Wïlöölö 29
29
Kanya Ö Jeekapi Na Pïïe Baŋ Nääri
1Køøre Jeekap atïŋŋö ni put wääth ni pïïe yïth ŋøøp jø wø bëëdö jï løø kur tuul-cäŋ. 2'Ba na lwïthe, iith ajoode dï pwöla, ni joot athwöe adäk mo pïïth dïëk no obut piny bäät iidhøgø, ni beeye iith wø maathge obëëde. 'Ba kïdi mana en dhi iith manøgø beeye kïdi mo dwøŋ døc. 3Ni kany wø ö dïëki bëët wø cooŋi kanya aciel kaace, jø kwaath kïdi wø ŋielge wøk, ni maathge dïëk, ni cäŋge kïdi dwøk kare dhi iith manøgø.
4Kanyøgø Jeekap aköö jï jø kwaath, ni «?Nyie jaay nyïïmera, uuna jø kaa?»
Ni köge, ni «Waana jø Aaren.»
5Ni kööe jïge, ni «Leeban nyïkwaar Neeyör ŋäyu?»
Ni köge, ni «Yaa, eni ŋäcwa.»
6Ni cäŋ Jeekapi köö jïge, ni «?Eni dëëre jööt?»
Ni köge, ni «Yaa, dëëre jööt; këël nyaare ma Reecal beeye ni ööi ki dïëk ice.»
7Ni kööe, ni «Ennø, cäŋ poot dwøŋ, ni paa kare ki man cooŋ dïëk kanya aciel kar kany nø. Maathu geni ki pïï nø, ni cou, ni kïthu geni baŋ luum.»
8'Ba gena köö, ni «Manøgø ba tïïcwa këël mano ö dïëki bëët noo cooŋge dëëtge kanya aciel, noo ŋïël kïdi wøk mana en dhi iith; køøre nø, dïëk maathwa maadhø ki pïï nø.»
9'Ba kanya poode ni poot cäänö ki jøøgø, Reecal aput pïï ki dïëk wänni, kiper bee eni ni kwaac geni. 10'Ba kanya ö Jeekapi na joot Reecal nyi nääri ma Leeban cöök menni, ki dïëk nääri ma Leeban, Jeekap aput cøø, ni ŋïël kïdi wøk mana en dhi iith, ni maath dïëk nääri ma Leeban. 11Køøre Jeekap dhi Reecal anuume ni put jwøk. 12Ni ö Jeekapi ni caan tuuŋ jï Reecal ki man näk gena tuuŋ ki wää gø, ni eni beeye o Rebëëka, ni ö Reecalli ni reŋ paac ni waac gø jï wänni.
13'Ba kanya ö Leeban na wïny ööny o coki ma Jeekap, ena put reŋ baŋe nee røømge ki gø, ni gääm gø ni nuum dhi gø, ni käl gø paare. Ni ö Jeekapi ni caan jammi bëët jï Leeban. 14Ni kö Leeban jïgø, ni «Ka adïëri møn, ïïna tuuŋwa mana näk rem dëëra kiree.» Ni ö Jeekapi ni put bëëdö ki dwääy aciel buut Leeban.
Jeekap Manynya Reecal Nee Nywøme
15Køøre Leeban aköö jï Jeekap, na «?Aŋø, a diï puta tïnynyö jaak nø ni bäŋ gïrpiny kiper mana näk øøna tuuŋ? Caan jammi moo magï baŋa.»
16'Ba Leeban da nyïïe ariiø; ni nyeŋ mana dwøŋ beeye Liia, ni ö nyeŋ mana thiinhnhi ni näk Reecal. 17Ni Liia beeye nyakøø mo nyeŋŋe therø, 'ba Reecal kïte mïërö ki dëëre bäre, këël täärnyïme. 18'Ba Jeekap mëër ka Reecal døc, ni kööe jï Leeban, ni «Aani ïïno tïnynya ki cwiiri abïriiø kiper nyaarï ma Reecal na thiinh.»
19Ni kö Leeban, ni «Theemma eni ki man cïba gø jïrï ki mana daa gø cïbö jï dhaanhø mør; bëëdï buuta.» 20Køøre Jeekap atïïö ki cwiiri abïriiø kiper Reecal, ni cwiiyøgø nëëni keda nïne mo nøk jaak, kiper mana bëëde ni mëër ki Reecal døc.
Kanya Ö Jeekapi Na Nywøm Liia Ki Reecal
21Køøre Jeekap aköö jï Leeban, ni «Wëëk a cïïa nø, nee ö baŋa, kiper kanya wäŋŋa athum.»
22Ni ö Leeban ni cooŋ jø paanøgø bëët kanya aciel, ni tïïe ki cam nywöm. 23'Ba na tïme na wïthïënhö, Leeban nyaare ma Liia alwøre, ni käl gø baŋ Jeekap; ni ö Jeekapi ni ci baŋ gø na dhaagø. 24'Ba Leeban nyaan ma ŋat tïïc mare mo nyeŋŋe Dhelpa, acïbe jï nyaare ma Liia nee tïme na ŋat tïïc mare.
25'Ba na tïme na amöölla, ajoot Jeekapi ni beeye Liia. Ni kööe jï Leeban, na «?Agïnaŋø na tïïyï dëëra en? ?Aŋø, paa Reecal na tïnynya ïïni kipere na bëëde? ?Aperŋø nø na nøønï aani en?»
26'Ba Leeban aköö, ni «Manøgø paa kööŋŋö mar powa, ki man nywøm ŋata thiinh ni ŋata dwøŋ poodi. 27Thöör jwøk mar nywöm man turu nø, køøre nyiwa maya ocïpwa jïrï thuwø, køøre nø ï cäŋa tïïö jïra ki cwiiri abïriiø møøk.»
28Ni ö Jeekapi ni jïëc gø, ni thöör jwøk mar nywöm mar Liia, ni ö Leeban ni cïp nyaare ma Reecal jïgø na cïïe. 29'Ba Leeban nyaan ma ŋat tïïc mare mo nyeŋŋe Bila, acïbe jï nyaare ma Reecal nee tïme na ŋat tïïc mare. 30Ni ö Jeekapi ni ci baŋ Reecal na dhaagø thuwø. 'Ba Jeekap mëër ka Reecal døc ni kaala Liia, ni ö Jeekapi ni cäŋ tïïö ki cwiiri abïriiø møøk jï Leeban.
Obwöre Moa Joot Jeekapi
31'Ba kanya jooti ya Wuuö Jwøki ni Liia ba mëërö ki gø døøc, Liia akønye ki man jïte ko obwöre, ni dööŋ Reecalli ni bäŋ obwöre jïre. 32Ni ö Liia ni jït yie ki dhaanhø, ni lwaare ki gø na dïcwøø, ni cak nyeŋ gø ni Ruben, kiper mana kööe, ni «Wuuö Jwøk can mara ajoode, 'ba ki mano täge ennø, cwøra otïmö ni mëër ki aani.»
33Køøre Liia yie acäŋ jïtö ki dhaanhø, ni lwaare ki gø na dïcwøø, ni kööe, ni «Wuuö Jwøk ki man näk ba mëërö ki aani awïnynye, ni beeye tiere ni cäŋ nyilaal man cïpö jïra en.» Ni ö Liia ni cak nyeŋ wääde ni Cimien.
34Køøre Liia yie acäŋ jïtö ki dhaanhø, ni lwaare ki gø na dïcwøø, ni kööe, ni «Køør man ennø, cwøra puta dwätö ki aani, kiper ena jïtö ko obwöre adäk ma cwøw mo yaa nywølø.» Kiper manøgønø nyeŋ wääde aput cak ni Libay.
35Køøre Liia yie acäŋ jïtö ki dhaanhø, ni lwaare ki gø na dïcwøø, ni kööe, ni «Yie man nø Wuuö Jwøk pwøa pwøø.» Kiper manøgø nø, nyeŋ wääde acaae ni Juuda. Ni put cuŋŋö køør obwöre moøgø.
Currently Selected:
Wïlöölö 29: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia
Wïlöölö 29
29
Kanya Ö Jeekapi Na Pïïe Baŋ Nääri
1Køøre Jeekap atïŋŋö ni put wääth ni pïïe yïth ŋøøp jø wø bëëdö jï løø kur tuul-cäŋ. 2'Ba na lwïthe, iith ajoode dï pwöla, ni joot athwöe adäk mo pïïth dïëk no obut piny bäät iidhøgø, ni beeye iith wø maathge obëëde. 'Ba kïdi mana en dhi iith manøgø beeye kïdi mo dwøŋ døc. 3Ni kany wø ö dïëki bëët wø cooŋi kanya aciel kaace, jø kwaath kïdi wø ŋielge wøk, ni maathge dïëk, ni cäŋge kïdi dwøk kare dhi iith manøgø.
4Kanyøgø Jeekap aköö jï jø kwaath, ni «?Nyie jaay nyïïmera, uuna jø kaa?»
Ni köge, ni «Waana jø Aaren.»
5Ni kööe jïge, ni «Leeban nyïkwaar Neeyör ŋäyu?»
Ni köge, ni «Yaa, eni ŋäcwa.»
6Ni cäŋ Jeekapi köö jïge, ni «?Eni dëëre jööt?»
Ni köge, ni «Yaa, dëëre jööt; këël nyaare ma Reecal beeye ni ööi ki dïëk ice.»
7Ni kööe, ni «Ennø, cäŋ poot dwøŋ, ni paa kare ki man cooŋ dïëk kanya aciel kar kany nø. Maathu geni ki pïï nø, ni cou, ni kïthu geni baŋ luum.»
8'Ba gena köö, ni «Manøgø ba tïïcwa këël mano ö dïëki bëët noo cooŋge dëëtge kanya aciel, noo ŋïël kïdi wøk mana en dhi iith; køøre nø, dïëk maathwa maadhø ki pïï nø.»
9'Ba kanya poode ni poot cäänö ki jøøgø, Reecal aput pïï ki dïëk wänni, kiper bee eni ni kwaac geni. 10'Ba kanya ö Jeekapi na joot Reecal nyi nääri ma Leeban cöök menni, ki dïëk nääri ma Leeban, Jeekap aput cøø, ni ŋïël kïdi wøk mana en dhi iith, ni maath dïëk nääri ma Leeban. 11Køøre Jeekap dhi Reecal anuume ni put jwøk. 12Ni ö Jeekapi ni caan tuuŋ jï Reecal ki man näk gena tuuŋ ki wää gø, ni eni beeye o Rebëëka, ni ö Reecalli ni reŋ paac ni waac gø jï wänni.
13'Ba kanya ö Leeban na wïny ööny o coki ma Jeekap, ena put reŋ baŋe nee røømge ki gø, ni gääm gø ni nuum dhi gø, ni käl gø paare. Ni ö Jeekapi ni caan jammi bëët jï Leeban. 14Ni kö Leeban jïgø, ni «Ka adïëri møn, ïïna tuuŋwa mana näk rem dëëra kiree.» Ni ö Jeekapi ni put bëëdö ki dwääy aciel buut Leeban.
Jeekap Manynya Reecal Nee Nywøme
15Køøre Leeban aköö jï Jeekap, na «?Aŋø, a diï puta tïnynyö jaak nø ni bäŋ gïrpiny kiper mana näk øøna tuuŋ? Caan jammi moo magï baŋa.»
16'Ba Leeban da nyïïe ariiø; ni nyeŋ mana dwøŋ beeye Liia, ni ö nyeŋ mana thiinhnhi ni näk Reecal. 17Ni Liia beeye nyakøø mo nyeŋŋe therø, 'ba Reecal kïte mïërö ki dëëre bäre, këël täärnyïme. 18'Ba Jeekap mëër ka Reecal døc, ni kööe jï Leeban, ni «Aani ïïno tïnynya ki cwiiri abïriiø kiper nyaarï ma Reecal na thiinh.»
19Ni kö Leeban, ni «Theemma eni ki man cïba gø jïrï ki mana daa gø cïbö jï dhaanhø mør; bëëdï buuta.» 20Køøre Jeekap atïïö ki cwiiri abïriiø kiper Reecal, ni cwiiyøgø nëëni keda nïne mo nøk jaak, kiper mana bëëde ni mëër ki Reecal døc.
Kanya Ö Jeekapi Na Nywøm Liia Ki Reecal
21Køøre Jeekap aköö jï Leeban, ni «Wëëk a cïïa nø, nee ö baŋa, kiper kanya wäŋŋa athum.»
22Ni ö Leeban ni cooŋ jø paanøgø bëët kanya aciel, ni tïïe ki cam nywöm. 23'Ba na tïme na wïthïënhö, Leeban nyaare ma Liia alwøre, ni käl gø baŋ Jeekap; ni ö Jeekapi ni ci baŋ gø na dhaagø. 24'Ba Leeban nyaan ma ŋat tïïc mare mo nyeŋŋe Dhelpa, acïbe jï nyaare ma Liia nee tïme na ŋat tïïc mare.
25'Ba na tïme na amöölla, ajoot Jeekapi ni beeye Liia. Ni kööe jï Leeban, na «?Agïnaŋø na tïïyï dëëra en? ?Aŋø, paa Reecal na tïnynya ïïni kipere na bëëde? ?Aperŋø nø na nøønï aani en?»
26'Ba Leeban aköö, ni «Manøgø paa kööŋŋö mar powa, ki man nywøm ŋata thiinh ni ŋata dwøŋ poodi. 27Thöör jwøk mar nywöm man turu nø, køøre nyiwa maya ocïpwa jïrï thuwø, køøre nø ï cäŋa tïïö jïra ki cwiiri abïriiø møøk.»
28Ni ö Jeekapi ni jïëc gø, ni thöör jwøk mar nywöm mar Liia, ni ö Leeban ni cïp nyaare ma Reecal jïgø na cïïe. 29'Ba Leeban nyaan ma ŋat tïïc mare mo nyeŋŋe Bila, acïbe jï nyaare ma Reecal nee tïme na ŋat tïïc mare. 30Ni ö Jeekapi ni ci baŋ Reecal na dhaagø thuwø. 'Ba Jeekap mëër ka Reecal døc ni kaala Liia, ni ö Jeekapi ni cäŋ tïïö ki cwiiri abïriiø møøk jï Leeban.
Obwöre Moa Joot Jeekapi
31'Ba kanya jooti ya Wuuö Jwøki ni Liia ba mëërö ki gø døøc, Liia akønye ki man jïte ko obwöre, ni dööŋ Reecalli ni bäŋ obwöre jïre. 32Ni ö Liia ni jït yie ki dhaanhø, ni lwaare ki gø na dïcwøø, ni cak nyeŋ gø ni Ruben, kiper mana kööe, ni «Wuuö Jwøk can mara ajoode, 'ba ki mano täge ennø, cwøra otïmö ni mëër ki aani.»
33Køøre Liia yie acäŋ jïtö ki dhaanhø, ni lwaare ki gø na dïcwøø, ni kööe, ni «Wuuö Jwøk ki man näk ba mëërö ki aani awïnynye, ni beeye tiere ni cäŋ nyilaal man cïpö jïra en.» Ni ö Liia ni cak nyeŋ wääde ni Cimien.
34Køøre Liia yie acäŋ jïtö ki dhaanhø, ni lwaare ki gø na dïcwøø, ni kööe, ni «Køør man ennø, cwøra puta dwätö ki aani, kiper ena jïtö ko obwöre adäk ma cwøw mo yaa nywølø.» Kiper manøgønø nyeŋ wääde aput cak ni Libay.
35Køøre Liia yie acäŋ jïtö ki dhaanhø, ni lwaare ki gø na dïcwøø, ni kööe, ni «Yie man nø Wuuö Jwøk pwøa pwøø.» Kiper manøgø nø, nyeŋ wääde acaae ni Juuda. Ni put cuŋŋö køør obwöre moøgø.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia