്തന മീന് തുമ്പിനാദ്‌ണാലെ അദ്‌ണ അവാര്‌ക്ക് ബലിത്തെ്ഡ്‌ക്ക്യ മുഡ്യാലെ.
7ഏസുദ് സൊല്ലുപഡി ണഡാക്കവാരിലി ഏസു സീവാ് ബ്‌ട്ടിര്‌ന്തവാ് പത്ത്‌റോസ്‌ക്കെ: <<അദ് ആണ്ടവാ്ത്തെ>> എന്ത് സൊന്നാ്. അദ് ആണ്ടവാ്ത്തെ എന്ത് സീമോന് പത്ത്‌റോസ് കേ്ട്ടാദ്‌മ് താന് ഉരിന്ത് ബെത്തിര്‌ന്ത തന്ന് സീലെന ഇ്ഡ്‌പ്പ്‌ക്ക് കെ്ട്ടി തണ്ണിക്കെ താനെ ഗുദിത്താ്. 8പ്‌റ തന്ന് സൊല്ലുപഡി ണഡാക്ക ബാക്ക്യുള്ളവാര് ഏ്ട്ടിലിര്‌ന്ത് ഒപ്പത്തപ്പ ണൂറ് മീറ്റാറ് അദിഗ ദൂര ഇല്ലാത്താദ്‌ണാലെ അവാര് മീന് തുമ്പിന ബലേന ബലിത്തെ്ഡ്‌ത്ത് കൊണ്ട് തോണിലി ബന്താര്. 9അവാര് ഏ്ട്ടിക്കെ ഏ്റിനാദ്‌മ് തീകെ്ണ്ടാണാമ് അദ്‌ക്ക് മേല് മീന് ബെത്തിര്‌ക്കാദ്‌ണാമ് അഡേനാമ് കണ്ടാര്.
10ഏസു അവാര്‌ക്കെ: <<ണിമ്മ ഇപ്പ് പ്‌ഡിത്ത മീന്‌ണ ലേസ ഈങ്ക് എ്ഡ്‌ത്ത് ബായി>> എന്ത് സൊന്നാ്.
11അക്കുളെ സീമോന് പത്ത്‌റോസ് തോണിക്കെ ഏ്റി ണൂറ്റി അമ്പാത്തിമൂണ് ബെല്ല്യ ബെല്ല്യ മീന് തുമ്പിന ബലേന ബലിത്ത് ഏ്ട്ടിക്കെ ഏ്റ്‌സിനാ്. അത്തിനി മീന് ഇര്‌ന്ത് ഗൂഡി അയ്യി ബലെ കീ്റാഗെ ഇല്ലെ. 12ഏസു അവാര്‌ക്കെ: <<തിന്ന്യ ബായിരി>> എന്ത് സൊന്നാ്. അദ് ആണ്ടവാ്ത്തെ എന്ത് തെരിന്ത്‌ദ്. അദ്‌ണാലെ സൊല്ലുപഡി ണഡാക്കവാര് ആര്‌മ്: <<ണീ ആര്?>> എന്ത് അയാള്‌ണ കേ്ക്ക്യ അവാര്‌ക്ക് ദയ്യിര ബരാലെ. 13ഏസു ബന്ത് അഡേന എ്ഡ്‌ത്ത് അവാര്‌ക്ക് കൊഡുത്താ്. അദേപാസെ മീന്‌ണാമ് അവാര്‌ക്ക് കൊഡുത്താ്. 14അച്ചെ ഏസു സത്തവാര് പട്ടിലിര്‌ന്ത് ഉജുറെ്ന്ത പ്‌റ തന്ന് സൊല്ലുപഡി ണഡാക്കവാര്‌ദ് കണ്ണ്‌ക്ക് കാട്ടിനാദ് ഇദ് മൂണാവദ് ഗഡി.
ഏസുമ് പത്ത്‌റോസ്‌മ്
15അവാര് തിന്ത് തീന്ത പ്‌റ ഏസു സീമോന് പത്ത്‌റോസ്‌ണ: <<ഓഗന്നാന്‌ദ് മഗാ് സീമോനെ, ണീ ഇവാര്‌ണ ബ്‌ഡ എനാണ സീവാ് ബ്‌ഡ്‌റേന?>> എന്ത് കേ്ട്ടാ്.
അക്കുളെ അവാ്: <<ഹക്കള, ആണ്ടവാനെ ണാന് ണിനാണ സീവാ് ബ്‌ഡ്‌റെ എന്ത് ണിനാക്ക് തെര്യുമല്ല>> എന്ത് സൊന്നാ്.
അദ്‌ക്ക് ഏസു <<എന്ന്‌ദ് കൊറ്യാഡ്‌കുട്ടിഗണ മേസ്>> എന്ത് സൊന്നാ്.
16ഏസു പിന്നേമ്: <<ഓഗന്നാന്‌ദ് മഗാ് സീമോനെ, ണീ എനാണ സീവാ് ബ്‌ഡ്‌റേന?>> എന്ത് കേ്ട്ടാ്.
അദ്‌ക്ക് സീമോന്: <<ഹക്കള ആണ്ടവാനെ, ണാന് ണിനാണ സീവാ് ബ്‌ഡ്‌റെ എന്ത് ണിനാക്ക് തെര്യുമല്ല>> എന്ത് സൊന്നാ്.
അക്കുളെ <<എന്ന് കൊറ്യാഡ്‌ഗണ ണോഡു>> എന്ത് ഏസു അവാന്‌ക്കെ സൊന്നാ്.
17മൂണാവദ്‌മ് ഏസു: <<ഓഗന്നാന്‌ദ് മഗാ് സീമോനെ, ണീ എനാണ സീവാ് ബ്‌ഡ്‌റേന?>> എന്ത് കേ്ട്ടാ്.
<<ണീ എന്നോഡെ സീവാ് ബ്‌ഡ്‌റേന>> എന്ത് മൂണാവദ്‌മ് ഏസു കേ്ക്കാട്ടി പത്ത്‌റോസ്‌ക്ക് സങ്കഡ ബന്ത്: <<ആണ്ടവാനെ, ണിനാക്ക് എല്ലാമെ തെര്യു, ണാന് ണിന്നോഡെ സീവാ് ബ്‌ഡ്‌റെ എന്ത് ണിനാക്ക് തെര്യു>> എന്ത് സൊന്നാ്.
അക്കുളെ ഏസു സീമോന്‌ക്കെ ഇച്ചെ സൊന്നാ്: <<എന്ന് കൊറ്യാഡ്‌ഗണ മേസ്. 18ണേര്‌മായിമ് ണാന് ണിനാക്കെ സൊല്ലുറെ, ണീ ബീ്ണാ് ആയിര്‌ക്കാട്ടി, ണീ താനെ ഒഡെന ഇ്റ്‌ക്കി കെ്ട്ടി ണിനാക്ക് പ്‌ഡിത്ത പട്ട്‌ക്കെല്ല പോനെ. ആന ണീ ബയ്യിസാന പ്‌റ കയ്യിന ണീ്ട്ടുവെ. അക്കുളെ അഡ്‌ത്തവാര് ണിന്ന്‌ദ് ഒഡെന ഇ്റ്‌ക്കി കെ്ട്ടി ണിനാക്ക് പ്‌ഡിക്കാത്ത പട്ട്‌ക്കെ എ്ഡ്‌ത്ത് പോവാര്.>> 19അദ്‌ണാലെ പത്ത്‌റോസ് ഇന്ന ദിന്‌സിലി സത്ത് സാമിക്ക് മദ്‌പ്പ് കൊഡുക്കുവാ് എന്ത് അറുവു കൊഡുക്ക്യ ബേ്ണ്ടിത്തെ ഏസു ഇച്ചെ സൊന്നാദ്. പ്‌റ ഏസു: <<എന്ന് പിന്ന്‌ക്ക് ബാ>> എന്ത് അവാന്‌ക്കെ സൊന്നാ്.
20പത്ത്‌റോസ് പിന്ന് തിലിമ്പി ണോഡുഗാട്ടി, ഏസുദ് സൊല്ലുപഡി ണഡാക്കവാര്‌ദ് കൂട്ടാത്തിലി ബെത്ത് ഏസു സീവാ് ബ്‌ട്ടിര്‌ന്ത ഒരുത്താ് അവാര്‌ദ് പിന്ന്‌ക്ക് ബരാദ്‌ണ കണ്ടാ്. (അവാ്ത്തെ <<ആണ്ടവാനെ, ണിനാണ കാട്ടി കൊഡുക്കവാ് ആര്?>> എന്ത് ജാമ തീനി തിങ്ക ഗള്യേലി ഏസുദ് ണെഞ്ച്‌ക്കെ അണേന്ത്‌കൊണ്ട് കേ്ട്ടവാ്.) 21അക്കുളെ പത്ത്‌റോസ്: <<ആണ്ടവാനെ ഇവാന്‌ക്ക് എന്ത ആവു?>> എന്ത് ഏസുണ കേ്ട്ടാ്.
22അക്കുളെ ഏസു അവാന്‌ക്കെ: <<ണാന് തിലിമ്പി ബരമാട്ട്‌ക്ക് ഇവാ് പെ്ളേത്തിര്‌ക്കുഡൊ എന്ത് എനാക്ക് പിര്യ ഇര്‌ന്താക്കി അദ്‌ണ പറ്റി ണീ എന്ത്‌ക്ക് അര്‌ക്കപഡ്‌റെ? ണീ എന്ന് പിന്ന്‌ക്ക് ബാ>> എന്ത് സൊന്നാ്. 23അദ്‌ണാലെ ഏസുദ് സൊല്ലുപഡി ണഡാക്ക ഇവാ് സാഗമാട്ടാ് എന്തുള്ള ണായ ഏസുക്കാറാര്‌ദ് കൂട്ടാത്തിലി പരാന്ത്‌ദ്. ആന അവാ് സാഗമാട്ടാ് എന്ത് ഏസു സൊല്ലാലെ. <<ണാന് തിലിമ്പി ബരമാട്ട് ഇവാ് പെ്ളേത്തിര്‌ക്കുഡൊ എന്ത് എനാക്ക് പിര്യ ഇര്‌ക്കദാനാക്കി ണീ അദ്‌ണ പറ്റി എന്ത്‌ക്ക് അര്‌ക്കപഡ്‌റെ?>> എന്ത് മാട്ട്‌ത്തെ ഏസു സൊന്നാദ്.
24ഏസുദ് സൊല്ലുപഡി ണഡാക്ക ഇവാ്ത്തെ ഇദ്‌ണ പറ്റി ആള്‌ഗാക്ക് സൊല്ലുറവാന്‌മ് ഇദ്‌ണ പറ്റി എ്ള്‌ദിനവാന്‌മ്. അവാ് ആള്‌ഗാക്ക് സൊല്ലുറ കാര്യ ണേര്‌ത്തെ എന്ത് എമാക്ക് തെരിദ്.
25ഏസു സെയ്‌ദ ബേ്റെ എത്തിന്യൊ കാര്യഗ ഇര്‌ക്ക്‌ദ്, ആന അദ്‌ണെല്ല ഒനോന്റ് ഒനോന്റായി എ്ള്‌ദിനാക്കി അയ്യി ബുക്ക്‌ഗണ ബെക്ക്യ ഈ ഉലഗ തെഗേഗമാട്ട എന്ത് ണാന് ണെനേക്കെ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature