ဢွၵ်ႇၵႂႃႇ 26
26
သုမ်ႉထဵင်ၸဝ်ႈ
(တူၺ်း၊ ဢွၵ်ႇ 36:8-38)
1ၼႄးၼိုင်ႈၸမ်ႉ၊ မႂ်းတၵ်းလႆႈဢဝ်တင်းၽႃႈၵင်ႈသိပ်းၽိုၼ် ႁဵတ်းသုမ်ႉထဵင်ၸဝ်ႈဢေႃႈ။ တၵ်းလႆႈဢဝ်ပိၵ်ႈၶျေႃးဢၼ်ပႃးတင်း ၶူဝ်းဢၼ်သွမ်ႇ၊ ၶူဝ်းဢၼ်ၵမ်ႇ၊ ၶူဝ်းဢၼ်လႅင်တမ်ႇၵၢမ်းၵၼ်ႁၢင်ႈၶိူင်ႈႁဵတ်းပုင်ႇႁၢင်ႈ ၶေႇရူႉၽဵမ်ႇသႂ်ႇလႄႈႁဵတ်းၽႃႈၵင်ႈၸိူဝ်းၼၼ်ႉဢေႃႈ။- 2ၽႃႈၵင်ႈၼၼ်ႉ ၼႃႈယၢဝ်းမၼ်းတၵ်းလႆႈမီးသၢဝ်းပႅတ်ႇသွၵ်ႇ၊ ၼႃႈပွတ်းမၼ်းသီႇသွၵ်ႇလႄႈ ၽႃႈၵင်ႈတင်းသဵင်ႈတင်းလူင်ၸိူဝ်းၼၼ်ႉ၊ ၼႃႈယၢဝ်းၼႃႈပွတ်းတၵ်းလႆႈမိူၼ်ၵၼ်ဢေႃႈ။- 3ၽႃႈၵင်ႈႁႃႈၽိုၼ်တၵ်းလႆႈယဵပ်ႉၸပ်းႁႂ်ႈပဵၼ်ၽိုၼ်လဵဝ်ၵၼ်လႄႈ ၽႃႈၵင်ႈဢၼ်ၵိုတ်းႁႃႈၽိုၼ်ၼၼ်ႉၵေႃႈတၵ်းလႆႈယဵပ်ႉၸပ်းႁႂ်ႈပဵၼ်ၽိုၼ်လဵဝ်ၵၼ်ဢေႃႈ။- 4မႂ်းတၵ်းလႆႈဢဝ်ၶူဝ်းဢၼ်သွမ်ႇႁဵတ်းႁူမၼ်း၊ သႂ်ႇၵႃႈတီႈၸႃႉၸဵမ်တီႈသုတ်းၽႃႈၵင်ႈဢၼ်သိုပ်ႇၵၢမ်းၵၼ်ၽိုၼ်ၼိုင်ႈၼၼ်ႉလႄႈ ၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇဢေႃႈ။ ၵႃႈတီႈၸႃႉၸဵမ်တီႈသုတ်းၽႃႈၵင်ႈၽိုၼ်တူႉတီႉယႃႉ ဢၼ်သိုပ်ႇၵၢမ်းၵၼ်ၽိုၼ်ၼိုင်ႈၼၼ်ႉလႄႈ ၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇၼၼ်ႉၵေႃႈ တၵ်းလႆႈႁဵတ်းမိူၼ်ၸိူဝ်ႉၼင်ႇၼႆဢေႃႈ။- 5မႂ်းတၵ်းလႆႈႁဵတ်းႁူႁႃႈသိပ်းၵႃႈတီႈၽႃႈၵင်ႈၽိုၼ်ၼိုင်ႈ ဢိၵ်ႇတင်းႁူႁႃႈသိပ်းၵႃႈတီႈႁိမ်းၽၢႆႇၼိူဝ်ၽႃႈၵင်ႈၽိုၼ်တူႉတီႉယႃႉ ဢၼ်သိုပ်ႇၵၢမ်းၵၼ်ၼၼ်ႉဢေႃႈ။ ႁူတင်းလၢႆၸိူဝ်းၼၼ်ႉ တၵ်းလႆႈတေႃႇမႅၼ်ႈၵၼ်ဢေႃႈ။- 6ၶေႃၶမ်းႁႃႈသိပ်းဢၼ်ၵေႃႈ မႂ်းတၵ်းလႆႈႁဵတ်းလႄႈ ဢဝ်ၶေႃၶမ်းၸိူဝ်းၼၼ်ႉ ႁႂ်ႈၽႃႈၵင်ႈတေႃႇၸပ်းၵၼ်သေယဝ်ႉ၊ တၵ်းလႆႈပဵၼ်သုမ်ႉထဵင်ၸဝ်ႈဢၼ်လဵဝ်ၵူၺ်းဢေႃႈ။
7ၽႃႈၵင်ႈပုၼ်ႈဢၼ်တၵ်းပဵၼ်မူဝ်းၵႃႇၵႃႈၼိူဝ်သုမ်ႉထဵင်ၸဝ်ႈၼၼ်ႉ တၢင်ႇၽိုၼ်ၵေႃႈမႂ်းတၵ်းလႆႈႁဵတ်းဢေႃႈ။ တၵ်းလႆႈႁဵတ်းသိပ်းဢဵတ်းၽိုၼ်ဢေႃႈ။- 8ၽႃႈၵင်ႈယေႈၽိုၼ် ၼႃႈယၢဝ်းမၼ်းတၵ်းလႆႈမီးသၢမ်သိပ်းသွၵ်ႇ၊ ၼႃႈပွတ်းမၼ်းသီႇသွၵ်ႇလႄႈ၊ ၽႃႈၵင်ႈသိပ်းဢဵတ်းၽိုၼ်ၸိူဝ်းၼၼ်ႉ၊ ၼႃႈယၢဝ်းၼႃႈပွတ်းတၵ်းလႆႈမိူၼ်ၵၼ်ဢေႃႈ။- 9မႂ်းတၵ်းလႆႈယဵပ်ႉၽႃႈၵင်ႈႁႃႈၽိုၼ်ၸပ်းၵၼ်ႁႂ်ႈပဵၼ်ၽိုၼ်လဵဝ်ၵၼ်၊ ၽႃႈၵင်ႈႁူၵ်းၽိုၼ်ၸပ်းၵၼ်ႁႂ်ႈပဵၼ်ၽိုၼ်လဵဝ်ၵၼ်လႄႈ တူပ်ႉၽႃႈၵင်ႈၽိုၼ် ဢၼ်ထူၼ်ႈထိုင်ႁူၵ်းၽိုၼ်ၼၼ်ႉ ဝႆႉၵႃႈတီႈၼႃႈမူဝ်းၵႃႇဢေႃႈ။- 10မႂ်းတၵ်းလႆႈႁဵတ်းႁူႁႃႈသိပ်းသႂ်ႇၵႃႈတီႈသုတ်းၽႃႈၵင်ႈၽိုၼ်ၼိုင်ႈၼၼ်ႉလႄႈ ၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇ ဢိၵ်ႇတင်းႁူႁႃႈသိပ်း ၵႃႈတီႈၸႃႉၸဵမ်တီႈသုတ်းၽႃႈၵင်ႈ ၽိုၼ်တူႉတီႉယႃႉၽိုၼ်ၼိုင်ႈၼၼ်ႉလႄႈ ၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇၼၼ်ႉဢေႃႈ။- 11ၶေႃတွင်းလိူင်ႁႃႈသိပ်းဢၼ်ၵေႃႈ မႂ်းတၵ်းလႆႈႁဵတ်းလႄႈ ဢဝ်ၶေႃၸိူဝ်းၼၼ်ႉသွတ်ႇသႂ်ႇၵႃႈတီႈႁူၸိူဝ်းၼၼ်ႉသေယဝ်ႉ၊ တၵ်းလႆႈႁႂ်ႈမူဝ်းၵႃႇၽၢၵ်ႇၼိုင်ႈလႄႈၽၢၵ်ႇၼိုင်ႈ တေႃႇၸပ်းၵၼ်လႄႈ ပဵၼ်ဢၼ်လဵဝ်ၵူၺ်းဢေႃႈ။- 12ဢၼ်လိူဝ်ဝႆႉတီႈၽႃႈၵင်ႈမူဝ်းၵႃႇၸိူဝ်းၼၼ်ႉလႄႈ ပူၼ်ႉပႅၼ်ၵႂႃႇဢၼ်ဝႃႈၽႃႈၵင်ႈၶိုင်ႈပၵ်းၼိုင်ႈဢၼ်လိူဝ်ဝႆႉၼၼ်ႉၸမ်ႉ၊ တၵ်းလႆႈပွႆႇႁွႆႈတူၵ်းဝႆႉ ၵႃႈတီႈၽၢႆႇတၢင်းလင်သုမ်ႉထဵင်ၸဝ်ႈဢေႃႈ။- 13ၼႂ်းဢၼ်လိူဝ်တီႈၼႃႈယၢဝ်းၽႃႈၵင်ႈမူဝ်းၵႃႇၼၼ်ႉၸမ်ႉ၊ ၽၢႆႇၼိုင်ႈသွၵ်ႇၼိုင်ႈၽၢႆႇၼိုင်ႈသွၵ်ႇၼိုင်ႈ တၵ်းလႆႈပွႆႇႁွႆႈတူၵ်းဝႆႉ ၵႃႈၼိူဝ်သုမ်ႉထဵင်ၸဝ်ႈ ယေႈၽၢႆႇယေႈသွၵ်ႇပုၼ်ႈဢၼ်တၵ်းႁူမ်ႇသုမ်ႇမၼ်းဢေႃႈ။- 14မႂ်းတၵ်းလႆႈဢဝ်ၼင်သူဝ်းဢၼ်ယွမ်ႉလႅင်ႁဵတ်းပုၼ်ႈဢၼ်တၵ်းႁူမ်ႇသုမ်ႇမူဝ်းၵႃႇ ဢိၵ်ႇတင်းၼင်တႁႃႇသႃႉႁဵတ်းပုၼ်ႈဢၼ်တၵ်းႁူမ်ႇသုမ်ႇၵႃႈၼိူဝ်မၼ်းၼၼ်ႉသေဢေႃႈ။
15ပႅၼ်ႈဢၵႃႇသႃႉ ဢၼ်တၵ်းၵင်ႈသုမ်ႉထဵင်ၸဝ်ႈဝႆႉၵေႃႈ မႂ်းတၵ်းလႆႈႁဵတ်းဢေႃႈ။- 16ပႅၼ်ႈၼၼ်ႉယေႈၽႅၼ်ႇၼႃႈယၢဝ်းမၼ်း တၵ်းလႆႈမီးသိပ်းသွၵ်ႇ၊ ၼႃႈပွတ်းမၼ်းသွၵ်ႇၶိုပ်ႈဢေႃႈ။- 17လွင်ႈၼင်ႇႁိုဝ်တၵ်းလႆႈဢဝ်ၶပ်ႉၸႅၼ်ႇၵပ်းတၢမ်းၵၼ်ၸိုင်၊ ၵႃႈတီႈပႅၼ်ႈၽႅၼ်ႇၼိုင်ႈ တၵ်းလႆႈမီးတိၼ်သွင်ဢၼ်ဢေႃႈ။ မႂ်းတၵ်းလႆႈႁဵတ်းပႅၼ်ႈသုမ်ႉထဵင်ၸဝ်ႈ တင်းသဵင်ႈတင်းလူင် မိူၼ်ၸိူဝ်ႉၼင်ႇၼၼ်ဢေႃႈ။- 18မႂ်းတၵ်းလႆႈႁဵတ်းပႅၼ်ႈ ဢၼ်တၵ်းၵင်ႈသုမ်ႉထဵင်ၸဝ်ႈ ပုၼ်ႈၼႃႈတၢင်းၸၢၼ်းသၢဝ်းၼိုင်ႈဢေႃႈ။- 19တီႈပႅၼ်ႈသၢဝ်းၼိုင်ႈၼၼ်ႉ မႂ်းတၵ်းလႆႈႁဵတ်းတီႈသုပ်းတိၼ်ငိုၼ်း သီႇသိပ်း၊ ၵႃႈတႂ်ႈပႅၼ်ႈယေႈၽႅၼ်ႇတီႈသုပ်းတိၼ်မၼ်းသွင်ဢၼ်ဢေႃႈ။- 20မိူၼ်ၼင်ႇၼၼ် မႂ်းတၵ်းလႆႈႁဵတ်းပႅၼ်ႈ ဢၼ်တၵ်းၵင်ႈသုမ်ႉထဵင်ၸဝ်ႈ ပုၼ်ႈၼႃႈတၢင်းႁွင်ႇသၢဝ်းၼိုင်ႈ၊- 21ဢိၵ်ႇတင်းတီႈသုပ်းတိၼ်ငိုၼ်းသီႇသိပ်း၊ ၵႃႈတႂ်ႈပႅၼ်ႈယေႈၽႅၼ်ႇတီႈသုပ်းတိၼ်မၼ်း သွင်ဢၼ်ဢေႃႈ။- 22ပႅၼ်ႈဢၼ်တၵ်းၵင်ႈၽၢႆႇလင်သုမ်ႉထဵင်ၸဝ်ႈ ပုၼ်ႈၼႃႈတၢင်းတူၵ်းၸိုင်၊ မႂ်းတၵ်းလႆႈႁဵတ်းႁူၵ်းၽႅၼ်ႇဢေႃႈ။- 23ပႅၼ်ႈဢၼ်တၵ်းၵင်ႈပုၼ်ႈၸဵင်ႇၽၢႆႇတၢင်းလင်သုမ်ႉထဵင်ၸဝ်ႈၼၼ်ႉၵေႃႈ မႂ်းတၵ်းလႆႈႁဵတ်းသွင်ၽႅၼ်ႇဢေႃႈ။- 24တၵ်းလႆႈတူပ်ႉၸဵင်ႇၵၢမ်းၵၼ်ၸႃႉၸဵမ်ၵႃႈတီႈၽၢႆႇတႂ်ႈလႄႈ ပဵၼ်ဢၼ်လဵဝ်ၵၼ် ၶိုၼ်ႈၵႂႃႇၸွမ်းၸိူဝ်ႉၼင်ႇၼၼ်တေႃႇထိုင်ႁွတ်ႈပၢႆၸိၵ်းမၼ်း ၵွပ်ႈလွင်ႈၶူၺ်ႇမၼ်းဢေႃႈ။ ၼင်ႇၼၼ်လႄႈ တၵ်းလႆႈႁဵတ်းသွင်ဢၼ်ဢေႃႈ။ သွင်ဢၼ်ၼၼ်ႉ တၵ်းလႆႈပဵၼ်ပုၼ်ႈၸဵင်ႇသွင်ၸဵင်ႇဢေႃႈ။- 25တၵ်းလႆႈမီးပႅတ်ႇၽႅၼ်ႇ၊ တီႈသုပ်းတိၼ်ငိုၼ်းသိပ်းႁူၵ်းဢၼ်၊ ယေႈၽႅၼ်ႇသွင်ဢၼ်ဢေႃႈ။
26မႂ်းတၵ်းလႆႈဢဝ်မႆႉဢၵႃႇသႃႉႁဵတ်းသႄႈ ႁႃႈလႅမ်ႈပုၼ်ႈပႅၼ်ႈသုမ်ႉထဵင်ၸဝ်ႈၸိူဝ်းၼၼ်ႉၼႃႈၼိုင်ႈ၊- 27ႁႃႈလႅမ်ႈပုၼ်ႈပႅၼ်ႈသုမ်ႉထဵင်ၸဝ်ႈၸိူဝ်းၼၼ်ႉ ၼႃႈၼိုင်ႈ၊ ႁႃႈလႅမ်ႈပုၼ်ႈပႅၼ်ႈသုမ်ႉထဵင်ၸဝ်ႈဢၼ်မီးၽၢႆႇတၢင်းလင်မၼ်း ၼႃႈဝၼ်းတူၵ်းၸိူဝ်းၼၼ်ႉဢေႃႈ။- 28မႆႉသႄႈၶိုင်ႈၵၢင် ဢၼ်မီးသိုဝ်ႈၶိုင်ႈၵၢင်ပႅၼ်ႈၸိူဝ်းၼၼ်ႉ တၵ်းလႆႈသွတ်ႇဢဝ်ၸႃႉၸဵမ်ၸဵင်ႇၼိုင်ႈတေႃႇထိုင်ႁွတ်ႈၸဵင်ႇၼိုင်ႈဢေႃႈ။- 29မႂ်းတၵ်းလႆႈဢဝ်ၶမ်းဢုမ်ႇႁေႃႇပႅၼ်ႈၸိူဝ်းၼၼ်ႉသေဢေႃႈ။ ၶူၺ်ႇၶမ်းပုၼ်ႈတီႈဢၼ်သႄႈၸိူဝ်းၼၼ်ႉ တၵ်းသွတ်ႇၼၼ်ႉၵေႃႈ မႂ်းတၵ်းလႆႈႁဵတ်းလႄႈ ဢဝ်ၶမ်းဢုမ်ႇႁေႃႇသေဢေႃႈ။- 30မႂ်းတၵ်းလႆႈတႄႇႁဵတ်းသုမ်ႉထဵင်ၸဝ်ႈ ၸွမ်းၵႃႈၼင်ႇပုင်ႇႁၢင်ႈဢၼ်ၼႄပျႃးတီႈမႂ်း ၵႃႈၼိူဝ်လွႆၼၼ်ႉဢေႃႈ။
