KALAQAMA 6
6
MANNU BUNSHE
1Mannu sirchi baattote aana bati'ri yannara seennu ilaminsa; 2Maganu ooso#6:2 Maganu ooso yaannoha mite mite tiro baxxitino kalaqama: Sokkaasinenna durriissa woy wolqaataamo manna yitanno. mannunnihu seennu xumuulle ikkinota la'u; giddonsanni baxxinore doodhite adhitu. 3Kaaliiqi, «Ayyaani'ya mannu aana hegerera dihee'ranno; isi mannahona, dirisi 120 ikkanno» yii. 4Hatte yannaranna hakkunni gedensaanni, «Nefiliimi» yinanniri hojjaameeyyenna wolqaataammu manni no; insano Maganu ooso mannu seenne adhitu yannara ilantinoreeti; kuri, albi yannara su'minsa egennaminore wolqaataamma ikkitu.
5Kaaliiqi mannu bunshe baattote aana batidhinota, wodaninsa hedonna yortonsa duuchanka woyite horonta busha ikkitinota afi. 6Manna baattote aana kalaqasira gaabbi; wodanisinnino dadilli. 7Kaaliiqi, «Kalaqoommonsahura gaabboommona konne manna, saada, godowunni ha'ranno kalaqamanna cea baattote aaninni huneemmo» yii. 8Nohi kayinni Kaaliiqi albaanni ayirrinye afi'ri.
NOHI
9 #
2Phe 2:5. Nohi yannara ikkino coyi aane nooho: Nohi keeraanchoho; bunshe assannokkihonna Maganu ledo qaafanno manchooti. 10Nohi Seemi, Kaaminna Yaafeeti yinannire 3 labballi ooso ilino. 11Baatto Maganu illera bushshe leeltu; barshu wo'minota ikkitu. 12Maganu baatto lowo geeshsha bushu loosinni battaabbinota afi; kuneeti mannu baalu baattote aana bunshe loosanni noota lai.
13Maganu Nohira, «Mannu sircho baattote aaninni hunammora murci'roommo; insanni kainohunni baattote barshu wo'minona, ani kuneeti baattote aana noo kalaqama baala huneemmo. 14Ati kayinni umikkira dancha haqqichonni markaawe seekki'ri; giddoseno batinye kifilla heedhanno gede assi; wayi giddora eannokki gede qixiraani yinanni suwe markaawete giddoyidiranna gobbayidira xalli. 15Seendille 300 cigile, hala'linye 50 cigile, uurrinsha 30 cigile ikkitona. 16Markaawete tuana#6:16 Markaawete tuana yaannoha qalchoho woy masikootete yaa dandiinanni. seekki; tuanunna uurrinshase mereero mitte cigile fano darga aguri; markaawete waalcho midaadoho wori; markaawe sase fooqe nooseta ikkitona. 17Ani, baattote aana hee'rannoha lubbo afi'rino kalaqama duuchanka hunate baattote aanira baote waa dirriseemmo; baattote aana noohu baalunku ba"anno. 18Ate ledo kayinni gondooro e"eemmo; atinna galtekki, oosokkinna oosokki seenni mitteenni markaawete giddora e'e.
19«Ate ledo lubbotenni hee'ranno gede lubbo afi'rino kalaqama baala danu danunkunni lame lame labbaahanna meyata haadhe markaawete giddora eessi. 20Lubbotenni heedhanno gede addi addi cea, addi addi saadanna godowunni ha'rannohu addi addi kalaqami lame lame ikke atewa eona. 21Ateranna kunni kalaqami baalaho ikkitannota addi addi sagaleno markaawete giddora eessite duuni» yiisi. 22Nohino Maganu hajajinore baala assi.
Currently Selected:
KALAQAMA 6: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
KALAQAMA 6
6
MANNU BUNSHE
1Mannu sirchi baattote aana bati'ri yannara seennu ilaminsa; 2Maganu ooso#6:2 Maganu ooso yaannoha mite mite tiro baxxitino kalaqama: Sokkaasinenna durriissa woy wolqaataamo manna yitanno. mannunnihu seennu xumuulle ikkinota la'u; giddonsanni baxxinore doodhite adhitu. 3Kaaliiqi, «Ayyaani'ya mannu aana hegerera dihee'ranno; isi mannahona, dirisi 120 ikkanno» yii. 4Hatte yannaranna hakkunni gedensaanni, «Nefiliimi» yinanniri hojjaameeyyenna wolqaataammu manni no; insano Maganu ooso mannu seenne adhitu yannara ilantinoreeti; kuri, albi yannara su'minsa egennaminore wolqaataamma ikkitu.
5Kaaliiqi mannu bunshe baattote aana batidhinota, wodaninsa hedonna yortonsa duuchanka woyite horonta busha ikkitinota afi. 6Manna baattote aana kalaqasira gaabbi; wodanisinnino dadilli. 7Kaaliiqi, «Kalaqoommonsahura gaabboommona konne manna, saada, godowunni ha'ranno kalaqamanna cea baattote aaninni huneemmo» yii. 8Nohi kayinni Kaaliiqi albaanni ayirrinye afi'ri.
NOHI
9 #
2Phe 2:5. Nohi yannara ikkino coyi aane nooho: Nohi keeraanchoho; bunshe assannokkihonna Maganu ledo qaafanno manchooti. 10Nohi Seemi, Kaaminna Yaafeeti yinannire 3 labballi ooso ilino. 11Baatto Maganu illera bushshe leeltu; barshu wo'minota ikkitu. 12Maganu baatto lowo geeshsha bushu loosinni battaabbinota afi; kuneeti mannu baalu baattote aana bunshe loosanni noota lai.
13Maganu Nohira, «Mannu sircho baattote aaninni hunammora murci'roommo; insanni kainohunni baattote barshu wo'minona, ani kuneeti baattote aana noo kalaqama baala huneemmo. 14Ati kayinni umikkira dancha haqqichonni markaawe seekki'ri; giddoseno batinye kifilla heedhanno gede assi; wayi giddora eannokki gede qixiraani yinanni suwe markaawete giddoyidiranna gobbayidira xalli. 15Seendille 300 cigile, hala'linye 50 cigile, uurrinsha 30 cigile ikkitona. 16Markaawete tuana#6:16 Markaawete tuana yaannoha qalchoho woy masikootete yaa dandiinanni. seekki; tuanunna uurrinshase mereero mitte cigile fano darga aguri; markaawete waalcho midaadoho wori; markaawe sase fooqe nooseta ikkitona. 17Ani, baattote aana hee'rannoha lubbo afi'rino kalaqama duuchanka hunate baattote aanira baote waa dirriseemmo; baattote aana noohu baalunku ba"anno. 18Ate ledo kayinni gondooro e"eemmo; atinna galtekki, oosokkinna oosokki seenni mitteenni markaawete giddora e'e.
19«Ate ledo lubbotenni hee'ranno gede lubbo afi'rino kalaqama baala danu danunkunni lame lame labbaahanna meyata haadhe markaawete giddora eessi. 20Lubbotenni heedhanno gede addi addi cea, addi addi saadanna godowunni ha'rannohu addi addi kalaqami lame lame ikke atewa eona. 21Ateranna kunni kalaqami baalaho ikkitannota addi addi sagaleno markaawete giddora eessite duuni» yiisi. 22Nohino Maganu hajajinore baala assi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014