Wïlöölö 10
10
Luum Nyïïkwaac Nöa
1Man beeye luum nyïïkwaac Cëm ki Kaam ki Jaapeth na näk wäät Nöa. Kanya tïme na køør jwïïö gena nyöödö, ni jïtge ko obwöre.
Nyïïkwaac Jaapeth
(1 Luup Nyeye 1:5-7)
2Wäät Jaapeth beege Gömër, ki Magöök, ki Madë, ki Jawan, ki Tubal, ki Möcak, ki Tëra. 3Ni wäät Gömër beege Ackena, ki Ripath, ki Tögarma. 4Ni ö wäät Jawanni ni näkge beege Elica, ki Tarcëc, ki Kitim, ki Rödanim. 5'Ba ki røk jøøgø, jø wø bëëdö bäät näm dëëtge apääŋge yïth ŋøøm moge, ni jøøi nø ŋäya dhøk marge, ni ge bëëdö na wï tuuŋ man nø, na teeŋ wï jur man nø.
Nyïïkwaac Kaam
(1 Luup Nyeye 1:8-16)
6Wäät Kaam beege Kuuc, ki Micram, ki Put, ki Keenan. 7Ni wäät Kuuc beege Ceba, ki Ëwlath, ki Cabta, ki Raama, ki Cabteka; ni ö wäät Raama ni näkge beege Cïïba ki Didan.
8Kuuc Namrut anywøle, ni ö Namruti ni tïme ni beeye ŋata kwøŋ bëëtö no oteeø bäät piny. 9Ni tïme na ŋat mo thöör ŋääe døc nyïm Wuuö Jwøk. Kiper manøgø nø, jiy atïmö ni ŋääta ree, ni köge, ni «Ï caala Namrut, ŋata näk dïthöödhi nyïm Wuuö Jwøk.» 10Ni ŋøøm moe tägi ka Babel ki Ërëk ki Akat ki Kalnë, mïëya en yi Cinaar. 11Ni tïŋŋe yi ŋöömmögø, ni aae ni pööth Aciria, ni geer Nineba ki Rööböth-Ir ki Kala, 12ni geer Rëcën na en yïthakic Nineba ki Kala, ni tïmge na pääny aciel mo dwøŋ døc.
13'Ba Micram beeye na kwar jø Ludim, ki jø Anamim, ki jø Laabim, ki jø Neptalëm, 14ki jø Petruc, ki jø Kaclu, ki jø Kaptör, na näk jøøa käl jø Pilitinni dëëtge.
15Keenan wääde ma Caydan na näk kanynye anywøle, ni nywøl Këth thuwø. 16Ni ö jø Jeebuc ki jø Amör ki jø Gërgëca, 17ki jø Ëwi ki jø Aruk ki jø Cini, 18ki jø Arbat ki jø Dhemari ki jø Amath ni kälge ree.
Køøre cään tuuŋ jø Keenan anyaay ni keethge. 19Ni ö ŋøømmi mo jø Keenan ni nyaacge, ni tägi ka Caydan ni cøøa jï kuna en Gërar këël mana këët Geedha, ni pööth jï kuna en Cødam ki Gømöra ka Adama ki Dheböym këël mana këët Laca. 20Moøgø beege nyïïkwaac Kaam; ni jøøi nø bëëdö na wï tuuŋ man nø, ni ge ŋäya dhøk marge, ni ge bëëdö yïth ŋøøm moge na teeŋ wï jur man nø.
Nyïïkwaac Cëm
(Wïlöölö 11:10-27; 1 Luup Nyeye 1:17-27)
21Køøre thuwø Cëm, na näk kwar jø Eber, anyöötö ko obwöre. Cëm beeye cok Jaapethi, ni dwøŋŋa eni ki coki ma Jaapeth.
22Wäät Cëm beege Ilam ki Acör ki Arpakat ki Lut ka Aram.
23Ni ö wäät Arammi ni näkge Uc ki Uul ki Gëthër ki Möcak.
24Ni ö Arpakat ni nywøl Ceela, ni ö Ceela ni nywøl Eber.
25Ni ö Eberri ni nyööte ki wääte ariiø; ni nyeŋ wääde maya cwøl ni Pelek kiper na tïme na ree kar kaaca, jiy akeethø dï piny; ni ö nyeŋ coki ni cwøli ni Jöktan.
26Ni ö Jöktanni ni nywøl Almödat ki Calëp ki Acremöt ki Jerak, 27ka Adöram ka Udhal ki Dekla, 28ko Obal ka Abimaal ki Cïïba; 29ko Öpïr ki Ëwlath ki Jöbap. Jøøgø bëët beege wäät Jöktan.
30Ŋøøm moa bëëtge yïthge atägö ki kanya cwøl ni Mëca ni pïïe jï kuna en Cipar, paana näk po kïte, na en jï løø kur tuul-cäŋ.
31Jøøgø bëët beege nyïïkwaac Cëm, ni jøøi nø bëëdö na wï tuuŋ man nø, ni ge ŋäya dhøk marge, ni ge bëëdö yïth ŋøøm moge na teeŋ wï jur man nø.
32'Ba moøgø beege nyïïkwaac Nöa ki køør tuuŋ marge, ni jøøi nø bëëdö na teeŋ wï jur man nø. Ki røk jøøgø wïth juurre anyaay bäät piny bäre køør jwïïö.
Currently Selected:
Wïlöölö 10: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia
