Wïlöölö 19
19
Kanya Ö Jwøki Na Raany Cødam, Ni Bøth Løøti
1Ni ö nyïïatwieli moa näk ariiø ni pïïcge Cødam ka abøøya ni pinynya ŋec wëëlle, ni Løøt opï piny dhi kiir Cødam. 'Ba kanya ö Løøti na joot geni, ena ö maal nee røømme ki geni, ni këël cøŋŋe piny nyïmge ni kuul wïïe piny. 2Ni kööe, ni «Wëëga, beerra man gääu paac mana näk mar laŋŋø maru, nou butu yie wääni, nee tietu lwøgu; køøre nø uuno møøl ni pööthu kuna cou yie.»
Ni köge, ni «Bäŋ gïre, waani wa buta bura wääni.»
3'Ba eni gena møøthe døc kiree, ni putge gaa baŋe ni cige paare; ni tëën geni ki cam mo päl, ni tëëde jïge ki møø mo ree bäŋ thømmø, ni cämge. 4'Ba kanya pootge ni ge poot kär ci baŋ niine, cwøw mo päänyögø na näk jø Cødam bëët, ki mana täge ko obwöre këël jäle, ni beeye dhaanh pääny bäre, øtø mar Løøt amarge. 5Ni cøørge Løøt, ni köge jïre, na «?Age jiy moa ö paarï wäär man en? Käl geni wøk baŋwa nee wa butwa ki ge.»
6'Ba Løøt adøny wøk baŋge dhi øtø, ni cïëk dhi øtø ni cuŋŋe ni ee luk ŋääe. 7Ni kööe, ni «Jaay nyïïmera, a kwaya uuni ki man ba tïïyu teeŋ gïnögø ni raac enø. 8Kawaane ennø møn, aani jïra da nyïïa ariiø mo dëëtge poot kuc cwøwi; beerra man käla ge wøk baŋu, ni tïïyu gïna manynyu ki ge jaak, 'ba kär dee gïn tïïyu dëët jiy moi ni kany en, kiper geno nø duny paara.»
9'Ba gena köö, ni «Daak riï.» Ni cäŋge köö, ni «Nyeni en aö kany nee bëëde na wëëllö, 'ba kawaane ennø ree atïïe na dïŋut luup. Nyie, ennø da gïn mo tïïcwa tïïö dëërï mo raac døc mo kaala mana dewa tïïö dëët jøøge.» Køøre Løøt aputge cööyö døc ni nyekge dhi øtø kiper nee toorge.
10'Ba jøøa näk ariiø ceŋge arwääge wøk ni tuutge Løøt yi øtø baŋge, ni cïëkge øtø bäätge. 11Køøre jiy moa en dhi øtø atïïcge na cööre, ki mana täge ko obwöre këël jäle, ni öölge dëëtge jaak ki thäämmö ni ge manynya dhi øtø.
12Køøre jøøa näk ariiø aköö jï Løøt, ni «?Da jiy mo ena kany ma jic dëërï? Cwøw nyïï, ki wäätï, ki nyïï, këël ŋat mo ena pääny man ma dhaanh dëërï jaak, bwøth geni wøk yi päänyi en; 13kiper paac man raanywa raanynyø, kiper luup ajäla moa en bäät jiy moa en yie atïmö ni thööth, ni beeye na ö Wuuö Jwøki ni jääŋ waani en nee raanywa.»
14Ni ö Løøti ni døny wøk baŋ cwøw nyïïe moa näk manynya nywöm, ni cääne ki ge, ni kööe, «Ööu maal ni laaru aa wøk paani, kiper Wuuö Jwøk manynya man raany kany ennø.» 'Ba ki baŋ cwøw nyïïe, mare beeye kwääk jaak.
15'Ba kanya ruu øwi, nyïïatwieli Løøt alacge, ni köge, «Ö maal ni laarï cïïï ki nyïï karge riedi na en buutï kany lwør, kiper nou ba rwöp ajäle mano pïï bäät paani en.»
16'Ba kanya poot Løøti ni dwiil, eni ki cïïe ki nyïïe ceŋge amak jøøgø, ni kïthge geni wøk ŋää päänyögø, kiper mana bëëde ni mëëc Wuuö Jwøk ena bääte. 17'Ba kanya nø kïthge geni wøk, dhaanhø aciel dïge aköö, «Reŋu nø, ni gwøgu jwïëyu, kär dee ŋat lwïthi ŋääe, ni ba ruuwu gool man en këët; cou reŋŋu bäät kïte kiper nou ba rwöp ki jøøi.»
18'Ba Løøt aköö jïge, ni «Wui wëëga, a kwaya uuni, 19ennø, met ec anø wëëgu a na laŋŋø maru, ni nyoothu mëëya dwøŋ jïra ki køør mana gwøgu jwïëya. 'Ba ba løny jïra ki man pïïa bäät kïte, kiper ränynyö mano pïï bäät paanøgø a maae maaø øtjöö, ni thøøa jaak. 20Kawaane ennø, päänyo ni thiinh enøgø kare cään ki man reŋŋa yie. Beerra man reŋŋa yie, kiper ka pääny mo thiinh, nee jwïëya gwøa yie.»
21Ni kö nyïïatwielli manøgø jï Løøt, ni «Ennø, luubö marï ajïëa; pääny mana cäänï kipere enø ba raanynya këët. 22Laar reŋ yie, kiper bäŋ gïn mo tïïa këël mano pïïyï kaace.» Kiper manøgø nø, nyeŋ pääny manøgø acwøl ni Dhöär.#19:22 Dhöär ki dhi Ibaru tiere beeye thiinh.
23Kar kanya pïïc Løøti Dhöär, cäŋ oløny ni ena maal. 24Køøre Wuuö Jwøk maac ki tør mo liel døc ajääŋŋe bäät Cødam ki Gømöra ni pänhnhi ki maal baŋ Wuuö Jwøk kaamar køth, 25ni ö päänye moøge, ki gøli moa en kwöreke bëët, ki jøøa bëëdö yïth päänye moøgø bëët, këël gïïa näk otuy na marr yïth ŋøøpøgø, ni puti ya Wuuö Jwøki raanynyø. 26'Ba cï Løøt na cäädhö ŋää cwøre alwïthö køøre ni neena kanya kälge yie; ni put talø ni teek ni dööŋ dëëre na acäbö.
27'Ba kanya tïme na amöölla, Eeberam amøøl wøk ni aa kanya cuŋŋe yie nyïm Wuuö Jwøk; 28ni neen ya amät piny, ni joot Cødam ki Gømöra, ki gøli moa en ŋøøpøgø bëët, ni jïrö mo dwøŋ døc nyäälö bäätge ni caala jïc dwaar.
29'Ba kanya ö Jwøki na raany päänye moøge ki gøli moge, eni wïïe kär wïl ki Eeberam, ni käl Løøt wøk ki yi paana raanynyi na bëëde yie, ni raany gø ni Løøt tøør yie.
Gïna Tïïc Nyïï Løøti Dëër Wääge
30'Ba Løøt, kiper mana lwäye ki bëëtö Dhöär, ena aay ki nyïïe karge riet ni bëëde bäät kïte yi øtø ma øt kïdi, ki nyïïe na näk ariiø. 31Ni kö nyaana dwøŋŋi jï coki mana thiinh, na «Awuuö anø jalø, ni bäŋ cwøw kany en mo ø nywømge nywømø kaawat man wø tïïc jiyi bëët bäät piny. 32Ööï, o maadhø awuuö ki køøŋ nyïïomøki nee meere, kiper nøø cøø baŋe, nee wïthø nywölø wøk ka awuuö.»
33Køøre wääge aputge maath ki køøŋ nyïïomøki wäänögø, ni ö nyaana dwøŋŋi ni ci baŋ wänni, ni bäŋ gïn ŋäc wänni na bäre bäre këël mana døø wøk.
34'Ba na tïme na aruunnø man, nyaana dwøŋ aköö jï coki, ni «Wääna witïni aana ci baŋ awuuö. Ennø, cäŋø eni maathø ki køøŋ nyïïomøki wääni, kiper niï ci baŋe thuwø, nee wïthø nywölø wøk ka awuuö.» 35Køøre wäänögø wääge acäŋge maathø ki køøŋ nyïïomøki, ni ci nyaana thiinhnhi baŋ wänni thuwø, ni bäŋ gïn ŋäc wänni na bäre bäre këël mana døø wøk.
36Køøre nyïï Løøt karge riet yïthge ajïtö ki jiy mo jaaya wääge. 37Ni ö nyaana dwøŋŋi ni nywøl dhaanhø na dïcwøø, ni cak nyeŋ wääde ni Möap; ni beeye na kwar jø Möap këël dïcäŋi ennø. 38Ni ö nyaana thiinhnhi ni nywøl dhaanhø mare na dïcwøø thuwø, ni cak nyeŋ wääde ni Ben-Ami; ni beeye na kwar jø Amön këël dïcäŋi ennø.
Currently Selected:
Wïlöölö 19: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia
Wïlöölö 19
19
Kanya Ö Jwøki Na Raany Cødam, Ni Bøth Løøti
1Ni ö nyïïatwieli moa näk ariiø ni pïïcge Cødam ka abøøya ni pinynya ŋec wëëlle, ni Løøt opï piny dhi kiir Cødam. 'Ba kanya ö Løøti na joot geni, ena ö maal nee røømme ki geni, ni këël cøŋŋe piny nyïmge ni kuul wïïe piny. 2Ni kööe, ni «Wëëga, beerra man gääu paac mana näk mar laŋŋø maru, nou butu yie wääni, nee tietu lwøgu; køøre nø uuno møøl ni pööthu kuna cou yie.»
Ni köge, ni «Bäŋ gïre, waani wa buta bura wääni.»
3'Ba eni gena møøthe døc kiree, ni putge gaa baŋe ni cige paare; ni tëën geni ki cam mo päl, ni tëëde jïge ki møø mo ree bäŋ thømmø, ni cämge. 4'Ba kanya pootge ni ge poot kär ci baŋ niine, cwøw mo päänyögø na näk jø Cødam bëët, ki mana täge ko obwöre këël jäle, ni beeye dhaanh pääny bäre, øtø mar Løøt amarge. 5Ni cøørge Løøt, ni köge jïre, na «?Age jiy moa ö paarï wäär man en? Käl geni wøk baŋwa nee wa butwa ki ge.»
6'Ba Løøt adøny wøk baŋge dhi øtø, ni cïëk dhi øtø ni cuŋŋe ni ee luk ŋääe. 7Ni kööe, ni «Jaay nyïïmera, a kwaya uuni ki man ba tïïyu teeŋ gïnögø ni raac enø. 8Kawaane ennø møn, aani jïra da nyïïa ariiø mo dëëtge poot kuc cwøwi; beerra man käla ge wøk baŋu, ni tïïyu gïna manynyu ki ge jaak, 'ba kär dee gïn tïïyu dëët jiy moi ni kany en, kiper geno nø duny paara.»
9'Ba gena köö, ni «Daak riï.» Ni cäŋge köö, ni «Nyeni en aö kany nee bëëde na wëëllö, 'ba kawaane ennø ree atïïe na dïŋut luup. Nyie, ennø da gïn mo tïïcwa tïïö dëërï mo raac døc mo kaala mana dewa tïïö dëët jøøge.» Køøre Løøt aputge cööyö døc ni nyekge dhi øtø kiper nee toorge.
10'Ba jøøa näk ariiø ceŋge arwääge wøk ni tuutge Løøt yi øtø baŋge, ni cïëkge øtø bäätge. 11Køøre jiy moa en dhi øtø atïïcge na cööre, ki mana täge ko obwöre këël jäle, ni öölge dëëtge jaak ki thäämmö ni ge manynya dhi øtø.
12Køøre jøøa näk ariiø aköö jï Løøt, ni «?Da jiy mo ena kany ma jic dëërï? Cwøw nyïï, ki wäätï, ki nyïï, këël ŋat mo ena pääny man ma dhaanh dëërï jaak, bwøth geni wøk yi päänyi en; 13kiper paac man raanywa raanynyø, kiper luup ajäla moa en bäät jiy moa en yie atïmö ni thööth, ni beeye na ö Wuuö Jwøki ni jääŋ waani en nee raanywa.»
14Ni ö Løøti ni døny wøk baŋ cwøw nyïïe moa näk manynya nywöm, ni cääne ki ge, ni kööe, «Ööu maal ni laaru aa wøk paani, kiper Wuuö Jwøk manynya man raany kany ennø.» 'Ba ki baŋ cwøw nyïïe, mare beeye kwääk jaak.
15'Ba kanya ruu øwi, nyïïatwieli Løøt alacge, ni köge, «Ö maal ni laarï cïïï ki nyïï karge riedi na en buutï kany lwør, kiper nou ba rwöp ajäle mano pïï bäät paani en.»
16'Ba kanya poot Løøti ni dwiil, eni ki cïïe ki nyïïe ceŋge amak jøøgø, ni kïthge geni wøk ŋää päänyögø, kiper mana bëëde ni mëëc Wuuö Jwøk ena bääte. 17'Ba kanya nø kïthge geni wøk, dhaanhø aciel dïge aköö, «Reŋu nø, ni gwøgu jwïëyu, kär dee ŋat lwïthi ŋääe, ni ba ruuwu gool man en këët; cou reŋŋu bäät kïte kiper nou ba rwöp ki jøøi.»
18'Ba Løøt aköö jïge, ni «Wui wëëga, a kwaya uuni, 19ennø, met ec anø wëëgu a na laŋŋø maru, ni nyoothu mëëya dwøŋ jïra ki køør mana gwøgu jwïëya. 'Ba ba løny jïra ki man pïïa bäät kïte, kiper ränynyö mano pïï bäät paanøgø a maae maaø øtjöö, ni thøøa jaak. 20Kawaane ennø, päänyo ni thiinh enøgø kare cään ki man reŋŋa yie. Beerra man reŋŋa yie, kiper ka pääny mo thiinh, nee jwïëya gwøa yie.»
21Ni kö nyïïatwielli manøgø jï Løøt, ni «Ennø, luubö marï ajïëa; pääny mana cäänï kipere enø ba raanynya këët. 22Laar reŋ yie, kiper bäŋ gïn mo tïïa këël mano pïïyï kaace.» Kiper manøgø nø, nyeŋ pääny manøgø acwøl ni Dhöär.#19:22 Dhöär ki dhi Ibaru tiere beeye thiinh.
23Kar kanya pïïc Løøti Dhöär, cäŋ oløny ni ena maal. 24Køøre Wuuö Jwøk maac ki tør mo liel døc ajääŋŋe bäät Cødam ki Gømöra ni pänhnhi ki maal baŋ Wuuö Jwøk kaamar køth, 25ni ö päänye moøge, ki gøli moa en kwöreke bëët, ki jøøa bëëdö yïth päänye moøgø bëët, këël gïïa näk otuy na marr yïth ŋøøpøgø, ni puti ya Wuuö Jwøki raanynyø. 26'Ba cï Løøt na cäädhö ŋää cwøre alwïthö køøre ni neena kanya kälge yie; ni put talø ni teek ni dööŋ dëëre na acäbö.
27'Ba kanya tïme na amöölla, Eeberam amøøl wøk ni aa kanya cuŋŋe yie nyïm Wuuö Jwøk; 28ni neen ya amät piny, ni joot Cødam ki Gømöra, ki gøli moa en ŋøøpøgø bëët, ni jïrö mo dwøŋ døc nyäälö bäätge ni caala jïc dwaar.
29'Ba kanya ö Jwøki na raany päänye moøge ki gøli moge, eni wïïe kär wïl ki Eeberam, ni käl Løøt wøk ki yi paana raanynyi na bëëde yie, ni raany gø ni Løøt tøør yie.
Gïna Tïïc Nyïï Løøti Dëër Wääge
30'Ba Løøt, kiper mana lwäye ki bëëtö Dhöär, ena aay ki nyïïe karge riet ni bëëde bäät kïte yi øtø ma øt kïdi, ki nyïïe na näk ariiø. 31Ni kö nyaana dwøŋŋi jï coki mana thiinh, na «Awuuö anø jalø, ni bäŋ cwøw kany en mo ø nywømge nywømø kaawat man wø tïïc jiyi bëët bäät piny. 32Ööï, o maadhø awuuö ki køøŋ nyïïomøki nee meere, kiper nøø cøø baŋe, nee wïthø nywölø wøk ka awuuö.»
33Køøre wääge aputge maath ki køøŋ nyïïomøki wäänögø, ni ö nyaana dwøŋŋi ni ci baŋ wänni, ni bäŋ gïn ŋäc wänni na bäre bäre këël mana døø wøk.
34'Ba na tïme na aruunnø man, nyaana dwøŋ aköö jï coki, ni «Wääna witïni aana ci baŋ awuuö. Ennø, cäŋø eni maathø ki køøŋ nyïïomøki wääni, kiper niï ci baŋe thuwø, nee wïthø nywölø wøk ka awuuö.» 35Køøre wäänögø wääge acäŋge maathø ki køøŋ nyïïomøki, ni ci nyaana thiinhnhi baŋ wänni thuwø, ni bäŋ gïn ŋäc wänni na bäre bäre këël mana døø wøk.
36Køøre nyïï Løøt karge riet yïthge ajïtö ki jiy mo jaaya wääge. 37Ni ö nyaana dwøŋŋi ni nywøl dhaanhø na dïcwøø, ni cak nyeŋ wääde ni Möap; ni beeye na kwar jø Möap këël dïcäŋi ennø. 38Ni ö nyaana thiinhnhi ni nywøl dhaanhø mare na dïcwøø thuwø, ni cak nyeŋ wääde ni Ben-Ami; ni beeye na kwar jø Amön këël dïcäŋi ennø.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia