ലൂക്കോസ് 15
15
കാണാദായെക്കിന കൊറ്യാഡ്‌ദ് കദെ
1ഏസു സൊല്ലുറാദ്‌ണ കേ്ക്ക്യ ണ്‌ഗ്‌ദി പിരിക്കവാര്‌മ് പാവിഗാമ് അവാ് പട്ട്‌ക്കെ ബന്താര്. 2ആന പരിസലാമ്, ബേദ ബാത്ത്യലാമ്: <<ഇവാ് പാവ സെയ്‌രവാര്‌ണ കയ്യേന്തി അവാര്‌ദൊപ്പ സാപാഡ് തിങ്കാനെ>> എന്ത് സൊല്ലി ങ്കൊറുങ്കൊറുത്താര്.
3അക്കുളെ ഏസു അവാര്‌ക്കെ ഇച്ചെ ഒരു കദെ ബ്‌ട്ടാ്: 4<<ണിമ്മ് കൂട്ടാത്തിലി ആരാറ്റ്‌ക്ക് ണൂറ് കൊറ്യാഡ് ഇര്‌ക്ക്‌ദ് എന്ത് ബെയ്യിരി. അദിലി ഒരു കൊറ്യാഡ് കാണാദായെക്കിനാക്കി തൊന്നൂറ്റി ഒമ്പാദ് കൊറ്യാഡ്‌ണാമ് ബെ്ട്ടെകാഡ്‌ക്ക് താനെ ബ്‌ട്ടെക്കി കാണാദായെക്കിന കൊറ്യാഡ്‌ണ കെ്ഡേസമാട്ട് പരാന്ത് ണഡാക്കമാട്ടാന? 5അച്ചെ കൊറ്യാഡ്‌ണ പരാന്ത് കെ്ഡേസിനാക്കി പിര്യപിര്യാത്ത് സിവാല്‌ക്കെ ഏ്റ്‌സി കൂരേക്കെ എ്ഡ്‌ത്ത് പോവാ്. 6ബന്ത പ്‌റ തന്ന് എ്ണേവുക്കാറാര്‌ണാമ് അര്‌ഗെ കൂരെക്കാറാര്‌ണാമ് ഒളേത്ത് ബര്‌സി കാണാദായെക്കിന കൊറ്യാഡ് കെ്ഡേത്ത്‌ദ്. ണിമ്മാമ് എന്ന്‌ദൊപ്പ ബന്ത് പിര്യപൊങ്കിരി എന്ത് അവാര്‌ക്ക് സൊല്ലമാട്ടേര? 7അദേപാസെത്തെ പാവ സെയ്‌രാദ്‌ണ തള്ള്യെക്കി സാമി സാരി തിലിമ്പ്യ തേവില്ലാത്ത തൊന്നൂറ്റി ഒമ്പാദ് ണേര്‌മെക്കാറാര്‌ണ ബ്‌ഡ പാവ സെയ്‌രാദ്‌ണ തള്ള്യെക്കി സാമി സാരി തില്‌മ്പ്‌റ ഒരു പാവ സെയ്‌രവാന ണെനേത്ത് മേലോഗാത്തിലി റമ്പ പിര്യപൊങ്കുവാര് എന്ത് ണാന് ണിമാക്കെ സൊല്ലുറെ.>>
കാണാദായെക്കിന ബെ്ള്ളി പണ കദെ
8<<അല്ലാദെ പോന, ഒരുത്തിക്ക് പത്ത് ബെ്ള്ളി പണ ഇര്‌ന്ത്‌ദ് എന്ത് ബെയ്യിരി. അദിലി ഒരു ബെ്ള്ളി പണ കാണാദായെക്കിന അവ ബ്‌ളാക്ക് കത്തിസി കൂരെ മുച്ചുഡ ഒഡിക്കിപഡിക്കി പരാക്കാദെ ഇര്‌ക്കുവാള? 9അദ് കെ്ഡേത്താക്കി അര്‌ഗെ കൂരെക്കാറാര്‌ണാമ്, എ്ണേവുക്കാറാര്‌ണാമ് അവ ഒളേത്ത് ബര്‌സി: <കാണാദാന അയ്യി ബെ്ള്ളി പണ കെ്ഡേത്ത്‌ദ്. അദ്‌ണാലെ എന്ന്‌ദൊപ്പ ബന്ത് പിര്യപൊങ്കിരി> എന്ത് സൊല്ലുവ. 10അദേപാസെ പാവ സെയ്‌രാദ്‌ണ തള്ള്യെക്കി സാമി സാരി തില്‌മ്പ്‌റ പാവ സെയ്‌ദ് ണഡാക്ക ഒരുത്താന ണെനേത്ത് സാമിദൂദല പട്ടിലി പിര്യപൊങ്കുവാര് എന്ത് ണാന് ണിമാക്കെ സൊല്ലുറെ.>>
കൂരേന ബ്‌ട്ട് പോന മഗാന്‌ദ് കദെ
11ഏസു പിന്നേമ് ഒരു കദെ ബ്‌ട്ടാ്: <<ഒരുത്താന്‌ക്ക് റണ്ട് മഗനാര് ഇര്‌ന്താര്. അദിലി സിന്ന മഗാ് അപ്പാന്‌ക്കെ: 12<അപ്പ, ഈ സൊത്തിലി എനാക്കുള്ളാദ്‌ണ ബാഗ ഇക്കി താ എന്ത് കേ്ട്ടാ്> അക്കുളെ അപ്പനച്ചാ് അയ്യി സൊത്തിലി റണ്ട് ആള്‌ക്ക്‌മ് ബാഗ ഇക്കി കൊഡുത്താ്.
13തന്ന് പങ്ക്‌ണ കെ്ഡേസി അയാള്‌ദ് സിന്ന മഗാ് അദിഗ ണാള് ആഗാത്ത മുദതാനെ എമ്മാട്ടൊ ദൂരാത്തിലിര്‌ക്ക ബേ്റെ ണാഡ്‌ക്ക് പോനാ്. അദിലി ബെത്ത് തന്ന് പങ്ക്‌ണ കണ്ടപഡിക്ക് ണഡാന്ത് ദാറ്‌ബൂറ ആക്ക്യെക്കിനാ്. 14അച്ചെ കയ്യിലിര്‌ന്താദ്‌ണെല്ല ദാറ്‌ബൂറ ആക്ക്യെക്കിന പ്‌റ അയ്യി ണാഡിലി റമ്പ പഞ്ച ബന്ത്‌ദ്. അദ്‌ണാലെ അയാള്‌ക്ക് തീനി കെ്ഡേക്കാദെ ബലേന്താ്. 15അക്കുളെ അവാ് അയ്യി ണാഡിലി ഒരുത്താന്‌ദ് പട്ട്‌ക്ക് ബേലേക്ക് പോനാ്. അയാള് അവാന തന്ന് കാഡിലി പന്റിഗണ മേസ്യ ബ്‌ട്ടാ്.#15:15അയാള് അവാന തന്ന് കാഡിലി പന്റിഗണ മേസ്യ ബ്‌ട്ടാ്: എഗുദാര് സട്ടപഡി പന്റി പലി കൊഡുക്ക്യ മുഡ്യാത്ത അയിത്ത്യുള്ള ബേ്ണ്ട്‌ഗാത്തെ. എഗുദാര് സട്ടപഡി പന്റിന തിന്ന്യ പറ്റമാട്ട. അദ്‌ണാലെ എഗുദാര് പന്റി മേസ്‌റവാര്‌ണാമ് പന്റിനാമ് സാത്ത്‌റപട്ടിര്‌ന്താര്. 16അവാ് പന്റിക്ക് കൊഡുക്ക തീനി എന്താല് കെ്ഡേത്ത പജി ആറ്യ ആയിര്‌ന്ത്‌ദ് എന്ത് ആസെപട്ടാ്. ആന അദ് ബീസാക്ക് അവാന്‌ക്ക് കെ്ഡേക്കാലെ.
17അക്കുളെ അവാന്‌ക്ക് ബുദ്ദി ബന്ത്: <മ്മ, എന്ന് അപ്പാ് കൂരേല്യ ബേലെക്കാറാര് ബേ്റ് തുമ്പ തിന്ത് മിച്ചസൊച്ച ആക്ക്‌റാര്. ആന ണാന് ഈങ്ക് പജി ക്‌ഡാന്ത് സാരെ. 18ണാന് എ്ന്ത് അപ്പാ് പട്ട്‌ക്ക് തിലിമ്പി പോയി ഇച്ചെ സൊല്ലുവെ: <<അപ്പ, ണിനാക്ക്‌മ് സാമിക്ക്‌മ് ണാന് പാവ സെയ്‌ദിര്‌ക്കെ. 19ണിന്ന് മഗാ് എന്ത് സൊല്ല്യാതാനെ എനാക്ക് ഇനി തഗ്‌ദില്ലെ. ണിന്ന്‌ദ് ബേലെക്കാറാരിലി ഒരുത്താന പാസെ എനാണ ബെക്കുഡോമെ>> > എന്ത് സൊന്നാ്. 20അച്ചെ അവാ് എ്ന്ത് തന്ന് അപ്പാ് പട്ട്‌ക്ക് താനെ തിലിമ്പി പോനാ്.
എമ്മാട്ടൊ ദൂരാത്തിലിര്‌ന്ത് താനെ അവാന്‌ദ് അപ്പാ് അവാന കണ്ട്, കറ്‌മ്മ പ്‌ഡിത്ത് ഓഡി പോയി ബാരിപ്‌ഡിത്ത് മുത്തമിക്കിനാ്. 21അവാ് അപ്പാന്‌ക്കെ: <അപ്പ, ണിനാക്ക്‌മ് സാമിക്ക്‌മ് ണാന് പാവ സെയ്‌ദിര്‌ക്കെ. അദ്‌ണാലെ ണാന് ഇനി ണിന്ന് മഗാ് എന്ത് സൊല്ല്യ തഗ്‌ദി ഇര്‌ക്കവാനല്ല> എന്ത് സൊന്നാ്.
22ആന അവാന്‌ദ് അപ്പാ് തന്ന് ബേലെക്കാറാര്‌ക്കെ: <ണിമ്മ ബേഗ പോയി ണല്ല ബെലെപെറ്റ ഉഡുപ്പ് എ്ഡ്‌ത്ത് ബന്ത് ഇവാന്‌ക്ക് ഇക്കിസിരി. ബിരാല്‌ക്ക് മോദ്‌റാമ് കാല്‌ക്ക് സെര്‌പ്പ്‌മ് ഇക്കിസിരി. 23ണല്ല മിജ്‌മിജിര്‌ക്ക ഒരു ഓരി ക്‌ഡാരിന അറ്‌ത്ത് ബിര്‌ന്ത് അഡിരി. തിന്ത്‌കുഡിത്ത് പിര്യപൊങ്കില. 24എന്ന് ഈ സിന്ന മഗാ് സത്ത് പോനവാന പാസെ ആയിര്‌ന്താ്. ഇപ്പ് അവാ് ഉജുറോഡെ കെ്ഡേത്തിര്‌ക്കാ്. അവാ് കയ്യി ബ്‌ട്ട് പോനവാ് ആയിര്‌ന്താ്. ആന ഇപ്പ് അവാ് എന്ന് കയ്യിക്ക് കെ്ഡേത്തിര്‌ക്കാ്> എന്ത് സൊന്നാ്. അച്ചെ അവാര് റമ്പ പിര്യപൊങ്ക്യ പ്‌ഡിത്താര്.
25അയ്യി ഗള്യേലി കാഡിലിര്‌ന്ത് ബന്ത അയാള്‌ദ് ബെല്ല്യ മഗാ് കൂരെ പട്ട്‌ക്കെ എജ്ജ്‌ഗാട്ടി, ആട്ട്‌പാട്ട് ണഡാക്ക ജദ്ദണ കേ്ട്ട്: 26ബേലെക്കാറാരിലി ഒരുത്താന ഒളേത്ത്: <ഇദിലി എന്ത ണഡാക്ക്‌ദ്> എന്ത് കേ്ട്ടാ്. 27അക്കുളെ ബേലെക്കാറാ്: <ണിന്ന് തമ്പി തിലിമ്പി ബന്തിര്‌ക്കാ്. അവാ് ഒരു കേ്ഡ്‌പാഡില്ലാദെ ണിന്ന് അപ്പാ് കയ്യിക്ക് കെ്ഡേത്താദ്‌ണാലെ ണല്ല മിജ്‌മിജിര്‌ക്ക ഓരി ക്‌ഡാരിന അറ്‌ത്ത് ബിര്‌ന്ത് അട്ട്‌റ്‌ക്കാ്> എന്ത് സൊന്നാ്.
28അക്കുളെ അവാന്‌ക്ക് മൊനെ ബന്ത് കൂരേക്കെ പുക്ക്യ മനേസ്സ് ബരാദെ ബെ്ള്യെ താനെ ണിന്റാ്. അപ്പാ് ബെ്ള്യെ ബന്ത്: <കൂരേക്കെ സെറ്റെ ബാപ്പ> എന്ത് ഒളേത്താ്. 29അക്കുളെ അവാ്: <ണമ്മ് കൂരെകാഡിലി ണാന് എത്തിന്യൊ കാല ഒരു പണ്ണ്യക്കാറാന പാസെ ബേലെ സെയ്‌ദെ. ണാന് എപ്പ്‌മ് ണീ സൊല്ലുറാദ്‌ക്ക് മീ്റി ഒന്റുമ് സെയ്‌രാദില്ലെ. ആന എന്ന് എ്ണേവുക്കാറാരോഡെ എജേന്ത് തിന്ത്‌കുഡിത്ത് പിര്യപൊങ്ക്യ ഒരു ആഡ് കുട്ടിന ബീസാക്ക് ണീ എനാക്ക് തരാലെ. 30ആന ബേസിഗളോഡെ എജേന്ത് ണിന്ന് മുദാല്‌ഗണെല്ല ദാറ്‌ബൂറ ആക്ക്യെക്കിന മഗാ് ബര്‌ഗാട്ടി അവാന്‌ക്ക് ണീ ണല്ല മിജ്‌മിജിര്‌ക്ക ഓരി ക്‌ഡാരിന അറ്‌ത്ത് ബിര്‌ന്തട്ട് കൊഡുത്തേനല്ല> എന്ത് സൊന്നാ്.
31അദ്‌ക്ക് അപ്പനച്ചാ്: <മഗാനെ, ണീ എപ്പ്‌മ് എന്നൊപ്പതാനെ ഇര്‌ക്കെ. എനാക്ക് ഇര്‌ക്കാദെല്ല ണിനാക്കുള്ളാദ്‌ത്തെ. 32ആന ണിന്ന് തമ്പി സത്ത് പോനവാന പാസെ ആയിര്‌ന്താ്. അവാ് ഇപ്പ് ഉജുറോഡെ കെ്ഡേത്തിര്‌ക്കാ്. ഇവാ് കയ്യി ബ്‌ട്ട് പോയിര്‌ന്താ്. ഇപ്പ് കയ്യിക്ക് കെ്ഡേത്തിര്‌ക്കാ്. അദ്‌ണാലെ ണമ്മ കണ്ടിപ്പായി മദിമറാന്ത് പിര്യപൊങ്കുഡൊ> എന്ത് സൊന്നാ്.>>
Currently Selected:
ലൂക്കോസ് 15: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
