ፍጥ. 9
9
እግዘር ተኖኽ ጋ የገፗን ርዳ
1እግዘር ኖኽም ደንመታ ዳረኖም «ፍኸሮ፥ ብዘ ኽሮም አፈር ምረዊ፤ 2ዋጋ፥ አዊ፥ አን፥ በዳታና ተሻቦም ያሮ ፍጥረትም አሳም እንም አኹ ቦስረፍ የምበሮ፤ እንም ባኹ ትዛዝ የደሮ። 3ተዝ ይፍቴ ይረሞ ቃር እንም ሸረት ኤፐም ያብኩም ኸማ ዝም ኤያም የኸሮ ፍጥረት እንም ሸረት ይኸሮኩዬ አብኩም። 4የኽርምታነ በደም ነብስ ነረወ፥ ደም ያነወ በሰር አትብሮ። 5ሰብ የቀጠረ በሞት የትቀጣ፤ ዋጋም ሰብ በቀጠረ በሞት ኧቈጣንቴ።
6ሰብ የትፈጠረ ብእግዘር መርኩ፤
ኽም የኸሬ ሰብ የቀጠረ ሰብ እንም በሰብ እጅ ይሞት።
7«አኹ ፍኸሮ፤ ብዘ ኽሮ፤ ዘራኹ አፈር የምራ» ባረኖም።
8እግዘር የኖኽም የደንመታ ዝካ ባረኖም፥ 9-10«እያ ታኹም ተዘርማኹ ኤያም ተኸሮ ፍጥረት እንም ታን፥ ተዋጋም ታዊ፥ ታኸ ጋ ተመርከብታ ደን ቶጦ ፍጥረትም እንም ጋ ርዳ ኧገባቴ፤ 11በዝም በገፓንኩ ርዳ ኤነት ተዝ አን ኤያም የኸሮ ፍጥረት እንም በጥፋት እኻ ኤጠፎ፤ አፈርም ዄተነ በጥፋት እኻ ኤጠፋ። 12ታኹም ኤያም ተኸሮ ፍጥረት እንም ጋ ኧገዋን የዝ የዘላለም ርዳ መርኸት ይኸሬ፥ 13ወወካና በዳበራ ር አወራንቴ፤ ዝም ወወካ ታለም ጋ የገፓን ርዳ መርኸት ኺተ ይረብርቴ። 14ሰሜ በዳበራ ብንሸፍርወም ወወካም በዳበራ ር ቢታሽወ ግዝየ እንም፥ 15‹የዝ አን የጥፋት እኻ፥ ኤያም የኸረ ፍጥረት እንም ስርም ኤያጠፋ› ባም ታኹም ትንጐድም ኤያም ተኸሮ ፍጥረት ጋ የገፓን ርዳ ኧዘግድ። 16ወወካ በዳበራ ቢትየወ ግዝየ እንም ብያም ባፈር ር ባነቦ ኤያም በኸሮ ፍጥረት ግብት ያነ የዘላለም ርዳ ኧዘግድ። 17ዝም ወወካ ኤያም የኸሮ ፍጥረት እንም የገፓን ርዳ ያዘግድ መርኸቱ።»
ኖኽም ደንመታ
18ተመርከብታ ዮጦ የኖኽ ደን ሴም፥ ካም፥ ያፌትምሎ፤ ካም የከነአን አባው፤ 19ኧዃ ባፈር ር ተብራጠቦም ያነቦ ሰብ እንም የትጨነቦ ተዝ ተሶስት የኖኽ ደንው።
20ኖኽ ቸዋች ባነ፤ የወይን ኧጨ ቅብሮት ቀነሰም፤ 21ተከረ አት ከረ ኖኽ የወይን ጠጅ ሰጨም ሰከረም፤ ጅረታ አዀነቀም እንጭመታ በዱከም ደን ተገተረም። 22የከነአን አብ የኸረ ካም አባታ ኖኽ እንጭመታ የኸረ ኸማ ባሽ ግዝየ ውጤ ወጣም የዄት ጐፔየታ ኦደኖም። 23ሴምም ያፌትም ጋቢ ባጋተና ጠበጦም፤ በዱከምቴ ያን ዝር ወሮም አባና እንጭመታ የኸረኸማ ቤያዞዬ ይፍተና አዦሮም ጋቢ አኸተረዊም። 24ኖኽ ስካረታ ገረንም ቃንዠ ቲብር፥ እርስ ኧርቸታ ዬፐወቃር ኻረም፤ 25ኖኽም
«ከነአን የትሰተበ የኽር!
የጐፔመታ ባረያ የኽር!
26የሴም ታ የኸረ እግዘር ሽር የስራን፤
ከነአንም የሴም ባረያ የኸር፤
27እግዘር የያፌት አፈር ያበትት፤
የያፌት ዘር ተሴም ዘር ጋ እማቴ የምበሮ፤
ከነአን የያፌት#9፥27 «ያፌት»፦ በእብራይስጥ አም «የበትት» በሮቱ። ባረያ የኽር» ባረም ሰተወንም።
28ተጥፋት እኻ አን ኖኽ ሶስት በቅር ታምሳ ዘበር ነፐረም። 29ኧድሜየታ ዠጠ በቅር ታምሳ ዘበር ቲኸር ተም።
Currently Selected:
ፍጥ. 9: መቅጉ
Highlight
Share
Copy
Want to have your highlights saved across all your devices? Sign up or sign in
