ലൂക്കോസ് 18
18
ഒരു മ്‌ണ്ടേസിമ് ണായക്കാറാന്‌മ്
1സോറ്റു പോഗാദെ പരേസ്‌റാദ്‌ണ പറ്റി പഡിസ്യ ഏസു തന്ന് സൊല്ലുപഡി ണഡാക്കവാര്‌ക്ക് ഒരു കദെ ബ്‌ട്ടാ്. 2<<ഒരു പട്ടണാത്തിലി സാമിന കോവെപഡാത്തവാന്‌മ് ആള്‌ഗ തനാണ പറ്റി എന്ത സൊല്ലുവാര് എന്ത ണെനേവില്ലാത്തവാന്‌മാന ഒരു ണായക്കാറാ് ഇര്‌ന്താ്. 3അദേ പട്ടണാത്തിലി താനെ ഒരു മ്‌ണ്ടേസിമ് ഇര്‌ന്ത. അവ എ്ഡേക്കെ്ഡേക്ക് അയ്യി ണായക്കാറാ് പട്ട്‌ക്ക് ബന്ത്: <എനാണ കൊഡിമെപഡ്‌സ്‌റവാ് കയ്യിലിര്‌ന്ത് ണായ പേസി മുഡിവാക്കി തരുഡോമെ> എന്ത് സൊന്ന.
4ആന അയാള്‌ക്ക് എത്തിന്യൊ ണാള് അദ്‌ണ സെയ്‌ദ് കൊഡുക്ക്യ മനേസ്സില്ലാദെ ഇര്‌ന്താ്. പ്‌റ അയാള്: <എനാക്ക് സാമിന കോവേമില്ലെ, ആള്‌ഗ എനാണ പറ്റി എന്ത സൊല്ലുവാരെന്ത് ണാന് ണെനേക്കാദ്‌മില്ലെ. 5ആനാല്‌മ് ഈ മ്‌ണ്ടേസി എനാണ ബന്ത് ണച്ചിരി അഡിക്കാദ്‌ണാലെ ണാന് അവാക്ക് ണായ പേസി മുഡിവാക്കി കൊഡുക്കുവെ. അച്ചെ സെയ്യാദെ പോന അവ പിന്നേമ് ബന്ത് എനാണ റമ്പ ണച്ചിരി അഡിക്കുവ> എന്ത് മനേസ്സിലി ണെനേത്താ്.>>
6പ്‌റ ആണ്ടവാ് ഇച്ചെ സൊന്നാ്: <<ണേര്‌മെക്കാറാ് അല്ലാത്ത ഈ ണായക്കാറാ് സൊന്നാദ്‌ണ കേ്ളിരി. 7അച്ചാനാക്കി ഉദാവിക്ക് ഇ്റ്‌ട്ട്‌പഗാല് തനാണ ണെനേത്ത് അഗ്‌റ താന് തെരിന്തെ്ഡ്‌ത്തിര്‌ക്ക ആള്‌ഗാക്ക് സാമി ണായ പേസി മുഡിവാക്കി കൊഡുക്കമാട്ടാന? അദ് സട്ടന സെയ്‌ദ് കൊഡുക്കമാട്ടാന? 8സാമി സട്ടന അവാര്‌ക്ക് ണായ പേസി മുഡിവാക്കി കൊഡുക്കുവാനെന്ത് ണാന് ഒറേപ്പായി സൊല്ലുറെ. ആന മന്‌സാനായി പ്‌റാന്ത ണാന് ബൂമിക്കെ ബര്‌ഗാട്ടി ണമ്പിക്കെ ഇര്‌ക്കവാര്‌ണ കാണ്യ മുഡ്യുമ?>>
ണ്‌ഗ്‌ദി പിരിക്കവാന്‌ദ്‌മ് പരിസാന്‌ദ്‌മ് കദെ
9തമ്മ ണേര്‌മെക്കാറാര് എന്ത് പെര്‌മെപട്ട് അഡ്‌ത്തവാര്‌ണ ണാണഗെ്ഡ്‌സ്‌റ ലേസ ആള്‌ഗാക്ക് ഏസു ഒരു കദെ ബ്‌ട്ടാ്: 10<<റണ്ട് ആള് സാമികൂരേക്കെ പരേസ്യ പോനാര്. അദിലി ഒരുത്താ് പരിസാന്‌മ് പിന്നെ ഒരുത്താ് ണ്‌ഗ്‌ദി പിരിക്കവാന്‌മ് ആയിര്‌ന്താ്. 11പരിസാ് ഒച്ചാരി പോയി ണേരെ ണിന്റ് കൊണ്ട് ഇച്ചെ പരേസിനാ്: <സാമ്യെ, ണാന് പ്‌ഡിങ്കിപറ്‌ത്ത് എ്ഡ്‌ക്കവാര്‌ണ പാസെഗൊ, കേ്ഡ്‌ഗെ്ട്ട് ണഡാക്കവാര്‌ണ പാസെഗൊ, ബേസ്യാഡ്‌റവാര്‌ണ പാസെഗൊ, ഈ ണ്‌ഗ്‌ദി പിരിക്കവാന പാസെഗൊ അല്ലാത്താദ്‌ണാലെ ണാന് ണിനാക്ക് ണണ്ണി സൊല്ലുറെ. 12ബാരാത്തിലി റണ്ട് ജമ്പ് തീനി തിന്നാത്ത പരേസ പരേസ്‌റെ. എല്ല മുദാലിലി ഇര്‌ന്ത്‌മ് പത്തിലി ഒരു പങ്ക് ണിനാക്ക് തരെ.>
13ആന ണ്‌ഗ്‌ദി പിരിക്കവാനൊ എമ്മാട്ടൊ ണിന്റ് മേലോഗണ ണോഡ്യ ഗൂഡി മനേസ്സില്ലാദെ ദുക്കപട്ട്‌കൊണ്ട് <സാമ്യെ, ഈ പാവിന ബേ്റ്‌വായി ബേഡോമെ> എന്ത് പരേസിനാ്.
14ണാന് ണിമാക്കെ സൊല്ലുറെ, ണ്‌ഗ്‌ദി പിരിക്കവാ് സാമി മുന്തുക്ക് ണേര്‌മെക്കാറാനായി കൂരേക്കെ പോനാ്. ആന പരിസാ് തനാണതാനെ ഉജാത്തിനാ്. തനാണതാനെ ഉജാത്തി കെ്ട്ട്‌റവാന താത്തി കെ്ട്ടുവാ്. തനാണതാനെ താത്തി കെ്ട്ട്‌റവാന ഉജാത്തി കെ്ട്ടുവാ്.>>
ഏസു സിന്ന മക്കഗാക്ക് ബാക്ക്‌വര കൊഡുക്കാ്
15ലേസ ആള്‌ഗ തമ്മ് മക്കഗണ കയ്യി ബെത്ത് പരേസി ബ്‌ഡ്യ ഏസു പട്ട്‌ക്കെ എ്ഡ്‌ത്ത് ബന്താര്. അദ്‌ണ കണ്ട് അവാര്‌ണ ഏസുദ് സൊല്ലുപഡി ണഡാക്കവാര്‌ഗ സണ്ടെ കൊഡുത്താര്. 16ആന ഏസു മക്കഗണ തന്ന് പട്ട്‌ക്ക് ഒളേത്ത് തന്ന് സൊല്ലുപഡി ണഡാക്കവാര്‌ക്കെ: <<അയ്യി മക്കഗണ എന്ന് പട്ട്‌ക്കെ ബര്യ ബ്‌ഡിരി. അവാര്‌ണ തഡ്‌ക്ക ബേ്ഡ. എന്ത്‌ക്കെന്റ അയ്യി മക്കഗണ പാസെ ഇര്‌ക്കവാര്‌ണാത്തെ സാമി ആള്‌റാദ്. 17സാമി ആള്‌റാദ്‌ണ ഒരു പ്‌ള്ളെ എച്ചെ തങ്കാരിക്ക്‌ദൊ അദേപാസെ തങ്കാരിക്കുഡൊ. അല്ലാത്തവാ് സാമി ആള്‌റാദ്‌ണ കാണമാട്ടാ് എന്ത് ണേര്‌മായിമ് ണാന് ണിമാക്കെ സൊല്ലുറെ>> എന്ത് സൊന്നാ്.
പണക്കാറാനായിര്‌ക്ക എഗുദാര് തലെവാ്
18ഒരു എഗുദാര് തലെവാ് ബന്ത്: <<ണല്ലവാനാന ഗുരുവെ, എപ്പേക്ക്‌മ് ഇര്‌ക്ക പെ്ളേപ്പ് കെ്ഡേക്ക്യ ണാന് എന്ത സെയ്‌ഡൊ?>> എന്ത് ഏസുണ കേ്ട്ടാ്.
19അക്കുളെ ഏസു സൊന്നാ്: <<ണീ എന്ത്‌ക്ക് എനാണ ണല്ലവാ് എന്ത് സൊല്ലുറാദ്? സാമി ഒരുത്താനല്ലാദെ ണല്ലവാ് ആര്‌മില്ലെ. 20<ബേസ്യാഡ ബേ്ഡ, കൊലെ സെയ്യ ബേ്ഡ, ത്‌റ്‌ഡ ബേ്ഡ, കുറ്റക്കാറാ് അല്ലാത്തവാന കുറ്റക്കാറാ് എന്ത് സൊല്ല ബേ്ഡ, അവ്വപ്പലണ മദിക്കുഡൊ>#പയണ 20:12; മറ്‌ദെ സൊല്ലുറ സട്ട 5:16–20 എന്തിര്‌ക്ക സട്ടഗെല്ല ണിനാക്ക് തെര്യുമല്ല.>>
21അക്കുളെ എഗുദാര് തലെവാ്: <<ണാന് ഈ സട്ടഗണെല്ല സിന്നാദിലിര്‌ന്തെ സെയ്‌ദ് ബരെ>> എന്ത് സൊന്നാ്.
22അദ്‌ണ കേ്ട്ട് ഏസു: <<ണിനാക്ക് ഇന്നിമ് ഒരു കൊറെ ഗൂഡി ഇര്‌ക്ക്‌ദ്. ണിന്ന് സൊത്തുഗണെല്ല ബിറ്റ് ഒന്റുമ് ഇല്ലാത്തവാര്‌ക്ക് കൊഡു; അപ്പ് ണിനാക്ക് മോലോഗാത്തിലി സൊത്തു കെ്ഡേക്കു; അദ്‌ക്ക് പ്‌റ എന്ന് പിന്ന്‌ക്ക് ബാ>> എന്ത് സൊന്നാ്.
23അയാള് ബെല്ല്യ പണക്കാറാ് ആനാദ്‌ണാലെ ഇദ്‌ണ കേ്ട്ടാദ്‌മ് അവാ് റമ്പ ദുക്കപട്ടാ്. 24അവാ് ദുക്കപട്ടാദ്‌ണ കണ്ട് ഏസു: <<സാമി ആള്‌റാദ്‌ക്ക് കെ്ട്ട്‌പട്ട് ഇര്‌ക്കുഡൊ എങ്കാദ് പണക്കാറാര്‌ക്ക് സെറ്റെ കഡ്‌പ്പത്തെ. 25ഒരു പണക്കാറാ് സാമി ആള്‌റാദ്‌ക്ക് കെ്ട്ട്‌പട്ട് ഇര്‌ക്കാദ്‌ക്ക് ബ്‌ഡ സൂഞ്ചി ഓട്ടെ മേലെ ഒരു ഒട്ടഗ പുക്ക്‌റാദ് എത്തറ എ്ള്‌പ്പ>> എന്ത് സൊന്നാ്.
26ഇദ്‌ണ കേ്ട്ടിര്‌ന്തവാര്: <<അച്ചെ ആനാക്കി ആര്‌ക്ക് ദെങ്കി കഡാക്ക്യ മുഡ്യു?>> എന്ത് ഏസുണ കേ്ട്ടാര്.
27ആന ഏസു: <<മന്‌സാര്‌ക്ക് സെയ്യ മുഡ്യാത്ത കാര്യ സാമിക്ക് സെയ്യ മുഡ്യു>> എന്ത് സൊന്നാ്.
28അക്കുളെ പത്ത്‌റോസ്: <<ണോഡു, എമ്മ എല്ലാദ്‌ണാമ് തള്ള്യെക്കി ണിന്ന് പിന്ന്‌ക്ക് ബന്തിര്‌ക്കേര്>> എന്ത് സൊന്നാ്.
29-30അക്കുളെ ഏസു അവാര്‌ക്കെ: <<ണേര്‌മായിമ് ണാന് ണിമാക്കെ സൊല്ലുറെ, സാമി ആള്യ ബേ്ണ്ടി തന്ന് കൂരെനാഗൊ, പെ്ണ്ട്‌ണാഗൊ, അണ്ണതമ്പിലണാഗൊ, അവ്വപ്പാലണാഗൊ, മക്കമറിഗണാഗൊ തള്ള്യെക്ക്‌റ ഏവാന്‌ക്ക്‌മ് ഈ ഉലഗാത്തിലി അദ്‌ഗെല്ല അളാവുക്ക് മീ്റി കെ്ഡേക്കു. അദ്‌താനെമല്ല ഇനി ബര്യ പോര ഉലഗാത്തിലി എപ്പേക്ക്‌മ് ഇര്‌ക്ക പെ്ളേപ്പ്‌മ് കെ്ഡേക്കു>> എന്ത് സൊന്നാ്.
ഏസു താന് സാരാദ്‌ണ പറ്റി മൂണാവദ് ജമ്പ് സൊല്ലുറാ്
31ഏസു പിന്നേമ് തന്ന് സൊല്ലുപഡി ണഡാക്ക പന്നന്റ് ആള്‌ഗണാമ് കൂട്ടി എ്ഡ്‌ത്ത് പോയി അവാര്‌ക്കെ: <<ഇദാ, ഇപ്പ് ണമ്മ എര്‌സലേമ്‌ക്കെ പോരാമ്. മന്‌സാനായി പ്‌റാന്തവാന പറ്റി സാമിദാസ്‌ഗ എ്ള്‌ദി ബെത്തിര്‌ക്കാദെല്ല ണഡാക്കു. 32എഗുദാര് അവാന, എഗുദാര് അല്ലാത്ത ജാദിഗാദ് കയ്യിക്ക് ബ്‌ട്ട് കൊഡുക്കുവാര്. അവാര് അവാന ഏസിക്കാട്ടാമ്, ണാണഗെ്ഡ്‌സാമ്, മൂഞ്ചിക്കെ തുപ്പാമ്, 33സാട്ടെബാറ്‌ക്കെ അഡിക്കാമ് സെയ്‌വാര്. ഇദെല്ല സെയ്‌ദ പ്‌റ അവാര് അവാന കൊല്ലുവാര്. ആന മൂണാവദ് ണാളെങ്കാട്ടി അവാ് ഉജുറെ്ന്തുവാ്>> എന്ത് സൊന്നാ്.
34ആന ഏസുദ് സൊല്ലുപഡി ണഡാക്കവാര്‌ക്ക് ഇച്ചെ സൊന്ന കാര്യ ണെപ്പ്‌കെ്ഡേക്കാലെ. എന്ത്‌ക്കെന്റ താന് സൊന്നാദ്‌ദ് അര്‌ത്തണ അവാര്‌ക്ക് മറേസി ബെത്തിര്‌ന്താ്. അയാള് എന്തണ പറ്റി സൊന്നാനെന്ത് അവാര്‌ക്ക് തെര്യാലെ.
പിച്ചെ്ഡ്‌ക്ക ഒരു കുറുഡാന്‌ക്ക് ഏസു പാര്‌വെ കൊഡുക്കാ്
35ഏസു എരിഗോവു പട്ടണ അര്‌ഗെ എജ്ജ്യഗാട്ടി പിച്ചെ്ഡ്‌ത്ത് കൊണ്ടിര്‌ക്ക ഒരു കുറുഡാ് ബയ്യ്യോരാത്തിലി കുക്കാന്തിര്‌ന്താ്. 36ആള്‌ഗ ഗ്‌ഡ്‌ഗ്‌ഡ്‌ത്ത് പോര ജദ്ദണ കേ്ട്ട് <<ഇദിലി എന്ത ണഡാക്ക്‌ദ്>> എന്ത് അയാള് കേ്ട്ടാ്. 37അക്കുളെ ആള്‌ഗ: <<ണസറത്ത് ഊര്‌ക്കാറാ് ഏസു ഇദ്‌മേലെ ബന്ത് പോരാ്>> എന്ത് സൊന്നാര്.
38അക്കുളെ കുറുഡാ്: <<ദാവീദ്‌ദ് കാല്‌ക്ക് പട്ട ഏസുവെ, എന്നോഡെ സെറ്റെ ബേ്റ്‌വായി ബേഡോമെ>> എന്ത് ബെല്ല്യാദ്‌ക്ക് ആലാത്ത് സൊന്നാ്.
39ആന അയ്യി കൂട്ടാത്തിലി പോരവാര്: <<മ്‌ണ്ടാദിര്‌മെ>> എന്ത് അവാന കെഞ്ച്യെ്ഡ്‌ത്ത് ബ്‌ട്ടാര്. അക്കുളെ അവാ് സേത്തി സേത്തി: <<ദാവീദ്‌ദ് കാല്‌ക്ക് പട്ടവാനെ, എന്നോഡെ സെറ്റെ ബേ്റ്‌വായി ബേഡോമെ>> എന്ത് ബെല്ല്യാദ്‌ക്ക് ആലാത്താലാത്ത് സൊന്നാ്.
40ഏസു അദ്‌ക്ക് താനെ ണിന്റ്: <<അയ്യി കുറുഡാന ഈങ്ക് കൂട്ടി ബായി>> എന്ത് സൊന്നാ്. അയ്യി കുറുഡാ് തന്ന് പട്ട്‌ക്ക് ബന്ത പ്‌റ അവാന ഏസു: 41<<ണാന് ണിനാക്ക് എന്ത സെയ്‌ദ് തരുഡൊ എന്ത് ണീ ണെനേക്കെ?>> എന്ത് കേ്ട്ടാ്.
അക്കുളെ അവാ്: <<ആണ്ടവാനെ, എനാക്ക് കണ്ണ് പാര്‌വെ കെ്ഡേക്കുഡൊ>> എന്ത് സൊന്നാ്.
42അക്കുളെ ഏസു അയ്യി കുറുഡാന്‌ക്ക്: <<ഇദാ ണിന്ന് കണ്ണ്‌ക്ക് പാര്‌വെ കെ്ഡേക്കുഡൊ. ണിന്ന് ണമ്പിക്കെ ണിനാണ തെ്ള്‌സിര്‌ക്ക്‌ദ്>> എന്ത് സൊന്നാ്. 43അപ്പ്‌താനെ കുറുഡാന്‌ക്ക് കണ്ണ് പാര്‌വെ കെ്ഡേത്ത്‌ദ്. അവാ് സാമിന ബെല്ല്യവാ് എന്ത് സൊല്ലി ഒഗെ ഇക്കികൊണ്ട് ഏസു പിന്ന്‌മേലെ പോനാ്. ഇദ്‌ണ കണ്ട എല്ല ആള്‌ഗാമ് <<സാമി ബെല്ല്യവാ്>> എന്ത് സൊന്നാര്.
Currently Selected:
ലൂക്കോസ് 18: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
