መዝሙረ ዳዊት 108
108
1የዳዊት የምስጋና መዝሙር።
2 #
መዝ. 57፥8-12። አምላኬ ሆይ ልቤ ጽኑ ነው፥
እቀኛለሁ፥ በክብሬም እዘምራለሁ።
3 #
ኢዮብ 38፥12። በገና ሆይ፥ ተነሥ፥ መሰንቆም እንዲሁ፥
እኔም ማለዳን ልቀስቅሰው።
4 #
መዝ. 9፥12፤ 18፥50፤ 148፥13። አቤቱ፥ በአሕዛብ መካከል አመሰግንሃለሁ፥
በሕዝቦችም መካከል እዘምርልሃለሁ፥
5 #
መዝ. 36፥6፤ 71፥19። ጽኑ ፍቅርህ በሰማይ ላይ ታላቅ ናትና፥
እውነትህም እስከ ደመናት ድረስ ነውና።
6አቤቱ፥ በሰማያት ላይ ከፍ ከፍ በል፥
ክብርህም በምድር ሁሉ ላይ ትሁን።
7ወዳጆችህ ይድኑ ዘንድ፥
በቀኝህ አድን አድምጠኝም።
8 #
መዝ. 60፥8-14። እግዚአብሔር በመቅደሱ ተናገረ፦
“ደስ እያለኝ ሴኬምንም እከፋፍላለሁ፥
የሱኮትንም ሸለቆ እሰፍራለሁ።
9ገለዓድ የእኔ ነው ምናሴም የእኔ ነው፥
ኤፍሬም የራሴ መከላከያ ቁር ነው።
ይሁዳ በትረ መንግሥቴ፥
10 #
ሩት 4፥7-8። ሞዓብ መታጠቢያዬ ነው፥
በኤዶምያስ ላይም ጫማዬን እዘረጋለሁ፥
በፍልስጥኤም ላይ ድሌን ዐውጃለሁ።
11ወደ ጽኑ ከተማ ማን ይወስደኛል?
እስከ ኤዶምያስ ድረስስ ማን ይመራኛል?
12 #
መዝ. 44፥10። አቤቱ፥ የጣልኸን አንተ አይደለህምን?
አምላክ ሆይ፥ ከሠራዊታችን ጋር መውጣት አቆምህ።
13በጥቃታችን ድረስልን፥
የሰውም ማዳን ከንቱ ነው።
14በእግዚአብሔር ኃይልን እናደርጋለን፥
እርሱም የሚያስጨንቁንን ይረጋግጣቸዋል።”
Currently Selected:
መዝሙረ ዳዊት 108: መቅካእኤ
Highlight
Share
Copy
Want to have your highlights saved across all your devices? Sign up or sign in