31ၼႄးၼိုင်ႈၸမ်ႉ၊ မႂ်းတၵ်းလႆႈဢဝ်ၶူဝ်းဢၼ်သွမ်ႇ၊ ၶူဝ်းဢၼ်ၵမ်ႇ၊ ၶူဝ်းဢၼ်လႅင် ဢိၵ်ႇတင်းပိၵ်ႈၶျေႃးႁဵတ်းၽႃႈၵင်ႈလႄႈ ႁၢင်ႈၶိူင်ႈသႂ်ႇ ပုင်ႇႁၢင်ႈၶေႇရူႉၽဵမ်ႇသေဢေႃႈ။- 32မႂ်းတၵ်းလႆႈဢဝ်မၼ်း ႁွႆႈဝႆႉၵႃႈၼိူဝ်သဝ်ဢၵႃႇသႃႉ ဢၼ်တဵၵ်းၶမ်းသီႇလႅမ်ႈဢေႃႈ။ တႅမ်တီႈသဝ်ၸိူဝ်းၼၼ်ႉ တၵ်းလႆႈပဵၼ်ၶမ်းလႄႈ တင်ႈၸုၵ်းယူႇၵႃႈၼိူဝ်တီႈသုပ်းတိၼ်ငိုၼ်းသီႇဢၼ်ဢေႃႈ။
33မႂ်းတၵ်းလႆႈဢဝ်ၽႃႈၵင်ႈၼၼ်ႉႁွႆႈဝႆႉ ၵႃႈတႂ်ႈၶေႃၶမ်းၸိူဝ်းၼၼ်ႉလႄႈ ဢဝ်တိူၵ်ႈတႃႇဢၼ်ဝႆႉၶိူင်ႈဢၼ်ၶၢမ်ႇသၢၵ်ႈသေႇၼၼ်ႉ သႂ်ႇဝႆႉၵႃႈတီႈၽၢႆႇတၢင်းၼႂ်းၽႃႈၵင်ႈသေယဝ်ႉ၊ ၽႃႈၵင်ႈၼၼ်ႉ တၵ်းလႆႈပဵၼ်ဢၼ် ၶႅၼ်ႈဢၼ်ၶၼ်ႈၼႂ်းၵႄႈဝူင်ႈၵၢင် ထႃႇၼႃႉတီႈမူတ်းၸၢင်ႇ တင်းထႃႇၼႃႉတီႈမူတ်းၸၢင်ႇသေပိူၼ်ႈ သွင်ပႃႈၼၼ်ႉဢေႃႈ။- 34မႂ်းတၵ်းလႆႈဢဝ်ပလၢင်ႇတီႈၽေႇဢပႅတ်ႈ တၢင်ႇဝႆႉၵႃႈၼိူဝ်တိူၵ်ႈတႃႇဢၼ်ဝႆႉၶိူင်ႈဢၼ်ၶၢမ်ႇသၢၵ်ႈသေႇၼၼ်ႉ ၵႃႈၼႂ်းထႃႇၼႃႉတီႈမူတ်းၸၢင်ႇသေပိူၼ်ႈၼၼ်ႉဢေႃႈ။- 35မႂ်းတၵ်းလႆႈဢဝ်ၶူင်ႇတီႈၵိၼ်ဝႆႉ ၵႃႈတီႈၽၢႆႇၼွၵ်ႈၽႃႈၵင်ႈၼၼ်ႉလႄႈ ဢဝ်ၶူင်ႇတီႈတႆႈၽႆး ႁိမ်းၼႃႈတၢင်းၸၢၼ်းသုမ်ႉထဵင်ၸဝ်ႈ တင်းၶူင်ႇတီႈၵိၼ်ႁိမ်းၼႃႈတၢင်းႁွင်ႇၼၼ်ႉ ႁႂ်ႈတေႃႇၵၼ်ဢေႃႈ။
36မႂ်းတၵ်းလႆႈဢဝ်ၶူဝ်းဢၼ်သွမ်ႇ၊ ၶူဝ်းဢၼ်ၵမ်ႇ၊ ၶူဝ်းဢၼ်လႅင် ဢိၵ်ႇတင်းပိၵ်ႈၶျေႃးဢၼ် တမ်ႇၵၢမ်းႁၢင်ႈၶိူင်ႈတေႃးႁဵတ်းၼၼ်ႉ ႁဵတ်းၽႃႈၵင်ႈပုၼ်ႈဢၼ်တၵ်းၵင်ႈ ၵႃႈတီႈၽၵ်းတူမူဝ်းၵႃႇၸဝ်ႈၼၼ်ႉဢေႃႈ။- 37မႂ်းတၵ်းလႆႈႁဵတ်းသဝ်ဢၵႃႇသႃႉႁႃႈလႅမ်ႈပုၼ်ႈၽႃႈၵင်ႈၼၼ်ႉလႄႈ ဢဝ်ၶမ်းဢုမ်ႇႁေႃႇသေဢေႃႈ။ တႅမ်တီႈသဝ်ၸိူဝ်းၼၼ်ႉ တၵ်းလႆႈပဵၼ်ၶမ်းဢေႃႈ။ တီႈသုပ်းတိၼ်ႁႃႈဢၼ်ၵေႃႈ မႂ်းတၵ်းလႆႈဢဝ်တွင်းလိူင်လေႃႇႁဵတ်းဢေႃႈ။
Currently Selected:
ဢွၵ်ႇၵႂႃႇ 26: CBMS
Highlight
Share
Compare
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
ဢွၵ်ႇၵႂႃႇ 26
26
သုမ်ႉထဵင်ၸဝ်ႈ
(တူၺ်း၊ ဢွၵ်ႇ 36:8-38)
1ၼႄးၼိုင်ႈၸမ်ႉ၊ မႂ်းတၵ်းလႆႈဢဝ်တင်းၽႃႈၵင်ႈသိပ်းၽိုၼ် ႁဵတ်းသုမ်ႉထဵင်ၸဝ်ႈဢေႃႈ။ တၵ်းလႆႈဢဝ်ပိၵ်ႈၶျေႃးဢၼ်ပႃးတင်း ၶူဝ်းဢၼ်သွမ်ႇ၊ ၶူဝ်းဢၼ်ၵမ်ႇ၊ ၶူဝ်းဢၼ်လႅင်တမ်ႇၵၢမ်းၵၼ်ႁၢင်ႈၶိူင်ႈႁဵတ်းပုင်ႇႁၢင်ႈ ၶေႇရူႉၽဵမ်ႇသႂ်ႇလႄႈႁဵတ်းၽႃႈၵင်ႈၸိူဝ်းၼၼ်ႉဢေႃႈ။- 2ၽႃႈၵင်ႈၼၼ်ႉ ၼႃႈယၢဝ်းမၼ်းတၵ်းလႆႈမီးသၢဝ်းပႅတ်ႇသွၵ်ႇ၊ ၼႃႈပွတ်းမၼ်းသီႇသွၵ်ႇလႄႈ ၽႃႈၵင်ႈတင်းသဵင်ႈတင်းလူင်ၸိူဝ်းၼၼ်ႉ၊ ၼႃႈယၢဝ်းၼႃႈပွတ်းတၵ်းလႆႈမိူၼ်ၵၼ်ဢေႃႈ။- 3ၽႃႈၵင်ႈႁႃႈၽိုၼ်တၵ်းလႆႈယဵပ်ႉၸပ်းႁႂ်ႈပဵၼ်ၽိုၼ်လဵဝ်ၵၼ်လႄႈ ၽႃႈၵင်ႈဢၼ်ၵိုတ်းႁႃႈၽိုၼ်ၼၼ်ႉၵေႃႈတၵ်းလႆႈယဵပ်ႉၸပ်းႁႂ်ႈပဵၼ်ၽိုၼ်လဵဝ်ၵၼ်ဢေႃႈ။- 4မႂ်းတၵ်းလႆႈဢဝ်ၶူဝ်းဢၼ်သွမ်ႇႁဵတ်းႁူမၼ်း၊ သႂ်ႇၵႃႈတီႈၸႃႉၸဵမ်တီႈသုတ်းၽႃႈၵင်ႈဢၼ်သိုပ်ႇၵၢမ်းၵၼ်ၽိုၼ်ၼိုင်ႈၼၼ်ႉလႄႈ ၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇဢေႃႈ။ ၵႃႈတီႈၸႃႉၸဵမ်တီႈသုတ်းၽႃႈၵင်ႈၽိုၼ်တူႉတီႉယႃႉ ဢၼ်သိုပ်ႇၵၢမ်းၵၼ်ၽိုၼ်ၼိုင်ႈၼၼ်ႉလႄႈ ၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇၼၼ်ႉၵေႃႈ တၵ်းလႆႈႁဵတ်းမိူၼ်ၸိူဝ်ႉၼင်ႇၼႆဢေႃႈ။- 5မႂ်းတၵ်းလႆႈႁဵတ်းႁူႁႃႈသိပ်းၵႃႈတီႈၽႃႈၵင်ႈၽိုၼ်ၼိုင်ႈ ဢိၵ်ႇတင်းႁူႁႃႈသိပ်းၵႃႈတီႈႁိမ်းၽၢႆႇၼိူဝ်ၽႃႈၵင်ႈၽိုၼ်တူႉတီႉယႃႉ ဢၼ်သိုပ်ႇၵၢမ်းၵၼ်ၼၼ်ႉဢေႃႈ။ ႁူတင်းလၢႆၸိူဝ်းၼၼ်ႉ တၵ်းလႆႈတေႃႇမႅၼ်ႈၵၼ်ဢေႃႈ။- 6ၶေႃၶမ်းႁႃႈသိပ်းဢၼ်ၵေႃႈ မႂ်းတၵ်းလႆႈႁဵတ်းလႄႈ ဢဝ်ၶေႃၶမ်းၸိူဝ်းၼၼ်ႉ ႁႂ်ႈၽႃႈၵင်ႈတေႃႇၸပ်းၵၼ်သေယဝ်ႉ၊ တၵ်းလႆႈပဵၼ်သုမ်ႉထဵင်ၸဝ်ႈဢၼ်လဵဝ်ၵူၺ်းဢေႃႈ။
7ၽႃႈၵင်ႈပုၼ်ႈဢၼ်တၵ်းပဵၼ်မူဝ်းၵႃႇၵႃႈၼိူဝ်သုမ်ႉထဵင်ၸဝ်ႈၼၼ်ႉ တၢင်ႇၽိုၼ်ၵေႃႈမႂ်းတၵ်းလႆႈႁဵတ်းဢေႃႈ။ တၵ်းလႆႈႁဵတ်းသိပ်းဢဵတ်းၽိုၼ်ဢေႃႈ။- 8ၽႃႈၵင်ႈယေႈၽိုၼ် ၼႃႈယၢဝ်းမၼ်းတၵ်းလႆႈမီးသၢမ်သိပ်းသွၵ်ႇ၊ ၼႃႈပွတ်းမၼ်းသီႇသွၵ်ႇလႄႈ၊ ၽႃႈၵင်ႈသိပ်းဢဵတ်းၽိုၼ်ၸိူဝ်းၼၼ်ႉ၊ ၼႃႈယၢဝ်းၼႃႈပွတ်းတၵ်းလႆႈမိူၼ်ၵၼ်ဢေႃႈ။- 9မႂ်းတၵ်းလႆႈယဵပ်ႉၽႃႈၵင်ႈႁႃႈၽိုၼ်ၸပ်းၵၼ်ႁႂ်ႈပဵၼ်ၽိုၼ်လဵဝ်ၵၼ်၊ ၽႃႈၵင်ႈႁူၵ်းၽိုၼ်ၸပ်းၵၼ်ႁႂ်ႈပဵၼ်ၽိုၼ်လဵဝ်ၵၼ်လႄႈ တူပ်ႉၽႃႈၵင်ႈၽိုၼ် ဢၼ်ထူၼ်ႈထိုင်ႁူၵ်းၽိုၼ်ၼၼ်ႉ ဝႆႉၵႃႈတီႈၼႃႈမူဝ်းၵႃႇဢေႃႈ။- 10မႂ်းတၵ်းလႆႈႁဵတ်းႁူႁႃႈသိပ်းသႂ်ႇၵႃႈတီႈသုတ်းၽႃႈၵင်ႈၽိုၼ်ၼိုင်ႈၼၼ်ႉလႄႈ ၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇ ဢိၵ်ႇတင်းႁူႁႃႈသိပ်း ၵႃႈတီႈၸႃႉၸဵမ်တီႈသုတ်းၽႃႈၵင်ႈ ၽိုၼ်တူႉတီႉယႃႉၽိုၼ်ၼိုင်ႈၼၼ်ႉလႄႈ ၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇၼၼ်ႉဢေႃႈ။- 11ၶေႃတွင်းလိူင်ႁႃႈသိပ်းဢၼ်ၵေႃႈ မႂ်းတၵ်းလႆႈႁဵတ်းလႄႈ ဢဝ်ၶေႃၸိူဝ်းၼၼ်ႉသွတ်ႇသႂ်ႇၵႃႈတီႈႁူၸိူဝ်းၼၼ်ႉသေယဝ်ႉ၊ တၵ်းလႆႈႁႂ်ႈမူဝ်းၵႃႇၽၢၵ်ႇၼိုင်ႈလႄႈၽၢၵ်ႇၼိုင်ႈ တေႃႇၸပ်းၵၼ်လႄႈ ပဵၼ်ဢၼ်လဵဝ်ၵူၺ်းဢေႃႈ။- 12ဢၼ်လိူဝ်ဝႆႉတီႈၽႃႈၵင်ႈမူဝ်းၵႃႇၸိူဝ်းၼၼ်ႉလႄႈ ပူၼ်ႉပႅၼ်ၵႂႃႇဢၼ်ဝႃႈၽႃႈၵင်ႈၶိုင်ႈပၵ်းၼိုင်ႈဢၼ်လိူဝ်ဝႆႉၼၼ်ႉၸမ်ႉ၊ တၵ်းလႆႈပွႆႇႁွႆႈတူၵ်းဝႆႉ ၵႃႈတီႈၽၢႆႇတၢင်းလင်သုမ်ႉထဵင်ၸဝ်ႈဢေႃႈ။- 13ၼႂ်းဢၼ်လိူဝ်တီႈၼႃႈယၢဝ်းၽႃႈၵင်ႈမူဝ်းၵႃႇၼၼ်ႉၸမ်ႉ၊ ၽၢႆႇၼိုင်ႈသွၵ်ႇၼိုင်ႈၽၢႆႇၼိုင်ႈသွၵ်ႇၼိုင်ႈ တၵ်းလႆႈပွႆႇႁွႆႈတူၵ်းဝႆႉ ၵႃႈၼိူဝ်သုမ်ႉထဵင်ၸဝ်ႈ ယေႈၽၢႆႇယေႈသွၵ်ႇပုၼ်ႈဢၼ်တၵ်းႁူမ်ႇသုမ်ႇမၼ်းဢေႃႈ။- 14မႂ်းတၵ်းလႆႈဢဝ်ၼင်သူဝ်းဢၼ်ယွမ်ႉလႅင်ႁဵတ်းပုၼ်ႈဢၼ်တၵ်းႁူမ်ႇသုမ်ႇမူဝ်းၵႃႇ ဢိၵ်ႇတင်းၼင်တႁႃႇသႃႉႁဵတ်းပုၼ်ႈဢၼ်တၵ်းႁူမ်ႇသုမ်ႇၵႃႈၼိူဝ်မၼ်းၼၼ်ႉသေဢေႃႈ။
15ပႅၼ်ႈဢၵႃႇသႃႉ ဢၼ်တၵ်းၵင်ႈသုမ်ႉထဵင်ၸဝ်ႈဝႆႉၵေႃႈ မႂ်းတၵ်းလႆႈႁဵတ်းဢေႃႈ။- 16ပႅၼ်ႈၼၼ်ႉယေႈၽႅၼ်ႇၼႃႈယၢဝ်းမၼ်း တၵ်းလႆႈမီးသိပ်းသွၵ်ႇ၊ ၼႃႈပွတ်းမၼ်းသွၵ်ႇၶိုပ်ႈဢေႃႈ။- 17လွင်ႈၼင်ႇႁိုဝ်တၵ်းလႆႈဢဝ်ၶပ်ႉၸႅၼ်ႇၵပ်းတၢမ်းၵၼ်ၸိုင်၊ ၵႃႈတီႈပႅၼ်ႈၽႅၼ်ႇၼိုင်ႈ တၵ်းလႆႈမီးတိၼ်သွင်ဢၼ်ဢေႃႈ။ မႂ်းတၵ်းလႆႈႁဵတ်းပႅၼ်ႈသုမ်ႉထဵင်ၸဝ်ႈ တင်းသဵင်ႈတင်းလူင် မိူၼ်ၸိူဝ်ႉၼင်ႇၼၼ်ဢေႃႈ။- 18မႂ်းတၵ်းလႆႈႁဵတ်းပႅၼ်ႈ ဢၼ်တၵ်းၵင်ႈသုမ်ႉထဵင်ၸဝ်ႈ ပုၼ်ႈၼႃႈတၢင်းၸၢၼ်းသၢဝ်းၼိုင်ႈဢေႃႈ။- 19တီႈပႅၼ်ႈသၢဝ်းၼိုင်ႈၼၼ်ႉ မႂ်းတၵ်းလႆႈႁဵတ်းတီႈသုပ်းတိၼ်ငိုၼ်း သီႇသိပ်း၊ ၵႃႈတႂ်ႈပႅၼ်ႈယေႈၽႅၼ်ႇတီႈသုပ်းတိၼ်မၼ်းသွင်ဢၼ်ဢေႃႈ။- 20မိူၼ်ၼင်ႇၼၼ် မႂ်းတၵ်းလႆႈႁဵတ်းပႅၼ်ႈ ဢၼ်တၵ်းၵင်ႈသုမ်ႉထဵင်ၸဝ်ႈ ပုၼ်ႈၼႃႈတၢင်းႁွင်ႇသၢဝ်းၼိုင်ႈ၊- 21ဢိၵ်ႇတင်းတီႈသုပ်းတိၼ်ငိုၼ်းသီႇသိပ်း၊ ၵႃႈတႂ်ႈပႅၼ်ႈယေႈၽႅၼ်ႇတီႈသုပ်းတိၼ်မၼ်း သွင်ဢၼ်ဢေႃႈ။- 22ပႅၼ်ႈဢၼ်တၵ်းၵင်ႈၽၢႆႇလင်သုမ်ႉထဵင်ၸဝ်ႈ ပုၼ်ႈၼႃႈတၢင်းတူၵ်းၸိုင်၊ မႂ်းတၵ်းလႆႈႁဵတ်းႁူၵ်းၽႅၼ်ႇဢေႃႈ။- 23ပႅၼ်ႈဢၼ်တၵ်းၵင်ႈပုၼ်ႈၸဵင်ႇၽၢႆႇတၢင်းလင်သုမ်ႉထဵင်ၸဝ်ႈၼၼ်ႉၵေႃႈ မႂ်းတၵ်းလႆႈႁဵတ်းသွင်ၽႅၼ်ႇဢေႃႈ။- 24တၵ်းလႆႈတူပ်ႉၸဵင်ႇၵၢမ်းၵၼ်ၸႃႉၸဵမ်ၵႃႈတီႈၽၢႆႇတႂ်ႈလႄႈ ပဵၼ်ဢၼ်လဵဝ်ၵၼ် ၶိုၼ်ႈၵႂႃႇၸွမ်းၸိူဝ်ႉၼင်ႇၼၼ်တေႃႇထိုင်ႁွတ်ႈပၢႆၸိၵ်းမၼ်း ၵွပ်ႈလွင်ႈၶူၺ်ႇမၼ်းဢေႃႈ။ ၼင်ႇၼၼ်လႄႈ တၵ်းလႆႈႁဵတ်းသွင်ဢၼ်ဢေႃႈ။ သွင်ဢၼ်ၼၼ်ႉ တၵ်းလႆႈပဵၼ်ပုၼ်ႈၸဵင်ႇသွင်ၸဵင်ႇဢေႃႈ။- 25တၵ်းလႆႈမီးပႅတ်ႇၽႅၼ်ႇ၊ တီႈသုပ်းတိၼ်ငိုၼ်းသိပ်းႁူၵ်းဢၼ်၊ ယေႈၽႅၼ်ႇသွင်ဢၼ်ဢေႃႈ။
26မႂ်းတၵ်းလႆႈဢဝ်မႆႉဢၵႃႇသႃႉႁဵတ်းသႄႈ ႁႃႈလႅမ်ႈပုၼ်ႈပႅၼ်ႈသုမ်ႉထဵင်ၸဝ်ႈၸိူဝ်းၼၼ်ႉၼႃႈၼိုင်ႈ၊- 27ႁႃႈလႅမ်ႈပုၼ်ႈပႅၼ်ႈသုမ်ႉထဵင်ၸဝ်ႈၸိူဝ်းၼၼ်ႉ ၼႃႈၼိုင်ႈ၊ ႁႃႈလႅမ်ႈပုၼ်ႈပႅၼ်ႈသုမ်ႉထဵင်ၸဝ်ႈဢၼ်မီးၽၢႆႇတၢင်းလင်မၼ်း ၼႃႈဝၼ်းတူၵ်းၸိူဝ်းၼၼ်ႉဢေႃႈ။- 28မႆႉသႄႈၶိုင်ႈၵၢင် ဢၼ်မီးသိုဝ်ႈၶိုင်ႈၵၢင်ပႅၼ်ႈၸိူဝ်းၼၼ်ႉ တၵ်းလႆႈသွတ်ႇဢဝ်ၸႃႉၸဵမ်ၸဵင်ႇၼိုင်ႈတေႃႇထိုင်ႁွတ်ႈၸဵင်ႇၼိုင်ႈဢေႃႈ။- 29မႂ်းတၵ်းလႆႈဢဝ်ၶမ်းဢုမ်ႇႁေႃႇပႅၼ်ႈၸိူဝ်းၼၼ်ႉသေဢေႃႈ။ ၶူၺ်ႇၶမ်းပုၼ်ႈတီႈဢၼ်သႄႈၸိူဝ်းၼၼ်ႉ တၵ်းသွတ်ႇၼၼ်ႉၵေႃႈ မႂ်းတၵ်းလႆႈႁဵတ်းလႄႈ ဢဝ်ၶမ်းဢုမ်ႇႁေႃႇသေဢေႃႈ။- 30မႂ်းတၵ်းလႆႈတႄႇႁဵတ်းသုမ်ႉထဵင်ၸဝ်ႈ ၸွမ်းၵႃႈၼင်ႇပုင်ႇႁၢင်ႈဢၼ်ၼႄပျႃးတီႈမႂ်း ၵႃႈၼိူဝ်လွႆၼၼ်ႉဢေႃႈ။
31ၼႄးၼိုင်ႈၸမ်ႉ၊ မႂ်းတၵ်းလႆႈဢဝ်ၶူဝ်းဢၼ်သွမ်ႇ၊ ၶူဝ်းဢၼ်ၵမ်ႇ၊ ၶူဝ်းဢၼ်လႅင် ဢိၵ်ႇတင်းပိၵ်ႈၶျေႃးႁဵတ်းၽႃႈၵင်ႈလႄႈ ႁၢင်ႈၶိူင်ႈသႂ်ႇ ပုင်ႇႁၢင်ႈၶေႇရူႉၽဵမ်ႇသေဢေႃႈ။- 32မႂ်းတၵ်းလႆႈဢဝ်မၼ်း ႁွႆႈဝႆႉၵႃႈၼိူဝ်သဝ်ဢၵႃႇသႃႉ ဢၼ်တဵၵ်းၶမ်းသီႇလႅမ်ႈဢေႃႈ။ တႅမ်တီႈသဝ်ၸိူဝ်းၼၼ်ႉ တၵ်းလႆႈပဵၼ်ၶမ်းလႄႈ တင်ႈၸုၵ်းယူႇၵႃႈၼိူဝ်တီႈသုပ်းတိၼ်ငိုၼ်းသီႇဢၼ်ဢေႃႈ။
33မႂ်းတၵ်းလႆႈဢဝ်ၽႃႈၵင်ႈၼၼ်ႉႁွႆႈဝႆႉ ၵႃႈတႂ်ႈၶေႃၶမ်းၸိူဝ်းၼၼ်ႉလႄႈ ဢဝ်တိူၵ်ႈတႃႇဢၼ်ဝႆႉၶိူင်ႈဢၼ်ၶၢမ်ႇသၢၵ်ႈသေႇၼၼ်ႉ သႂ်ႇဝႆႉၵႃႈတီႈၽၢႆႇတၢင်းၼႂ်းၽႃႈၵင်ႈသေယဝ်ႉ၊ ၽႃႈၵင်ႈၼၼ်ႉ တၵ်းလႆႈပဵၼ်ဢၼ် ၶႅၼ်ႈဢၼ်ၶၼ်ႈၼႂ်းၵႄႈဝူင်ႈၵၢင် ထႃႇၼႃႉတီႈမူတ်းၸၢင်ႇ တင်းထႃႇၼႃႉတီႈမူတ်းၸၢင်ႇသေပိူၼ်ႈ သွင်ပႃႈၼၼ်ႉဢေႃႈ။- 34မႂ်းတၵ်းလႆႈဢဝ်ပလၢင်ႇတီႈၽေႇဢပႅတ်ႈ တၢင်ႇဝႆႉၵႃႈၼိူဝ်တိူၵ်ႈတႃႇဢၼ်ဝႆႉၶိူင်ႈဢၼ်ၶၢမ်ႇသၢၵ်ႈသေႇၼၼ်ႉ ၵႃႈၼႂ်းထႃႇၼႃႉတီႈမူတ်းၸၢင်ႇသေပိူၼ်ႈၼၼ်ႉဢေႃႈ။- 35မႂ်းတၵ်းလႆႈဢဝ်ၶူင်ႇတီႈၵိၼ်ဝႆႉ ၵႃႈတီႈၽၢႆႇၼွၵ်ႈၽႃႈၵင်ႈၼၼ်ႉလႄႈ ဢဝ်ၶူင်ႇတီႈတႆႈၽႆး ႁိမ်းၼႃႈတၢင်းၸၢၼ်းသုမ်ႉထဵင်ၸဝ်ႈ တင်းၶူင်ႇတီႈၵိၼ်ႁိမ်းၼႃႈတၢင်းႁွင်ႇၼၼ်ႉ ႁႂ်ႈတေႃႇၵၼ်ဢေႃႈ။
36မႂ်းတၵ်းလႆႈဢဝ်ၶူဝ်းဢၼ်သွမ်ႇ၊ ၶူဝ်းဢၼ်ၵမ်ႇ၊ ၶူဝ်းဢၼ်လႅင် ဢိၵ်ႇတင်းပိၵ်ႈၶျေႃးဢၼ် တမ်ႇၵၢမ်းႁၢင်ႈၶိူင်ႈတေႃးႁဵတ်းၼၼ်ႉ ႁဵတ်းၽႃႈၵင်ႈပုၼ်ႈဢၼ်တၵ်းၵင်ႈ ၵႃႈတီႈၽၵ်းတူမူဝ်းၵႃႇၸဝ်ႈၼၼ်ႉဢေႃႈ။- 37မႂ်းတၵ်းလႆႈႁဵတ်းသဝ်ဢၵႃႇသႃႉႁႃႈလႅမ်ႈပုၼ်ႈၽႃႈၵင်ႈၼၼ်ႉလႄႈ ဢဝ်ၶမ်းဢုမ်ႇႁေႃႇသေဢေႃႈ။ တႅမ်တီႈသဝ်ၸိူဝ်းၼၼ်ႉ တၵ်းလႆႈပဵၼ်ၶမ်းဢေႃႈ။ တီႈသုပ်းတိၼ်ႁႃႈဢၼ်ၵေႃႈ မႂ်းတၵ်းလႆႈဢဝ်တွင်းလိူင်လေႃႇႁဵတ်းဢေႃႈ။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship