ႁဵတ်းဝၢတ်ႈ 2
2
တၢင်းလူႇမၢၵ်ႇၶဝ်ႈႁူင်းၶဝ်ႈ
1ပေႃးသေၵေႃႉသေၵူၼ်းႁဵတ်းတၢင်းပုၵ်ႈၸေႃႇၽေႃးၸဵၼ်ႇတီႈထႃႇဝရႃႉၽြႃးၸိုင်၊ တၢင်းပုၵ်ႈၸေႃႇမၼ်းၼၼ်ႉ တၵ်းလႆႈပဵၼ်ၽွင်ၶဝ်ႈမုၼ်းဢေႃႈ။ မၼ်းတၵ်းလႆႈဢဝ်ၼမ်ႉမၼ်းႁူတ်းလေႃႇၵႃႈၼိူဝ်ၽွင်ၶဝ်ႈမုၼ်းၼၼ်ႉလႄႈ ဢဝ်လေႃႇပၢၼ်ႇသႂ်ႇသေယဝ်ႉ၊- 2တၵ်းလႆႈဢဝ်မႃးၵႃႈတီႈလုၵ်ႈၸၢႆးဢႃႇရုၼ်ႇ၊ဢၼ်ပဵၼ်ယိတ်ႈပရေႃးႁဵၵ်ႈၸိူဝ်းၼၼ်ႉလႄႈ ယိတ်ႈပရေႃးႁဵၵ်ႈ တၵ်းလႆႈ ဢဝ်ၽွင်ၶဝ်ႈမုၼ်းဝၵ်ႉၼိုင်ႈ၊ ၼမ်ႉမၼ်းၵမ်ႈၽွင်ႈ၊ တင်းလေႃႇပၢၼ်ႇၵႃႈမီးၼၼ်ႉသေလႄႈ တုတ်ႇၽႆးၵႃႈၼိူဝ်ယိတ်ႈပလၢင်ႇ ပုၼ်ႈဢၼ်မၼ်းၸဝ်ႈ တၵ်းၶုၵ်းၸႂ်လႆႈၶႆႈၸႂ်ထူပ်းၼၼ်ႉဢေႃႈ။ ပဵၼ်တၢင်းပုၵ်ႈၸေႃႇဢၼ်ဢဝ်ၽႆးသၢၵ်ႈၵၢပ်ႈလႄႈ ႁွမ်ႁူၺ်းတီႈထႃႇဝရႃႉၽြႃးဢေႃႈ။- 3တၢင်းပုၵ်ႈၸေႃႇၽေႃးၸဵၼ်ႇဢၼ်ယင်းၵိုတ်းယင်းၵျၢၼ်ႇၼၼ်ႉၸမ်ႉ၊ တၵ်းလႆႈပဵၼ်ပုၼ်ႈဢႃႇရုၼ်ႇတင်းလုၵ်ႈၸၢႆးမၼ်းၸိူဝ်းၼၼ်ႉဢေႃႈ။ ၼႂ်းတၢင်းပုၵ်ႈၸေႃႇဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးၸိူဝ်းၼၼ်ႉ၊ ဢၼ်ၼႆႉပဵၼ်လွင်ႈတၢင်းဢၼ် မူတ်းၸၢင်ႇၼႃႇလူင်လၢင်ဢေႃႈ။
4ပေႃးမႂ်းပုၵ်ႈၸေႃႇတၢင်းပုၵ်ႈၸေႃႇၽေႃးၸဵၼ်ႇ ဢၼ်ဢဝ်ၶဝ်ႈမုၼ်းဢၼ်ၶူဝ်ႈႁႅင်ႈ ၵႃႈၼိူဝ်ၽီးၽႆးၼၼ်ႉႁဵတ်းၸိုင်၊ တၵ်းလႆႈပဵၼ်ၶဝ်ႈမုၼ်းၶႅပ်းဢၼ်ဢမ်ႇပႃးၸိူဝ်ႉပႅင်ႈလႄႈ ဢဝ်ၼမ်ႉမၼ်းသႂ်ႇလေႃးၽွင်မၼ်းၼၼ်ႉ ဢမ်ႇၼၼ်ၵေႃႈ တၵ်းလႆႈပဵၼ်ၶဝ်ႈမုၼ်းၶွပ်ႈ ဢၼ်ဢမ်ႇပႃးၸိူဝ်ႉပႅင်ႈလႄႈ ဢဝ်တင်းၼမ်ႉမၼ်းတႃးၼၼ်ႉဢေႃႈ။
5ပေႃးတၢင်းပုၵ်ႈၸေႃႇမႂ်းပဵၼ်တၢင်းပုၵ်ႈၸေႃႇၽေႃးၸဵၼ်ႇ ဢၼ်ဢဝ်ၶဝ်ႈမုၼ်းဢၼ်ႁဵတ်းၵႃႈတီႈၶႅပ်းလဵၵ်းၼၼ်ႉႁဵတ်းၸိုင်၊ တၵ်းလႆႈပဵၼ်ၽွင်ၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈလႄႈ ဢဝ်ၼမ်ႉမၼ်းသႂ်ႇလေႃးၼၼ်ႉဢေႃႈ။- 6မႂ်းတၵ်းလႆႈႁၵ်းဝိတ်းၶဝ်ႈမုၼ်းၼၼ်ႉသေလႄႈ ဢဝ်ၼမ်ႉမၼ်းႁူတ်းသႂ်ႇသေဢေႃႈ။ ပဵၼ်တၢင်းပုၵ်ႈၸေႃႇၽေႃးၸဵၼ်ႇဢေႃႈ။
7ပေႃးတၢင်းပုၵ်ႈၸေႃႇမႂ်းပဵၼ်တၢင်းပုၵ်ႈၸေႃႇၽေႃးၸဵၼ်ႇ ဢၼ်ဢဝ်တင်းၶဝ်ႈမုၼ်းဢၼ်ၶူဝ်ႈၵႃႈတီႈမိူင်ႈၼၼ်ႉ ႁဵတ်းၸိုင်၊ တၵ်းလႆႈဢဝ်ၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉႁဵတ်းဢေႃႈ။
8မႂ်းတၵ်းလႆႈဢဝ်တၢင်းပုၵ်ႈၸေႃႇၽေႃးၸဵၼ်ႇ ဢၼ်ဢဝ်ၶိူင်ႈပိူင်ၸိူဝ်းၼၼ်ႉႁဵတ်းၼၼ်ႉ မႃးတီႈထႃႇဝရႃႉၽြႃးလႄႈ သၢၵ်ႈၵၢပ်ႈတီႈယိတ်ႈပရေႃးႁဵၵ်ႈသေယဝ်ႉ၊ မၼ်းၼၼ်ႉတၵ်းလႆႈဢဝ်မႃးၸူးၵႃႈတီႈယိတ်ႈပလၢင်ႇဢေႃႈ။- 9ယိတ်ႈပရေႃးႁဵၵ်ႈတၵ်းလႆႈၸူၵ်းဢဝ်ၵႃႈၼႂ်းတၢင်းပုၵ်ႈၸေႃႇၽေႃးၸဵၼ်ႇၼၼ်ႉပုၼ်ႈဢၼ်မၼ်းၸဝ်ႈ တၵ်းၶုၵ်းၸႂ်လႆႈၶႆႈၸႂ်ထူပ်း ပုၼ်ႈၼိုင်ႈလႄႈ တုတ်ႇၽႆးၵႃႈၼိူဝ်ယိတ်ႈပလၢင်ႇဢေႃႈ။ ပဵၼ်တၢင်းပုၵ်ႈၸေႃႇဢၼ်ဢဝ်တင်းၽႆးသၢၵ်ႈၵၢပ်ႈလႄႈႁွမ်ႁူၺ်းတီႈထႃႇဝရႃႉၽြႃးဢေႃႈ။- 10တၢင်းပုၵ်ႈၸေႃႇၽေႃးၸဵၼ်ႇဢၼ်ယင်းၵိုတ်းယင်းၵျၢၼ်ႇၼၼ်ႉၸမ်ႉ၊ တၵ်းလႆႈပဵၼ်ပုၼ်ႈဢႃႇရုၼ်ႇ ဢိၵ်ႇတင်း လုၵ်ႈၸၢႆးမၼ်းၸိူဝ်းၼၼ်ႉဢေႃႈ။ ၼႂ်းတၢင်းပုၵ်ႈၸေႃႇဢၼ်ဢဝ်တင်းၽႆးႁဵတ်းတီႈ ထႃႇဝရႃႉၽြႃးၸိူဝ်းၼၼ်ႉ၊ ဢၼ်ၼႆႉပဵၼ်လွင်ႈဢၼ်မူတ်းၸၢင်ႇၼႃႇလူင်လၢင်ဢေႃႈ။- 11တၢင်းပုၵ်ႈၸေႃႇၽေႃးၸဵၼ်ႇဢၼ် သူဢဝ်သၢၵ်ႈၵၢပ်ႈတီႈထႃႇဝရႃႉၽြႃးၼၼ်ႉ ဢမ်ႇလႆႈပႃးၸိူဝ်ႉပႅင်ႈ။ မိူဝ်ႈဢၼ်ဢဝ်တင်းၽႆး ႁဵတ်းတၢင်းပုၵ်ႈၸေႃႇတီႈထႃႇဝရႃႉၽြႃးၼၼ်ႉၸိုင်၊ သူဢမ်ႇလႆႈဢဝ်ၸိူဝ်ႉပႅင်ႈတုတ်ႇၽႆး။ ၼမ်ႉၽိုင်ႈၵေႃႈ ဢမ်ႇလႆႈဢဝ် တုတ်ႇၽႆး။- 12ပိၵ်ႉသမ်ႉသူလႆႈဢဝ်ၸိူဝ်ႉပႅင်ႈတင်းၼမ်ႉၽိုင်ႈပုၵ်ႈၸေႃႇတီႈထႃႇဝရႃႉၽြႃးမိူၼ်ၸိူဝ်ႉၼင်ႇဢၼ်ဢဝ်မၢၵ်ႇဢၼ်မၢၵ်ႇဢွၼ်တၢင်း ပုၵ်ႈၸေႃႇၼၼ်ႉသေၵေႃႈ ဢမ်ႇလႆႈဢဝ်တုတ်ႇၽႆးၵႃႈၼိူဝ်ယိတ်ႈပလၢင်ႇ ပုၼ်ႈတီႈဢၼ်တၵ်းႁွမ်တၵ်းႁူၺ်း။- 13ၵႃႈတီႈတၢင်းပုၵ်ႈၸေႃႇၽေႃးၸဵၼ်ႇမႂ်းတင်းသဵင်ႈတင်းလူင်ၼၼ်ႉ မႂ်းတၵ်းလႆႈဢဝ်ၵိူဝ်သႂ်ႇသေဢေႃႈ။ ၵႃႈတီႈတၢင်း ပုၵ်ႈၸေႃႇၽေႃးၸဵၼ်ႇဢၼ်မႂ်းႁဵတ်းၼၼ်ႉ၊ ယင်းဢမ်ႇဢဝ်ၵိူဝ်ပတီႉၺိၺ်ႇၽြႃးပဵၼ်ၸဝ်ႈမႂ်းသႂ်ႇလႄႈ ဢမ်ႇလႆႈယူႇ။ တၵ်းလႆႈဢဝ်ၵိူဝ်ပုၵ်ႈၸေႃႇလူၺ်ႈၵၼ်တင်း တၢင်းပုၵ်ႈၸေႃႇမႂ်းတင်းသဵင်ႈတင်းလူင်ဢေႃႈ။
14ပေႃးမႂ်းဢဝ်မၢၵ်ႇဢဝ်ႁူင်း ဢၼ်မၢၵ်ႇဢွၼ်တၢင်းၼၼ်ႉႁဵတ်းတၢင်းပုၵ်ႈၸေႃႇၽေႃးၸဵၼ်ႇတီႈထႃႇဝရႃႉၽြႃးၸိုင်၊ မႂ်းတၵ်းလႆႈဢဝ်ႁူင်းၶဝ်ႈလိပ်းၶဝ်ႈၶဵဝ်ဢၼ်ႁၢင်းၵႃႈတီႈႁိမ်းၽႆးလႄႈ ၼူတ်ႈဢဝ်မဵတ်ႉမၼ်းၼၼ်ႉ ႁဵတ်းတၢင်းပုၵ်ႈၸေႃႇၽေႃးၸဵၼ်ႇ ဢၼ်ၸၢပ်ႈသႅင်ႇၵၼ်တင်း မၢၵ်ႇႁူင်းဢၼ်မၢၵ်ႇဢွၼ်တၢင်းၼၼ်ႉဢေႃႈ။- 15မႂ်းတၵ်းလႆႈဢဝ်ၼမ်ႉမၼ်းႁူတ်းသႂ်ႇၵႃႈၼိူဝ်မၼ်းသေလႄႈ ဢဝ်လေႃႇပၢၼ်ႇသႂ်ႇသေဢေႃႈ။ ပဵၼ်တၢင်းပုၵ်ႈၸေႃႇၽေႃးၸဵၼ်ႇဢေႃႈ။- 16ယိတ်ႈပရေႃးႁဵၵ်ႈတၵ်းလႆႈဢဝ်မဵတ်ႉၶဝ်ႈ ဢၼ်ၼူတ်ႈဢဝ်ၼၼ်ႉၵမ်ႈၽွင်ႈ၊ ၼမ်ႉမၼ်းၵမ်ႈၽွင်ႈ၊ တင်းလေႃႇပၢၼ်ႇၵႃႈမီးဢၼ်ဝႃႈ ပုၼ်ႈဢၼ်မၼ်းၸဝ်ႈ တၵ်းၶုၵ်းၸႂ်လႆႈၶႆႈၸႂ်ထူပ်းၼၼ်ႉ တုတ်ႇၽႆးဢေႃႈ။ ပဵၼ်တၢင်းပုၵ်ႈၸေႃႇ ဢၼ်ဢဝ်တင်းၽႆး ႁဵတ်းတီႈထႃႇဝရႃႉၽြႃးဢေႃႈ။
Currently Selected:
ႁဵတ်းဝၢတ်ႈ 2: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
ႁဵတ်းဝၢတ်ႈ 2
2
တၢင်းလူႇမၢၵ်ႇၶဝ်ႈႁူင်းၶဝ်ႈ
1ပေႃးသေၵေႃႉသေၵူၼ်းႁဵတ်းတၢင်းပုၵ်ႈၸေႃႇၽေႃးၸဵၼ်ႇတီႈထႃႇဝရႃႉၽြႃးၸိုင်၊ တၢင်းပုၵ်ႈၸေႃႇမၼ်းၼၼ်ႉ တၵ်းလႆႈပဵၼ်ၽွင်ၶဝ်ႈမုၼ်းဢေႃႈ။ မၼ်းတၵ်းလႆႈဢဝ်ၼမ်ႉမၼ်းႁူတ်းလေႃႇၵႃႈၼိူဝ်ၽွင်ၶဝ်ႈမုၼ်းၼၼ်ႉလႄႈ ဢဝ်လေႃႇပၢၼ်ႇသႂ်ႇသေယဝ်ႉ၊- 2တၵ်းလႆႈဢဝ်မႃးၵႃႈတီႈလုၵ်ႈၸၢႆးဢႃႇရုၼ်ႇ၊ဢၼ်ပဵၼ်ယိတ်ႈပရေႃးႁဵၵ်ႈၸိူဝ်းၼၼ်ႉလႄႈ ယိတ်ႈပရေႃးႁဵၵ်ႈ တၵ်းလႆႈ ဢဝ်ၽွင်ၶဝ်ႈမုၼ်းဝၵ်ႉၼိုင်ႈ၊ ၼမ်ႉမၼ်းၵမ်ႈၽွင်ႈ၊ တင်းလေႃႇပၢၼ်ႇၵႃႈမီးၼၼ်ႉသေလႄႈ တုတ်ႇၽႆးၵႃႈၼိူဝ်ယိတ်ႈပလၢင်ႇ ပုၼ်ႈဢၼ်မၼ်းၸဝ်ႈ တၵ်းၶုၵ်းၸႂ်လႆႈၶႆႈၸႂ်ထူပ်းၼၼ်ႉဢေႃႈ။ ပဵၼ်တၢင်းပုၵ်ႈၸေႃႇဢၼ်ဢဝ်ၽႆးသၢၵ်ႈၵၢပ်ႈလႄႈ ႁွမ်ႁူၺ်းတီႈထႃႇဝရႃႉၽြႃးဢေႃႈ။- 3တၢင်းပုၵ်ႈၸေႃႇၽေႃးၸဵၼ်ႇဢၼ်ယင်းၵိုတ်းယင်းၵျၢၼ်ႇၼၼ်ႉၸမ်ႉ၊ တၵ်းလႆႈပဵၼ်ပုၼ်ႈဢႃႇရုၼ်ႇတင်းလုၵ်ႈၸၢႆးမၼ်းၸိူဝ်းၼၼ်ႉဢေႃႈ။ ၼႂ်းတၢင်းပုၵ်ႈၸေႃႇဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးၸိူဝ်းၼၼ်ႉ၊ ဢၼ်ၼႆႉပဵၼ်လွင်ႈတၢင်းဢၼ် မူတ်းၸၢင်ႇၼႃႇလူင်လၢင်ဢေႃႈ။
4ပေႃးမႂ်းပုၵ်ႈၸေႃႇတၢင်းပုၵ်ႈၸေႃႇၽေႃးၸဵၼ်ႇ ဢၼ်ဢဝ်ၶဝ်ႈမုၼ်းဢၼ်ၶူဝ်ႈႁႅင်ႈ ၵႃႈၼိူဝ်ၽီးၽႆးၼၼ်ႉႁဵတ်းၸိုင်၊ တၵ်းလႆႈပဵၼ်ၶဝ်ႈမုၼ်းၶႅပ်းဢၼ်ဢမ်ႇပႃးၸိူဝ်ႉပႅင်ႈလႄႈ ဢဝ်ၼမ်ႉမၼ်းသႂ်ႇလေႃးၽွင်မၼ်းၼၼ်ႉ ဢမ်ႇၼၼ်ၵေႃႈ တၵ်းလႆႈပဵၼ်ၶဝ်ႈမုၼ်းၶွပ်ႈ ဢၼ်ဢမ်ႇပႃးၸိူဝ်ႉပႅင်ႈလႄႈ ဢဝ်တင်းၼမ်ႉမၼ်းတႃးၼၼ်ႉဢေႃႈ။
5ပေႃးတၢင်းပုၵ်ႈၸေႃႇမႂ်းပဵၼ်တၢင်းပုၵ်ႈၸေႃႇၽေႃးၸဵၼ်ႇ ဢၼ်ဢဝ်ၶဝ်ႈမုၼ်းဢၼ်ႁဵတ်းၵႃႈတီႈၶႅပ်းလဵၵ်းၼၼ်ႉႁဵတ်းၸိုင်၊ တၵ်းလႆႈပဵၼ်ၽွင်ၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈလႄႈ ဢဝ်ၼမ်ႉမၼ်းသႂ်ႇလေႃးၼၼ်ႉဢေႃႈ။- 6မႂ်းတၵ်းလႆႈႁၵ်းဝိတ်းၶဝ်ႈမုၼ်းၼၼ်ႉသေလႄႈ ဢဝ်ၼမ်ႉမၼ်းႁူတ်းသႂ်ႇသေဢေႃႈ။ ပဵၼ်တၢင်းပုၵ်ႈၸေႃႇၽေႃးၸဵၼ်ႇဢေႃႈ။
7ပေႃးတၢင်းပုၵ်ႈၸေႃႇမႂ်းပဵၼ်တၢင်းပုၵ်ႈၸေႃႇၽေႃးၸဵၼ်ႇ ဢၼ်ဢဝ်တင်းၶဝ်ႈမုၼ်းဢၼ်ၶူဝ်ႈၵႃႈတီႈမိူင်ႈၼၼ်ႉ ႁဵတ်းၸိုင်၊ တၵ်းလႆႈဢဝ်ၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉႁဵတ်းဢေႃႈ။
8မႂ်းတၵ်းလႆႈဢဝ်တၢင်းပုၵ်ႈၸေႃႇၽေႃးၸဵၼ်ႇ ဢၼ်ဢဝ်ၶိူင်ႈပိူင်ၸိူဝ်းၼၼ်ႉႁဵတ်းၼၼ်ႉ မႃးတီႈထႃႇဝရႃႉၽြႃးလႄႈ သၢၵ်ႈၵၢပ်ႈတီႈယိတ်ႈပရေႃးႁဵၵ်ႈသေယဝ်ႉ၊ မၼ်းၼၼ်ႉတၵ်းလႆႈဢဝ်မႃးၸူးၵႃႈတီႈယိတ်ႈပလၢင်ႇဢေႃႈ။- 9ယိတ်ႈပရေႃးႁဵၵ်ႈတၵ်းလႆႈၸူၵ်းဢဝ်ၵႃႈၼႂ်းတၢင်းပုၵ်ႈၸေႃႇၽေႃးၸဵၼ်ႇၼၼ်ႉပုၼ်ႈဢၼ်မၼ်းၸဝ်ႈ တၵ်းၶုၵ်းၸႂ်လႆႈၶႆႈၸႂ်ထူပ်း ပုၼ်ႈၼိုင်ႈလႄႈ တုတ်ႇၽႆးၵႃႈၼိူဝ်ယိတ်ႈပလၢင်ႇဢေႃႈ။ ပဵၼ်တၢင်းပုၵ်ႈၸေႃႇဢၼ်ဢဝ်တင်းၽႆးသၢၵ်ႈၵၢပ်ႈလႄႈႁွမ်ႁူၺ်းတီႈထႃႇဝရႃႉၽြႃးဢေႃႈ။- 10တၢင်းပုၵ်ႈၸေႃႇၽေႃးၸဵၼ်ႇဢၼ်ယင်းၵိုတ်းယင်းၵျၢၼ်ႇၼၼ်ႉၸမ်ႉ၊ တၵ်းလႆႈပဵၼ်ပုၼ်ႈဢႃႇရုၼ်ႇ ဢိၵ်ႇတင်း လုၵ်ႈၸၢႆးမၼ်းၸိူဝ်းၼၼ်ႉဢေႃႈ။ ၼႂ်းတၢင်းပုၵ်ႈၸေႃႇဢၼ်ဢဝ်တင်းၽႆးႁဵတ်းတီႈ ထႃႇဝရႃႉၽြႃးၸိူဝ်းၼၼ်ႉ၊ ဢၼ်ၼႆႉပဵၼ်လွင်ႈဢၼ်မူတ်းၸၢင်ႇၼႃႇလူင်လၢင်ဢေႃႈ။- 11တၢင်းပုၵ်ႈၸေႃႇၽေႃးၸဵၼ်ႇဢၼ် သူဢဝ်သၢၵ်ႈၵၢပ်ႈတီႈထႃႇဝရႃႉၽြႃးၼၼ်ႉ ဢမ်ႇလႆႈပႃးၸိူဝ်ႉပႅင်ႈ။ မိူဝ်ႈဢၼ်ဢဝ်တင်းၽႆး ႁဵတ်းတၢင်းပုၵ်ႈၸေႃႇတီႈထႃႇဝရႃႉၽြႃးၼၼ်ႉၸိုင်၊ သူဢမ်ႇလႆႈဢဝ်ၸိူဝ်ႉပႅင်ႈတုတ်ႇၽႆး။ ၼမ်ႉၽိုင်ႈၵေႃႈ ဢမ်ႇလႆႈဢဝ် တုတ်ႇၽႆး။- 12ပိၵ်ႉသမ်ႉသူလႆႈဢဝ်ၸိူဝ်ႉပႅင်ႈတင်းၼမ်ႉၽိုင်ႈပုၵ်ႈၸေႃႇတီႈထႃႇဝရႃႉၽြႃးမိူၼ်ၸိူဝ်ႉၼင်ႇဢၼ်ဢဝ်မၢၵ်ႇဢၼ်မၢၵ်ႇဢွၼ်တၢင်း ပုၵ်ႈၸေႃႇၼၼ်ႉသေၵေႃႈ ဢမ်ႇလႆႈဢဝ်တုတ်ႇၽႆးၵႃႈၼိူဝ်ယိတ်ႈပလၢင်ႇ ပုၼ်ႈတီႈဢၼ်တၵ်းႁွမ်တၵ်းႁူၺ်း။- 13ၵႃႈတီႈတၢင်းပုၵ်ႈၸေႃႇၽေႃးၸဵၼ်ႇမႂ်းတင်းသဵင်ႈတင်းလူင်ၼၼ်ႉ မႂ်းတၵ်းလႆႈဢဝ်ၵိူဝ်သႂ်ႇသေဢေႃႈ။ ၵႃႈတီႈတၢင်း ပုၵ်ႈၸေႃႇၽေႃးၸဵၼ်ႇဢၼ်မႂ်းႁဵတ်းၼၼ်ႉ၊ ယင်းဢမ်ႇဢဝ်ၵိူဝ်ပတီႉၺိၺ်ႇၽြႃးပဵၼ်ၸဝ်ႈမႂ်းသႂ်ႇလႄႈ ဢမ်ႇလႆႈယူႇ။ တၵ်းလႆႈဢဝ်ၵိူဝ်ပုၵ်ႈၸေႃႇလူၺ်ႈၵၼ်တင်း တၢင်းပုၵ်ႈၸေႃႇမႂ်းတင်းသဵင်ႈတင်းလူင်ဢေႃႈ။
14ပေႃးမႂ်းဢဝ်မၢၵ်ႇဢဝ်ႁူင်း ဢၼ်မၢၵ်ႇဢွၼ်တၢင်းၼၼ်ႉႁဵတ်းတၢင်းပုၵ်ႈၸေႃႇၽေႃးၸဵၼ်ႇတီႈထႃႇဝရႃႉၽြႃးၸိုင်၊ မႂ်းတၵ်းလႆႈဢဝ်ႁူင်းၶဝ်ႈလိပ်းၶဝ်ႈၶဵဝ်ဢၼ်ႁၢင်းၵႃႈတီႈႁိမ်းၽႆးလႄႈ ၼူတ်ႈဢဝ်မဵတ်ႉမၼ်းၼၼ်ႉ ႁဵတ်းတၢင်းပုၵ်ႈၸေႃႇၽေႃးၸဵၼ်ႇ ဢၼ်ၸၢပ်ႈသႅင်ႇၵၼ်တင်း မၢၵ်ႇႁူင်းဢၼ်မၢၵ်ႇဢွၼ်တၢင်းၼၼ်ႉဢေႃႈ။- 15မႂ်းတၵ်းလႆႈဢဝ်ၼမ်ႉမၼ်းႁူတ်းသႂ်ႇၵႃႈၼိူဝ်မၼ်းသေလႄႈ ဢဝ်လေႃႇပၢၼ်ႇသႂ်ႇသေဢေႃႈ။ ပဵၼ်တၢင်းပုၵ်ႈၸေႃႇၽေႃးၸဵၼ်ႇဢေႃႈ။- 16ယိတ်ႈပရေႃးႁဵၵ်ႈတၵ်းလႆႈဢဝ်မဵတ်ႉၶဝ်ႈ ဢၼ်ၼူတ်ႈဢဝ်ၼၼ်ႉၵမ်ႈၽွင်ႈ၊ ၼမ်ႉမၼ်းၵမ်ႈၽွင်ႈ၊ တင်းလေႃႇပၢၼ်ႇၵႃႈမီးဢၼ်ဝႃႈ ပုၼ်ႈဢၼ်မၼ်းၸဝ်ႈ တၵ်းၶုၵ်းၸႂ်လႆႈၶႆႈၸႂ်ထူပ်းၼၼ်ႉ တုတ်ႇၽႆးဢေႃႈ။ ပဵၼ်တၢင်းပုၵ်ႈၸေႃႇ ဢၼ်ဢဝ်တင်းၽႆး ႁဵတ်းတီႈထႃႇဝရႃႉၽြႃးဢေႃႈ။
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship