ႁဵတ်းဝၢတ်ႈ 7
7
ယိတ်ႈဢၼ်ၽေႇတူႉၸရိူၵ်ႈ
1တြႃးတၢင်းဢၼ်ပုၵ်ႈၸေႃႇယိတ်ႈဢၼ်ၽေႇတူႉၸရိူၵ်ႈၸမ်ႉ၊ ပဵၼ်ဢၼ်မူတ်းၸၢင်ႇၼႃႇလူင်လၢင်ဢေႃႈ။- 2ၶဝ်တၵ်းလႆႈဢဝ်တူဝ်ယိတ်ႈဢၼ်ၽေႇတူႉၸရိူၵ်ႈတၢႆၵႃႈၼႂ်းတီႈဢၼ်ၶဝ်ဢဝ်တူဝ်ယိတ်ႈဢၼ်တုတ်ႇၽႆးၼၼ်ႉတၢႆလႄႈ၊ ဢဝ်လိူတ်ႈမၼ်းၽႅတ်းသႂ်ႇလဵပ်ႈႁွပ်ႈၵႃႈၼိူဝ်ယိတ်ႈပလၢင်ႇဢေႃႈ။- 3မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်း ၵႃႈဢၼ်မီးၵႃႈၼႂ်းတူဝ်ယိတ်ႈၼၼ်ႉ သၢၵ်ႈၵၢပ်ႈဢေႃႈ။ မၼ်းတၵ်းလႆႈဢဝ်ႁၢင်မၼ်း ဢိၵ်ႇတင်းၵွၼ်ႈၶႆၵွၼ်ႈမၼ်းဢၼ်ႁူမ်ႇသႆႈမၼ်း၊- 4မၢၵ်ႇလၼ်းသွင်ႁူၺ်ႇ တင်းၵွၼ်ႈၶႆၵွၼ်ႈမၼ်းမၢၵ်ႇလၼ်းဢၼ်မီးၵႃႈၼႂ်းႁိမ်းဢႅဝ်မၼ်း၊ ၽၢင်ႉၽၢပ်ႇဢၼ်မီးၵႃႈၼိူဝ်တပ်းမၼ်း ဢိၵ်ႇတင်းမၢၵ်ႇလၼ်းၼၼ်ႉၸိူဝ်းၼၼ်ႉ ဢွၵ်ႇလႄႈ၊- 5ယိတ်ႈပရေႃးႁဵၵ်ႈတၵ်းလႆႈဢဝ်တုတ်ႇၽႆးၵႃႈၼိူဝ်ယိတ်ႈပလၢင်ႇပုၼ်ႈတၢင်းပုၵ်ႈၸေႃႇ ဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးဢေႃႈ။ ပဵၼ်ယိတ်ႈဢၼ်ၽေႇတူႉၸရိူၵ်ႈဢေႃႈ။- 6ယိတ်ႈပရေႃးႁဵၵ်ႈၵူၼ်းၸၢႆးတၵ်းလႆႈဢွၼ်ၵၼ်ဢဝ်ၵႃႈၼႂ်းတူဝ်ယိတ်ႈၼၼ်ႉၵိၼ်ၵူႈၵေႃႉၵူႈၵူၼ်းဢေႃႈ။ တၵ်းလႆႈၵိၼ်ၵႃႈၼႂ်းထႃႇၼႃႉတီႈမူတ်းၸၢင်ႇၼၼ်ႉဢေႃႈ။ ပဵၼ်ဢၼ်မူတ်းၸၢင်ႇၼႃႇလူင်လၢင်ဢေႃႈ။- 7ယိတ်ႈဢၼ်ၽေႇတူႉၸရိူၵ်ႈပဵၼ်မိူၼ်ၸိူဝ်ႉၼင်ႇယိတ်ႈဢၼ်ၽေႇဢပႅတ်ႈလႄႈ မီးတြႃးပႃးလဵဝ်ၵူၺ်းဢေႃႈ။ ယိတ်ႈပရေႃးႁဵၵ်ႈဢၼ်ႁဵတ်းတၢင်းဢၼ်ၽေႇဢပႅတ်ႈတူႉၸရိူၵ်ႈၼၼ်ႉ တၵ်းလႆႈဢဝ်ဢေႃႈ။- 8ယိတ်ႈပရေႃးႁဵၵ်ႈဢၼ်ဢဝ်ယိတ်ႈဢၼ်တုတ်ႇၽႆးဢၼ်သေၵေႃႉသေၵူၼ်းႁဵတ်းၼၼ်ႉပုၵ်ႈၸေႃႇၼၼ်ႉ တၵ်းလႆႈဢဝ်ၼင်တူဝ်ယိတ်ႈဢၼ်မၼ်းပုၵ်ႈၸေႃႇၼၼ်ႉ ပုၼ်ႈမၼ်းဢေႃႈ။- 9တၢင်းပုၵ်ႈၸေႃႇၽေႃးၸဵၼ်ႇ ဢၼ်ၶူဝ်ႈႁႅင်ႈၵႃႈၼိူဝ်ၽီးၽႆး၊ ၶိူင်ႈပိူင်ဢၼ်ဢဝ်တင်းမိူင်ႈတင်းၶႅပ်းလဵၵ်းႁဵတ်းၼၼ်ႉၵႃႈမီးၼၼ်ႉၸိုင်၊ ယိတ်ႈပရေႃးႁဵၵ်ႈဢၼ်ဢဝ်ပုၵ်ႈၸေႃႇၼၼ်ႉ တၵ်းလႆႈဢဝ်ဢေႃႈ။- 10တၢင်းပုၵ်ႈၸေႃႇၽေႃးၸဵၼ်ႇ ဢၼ်ဢဝ်ၼမ်ႉမၼ်းသႂ်ႇလေႃးသေဢမ်ႇဝႃႈ၊ ဢၼ်ဢမ်ႇသႂ်ႇလေႃးသေဢမ်ႇဝႃႈ၊ ၵႃႈမီးၼၼ်ႉၸိုင်၊ လုၵ်ႈၸၢႆးဢႃႇရုၼ်ႇတင်းသဵင်ႈတင်းလူင် တၵ်းလႆႈဢဝ်ပဵင်းပဵင်းၵၼ်ဢေႃႈ။
ယိတ်ႈမိၵ်ႉသႃႇႁႃယႃႉ
11တြႃးတၢင်းဢၼ်ပုၵ်ႈၸေႃႇယိတ်ႈမိၵ်ႉသႃႇႁႃယႃႉ ဢၼ်တၵ်းလႆႈႁဵတ်းတီႈထႃႇဝရႃႉၽြႃးၼၼ်ႉၸမ်ႉ၊- 12ပေႃးပုၵ်ႈၸေႃႇပုၼ်ႈဢၼ်တၵ်းႁပ်ႉတုင်းဢဝ်ၵျေးၸူးၸဝ်ႈၸိုင်၊ တၵ်းလႆႈဢဝ်ၶဝ်ႈမုၼ်းၶႅပ်းဢၼ်ဢမ်ႇပႃးၸိူဝ်ႉပႅင်ႈ ဢၼ်ဢဝ်ၼမ်ႉမၼ်းသႂ်ႇလေႃး၊ ၶဝ်ႈမုၼ်းၶွပ်ႈဢၼ်ဢမ်ႇပႃးၸိူဝ်ႉပႅင်ႈ ဢၼ်ဢဝ်တင်းၼမ်ႉမၼ်းတႃး၊ ၶဝ်ႈမုၼ်းၶႅပ်းဢၼ်ဢဝ်ၽွင်ၶဝ်ႈမုၼ်း ဢၼ်ဢဝ်ၼမ်ႉမၼ်းသႂ်ႇလေႃးသေလႄႈ ႁဵတ်းလႄႈၶူဝ်ႈၼၼ်ႉၸိူဝ်းၼၼ်ႉ ပုၵ်ႈၸေႃႇလူၺ်ႈၵၼ်တင်းယိတ်ႈ ဢၼ်ႁပ်ႉတုင်းဢဝ်ၵျေးၸူးၸဝ်ႈၼၼ်ႉဢေႃႈ။- 13လိူဝ်သေၶဝ်ႈမုၼ်းၶႅပ်းၼၼ်ႉ၊ ၶဝ်ႈမုၼ်းဢၼ်ပႃးၸိူဝ်ႉပႅင်ႈၵေႃႈ တၵ်းလႆႈဢဝ်ပုၵ်ႈၸေႃႇလူၺ်ႈၵၼ်တင်းယိတ်ႈဢၼ် ႁပ်ႉတုင်းဢဝ်ၵျေးၸူးၸဝ်ႈ ဢၼ်ၸၢပ်ႈသႅင်ႇၵၼ်တင်း တၢင်းပုၵ်ႈၸေႃႇမိၵ်ႉသႃႇႁႃယႃႉၼၼ်ႉဢေႃႈ။- 14ၵႃႈၼႂ်းတၢင်းပုၵ်ႈၸေႃႇၵႃႈမီးတင်းသဵင်ႈတင်းလူင်ၼၼ်ႉ တၵ်းလႆႈဢဝ်ယေႈၶႅပ်းယေႈၶႅပ်းၵူႈဢၼ် ႁဵတ်းတၢင်းပုၵ်ႈၸေႃႇ ဢၼ်ယုၵ်ႉယွင်ႈလႄႈ ပဵၼ်ပုၼ်ႈယိတ်ႈပရေႃးႁဵၵ်ႈ ဢၼ်ဢဝ်လိူတ်ႈယိတ်ႈမိၵ်ႉသႃႇႁႃယႃႉ ၽႅတ်းၼၼ်ႉဢေႃႈ။- 15ၼိူဝ်ႉယိတ်ႈမိၵ်ႉသႃႇႁႃယႃႉဢၼ်ပုၵ်ႈၸေႃႇပုၼ်ႈဢၼ်တၵ်းႁပ်ႉတုင်းဢဝ်ၵျေးၸူးၸဝ်ႈၼၼ်ႉၸိုင်၊ တၵ်းလႆႈၵိၼ်ၼႂ်းဝၼ်းဢၼ်ပုၵ်ႈၸေႃႇၼၼ်ႉၵမ်းလဵဝ်ဢေႃႈ။ ဢမ်ႇလႆႈၵိုတ်းလႆႈၵျၢၼ်ႇဝႆႉတေႃႇထိုင်ႁွတ်ႈၶိင်ႇၵၢင်ၼႂ်။
16ၼွၵ်ႈသေၼႆႉ ပေႃးတၢင်းပုၵ်ႈၸေႃႇမၼ်းၼၼ်ႉ ပဵၼ်တၢင်းဢၼ်ႁဵတ်းၵတီႉသဵတ်ႈၸႃႇလႄႈ ပုၵ်ႈၸေႃႇယိတ်ႈ ဢမ်ႇၼၼ် ပဵၼ်တၢင်းဢၼ်ၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇလႄႈ ပုၵ်ႈၸေႃႇၼၼ်ႉၸိုင်၊ တၵ်းလႆႈၵိၼ်ၼႂ်းဝၼ်းဢၼ်ပုၵ်ႈၸေႃႇၼၼ်ႉၵမ်းလဵဝ်လႄႈ၊ ဢၼ်ၵိုတ်းဢၼ်ၵျၢၼ်ႇၵေႃႈ တၵ်းလႆႈၵိၼ်ဝၼ်းမိူဝ်ႈၽုၵ်ႈဢေႃႈ။- 17ၼိူဝ်ႉယိတ်ႈတၢင်းပုၵ်ႈၸေႃႇဢၼ်ယင်းၵိုတ်းယင်းၵျၢၼ်ႇၼၼ်ႉၵေႃႈ တၵ်းလႆႈဢဝ်တုတ်ႇၽႆးဝၼ်းမိူဝ်ႈႁိုဝ်းဢေႃႈ။- 18ပေႃးၵိၼ်မႅၼ်ႈၼိူဝ်ႉယိတ်ႈမိၵ်ႉသႃႇႁႃယႃႉဢိတ်းၼိုင်ႈ ၼႂ်းဝၼ်းမိူဝ်ႈႁိုဝ်းၼၼ်ႉၸိုင်၊ ဢမ်ႇထုၵ်ႇၵၼ်တင်းၸႂ်မၼ်းၸဝ်ႈ၊ ဢမ်ႇမၢတ်ႈပဵၼ်တၢင်းဢၼ်မီးဢၵျူဝ်းတီႈၵေႃႉဢၼ်ပုၵ်ႈၸေႃႇၼၼ်ႉ။ ပဵၼ်ဢၼ်လီႁင်ႈဢဵတ်ႇသဵတ်ႇဢေႃႈ။ ၵေႃႉဢၼ်ၵိၼ်ၼၼ်ႉ တၵ်းလႆႈၶၢမ်ႇဢပႅတ်ႈတူဝ်ၸဝ်ႈၵဝ်ႇဢေႃႈ။- 19ၼိူဝ်ႉယိတ်ႈဢၼ်တိူဝ်ႉထုၵ်ႇမႅၼ်ႈလွင်ႈတၢင်းဢၼ်ဢမ်ႇမူတ်းသႂ်သေၸိူဝ်ႉသေပိူင်ၼၼ်ႉၸိုင်၊ ဢမ်ႇလႆႈၵိၼ်၊ တၵ်းလႆႈဢဝ်တုတ်ႇၽႆးဢေႃႈ။ ၶဝ်ၸိူဝ်းဢၼ်မူတ်းသႂ်ၼၼ်ႉၵူၺ်း တၵ်းလႆႈၵိၼ်ၼိူဝ်ႉယိတ်ႈဢေႃႈ။- 20ၽူႈလႂ်သေဢမ်ႇဝႃႈ၊ ၵေႃႉဢၼ်ယင်းမီးတၢင်းဢၼ်ဢမ်ႇမူတ်းသႂ်ယူႇလႄႈ ၵိၼ်ၼိူဝ်ႉယိတ်ႈမိၵ်ႉသႃႇႁႃယႃႉ ဢၼ်ၸၢပ်ႈသႅင်ႇၵၼ်တင်းထႃႇဝရႃႉၽြႃးၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းဢၼ် ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ။- 21ၽူႈလႂ်သေဢမ်ႇဝႃႈ၊ ၵေႃႉဢၼ်တိူဝ်ႉထုၵ်ႇမႅၼ်ႈလွင်ႈတၢင်းဢၼ်ဢမ်ႇမူတ်းသႂ်သေၸိူဝ်ႉသေပိူင်ဢၼ်ဝႃႈ လွင်ႈတၢင်းဢၼ်ဢမ်ႇမူတ်းသႂ်ၵႃႈတီႈၵူၼ်း၊ တရိၵ်ႈသၢၼ်ႇဢၼ်ဢမ်ႇမူတ်းသႂ်၊ တူဝ်ဢၼ်လီႁင်ႈဢဵတ်ႇသဵတ်ႇ ဢၼ်ဢမ်ႇမူတ်းသႂ်ၼၼ်ႉလႄႈ ၵိၼ်ၼိူဝ်ႉယိတ်ႈမိၵ်ႉသႃႇႁႃယႃႉ ဢၼ်ၸၢပ်ႈသႅင်ႇၵၼ်တင်းထႃႇဝရႃႉၽြႃးၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းဢၼ် ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ၊ ဝႃႈၼင်ႇၼႆဢေႃႈ။- 22ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 23မႂ်းသင်ႇလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ သူဢမ်ႇလႆႈၵိၼ်ၵွၼ်ႈၶႆၵွၼ်ႈမၼ်းဝူဝ်း၊ သူဝ်း၊ ပႄႉလႃးလႃး။- 24ၵွၼ်ႈၶႆၵွၼ်ႈမၼ်းတရိၵ်ႈသၢၼ်ႇဢၼ်တၢႆၵူၺ်းမၼ်း၊ ၵွၼ်ႈၶႆၵွၼ်ႈမၼ်းတရိၵ်ႈသၢၼ်ႇဢၼ်တူဝ်ႁၢႆႉၶူပ်းလႄႈတၢႆၼၼ်ႉၸိုင်၊ ပိၵ်ႉသမ်ႉလႆႈဢဝ်သုင်းႁဵတ်းတၢင်ႇၸိူဝ်ႉတၢင်ႇပိူင်သေၵေႃႈ၊ ဢမ်ႇလႆႈၵိၼ်လႃးလႃး။- 25ၽူႈလႂ်သေဢမ်ႇဝႃႈ၊ ၵေႃႉဢၼ်ၵိၼ်ၵွၼ်ႈၶႆၵွၼ်ႈမၼ်းတရိၵ်ႈသၢၼ်ႇဢၼ်ဢဝ်တင်းၽႆးႁဵတ်းတၢင်းပုၵ်ႈၸေႃႇ တီႈထႃႇဝရႃႉၽြႃးၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းဢၼ် ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ။- 26သူဢမ်ႇလႆႈၵိၼ် ၸႃႉၸဵမ်လိူတ်ႈၼူၵ်ႉလႄႈလိူတ်ႈတရိၵ်ႈသၢၼ်ႇ လိူတ်ႈသေၸိူဝ်ႉသေမဵဝ်း ၵႃႈၼႂ်းတီႈၵႃႈဢၼ်သူယူႇသူသဝ်းၼၼ်ႉလႃးလႃး။- 27ၽူႈလႂ်သေဢမ်ႇဝႃႈ၊ၵေႃႉဢၼ်ၵိၼ်လိူတ်ႈသေၸိူဝ်ႉသေပိူင်ၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းဢၼ် ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။- 28ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 29မႂ်းသင်ႇလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ ၵေႃႉဢၼ်ပုၵ်ႈၸေႃႇယိတ်ႈမိၵ်ႉသႃႇႁႃယႃႉတီႈထႃႇဝရႃႉၽြႃးၼၼ်ႉ၊ တၵ်းလႆႈဢဝ်ပုၼ်ႈဢၼ်မၼ်းတၵ်းသၢၵ်ႈၵၢပ်ႈတီႈထႃႇဝရႃႉၽြႃးၼၼ်ႉ ၵႃႈၼႂ်းယိတ်ႈမိၵ်ႉသႃႇႁႃယႃႉ ဢၼ်မၼ်းပုၵ်ႈၸေႃႇၼၼ်ႉမႃးဢေႃႈ။- 30တူဝ်ၸဝ်ႈၵဝ်ႇတၵ်းလႆႈဢဝ်မိုဝ်းတူဝ်ၸဝ်ႈၵဝ်ႇ ဢဝ်ၶိူင်ႈပိူင်ဢၼ်ဢဝ်တင်းၽႆး ပုၵ်ႈၸေႃႇတီႈထႃႇဝရႃႉၽြႃးၼၼ်ႉမႃးဢေႃႈ။ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်းမၼ်း ဢိၵ်ႇတင်းဢူၵ်းမၼ်းမႃး ႁႂ်ႈလႆႈႁဵတ်းတၢင်း ပုၵ်ႈၸေႃႇဢၼ်ဢဝ်ဢူၵ်းမၼ်းယွင်ႈၵႂႆ ၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉလႄႈ ယွင်ႈၵႂႆဢေႃႈ။- 31ယိတ်ႈပရေႃးႁဵၵ်ႈတၵ်းလႆႈဢဝ်ၵွၼ်ႈၶႆၵွၼ်ႈမၼ်းၼၼ်ႉ တုတ်ႇၽႆးၵႃႈၼိူဝ်ယိတ်ႈပလၢင်ႇလႄႈ၊ ဢူၵ်းမၼ်းၼၼ်ႉ တၵ်းလႆႈပဵၼ်ပုၼ်ႈ ဢႃႇရုၼ်ႇတင်းလုၵ်ႈၸၢႆးမၼ်းတင်းလၢႆဢေႃႈ။- 32ၶႅပ်းၶႃၶွၼ်ၶႂႃမၼ်းၼၼ်ႉၸိုင်၊ သူတၵ်းလႆႈဢဝ်ၵႃႈၼႂ်းယိတ်ႈမိၵ်ႉသႃႇႁႃယႃႉၼၼ်ႉလႄႈ ပၼ်တီႈယိတ်ႈပရေႃးႁဵၵ်ႈ ပုၼ်ႈတၢင်းပုၵ်ႈၸေႃႇဢၼ်ယုၵ်ႉယွင်ႈဢေႃႈ။- 33ၼႂ်းလုၵ်ႈၸၢႆးဢႃႇရုၼ်ႇၸိူဝ်းၼၼ်ႉ ၵေႃႉဢၼ်ပုၵ်ႈၸေႃႇလိူတ်ႈတင်းၵွၼ်ႈၶႆၵွၼ်ႈမၼ်းယိတ်ႈမိၵ်ႉသႃႇႁႃယႃႉၼၼ်ႉ တၵ်းလႆႈဢဝ်ၶႅပ်းၶႃၶွၼ်ၶႂႃၼၼ်ႉပုၼ်ႈမၼ်းဢေႃႈ။- 34ဢူၵ်းဢၼ်ယွင်ႈၵႂႆတင်းၶႅပ်းၶႃ ဢၼ်ယုၵ်ႉယွင်ႈၼၼ်ႉၸိုင်၊ ၵဝ်ၼုၵ်ႈဢွၵ်ႇသေ ၵႃႈၼႂ်းယိတ်ႈမိၵ်ႉသႃႇႁႃယႃႉ ဢၼ်ၵူၼ်းမဵဝ်းဢီႉသရေႇလႃႉတင်းလၢႆႁဵတ်းၼၼ်ႉလႄႈ ဢဝ်တင်းပိင်းၺၢပ်ႈထႃႇဝရႃႉဢၢပ်ႈပၼ်တီႈယိတ်ႈပရေႃးႁဵၵ်ႈ ဢႃႇရုၼ်ႇတင်း လုၵ်ႈၸၢႆးမၼ်းၸိူဝ်းၼၼ်ႉ၊ ၵႃႈၼႂ်းၵူၼ်းမဵဝ်းဢီႉသရေႇလႃႉတင်းလၢႆယဝ်ႉ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
35ဢၼ်ၼႆႉၸမ်ႉ၊ ပဵၼ်ပုၼ်ႈဢၼ်ဢႃႇရုၼ်ႇဢိၵ်ႇတင်းလုၵ်ႈၸၢႆးမၼ်းတင်းလၢႆ တၵ်းလႆႈၶၢမ်ႇဢဝ်ၵႃႈၼႂ်းတၢင်းပုၵ်ႈၸေႃႇ ဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃး ၼႂ်းၶိင်ႇဝၼ်းဢၼ်မၼ်းၸဝ်ႈၶၢၼ်းၶဝ်ဝႆႉ ပုၼ်ႈလွင်ႈၼင်ႇႁိုဝ် ၶဝ်တၵ်းပွင်ႁဵတ်းဢမူႉ ယိတ်ႈပရေႃးႁဵၵ်ႈၵႃႈတီႈၽၢႆႇၼႃႈထႃႇဝရႃႉၽြႃး၊- 36ဢၼ်ထႃႇဝရႃႉၽြႃးသင်ႇလၢတ်ႈဝႆႉ ၼႂ်းဝၼ်းဢၼ်မၼ်းၸဝ်ႈပၼ်ၽိၵ်ႈသိၵ်ႈတီႈၶဝ်ၼၼ်ႉ ႁႂ်ႈၶဝ်လႆႈၶၢမ်ႇဢဝ် ၵႃႈၼႂ်းမိုဝ်းၵူၼ်းမဵဝ်းဢီႉသရေႇလႃႉတင်းလၢႆၼၼ်ႉဢေႃႈ။ ပဵၼ်ပိင်းၺၢပ်ႈဢၼ်တႃႇသေႇတီႈမဵဝ်းၸိူဝ်ႉၶိူဝ်းသိုပ်ႇသိုပ်ႇတၢမ်းတၢမ်းၼၼ်ႉဢေႃႈ။- 37ဢၼ်ၸိူဝ်းၼႆႉၸမ်ႉ၊ ပဵၼ်တြႃးယိတ်ႈဢၼ်တုတ်ႇၽႆး၊ တြႃးယိတ်ႈတင်းပုၵ်ႈၸေႃႇၽေႃးၸဵၼ်ႇ၊ တြႃးယိတ်ႈဢၼ်ၽေႇဢပႅတ်ႈ၊ တြႃးယိတ်ႈဢၼ်ၽေႇတူႉၸရိူၵ်ႈ၊ တြႃးယိတ်ႈဢၼ်ၶၢၼ်းဝႆႉၼႂ်းဢရႃႇ၊ တြႃးယိတ်ႈမိၵ်ႉသႃႇႁႃယႃႉ၊- 38ဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမူဝ်းသေႇ၊ ၵႃႈၼိူဝ်လွႆသီႉၼႃႉ ၼႂ်းၶိင်ႇဝၼ်းဢၼ်မၼ်းၸဝ်ႈသင်ႇလၢတ်ႈဝႆႉ တီႈၵူၼ်းမဵဝ်းဢီႉသရေႇလႃႉတင်းလၢႆ ႁႂ်ႈၶဝ်လႆႈႁဵတ်းယိတ်ႈတီႈထႃႇဝရႃႉၽြႃး ၵႃႈၼႂ်းထိူၼ်ႇသီႉၼႃႉၼၼ်ႉဢေႃႈ။
Currently Selected:
ႁဵတ်းဝၢတ်ႈ 7: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
ႁဵတ်းဝၢတ်ႈ 7
7
ယိတ်ႈဢၼ်ၽေႇတူႉၸရိူၵ်ႈ
1တြႃးတၢင်းဢၼ်ပုၵ်ႈၸေႃႇယိတ်ႈဢၼ်ၽေႇတူႉၸရိူၵ်ႈၸမ်ႉ၊ ပဵၼ်ဢၼ်မူတ်းၸၢင်ႇၼႃႇလူင်လၢင်ဢေႃႈ။- 2ၶဝ်တၵ်းလႆႈဢဝ်တူဝ်ယိတ်ႈဢၼ်ၽေႇတူႉၸရိူၵ်ႈတၢႆၵႃႈၼႂ်းတီႈဢၼ်ၶဝ်ဢဝ်တူဝ်ယိတ်ႈဢၼ်တုတ်ႇၽႆးၼၼ်ႉတၢႆလႄႈ၊ ဢဝ်လိူတ်ႈမၼ်းၽႅတ်းသႂ်ႇလဵပ်ႈႁွပ်ႈၵႃႈၼိူဝ်ယိတ်ႈပလၢင်ႇဢေႃႈ။- 3မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်း ၵႃႈဢၼ်မီးၵႃႈၼႂ်းတူဝ်ယိတ်ႈၼၼ်ႉ သၢၵ်ႈၵၢပ်ႈဢေႃႈ။ မၼ်းတၵ်းလႆႈဢဝ်ႁၢင်မၼ်း ဢိၵ်ႇတင်းၵွၼ်ႈၶႆၵွၼ်ႈမၼ်းဢၼ်ႁူမ်ႇသႆႈမၼ်း၊- 4မၢၵ်ႇလၼ်းသွင်ႁူၺ်ႇ တင်းၵွၼ်ႈၶႆၵွၼ်ႈမၼ်းမၢၵ်ႇလၼ်းဢၼ်မီးၵႃႈၼႂ်းႁိမ်းဢႅဝ်မၼ်း၊ ၽၢင်ႉၽၢပ်ႇဢၼ်မီးၵႃႈၼိူဝ်တပ်းမၼ်း ဢိၵ်ႇတင်းမၢၵ်ႇလၼ်းၼၼ်ႉၸိူဝ်းၼၼ်ႉ ဢွၵ်ႇလႄႈ၊- 5ယိတ်ႈပရေႃးႁဵၵ်ႈတၵ်းလႆႈဢဝ်တုတ်ႇၽႆးၵႃႈၼိူဝ်ယိတ်ႈပလၢင်ႇပုၼ်ႈတၢင်းပုၵ်ႈၸေႃႇ ဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးဢေႃႈ။ ပဵၼ်ယိတ်ႈဢၼ်ၽေႇတူႉၸရိူၵ်ႈဢေႃႈ။- 6ယိတ်ႈပရေႃးႁဵၵ်ႈၵူၼ်းၸၢႆးတၵ်းလႆႈဢွၼ်ၵၼ်ဢဝ်ၵႃႈၼႂ်းတူဝ်ယိတ်ႈၼၼ်ႉၵိၼ်ၵူႈၵေႃႉၵူႈၵူၼ်းဢေႃႈ။ တၵ်းလႆႈၵိၼ်ၵႃႈၼႂ်းထႃႇၼႃႉတီႈမူတ်းၸၢင်ႇၼၼ်ႉဢေႃႈ။ ပဵၼ်ဢၼ်မူတ်းၸၢင်ႇၼႃႇလူင်လၢင်ဢေႃႈ။- 7ယိတ်ႈဢၼ်ၽေႇတူႉၸရိူၵ်ႈပဵၼ်မိူၼ်ၸိူဝ်ႉၼင်ႇယိတ်ႈဢၼ်ၽေႇဢပႅတ်ႈလႄႈ မီးတြႃးပႃးလဵဝ်ၵူၺ်းဢေႃႈ။ ယိတ်ႈပရေႃးႁဵၵ်ႈဢၼ်ႁဵတ်းတၢင်းဢၼ်ၽေႇဢပႅတ်ႈတူႉၸရိူၵ်ႈၼၼ်ႉ တၵ်းလႆႈဢဝ်ဢေႃႈ။- 8ယိတ်ႈပရေႃးႁဵၵ်ႈဢၼ်ဢဝ်ယိတ်ႈဢၼ်တုတ်ႇၽႆးဢၼ်သေၵေႃႉသေၵူၼ်းႁဵတ်းၼၼ်ႉပုၵ်ႈၸေႃႇၼၼ်ႉ တၵ်းလႆႈဢဝ်ၼင်တူဝ်ယိတ်ႈဢၼ်မၼ်းပုၵ်ႈၸေႃႇၼၼ်ႉ ပုၼ်ႈမၼ်းဢေႃႈ။- 9တၢင်းပုၵ်ႈၸေႃႇၽေႃးၸဵၼ်ႇ ဢၼ်ၶူဝ်ႈႁႅင်ႈၵႃႈၼိူဝ်ၽီးၽႆး၊ ၶိူင်ႈပိူင်ဢၼ်ဢဝ်တင်းမိူင်ႈတင်းၶႅပ်းလဵၵ်းႁဵတ်းၼၼ်ႉၵႃႈမီးၼၼ်ႉၸိုင်၊ ယိတ်ႈပရေႃးႁဵၵ်ႈဢၼ်ဢဝ်ပုၵ်ႈၸေႃႇၼၼ်ႉ တၵ်းလႆႈဢဝ်ဢေႃႈ။- 10တၢင်းပုၵ်ႈၸေႃႇၽေႃးၸဵၼ်ႇ ဢၼ်ဢဝ်ၼမ်ႉမၼ်းသႂ်ႇလေႃးသေဢမ်ႇဝႃႈ၊ ဢၼ်ဢမ်ႇသႂ်ႇလေႃးသေဢမ်ႇဝႃႈ၊ ၵႃႈမီးၼၼ်ႉၸိုင်၊ လုၵ်ႈၸၢႆးဢႃႇရုၼ်ႇတင်းသဵင်ႈတင်းလူင် တၵ်းလႆႈဢဝ်ပဵင်းပဵင်းၵၼ်ဢေႃႈ။
ယိတ်ႈမိၵ်ႉသႃႇႁႃယႃႉ
11တြႃးတၢင်းဢၼ်ပုၵ်ႈၸေႃႇယိတ်ႈမိၵ်ႉသႃႇႁႃယႃႉ ဢၼ်တၵ်းလႆႈႁဵတ်းတီႈထႃႇဝရႃႉၽြႃးၼၼ်ႉၸမ်ႉ၊- 12ပေႃးပုၵ်ႈၸေႃႇပုၼ်ႈဢၼ်တၵ်းႁပ်ႉတုင်းဢဝ်ၵျေးၸူးၸဝ်ႈၸိုင်၊ တၵ်းလႆႈဢဝ်ၶဝ်ႈမုၼ်းၶႅပ်းဢၼ်ဢမ်ႇပႃးၸိူဝ်ႉပႅင်ႈ ဢၼ်ဢဝ်ၼမ်ႉမၼ်းသႂ်ႇလေႃး၊ ၶဝ်ႈမုၼ်းၶွပ်ႈဢၼ်ဢမ်ႇပႃးၸိူဝ်ႉပႅင်ႈ ဢၼ်ဢဝ်တင်းၼမ်ႉမၼ်းတႃး၊ ၶဝ်ႈမုၼ်းၶႅပ်းဢၼ်ဢဝ်ၽွင်ၶဝ်ႈမုၼ်း ဢၼ်ဢဝ်ၼမ်ႉမၼ်းသႂ်ႇလေႃးသေလႄႈ ႁဵတ်းလႄႈၶူဝ်ႈၼၼ်ႉၸိူဝ်းၼၼ်ႉ ပုၵ်ႈၸေႃႇလူၺ်ႈၵၼ်တင်းယိတ်ႈ ဢၼ်ႁပ်ႉတုင်းဢဝ်ၵျေးၸူးၸဝ်ႈၼၼ်ႉဢေႃႈ။- 13လိူဝ်သေၶဝ်ႈမုၼ်းၶႅပ်းၼၼ်ႉ၊ ၶဝ်ႈမုၼ်းဢၼ်ပႃးၸိူဝ်ႉပႅင်ႈၵေႃႈ တၵ်းလႆႈဢဝ်ပုၵ်ႈၸေႃႇလူၺ်ႈၵၼ်တင်းယိတ်ႈဢၼ် ႁပ်ႉတုင်းဢဝ်ၵျေးၸူးၸဝ်ႈ ဢၼ်ၸၢပ်ႈသႅင်ႇၵၼ်တင်း တၢင်းပုၵ်ႈၸေႃႇမိၵ်ႉသႃႇႁႃယႃႉၼၼ်ႉဢေႃႈ။- 14ၵႃႈၼႂ်းတၢင်းပုၵ်ႈၸေႃႇၵႃႈမီးတင်းသဵင်ႈတင်းလူင်ၼၼ်ႉ တၵ်းလႆႈဢဝ်ယေႈၶႅပ်းယေႈၶႅပ်းၵူႈဢၼ် ႁဵတ်းတၢင်းပုၵ်ႈၸေႃႇ ဢၼ်ယုၵ်ႉယွင်ႈလႄႈ ပဵၼ်ပုၼ်ႈယိတ်ႈပရေႃးႁဵၵ်ႈ ဢၼ်ဢဝ်လိူတ်ႈယိတ်ႈမိၵ်ႉသႃႇႁႃယႃႉ ၽႅတ်းၼၼ်ႉဢေႃႈ။- 15ၼိူဝ်ႉယိတ်ႈမိၵ်ႉသႃႇႁႃယႃႉဢၼ်ပုၵ်ႈၸေႃႇပုၼ်ႈဢၼ်တၵ်းႁပ်ႉတုင်းဢဝ်ၵျေးၸူးၸဝ်ႈၼၼ်ႉၸိုင်၊ တၵ်းလႆႈၵိၼ်ၼႂ်းဝၼ်းဢၼ်ပုၵ်ႈၸေႃႇၼၼ်ႉၵမ်းလဵဝ်ဢေႃႈ။ ဢမ်ႇလႆႈၵိုတ်းလႆႈၵျၢၼ်ႇဝႆႉတေႃႇထိုင်ႁွတ်ႈၶိင်ႇၵၢင်ၼႂ်။
16ၼွၵ်ႈသေၼႆႉ ပေႃးတၢင်းပုၵ်ႈၸေႃႇမၼ်းၼၼ်ႉ ပဵၼ်တၢင်းဢၼ်ႁဵတ်းၵတီႉသဵတ်ႈၸႃႇလႄႈ ပုၵ်ႈၸေႃႇယိတ်ႈ ဢမ်ႇၼၼ် ပဵၼ်တၢင်းဢၼ်ၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇလႄႈ ပုၵ်ႈၸေႃႇၼၼ်ႉၸိုင်၊ တၵ်းလႆႈၵိၼ်ၼႂ်းဝၼ်းဢၼ်ပုၵ်ႈၸေႃႇၼၼ်ႉၵမ်းလဵဝ်လႄႈ၊ ဢၼ်ၵိုတ်းဢၼ်ၵျၢၼ်ႇၵေႃႈ တၵ်းလႆႈၵိၼ်ဝၼ်းမိူဝ်ႈၽုၵ်ႈဢေႃႈ။- 17ၼိူဝ်ႉယိတ်ႈတၢင်းပုၵ်ႈၸေႃႇဢၼ်ယင်းၵိုတ်းယင်းၵျၢၼ်ႇၼၼ်ႉၵေႃႈ တၵ်းလႆႈဢဝ်တုတ်ႇၽႆးဝၼ်းမိူဝ်ႈႁိုဝ်းဢေႃႈ။- 18ပေႃးၵိၼ်မႅၼ်ႈၼိူဝ်ႉယိတ်ႈမိၵ်ႉသႃႇႁႃယႃႉဢိတ်းၼိုင်ႈ ၼႂ်းဝၼ်းမိူဝ်ႈႁိုဝ်းၼၼ်ႉၸိုင်၊ ဢမ်ႇထုၵ်ႇၵၼ်တင်းၸႂ်မၼ်းၸဝ်ႈ၊ ဢမ်ႇမၢတ်ႈပဵၼ်တၢင်းဢၼ်မီးဢၵျူဝ်းတီႈၵေႃႉဢၼ်ပုၵ်ႈၸေႃႇၼၼ်ႉ။ ပဵၼ်ဢၼ်လီႁင်ႈဢဵတ်ႇသဵတ်ႇဢေႃႈ။ ၵေႃႉဢၼ်ၵိၼ်ၼၼ်ႉ တၵ်းလႆႈၶၢမ်ႇဢပႅတ်ႈတူဝ်ၸဝ်ႈၵဝ်ႇဢေႃႈ။- 19ၼိူဝ်ႉယိတ်ႈဢၼ်တိူဝ်ႉထုၵ်ႇမႅၼ်ႈလွင်ႈတၢင်းဢၼ်ဢမ်ႇမူတ်းသႂ်သေၸိူဝ်ႉသေပိူင်ၼၼ်ႉၸိုင်၊ ဢမ်ႇလႆႈၵိၼ်၊ တၵ်းလႆႈဢဝ်တုတ်ႇၽႆးဢေႃႈ။ ၶဝ်ၸိူဝ်းဢၼ်မူတ်းသႂ်ၼၼ်ႉၵူၺ်း တၵ်းလႆႈၵိၼ်ၼိူဝ်ႉယိတ်ႈဢေႃႈ။- 20ၽူႈလႂ်သေဢမ်ႇဝႃႈ၊ ၵေႃႉဢၼ်ယင်းမီးတၢင်းဢၼ်ဢမ်ႇမူတ်းသႂ်ယူႇလႄႈ ၵိၼ်ၼိူဝ်ႉယိတ်ႈမိၵ်ႉသႃႇႁႃယႃႉ ဢၼ်ၸၢပ်ႈသႅင်ႇၵၼ်တင်းထႃႇဝရႃႉၽြႃးၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းဢၼ် ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ။- 21ၽူႈလႂ်သေဢမ်ႇဝႃႈ၊ ၵေႃႉဢၼ်တိူဝ်ႉထုၵ်ႇမႅၼ်ႈလွင်ႈတၢင်းဢၼ်ဢမ်ႇမူတ်းသႂ်သေၸိူဝ်ႉသေပိူင်ဢၼ်ဝႃႈ လွင်ႈတၢင်းဢၼ်ဢမ်ႇမူတ်းသႂ်ၵႃႈတီႈၵူၼ်း၊ တရိၵ်ႈသၢၼ်ႇဢၼ်ဢမ်ႇမူတ်းသႂ်၊ တူဝ်ဢၼ်လီႁင်ႈဢဵတ်ႇသဵတ်ႇ ဢၼ်ဢမ်ႇမူတ်းသႂ်ၼၼ်ႉလႄႈ ၵိၼ်ၼိူဝ်ႉယိတ်ႈမိၵ်ႉသႃႇႁႃယႃႉ ဢၼ်ၸၢပ်ႈသႅင်ႇၵၼ်တင်းထႃႇဝရႃႉၽြႃးၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းဢၼ် ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ၊ ဝႃႈၼင်ႇၼႆဢေႃႈ။- 22ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 23မႂ်းသင်ႇလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ သူဢမ်ႇလႆႈၵိၼ်ၵွၼ်ႈၶႆၵွၼ်ႈမၼ်းဝူဝ်း၊ သူဝ်း၊ ပႄႉလႃးလႃး။- 24ၵွၼ်ႈၶႆၵွၼ်ႈမၼ်းတရိၵ်ႈသၢၼ်ႇဢၼ်တၢႆၵူၺ်းမၼ်း၊ ၵွၼ်ႈၶႆၵွၼ်ႈမၼ်းတရိၵ်ႈသၢၼ်ႇဢၼ်တူဝ်ႁၢႆႉၶူပ်းလႄႈတၢႆၼၼ်ႉၸိုင်၊ ပိၵ်ႉသမ်ႉလႆႈဢဝ်သုင်းႁဵတ်းတၢင်ႇၸိူဝ်ႉတၢင်ႇပိူင်သေၵေႃႈ၊ ဢမ်ႇလႆႈၵိၼ်လႃးလႃး။- 25ၽူႈလႂ်သေဢမ်ႇဝႃႈ၊ ၵေႃႉဢၼ်ၵိၼ်ၵွၼ်ႈၶႆၵွၼ်ႈမၼ်းတရိၵ်ႈသၢၼ်ႇဢၼ်ဢဝ်တင်းၽႆးႁဵတ်းတၢင်းပုၵ်ႈၸေႃႇ တီႈထႃႇဝရႃႉၽြႃးၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းဢၼ် ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ။- 26သူဢမ်ႇလႆႈၵိၼ် ၸႃႉၸဵမ်လိူတ်ႈၼူၵ်ႉလႄႈလိူတ်ႈတရိၵ်ႈသၢၼ်ႇ လိူတ်ႈသေၸိူဝ်ႉသေမဵဝ်း ၵႃႈၼႂ်းတီႈၵႃႈဢၼ်သူယူႇသူသဝ်းၼၼ်ႉလႃးလႃး။- 27ၽူႈလႂ်သေဢမ်ႇဝႃႈ၊ၵေႃႉဢၼ်ၵိၼ်လိူတ်ႈသေၸိူဝ်ႉသေပိူင်ၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းဢၼ် ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။- 28ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 29မႂ်းသင်ႇလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ ၵေႃႉဢၼ်ပုၵ်ႈၸေႃႇယိတ်ႈမိၵ်ႉသႃႇႁႃယႃႉတီႈထႃႇဝရႃႉၽြႃးၼၼ်ႉ၊ တၵ်းလႆႈဢဝ်ပုၼ်ႈဢၼ်မၼ်းတၵ်းသၢၵ်ႈၵၢပ်ႈတီႈထႃႇဝရႃႉၽြႃးၼၼ်ႉ ၵႃႈၼႂ်းယိတ်ႈမိၵ်ႉသႃႇႁႃယႃႉ ဢၼ်မၼ်းပုၵ်ႈၸေႃႇၼၼ်ႉမႃးဢေႃႈ။- 30တူဝ်ၸဝ်ႈၵဝ်ႇတၵ်းလႆႈဢဝ်မိုဝ်းတူဝ်ၸဝ်ႈၵဝ်ႇ ဢဝ်ၶိူင်ႈပိူင်ဢၼ်ဢဝ်တင်းၽႆး ပုၵ်ႈၸေႃႇတီႈထႃႇဝရႃႉၽြႃးၼၼ်ႉမႃးဢေႃႈ။ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်းမၼ်း ဢိၵ်ႇတင်းဢူၵ်းမၼ်းမႃး ႁႂ်ႈလႆႈႁဵတ်းတၢင်း ပုၵ်ႈၸေႃႇဢၼ်ဢဝ်ဢူၵ်းမၼ်းယွင်ႈၵႂႆ ၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉလႄႈ ယွင်ႈၵႂႆဢေႃႈ။- 31ယိတ်ႈပရေႃးႁဵၵ်ႈတၵ်းလႆႈဢဝ်ၵွၼ်ႈၶႆၵွၼ်ႈမၼ်းၼၼ်ႉ တုတ်ႇၽႆးၵႃႈၼိူဝ်ယိတ်ႈပလၢင်ႇလႄႈ၊ ဢူၵ်းမၼ်းၼၼ်ႉ တၵ်းလႆႈပဵၼ်ပုၼ်ႈ ဢႃႇရုၼ်ႇတင်းလုၵ်ႈၸၢႆးမၼ်းတင်းလၢႆဢေႃႈ။- 32ၶႅပ်းၶႃၶွၼ်ၶႂႃမၼ်းၼၼ်ႉၸိုင်၊ သူတၵ်းလႆႈဢဝ်ၵႃႈၼႂ်းယိတ်ႈမိၵ်ႉသႃႇႁႃယႃႉၼၼ်ႉလႄႈ ပၼ်တီႈယိတ်ႈပရေႃးႁဵၵ်ႈ ပုၼ်ႈတၢင်းပုၵ်ႈၸေႃႇဢၼ်ယုၵ်ႉယွင်ႈဢေႃႈ။- 33ၼႂ်းလုၵ်ႈၸၢႆးဢႃႇရုၼ်ႇၸိူဝ်းၼၼ်ႉ ၵေႃႉဢၼ်ပုၵ်ႈၸေႃႇလိူတ်ႈတင်းၵွၼ်ႈၶႆၵွၼ်ႈမၼ်းယိတ်ႈမိၵ်ႉသႃႇႁႃယႃႉၼၼ်ႉ တၵ်းလႆႈဢဝ်ၶႅပ်းၶႃၶွၼ်ၶႂႃၼၼ်ႉပုၼ်ႈမၼ်းဢေႃႈ။- 34ဢူၵ်းဢၼ်ယွင်ႈၵႂႆတင်းၶႅပ်းၶႃ ဢၼ်ယုၵ်ႉယွင်ႈၼၼ်ႉၸိုင်၊ ၵဝ်ၼုၵ်ႈဢွၵ်ႇသေ ၵႃႈၼႂ်းယိတ်ႈမိၵ်ႉသႃႇႁႃယႃႉ ဢၼ်ၵူၼ်းမဵဝ်းဢီႉသရေႇလႃႉတင်းလၢႆႁဵတ်းၼၼ်ႉလႄႈ ဢဝ်တင်းပိင်းၺၢပ်ႈထႃႇဝရႃႉဢၢပ်ႈပၼ်တီႈယိတ်ႈပရေႃးႁဵၵ်ႈ ဢႃႇရုၼ်ႇတင်း လုၵ်ႈၸၢႆးမၼ်းၸိူဝ်းၼၼ်ႉ၊ ၵႃႈၼႂ်းၵူၼ်းမဵဝ်းဢီႉသရေႇလႃႉတင်းလၢႆယဝ်ႉ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
35ဢၼ်ၼႆႉၸမ်ႉ၊ ပဵၼ်ပုၼ်ႈဢၼ်ဢႃႇရုၼ်ႇဢိၵ်ႇတင်းလုၵ်ႈၸၢႆးမၼ်းတင်းလၢႆ တၵ်းလႆႈၶၢမ်ႇဢဝ်ၵႃႈၼႂ်းတၢင်းပုၵ်ႈၸေႃႇ ဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃး ၼႂ်းၶိင်ႇဝၼ်းဢၼ်မၼ်းၸဝ်ႈၶၢၼ်းၶဝ်ဝႆႉ ပုၼ်ႈလွင်ႈၼင်ႇႁိုဝ် ၶဝ်တၵ်းပွင်ႁဵတ်းဢမူႉ ယိတ်ႈပရေႃးႁဵၵ်ႈၵႃႈတီႈၽၢႆႇၼႃႈထႃႇဝရႃႉၽြႃး၊- 36ဢၼ်ထႃႇဝရႃႉၽြႃးသင်ႇလၢတ်ႈဝႆႉ ၼႂ်းဝၼ်းဢၼ်မၼ်းၸဝ်ႈပၼ်ၽိၵ်ႈသိၵ်ႈတီႈၶဝ်ၼၼ်ႉ ႁႂ်ႈၶဝ်လႆႈၶၢမ်ႇဢဝ် ၵႃႈၼႂ်းမိုဝ်းၵူၼ်းမဵဝ်းဢီႉသရေႇလႃႉတင်းလၢႆၼၼ်ႉဢေႃႈ။ ပဵၼ်ပိင်းၺၢပ်ႈဢၼ်တႃႇသေႇတီႈမဵဝ်းၸိူဝ်ႉၶိူဝ်းသိုပ်ႇသိုပ်ႇတၢမ်းတၢမ်းၼၼ်ႉဢေႃႈ။- 37ဢၼ်ၸိူဝ်းၼႆႉၸမ်ႉ၊ ပဵၼ်တြႃးယိတ်ႈဢၼ်တုတ်ႇၽႆး၊ တြႃးယိတ်ႈတင်းပုၵ်ႈၸေႃႇၽေႃးၸဵၼ်ႇ၊ တြႃးယိတ်ႈဢၼ်ၽေႇဢပႅတ်ႈ၊ တြႃးယိတ်ႈဢၼ်ၽေႇတူႉၸရိူၵ်ႈ၊ တြႃးယိတ်ႈဢၼ်ၶၢၼ်းဝႆႉၼႂ်းဢရႃႇ၊ တြႃးယိတ်ႈမိၵ်ႉသႃႇႁႃယႃႉ၊- 38ဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမူဝ်းသေႇ၊ ၵႃႈၼိူဝ်လွႆသီႉၼႃႉ ၼႂ်းၶိင်ႇဝၼ်းဢၼ်မၼ်းၸဝ်ႈသင်ႇလၢတ်ႈဝႆႉ တီႈၵူၼ်းမဵဝ်းဢီႉသရေႇလႃႉတင်းလၢႆ ႁႂ်ႈၶဝ်လႆႈႁဵတ်းယိတ်ႈတီႈထႃႇဝရႃႉၽြႃး ၵႃႈၼႂ်းထိူၼ်ႇသီႉၼႃႉၼၼ်ႉဢေႃႈ။
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship