ႁဵတ်းဝၢတ်ႈ 22
22
တၢင်းလူႇဢၼ်မူတ်းၸၢင်ႇ
1ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 2မႂ်းတၵ်းလႆႈသင်ႇလၢတ်ႈတီႈဢႃႇရုၼ်ႇ တင်းလုၵ်ႈၸၢႆးမၼ်းၸိူဝ်းၼၼ်ႉ ႁႂ်ႈၶဝ်လႆႈႁႂ်ႈတူဝ်ၸဝ်ႈၵဝ်ႇၽၢတ်ႇၵၼ်တင်း ၶိူင်ႈပိူင်ဢၼ်မူတ်းၸၢင်ႇၵူၼ်းမဵဝ်းဢီႉသရေႇလႃႉ ဢၼ်ၶဝ်ၼၼ်ႉဢွၼ်ၵၼ်ႁႂ်ႈမူတ်းၸၢင်ႇပုၼ်ႈၵဝ်ၼၼ်ႉ၊ ဢိၵ်ႇတင်းႁႂ်ႈၶဝ်ဢမ်ႇလႆႈဢဝ်ၼႃႇမႃႉၸိုဝ်ႈသဵင်ၵဝ် ဢၼ်မူတ်းၸၢင်ႇၼၼ်ႉၶျႃးတူၵ်းတီႈတႅမ်ႇဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ။- 3သင်ႇလၢတ်ႈတီႈၶဝ်ၼၼ်ႉလႄႈဝႃႈ၊ ၼႂ်းမဵဝ်းၸိူဝ်ႉၶိူဝ်းသူသိုပ်ႇသိုပ်ႇတၢမ်းတၢမ်းၼၼ်ႉ၊ ၵေႃႉဢၼ်မီးတၢင်းဢၼ်ဢမ်ႇမူတ်းသႂ်ယူႇလႄႈ သုတ်ႉၸပ်းသုတ်ႉၸူးတီႈၶိူင်ႈပိူင်ဢၼ်မူတ်းၸၢင်ႇ ဢၼ်ၵူၼ်းမဵဝ်းဢီႉသရေႇလႃႉဢွၼ်ၵၼ်ႁႂ်ႈမူတ်းၸၢင်ႇပုၼ်ႈထႃႇဝရႃႉၽြႃးၼၼ်ႉၸမ်ႉ၊ တၵ်းလႆႈၶၢမ်ႇတၢင်းဢၼ် ပႄႇပႅတ်ႈသေၵႃႈတီႈၽၢႆႇၼႃႈၵဝ်ဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ။- 4ၵူၼ်းမဵဝ်းၸိူဝ်ႉၶိူဝ်းဢႃႇရုၼ်ႇ ဢၼ်ပဵၼ်တုတ်ႈ၊ ဢမ်ႇၼၼ်ၵေႃႈ ဢၼ်ပဵၼ်တၢင်းဢၼ်ႁူဝ်ႈၸိုမ်းဢွၵ်ႇၼၼ်ႉၸမ်ႉ၊ ၸူဝ်ႈဢၼ်ဢမ်ႇပႆႇႁွတ်ႈထိုင်တၢင်းဢၼ်မူတ်းသႂ်ၼၼ်ႉၸိုင်၊ ဢမ်ႇလႆႈၵိၼ်ၶိူင်ႈပိူင်ဢၼ်မူတ်းၸၢင်ႇ။ ၵေႃႉဢၼ်တိူဝ်ႉထုၵ်ႇၶိူင်ႈပိူင်ဢၼ်ၸၢပ်ႈသႅင်ႇၵၼ်တင်းတူဝ်တၢႆလႄႈ ဢမ်ႇမူတ်းသႂ်ၼၼ်ႉ၊ ၵေႃႉဢၼ်ၼမ်ႉသုၵ်ႉဢွၵ်ႇ၊- 5ၵေႃႉဢၼ်တိူဝ်ႉထုၵ်ႇတရိၵ်ႈသၢၼ်ႇဢၼ်ၸၢင်ႈၵႂႃႇၸၢင်ႈၵၢၼ်းလႄႈ ႁႂ်ႈမၼ်းၵူဝ်ႈၵိူၵ်ႇလႆႈၼၼ်ႉ၊ ဢမ်ႇၼၼ် ၵေႃႉဢၼ်ၸပ်းတၢင်းဢၼ်ၵူဝ်ႈၵိူၵ်ႇသေၸိူဝ်ႉသေပိူင်လႄႈ ႁႂ်ႈမၼ်းၵူဝ်ႈၵိူၵ်ႇလႆႈၼၼ်ႉၼၼ်ႉ၊- 6ၵေႃႉဢၼ်တိူဝ်ႉထုၵ်ႇၸိူဝ်ႉၼင်ႇၼၼ်ၼၼ်ႉၸိုင် တၵ်းပဵၼ်ဢၼ်ဢမ်ႇမူတ်းသႂ်တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။ ပေႃးမၼ်းယင်းဢမ်ႇဢၢပ်ႇၼမ်ႉလႄႈယူႇၸိုင်၊ မၼ်းဢမ်ႇလႆႈၵိၼ်ၶိူင်ႈပိူင်ဢၼ်မူတ်းၸၢင်ႇၸိူဝ်းၼၼ်ႉ။- 7လိုၼ်းသေၵၢင်ဝၼ်းတူၵ်းယဝ်ႉၼၼ်ႉ၊ တၵ်းႁွတ်ႈတၢင်းဢၼ်မူတ်းသႂ်ဢေႃႈ။ လိုၼ်းၼၼ်ႉ မၼ်းတၵ်းလႆႈၵိၼ်ၶိူင်ႈပိူင်ဢၼ်မူတ်းၸၢင်ႇၸိူဝ်းၼၼ်ႉ ၵွပ်ႈပိူဝ်ႈဢၼ်ပဵၼ်တၢင်းၵိၼ်မၼ်းၼၼ်ႉဢေႃႈ။- 8မၼ်းဢမ်ႇလႆႈႁႂ်ႈတူဝ်ၸဝ်ႈၵဝ်ႇၵူဝ်ႈၵိူၵ်ႇၵွပ်ႈပိူဝ်ႈတူဝ်ဢၼ်တၢႆၵူၺ်းမၼ်း၊ ဢမ်ႇၼၼ်ၵေႃႈ တူဝ်ဢၼ်တူဝ်ႁၢႆႉၶူပ်းလႄႈတၢႆၸိူဝ်းၼၼ်ႉသေလႄႈၵိၼ်။ ၵဝ်ပဵၼ်ထႃႇဝရႃႉၽြႃးဢေႃႈ။- 9ပိူဝ်ႈၼႆလႄႈ လွင်ႈၼင်ႇႁိုဝ်ၶဝ်တၵ်းဢမ်ႇလႆႈၶၢမ်ႇဢပႅတ်ႈၵွပ်ႈပိူဝ်ႈဢၼ်ယႃႉပႅတ်ႈပိင်းၺၢပ်ႈၵဝ်ၼၼ်ႉလႄႈတၢႆၸိုင်၊ ၶဝ်တၵ်းလႆႈပႂ်ႉၵမ်ပႂ်ႉၸွမ်းပိင်းၺၢပ်ႈတြႃးၵဝ်ဢေႃႈ။ ၵဝ်ပဵၼ်ထႃႇဝရႃႉၽြႃး ဢၼ်ႁႂ်ႈၶဝ်မူတ်းၸၢင်ႇဢေႃႈ။
10ၵူၼ်းတၢင်ႇၸိူဝ်ႉတၢင်ႇၶိူဝ်းဢမ်ႇလႆႈၵိၼ်ၶိူင်ႈပိူင်ဢၼ်မူတ်းၸၢင်ႇၼၼ်ႉ။ ၶႅၵ်ႇဢၼ်သွၼ်ႈပိုင်ႈယူႇၵႃႈတီႈယိတ်ႈပရေႃးႁဵၵ်ႈၼၼ်ႉ ဢိၵ်ႇတင်းၵူၼ်းဢၼ်ၵိၼ်ၸၢင်ႈၵိၼ်ငႃၼၼ်ႉၵေႃႈ ဢမ်ႇလႆႈၵိၼ်။- 11ၵေႃႉဢၼ်ယိတ်ႈပရေႃးႁဵၵ်ႈဢဝ်ငိုၼ်းမၼ်းသိုဝ်ႉဢဝ်ၼၼ်ႉတၵ်းလႆႈၵိၼ်ဢေႃႈ။ ၵေႃႉဢၼ်ၵိူတ်ႇလဵင်ႉမႃး ၵႃႈၼႂ်းႁိူၼ်းမၼ်းၼၼ်ႉၵေႃႈ တၵ်းလႆႈၵိၼ်ဢေႃႈ။ ၶဝ်တၵ်းလႆႈၵိၼ်တၢင်းၵိၼ်မၼ်းဢေႃႈ။- 12ပေႃးလုၵ်ႈယိင်းယိတ်ႈပရေႃးႁဵၵ်ႈပဵၼ်မေးၵူၼ်းတၢင်ႇၸိူဝ်ႉတၢင်ႇၶိူဝ်းၸိုင်၊ ၼႂ်းၶိူင်ႈပိူင်ဢၼ်မူတ်းၸၢင်ႇၸိူဝ်းၼၼ်ႉ မၼ်းဢမ်ႇလႆႈၵိၼ်တၢင်းပုၵ်ႈၸေႃႇဢၼ်ယုၵ်ႉယွင်ႈၼၼ်ႉ။- 13ၼႂ်းဝႃႈၼၼ်သေၵေႃႈ လုၵ်ႈယိင်းယိတ်ႈပရေႃးႁဵၵ်ႈၼၼ်ႉ၊ ပေႃးမၼ်းပဵၼ်မႄႈမူၵ်းမႄႈမၢႆႈၵႂႃႇ၊ ဢမ်ႇၼၼ်ၵေႃႈ ပဵၼ်မႄႈႁၢင်ႉၵႂႃႇလႄႈ ယင်းဢမ်ႇမီးလုၵ်ႈမီးလၢင်းယူႇသေလႄႈ ၶိုၼ်းမႃးၵႃႈတီႈႁိူၼ်းပေႃႈမၼ်းလႄႈ ယူႇမိူၼ်ၸိူဝ်ႉၼင်ႇဢၼ်ယူႇမိူဝ်ႈဢၼ်ယင်းတိုၵ်ႉပဵၼ်လုၵ်ႈဢွၼ်ႇယူႇၼၼ်ႉၸိုင်၊ တၵ်းလႆႈၵိၼ်တၢင်းၵိၼ်ပေႃႈမၼ်းဢေႃႈ။ ၵူၼ်းတၢင်ႇၸိူဝ်ႉတၢင်ႇၶိူဝ်းဢမ်ႇလႆႈၵိၼ်။- 14ပေႃးၵူၼ်းယင်းဢမ်ႇႁူႉလႄႈၵိၼ်ၶိူင်ႈပိူင်ဢၼ်မူတ်းၸၢင်ႇၼၼ်ႉမႅၼ်ႈၸိုင်၊ မၼ်းတၵ်းလႆႈဢဝ်ၶိူင်ႈပိူင်ၼၼ်ႉ ထၢပ်ႈထႅင်ႈႁႃႈပုၼ်ႈပုၼ်ႈၼိုင်ႈသေယဝ်ႉ၊ ပၼ်တီႈယိတ်ႈပရေႃးႁဵၵ်ႈဢေႃႈ။- 15ၶဝ်ဢမ်ႇလႆႈဢဝ်ၶိူင်ႈပိူင်ဢၼ်မူတ်းၸၢင်ႇ ဢၼ်ၵူၼ်းမဵဝ်းဢီႉသရေႇလႃႉဢွၼ်ၵၼ်ပုၵ်ႈၸေႃႇတီႈထႃႇဝရႃႉၽြႃးၸိူဝ်းၼၼ်ႉၶျႃးတူၵ်းတီႈတႅမ်ႇ။- 16တၵ်းလႆႈႁႂ်ႈၶဝ်ၸိူဝ်းဢၼ်ၵိၼ်မႅၼ်ႈၼၼ်ႉ ၶၢမ်ႇဢပႅတ်ႈတၢင်းဢၼ်တူဝ်ၸဝ်ႈၵဝ်ႇၽိတ်းပိူင်ႈဢေႃႈ။ ၵဝ်ပဵၼ်ထႃႇဝရႃႉၽြႃး၊ ဢၼ်ႁႂ်ႈၶဝ်မူတ်းၸၢင်ႇဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
17ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 18မႂ်းသင်ႇလၢတ်ႈတီႈဢႃႇရုၼ်ႇ တင်းလုၵ်ႈၸၢႆးဢႃႇရုၼ်ႇတင်းလၢႆဢိၵ်ႇတင်းၵူၼ်းမဵဝ်းဢီႉသရေႇလႃႉတင်းသဵင်ႈတင်းလူင်ၼၼ်ႉလႄႈဝႃႈ၊ ၵူၼ်းမဵဝ်းဢီႉသရေႇလႃႉသေဢမ်ႇဝႃႈ၊ ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၵႃႈတီႈၵူၼ်းမဵဝ်းဢီႉသရေႇလႃႉၼၼ်ႉသေဢမ်ႇဝႃႈ၊ ၵေႃႉဢၼ်မီးဢလူဝ်ႇၶႂ်ႈပုၵ်ႈၸေႃႇတၢင်းပုၵ်ႈၸေႃႇ ဢၼ်ႁဵတ်းၵတီႉသဵတ်ႈၸႃႇ၊ တၢင်းပုၵ်ႈၸေႃႇဢၼ်ယူႇဢလူဝ်ႇလူဝ်ႇလႄႈႁဵတ်း ဢၼ်ဝႃႈယိတ်ႈဢၼ်တုတ်ႇၽႆးလႄႈ ပုၵ်ႈၸေႃႇတီႈထႃႇဝရႃႉၽြႃးၼၼ်ႉ၊- 19မၼ်းတၵ်းလႆႈပုၵ်ႈၸေႃႇသူဝ်းပေႃႈ၊ ပႄႉပေႃႈ၊ ဝူဝ်းပေႃႈဢၼ်ဢမ်ႇပႃးဢပႅတ်ႈၼၼ်ႉ ႁႂ်ႈထုၵ်ႇၸႂ်မႅၼ်ႈၸႂ်မၼ်းၸဝ်ႈဢေႃႈ။- 20သူဢမ်ႇလႆႈဢဝ်တူဝ်ဢၼ်ပႃးဢပႅတ်ႈၼၼ်ႉပုၵ်ႈၸေႃႇ။ ပေႃးပုၵ်ႈၸေႃႇၸိုင် ဢမ်ႇထုၵ်ႇၸႂ်မႅၼ်ႈၸႂ်မၼ်းၸဝ်ႈ။- 21ၵေႃႉဢၼ်မီးဢလူဝ်ႇၶႂ်ႈဢဝ်သူဝ်း၊ ပႄႉ၊ ဝူဝ်းပုၵ်ႈၸေႃႇယိတ်ႈမိၵ်ႉသႃႇႁႃယႃႉ ဢၼ်ႁဵတ်းၵတီႉသဵတ်ႈၸႃႇ၊ တၢင်းပုၵ်ႈၸေႃႇဢၼ်ယူႇဢလူဝ်ႇလူဝ်ႇလႄႈႁဵတ်းၼၼ်ႉ တီႈထႃႇဝရႃႉၽြႃးၼၼ်ႉ တၵ်းလႆႈဢဝ်တူဝ်ဢၼ်ၸေးၸုမ်ႇႁႂ်ႈထုၵ်ႇၸႂ်မႅၼ်ႈၸႂ်မၼ်းၸဝ်ႈဢေႃႈ။ ဢမ်ႇလႆႈပႃးဢပႅတ်ႈသေၸိူဝ်ႉသေပိူင်။- 22သူဢမ်ႇလႆႈဢဝ်တူဝ်ဢၼ်တႃမွတ်ႇ၊ တူဝ်ဢၼ်လုပ်ႇႁၵ်း၊ တူဝ်ဢၼ်ဢၢင်ႇၵႃႇလုတ်ႈႁၢမ်း၊ တူဝ်ဢၼ်မီးတုမ်ႇၸဵပ်း၊ တူဝ်ဢၼ်မီးႁိတ်းမီးႁဝ်ႈသေၸိူဝ်ႉသေပိူင်ၼၼ်ႉ ပုၵ်ႈၸေႃႇတီႈထႃႇဝရႃႉၽြႃး။ ဢမ်ႇလႆႈဢဝ်တင်းၽႆး ပုၵ်ႈၸေႃႇၵႃႈၼိူဝ်ယိတ်ႈပလၢင်ႇ တီႈထႃႇဝရႃႉၽြႃး။- 23ၼႂ်းဝႃႈၼၼ်သေၵေႃႈ သူဝ်း၊ ဝူဝ်းဢၼ်ပႃးဢပႅတ်ႈတၢင်းဢၼ်ဢၢင်ႇၵႃႇပူၼ်ႉလိူဝ်ၵႂႃႇ၊ တၢင်းဢၼ်သုတ်ႈယွမ်းၵႂႃႇၼၼ်ႉၸိုင်၊ တၵ်းလႆႈဢဝ်ပုၵ်ႈၸေႃႇတၢင်းပုၵ်ႈၸေႃႇဢၼ်ယူႇဢလူဝ်ႇလူဝ်ႇလႄႈ ပုၵ်ႈၸေႃႇၼၼ်ႉဢေႃႈ။ ပေႃးၸၢပ်ႈသႅင်ႇၵၼ်တင်းၵတီႉသဵတ်ႈၸႃႇသေလႄႈ ပုၵ်ႈၸေႃႇၸိုင်၊ ဢမ်ႇထုၵ်ႇၸႂ်မႅၼ်ႈၸႂ်မၼ်းၸဝ်ႈ။- 24တူဝ်ပေႃႈဢၼ်ၶႆႇႁမ်မၼ်းလႆႈၶၢမ်ႇတၢင်းဢၼ်ၶိုတ်ႈၼူတ်ႈလႅဝ်ယဝ်ႉ၊ ဢမ်ႇၼၼ် ၵမ်လိမ်ႇမိတ်းလိမ်ႇလႅဝ်ယဝ်ႉ၊ ဢမ်ႇၼၼ် ပေႃႉထုပ်ႉလႅဝ်ယဝ်ႉ၊ ဢမ်ႇၼၼ် ထိူဝ်ၶၢတ်ႇပၢတ်ႇပႅတ်ႈယဝ်ႉၼၼ်ႉၸိုင်၊ သူဢမ်ႇလႆႈဢဝ်ပုၵ်ႈၸေႃႇတီႈထႃႇဝရႃႉၽြႃး။ ဢမ်ႇလႆႈပုၵ်ႈၸေႃႇၸိူဝ်ႉၼင်ႇၼၼ်ၵႃႈၼႂ်းမိူင်းသူ။- 25ပိၵ်ႉသမ်ႉၵူၼ်းတၢင်ႇၸိူဝ်ႉတၢင်ႇၶိူဝ်းဢဝ်တူဝ်ၸိူဝ်ႉၼင်ႇၼၼ်သၢၵ်ႈၵၢပ်ႈသေၵေႃႈ သူဢမ်ႇလႆႈပုၵ်ႈၸေႃႇပုၼ်ႈၶဝ်ႈမုၼ်းၽြႃးပဵၼ်ၸဝ်ႈသူ။ ၵွပ်ႈပိူဝ်ႈဢၼ်တၢင်းဢၼ်လူႉဢၼ်လႅဝ်ၶဝ် မီးၵႃႈၼႂ်းၶဝ်လႄႈပႃးဢပႅတ်ႈဢေႃႈ။ တူဝ်ၸိူဝ်ႉၼင်ႇၼၼ်ၼၼ်ႉ ဢမ်ႇထုၵ်ႇၸႂ်မႅၼ်ႈၸႂ်မၼ်းၸဝ်ႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
26ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 27မိူဝ်ႈဢၼ်သူဝ်း၊ ပႄႉ၊ ဝူဝ်း ၵိူတ်ႇလဵင်ႉမႃးၼၼ်ႉ၊ ၸဵတ်းဝၼ်းတဵမ်တဵမ်မၼ်းတၵ်းလႆႈယူႇလူၺ်ႈၵၼ်တင်းမႄႈမၼ်းဢေႃႈ။ ၸႃႉၸဵမ်ဝၼ်းဢႃႉထမႃႉၼၼ်ႉၵႂႃႇမိူဝ်းၼႃႈလႄႈ၊ ပဵၼ်ဢၼ်ထုၵ်ႇဢၼ်လီပုၼ်ႈတၢင်းပုၵ်ႈၸေႃႇ ဢၼ်ဢဝ်တင်းၽႆးပုၵ်ႈၸေႃႇ တီႈထႃႇဝရႃႉၽြႃးဢေႃႈ။- 28ပဵၼ်ဝူဝ်းသေဢမ်ႇဝႃႈ၊ ပဵၼ်သူဝ်း၊ ပႄႉသေဢမ်ႇဝႃႈ၊ ၼႂ်းဝၼ်းလဵဝ်ၵူၺ်းသူဢမ်ႇလႆႈဢဝ်မႄႈလုၵ်ႈတင်းသွင်တူဝ်တၢႆ။- 29ပေႃးမီးဢလူဝ်ႇၶႂ်ႈပုၵ်ႈၸေႃႇယိတ်ႈဢၼ်ႁပ်ႉတုင်းဢဝ်ၵျေးၸူးၸဝ်ႈ တီႈထႃႇဝရႃႉၽြႃးၸိုင်၊ ပုၵ်ႈၸေႃႇႁႂ်ႈထုၵ်ႇၸႂ်မႅၼ်ႈၸႂ်မၼ်းၸဝ်ႈတႃႉ။- 30တၵ်းလႆႈၵိၼ်ၼႂ်းဝၼ်းၼၼ်ႉၵမ်းလဵဝ်ဢေႃႈ။ သူဢမ်ႇလႆႈႁႂ်ႈၵိုတ်းႁႂ်ႈၵျၢၼ်ႇတေႃႇထိုင်ႁွတ်ႈၶိင်ႇၵၢင်ၼႂ်။ ၵဝ်ပဵၼ်ထႃႇဝရႃႉၽြႃးဢေႃႈ။- 31သူတၵ်းလႆႈပႂ်ႉၵမ်ပႂ်ႉၸွမ်းပိင်းၺၢပ်ႈၵဝ်တင်းလၢႆဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ။- 32သူဢမ်ႇလႆႈဢဝ်ၼႃႇမႃႉၸိုဝ်ႈသဵင်ၵဝ်ဢၼ်မူတ်းၸၢင်ႇၼၼ်ႉ ၶျႃးတူၵ်းတီႈတႅမ်ႇ။ ၵဝ်တၵ်းလႆႈမီးတၢင်းဢၼ် ၵူၼ်းမဵဝ်းဢီႉသရေႇလႃႉတင်းလၢႆ မၢတ်ႈပဵၼ်ဢၼ်မူတ်းၸၢင်ႇဢေႃႈ။- 33ၵဝ်ပဵၼ်ထႃႇဝရႃႉၽြႃး ဢၼ်ႁႂ်ႈသူမူတ်းၸၢင်ႇလႄႈ ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵိပ်ႉတူႉမႃးၼၼ်ႉ ႁႂ်ႈပဵၼ်ၽြႃးပဵၼ်ၸဝ်ႈသူဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ၊ ဝႃႈၼင်ႇၼႆဢေႃႈ။
Currently Selected:
ႁဵတ်းဝၢတ်ႈ 22: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
ႁဵတ်းဝၢတ်ႈ 22
22
တၢင်းလူႇဢၼ်မူတ်းၸၢင်ႇ
1ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 2မႂ်းတၵ်းလႆႈသင်ႇလၢတ်ႈတီႈဢႃႇရုၼ်ႇ တင်းလုၵ်ႈၸၢႆးမၼ်းၸိူဝ်းၼၼ်ႉ ႁႂ်ႈၶဝ်လႆႈႁႂ်ႈတူဝ်ၸဝ်ႈၵဝ်ႇၽၢတ်ႇၵၼ်တင်း ၶိူင်ႈပိူင်ဢၼ်မူတ်းၸၢင်ႇၵူၼ်းမဵဝ်းဢီႉသရေႇလႃႉ ဢၼ်ၶဝ်ၼၼ်ႉဢွၼ်ၵၼ်ႁႂ်ႈမူတ်းၸၢင်ႇပုၼ်ႈၵဝ်ၼၼ်ႉ၊ ဢိၵ်ႇတင်းႁႂ်ႈၶဝ်ဢမ်ႇလႆႈဢဝ်ၼႃႇမႃႉၸိုဝ်ႈသဵင်ၵဝ် ဢၼ်မူတ်းၸၢင်ႇၼၼ်ႉၶျႃးတူၵ်းတီႈတႅမ်ႇဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ။- 3သင်ႇလၢတ်ႈတီႈၶဝ်ၼၼ်ႉလႄႈဝႃႈ၊ ၼႂ်းမဵဝ်းၸိူဝ်ႉၶိူဝ်းသူသိုပ်ႇသိုပ်ႇတၢမ်းတၢမ်းၼၼ်ႉ၊ ၵေႃႉဢၼ်မီးတၢင်းဢၼ်ဢမ်ႇမူတ်းသႂ်ယူႇလႄႈ သုတ်ႉၸပ်းသုတ်ႉၸူးတီႈၶိူင်ႈပိူင်ဢၼ်မူတ်းၸၢင်ႇ ဢၼ်ၵူၼ်းမဵဝ်းဢီႉသရေႇလႃႉဢွၼ်ၵၼ်ႁႂ်ႈမူတ်းၸၢင်ႇပုၼ်ႈထႃႇဝရႃႉၽြႃးၼၼ်ႉၸမ်ႉ၊ တၵ်းလႆႈၶၢမ်ႇတၢင်းဢၼ် ပႄႇပႅတ်ႈသေၵႃႈတီႈၽၢႆႇၼႃႈၵဝ်ဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ။- 4ၵူၼ်းမဵဝ်းၸိူဝ်ႉၶိူဝ်းဢႃႇရုၼ်ႇ ဢၼ်ပဵၼ်တုတ်ႈ၊ ဢမ်ႇၼၼ်ၵေႃႈ ဢၼ်ပဵၼ်တၢင်းဢၼ်ႁူဝ်ႈၸိုမ်းဢွၵ်ႇၼၼ်ႉၸမ်ႉ၊ ၸူဝ်ႈဢၼ်ဢမ်ႇပႆႇႁွတ်ႈထိုင်တၢင်းဢၼ်မူတ်းသႂ်ၼၼ်ႉၸိုင်၊ ဢမ်ႇလႆႈၵိၼ်ၶိူင်ႈပိူင်ဢၼ်မူတ်းၸၢင်ႇ။ ၵေႃႉဢၼ်တိူဝ်ႉထုၵ်ႇၶိူင်ႈပိူင်ဢၼ်ၸၢပ်ႈသႅင်ႇၵၼ်တင်းတူဝ်တၢႆလႄႈ ဢမ်ႇမူတ်းသႂ်ၼၼ်ႉ၊ ၵေႃႉဢၼ်ၼမ်ႉသုၵ်ႉဢွၵ်ႇ၊- 5ၵေႃႉဢၼ်တိူဝ်ႉထုၵ်ႇတရိၵ်ႈသၢၼ်ႇဢၼ်ၸၢင်ႈၵႂႃႇၸၢင်ႈၵၢၼ်းလႄႈ ႁႂ်ႈမၼ်းၵူဝ်ႈၵိူၵ်ႇလႆႈၼၼ်ႉ၊ ဢမ်ႇၼၼ် ၵေႃႉဢၼ်ၸပ်းတၢင်းဢၼ်ၵူဝ်ႈၵိူၵ်ႇသေၸိူဝ်ႉသေပိူင်လႄႈ ႁႂ်ႈမၼ်းၵူဝ်ႈၵိူၵ်ႇလႆႈၼၼ်ႉၼၼ်ႉ၊- 6ၵေႃႉဢၼ်တိူဝ်ႉထုၵ်ႇၸိူဝ်ႉၼင်ႇၼၼ်ၼၼ်ႉၸိုင် တၵ်းပဵၼ်ဢၼ်ဢမ်ႇမူတ်းသႂ်တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။ ပေႃးမၼ်းယင်းဢမ်ႇဢၢပ်ႇၼမ်ႉလႄႈယူႇၸိုင်၊ မၼ်းဢမ်ႇလႆႈၵိၼ်ၶိူင်ႈပိူင်ဢၼ်မူတ်းၸၢင်ႇၸိူဝ်းၼၼ်ႉ။- 7လိုၼ်းသေၵၢင်ဝၼ်းတူၵ်းယဝ်ႉၼၼ်ႉ၊ တၵ်းႁွတ်ႈတၢင်းဢၼ်မူတ်းသႂ်ဢေႃႈ။ လိုၼ်းၼၼ်ႉ မၼ်းတၵ်းလႆႈၵိၼ်ၶိူင်ႈပိူင်ဢၼ်မူတ်းၸၢင်ႇၸိူဝ်းၼၼ်ႉ ၵွပ်ႈပိူဝ်ႈဢၼ်ပဵၼ်တၢင်းၵိၼ်မၼ်းၼၼ်ႉဢေႃႈ။- 8မၼ်းဢမ်ႇလႆႈႁႂ်ႈတူဝ်ၸဝ်ႈၵဝ်ႇၵူဝ်ႈၵိူၵ်ႇၵွပ်ႈပိူဝ်ႈတူဝ်ဢၼ်တၢႆၵူၺ်းမၼ်း၊ ဢမ်ႇၼၼ်ၵေႃႈ တူဝ်ဢၼ်တူဝ်ႁၢႆႉၶူပ်းလႄႈတၢႆၸိူဝ်းၼၼ်ႉသေလႄႈၵိၼ်။ ၵဝ်ပဵၼ်ထႃႇဝရႃႉၽြႃးဢေႃႈ။- 9ပိူဝ်ႈၼႆလႄႈ လွင်ႈၼင်ႇႁိုဝ်ၶဝ်တၵ်းဢမ်ႇလႆႈၶၢမ်ႇဢပႅတ်ႈၵွပ်ႈပိူဝ်ႈဢၼ်ယႃႉပႅတ်ႈပိင်းၺၢပ်ႈၵဝ်ၼၼ်ႉလႄႈတၢႆၸိုင်၊ ၶဝ်တၵ်းလႆႈပႂ်ႉၵမ်ပႂ်ႉၸွမ်းပိင်းၺၢပ်ႈတြႃးၵဝ်ဢေႃႈ။ ၵဝ်ပဵၼ်ထႃႇဝရႃႉၽြႃး ဢၼ်ႁႂ်ႈၶဝ်မူတ်းၸၢင်ႇဢေႃႈ။
10ၵူၼ်းတၢင်ႇၸိူဝ်ႉတၢင်ႇၶိူဝ်းဢမ်ႇလႆႈၵိၼ်ၶိူင်ႈပိူင်ဢၼ်မူတ်းၸၢင်ႇၼၼ်ႉ။ ၶႅၵ်ႇဢၼ်သွၼ်ႈပိုင်ႈယူႇၵႃႈတီႈယိတ်ႈပရေႃးႁဵၵ်ႈၼၼ်ႉ ဢိၵ်ႇတင်းၵူၼ်းဢၼ်ၵိၼ်ၸၢင်ႈၵိၼ်ငႃၼၼ်ႉၵေႃႈ ဢမ်ႇလႆႈၵိၼ်။- 11ၵေႃႉဢၼ်ယိတ်ႈပရေႃးႁဵၵ်ႈဢဝ်ငိုၼ်းမၼ်းသိုဝ်ႉဢဝ်ၼၼ်ႉတၵ်းလႆႈၵိၼ်ဢေႃႈ။ ၵေႃႉဢၼ်ၵိူတ်ႇလဵင်ႉမႃး ၵႃႈၼႂ်းႁိူၼ်းမၼ်းၼၼ်ႉၵေႃႈ တၵ်းလႆႈၵိၼ်ဢေႃႈ။ ၶဝ်တၵ်းလႆႈၵိၼ်တၢင်းၵိၼ်မၼ်းဢေႃႈ။- 12ပေႃးလုၵ်ႈယိင်းယိတ်ႈပရေႃးႁဵၵ်ႈပဵၼ်မေးၵူၼ်းတၢင်ႇၸိူဝ်ႉတၢင်ႇၶိူဝ်းၸိုင်၊ ၼႂ်းၶိူင်ႈပိူင်ဢၼ်မူတ်းၸၢင်ႇၸိူဝ်းၼၼ်ႉ မၼ်းဢမ်ႇလႆႈၵိၼ်တၢင်းပုၵ်ႈၸေႃႇဢၼ်ယုၵ်ႉယွင်ႈၼၼ်ႉ။- 13ၼႂ်းဝႃႈၼၼ်သေၵေႃႈ လုၵ်ႈယိင်းယိတ်ႈပရေႃးႁဵၵ်ႈၼၼ်ႉ၊ ပေႃးမၼ်းပဵၼ်မႄႈမူၵ်းမႄႈမၢႆႈၵႂႃႇ၊ ဢမ်ႇၼၼ်ၵေႃႈ ပဵၼ်မႄႈႁၢင်ႉၵႂႃႇလႄႈ ယင်းဢမ်ႇမီးလုၵ်ႈမီးလၢင်းယူႇသေလႄႈ ၶိုၼ်းမႃးၵႃႈတီႈႁိူၼ်းပေႃႈမၼ်းလႄႈ ယူႇမိူၼ်ၸိူဝ်ႉၼင်ႇဢၼ်ယူႇမိူဝ်ႈဢၼ်ယင်းတိုၵ်ႉပဵၼ်လုၵ်ႈဢွၼ်ႇယူႇၼၼ်ႉၸိုင်၊ တၵ်းလႆႈၵိၼ်တၢင်းၵိၼ်ပေႃႈမၼ်းဢေႃႈ။ ၵူၼ်းတၢင်ႇၸိူဝ်ႉတၢင်ႇၶိူဝ်းဢမ်ႇလႆႈၵိၼ်။- 14ပေႃးၵူၼ်းယင်းဢမ်ႇႁူႉလႄႈၵိၼ်ၶိူင်ႈပိူင်ဢၼ်မူတ်းၸၢင်ႇၼၼ်ႉမႅၼ်ႈၸိုင်၊ မၼ်းတၵ်းလႆႈဢဝ်ၶိူင်ႈပိူင်ၼၼ်ႉ ထၢပ်ႈထႅင်ႈႁႃႈပုၼ်ႈပုၼ်ႈၼိုင်ႈသေယဝ်ႉ၊ ပၼ်တီႈယိတ်ႈပရေႃးႁဵၵ်ႈဢေႃႈ။- 15ၶဝ်ဢမ်ႇလႆႈဢဝ်ၶိူင်ႈပိူင်ဢၼ်မူတ်းၸၢင်ႇ ဢၼ်ၵူၼ်းမဵဝ်းဢီႉသရေႇလႃႉဢွၼ်ၵၼ်ပုၵ်ႈၸေႃႇတီႈထႃႇဝရႃႉၽြႃးၸိူဝ်းၼၼ်ႉၶျႃးတူၵ်းတီႈတႅမ်ႇ။- 16တၵ်းလႆႈႁႂ်ႈၶဝ်ၸိူဝ်းဢၼ်ၵိၼ်မႅၼ်ႈၼၼ်ႉ ၶၢမ်ႇဢပႅတ်ႈတၢင်းဢၼ်တူဝ်ၸဝ်ႈၵဝ်ႇၽိတ်းပိူင်ႈဢေႃႈ။ ၵဝ်ပဵၼ်ထႃႇဝရႃႉၽြႃး၊ ဢၼ်ႁႂ်ႈၶဝ်မူတ်းၸၢင်ႇဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
17ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 18မႂ်းသင်ႇလၢတ်ႈတီႈဢႃႇရုၼ်ႇ တင်းလုၵ်ႈၸၢႆးဢႃႇရုၼ်ႇတင်းလၢႆဢိၵ်ႇတင်းၵူၼ်းမဵဝ်းဢီႉသရေႇလႃႉတင်းသဵင်ႈတင်းလူင်ၼၼ်ႉလႄႈဝႃႈ၊ ၵူၼ်းမဵဝ်းဢီႉသရေႇလႃႉသေဢမ်ႇဝႃႈ၊ ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၵႃႈတီႈၵူၼ်းမဵဝ်းဢီႉသရေႇလႃႉၼၼ်ႉသေဢမ်ႇဝႃႈ၊ ၵေႃႉဢၼ်မီးဢလူဝ်ႇၶႂ်ႈပုၵ်ႈၸေႃႇတၢင်းပုၵ်ႈၸေႃႇ ဢၼ်ႁဵတ်းၵတီႉသဵတ်ႈၸႃႇ၊ တၢင်းပုၵ်ႈၸေႃႇဢၼ်ယူႇဢလူဝ်ႇလူဝ်ႇလႄႈႁဵတ်း ဢၼ်ဝႃႈယိတ်ႈဢၼ်တုတ်ႇၽႆးလႄႈ ပုၵ်ႈၸေႃႇတီႈထႃႇဝရႃႉၽြႃးၼၼ်ႉ၊- 19မၼ်းတၵ်းလႆႈပုၵ်ႈၸေႃႇသူဝ်းပေႃႈ၊ ပႄႉပေႃႈ၊ ဝူဝ်းပေႃႈဢၼ်ဢမ်ႇပႃးဢပႅတ်ႈၼၼ်ႉ ႁႂ်ႈထုၵ်ႇၸႂ်မႅၼ်ႈၸႂ်မၼ်းၸဝ်ႈဢေႃႈ။- 20သူဢမ်ႇလႆႈဢဝ်တူဝ်ဢၼ်ပႃးဢပႅတ်ႈၼၼ်ႉပုၵ်ႈၸေႃႇ။ ပေႃးပုၵ်ႈၸေႃႇၸိုင် ဢမ်ႇထုၵ်ႇၸႂ်မႅၼ်ႈၸႂ်မၼ်းၸဝ်ႈ။- 21ၵေႃႉဢၼ်မီးဢလူဝ်ႇၶႂ်ႈဢဝ်သူဝ်း၊ ပႄႉ၊ ဝူဝ်းပုၵ်ႈၸေႃႇယိတ်ႈမိၵ်ႉသႃႇႁႃယႃႉ ဢၼ်ႁဵတ်းၵတီႉသဵတ်ႈၸႃႇ၊ တၢင်းပုၵ်ႈၸေႃႇဢၼ်ယူႇဢလူဝ်ႇလူဝ်ႇလႄႈႁဵတ်းၼၼ်ႉ တီႈထႃႇဝရႃႉၽြႃးၼၼ်ႉ တၵ်းလႆႈဢဝ်တူဝ်ဢၼ်ၸေးၸုမ်ႇႁႂ်ႈထုၵ်ႇၸႂ်မႅၼ်ႈၸႂ်မၼ်းၸဝ်ႈဢေႃႈ။ ဢမ်ႇလႆႈပႃးဢပႅတ်ႈသေၸိူဝ်ႉသေပိူင်။- 22သူဢမ်ႇလႆႈဢဝ်တူဝ်ဢၼ်တႃမွတ်ႇ၊ တူဝ်ဢၼ်လုပ်ႇႁၵ်း၊ တူဝ်ဢၼ်ဢၢင်ႇၵႃႇလုတ်ႈႁၢမ်း၊ တူဝ်ဢၼ်မီးတုမ်ႇၸဵပ်း၊ တူဝ်ဢၼ်မီးႁိတ်းမီးႁဝ်ႈသေၸိူဝ်ႉသေပိူင်ၼၼ်ႉ ပုၵ်ႈၸေႃႇတီႈထႃႇဝရႃႉၽြႃး။ ဢမ်ႇလႆႈဢဝ်တင်းၽႆး ပုၵ်ႈၸေႃႇၵႃႈၼိူဝ်ယိတ်ႈပလၢင်ႇ တီႈထႃႇဝရႃႉၽြႃး။- 23ၼႂ်းဝႃႈၼၼ်သေၵေႃႈ သူဝ်း၊ ဝူဝ်းဢၼ်ပႃးဢပႅတ်ႈတၢင်းဢၼ်ဢၢင်ႇၵႃႇပူၼ်ႉလိူဝ်ၵႂႃႇ၊ တၢင်းဢၼ်သုတ်ႈယွမ်းၵႂႃႇၼၼ်ႉၸိုင်၊ တၵ်းလႆႈဢဝ်ပုၵ်ႈၸေႃႇတၢင်းပုၵ်ႈၸေႃႇဢၼ်ယူႇဢလူဝ်ႇလူဝ်ႇလႄႈ ပုၵ်ႈၸေႃႇၼၼ်ႉဢေႃႈ။ ပေႃးၸၢပ်ႈသႅင်ႇၵၼ်တင်းၵတီႉသဵတ်ႈၸႃႇသေလႄႈ ပုၵ်ႈၸေႃႇၸိုင်၊ ဢမ်ႇထုၵ်ႇၸႂ်မႅၼ်ႈၸႂ်မၼ်းၸဝ်ႈ။- 24တူဝ်ပေႃႈဢၼ်ၶႆႇႁမ်မၼ်းလႆႈၶၢမ်ႇတၢင်းဢၼ်ၶိုတ်ႈၼူတ်ႈလႅဝ်ယဝ်ႉ၊ ဢမ်ႇၼၼ် ၵမ်လိမ်ႇမိတ်းလိမ်ႇလႅဝ်ယဝ်ႉ၊ ဢမ်ႇၼၼ် ပေႃႉထုပ်ႉလႅဝ်ယဝ်ႉ၊ ဢမ်ႇၼၼ် ထိူဝ်ၶၢတ်ႇပၢတ်ႇပႅတ်ႈယဝ်ႉၼၼ်ႉၸိုင်၊ သူဢမ်ႇလႆႈဢဝ်ပုၵ်ႈၸေႃႇတီႈထႃႇဝရႃႉၽြႃး။ ဢမ်ႇလႆႈပုၵ်ႈၸေႃႇၸိူဝ်ႉၼင်ႇၼၼ်ၵႃႈၼႂ်းမိူင်းသူ။- 25ပိၵ်ႉသမ်ႉၵူၼ်းတၢင်ႇၸိူဝ်ႉတၢင်ႇၶိူဝ်းဢဝ်တူဝ်ၸိူဝ်ႉၼင်ႇၼၼ်သၢၵ်ႈၵၢပ်ႈသေၵေႃႈ သူဢမ်ႇလႆႈပုၵ်ႈၸေႃႇပုၼ်ႈၶဝ်ႈမုၼ်းၽြႃးပဵၼ်ၸဝ်ႈသူ။ ၵွပ်ႈပိူဝ်ႈဢၼ်တၢင်းဢၼ်လူႉဢၼ်လႅဝ်ၶဝ် မီးၵႃႈၼႂ်းၶဝ်လႄႈပႃးဢပႅတ်ႈဢေႃႈ။ တူဝ်ၸိူဝ်ႉၼင်ႇၼၼ်ၼၼ်ႉ ဢမ်ႇထုၵ်ႇၸႂ်မႅၼ်ႈၸႂ်မၼ်းၸဝ်ႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
26ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 27မိူဝ်ႈဢၼ်သူဝ်း၊ ပႄႉ၊ ဝူဝ်း ၵိူတ်ႇလဵင်ႉမႃးၼၼ်ႉ၊ ၸဵတ်းဝၼ်းတဵမ်တဵမ်မၼ်းတၵ်းလႆႈယူႇလူၺ်ႈၵၼ်တင်းမႄႈမၼ်းဢေႃႈ။ ၸႃႉၸဵမ်ဝၼ်းဢႃႉထမႃႉၼၼ်ႉၵႂႃႇမိူဝ်းၼႃႈလႄႈ၊ ပဵၼ်ဢၼ်ထုၵ်ႇဢၼ်လီပုၼ်ႈတၢင်းပုၵ်ႈၸေႃႇ ဢၼ်ဢဝ်တင်းၽႆးပုၵ်ႈၸေႃႇ တီႈထႃႇဝရႃႉၽြႃးဢေႃႈ။- 28ပဵၼ်ဝူဝ်းသေဢမ်ႇဝႃႈ၊ ပဵၼ်သူဝ်း၊ ပႄႉသေဢမ်ႇဝႃႈ၊ ၼႂ်းဝၼ်းလဵဝ်ၵူၺ်းသူဢမ်ႇလႆႈဢဝ်မႄႈလုၵ်ႈတင်းသွင်တူဝ်တၢႆ။- 29ပေႃးမီးဢလူဝ်ႇၶႂ်ႈပုၵ်ႈၸေႃႇယိတ်ႈဢၼ်ႁပ်ႉတုင်းဢဝ်ၵျေးၸူးၸဝ်ႈ တီႈထႃႇဝရႃႉၽြႃးၸိုင်၊ ပုၵ်ႈၸေႃႇႁႂ်ႈထုၵ်ႇၸႂ်မႅၼ်ႈၸႂ်မၼ်းၸဝ်ႈတႃႉ။- 30တၵ်းလႆႈၵိၼ်ၼႂ်းဝၼ်းၼၼ်ႉၵမ်းလဵဝ်ဢေႃႈ။ သူဢမ်ႇလႆႈႁႂ်ႈၵိုတ်းႁႂ်ႈၵျၢၼ်ႇတေႃႇထိုင်ႁွတ်ႈၶိင်ႇၵၢင်ၼႂ်။ ၵဝ်ပဵၼ်ထႃႇဝရႃႉၽြႃးဢေႃႈ။- 31သူတၵ်းလႆႈပႂ်ႉၵမ်ပႂ်ႉၸွမ်းပိင်းၺၢပ်ႈၵဝ်တင်းလၢႆဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ။- 32သူဢမ်ႇလႆႈဢဝ်ၼႃႇမႃႉၸိုဝ်ႈသဵင်ၵဝ်ဢၼ်မူတ်းၸၢင်ႇၼၼ်ႉ ၶျႃးတူၵ်းတီႈတႅမ်ႇ။ ၵဝ်တၵ်းလႆႈမီးတၢင်းဢၼ် ၵူၼ်းမဵဝ်းဢီႉသရေႇလႃႉတင်းလၢႆ မၢတ်ႈပဵၼ်ဢၼ်မူတ်းၸၢင်ႇဢေႃႈ။- 33ၵဝ်ပဵၼ်ထႃႇဝရႃႉၽြႃး ဢၼ်ႁႂ်ႈသူမူတ်းၸၢင်ႇလႄႈ ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵိပ်ႉတူႉမႃးၼၼ်ႉ ႁႂ်ႈပဵၼ်ၽြႃးပဵၼ်ၸဝ်ႈသူဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ၊ ဝႃႈၼင်ႇၼႆဢေႃႈ။
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship