LUQAASI 15

BA'EENNA ANFOONNI GE'RECHO LAWISHSHA

(Mat 18:12-14)

1Mitto barra qaraxaasinenna cubbaataammu baalu yaannore macciishshitara ka'e Yesuusiwa daggu. 2Farisootunna Seeru rosiisaano, «Kuni manchi cubbaataamma baala gamba assi're insa ledo itanno» yite gunguntu.#Luq 5:29-30 lai. 3Kunnira Yesuusi, 4«Ki'ne giddonni xibbe ge'reewo afi'rino manchira mitte ge'recho baxxite ba'usiro ma assanno? Honsayina honse dubbu giddo agure mitticho ba'uta hasi'rara diha'ranno? 5Afi'ranno woyite hagiidhe qoteho duqqe minira adhe daanno. 6Minira iillanno woyite, jaallasinna olliisi manna mitteenni woshshe, ‹Ba'inota ge'recho'ya afi'roommona, amme hagiidhe"e!› yaanno. 7Kuleemmo'nena, aagintaawa hasiissannonsakkiri honsayina honse keeraanonni roore, aagintaawe higannohu mittu cubbaataaminni kainohunni gordoho lowo hagiirre ikkanno» yee lawishsha kulinsa.

BA'EENNA ANFOONNI SAANTE LAWISHSHA

8Yesuusi lede, «Tonne saante afidhino manchora mitte ba'usero ma assitanno? Caabbicho qasse mine fiite ba'ino saante afi'rate jaatanaabbe dihasidhanno? 9Afidhanno woyite jaallasenna olliise manna mitteenni woshshite, ‹Ba'ue saante afi'roommana, amme hagiidhe"e!› yitanno. 10Kuleemmo'nena, aagintaawe higannohu mittu cubbaataaminni kainohunni, gordoho Maganu sokkaasine hagiidhitanno» yii.

BAE LEELLINO BEETTO

11Yesuusi lede, «Mittu manchira lame ooso noosi. 12Maa'niidihu annasi, ‹Anna'ya, jirokki giddonni iillannoe qeecha beehie› yii. Annuno jirosi lamunku beettira beehi. 13Shiimu barri gedensaanni, maa'niidi beetti iillinosire baala gamba assi're, fule xeerto gobba ha'ri. Hakko marinowa afi'rino woxe baala haafurira fince gudino. 14Woxesi baala gudihu gedensaanni, hattenne hee'ranno gobbara wolqaataame hude ubbeenna qarrami. 15Kunnira hatte gobbara hee'rannohuwa mittu manchiwa mare irki'ri. Manchuno manchaame allaalannosi gede soqqi. 16Hudi're manchaame ittanno kura itara halchi. Aannosiha mittono diafi'rino.

17«Hakkunni gedensaanni galfate, ‹Anni'ya mine soqqantanno faantooti, sagale itte duubbe gatisidhannori batinyeho. Ani kayinni konne hudetenni reyanni noommo. 18Kae anni'yawa mare, «Anna'ya, atenna Maganu albaanni bushoommo. 19Kunni ka'a ate beetto ikka dimaltinoe. Soqqamannohe manni giddo mittu gede assite kiirie» yeemmo› yii. 20Kunnira kae annisiwa ha'ri.

«Annuno fafowa hee'reenna afe mararisi; dodanni mare beettosi hanqafe sunqisi. 21Beettuno, ‹Anna'ya, atenna Maganu albaanni bushoommo. Kunni ka'a ate beetto ikka dimaltinoe› yii. 22Annu kayinni soqqamaanosi woshshe, ‹Rakkine woyyaabbino uddano abbitine uddisiissesi. Qubbichisira cuuicho, lekkasirano koatte worresi. 23Hardino middichano abbitine gorre; intanni hagiidhineemmona. 24Kuni beetti'ya reyinohu kaino; bainohu leellino› yeenna hagiidhitu.

25«Hatte yannara bayiriidi beetti loosunniwa ha're no. Loosuwiinni kae daanni minira iilla rahe hee're, sirbunna godo'lete luulo macciishshi. 26Soqqamaanote giddonni mitto woshshe, ‹Kuni sirbunna godo'le mayinnite?› yee xa'mi. 27Soqqamaanchuno, ‹Rodiikki keerunni dayenna, annikki hardino middicha gorre, jila jileennaati› yiisi.

28«Bayiriidi beettino lowo geeshsha hanqe, minira ea giwi; annuno fule minira eanno gede huuccisi. 29Beettu kayinni, ‹Kageeshshi diro borojjimma soqqamoommohe; hajajokki mitteno dixeisoommo. Ikkollana jaalla'ya ledo hagiidheemmo gede wilii'licho nafa dioottoe. 30Kuni beettikki kayinni woxekki baala fooru meenti ledo fince gude galagale dayenna, hardino middicha gorroottosi› yee qoli. 31Annuno, ‹Beetto'ya, ati wo'ma woyite ane ledo nootto. Ani afi'roommori baalu ateho. 32Kuni rodiikki kayinni, reyinohu kaino; bainohu leellino. Kunnira, hagiidha hasiissannonke› yiinosi» yii.

Currently Selected:

LUQAASI 15: QulMax

Highlight

Copy