Jøøn 7
7
Kanya Ö Jecu Na Taagi Ya Nyïïmenni
1'Ba na tïme na køør manøgøøni, Jecu atïmö ni wïïra yi Galili, ni ba many man ci Judia, kiper na tïm jø Juuthi ni ge manynya man 'näkge eni. 2'Ba kar kaaca Ajwöm Cam mar jø Juuth man wø wøør ni jøw bëëdö yïth abïle kare ocäännö. 3Kiper manøgønø, nyïïmenni aköö jïre, ni «Wec kany, ni ciï yi Judia, nee tïïe mo wø tïïyï nee neen bäägï. 4Kiper bäŋ dhaanhø mo doo tïïö ni mare ee kanø, ni näk eni manynya man ŋäc mare. Ni näk gïïögø iï tïïö, nyooth riï jï jiy.» 5'Ba eni, këël nyïïmenni kär jïëy ki eni ni ŋääthge gøøni.
6Ni løgi ya Jecu jïge, «Caa mara poot kär öö, 'ba uuni, caae bëët beyø kiperu. 7'Ba jø piny ba doo maara männö ki uuni, 'ba beeye aani na mänge ki gø, kiper na caana moa reyø na tïïcge. 8Uuni, løny jïïu ki man cou kar ajwöma keeru. 'Ba aani, a ba ci kar ajwöma manøgø, kiper caa mara poot kär öö.» 9'Ba na nø caan luummögøøni, ena dööŋ yi Galili.
Kanya Ci Jecu Kar Ajwöma
10'Ba na näk køøre ni nyïïmenni onø ci kar ajwöma, ena luuny cøø thuwø, 'ba dëëre käre nyoodhø. 11'Ba jø Juuth ge neeta gø kar ajwöma, ni köge, na «?Age eni?»
12'Ba kanyøgø jiy atïmö ni ge muuŋö døc ki nyeŋŋe. Ni jø møøk köö, ni «Ena dhaanhø mo beer,» ni kö møøki, ni «Path, eni cøøga jiy jaak.» 13'Ba kiper mana lwäärge ki jø Juuth, bäŋ ŋat mo ocwøl nyeŋŋe ni wïnyö.
14'Ba kanya poot jiyi ni ge ena kar ajwöma, Jecu aci Øt Jwøk Mana Dwøŋ ni pööe. 15'Ba jø Juuth yïthge athäŋŋö ki pwöc moe ni köge, ni «?Ŋati en luupögø ee kwanyø kaa, ni eni kär pwönynyö?»
16Ni løgi ya Jecu jïge, «A ba pöö ka mara, 'ba beeye mar eni na jääŋ aani. 17Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera. 18Ŋat wø cäänö ki wïïe keere, wø cäänö kaper nee eni pwøc. 'Ba ŋat wø many Eni na jääŋ gøøni nee pwøc beeye na adïëri, ni eni bäŋ cwøk jïre. 19?Aŋø, ciik Jwøk kär cïp Modhe jïïu? 'Ba bäŋ dhaanhø aciel dïïu mo ciik Jwøk ee gwøø. ?Aŋø ni cayu man 'nägu aani en?»
20'Ba aløk jøøgø jïre, «Ïïni, riï da anägö. ?Aŋa ni cac man 'näk ïïni?»
21Ni løgi ya Jecu jïge, «Aani gïrpiny aciel atïïa, ni ö uuni ni thäŋ yïthu bëët ki gø. 22Modhe luum daŋ acïbe jïïu, ni manøgøøni ba täga ri Modhe, 'ba täga ri kwäyu; ni ö uuni ni putu dhaanhø daŋ ki cäŋ jwömö. 23?Aŋø, ni näk dhaanhø you daŋø ki cäŋ jwömö, kiper nee ciik mo Modhe ba dhallu, u doo wëër ki aani kiper na wëëga dëër dhaanhø mo tuu jöönnö bäre ki cäŋ jwömö? 24Kär nou ŋuta piny ki køør mana neennu ki nyeŋŋu, 'ba ŋudu ki ŋøl ma adïëri.»
Pïëc Kiper Jecu Ki Man Näk Mo Beeye Krictø
25'Ba kanyøgøøni jø møøk dï jø Jerucalem aköö, na «?Aŋø, paa ŋata manyge en, nee 'näkge? 26'Ba kawaane eni luubö jaak, ni bäŋ gïn mo caange jïre. ?Aŋø, ŋäc kwääri wän ni ŋatøgøøni beeye Krictø? 27'Ba ŋati kanya ööe ki yie ŋääø bëët. 'Ba Krictø noo ööe doo bäŋ ŋat mo ŋäc kuno ööe ki yie.»
28'Ba Jecu na pööe Øt Jwøk Mana Dwøŋ, dwøre atïŋ maal døc, ni kööe, «Uuni, a ŋäyu. Ni ŋäyu kuna ööa ki yie. 'Ba aani, a kär öö ki wïïa, a keera. Eni na jääŋ aani beeye na adïëri, 'ba eni kuyu. 29'Ba aani, eni ŋääa, kiper a käla baŋe, ni beeye eni na jääŋ aani.»
30Kanyøgø gena tïmö ni ge manynya man makge gø, 'ba bäŋ ŋat mo cere ee rwaak baŋ gø, kiper na poot caa mare ni kär öö. 31'Ba jiy mo thööth ajïëy ki eni ni ŋääthge gø, ni köge, «?Aŋø, kanyo ö Krictø yie, eni doo tïmö ki ŋïïce mo thööth mo kaala moa tïïc ŋati en?»
Kanya Jääŋ Dïkuye Mo Øt Jwøk Kuna Makge Jecu
32'Ba jø Paricith luum lwaaøgø awïnyge ni ge muuŋö na enøgønø ki nyeŋ Jecu. Ni ö kwääc laammi ki jø Paricith ni jääŋge dïkuye mo Øt Jwøk kuna makge gø. 33Kanyøgø Jecu aköö, ni «Aano en buutu ki kany mo thiinh; noo näk køøre, aano døø baŋ Ŋata jääŋ aani. 34Aano cayu, ni ba jootu aani. 'Ba kanyo ena yie, u ba doo maara ö yie.»
35'Ba jø Juuth acäänö yïthakicge keerge, ni köge, ni «?Ŋati, a kanya ŋø cøøn noo ci yie, ni eni ba joodø en? ?Aŋø, eni manynya man ci baŋ jø Juuth moa näk okeethø dï jø Gïrïïk, nee jø Gïrïïk pwönynye? 36?Tier mare nidïï na caan luummögøøni, ni ‹Aano cayu, ni ba jootu aani, ni kanyo ena yie, u ba doo mara ö yie›?»
Luumma Caan Jecu Kiper Pï Kwøw
37'Ba na tïme na aŋuun nïr ajwöm-cam, cäŋa näk mo dwøŋŋa eni, Jecu ree athïïŋe ni tïŋ dwøre maal døc ni kööe, «Nee da dhaanhø mo ree da riew, wär eni ö baŋa nee mädhe. 38Ŋato jïëy ni ŋääth aani, cwïnye ojïti ki näm mo kwödö ki pï kwøw, kaa mana caani ya wëël Jwøki.» 39'Ba luummögøøni caane kaper Jwïëc Jwøk mano ö bäät jøw ojïëy ki eni ni ŋääthge gø. Kiper kar kaaca Jwïëc Jwøk poot kär cïbö, kiper na poot Jecu ni poot kär jïtö ka ajiem.
Kanya Ö Jiyi Na Pääŋge Rege Kiper Jecu
40'Ba na wïnyge luupögøøni, jø møøk aköö, ni «Ŋati beeye nyikuŋ Jwøk møn mana wäŋŋi.»
41Ni kö møøki, ni «Ŋati beeye Krictø.»
'Ba møøk aköö, na «?Aŋø, Krictø doo öö ki yi Galili? 42?Kär caan wëël Jwøki na bëëde, ni Krictø doo käla ri nyïïkwaac Deebit, ni doo öö ki yi Bethelem, paana kwøŋ Deebiti bëëdö yie?» 43Yi kar kanyøgøøni, jiy røkge apääŋge kipere. 44Ni møøk dïge caya man makge gø, 'ba bäŋ dhaanhø mo cere ee rwaak baŋ gø.
Luum Ataa Mar Jø Paricith
45'Ba kanyøgøøni, dïkuye mo Øt Jwøk adøøk ni cige baŋ kwääc laam ki jø Paricith. Ni ö kwääc laammi ki jø Paricith ni köge jïge, na «?Aŋø na ba källu gøøni?»
46Ni løgi ya dïkuye, ni «Bäŋ dhaanhø mo okwøŋ cäänö kaamar ŋatøgøøni.»
47'Ba aløk jø Paricithi jïge, «?Aŋø, uuna cøøge thuwø? 48?Da kwääri wala jø Paricith mo ojïëy ni ŋääthge eni? 49'Ba lwaaøgø enø, na kuc mana en ri ciik Jwøk, geno cienø.»
50'Ba Niködima na en dëëtge, ŋata kwøŋ ci baŋ Jecu, aköö jïge, 51«?Aŋø, ki køør ciik mo pøø, dhaanhø doo ŋøla wøk ni mare kär kwøŋ wïnynyö, ni kwany tier gïna tïïe?»
52Ni løkge gø, «?A ïïni, ïïna nyï Galili thuwø? Noo manynyï yïth weet Jwøk døøc, diï joodø ni doo bäŋ nyikuŋ Jwøk mo doo öö ki yi Galili.»
[ 53Ni ö ŋati man nø ni døø paare.
Currently Selected:
Jøøn 7: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia
Jøøn 7
7
Kanya Ö Jecu Na Taagi Ya Nyïïmenni
1'Ba na tïme na køør manøgøøni, Jecu atïmö ni wïïra yi Galili, ni ba many man ci Judia, kiper na tïm jø Juuthi ni ge manynya man 'näkge eni. 2'Ba kar kaaca Ajwöm Cam mar jø Juuth man wø wøør ni jøw bëëdö yïth abïle kare ocäännö. 3Kiper manøgønø, nyïïmenni aköö jïre, ni «Wec kany, ni ciï yi Judia, nee tïïe mo wø tïïyï nee neen bäägï. 4Kiper bäŋ dhaanhø mo doo tïïö ni mare ee kanø, ni näk eni manynya man ŋäc mare. Ni näk gïïögø iï tïïö, nyooth riï jï jiy.» 5'Ba eni, këël nyïïmenni kär jïëy ki eni ni ŋääthge gøøni.
6Ni løgi ya Jecu jïge, «Caa mara poot kär öö, 'ba uuni, caae bëët beyø kiperu. 7'Ba jø piny ba doo maara männö ki uuni, 'ba beeye aani na mänge ki gø, kiper na caana moa reyø na tïïcge. 8Uuni, løny jïïu ki man cou kar ajwöma keeru. 'Ba aani, a ba ci kar ajwöma manøgø, kiper caa mara poot kär öö.» 9'Ba na nø caan luummögøøni, ena dööŋ yi Galili.
Kanya Ci Jecu Kar Ajwöma
10'Ba na näk køøre ni nyïïmenni onø ci kar ajwöma, ena luuny cøø thuwø, 'ba dëëre käre nyoodhø. 11'Ba jø Juuth ge neeta gø kar ajwöma, ni köge, na «?Age eni?»
12'Ba kanyøgø jiy atïmö ni ge muuŋö døc ki nyeŋŋe. Ni jø møøk köö, ni «Ena dhaanhø mo beer,» ni kö møøki, ni «Path, eni cøøga jiy jaak.» 13'Ba kiper mana lwäärge ki jø Juuth, bäŋ ŋat mo ocwøl nyeŋŋe ni wïnyö.
14'Ba kanya poot jiyi ni ge ena kar ajwöma, Jecu aci Øt Jwøk Mana Dwøŋ ni pööe. 15'Ba jø Juuth yïthge athäŋŋö ki pwöc moe ni köge, ni «?Ŋati en luupögø ee kwanyø kaa, ni eni kär pwönynyö?»
16Ni løgi ya Jecu jïge, «A ba pöö ka mara, 'ba beeye mar eni na jääŋ aani. 17Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera. 18Ŋat wø cäänö ki wïïe keere, wø cäänö kaper nee eni pwøc. 'Ba ŋat wø many Eni na jääŋ gøøni nee pwøc beeye na adïëri, ni eni bäŋ cwøk jïre. 19?Aŋø, ciik Jwøk kär cïp Modhe jïïu? 'Ba bäŋ dhaanhø aciel dïïu mo ciik Jwøk ee gwøø. ?Aŋø ni cayu man 'nägu aani en?»
20'Ba aløk jøøgø jïre, «Ïïni, riï da anägö. ?Aŋa ni cac man 'näk ïïni?»
21Ni løgi ya Jecu jïge, «Aani gïrpiny aciel atïïa, ni ö uuni ni thäŋ yïthu bëët ki gø. 22Modhe luum daŋ acïbe jïïu, ni manøgøøni ba täga ri Modhe, 'ba täga ri kwäyu; ni ö uuni ni putu dhaanhø daŋ ki cäŋ jwömö. 23?Aŋø, ni näk dhaanhø you daŋø ki cäŋ jwömö, kiper nee ciik mo Modhe ba dhallu, u doo wëër ki aani kiper na wëëga dëër dhaanhø mo tuu jöönnö bäre ki cäŋ jwömö? 24Kär nou ŋuta piny ki køør mana neennu ki nyeŋŋu, 'ba ŋudu ki ŋøl ma adïëri.»
Pïëc Kiper Jecu Ki Man Näk Mo Beeye Krictø
25'Ba kanyøgøøni jø møøk dï jø Jerucalem aköö, na «?Aŋø, paa ŋata manyge en, nee 'näkge? 26'Ba kawaane eni luubö jaak, ni bäŋ gïn mo caange jïre. ?Aŋø, ŋäc kwääri wän ni ŋatøgøøni beeye Krictø? 27'Ba ŋati kanya ööe ki yie ŋääø bëët. 'Ba Krictø noo ööe doo bäŋ ŋat mo ŋäc kuno ööe ki yie.»
28'Ba Jecu na pööe Øt Jwøk Mana Dwøŋ, dwøre atïŋ maal døc, ni kööe, «Uuni, a ŋäyu. Ni ŋäyu kuna ööa ki yie. 'Ba aani, a kär öö ki wïïa, a keera. Eni na jääŋ aani beeye na adïëri, 'ba eni kuyu. 29'Ba aani, eni ŋääa, kiper a käla baŋe, ni beeye eni na jääŋ aani.»
30Kanyøgø gena tïmö ni ge manynya man makge gø, 'ba bäŋ ŋat mo cere ee rwaak baŋ gø, kiper na poot caa mare ni kär öö. 31'Ba jiy mo thööth ajïëy ki eni ni ŋääthge gø, ni köge, «?Aŋø, kanyo ö Krictø yie, eni doo tïmö ki ŋïïce mo thööth mo kaala moa tïïc ŋati en?»
Kanya Jääŋ Dïkuye Mo Øt Jwøk Kuna Makge Jecu
32'Ba jø Paricith luum lwaaøgø awïnyge ni ge muuŋö na enøgønø ki nyeŋ Jecu. Ni ö kwääc laammi ki jø Paricith ni jääŋge dïkuye mo Øt Jwøk kuna makge gø. 33Kanyøgø Jecu aköö, ni «Aano en buutu ki kany mo thiinh; noo näk køøre, aano døø baŋ Ŋata jääŋ aani. 34Aano cayu, ni ba jootu aani. 'Ba kanyo ena yie, u ba doo maara ö yie.»
35'Ba jø Juuth acäänö yïthakicge keerge, ni köge, ni «?Ŋati, a kanya ŋø cøøn noo ci yie, ni eni ba joodø en? ?Aŋø, eni manynya man ci baŋ jø Juuth moa näk okeethø dï jø Gïrïïk, nee jø Gïrïïk pwönynye? 36?Tier mare nidïï na caan luummögøøni, ni ‹Aano cayu, ni ba jootu aani, ni kanyo ena yie, u ba doo mara ö yie›?»
Luumma Caan Jecu Kiper Pï Kwøw
37'Ba na tïme na aŋuun nïr ajwöm-cam, cäŋa näk mo dwøŋŋa eni, Jecu ree athïïŋe ni tïŋ dwøre maal døc ni kööe, «Nee da dhaanhø mo ree da riew, wär eni ö baŋa nee mädhe. 38Ŋato jïëy ni ŋääth aani, cwïnye ojïti ki näm mo kwödö ki pï kwøw, kaa mana caani ya wëël Jwøki.» 39'Ba luummögøøni caane kaper Jwïëc Jwøk mano ö bäät jøw ojïëy ki eni ni ŋääthge gø. Kiper kar kaaca Jwïëc Jwøk poot kär cïbö, kiper na poot Jecu ni poot kär jïtö ka ajiem.
Kanya Ö Jiyi Na Pääŋge Rege Kiper Jecu
40'Ba na wïnyge luupögøøni, jø møøk aköö, ni «Ŋati beeye nyikuŋ Jwøk møn mana wäŋŋi.»
41Ni kö møøki, ni «Ŋati beeye Krictø.»
'Ba møøk aköö, na «?Aŋø, Krictø doo öö ki yi Galili? 42?Kär caan wëël Jwøki na bëëde, ni Krictø doo käla ri nyïïkwaac Deebit, ni doo öö ki yi Bethelem, paana kwøŋ Deebiti bëëdö yie?» 43Yi kar kanyøgøøni, jiy røkge apääŋge kipere. 44Ni møøk dïge caya man makge gø, 'ba bäŋ dhaanhø mo cere ee rwaak baŋ gø.
Luum Ataa Mar Jø Paricith
45'Ba kanyøgøøni, dïkuye mo Øt Jwøk adøøk ni cige baŋ kwääc laam ki jø Paricith. Ni ö kwääc laammi ki jø Paricith ni köge jïge, na «?Aŋø na ba källu gøøni?»
46Ni løgi ya dïkuye, ni «Bäŋ dhaanhø mo okwøŋ cäänö kaamar ŋatøgøøni.»
47'Ba aløk jø Paricithi jïge, «?Aŋø, uuna cøøge thuwø? 48?Da kwääri wala jø Paricith mo ojïëy ni ŋääthge eni? 49'Ba lwaaøgø enø, na kuc mana en ri ciik Jwøk, geno cienø.»
50'Ba Niködima na en dëëtge, ŋata kwøŋ ci baŋ Jecu, aköö jïge, 51«?Aŋø, ki køør ciik mo pøø, dhaanhø doo ŋøla wøk ni mare kär kwøŋ wïnynyö, ni kwany tier gïna tïïe?»
52Ni løkge gø, «?A ïïni, ïïna nyï Galili thuwø? Noo manynyï yïth weet Jwøk døøc, diï joodø ni doo bäŋ nyikuŋ Jwøk mo doo öö ki yi Galili.»
[ 53Ni ö ŋati man nø ni døø paare.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia