മറ്‌ക്കോസ് 11
11
ഒരു റാജാവുണ പാസെ എര്‌സലേമ്‌ക്കെ ഏസു കഡാക്കാ്
1ഏസുമ് തന്ന് സൊല്ലുപഡി ണഡാക്കവാര്‌മ് എര്‌സലേമ്‌ക്ക് എജ്ജ്യ പക്കാനാര്. ബെദനി ഊര്‌ക്ക്‌മ് ബേദ്‌പാഗെ ഊര്‌ക്ക്‌മ് അര്‌ഗെ ഇര്‌ക്ക ഒലിവ് മലേക്കെ അവാര് ബന്താര്. ഏസു തന്ന് സൊല്ലുപഡി ണഡാക്കവാരിലി റണ്ട് ആള്‌ണ ഒളേത്ത് 2അവാര്‌ക്ക് ഇച്ചെ സൊന്നാ്: <<അദാ അയ്യി മുന്തുക്ക് കാട്ട്‌റ ഊര്‌ക്കെ പോയിരി; ണിമ്മ ഊര്‌ക്കെ കഡാക്കാട്ടി താനെ ആര്‌മ് ഇന്നാരമാട്ട്‌ക്ക്‌മ് ഏ്റാത്ത ഒരു കള്‌ദെ കുട്ടിന കെ്ട്ടി ബെത്തിര്‌ക്കാദ്‌ണ ണിമ്മ കാണുവേര്. അദ്‌ണ ഉക്കി എ്ഡ്‌ത്ത് ബായി. 3<ഇദ്‌ണ എന്ത്‌ക്ക് എ്ഡ്‌ത്ത് പോരേര്> എന്ത് ആരാറ്റ് ണിമാണ കേ്ട്ടാക്കി <ആണ്ടവാന്‌ക്ക് ഇദ്‌ണ ബേ്ഡു> എന്ത്‌മ് <ഇപ്പ് എ്ഡ്‌ത്ത് ബന്ത് തരേര്> എന്ത്‌മ് സൊല്ലിരി.>> പ്‌റ അവാര്‌ണ സൊല്ലിബ്‌ട്ടാ്.
4ഏസു സൊന്ന പാസെ അവാര് അയ്യി ഊര്‌ക്കെ പോനാര്. അദിലി ഒരു കൂരേദ് മുന്തുക്ക് ബയ്യി അര്‌ഗെതാനെ കള്‌ദെ കുട്ടിന കെ്ട്ടി ബെത്തിര്‌ക്കാദ്‌ണ അവാര് കണ്ടാര്. അപ്പ്‌താനെ അദ്‌ണ ഉക്കിനാര്. 5അദിലിര്‌ന്ത പഗ്‌ദി ആള്‌ഗ അവാര്‌ണ കേ്ട്ടാര്: <<ണിമ്മ എന്ത്‌ക്ക് കള്‌ദെ കുട്ടിന ഉക്കുറേര്?>> 6അക്കുളെ ഏസുദ് സൊല്ലുപഡി ണഡാക്കവാര് ഏസു സൊന്ന പാസെ അവാര്‌ക്കെ സൊന്നാര്. അക്കുളെ അവാര് കള്‌ദെ കുട്ടിന എ്ഡ്‌ത്ത് പോയ ബ്‌ട്ടാര്. 7അവാര് കള്‌ദെ കുട്ടിന ഏസു പട്ട്‌ക്ക് എ്ഡ്‌ത്ത് ബന്താര്. അവാര് തമ്മ് ഉഡുപ്പുക്കുദ്ദാക്ക് പൊദേക്കാദ്‌ണ അയ്യി കള്‌ദെ കുട്ടിക്കുദ്ദാക്ക് പൊദേസിനാര്. ഏസു അയ്യി കള്‌ദെ കുട്ടിക്കുദ്ദാക്ക് ഏ്റി കുക്കാന്താ്. 8എത്തിന്യൊ ആള്‌ഗ ഏസു പോര ബയ്യിക്കെ തമ്മ പൊദേത്തിര്‌ന്ത സീലെഗണ ബിരിസിനാര്; പഗ്‌ദി ആള്‌ഗ ദോട്ടാക്ക്‌റാഗ ഇര്‌ന്ത് സപ്പഗ ബെ്ട്ടി ബന്ത് ബയ്യിക്കെ പാസിനാര്#11:8ഏസു പോര ബയ്യിക്കെ തമ്മ പൊദേത്തിര്‌ന്ത സീലെഗണ ബിരിസിനാര്; പഗ്‌ദി ആള്‌ഗ ദോട്ടാക്ക്‌റാഗ ഇര്‌ന്ത് സപ്പഗ ബെ്ട്ടി ബന്ത് ബയ്യിക്കെ പാസിനാര് റാജാവുഗണ പാസെ ഇര്‌ക്ക ബെല്ല്യ ബെല്ല്യ ആള്‌ഗ ബര്‌ഗാട്ടി അവാര്‌ണ തങ്കാരിക്ക്യ തമ്മ് സീലെഗണാമ് സപ്പഗണാമ് ബെ്ട്ടി ബന്ത് ബയ്യിക്ക്‌റാഗ പാസുവാര്.. 9ഏസുദ് മുന്നുക്ക്‌മ് പിന്ന്‌ക്ക്‌മ് ണഡാന്ത് കൊണ്ടിര്‌ന്ത എല്ലാര്‌മ് ഇച്ചെ ആലാത്ത് ക്‌ളാമ്പിനാര്:
<<ഓസാന!
<ആണ്ടവാന്‌ദ് പേരിലി ബരവാ് ബാഗ്യക്കാറാ്!>#സാമി പാട്ട് ബുക്ക് 118:25,26
10ബര്യ പോര ണമ്മ് പാട്ടാ് ദാവീദ് സീമെ ബാഗ്യ കേ്ട്ടാദ്.
എല്ലാദ്‌ണ ബ്‌ഡ ഉജാന്തവാന്‌ക്ക് ഓസാന!>>
11അച്ചെ ഏസു എര്‌സലേമ്‌ക്കെ കഡാന്ത് സാമികൂരേക്കെ പോനാ്. അദ്‌ക്കെ എജ്ജിനാദ്‌മ് അദിലി എല്ലാദ്‌ണാമ് സുറ്റുമ് ണോഡിനാ്. ആന ണേര ബ്‌ന്താദ്‌ക്ക് തന്ന് സൊല്ലുപഡി ണഡാക്ക പന്നന്റ് ആള്‌ഗണാമ് കൂട്ടി ഏസു ബെദനിക്ക് പോനാ്.
അത്തി മരാണ സാപ ഇക്ക്‌റാ്
12മറ് ണാള് ബെദനിലിര്‌ന്ത് അവാര് തിലിമ്പി ബര്‌ഗാട്ടി ഏസുക്ക് പജി പ്‌ഡിത്ത്‌ദ്. 13ലേസ ദൂരാത്തിലി എലെ തുമ്പ ഇര്‌ക്ക ഒരു അത്തി മരാണ ഏസു കണ്ടാ്. അദിലി അത്തി പഗ ഇര്‌ക്കു എന്ത് ണെനേത്ത് അയാള് അദ്‌ക്കെ പോനാ്. ആന അദ് അത്തി പഗ ഗള്യെ അല്ലാത്താദ്‌ണാലെ അദിലി എലെ അല്ലാദെ ഒരു കായി ബീസാക്ക് കാണാലെ. 14ഏസു അത്തി മരാണ ണോഡി ഇച്ചെ സൊന്നാ്: <<ഇനി ണിന്നോഡെ ഇര്‌ന്ത് ആര്‌മ് പഗ തിന്നമാട്ടാര്.>> ഈ സൊന്നാദ് ഏസുദ് സൊല്ലുപഡി ണഡാക്കവാര് സൊക്കാന കേ്ട്ടിര്‌ന്താര്.
ഏസു സാമികൂരേക്ക് പോരാ്
15അവാര് എര്‌സലേമ്‌ക്ക് എജ്ജിനാര്. ഏസു സാമികൂരേക്കെ പോയി പുക്കിനാ്. അദിലി ഏവാര സെയ്‌രവാര്‌ണാമ് ബാങ്ക്‌റവാര്‌ണാമ് ബെ്ള്യെ മുഡിക്കി ബ്‌ഡ്യ പ്‌ഡിത്താ്. പണ കയ്യിമാറ്‌റവാര്‌ദ് മേസെഗണാമ്, സോറെ പക്കിഗണ ബിക്കവാര്‌ദ് ബെഞ്ചിഗണാമ് ഏസു ഉന്തി മറ്‌ത്താ്. 16സാമികൂരെ മേലെ ആര്‌ണാമ് ഒന്റുണാമ് എ്ഡ്‌ത്ത് പോയ ഏസു ബ്‌ഡാലെ. 17അദ്‌ക്ക് പ്‌റ അയാള് ആള്‌ഗാക്ക് ഇച്ചെ ബുദ്ദിണായ സൊന്നാ്:
<< <എന്ന് കൂരേന എല്ല ആള്‌ഗാമ്
പരേസ്‌റ കൂരെ എന്ത് സൊല്ലുവാര്>#എസയ്യാ് 56:7
എന്ത് എ്ള്‌ദി ബെക്കാലേഗ? ആന ണിമ്മ അദ്‌ണ <ത്‌റ്‌ട്ടാര് തങ്ക്‌റ അളെ>#ഇരെമ്യാ് 7:11 ആക്കി എക്കിര്‌ക്കേര്.>>
18ഇദ്‌ണ കേ്ട്ട് എഗുദ പൂസാരി തലെവലാമ്, ബേദ ബാത്ത്യലാമ് അവാന എച്ചാറ്റ് കൊല്ല്യ ഉള്ള ബയ്യി ണോഡിനാര്. അവാ് സൊല്ലുറ ബുദ്ദിണായണ കേ്ട്ട് ആള്‌ഗെല്ല അദിസ്യപട്ടിര്‌ന്താദ്‌ണാലെ എഗുദ പൂസാരി തലെവലാമ്, ബേദ ബാത്ത്യലാമ് ഏസുണ അഞ്ചിനാര്.
19ജാമാഗാട്ട്യെല്ല ഏസുമ് തന്ന് സൊല്ലുപഡി ണഡാക്കവാര്‌മ് അയ്യി പട്ടണണ ബ്‌ട്ട് പോനാര്.
ഏസു ണമ്പിക്കേക്ക് ഇര്‌ക്ക പവുറുണ കാട്ട്‌റാ്
20മറ് ണാള് ബെ്ഡ്യാലെ ഏസുമ് ഏസുദ് സൊല്ലുപഡി ണഡാക്കവാര്‌മ് പോനാര്. അക്കുളെ ഏസു സാപ ഇക്കിന അത്തി മര തലേപ്പിലിര്‌ന്ത് തൂര്‌മാട്ട് ഉണാന്ത് എക്കിര്‌ക്കാദ്‌ണ അവാര് കണ്ടാര്. 21അക്കുളെ പത്ത്‌റോസ് ഏസു സൊന്ന ബാക്ക്‌ണ ണെനേത്താ്. <<ഗുരുവെ, ആങ്ക് ണോഡുത്തെ! ണീ ണിഗാറ്റ് സാപ ഇക്കിന അത്തി മര ഉണാന്ത് എക്കിര്‌ക്ക്‌ദ്>> എന്ത് സൊന്നാ്.
22അക്കുളെ ഏസു ഇച്ചെ സൊന്നാ്: <<ണിമ്മ സാമിന ണമ്പിരി. 23ണേര്‌മായിമ് ണാന് ണിമാക്കെ സൊല്ലുറെ, ലേസ ഗൂഡി ണിമ്മ് മനേസ്സിലി സന്തേഗ ഇല്ലാദെ ണാന് സൊല്ലുറ പാസെ ണഡാക്കു എന്ത് ണമ്പിക്കോഡെ ഈ മലേന <ഇദിലിര്‌ന്ത് അഡ്യോഡെ പ്‌ഡാങ്കി പോയി കഡാല്‌ക്കെ ബീ്> എന്ത് സൊന്ന അദേപാസെ ണഡാക്കു. 24അദ്‌ണാലെ ണാന് ണിമാക്കെ സൊല്ലുറെ, ണിമ്മ എന്താറ്റ്‌ക്ക് ബേ്ണ്ടി പരേസ്‌ഗാട്ടി അദ്‌ഗെല്ല കെ്ഡേത്ത്‌ദ് എന്ത് ണമ്പിരി. അച്ചെ ണമ്പിന ണിമാക്ക് അദ് കെ്ഡേക്കു. 25ണിമ്മ പരേസ്യ ണില്ല്‌ഗാട്ടി, ആരാറ്റോഡെ ണിമ്മ് മനേസ്സിലി എന്താറ്റിര്‌ന്ത അദ്‌ണ ണിമ്മ പൊറുക്കുഡൊ. അപ്പ് ണിമ്മ് പാവഗണാമ് മേലോഗാത്തിലി ഇര്‌ക്ക ണിമ്മ് അപ്പനാന സാമി പൊറുക്കുവാ്#11:25മുദ എ്ള്‌ദി ബെത്തിര്‌ന്താദ്‌ണ ണോഡി എ്ള്‌ദിന പഗ്‌ദി കായിദാത്തിലി <<ആരാറ്റ് ണിമ്മോഡെ സെയ്‌ദ പാവഗണ ണിമ്മ പൊറുക്കാദെ പോന, സാമിമ് ണിമ്മ സെയ്‌ദ പാവഗണ പൊറുക്കമാട്ടാ്>> എന്ത ഇരുവത്ത്യാറാവദ് സുലാക്ക സേത്തി എ്ള്‌ദി ബെത്തിര്‌ക്കാര്..>>
ഏസുദ് അദിഗാരണ കേ്ള്‌വി കേ്ക്കാര്
27പിന്നേമ് എര്‌സലേമ്‌ക്ക് ഏസുമ് തന്ന് സൊല്ലുപഡി ണഡാക്കവാര്‌മ് എജ്ജിനാര്. സാമികൂരേലി ഏസു ണഡാന്ത് കൊണ്ടിര്‌ക്കാട്ടി എഗുദ പൂസാരി തലെവലാമ്, എഗുദ മൂപ്പലാമ്, ബേദ ബാത്ത്യലാമ് ഏസു പട്ട്‌ക്കെ ബന്ത്, 28ഏസുണ ഇച്ചെ കേ്ട്ടാര്: <<ണീ എന്ത അദിഗാരത്തിലി ഈ കാര്യഗെല്ല സെയ്‌രെ? ണിനാക്ക് ഈ അദിഗാര ആര് തന്താദ്?>>
29അക്കുളെ ഏസു സൊന്നാ്: <<ണാന്‌മ് ണിമാണ ഒരു കേ്ള്‌വി കേ്ക്കെ. അദ്‌ക്ക് ണിമ്മ എനാക്ക് ബദ്‌ള് സൊല്ലിരി. അപ്പ് ണാന്‌മ് എന്ത അദിഗാരത്തിലി ഇദ്‌ഗെല്ല സെയ്‌രെ എന്ത് ണിമാക്കെ സൊല്ലുവെ. 30ഓഗന്നാന്‌ക്ക് തണ്ണിക്ക് മുളുഗ്‌സ്‌റാദ്‌ക്കുള്ള അദിഗാര കെ്ഡേത്താദ് സാമ്യോഡിര്‌ന്തൊ, ഇല്ലെ മന്‌സാരോഡെ ഇര്‌ന്തൊ? ഏദിലിര്‌ന്ത് എന്ത് എനാക്ക് സൊല്ലി.>>
31അവാര് തമ്മ തമ്മ പേസി ഓസണെ എ്ഡ്‌ത്ത് ഇച്ചെ സൊന്നാര്: << <സാമിലിര്‌ന്ത്> എന്ത് സൊന്ന <പിന്നെ എന്ത്‌ക്ക് ണിമ്മ ഓഗന്നാന ണമ്പാലെ> എന്ത് ഏസു ണമാണ കേ്ക്കുവാ്. 32<മന്‌സാരോഡിര്‌ന്ത്> എന്ത് ണമ്മ സൊന്ന ആള്‌ഗ ഒട്ടുക്ക് ഓഗന്നാന ഒരു സാമിദാസ് എന്ത് ണമ്പി ഇര്‌ന്താദ്‌ണാലെ അവാര് ണമാണ മൊനേക്ക് തെ്ട്ടുവാര്.>>
33അദ്‌ണാലെ അവാര്: <<എമാക്ക് തെര്യ>> എന്ത് ഏസുക്ക് സൊന്നാര്.
<<അപ്പ് ണാന് എന്ത അദിഗാരത്തിലി ഇദെല്ല സെയ്‌രെ എന്ത് ണാന്‌മ് ണിമാക്കെ സൊല്ലുറാദില്ലെ>> എന്ത് ഏസു അവാര്‌ക്കെ സൊന്നാ്.
Currently Selected:
മറ്‌ക്കോസ് 11: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
മറ്‌ക്കോസ് 11
11
ഒരു റാജാവുണ പാസെ എര്‌സലേമ്‌ക്കെ ഏസു കഡാക്കാ്
1ഏസുമ് തന്ന് സൊല്ലുപഡി ണഡാക്കവാര്‌മ് എര്‌സലേമ്‌ക്ക് എജ്ജ്യ പക്കാനാര്. ബെദനി ഊര്‌ക്ക്‌മ് ബേദ്‌പാഗെ ഊര്‌ക്ക്‌മ് അര്‌ഗെ ഇര്‌ക്ക ഒലിവ് മലേക്കെ അവാര് ബന്താര്. ഏസു തന്ന് സൊല്ലുപഡി ണഡാക്കവാരിലി റണ്ട് ആള്‌ണ ഒളേത്ത് 2അവാര്‌ക്ക് ഇച്ചെ സൊന്നാ്: <<അദാ അയ്യി മുന്തുക്ക് കാട്ട്‌റ ഊര്‌ക്കെ പോയിരി; ണിമ്മ ഊര്‌ക്കെ കഡാക്കാട്ടി താനെ ആര്‌മ് ഇന്നാരമാട്ട്‌ക്ക്‌മ് ഏ്റാത്ത ഒരു കള്‌ദെ കുട്ടിന കെ്ട്ടി ബെത്തിര്‌ക്കാദ്‌ണ ണിമ്മ കാണുവേര്. അദ്‌ണ ഉക്കി എ്ഡ്‌ത്ത് ബായി. 3<ഇദ്‌ണ എന്ത്‌ക്ക് എ്ഡ്‌ത്ത് പോരേര്> എന്ത് ആരാറ്റ് ണിമാണ കേ്ട്ടാക്കി <ആണ്ടവാന്‌ക്ക് ഇദ്‌ണ ബേ്ഡു> എന്ത്‌മ് <ഇപ്പ് എ്ഡ്‌ത്ത് ബന്ത് തരേര്> എന്ത്‌മ് സൊല്ലിരി.>> പ്‌റ അവാര്‌ണ സൊല്ലിബ്‌ട്ടാ്.
4ഏസു സൊന്ന പാസെ അവാര് അയ്യി ഊര്‌ക്കെ പോനാര്. അദിലി ഒരു കൂരേദ് മുന്തുക്ക് ബയ്യി അര്‌ഗെതാനെ കള്‌ദെ കുട്ടിന കെ്ട്ടി ബെത്തിര്‌ക്കാദ്‌ണ അവാര് കണ്ടാര്. അപ്പ്‌താനെ അദ്‌ണ ഉക്കിനാര്. 5അദിലിര്‌ന്ത പഗ്‌ദി ആള്‌ഗ അവാര്‌ണ കേ്ട്ടാര്: <<ണിമ്മ എന്ത്‌ക്ക് കള്‌ദെ കുട്ടിന ഉക്കുറേര്?>> 6അക്കുളെ ഏസുദ് സൊല്ലുപഡി ണഡാക്കവാര് ഏസു സൊന്ന പാസെ അവാര്‌ക്കെ സൊന്നാര്. അക്കുളെ അവാര് കള്‌ദെ കുട്ടിന എ്ഡ്‌ത്ത് പോയ ബ്‌ട്ടാര്. 7അവാര് കള്‌ദെ കുട്ടിന ഏസു പട്ട്‌ക്ക് എ്ഡ്‌ത്ത് ബന്താര്. അവാര് തമ്മ് ഉഡുപ്പുക്കുദ്ദാക്ക് പൊദേക്കാദ്‌ണ അയ്യി കള്‌ദെ കുട്ടിക്കുദ്ദാക്ക് പൊദേസിനാര്. ഏസു അയ്യി കള്‌ദെ കുട്ടിക്കുദ്ദാക്ക് ഏ്റി കുക്കാന്താ്. 8എത്തിന്യൊ ആള്‌ഗ ഏസു പോര ബയ്യിക്കെ തമ്മ പൊദേത്തിര്‌ന്ത സീലെഗണ ബിരിസിനാര്; പഗ്‌ദി ആള്‌ഗ ദോട്ടാക്ക്‌റാഗ ഇര്‌ന്ത് സപ്പഗ ബെ്ട്ടി ബന്ത് ബയ്യിക്കെ പാസിനാര്#11:8ഏസു പോര ബയ്യിക്കെ തമ്മ പൊദേത്തിര്‌ന്ത സീലെഗണ ബിരിസിനാര്; പഗ്‌ദി ആള്‌ഗ ദോട്ടാക്ക്‌റാഗ ഇര്‌ന്ത് സപ്പഗ ബെ്ട്ടി ബന്ത് ബയ്യിക്കെ പാസിനാര് റാജാവുഗണ പാസെ ഇര്‌ക്ക ബെല്ല്യ ബെല്ല്യ ആള്‌ഗ ബര്‌ഗാട്ടി അവാര്‌ണ തങ്കാരിക്ക്യ തമ്മ് സീലെഗണാമ് സപ്പഗണാമ് ബെ്ട്ടി ബന്ത് ബയ്യിക്ക്‌റാഗ പാസുവാര്.. 9ഏസുദ് മുന്നുക്ക്‌മ് പിന്ന്‌ക്ക്‌മ് ണഡാന്ത് കൊണ്ടിര്‌ന്ത എല്ലാര്‌മ് ഇച്ചെ ആലാത്ത് ക്‌ളാമ്പിനാര്:
<<ഓസാന!
<ആണ്ടവാന്‌ദ് പേരിലി ബരവാ് ബാഗ്യക്കാറാ്!>#സാമി പാട്ട് ബുക്ക് 118:25,26
10ബര്യ പോര ണമ്മ് പാട്ടാ് ദാവീദ് സീമെ ബാഗ്യ കേ്ട്ടാദ്.
എല്ലാദ്‌ണ ബ്‌ഡ ഉജാന്തവാന്‌ക്ക് ഓസാന!>>
11അച്ചെ ഏസു എര്‌സലേമ്‌ക്കെ കഡാന്ത് സാമികൂരേക്കെ പോനാ്. അദ്‌ക്കെ എജ്ജിനാദ്‌മ് അദിലി എല്ലാദ്‌ണാമ് സുറ്റുമ് ണോഡിനാ്. ആന ണേര ബ്‌ന്താദ്‌ക്ക് തന്ന് സൊല്ലുപഡി ണഡാക്ക പന്നന്റ് ആള്‌ഗണാമ് കൂട്ടി ഏസു ബെദനിക്ക് പോനാ്.
അത്തി മരാണ സാപ ഇക്ക്‌റാ്
12മറ് ണാള് ബെദനിലിര്‌ന്ത് അവാര് തിലിമ്പി ബര്‌ഗാട്ടി ഏസുക്ക് പജി പ്‌ഡിത്ത്‌ദ്. 13ലേസ ദൂരാത്തിലി എലെ തുമ്പ ഇര്‌ക്ക ഒരു അത്തി മരാണ ഏസു കണ്ടാ്. അദിലി അത്തി പഗ ഇര്‌ക്കു എന്ത് ണെനേത്ത് അയാള് അദ്‌ക്കെ പോനാ്. ആന അദ് അത്തി പഗ ഗള്യെ അല്ലാത്താദ്‌ണാലെ അദിലി എലെ അല്ലാദെ ഒരു കായി ബീസാക്ക് കാണാലെ. 14ഏസു അത്തി മരാണ ണോഡി ഇച്ചെ സൊന്നാ്: <<ഇനി ണിന്നോഡെ ഇര്‌ന്ത് ആര്‌മ് പഗ തിന്നമാട്ടാര്.>> ഈ സൊന്നാദ് ഏസുദ് സൊല്ലുപഡി ണഡാക്കവാര് സൊക്കാന കേ്ട്ടിര്‌ന്താര്.
ഏസു സാമികൂരേക്ക് പോരാ്
15അവാര് എര്‌സലേമ്‌ക്ക് എജ്ജിനാര്. ഏസു സാമികൂരേക്കെ പോയി പുക്കിനാ്. അദിലി ഏവാര സെയ്‌രവാര്‌ണാമ് ബാങ്ക്‌റവാര്‌ണാമ് ബെ്ള്യെ മുഡിക്കി ബ്‌ഡ്യ പ്‌ഡിത്താ്. പണ കയ്യിമാറ്‌റവാര്‌ദ് മേസെഗണാമ്, സോറെ പക്കിഗണ ബിക്കവാര്‌ദ് ബെഞ്ചിഗണാമ് ഏസു ഉന്തി മറ്‌ത്താ്. 16സാമികൂരെ മേലെ ആര്‌ണാമ് ഒന്റുണാമ് എ്ഡ്‌ത്ത് പോയ ഏസു ബ്‌ഡാലെ. 17അദ്‌ക്ക് പ്‌റ അയാള് ആള്‌ഗാക്ക് ഇച്ചെ ബുദ്ദിണായ സൊന്നാ്:
<< <എന്ന് കൂരേന എല്ല ആള്‌ഗാമ്
പരേസ്‌റ കൂരെ എന്ത് സൊല്ലുവാര്>#എസയ്യാ് 56:7
എന്ത് എ്ള്‌ദി ബെക്കാലേഗ? ആന ണിമ്മ അദ്‌ണ <ത്‌റ്‌ട്ടാര് തങ്ക്‌റ അളെ>#ഇരെമ്യാ് 7:11 ആക്കി എക്കിര്‌ക്കേര്.>>
18ഇദ്‌ണ കേ്ട്ട് എഗുദ പൂസാരി തലെവലാമ്, ബേദ ബാത്ത്യലാമ് അവാന എച്ചാറ്റ് കൊല്ല്യ ഉള്ള ബയ്യി ണോഡിനാര്. അവാ് സൊല്ലുറ ബുദ്ദിണായണ കേ്ട്ട് ആള്‌ഗെല്ല അദിസ്യപട്ടിര്‌ന്താദ്‌ണാലെ എഗുദ പൂസാരി തലെവലാമ്, ബേദ ബാത്ത്യലാമ് ഏസുണ അഞ്ചിനാര്.
19ജാമാഗാട്ട്യെല്ല ഏസുമ് തന്ന് സൊല്ലുപഡി ണഡാക്കവാര്‌മ് അയ്യി പട്ടണണ ബ്‌ട്ട് പോനാര്.
ഏസു ണമ്പിക്കേക്ക് ഇര്‌ക്ക പവുറുണ കാട്ട്‌റാ്
20മറ് ണാള് ബെ്ഡ്യാലെ ഏസുമ് ഏസുദ് സൊല്ലുപഡി ണഡാക്കവാര്‌മ് പോനാര്. അക്കുളെ ഏസു സാപ ഇക്കിന അത്തി മര തലേപ്പിലിര്‌ന്ത് തൂര്‌മാട്ട് ഉണാന്ത് എക്കിര്‌ക്കാദ്‌ണ അവാര് കണ്ടാര്. 21അക്കുളെ പത്ത്‌റോസ് ഏസു സൊന്ന ബാക്ക്‌ണ ണെനേത്താ്. <<ഗുരുവെ, ആങ്ക് ണോഡുത്തെ! ണീ ണിഗാറ്റ് സാപ ഇക്കിന അത്തി മര ഉണാന്ത് എക്കിര്‌ക്ക്‌ദ്>> എന്ത് സൊന്നാ്.
22അക്കുളെ ഏസു ഇച്ചെ സൊന്നാ്: <<ണിമ്മ സാമിന ണമ്പിരി. 23ണേര്‌മായിമ് ണാന് ണിമാക്കെ സൊല്ലുറെ, ലേസ ഗൂഡി ണിമ്മ് മനേസ്സിലി സന്തേഗ ഇല്ലാദെ ണാന് സൊല്ലുറ പാസെ ണഡാക്കു എന്ത് ണമ്പിക്കോഡെ ഈ മലേന <ഇദിലിര്‌ന്ത് അഡ്യോഡെ പ്‌ഡാങ്കി പോയി കഡാല്‌ക്കെ ബീ്> എന്ത് സൊന്ന അദേപാസെ ണഡാക്കു. 24അദ്‌ണാലെ ണാന് ണിമാക്കെ സൊല്ലുറെ, ണിമ്മ എന്താറ്റ്‌ക്ക് ബേ്ണ്ടി പരേസ്‌ഗാട്ടി അദ്‌ഗെല്ല കെ്ഡേത്ത്‌ദ് എന്ത് ണമ്പിരി. അച്ചെ ണമ്പിന ണിമാക്ക് അദ് കെ്ഡേക്കു. 25ണിമ്മ പരേസ്യ ണില്ല്‌ഗാട്ടി, ആരാറ്റോഡെ ണിമ്മ് മനേസ്സിലി എന്താറ്റിര്‌ന്ത അദ്‌ണ ണിമ്മ പൊറുക്കുഡൊ. അപ്പ് ണിമ്മ് പാവഗണാമ് മേലോഗാത്തിലി ഇര്‌ക്ക ണിമ്മ് അപ്പനാന സാമി പൊറുക്കുവാ്#11:25മുദ എ്ള്‌ദി ബെത്തിര്‌ന്താദ്‌ണ ണോഡി എ്ള്‌ദിന പഗ്‌ദി കായിദാത്തിലി <<ആരാറ്റ് ണിമ്മോഡെ സെയ്‌ദ പാവഗണ ണിമ്മ പൊറുക്കാദെ പോന, സാമിമ് ണിമ്മ സെയ്‌ദ പാവഗണ പൊറുക്കമാട്ടാ്>> എന്ത ഇരുവത്ത്യാറാവദ് സുലാക്ക സേത്തി എ്ള്‌ദി ബെത്തിര്‌ക്കാര്..>>
ഏസുദ് അദിഗാരണ കേ്ള്‌വി കേ്ക്കാര്
27പിന്നേമ് എര്‌സലേമ്‌ക്ക് ഏസുമ് തന്ന് സൊല്ലുപഡി ണഡാക്കവാര്‌മ് എജ്ജിനാര്. സാമികൂരേലി ഏസു ണഡാന്ത് കൊണ്ടിര്‌ക്കാട്ടി എഗുദ പൂസാരി തലെവലാമ്, എഗുദ മൂപ്പലാമ്, ബേദ ബാത്ത്യലാമ് ഏസു പട്ട്‌ക്കെ ബന്ത്, 28ഏസുണ ഇച്ചെ കേ്ട്ടാര്: <<ണീ എന്ത അദിഗാരത്തിലി ഈ കാര്യഗെല്ല സെയ്‌രെ? ണിനാക്ക് ഈ അദിഗാര ആര് തന്താദ്?>>
29അക്കുളെ ഏസു സൊന്നാ്: <<ണാന്‌മ് ണിമാണ ഒരു കേ്ള്‌വി കേ്ക്കെ. അദ്‌ക്ക് ണിമ്മ എനാക്ക് ബദ്‌ള് സൊല്ലിരി. അപ്പ് ണാന്‌മ് എന്ത അദിഗാരത്തിലി ഇദ്‌ഗെല്ല സെയ്‌രെ എന്ത് ണിമാക്കെ സൊല്ലുവെ. 30ഓഗന്നാന്‌ക്ക് തണ്ണിക്ക് മുളുഗ്‌സ്‌റാദ്‌ക്കുള്ള അദിഗാര കെ്ഡേത്താദ് സാമ്യോഡിര്‌ന്തൊ, ഇല്ലെ മന്‌സാരോഡെ ഇര്‌ന്തൊ? ഏദിലിര്‌ന്ത് എന്ത് എനാക്ക് സൊല്ലി.>>
31അവാര് തമ്മ തമ്മ പേസി ഓസണെ എ്ഡ്‌ത്ത് ഇച്ചെ സൊന്നാര്: << <സാമിലിര്‌ന്ത്> എന്ത് സൊന്ന <പിന്നെ എന്ത്‌ക്ക് ണിമ്മ ഓഗന്നാന ണമ്പാലെ> എന്ത് ഏസു ണമാണ കേ്ക്കുവാ്. 32<മന്‌സാരോഡിര്‌ന്ത്> എന്ത് ണമ്മ സൊന്ന ആള്‌ഗ ഒട്ടുക്ക് ഓഗന്നാന ഒരു സാമിദാസ് എന്ത് ണമ്പി ഇര്‌ന്താദ്‌ണാലെ അവാര് ണമാണ മൊനേക്ക് തെ്ട്ടുവാര്.>>
33അദ്‌ണാലെ അവാര്: <<എമാക്ക് തെര്യ>> എന്ത് ഏസുക്ക് സൊന്നാര്.
<<അപ്പ് ണാന് എന്ത അദിഗാരത്തിലി ഇദെല്ല സെയ്‌രെ എന്ത് ണാന്‌മ് ണിമാക്കെ സൊല്ലുറാദില്ലെ>> എന്ത് ഏസു അവാര്‌ക്കെ സൊന്നാ്.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature