Yɔn 19
19
1Ti Palete to'e Yezu, bahɛ ti ba ŋmɛ' en paaɛ paaɛ. 2Ti pɛntiireba la pa'am gu'uhi muŋa vugele a zuo, gee yɛ' en fu mɔlegɔ. 3Gee kina a nɛŋan na ɛrigera en yeti, “Naa,Yuuduma naba wa!” Gee ni lobe a pɛka. 4Ti Palete le yehe na yele ba yeti, “Bihɛ ya, n wan tari en yehe na bo' ya, ti ya mina ti mam ka nyɛ tuure se'ere a puan.” 5Ti Yezu yehe na, vuga gu'uhi muŋa la, gee yɛ fumɔlegɔ. Ti Palete yele nɛreba la yeti, “Bihɛ ya, buraa la n ŋwana.” 6Malema kiinduma la, la gureba la n nyɛ Yezu la, ba taheri mɛ yeti, “Kpa' ya en, kpa' ya en.” Ti Palete yele ba yeti, “Ya mɛhi tari en ta kpa', gee mam ka nyɛ a tuure.” 7Ti Yuuduma la lerege naba wa yeti, “Tumam tari la tu ze'elego, ti ze'elego la puan, a dela a ki, la eŋa n yeti eŋa dela Yinɛ dayua la.”
8Palete n wum dina la, dabeem n malum kɛ̃ en gana yia la. 9Ti a lebe kɛ̃ a yire la puan ha, le ta soke Yezu yeti, “Fum yehe la bɛha na?” Ti Yezu ka lerege en se'ere. 10Ŋwana ti Palete yele en yeti, “Fum ka boti fum tɔgɛ bo' mam? Fum ka mi' ti mam tari paŋa wan to'e fum bahɛ, gee le tari paŋa wan bahɛ ti ba kpa' hɔ?” 11Ti Yezu lerege en yeti, “Fum kan ta'am iŋɛ mam sɛla, han dagena saazuo ha n bo' fum sore. Bala, se'em daana n dikɛ mam iŋɛ fum nu'uhen la, tum la be'em kãtɛ.” 12Yehe bilam, Palete kɔ'ɔm zigera mɛ ti a to'e Yezu bahɛ fai, gee ti Yuuduma la me kɔ'ɔm tahera bahɛ na yeti, “Naba, fum han bahɛ buraa kana wa, fum dagi Siiza zɔ. Se'em woo en iŋɛ a mɛŋa naba, pageri mɛ la Siiza.”
13Palete n wum yetɔgebuna wa la, a tari Yezu yehe me na, yiŋa na, gee zi'ire gakerɛ kuka la zuo, zɛ'sɛka ti ba yi'ira kuga zinzaka la, bii Heburu puan, Gabata la. 14La wa dɛna la azɔɛtole maaheŋɔ daarɛ, wuntɛɛn-sigelika bɔba, ti Palete yele Yuuduma la yeti, “Ya naba la n ŋwana!” 15Ti ba kaahɛ bahɛ na yeti, “Tari ya buraa kana wa kiŋɛ ha, tari ya buraa kana wa kiŋɛ ha, Kpa' ya en.” Ti Palete soke ba yeti, “N kpa' ya naba la?” Ti malema kiinduma la lerege Palete la yeti, “Tumam ka tari naba sɛka, han dagena Siiza ma'a.” 16Ti Palete dikɛ Yezu iŋɛ ba nu'uhen, ti ba tari en ta kpa'.
Yezu kpa'a
(Matu 27.32-44; Maki 15.21-32; Luki 23.26-43)
Ti ba nyaa to'e Yezu, 17ti a zi a pumpuuredɔɔ to'e sore kiŋɛ bala ta paaɛ zi'an ti ba yi'ira zuwama la, gee yi'ira ka Heburu puan Golgota la. 18Bilam ti ba kpa' Yezu, gee kpa' nɛreba basɛba me, kayima a zuɔ, kayima me a gɔbega, ti Yezu bɔna ba tiŋasuka. 19Ti Palete bahɛ ti ba gulehɛ sɛla iŋɛ ta kpa' labelɛ Yezu pumpuuredɔɔ la zuin yeti, “Yezu, Nazareti buraa,Yuuduma naba la.” 20Ti Yuuduma la zo'e zo'e kãalɛ gulehegɔ la, se'ere en sɔi la, zi'an ti ba kpa' Yezu la lɛm mɛ la tinkãtɛ puan, ti gulehegɔ la gulehɛ Heburu, Laatin la Giriki yetɔgum puan. 21Ti Yuuduma malema kiinduma la kiŋɛ ta yele Palete yeti, Gulehegɔ la ka suni ti ku yeti, “Yuuduma naba, gee ‘Buraa kana wa yeti kaŋa dela Yuuduma naba.’ ” 22Ti Palete lerege ba yeti, “Sɛla ti mam gulehɛ la, n gulehɛ ya.” 23Pɛntiireba la n kpa' Yezu ba'ahɛ la, ba dikɛ futo la mɛ tɔrɛ sugum nuuren bunaahi, ti pɛntiira woo dikɛ fuo, fuo. Gee nyaa dikɛ a fuwoko la. Fuwoko wa dela mune, ti pɛ'a ka bɔna ku puan, gee ba dikɛ la tanɛ kɔ'ɔm wugɛ kɔ ze'ele zuin ta paaɛ tiŋa. 24#Yoo 22.18 Ti pɛntiireba la yele taaba yeti, “Da bahɛ ya ti tu ahegɛ fukuna wa, gee bahɛ ya ti tu ŋmɛ' gbaŋa la tu bihɛ se'em n wan di.” Dina wa iŋɛ ti la doohe mɛ la gulehegɔ la n yeti,
“Ba dikɛ la mam futo tɔrɛ bo' ba mɛhi, gee ŋmɛ'
gbaŋa mam fuo zuo” la.
25Lan bala ti pɛntiireba wa iŋɛ la.
Ban iti ŋwana woo la, ti Yezu ma, la a ma suuɔ, Mɛɛri n de Kalopase pɔga, la Mɛɛri Magedalin ze' mɛ lɛm pumpuuredɔɔ la ti ba kpa' Yezu ku zuo la. 26Yezu n nyɛ a ma la, la a zahera se'em ti a ba' nɔŋɛ la n ze' lɛm a ma la, ti a yele a ma la yeti, “Pɔka wa, fum dayua n bala.” 27Gee yele a zahera la me yeti, “Fum ma n bala.” Yehe de daarɛ, ti Yezu zahera wa tari Yezu ma la kule a yire.
28 #
Yoo 69.21; 22.15 Dina pooren, Yezu n baŋɛ ti sɛla woo tum ba'ahɛ la, (gee ti la me wan doohe la gulehegɔ la), ti a yeti, “Ko'nyuuro n tari mam.” 29Bala ma'a la ti dugela n ze' bilam la daam kɛka, ti ba zɔ kalam ta dikɛ nyunhunyuuŋa yile tum daam kɛka la puan, dikɛ vile dibega, nyaa zɛkɛ ta ita a nuuren. 30Lan ta kalum Yezu nuurɛ la, ti Yezu yeti, “La ba'ahɛ ya.” Gee nyaa suure a zuo, vo'ohe a vo'ohum za'a.
Ba lu' Yezu lugerɛ la kanɛ
31De daarɛ n de azɔɛtole maaheŋɔ daarɛ la zuo, Yuuduma la ka boti ba bahɛ ti ihi la yula pumpuure-dɔɔrɔ la zuo vo'ohego daarɛ la, yele yele wuu vo'ohego dabeherɛ dinɛ n boi de tɔka la. Bala ti ba kiŋɛ Palete zi'an ta suhɛ ti ba kɔ' ban kpa' sɛba la nama gee yagehɛ ba pumpuure-dɔɔrɔ la zuto. 32Bala ti pɛntiireba la wa'am na, kɔ' buraahi la yia daana la nama, loŋe kɔ' kayima la ti ba kpa' la en la nama. 33Gee ban paaɛ Yezu zi'an la, ba nyɛ ti Yezu pun ki mɛ, ti ba ka kɔ' eŋa nama. 34Gee pɛntiireba ayima n tugum dikɛ a kanɛ lu' Yezu lugerɛ, ti bilam bilam ti ziim la ko'om ka'ɛ na. 35Se'em daana n daa ze' bini gee nyɛ ti yele ana wa iŋɛ la n bala n yeti hɔ, ti fum nam. En yeti se'ere la dela asira. A mi' ti a yeti la yelemɛŋerɛ. 36#Yɛh 12.46; Kãl 9.12; Yoo 34.20 Yele ana wa woo iŋɛ ti gulehegɔ la n wa'am asira na. La gulehɛ yeti, “A kɔberɛ la deyina me kan kɔ'ɛ.” 37Gee le gulehɛ zi'an kayima yeti, “Ba wan kaaɛ biha la se'em ti ba lu' a lugerɛ la kanɛ la.”
Yezu Pi'an
(Matu 27.57-61; Maki 15.42-47; Luki 23.50-56)
38Yele ana woo n tole la, ti Arimatiya buraa yu'urɛ n yi'iri Yosefe, se'em me n de Yezu zahereba la ayima gee sugera a mɛŋa Yuuduma la dabeem zuo la, en kiŋɛ ta suhɛ Palete ti a bahɛ ti a yakɛ Yezu iŋa la kiŋɛ ta pi'. Ti Palete bo' en sore, ti a nyaa kiŋɛ ta yakɛ Yezu iŋa la. 39#Yɔn 3.1-2 Ti Nikodemose, se'em n tabelɛ kiŋɛ Yezu zi'an yu'uŋɔ la, tari sɛla n tari yuuŋo suŋɔ ti ba yi'ira ba mɛɛ la alose wa'am na, ti ba tibehum dɛna wuu kugetambiliŋa. 40Ti ba kiŋɛ ta yakɛ Yezu iŋa la, pɔbɛ iŋa la, la yuuŋo suŋɔ lɔgerɔ la tanɛ pɛɛlega n ani suŋa puan, wuu Yuuduma kum pi'an malema n de se'em la. 41Bala ma'a la ti va'am bila n lɛm zi'an ti ba kpa' Yezu la, ti yɔɔ bɔna va'am bila wa puan ti ba nan ka tabelɛ laaɛ' nɛra ku puan. 42Didaarɛ la n de Yuuduma azɔɛtole maaheŋɔ dabeherɛ la zuo, ti yɔɔ la me lɛm la, ti ba tari Yezu paaɛ bilam biŋe.
Currently Selected:
Yɔn 19: GBTP
Highlight
Share
Copy
Want to have your highlights saved across all your devices? Sign up or sign in
Gurenɛ New Testament © The Bible Society of Ghana, 2020.
Yɔn 19
19
1Ti Palete to'e Yezu, bahɛ ti ba ŋmɛ' en paaɛ paaɛ. 2Ti pɛntiireba la pa'am gu'uhi muŋa vugele a zuo, gee yɛ' en fu mɔlegɔ. 3Gee kina a nɛŋan na ɛrigera en yeti, “Naa,Yuuduma naba wa!” Gee ni lobe a pɛka. 4Ti Palete le yehe na yele ba yeti, “Bihɛ ya, n wan tari en yehe na bo' ya, ti ya mina ti mam ka nyɛ tuure se'ere a puan.” 5Ti Yezu yehe na, vuga gu'uhi muŋa la, gee yɛ fumɔlegɔ. Ti Palete yele nɛreba la yeti, “Bihɛ ya, buraa la n ŋwana.” 6Malema kiinduma la, la gureba la n nyɛ Yezu la, ba taheri mɛ yeti, “Kpa' ya en, kpa' ya en.” Ti Palete yele ba yeti, “Ya mɛhi tari en ta kpa', gee mam ka nyɛ a tuure.” 7Ti Yuuduma la lerege naba wa yeti, “Tumam tari la tu ze'elego, ti ze'elego la puan, a dela a ki, la eŋa n yeti eŋa dela Yinɛ dayua la.”
8Palete n wum dina la, dabeem n malum kɛ̃ en gana yia la. 9Ti a lebe kɛ̃ a yire la puan ha, le ta soke Yezu yeti, “Fum yehe la bɛha na?” Ti Yezu ka lerege en se'ere. 10Ŋwana ti Palete yele en yeti, “Fum ka boti fum tɔgɛ bo' mam? Fum ka mi' ti mam tari paŋa wan to'e fum bahɛ, gee le tari paŋa wan bahɛ ti ba kpa' hɔ?” 11Ti Yezu lerege en yeti, “Fum kan ta'am iŋɛ mam sɛla, han dagena saazuo ha n bo' fum sore. Bala, se'em daana n dikɛ mam iŋɛ fum nu'uhen la, tum la be'em kãtɛ.” 12Yehe bilam, Palete kɔ'ɔm zigera mɛ ti a to'e Yezu bahɛ fai, gee ti Yuuduma la me kɔ'ɔm tahera bahɛ na yeti, “Naba, fum han bahɛ buraa kana wa, fum dagi Siiza zɔ. Se'em woo en iŋɛ a mɛŋa naba, pageri mɛ la Siiza.”
13Palete n wum yetɔgebuna wa la, a tari Yezu yehe me na, yiŋa na, gee zi'ire gakerɛ kuka la zuo, zɛ'sɛka ti ba yi'ira kuga zinzaka la, bii Heburu puan, Gabata la. 14La wa dɛna la azɔɛtole maaheŋɔ daarɛ, wuntɛɛn-sigelika bɔba, ti Palete yele Yuuduma la yeti, “Ya naba la n ŋwana!” 15Ti ba kaahɛ bahɛ na yeti, “Tari ya buraa kana wa kiŋɛ ha, tari ya buraa kana wa kiŋɛ ha, Kpa' ya en.” Ti Palete soke ba yeti, “N kpa' ya naba la?” Ti malema kiinduma la lerege Palete la yeti, “Tumam ka tari naba sɛka, han dagena Siiza ma'a.” 16Ti Palete dikɛ Yezu iŋɛ ba nu'uhen, ti ba tari en ta kpa'.
Yezu kpa'a
(Matu 27.32-44; Maki 15.21-32; Luki 23.26-43)
Ti ba nyaa to'e Yezu, 17ti a zi a pumpuuredɔɔ to'e sore kiŋɛ bala ta paaɛ zi'an ti ba yi'ira zuwama la, gee yi'ira ka Heburu puan Golgota la. 18Bilam ti ba kpa' Yezu, gee kpa' nɛreba basɛba me, kayima a zuɔ, kayima me a gɔbega, ti Yezu bɔna ba tiŋasuka. 19Ti Palete bahɛ ti ba gulehɛ sɛla iŋɛ ta kpa' labelɛ Yezu pumpuuredɔɔ la zuin yeti, “Yezu, Nazareti buraa,Yuuduma naba la.” 20Ti Yuuduma la zo'e zo'e kãalɛ gulehegɔ la, se'ere en sɔi la, zi'an ti ba kpa' Yezu la lɛm mɛ la tinkãtɛ puan, ti gulehegɔ la gulehɛ Heburu, Laatin la Giriki yetɔgum puan. 21Ti Yuuduma malema kiinduma la kiŋɛ ta yele Palete yeti, Gulehegɔ la ka suni ti ku yeti, “Yuuduma naba, gee ‘Buraa kana wa yeti kaŋa dela Yuuduma naba.’ ” 22Ti Palete lerege ba yeti, “Sɛla ti mam gulehɛ la, n gulehɛ ya.” 23Pɛntiireba la n kpa' Yezu ba'ahɛ la, ba dikɛ futo la mɛ tɔrɛ sugum nuuren bunaahi, ti pɛntiira woo dikɛ fuo, fuo. Gee nyaa dikɛ a fuwoko la. Fuwoko wa dela mune, ti pɛ'a ka bɔna ku puan, gee ba dikɛ la tanɛ kɔ'ɔm wugɛ kɔ ze'ele zuin ta paaɛ tiŋa. 24#Yoo 22.18 Ti pɛntiireba la yele taaba yeti, “Da bahɛ ya ti tu ahegɛ fukuna wa, gee bahɛ ya ti tu ŋmɛ' gbaŋa la tu bihɛ se'em n wan di.” Dina wa iŋɛ ti la doohe mɛ la gulehegɔ la n yeti,
“Ba dikɛ la mam futo tɔrɛ bo' ba mɛhi, gee ŋmɛ'
gbaŋa mam fuo zuo” la.
25Lan bala ti pɛntiireba wa iŋɛ la.
Ban iti ŋwana woo la, ti Yezu ma, la a ma suuɔ, Mɛɛri n de Kalopase pɔga, la Mɛɛri Magedalin ze' mɛ lɛm pumpuuredɔɔ la ti ba kpa' Yezu ku zuo la. 26Yezu n nyɛ a ma la, la a zahera se'em ti a ba' nɔŋɛ la n ze' lɛm a ma la, ti a yele a ma la yeti, “Pɔka wa, fum dayua n bala.” 27Gee yele a zahera la me yeti, “Fum ma n bala.” Yehe de daarɛ, ti Yezu zahera wa tari Yezu ma la kule a yire.
28 #
Yoo 69.21; 22.15 Dina pooren, Yezu n baŋɛ ti sɛla woo tum ba'ahɛ la, (gee ti la me wan doohe la gulehegɔ la), ti a yeti, “Ko'nyuuro n tari mam.” 29Bala ma'a la ti dugela n ze' bilam la daam kɛka, ti ba zɔ kalam ta dikɛ nyunhunyuuŋa yile tum daam kɛka la puan, dikɛ vile dibega, nyaa zɛkɛ ta ita a nuuren. 30Lan ta kalum Yezu nuurɛ la, ti Yezu yeti, “La ba'ahɛ ya.” Gee nyaa suure a zuo, vo'ohe a vo'ohum za'a.
Ba lu' Yezu lugerɛ la kanɛ
31De daarɛ n de azɔɛtole maaheŋɔ daarɛ la zuo, Yuuduma la ka boti ba bahɛ ti ihi la yula pumpuure-dɔɔrɔ la zuo vo'ohego daarɛ la, yele yele wuu vo'ohego dabeherɛ dinɛ n boi de tɔka la. Bala ti ba kiŋɛ Palete zi'an ta suhɛ ti ba kɔ' ban kpa' sɛba la nama gee yagehɛ ba pumpuure-dɔɔrɔ la zuto. 32Bala ti pɛntiireba la wa'am na, kɔ' buraahi la yia daana la nama, loŋe kɔ' kayima la ti ba kpa' la en la nama. 33Gee ban paaɛ Yezu zi'an la, ba nyɛ ti Yezu pun ki mɛ, ti ba ka kɔ' eŋa nama. 34Gee pɛntiireba ayima n tugum dikɛ a kanɛ lu' Yezu lugerɛ, ti bilam bilam ti ziim la ko'om ka'ɛ na. 35Se'em daana n daa ze' bini gee nyɛ ti yele ana wa iŋɛ la n bala n yeti hɔ, ti fum nam. En yeti se'ere la dela asira. A mi' ti a yeti la yelemɛŋerɛ. 36#Yɛh 12.46; Kãl 9.12; Yoo 34.20 Yele ana wa woo iŋɛ ti gulehegɔ la n wa'am asira na. La gulehɛ yeti, “A kɔberɛ la deyina me kan kɔ'ɛ.” 37Gee le gulehɛ zi'an kayima yeti, “Ba wan kaaɛ biha la se'em ti ba lu' a lugerɛ la kanɛ la.”
Yezu Pi'an
(Matu 27.57-61; Maki 15.42-47; Luki 23.50-56)
38Yele ana woo n tole la, ti Arimatiya buraa yu'urɛ n yi'iri Yosefe, se'em me n de Yezu zahereba la ayima gee sugera a mɛŋa Yuuduma la dabeem zuo la, en kiŋɛ ta suhɛ Palete ti a bahɛ ti a yakɛ Yezu iŋa la kiŋɛ ta pi'. Ti Palete bo' en sore, ti a nyaa kiŋɛ ta yakɛ Yezu iŋa la. 39#Yɔn 3.1-2 Ti Nikodemose, se'em n tabelɛ kiŋɛ Yezu zi'an yu'uŋɔ la, tari sɛla n tari yuuŋo suŋɔ ti ba yi'ira ba mɛɛ la alose wa'am na, ti ba tibehum dɛna wuu kugetambiliŋa. 40Ti ba kiŋɛ ta yakɛ Yezu iŋa la, pɔbɛ iŋa la, la yuuŋo suŋɔ lɔgerɔ la tanɛ pɛɛlega n ani suŋa puan, wuu Yuuduma kum pi'an malema n de se'em la. 41Bala ma'a la ti va'am bila n lɛm zi'an ti ba kpa' Yezu la, ti yɔɔ bɔna va'am bila wa puan ti ba nan ka tabelɛ laaɛ' nɛra ku puan. 42Didaarɛ la n de Yuuduma azɔɛtole maaheŋɔ dabeherɛ la zuo, ti yɔɔ la me lɛm la, ti ba tari Yezu paaɛ bilam biŋe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gurenɛ New Testament © The Bible Society of Ghana, 2020.