ലൂക്കോസ് 11
11
ഏസു പരേസ്‌റാദ്‌ണ പറ്റി പഡ്‌സ്‌റാ്
1ഒരു ണാള് ഏസു ഒരു പട്ടിലി പരേസി കൊണ്ടിര്‌ന്താ്. അച്ചെ പരേസി തീന്ത പ്‌റ തന്ന് സൊല്ലുപഡി ണഡാക്കവാരിലി ഒരുത്താ്: <<ആണ്ടവാനെ, തണ്ണിക്ക് മുളുഗ്‌സ്‌റ ഓഗന്നാ് തന്ന് സൊല്ലുപഡി ണഡാക്കവാര്‌ക്ക് പരേസ്യ പഡിസിന പാസെ എമാക്ക്‌മ് പരേസ്യ പഡിസി തരുഡോമെ>> എന്ത് കേ്ട്ടാ്.
2അക്കുളെ ഏസു അവാര്‌ക്ക്: <<ണിമ്മ പരേസ്‌ഗാട്ടി ഇച്ചെ പരേസിരി,
<അപ്പാനെ,
ണിന്ന് പേര്‌ണ എല്ലാര്‌മ് മദ്‌സുഡോമെ,
ണീ ആള്‌റ റാജ്യ ബരുഡോമെ,
3എമാക്ക് അദാദ് ണാള്‌ക്കുള്ള തീനി തരുഡോമെ.
4ബേ്റെ ആള്‌ഗ എമ്മോഡെ പാവ സെയ്‌ദാദ്‌ണ എമ്മ പൊറുത്ത പാസെ
എമ്മ സെയ്‌ദ പാവണാമ് പൊറുക്കുഡോമെ,
പാവ സെയ്‌ര ആസേക്ക് എമാണ സിക്ക്‌സാദെ കാക്കുഡോമെ> >>
എന്ത് സൊന്നാ്.
5പ്‌റ ഏസു അവാര്‌ക്കെ പിന്നേമ്: <<ണിമാക്ക് ആരാറ്റ് ഒരു എ്ണേവുക്കാറാ് ഇര്‌ക്കാ് എന്ത് ബെയ്യിരി. ണഡുഗൂറ് ജാമാത്തിലി അയാള് കൂരേക്കെ പോയി: <ഓയി, മൂണ് അഡെ താ. ണാന് പിന്നെ തരെ. 6എന്ത്‌ക്കെന്റ എന്ന്‌ദ് ഒരു എ്ണേവുക്കാറാ് പോര ബയ്യിക്ക് എന്ന് കൂരേക്കെ ബന്തിര്‌ക്കാ്. അവാന്‌ക്ക് തിന്ന്യ കൊഡുക്ക്യ എന്നോഡെ ഒന്റുമ് ഇല്ലെ> എന്ത് സൊന്നാ്.
7അക്കുളെ അയ്യി കൂരെക്കാറാ്: <എനാണ സെറ്റെ തൊന്തറെ സെയ്യാദെ. ബാസാമ് അഡേത്തിര്‌ക്ക്‌ദ്, എന്നോഡെ മക്കഗാമ് ഉറാങ്ക്‌റാര്. ഇപ്പ് എ്ന്ത് ബന്ത് എന്താറ്റ് എ്ഡ്‌ത്ത് തര്യ എനാക്ക് മുഡ്യമാട്ട> എന്ത് സൊന്നാ്. 8ആനാല്‌മ് അവാ് എ്ന്ത് ബന്ത് കേ്ട്ട അത്തിനി തരുവാ്. എന്ത്‌ക്കെന്റ അവാ് എ്ണേവുക്കാറാ് ആനാദ്‌ണാലെ അല്ല. ണത്ത്‌ണത്ത കേ്ട്ട് കൊണ്ട് ഇര്‌ന്താദ്‌ണാലെത്തെ തരാദ്.
9അദ്‌ണാലെ ണിമാക്ക് ണാന് സൊല്ലുറെ, സാമിന ബേ്ഡികൊണ്ടെ ഇരിരി. അപ്പ് ണിമാക്ക് കെ്ഡേക്കു. ണിമാക്ക് ബേ്ഡുമാനാദ്‌ക്ക് കേ്ട്ട്‌കണ്ട്‌ണോഡിരി. അപ്പ് ണിമ്മ കണ്ട്‌പ്‌ഡിക്കുവേര്. ബാസണ കൊട്ടികൊണ്ടെ ഇരിരി. അപ്പ് ണിമാക്ക് ബാസ തുറാക്കുവാര്. 10ബേ്ഡ്‌റ ഏവാന്‌ക്ക്‌മ് കെ്ഡേക്കു. കേ്ട്ട് കൊണ്ട് ണോഡുറവാര് കണ്ട്‌പ്‌ഡിക്കുവാര്. ബാസണ കൊട്ട്‌റവാര്‌ക്ക് തുറാക്കു.
11ണിമ്മ് കൂട്ടാത്തിലി ആരാറ്റ്‌ദ് മഗാ് തന്ന് അപ്പന മീന് കേ്ട്ടാക്കി അവാന്‌ക്ക് പാമ്പ്‌ണ കൊഡുക്കുവാന? ഇല്ലെ 12അല്ല, മുട്ടെ കേ്ട്ട ണ്‌ണ്ട്‌തോള്‌ണ കൊഡുക്കവാന? ഇല്ലെ. 13കെ്ട്ടാദ് സെയ്‌ദ് ണഡാക്ക ണിമ്മ ണിമ്മ്‌ദ് മക്കഗാക്ക് ണല്ലാദ്‌ണ കൊഡുക്ക്യ തെരിരദാനാക്കി മേലോഗാത്തില്യ അപ്പാനായിര്‌ക്ക സാമിന കേ്ക്കവാര്‌ക്ക് തന്ന് ണിഗാല്‌ണ കൊഡുക്ക്യ സാമി എത്തറാഗൊ മനേസ്സുള്ളവാ്ത്തെ.>>
ഏസുമ് കെ്ട്ടജാദിഗാദ് തലെവാനാന ബെല്‌സവൂലുമ്
14ഒരു ണാള് ഏസു, കെ്ട്ടജാദി ഊമെ ബീ്ത്തി ബെത്തിര്‌ന്ത ഒരുത്താനോഡെ ഇര്‌ന്ത് കെ്ട്ടജാദിന ഒയിപ്പിസി കൊണ്ടിര്‌ന്താ്. അച്ചെ അയ്യി കെ്ട്ടജാദി ബ്‌ട്ട് പോന പ്‌റ ഊമെ ബ്‌ന്തിര്‌ന്തവാ് ണായ പേസ്യ പ്‌ഡിത്താ്. ഇദ്‌ണ കണ്ടിര്‌ന്ത ആള്‌ഗ അദിസ്യപട്ടാര്. 15ആന ലേസ ആള്‌ഗ: <<കെ്ട്ടജാദിഗാദ് തലെവാനാന ബെല്‌സവൂലുത്തെ ഇയാള്‌ക്ക് കെ്ട്ടജാദിഗണ ഒയിപ്പിസ്‌റാദ്‌ക്കുള്ള സക്‌ദി കൊഡുക്കാദ്>> എന്ത് സൊന്നാര്. 16അക്കുളെ ബേ്റെ ലേസ ആള്‌ഗ ഏസുണ സോദണെ സെയ്യ ണോഡികൊണ്ട് സാമി സൊല്ലിബ്‌ട്ടവാനെന്ത് കാട്ട്യ ബേ്ണ്ടി ഒരു അഡ്യാള കാട്ട് എന്ത് ഏസുക്കെ സൊന്നാര്.
17ഏസു അവാര്‌ദ് മനേസ്സിലിര്‌ക്ക ണെനേപ്പ്‌ണ തെരിന്ത് അവാര്‌ക്ക് ഇച്ചെ സൊന്നാ്: <<ഒരു ണാഡില്യവാര് റണ്ട് കച്ചി ആയി ആങ്കീങ്ക് പോട്ടിപ്‌ഡിത്ത അയ്യി ണാഡ്‌മ് അളിന്ത് പോവു. അഡിന്തഡി ആയികൊണ്ടിര്‌ക്ക കൂരെ കലേന്തെക്കു. 18അദേപാസെ സെയിത്ത്യാന്‌ക്ക് അഡിര്‌ക്ക കെ്ട്ടജാദിഗ റണ്ടായി പ്‌റ്‌ന്ത് തന്നോഡെ താനെ പോട്ടിപ്‌ഡിത്ത അയാള് ണാഡ് എത്തിനി കാല ഇര്‌ക്കു? ണാന് ഈ കാര്യ ണിമാക്ക് സൊല്ലുറാദ് എന്ത്‌ക്കെന്റ: <കെ്ട്ടജാദിഗാദ് തലെവാ് ബെല്‌സവൂലുത്തെ ഇയാള്‌ക്ക് കെ്ട്ടജാദിഗണ ഒയിപ്പിസ്‌റാദ്‌ക്കുള്ള സക്‌ദി കൊഡുക്കാദ്> എന്ത് ണിമ്മ സൊല്ലുറാദ്‌ണാലെത്തെ. 19കെ്ട്ടജാദിഗാദ് തലെവാനാന ബെല്‌സവൂലുത്തെ എനാക്ക് കെ്ട്ടജാദിഗണ ഒയിപ്പിസ്‌റാദ്‌ക്കുള്ള സക്‌ദി തരാദാനാക്കി ണിമ്മ് കൂട്ടാത്തില്യ ആള്‌ഗാക്ക്‌മ് ബെല്‌സവൂലുത്തെ കെ്ട്ടജാദിഗണ ഒയിപ്പിസ്‌റാദ്‌ക്കുള്ള സക്‌ദി തരാദെന്ത് അര്‌ത്ത ബര്‌ദല്ല? അച്ചെ ണിമ്മ കുറ്റക്കാറാര് എന്ത് ണിമ്മ് കൂട്ടാത്തില്യ ആള്‌ഗ താനെ കാട്ടി തരാര്. 20ആന ണാന് സാമി സക്‌ദിനാലെത്തെ കെ്ട്ടജാദിഗണ ഒയിപ്പിസി ബ്‌ഡ്‌റദാനാക്കി സാമി ആള്‌റാദ് ണിമ്മ് പട്ട്‌ക്ക് ബന്ത് എജ്ജിറ്റ് എന്ത് കാട്ട്‌ദ്.
21ജുദ്ദ സെയ്യുള്ള ജാദിഗ മൊത്തനാക്ക് ഇര്‌ക്ക ഒരു മന്‌സാ്#11:21മന്‌സാ് ഇദിലി സെയിത്ത്യാന്‌ദ് സക്‌ദിര്‌ക്ക ഒരു മന്‌സാന്‌ക്ക് എജേത്ത് സൊല്ലിര്‌ക്കാ്. തന്ന് കൂരേന കാവ കാത്ത്‌കൊണ്ടിര്‌ക്കദാനാക്കി അയാള് സൊത്തുഗെല്ല പാദ്‌ഗാപ്പോഡെ ഇര്‌ക്കു. 22ആന അയാള്‌ണ ബ്‌ഡ സക്‌ദി ഇര്‌ക്കവാ് ബന്ത് അയാളോഡെ ജുദ്ദ സെയ്‌ദ് അയാള് ണമ്പിര്‌ന്ത ജുദ്ദ സെയ്‌ര ജാദിഗണാമ് പ്‌ഡിങ്ക്യെ്ഡ്‌ത്ത പ്‌റ മുദാല്‌മൂഡ്യെഗണെല്ല പങ്കി കൊഡുക്കാമ് സെയ്‌വാ്#11:22ആന അയാള്‌ണ ബ്‌ഡ സക്‌ദി ഇര്‌ക്കവാ് ബന്ത് അയാളോഡെ ജുദ്ദ സെയ്‌ദ് അയാള് ണമ്പിര്‌ന്ത ജുദ്ദ സെയ്‌ര ജാദിഗണാമ് പ്‌ഡിങ്ക്യെ്ഡ്‌ത്ത പ്‌റ മുദാല്‌മൂഡ്യെഗണെല്ല പങ്കി കൊഡുക്കാമ് സെയ്‌വാ് ഇദിലി അയാള്‌ണ ബ്‌ഡ സക്‌ദി ഇര്‌ക്കവാ് എന്ത് അര്‌ത്ത ആക്കിര്‌ക്കാദ് ഏസുണാത്തെ. .
23എന്ന്‌ദ് ഒപ്പ ഇര്‌ക്കാത്തവാര് എനാക്ക് പോട്ടിക്കാറാര്‌ത്തെ. എന്ന് പിന്ന്‌മേലെ ണഡാക്കവാര്‌ണ എന്ന് പട്ട്‌ക്ക് കൂട്ട്യ കയ്യിതാങ്കാത്തവാ് എന്ന് പിന്ന്‌മേലെ ണഡാക്കവാര്‌ണ ജില്ലമ്പുല്ലാത്ത് ആക്ക്യെക്ക്‌റാ്.>>
കെ്ട്ടജാദി തിലിമ്പി ബര്‌ദ്
24ഏസു അവാര്‌ക്ക് പിന്നേമ് ഇച്ചെ സൊന്നാ്: <<ഒരു മന്‌സാനോഡിര്‌ന്ത് കെ്ട്ടജാദി ബ്‌ട്ട് പോയി എ്ളേക്ക്യ എ്ഡെ പരാന്ത് തണ്ണില്ലാത്ത എ്ഡെ മേലെ പോദ്. ആന ഒരു എ്ഡേമ് കെ്ഡേക്കാദില്ലെ. അക്കുളെ അയ്യി കെ്ട്ടജാദി <ണാന് ബ്‌ട്ട് ബന്ത എ്ഡേക്ക് താനെ തിലിമ്പി പോവെ> എന്ത് സൊല്ലുദ്. 25അച്ചെ അയ്യി കെ്ട്ടജാദി താനിര്‌ന്ത മന്‌സാന്‌ദ് കുള്ളുക്ക് തിലിമ്പി ബന്ത് ണോഡുഗാട്ടി ഒഡിക്കിപഡിക്കി സാമാനഗണ ഒദിക്കി ബെത്തിര്‌ക്ക കൂരേന പാസെ അയാള് ഇര്‌ക്കാദ്‌ണ കാണ്‌ദ്. 26അക്കുളെ അയ്യി കെ്ട്ടജാദി പോയി തനാണ ബ്‌ഡ റമ്പ കെ്ട്ടാദ് സെയ്‌ര ഏ്ള് കെ്ട്ടജാദിഗണ ഗൂഡി കൂട്ടി ബന്ത് അദ്‌ഗ ഒന്റായി അയാളിലി തങ്ക്‌ദ്. അച്ചെ അയാള്‌ദ് കഡേസില്യ പെ്ളേപ്പ് മുദ ഇര്‌ന്താദ്‌ണ ബ്‌ഡ ഒരേപെ്ട്ട് കെ്ട്ട് കെ്ഡ്‌ണാറി എക്ക്‌ദ്.>>
സെരിക്കുള്ള പിര്യ
27ഏസു ഇദ്‌ണ സൊല്ലുഗാട്ടി ആള്‌കൂട്ടാത്തിലിര്‌ന്ത് ഒരുത്തി: <<ണിനാണ ബേ്റായി പ്‌റാത്തി പാലൂട്ടി ബളാത്തിനവ ബാഗ്യക്കാറിസിത്തെ>> എന്ത് ഒളേത്ത് സൊന്ന.
28ആന ഏസു: <<സാമി സൊല്ലുസുലാക്കണ കേ്ട്ട് അദേപാസെ ണഡാക്കവാര്‌ത്തെ ഇദ്‌ണ ബ്‌ഡ ബാഗ്യക്കാറാര്>> എന്ത് സൊന്നാ്.
അഡ്യാള കാട്ട്യ സൊല്ലുറാര്
29മൊത്തന ആള്‌ഗ ബന്ത് തുമ്പികൊണ്ടിര്‌ക്കാട്ടി ഏസു അവാര്‌ക്ക് ഇച്ചെ സൊന്നാ്: <<ഇപ്പേത്ത കാലാത്തില്യ ആള്‌ഗ കേ്ഡ്‌ഗെ്ട്ട് ണഡാക്കവാര്‌ത്തെ. തമ്മ അഡ്യാള പരാക്കാര്. സാമിദാസ് ആന ജോനാന്‌ക്ക് ണഡാന്ത അഡ്യാള അല്ലാദെ ബേ്റെ ഒരു അഡ്യാള ണിമാക്ക് കെ്ഡേക്കമാട്ട. 30ണിനവെക്കാറാര്‌ക്ക് ജോനാ് അഡ്യാള ആയിര്‌ന്ത പാസെ മന്‌സാനായി പ്‌റാന്ത ണാന്, ഇപ്പേത്ത കാലാത്തില്യവാര്‌ക്ക് അഡ്യാള ആയിര്‌ക്കു. 31എത്തിന്യൊ ബര്‌സ മുന്തുക്ക് എമ്മാട്ടൊ ദൂര ഇര്‌ക്ക തെക്കേത്ത ണാഡ് റാണി സലോമോന്‌ദ് ബുദ്ദിണായ കേ്ക്ക്യ ബന്ത. സലോമോന്‌ണ ബ്‌ഡ ബെല്ല്യവാ് ഇദിലി ഇര്‌ക്കാ് എന്ത് ണാന് സൊല്ലുറെ. ആന ഇപ്പേത്ത ആള്‌ഗ അയാള് സൊല്ലുറ ണായ കേ്ക്കാദില്ലെ. അദ്‌ണാലെ സാമി ണായ ബിദിക്ക ണാള് ഇപ്പേത്ത കാലാത്തില്യ ആള്‌ഗാദൊപ്പ അവാമ് ഉജുറെ്ന്ത് അവാര്‌ണ കുറ്റക്കാറാര് എന്ത് ബിദിക്കുവ. 32എത്തിന്യൊ ബര്‌സ മുന്തുക്ക് ണിനവെക്കാറാര് ജോനാ് സൊന്ന ണായ കേ്ട്ട് സാമി സാരി തിലിമ്പിനാര്. ജോനാന ബ്‌ഡ ബെല്ല്യവാ് ഇദിലി ഇര്‌ക്കാ് എന്ത് ണാന് ണിമാക്കെ സൊല്ലുറെ. ആന ഇപ്പെത്തവാര് അയാള് സൊല്ലുറ ണായണ കേ്ക്കാദ്‌മില്ലെ. അദ്‌ണാലെ സാമി ണായ ബിദിക്ക ണാളിലി ഇപ്പേത്ത കാലാത്തില്യ ആള്‌ഗാദൊപ്പ ണിനവെക്കാറാര് ഉജുറെ്ന്ത് അവാര്‌ണ കുറ്റക്കാറാര് എന്ത് ബിദിക്കുവാര്.>>
കണ്ണ് സരിഗലാക്ക് ബ്‌ളാക്ക്
33<<ബ്‌ളാക്ക്‌ണ കത്തിസി ആര്‌മ് തെക്ക്‌ണ കമ്‌സ്യൊ, ഇല്ലെ പട്ടഡെക്കഡ്യോ ബെക്കാദില്ലെ. അദ് കൂരേക്കെ ബര എല്ലാര്‌ക്ക്‌മ് ബെ്ള്‌സ കാട്ട്‌റ പാസെ മദ്‌ള്‌ക്കുദാക്ക്‌ത്തെ ബെക്കാദ്. 34ണിമ്മ്‌ദ് കണ്ണ്‌ത്തെ സരിഗലാക്കുള്ള ബ്‌ളാക്ക്. ണിമ്മ് കണ്ണ് ണലമായി കാട്ട്‌ഗാട്ടി സരിഗല ഒട്ടുക്ക് ബെ്ള്‌സ ആയിര്‌ക്കു. ആന കണ്ണ് കെ്ട്ടെക്കിന സരിഗല മുച്ചുഡ ഇ്റ്‌ട്ട് കെ്ട്ട്യെക്കു. 35അദ്‌ണാലെ ണിനാക്കിര്‌ക്ക ബെ്ള്‌സ ഇ്റ്‌ട്ടാഗാദെ ഇര്‌ക്ക്യ സൊക്കാന ണോഡികൊള്ളിരി. 36അച്ചെ ബെ്ള്‌സ ണിമ്മ് സരിഗലണ മുച്ചുഡ മുച്ചി സെറ്റെ ഗൂഡി ഇ്റ്‌ട്ടില്ലാദാഗാട്ടി ഒരു ബ്‌ളാക്ക് ബെ്ള്‌സ അഡിക്ക പാസെ ണിമ്മ് സരിഗല മുച്ചുഡ ബെ്ള്‌സ അഡിക്കു.>>
പരിസലണാമ് ബേദ ബാത്ത്യലണാമ് ഏസു കുറ്റ സൊല്ലുറാ്
37ഏസു സൊല്ലി തീന്ത പ്‌റ ഒരു പരിസാ് ബന്ത് തന്ന്‌ദൊപ്പ സാപാഡ് തിന്ന്യ ഒളേത്താ്. ഏസു പരിസാന്‌ദ് കൂരേക്കെ എജ്ജി തീനി തിന്ന്യ കുക്കാന്താ്. 38എഗുദാര് സട്ടപഡി സാപാഡ് തിങ്കാദ്‌ക്ക് മുദ കയ്യി കച്ചാദെ ഏസു തിന്ന്യ കുക്കാന്താദ്‌ണ കണ്ട് പരിസാ് അദിസ്യപട്ടാ്.
39ആന ആണ്ടവാ് പരിസാന്‌ക്കെ ഇച്ചെ സൊന്നാ്: <<പരിസല ആയിര്‌ക്ക ണിമ്മ ക്‌ണ്ണണാമ് ഗളാസ്‌ണാമ് ബെ്ള്യെ ണലമായി കച്ച്‌റേര്. ആന എത്തിനി കെ്ഡേത്താല്‌മ് മദിവരാത്ത ആസെപാഡ്‌മ് എല്ല കെ്ട്ട ണെനേവുഗാമ് ണിമ്മ്‌ദ് മനേസ്സിലി തുമ്പിര്‌ക്ക്‌ദ്. 40ഇദായി കിവുഡലാഗെ, ബെ്ള്യെ ഇര്‌ക്കാദ്‌ണ ഉണ്ടാക്കിനാവാ്ത്തെ ഉള്ളുക്കു ഇര്‌ക്കാദ്‌ണാമ് ഉണ്ടാക്കിര്‌ക്കാനല്ല? 41ആന ണിമാക്കിര്‌ക്കാദ്‌ണെല്ല ഏ്ളെഗാക്ക് ദാനദറ്‌മ്മ സെയ്‌ദ് കൊണ്ട് ണിമ്മ് മനേസ്സ്‌ണ സുത്താപ്പാക്കിരി. അപ്പ് ണിമാക്കിര്‌ക്കാദെല്ല സുത്താപ്പാവു.
42പരിസലാഗെ, ണിമാക്ക് സെറ്റെ കജട്ട കജട്ടത്തെ! കല്‌പൂരതൊളസി, കരാമ്പെലെ, കീരെസൊപ്പ് ഇച്ചെ എല്ല ദിന്‌സിലിര്‌ക്ക സിന്ന സിന്ന സെ്ഡിഗളിലിര്‌ന്ത് ണിമ്മ സാമിക്ക് പത്തിലി ഒരു പങ്ക് കൊഡുക്കേര്. ആന ണേര്‌മെക്കാറാരായിര്‌ക്ക്യാമ്, സാമ്യോഡെ സീവാ് ബ്‌ട്ട് ണഡാക്ക്യാമ് ണിമാക്ക് മനേസ്സില്ലെ. മുദ സെയ്‌ദ കാര്യണ തപ്പ്‌സാദേമ് റണ്ടാവദ് സൊന്ന കാര്യ സെയ്‌ദ്‌മിര്‌ക്കുഡൊ.
43പരിസലാഗെ, ണിമാക്ക് സെറ്റെ കജട്ട കജട്ടത്തെ! എഗുദാര് പരേസ്‌റ കൂരെക്ക്‌റാഗ മുക്ക്യമാന എ്ഡേലി കുക്കാക്ക്യാമ് സന്തേക്ക്‌റാഗ ഇര്‌ക്കവാരോഡിര്‌ന്ത് മദ്‌പ്പ് കെ്ഡേസ്യാമ്, ണിമ്മ ആസെപഡ്‌റേര്.
44സുഡാലെ എന്ത് ണെപ്പ്‌കെ്ഡേസ്യ കല്ല് ബെക്കാത്ത സുഡാലെഗണ പാസെത്തെ ണിമ്മ. അദ്‌ണാലെ ണിമാക്ക് സെറ്റെ കജട്ട കജട്ടത്തെ. ഇദ് സുഡാലെ എന്ത് തെര്യാദെ ആള്‌ഗ ഇദ്‌ക്കുദ്ദാക്ക് ണഡാക്കാര്.>>
45അക്കുളെ എഗുദ ബേദ ബാത്ത്യലാദി ഒരുത്താ്: <<ഗുരുവെ ഇച്ചെ സൊല്ലി എമാണ ഗൂഡി ണീ ണാണഗെ്ഡ്‌സ്‌റെ അല്ല>> എന്ത് ഏസുക്ക് സൊന്നാ്.
46അക്കുളെ ഏസു ഇച്ചെ സൊന്നാ്: <<ബേദ ബാത്ത്യലാഗെ, ണിമാക്ക് സെറ്റെ കജട്ട കജട്ടത്തെ! മന്‌സാര്‌ക്ക് അജ്‌ങ്ക്യ മുഡ്യാത്ത ബുദ്ദിമുട്ടിര്‌ക്ക സട്ടഗാക്ക് കെ്ട്ട്‌പട്ട് ണഡാക്ക്യ ണിമ്മ അവാര്‌ണ ബെക്കേര്. ആന അവാര് ബെക്ക സട്ടപഡി ണഡാക്ക്യ ആള്‌ഗാക്ക് അവാര് ഒരു ഉദാവി ഗൂഡി സെയ്‌രാദില്ലെ.
47ണിമാക്ക് സെറ്റെ കജട്ട കജട്ടത്തെ! എന്ത്‌ക്കെന്റ ണിമ്മ് പാട്ടല കൊന്റ സാമിദാസ്‌ഗാദ് പൊദേവഗണ ണിമ്മ ണല്ലാദാക്ക്‌റേര്. 48അച്ചെ ണിമ്മ് പാട്ടല സെയ്‌ദാദ് ണേര്‌ത്തെ എന്ത് ണിമ്മ കാട്ടി കൊഡുക്കേര്. അവാര് സാമിദാസ്‌ഗണ കൊന്റാര്. ണിമ്മ അയ്യി സാമിദാസ്‌ഗ പൊദേവണ ണല്ലാദാക്ക്‌റേര്.#11:48അവാര് സാമിദാസ്‌ഗണ കൊന്റാര്. ണിമ്മ അയ്യി സാമിദാസ്‌ഗ പൊദേവണ ണല്ലാദാക്ക്‌റേര്. ണേരാത്തി പെ്ളേത്തിര്‌ന്ത സാമിദാസ്‌ലാണ തമ്മ മദ്‌സ്‌റേര് എന്ത് ആള്‌ഗ കാണ്യ ബേ്ണ്ടിത്തെ അയ്യി സാമിദാസ്‌ഗ പൊദേവണ ണല്ലാദാക്കിനാദ്. ആന അയ്യി സാമിദാസ്‌ഗ പഡിസിര്‌ന്ത കാര്യഗാക്ക് കെ്ട്ട്‌പട്ട് ണഡാക്കാദെ അവാര്‌ണ കൊന്റ തമ്മ് പാട്ടലണ ബ്‌ഡ തമ്മ ണല്ലവാരല്ല എന്ത് ഇവാര് കാട്ടിനാര്. 49അദ്‌ണാലെ സാമിദ് ബുദ്ദി ഇച്ചെ സൊല്ലുദ്: <ണാന് സാമിദാസ്‌ഗണാമ് അപ്പൊസലലണാമ് അവാര് പട്ട്‌ക്കെ സൊല്ലിബ്‌ഡുവെ. സാമിദാസ്‌ഗാദി ലേസ ആള്‌ഗണ കൊഡിമേമ് പഡ്‌സുവാര്. ലേസ ആള്‌ഗണ കൊന്റുമ് തള്ളുവാര്.> 50ഉലഗ ഉണ്ടാന കാലാത്തിര്‌ന്തെ ണിമ്മ് പാട്ടല സാമിദാസ്‌ഗണ കൊന്റുകൊണ്ട് ഇര്‌ന്തിര്‌ക്കാര്. ഇപ്പ് പെ്ളേക്ക ണിമ്മ എല്ലാര്‌മ് അയ്യി കൊലേക്ക് പൊറുപ്പുക്കാറാര് ആയിര്‌ക്കുവേര്. 51അച്ചെ ആവേല്‌ണ കൊന്റ കാലാത്തിലിര്‌ന്ത് പലി കൊഡുക്ക മദ്‌ള്‌ക്ക്‌മ് സാമികൂരേദ് അരാങ്ക കുച്ചുക്ക്‌മ് ണഡ്‌ക്കെ ബെത്ത് കൊലെ സെയ്‌ദ സെക്കര്യാവു പെ്ളേത്തിര്‌ന്ത കാലമാട്ട്‌ക്ക് കൊന്റവാര്‌ദ് കുറ്റാക്ക് ഇപ്പ് പെ്ളേക്ക ണിമ്മ എല്ലാര്‌മ് പൊറുപ്പുക്കാറാര്‌ത്തെ എന്ത് ണാന് ണിമാക്കെ സൊല്ലുറെ.
52ബേദ ബാത്ത്യലാഗെ ണിമാക്ക് സെറ്റെ കജട്ട കജട്ടത്തെ! ആള്‌ഗാക്ക് സാമിന തെരിരാദ്‌ക്കുള്ള അറുവു എങ്ക ബാസഗണ ണിമ്മ അഡേത്ത് എക്ക്‌റേര്. ണിമാക്ക്‌മ് സാമിന തെരിരാദില്ലെ. സാമിന തെര്യ ആസെപഡ്‌റവാര്‌ണ അദ്‌ക്ക് ബ്‌ഡ്‌റാദ്‌മില്ലെ.>>
53-54ഏസു അദിലിര്‌ന്ത് പോഗാട്ടി ബേദ ബാത്ത്യലാമ് പരിസലാമ് അയാളോഡെ മൊനേക്ക് തെ്ട്ടികൊണ്ട് എത്തിന്യൊ കാര്യഗണ പറ്റി കേ്ള്‌വി കേ്ക്ക്യ പ്‌ഡിത്താര്. അയാള് സൊല്ലുറ ണായാത്തിലി കുറ്റ കണ്ട് അയാള്‌ണ സിക്കിസ്യ ബേ്ണ്ടിത്തെ അവാര് അച്ചെ സെയ്‌ദാദ്.
Currently Selected:
ലൂക്കോസ് 11: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
ലൂക്കോസ് 11
11
ഏസു പരേസ്‌റാദ്‌ണ പറ്റി പഡ്‌സ്‌റാ്
1ഒരു ണാള് ഏസു ഒരു പട്ടിലി പരേസി കൊണ്ടിര്‌ന്താ്. അച്ചെ പരേസി തീന്ത പ്‌റ തന്ന് സൊല്ലുപഡി ണഡാക്കവാരിലി ഒരുത്താ്: <<ആണ്ടവാനെ, തണ്ണിക്ക് മുളുഗ്‌സ്‌റ ഓഗന്നാ് തന്ന് സൊല്ലുപഡി ണഡാക്കവാര്‌ക്ക് പരേസ്യ പഡിസിന പാസെ എമാക്ക്‌മ് പരേസ്യ പഡിസി തരുഡോമെ>> എന്ത് കേ്ട്ടാ്.
2അക്കുളെ ഏസു അവാര്‌ക്ക്: <<ണിമ്മ പരേസ്‌ഗാട്ടി ഇച്ചെ പരേസിരി,
<അപ്പാനെ,
ണിന്ന് പേര്‌ണ എല്ലാര്‌മ് മദ്‌സുഡോമെ,
ണീ ആള്‌റ റാജ്യ ബരുഡോമെ,
3എമാക്ക് അദാദ് ണാള്‌ക്കുള്ള തീനി തരുഡോമെ.
4ബേ്റെ ആള്‌ഗ എമ്മോഡെ പാവ സെയ്‌ദാദ്‌ണ എമ്മ പൊറുത്ത പാസെ
എമ്മ സെയ്‌ദ പാവണാമ് പൊറുക്കുഡോമെ,
പാവ സെയ്‌ര ആസേക്ക് എമാണ സിക്ക്‌സാദെ കാക്കുഡോമെ> >>
എന്ത് സൊന്നാ്.
5പ്‌റ ഏസു അവാര്‌ക്കെ പിന്നേമ്: <<ണിമാക്ക് ആരാറ്റ് ഒരു എ്ണേവുക്കാറാ് ഇര്‌ക്കാ് എന്ത് ബെയ്യിരി. ണഡുഗൂറ് ജാമാത്തിലി അയാള് കൂരേക്കെ പോയി: <ഓയി, മൂണ് അഡെ താ. ണാന് പിന്നെ തരെ. 6എന്ത്‌ക്കെന്റ എന്ന്‌ദ് ഒരു എ്ണേവുക്കാറാ് പോര ബയ്യിക്ക് എന്ന് കൂരേക്കെ ബന്തിര്‌ക്കാ്. അവാന്‌ക്ക് തിന്ന്യ കൊഡുക്ക്യ എന്നോഡെ ഒന്റുമ് ഇല്ലെ> എന്ത് സൊന്നാ്.
7അക്കുളെ അയ്യി കൂരെക്കാറാ്: <എനാണ സെറ്റെ തൊന്തറെ സെയ്യാദെ. ബാസാമ് അഡേത്തിര്‌ക്ക്‌ദ്, എന്നോഡെ മക്കഗാമ് ഉറാങ്ക്‌റാര്. ഇപ്പ് എ്ന്ത് ബന്ത് എന്താറ്റ് എ്ഡ്‌ത്ത് തര്യ എനാക്ക് മുഡ്യമാട്ട> എന്ത് സൊന്നാ്. 8ആനാല്‌മ് അവാ് എ്ന്ത് ബന്ത് കേ്ട്ട അത്തിനി തരുവാ്. എന്ത്‌ക്കെന്റ അവാ് എ്ണേവുക്കാറാ് ആനാദ്‌ണാലെ അല്ല. ണത്ത്‌ണത്ത കേ്ട്ട് കൊണ്ട് ഇര്‌ന്താദ്‌ണാലെത്തെ തരാദ്.
9അദ്‌ണാലെ ണിമാക്ക് ണാന് സൊല്ലുറെ, സാമിന ബേ്ഡികൊണ്ടെ ഇരിരി. അപ്പ് ണിമാക്ക് കെ്ഡേക്കു. ണിമാക്ക് ബേ്ഡുമാനാദ്‌ക്ക് കേ്ട്ട്‌കണ്ട്‌ണോഡിരി. അപ്പ് ണിമ്മ കണ്ട്‌പ്‌ഡിക്കുവേര്. ബാസണ കൊട്ടികൊണ്ടെ ഇരിരി. അപ്പ് ണിമാക്ക് ബാസ തുറാക്കുവാര്. 10ബേ്ഡ്‌റ ഏവാന്‌ക്ക്‌മ് കെ്ഡേക്കു. കേ്ട്ട് കൊണ്ട് ണോഡുറവാര് കണ്ട്‌പ്‌ഡിക്കുവാര്. ബാസണ കൊട്ട്‌റവാര്‌ക്ക് തുറാക്കു.
11ണിമ്മ് കൂട്ടാത്തിലി ആരാറ്റ്‌ദ് മഗാ് തന്ന് അപ്പന മീന് കേ്ട്ടാക്കി അവാന്‌ക്ക് പാമ്പ്‌ണ കൊഡുക്കുവാന? ഇല്ലെ 12അല്ല, മുട്ടെ കേ്ട്ട ണ്‌ണ്ട്‌തോള്‌ണ കൊഡുക്കവാന? ഇല്ലെ. 13കെ്ട്ടാദ് സെയ്‌ദ് ണഡാക്ക ണിമ്മ ണിമ്മ്‌ദ് മക്കഗാക്ക് ണല്ലാദ്‌ണ കൊഡുക്ക്യ തെരിരദാനാക്കി മേലോഗാത്തില്യ അപ്പാനായിര്‌ക്ക സാമിന കേ്ക്കവാര്‌ക്ക് തന്ന് ണിഗാല്‌ണ കൊഡുക്ക്യ സാമി എത്തറാഗൊ മനേസ്സുള്ളവാ്ത്തെ.>>
ഏസുമ് കെ്ട്ടജാദിഗാദ് തലെവാനാന ബെല്‌സവൂലുമ്
14ഒരു ണാള് ഏസു, കെ്ട്ടജാദി ഊമെ ബീ്ത്തി ബെത്തിര്‌ന്ത ഒരുത്താനോഡെ ഇര്‌ന്ത് കെ്ട്ടജാദിന ഒയിപ്പിസി കൊണ്ടിര്‌ന്താ്. അച്ചെ അയ്യി കെ്ട്ടജാദി ബ്‌ട്ട് പോന പ്‌റ ഊമെ ബ്‌ന്തിര്‌ന്തവാ് ണായ പേസ്യ പ്‌ഡിത്താ്. ഇദ്‌ണ കണ്ടിര്‌ന്ത ആള്‌ഗ അദിസ്യപട്ടാര്. 15ആന ലേസ ആള്‌ഗ: <<കെ്ട്ടജാദിഗാദ് തലെവാനാന ബെല്‌സവൂലുത്തെ ഇയാള്‌ക്ക് കെ്ട്ടജാദിഗണ ഒയിപ്പിസ്‌റാദ്‌ക്കുള്ള സക്‌ദി കൊഡുക്കാദ്>> എന്ത് സൊന്നാര്. 16അക്കുളെ ബേ്റെ ലേസ ആള്‌ഗ ഏസുണ സോദണെ സെയ്യ ണോഡികൊണ്ട് സാമി സൊല്ലിബ്‌ട്ടവാനെന്ത് കാട്ട്യ ബേ്ണ്ടി ഒരു അഡ്യാള കാട്ട് എന്ത് ഏസുക്കെ സൊന്നാര്.
17ഏസു അവാര്‌ദ് മനേസ്സിലിര്‌ക്ക ണെനേപ്പ്‌ണ തെരിന്ത് അവാര്‌ക്ക് ഇച്ചെ സൊന്നാ്: <<ഒരു ണാഡില്യവാര് റണ്ട് കച്ചി ആയി ആങ്കീങ്ക് പോട്ടിപ്‌ഡിത്ത അയ്യി ണാഡ്‌മ് അളിന്ത് പോവു. അഡിന്തഡി ആയികൊണ്ടിര്‌ക്ക കൂരെ കലേന്തെക്കു. 18അദേപാസെ സെയിത്ത്യാന്‌ക്ക് അഡിര്‌ക്ക കെ്ട്ടജാദിഗ റണ്ടായി പ്‌റ്‌ന്ത് തന്നോഡെ താനെ പോട്ടിപ്‌ഡിത്ത അയാള് ണാഡ് എത്തിനി കാല ഇര്‌ക്കു? ണാന് ഈ കാര്യ ണിമാക്ക് സൊല്ലുറാദ് എന്ത്‌ക്കെന്റ: <കെ്ട്ടജാദിഗാദ് തലെവാ് ബെല്‌സവൂലുത്തെ ഇയാള്‌ക്ക് കെ്ട്ടജാദിഗണ ഒയിപ്പിസ്‌റാദ്‌ക്കുള്ള സക്‌ദി കൊഡുക്കാദ്> എന്ത് ണിമ്മ സൊല്ലുറാദ്‌ണാലെത്തെ. 19കെ്ട്ടജാദിഗാദ് തലെവാനാന ബെല്‌സവൂലുത്തെ എനാക്ക് കെ്ട്ടജാദിഗണ ഒയിപ്പിസ്‌റാദ്‌ക്കുള്ള സക്‌ദി തരാദാനാക്കി ണിമ്മ് കൂട്ടാത്തില്യ ആള്‌ഗാക്ക്‌മ് ബെല്‌സവൂലുത്തെ കെ്ട്ടജാദിഗണ ഒയിപ്പിസ്‌റാദ്‌ക്കുള്ള സക്‌ദി തരാദെന്ത് അര്‌ത്ത ബര്‌ദല്ല? അച്ചെ ണിമ്മ കുറ്റക്കാറാര് എന്ത് ണിമ്മ് കൂട്ടാത്തില്യ ആള്‌ഗ താനെ കാട്ടി തരാര്. 20ആന ണാന് സാമി സക്‌ദിനാലെത്തെ കെ്ട്ടജാദിഗണ ഒയിപ്പിസി ബ്‌ഡ്‌റദാനാക്കി സാമി ആള്‌റാദ് ണിമ്മ് പട്ട്‌ക്ക് ബന്ത് എജ്ജിറ്റ് എന്ത് കാട്ട്‌ദ്.
21ജുദ്ദ സെയ്യുള്ള ജാദിഗ മൊത്തനാക്ക് ഇര്‌ക്ക ഒരു മന്‌സാ്#11:21മന്‌സാ് ഇദിലി സെയിത്ത്യാന്‌ദ് സക്‌ദിര്‌ക്ക ഒരു മന്‌സാന്‌ക്ക് എജേത്ത് സൊല്ലിര്‌ക്കാ്. തന്ന് കൂരേന കാവ കാത്ത്‌കൊണ്ടിര്‌ക്കദാനാക്കി അയാള് സൊത്തുഗെല്ല പാദ്‌ഗാപ്പോഡെ ഇര്‌ക്കു. 22ആന അയാള്‌ണ ബ്‌ഡ സക്‌ദി ഇര്‌ക്കവാ് ബന്ത് അയാളോഡെ ജുദ്ദ സെയ്‌ദ് അയാള് ണമ്പിര്‌ന്ത ജുദ്ദ സെയ്‌ര ജാദിഗണാമ് പ്‌ഡിങ്ക്യെ്ഡ്‌ത്ത പ്‌റ മുദാല്‌മൂഡ്യെഗണെല്ല പങ്കി കൊഡുക്കാമ് സെയ്‌വാ്#11:22ആന അയാള്‌ണ ബ്‌ഡ സക്‌ദി ഇര്‌ക്കവാ് ബന്ത് അയാളോഡെ ജുദ്ദ സെയ്‌ദ് അയാള് ണമ്പിര്‌ന്ത ജുദ്ദ സെയ്‌ര ജാദിഗണാമ് പ്‌ഡിങ്ക്യെ്ഡ്‌ത്ത പ്‌റ മുദാല്‌മൂഡ്യെഗണെല്ല പങ്കി കൊഡുക്കാമ് സെയ്‌വാ് ഇദിലി അയാള്‌ണ ബ്‌ഡ സക്‌ദി ഇര്‌ക്കവാ് എന്ത് അര്‌ത്ത ആക്കിര്‌ക്കാദ് ഏസുണാത്തെ. .
23എന്ന്‌ദ് ഒപ്പ ഇര്‌ക്കാത്തവാര് എനാക്ക് പോട്ടിക്കാറാര്‌ത്തെ. എന്ന് പിന്ന്‌മേലെ ണഡാക്കവാര്‌ണ എന്ന് പട്ട്‌ക്ക് കൂട്ട്യ കയ്യിതാങ്കാത്തവാ് എന്ന് പിന്ന്‌മേലെ ണഡാക്കവാര്‌ണ ജില്ലമ്പുല്ലാത്ത് ആക്ക്യെക്ക്‌റാ്.>>
കെ്ട്ടജാദി തിലിമ്പി ബര്‌ദ്
24ഏസു അവാര്‌ക്ക് പിന്നേമ് ഇച്ചെ സൊന്നാ്: <<ഒരു മന്‌സാനോഡിര്‌ന്ത് കെ്ട്ടജാദി ബ്‌ട്ട് പോയി എ്ളേക്ക്യ എ്ഡെ പരാന്ത് തണ്ണില്ലാത്ത എ്ഡെ മേലെ പോദ്. ആന ഒരു എ്ഡേമ് കെ്ഡേക്കാദില്ലെ. അക്കുളെ അയ്യി കെ്ട്ടജാദി <ണാന് ബ്‌ട്ട് ബന്ത എ്ഡേക്ക് താനെ തിലിമ്പി പോവെ> എന്ത് സൊല്ലുദ്. 25അച്ചെ അയ്യി കെ്ട്ടജാദി താനിര്‌ന്ത മന്‌സാന്‌ദ് കുള്ളുക്ക് തിലിമ്പി ബന്ത് ണോഡുഗാട്ടി ഒഡിക്കിപഡിക്കി സാമാനഗണ ഒദിക്കി ബെത്തിര്‌ക്ക കൂരേന പാസെ അയാള് ഇര്‌ക്കാദ്‌ണ കാണ്‌ദ്. 26അക്കുളെ അയ്യി കെ്ട്ടജാദി പോയി തനാണ ബ്‌ഡ റമ്പ കെ്ട്ടാദ് സെയ്‌ര ഏ്ള് കെ്ട്ടജാദിഗണ ഗൂഡി കൂട്ടി ബന്ത് അദ്‌ഗ ഒന്റായി അയാളിലി തങ്ക്‌ദ്. അച്ചെ അയാള്‌ദ് കഡേസില്യ പെ്ളേപ്പ് മുദ ഇര്‌ന്താദ്‌ണ ബ്‌ഡ ഒരേപെ്ട്ട് കെ്ട്ട് കെ്ഡ്‌ണാറി എക്ക്‌ദ്.>>
സെരിക്കുള്ള പിര്യ
27ഏസു ഇദ്‌ണ സൊല്ലുഗാട്ടി ആള്‌കൂട്ടാത്തിലിര്‌ന്ത് ഒരുത്തി: <<ണിനാണ ബേ്റായി പ്‌റാത്തി പാലൂട്ടി ബളാത്തിനവ ബാഗ്യക്കാറിസിത്തെ>> എന്ത് ഒളേത്ത് സൊന്ന.
28ആന ഏസു: <<സാമി സൊല്ലുസുലാക്കണ കേ്ട്ട് അദേപാസെ ണഡാക്കവാര്‌ത്തെ ഇദ്‌ണ ബ്‌ഡ ബാഗ്യക്കാറാര്>> എന്ത് സൊന്നാ്.
അഡ്യാള കാട്ട്യ സൊല്ലുറാര്
29മൊത്തന ആള്‌ഗ ബന്ത് തുമ്പികൊണ്ടിര്‌ക്കാട്ടി ഏസു അവാര്‌ക്ക് ഇച്ചെ സൊന്നാ്: <<ഇപ്പേത്ത കാലാത്തില്യ ആള്‌ഗ കേ്ഡ്‌ഗെ്ട്ട് ണഡാക്കവാര്‌ത്തെ. തമ്മ അഡ്യാള പരാക്കാര്. സാമിദാസ് ആന ജോനാന്‌ക്ക് ണഡാന്ത അഡ്യാള അല്ലാദെ ബേ്റെ ഒരു അഡ്യാള ണിമാക്ക് കെ്ഡേക്കമാട്ട. 30ണിനവെക്കാറാര്‌ക്ക് ജോനാ് അഡ്യാള ആയിര്‌ന്ത പാസെ മന്‌സാനായി പ്‌റാന്ത ണാന്, ഇപ്പേത്ത കാലാത്തില്യവാര്‌ക്ക് അഡ്യാള ആയിര്‌ക്കു. 31എത്തിന്യൊ ബര്‌സ മുന്തുക്ക് എമ്മാട്ടൊ ദൂര ഇര്‌ക്ക തെക്കേത്ത ണാഡ് റാണി സലോമോന്‌ദ് ബുദ്ദിണായ കേ്ക്ക്യ ബന്ത. സലോമോന്‌ണ ബ്‌ഡ ബെല്ല്യവാ് ഇദിലി ഇര്‌ക്കാ് എന്ത് ണാന് സൊല്ലുറെ. ആന ഇപ്പേത്ത ആള്‌ഗ അയാള് സൊല്ലുറ ണായ കേ്ക്കാദില്ലെ. അദ്‌ണാലെ സാമി ണായ ബിദിക്ക ണാള് ഇപ്പേത്ത കാലാത്തില്യ ആള്‌ഗാദൊപ്പ അവാമ് ഉജുറെ്ന്ത് അവാര്‌ണ കുറ്റക്കാറാര് എന്ത് ബിദിക്കുവ. 32എത്തിന്യൊ ബര്‌സ മുന്തുക്ക് ണിനവെക്കാറാര് ജോനാ് സൊന്ന ണായ കേ്ട്ട് സാമി സാരി തിലിമ്പിനാര്. ജോനാന ബ്‌ഡ ബെല്ല്യവാ് ഇദിലി ഇര്‌ക്കാ് എന്ത് ണാന് ണിമാക്കെ സൊല്ലുറെ. ആന ഇപ്പെത്തവാര് അയാള് സൊല്ലുറ ണായണ കേ്ക്കാദ്‌മില്ലെ. അദ്‌ണാലെ സാമി ണായ ബിദിക്ക ണാളിലി ഇപ്പേത്ത കാലാത്തില്യ ആള്‌ഗാദൊപ്പ ണിനവെക്കാറാര് ഉജുറെ്ന്ത് അവാര്‌ണ കുറ്റക്കാറാര് എന്ത് ബിദിക്കുവാര്.>>
കണ്ണ് സരിഗലാക്ക് ബ്‌ളാക്ക്
33<<ബ്‌ളാക്ക്‌ണ കത്തിസി ആര്‌മ് തെക്ക്‌ണ കമ്‌സ്യൊ, ഇല്ലെ പട്ടഡെക്കഡ്യോ ബെക്കാദില്ലെ. അദ് കൂരേക്കെ ബര എല്ലാര്‌ക്ക്‌മ് ബെ്ള്‌സ കാട്ട്‌റ പാസെ മദ്‌ള്‌ക്കുദാക്ക്‌ത്തെ ബെക്കാദ്. 34ണിമ്മ്‌ദ് കണ്ണ്‌ത്തെ സരിഗലാക്കുള്ള ബ്‌ളാക്ക്. ണിമ്മ് കണ്ണ് ണലമായി കാട്ട്‌ഗാട്ടി സരിഗല ഒട്ടുക്ക് ബെ്ള്‌സ ആയിര്‌ക്കു. ആന കണ്ണ് കെ്ട്ടെക്കിന സരിഗല മുച്ചുഡ ഇ്റ്‌ട്ട് കെ്ട്ട്യെക്കു. 35അദ്‌ണാലെ ണിനാക്കിര്‌ക്ക ബെ്ള്‌സ ഇ്റ്‌ട്ടാഗാദെ ഇര്‌ക്ക്യ സൊക്കാന ണോഡികൊള്ളിരി. 36അച്ചെ ബെ്ള്‌സ ണിമ്മ് സരിഗലണ മുച്ചുഡ മുച്ചി സെറ്റെ ഗൂഡി ഇ്റ്‌ട്ടില്ലാദാഗാട്ടി ഒരു ബ്‌ളാക്ക് ബെ്ള്‌സ അഡിക്ക പാസെ ണിമ്മ് സരിഗല മുച്ചുഡ ബെ്ള്‌സ അഡിക്കു.>>
പരിസലണാമ് ബേദ ബാത്ത്യലണാമ് ഏസു കുറ്റ സൊല്ലുറാ്
37ഏസു സൊല്ലി തീന്ത പ്‌റ ഒരു പരിസാ് ബന്ത് തന്ന്‌ദൊപ്പ സാപാഡ് തിന്ന്യ ഒളേത്താ്. ഏസു പരിസാന്‌ദ് കൂരേക്കെ എജ്ജി തീനി തിന്ന്യ കുക്കാന്താ്. 38എഗുദാര് സട്ടപഡി സാപാഡ് തിങ്കാദ്‌ക്ക് മുദ കയ്യി കച്ചാദെ ഏസു തിന്ന്യ കുക്കാന്താദ്‌ണ കണ്ട് പരിസാ് അദിസ്യപട്ടാ്.
39ആന ആണ്ടവാ് പരിസാന്‌ക്കെ ഇച്ചെ സൊന്നാ്: <<പരിസല ആയിര്‌ക്ക ണിമ്മ ക്‌ണ്ണണാമ് ഗളാസ്‌ണാമ് ബെ്ള്യെ ണലമായി കച്ച്‌റേര്. ആന എത്തിനി കെ്ഡേത്താല്‌മ് മദിവരാത്ത ആസെപാഡ്‌മ് എല്ല കെ്ട്ട ണെനേവുഗാമ് ണിമ്മ്‌ദ് മനേസ്സിലി തുമ്പിര്‌ക്ക്‌ദ്. 40ഇദായി കിവുഡലാഗെ, ബെ്ള്യെ ഇര്‌ക്കാദ്‌ണ ഉണ്ടാക്കിനാവാ്ത്തെ ഉള്ളുക്കു ഇര്‌ക്കാദ്‌ണാമ് ഉണ്ടാക്കിര്‌ക്കാനല്ല? 41ആന ണിമാക്കിര്‌ക്കാദ്‌ണെല്ല ഏ്ളെഗാക്ക് ദാനദറ്‌മ്മ സെയ്‌ദ് കൊണ്ട് ണിമ്മ് മനേസ്സ്‌ണ സുത്താപ്പാക്കിരി. അപ്പ് ണിമാക്കിര്‌ക്കാദെല്ല സുത്താപ്പാവു.
42പരിസലാഗെ, ണിമാക്ക് സെറ്റെ കജട്ട കജട്ടത്തെ! കല്‌പൂരതൊളസി, കരാമ്പെലെ, കീരെസൊപ്പ് ഇച്ചെ എല്ല ദിന്‌സിലിര്‌ക്ക സിന്ന സിന്ന സെ്ഡിഗളിലിര്‌ന്ത് ണിമ്മ സാമിക്ക് പത്തിലി ഒരു പങ്ക് കൊഡുക്കേര്. ആന ണേര്‌മെക്കാറാരായിര്‌ക്ക്യാമ്, സാമ്യോഡെ സീവാ് ബ്‌ട്ട് ണഡാക്ക്യാമ് ണിമാക്ക് മനേസ്സില്ലെ. മുദ സെയ്‌ദ കാര്യണ തപ്പ്‌സാദേമ് റണ്ടാവദ് സൊന്ന കാര്യ സെയ്‌ദ്‌മിര്‌ക്കുഡൊ.
43പരിസലാഗെ, ണിമാക്ക് സെറ്റെ കജട്ട കജട്ടത്തെ! എഗുദാര് പരേസ്‌റ കൂരെക്ക്‌റാഗ മുക്ക്യമാന എ്ഡേലി കുക്കാക്ക്യാമ് സന്തേക്ക്‌റാഗ ഇര്‌ക്കവാരോഡിര്‌ന്ത് മദ്‌പ്പ് കെ്ഡേസ്യാമ്, ണിമ്മ ആസെപഡ്‌റേര്.
44സുഡാലെ എന്ത് ണെപ്പ്‌കെ്ഡേസ്യ കല്ല് ബെക്കാത്ത സുഡാലെഗണ പാസെത്തെ ണിമ്മ. അദ്‌ണാലെ ണിമാക്ക് സെറ്റെ കജട്ട കജട്ടത്തെ. ഇദ് സുഡാലെ എന്ത് തെര്യാദെ ആള്‌ഗ ഇദ്‌ക്കുദ്ദാക്ക് ണഡാക്കാര്.>>
45അക്കുളെ എഗുദ ബേദ ബാത്ത്യലാദി ഒരുത്താ്: <<ഗുരുവെ ഇച്ചെ സൊല്ലി എമാണ ഗൂഡി ണീ ണാണഗെ്ഡ്‌സ്‌റെ അല്ല>> എന്ത് ഏസുക്ക് സൊന്നാ്.
46അക്കുളെ ഏസു ഇച്ചെ സൊന്നാ്: <<ബേദ ബാത്ത്യലാഗെ, ണിമാക്ക് സെറ്റെ കജട്ട കജട്ടത്തെ! മന്‌സാര്‌ക്ക് അജ്‌ങ്ക്യ മുഡ്യാത്ത ബുദ്ദിമുട്ടിര്‌ക്ക സട്ടഗാക്ക് കെ്ട്ട്‌പട്ട് ണഡാക്ക്യ ണിമ്മ അവാര്‌ണ ബെക്കേര്. ആന അവാര് ബെക്ക സട്ടപഡി ണഡാക്ക്യ ആള്‌ഗാക്ക് അവാര് ഒരു ഉദാവി ഗൂഡി സെയ്‌രാദില്ലെ.
47ണിമാക്ക് സെറ്റെ കജട്ട കജട്ടത്തെ! എന്ത്‌ക്കെന്റ ണിമ്മ് പാട്ടല കൊന്റ സാമിദാസ്‌ഗാദ് പൊദേവഗണ ണിമ്മ ണല്ലാദാക്ക്‌റേര്. 48അച്ചെ ണിമ്മ് പാട്ടല സെയ്‌ദാദ് ണേര്‌ത്തെ എന്ത് ണിമ്മ കാട്ടി കൊഡുക്കേര്. അവാര് സാമിദാസ്‌ഗണ കൊന്റാര്. ണിമ്മ അയ്യി സാമിദാസ്‌ഗ പൊദേവണ ണല്ലാദാക്ക്‌റേര്.#11:48അവാര് സാമിദാസ്‌ഗണ കൊന്റാര്. ണിമ്മ അയ്യി സാമിദാസ്‌ഗ പൊദേവണ ണല്ലാദാക്ക്‌റേര്. ണേരാത്തി പെ്ളേത്തിര്‌ന്ത സാമിദാസ്‌ലാണ തമ്മ മദ്‌സ്‌റേര് എന്ത് ആള്‌ഗ കാണ്യ ബേ്ണ്ടിത്തെ അയ്യി സാമിദാസ്‌ഗ പൊദേവണ ണല്ലാദാക്കിനാദ്. ആന അയ്യി സാമിദാസ്‌ഗ പഡിസിര്‌ന്ത കാര്യഗാക്ക് കെ്ട്ട്‌പട്ട് ണഡാക്കാദെ അവാര്‌ണ കൊന്റ തമ്മ് പാട്ടലണ ബ്‌ഡ തമ്മ ണല്ലവാരല്ല എന്ത് ഇവാര് കാട്ടിനാര്. 49അദ്‌ണാലെ സാമിദ് ബുദ്ദി ഇച്ചെ സൊല്ലുദ്: <ണാന് സാമിദാസ്‌ഗണാമ് അപ്പൊസലലണാമ് അവാര് പട്ട്‌ക്കെ സൊല്ലിബ്‌ഡുവെ. സാമിദാസ്‌ഗാദി ലേസ ആള്‌ഗണ കൊഡിമേമ് പഡ്‌സുവാര്. ലേസ ആള്‌ഗണ കൊന്റുമ് തള്ളുവാര്.> 50ഉലഗ ഉണ്ടാന കാലാത്തിര്‌ന്തെ ണിമ്മ് പാട്ടല സാമിദാസ്‌ഗണ കൊന്റുകൊണ്ട് ഇര്‌ന്തിര്‌ക്കാര്. ഇപ്പ് പെ്ളേക്ക ണിമ്മ എല്ലാര്‌മ് അയ്യി കൊലേക്ക് പൊറുപ്പുക്കാറാര് ആയിര്‌ക്കുവേര്. 51അച്ചെ ആവേല്‌ണ കൊന്റ കാലാത്തിലിര്‌ന്ത് പലി കൊഡുക്ക മദ്‌ള്‌ക്ക്‌മ് സാമികൂരേദ് അരാങ്ക കുച്ചുക്ക്‌മ് ണഡ്‌ക്കെ ബെത്ത് കൊലെ സെയ്‌ദ സെക്കര്യാവു പെ്ളേത്തിര്‌ന്ത കാലമാട്ട്‌ക്ക് കൊന്റവാര്‌ദ് കുറ്റാക്ക് ഇപ്പ് പെ്ളേക്ക ണിമ്മ എല്ലാര്‌മ് പൊറുപ്പുക്കാറാര്‌ത്തെ എന്ത് ണാന് ണിമാക്കെ സൊല്ലുറെ.
52ബേദ ബാത്ത്യലാഗെ ണിമാക്ക് സെറ്റെ കജട്ട കജട്ടത്തെ! ആള്‌ഗാക്ക് സാമിന തെരിരാദ്‌ക്കുള്ള അറുവു എങ്ക ബാസഗണ ണിമ്മ അഡേത്ത് എക്ക്‌റേര്. ണിമാക്ക്‌മ് സാമിന തെരിരാദില്ലെ. സാമിന തെര്യ ആസെപഡ്‌റവാര്‌ണ അദ്‌ക്ക് ബ്‌ഡ്‌റാദ്‌മില്ലെ.>>
53-54ഏസു അദിലിര്‌ന്ത് പോഗാട്ടി ബേദ ബാത്ത്യലാമ് പരിസലാമ് അയാളോഡെ മൊനേക്ക് തെ്ട്ടികൊണ്ട് എത്തിന്യൊ കാര്യഗണ പറ്റി കേ്ള്‌വി കേ്ക്ക്യ പ്‌ഡിത്താര്. അയാള് സൊല്ലുറ ണായാത്തിലി കുറ്റ കണ്ട് അയാള്‌ണ സിക്കിസ്യ ബേ്ണ്ടിത്തെ അവാര് അച്ചെ സെയ്‌ദാദ്.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature